24 მაისს, 14:00 საათზე, თსუ მაღლივი კორპუსის 206-ე აუდიტორიაში გაიმართება სტუდენტების შეხვედრა კომპანია Evolution Gaming-ის წარმომადგენლებთან.
Evolution Gaming შვედური კომპანიაა, რომელიც კლიენტებს Live გადაწყვეტილებებს და პროდუქტებს სთავაზობს. ორგანიზაციას 11 წლიანი ისტორია აქვს და მსოფლიოს 12 ქვეყანაში ოპერირებს, მათ შორის არის კანადა, დიდი ბრიტანეთი, მალტა, იტალია, ესპანეთი, ლატვია და სხვა.
სხვადასხვა ვაკანსიებთან ერთად, Evolution Georgia-ს აქვს ვაკანსიები, რომლებიც მოქნილი გრაფიკის გამო განსაკუთრებულად მოსახერხებელია სტუდენტებისთვის. ასევე არსებობს ნახევარგანაკვეთიანი სამუშაო გრაფიკებიც. რიგ ვაკანსიებზე კი ერთადერთი მოთხოვნა ინგლისური ენის გამართულად ცოდნაა, დანარჩენს ადგილზე ვასწავლით ტრენინგების საშუალებით. კომპანიაში არის დაწინაურებისა და განვითარების ბევრი გზა, როგორც საქართველოში ასევე ოპერირებულ სხვა ქვეყნებშიც. ამჟამად საქართველოს ოფისი აქტიურ სამშენებლო ფაზაშია, თუმცა ძალიან მალე იარსებებს ულამაზესი სასადილო, გამწვანებული ოფისი, უფასო სატრენაჟორო დარბაზი თანამშრომლებისთვის და სხვა.
შეხვედრაზე მოსულ სტუდენტებს Evolution Gaming-ის უცხოელი თანამშრომელი მიაწოდებს ინფორმაციას კომპანიის ისტორიის, არსებული ვაკანსიების, განვითარების შესაძლებლობების შესახებ. დაინტერესებულს სტუდენტებს ადგილზევე ექნებათ შესაძლებლობა შეავსონ აპლიკაცია და გახდნენ ევოლუშენის გუნდის წევრი.
