MyQ.ge – არის ინოვაციური ადამიანების მიერ შექმნილი WEB პლატფორმა, რომლის მიზანია ხელი შეუწყოს დასაქმებას მთელი ქვეყნის მასშტაბით და თითოეულ ჩვენგანს მისცეს კომფორტული საშუალება, მარტივად გამოავლინოს თავისი ნიჭი, ცოდნა და უნარები.
17 მაისს, 13:00 საათზე, თსუ-ის მაღლივი კორპუსის 206-ე აუდიტორიაში გაიმართება MyQ.ge - ს პრეზენტაცია ეკონომიკისა და ბიზნესის ფაკულტეტის სტუდენტებისათვის.
სამწუხაროდ დამსაქმებლები ხშირად ვერ ამჩნევენ ჩვენს რეალურ ცოდნას, უნარებსა და შესაძლებლობებს. ამიტომაც, შეიქმნა უნივერსალური სისტემა MyQ.ge, რომელიც საშუალებას იძლევა ძალიან მარტივად და რაც მთავარია, უფასოდ წარვუდგინოთ ჩვენი რეალური შესაძლებლობები ქვეყნის უმსხვილეს დამსაქმებლებს.
MyQ.ge -ის ტესტები, თამაშები და ფორმულები ორიგინალურად გაზომავს ჩვენი მეხსიერების სიძლიერეს, სისწრაფეს, კონცენტრაციას, ლოგიკურ და მათემატიკურ აზროვნებას, უცხო ენისა და საოფისე პროგრამების ფლობას და სწრაფად და მარტივად მიაწვდის ამ ინფორმაციას ჩვენთვის სასურველ კომპანიებს.
ღონისძიებაზე დასწრება თავისუფალია!
