საქართველოს ფინანსთა სამინისტროს აკადემია, თსუ ეკონომიკისა და ბიზნესის ფაკულტეტის მეოთხე კურსის სტუდენტებს აძლევს შესაძლებლობას უსასყიდლოდ გაიარონ სასწავლო კურსი: „ფინანსების მართვის პრინციპები კერძო კომპანიებში“ და მიიღონ შესაბამისი სერტიფიკატები.
აღნიშნულ კურსებზე მოსახვედრად, სტუდენტების შერჩევის მიზნით, საქართველოს ფინანსთა სამინისტროს აკადემია აცხადებს სტუდენტურ კონკურსს.
8 ოქტომბერს, 14:00-საათზე, თსუ მაღლივი კორპუსის 206-ე აუდოტორიაში გაიმართება შეხვედრა დაინტერესებულ სტუდენტებთან, სადაც კონკურსის პირობებისა და კურსების თემატიკის, განრიგისა და პირობების შესახებ ფინანსთა სამინისტროს აკადემიის წარმომადგენლები გამართავენ პრეზენტაციას.
დასწრება თავისუფალია!
