გამოცდების ეროვნული ცენტრი ზოგადი უნარების ტესტების გამოცდის მიზნით აწყობს საცდელ ტესტირებას მოხალისე პირველკურსელი სტუდენტების მონაწილეობით. საცდელი გამოცდის მიზანია, რომ დაიტესტოს ზოგადი უნარების ახალი ტესტების ტიპიური ნიმუშები, რომლებიც შემდგომში გამოყენებული იქნება სხვადასხვა ოფიციალური გამოცდების დროს.
პირველკურსელების მონაწილეობა აღნიშნულ ტესტებში ნებაყოფლობითია, თუმცა ძალიან საინტერესო გამოცდილების მიღება იქნება მათთვის, ვისაც სურს:
1. განაცხადოს გრანტის გაუმჯობესების პრეტენზიის შესახებ;
2. ბაკალავრიატის დამთავრების შემდეგ სწავლა განაგრძოს მაგისტრატურაში.
ასეთ შემთხვევებში ტესტირებაში მონაწილე პირველკურსელი უშუალოდ გაეცნობა და პირადად მოსინჯავს ძალებს ზუსტად საგამოცდო ტიპიური ნიმუშების მიხედვით, რომელიც შეხვდება გრანტის გაუმჯობესების ტესტირებაზე ან სამაგისტრო მისაღებ გამოცდებზე ზოგად უნარებში.
ტესტი ჩატარდება თსუ ეკონომიკისა და ბიზნესის ფაკულტეტზე 2016 წლის 23 დეკემბერს, 13:00 საათზე, თსუ მაღლივი კორპუსის 208-ე აუდიტორიაში. ტესტის ხანგრძლივობა ერთი საათია.
ველით ყველა დაინტერესებულ პირველკურსელ სტუდენტს.
