ივანე ჯავახიშვილის სახელობის თბილისის სახელმწიფო უნივერსიტეტის პროფესორების ხელმძღვანელობით საქართველოს მოსწავლეთა ნაკრებმა დიდ წარმატებას მიაღწია მათემატიკის 58-ე საერთაშორისო ოლიმპიადაზე რიო-დე-ჟანეიროში.
გუნდის ექვსივე წევრმა შეძლო მედლის აღება და გუნდურ ჩათვლაში მე-12 ადგილი დაიკავა 111 ქვეყანას შორის.
გუნდს ხელმძღვანელობდნენ თსუ-ს ზუსტ და საბუნებისმეტყველო მეცნიერებათა ფაკულტეტის მათემატიკის დეპარტამენტის პროფესორები გიორგი ჭელიძე, გივი ნადიბაიძე და უშანგი გოგინავა.
