საჯარო სამსახურის ბიუროს მონიჭებული პერსონალური კოდის მისაღებად მიაკითხეთ სტუდენტთა კარიერული განვითრების ცენტრს: თსუ II კორპუსი, #246 ოთახი (მარჯვნივ, მეორე სართული, ქიმიის დიდი აუდიტორიის გვერდით).
კოდების გაცემა დაიწყება ორშაბათს, 15 სექტემბერს, 10:00 საათიდან 18:00 საათამდე. კოდის წასაღებად უნდა იქონიოთ პირადობის მოწმობა ან პირადობის დამადასტურებელი სხვა დოკუმენტი, რომელზეც დაფიქსირებულია პირადი ნომერი.
ინდივიდუალური კოდის საშუალებით შეძლებთ სისტემაში შესვლას საიტზე: http://stajireba.gov.ge და თქვენთვის სასურველი დაწესებულების არჩევას. საიტზე რეგისტრაცია იწყება ორშაბათს, 15 სექტემბერს და გაგრძელდება 25 სექტემბრამდე.
ყველა დარეგისტრირებულ სტუდენტს მიეცემა სტაჟირების გავლის საშუალება, მაგრამ უნდა გაითვალისწინოთ, რომ დაწესებულებებში ადგილები შეზღუდულია და მით მეტი შანსი გექნებათ, მოხვდეთ თქვენთვის სასურველ დაწესებულებაში, რაც უფრო ადრე დარეგისტრირდებით. საიტზე დარეგისტრირება არ კმარა სტაჟირების გასავლელად. დარეგისტრირებიდან 10 დღის ვადაში უნდა გამოცხადდეთ არჩეულ დაწესებულებაში პირადობის მოწმობით და გაიაროთ რეგისტრაცია უშუალოდ დამსაქმებელთან.
"საჯარო დაწესებულებაში სტაჟირების გავლის წესისა და პირობების შესახებ" სახელმწიფო პროგრამის დამტკიცების თაობაზე საქართველოს მთავრობის დადგენილება N 410
გისურვებთ წარმატებებს!
