წიგნები
 |
ავტორი: მიგელ დე უნამუნო
სათაური: ბურუსი, სიყვარული და პედაგოგიკა
გამომცემლობა: პალიტრა L
გამოშვების წელი: 2018
მეოცე საუკუნის დიდი ესპანელი მწერლის, ესსეისტის, დრამატურგის და ფილოსოფოსის მიგელ დე უნამუნოს ორი შედევრი.
|
 |
ავტორი:
სათაური: სპარტაკი
გამომცემლობა: პალიტრა L
გამოშვების წელი: 2018
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი:
სათაური: ჩინგიზ-ყაენი
გამომცემლობა: პალიტრა L
გამოშვების წელი: 2018
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი:
სათაური: ჯონ კენედი
გამომცემლობა: პალიტრა L
გამოშვების წელი: 2019
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი:
სათაური: კლეოპატრა
გამომცემლობა: პალიტრა L
გამოშვების წელი: 2017
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი: ბრაიან თრეისი
სათაური: აკოცე ბაყაყს
გამომცემლობა: პალიტრა L
გამოშვების წელი: 2018
ბესტსელერების ავტორის, შესანიშნავი ორატორის, ბრაიან თრეისისა და მისი ქალიშვილის, თერაპევტ ქრისტინა თრეისი-შტეინის წინამდებარე წიგნი გთავაზობთ პრაქტიკულ, აპრობირებულ სტრატეგიას. ავტორები ნაბიჯ-ნაბიჯ წარმოგიდგენენ გეგმას, რომელიც დაგეხმარებათ მენტალურ დაბრკოლებებად გადაქცეული წინააღმდეგობების დაძლევაში და გასწავლით, როგორ შეგიძლიათ მათი გამოყენება საკუთარი პოტენციალის სრულად გამოსავლენად.
|
 |
ავტორი:
სათაური: ილონ მასკი
გამომცემლობა: პალიტრა L
გამოშვების წელი: 2019
„SpaceX-ი ის კომპანიაა, რომელიც ადამიანებს სხვა პლანეტაზე გადაიყვანს. ეს გახლავთ ჩემი ცხოვრების უდიდესი მიზანი და მართალია გზადაგზა არც მიწიერი ამბები უნდა დავივიწყოთ, მაინც ღრმად მწამს,რომ საკუთარი წმინდა გრაალი ნებისმიერ ადამიანს უნდა ჰქონდეს. თითოეულმა სწორედ მისი პოვნა უნდა აქციოს მთავარ მიზნად და საამისოდ ძალ-ღონე არ უნდა დაიშუროს, რადგან სწორედ საკუთარი გრაალისკენ სწრაფვა შთააგონებს ადამიანს, ალამაზებს მის ცხოვრებას და უდიდესი სარგებელიც მოაქვს.“- ილონ მასკი
|
 |
ავტორი: თეა ინასაროძე
სათაური: გათხოვილის დღიური
გამომცემლობა: პალიტრა L
გამოშვების წელი: 2017
|
 |
ავტორი:
სათაური: ჯორჯ ვაშინგტონი
გამომცემლობა: პალიტრა L
გამოშვების წელი: 2017
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი:
სათაური: ზიგმუნდ ფროიდი
გამომცემლობა: პალიტრა L
გამოშვების წელი: 2018
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი:
სათაური: დედა ტერეზა
გამომცემლობა: პალიტრა L
გამოშვების წელი: 2018
სერიაში თავმოყრილია იმ ცნობილი ადამიანების ბიოგრაფიები, რომელთაც ისტორია შექმნეს და შეცვალეს.მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ, იშვიათად გაცნობიხართ მასალას,სადაც პერსონაზე სრულად განსხავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთქმედების,ადამიანური სისუსტეების წინააღმდეგობების და უბრლაოდ, ცხოვრების ფონზე ვითარდება.
|
 |
ავტორი: ანდრო ბუაჩიძე
სათაური: გაზაფხული მოდის ღამეში
გამომცემლობა: პალიტრა L
გამოშვების წელი: 2017
პოეტური კრებული
|
 |
ავტორი: ლანა ღოღობერიძე
სათაური: რაც მაგონდება და როგორც მაგონდება
გამომცემლობა: ,,ფავორიტი პრინტი’’
გამოშვების წელი: 2018
„ ყოველი სიცოცხლე, ისიც კი, რომელიც შედარებით შეუზღუდავი და თავისუფალია დროსა და სივრცეში, მაინც ხანმოკლეა! შენ უნდა გაიარო ეს შენთვის განკუთვნილი გზა- შენი სიცოცხლე, რომელიც სამყაროში განფენილი იდუმალების ძალით, - და ისე, რომ ეს არც კი იცი, - შენ მიერვე არის არჩეული და, იმავდროულად, თავის არსში ამოუცნობია. მაგრამ შენ გაგების წყურვილით ხარ შეპყრობილი და ამიტომ ცდილობ გაიაზრო, ჩაუღრმავდე; აღმოაჩინო ის, რაც საგულისხმოა არა მარტო შენთვის, ჩასწვდე შენი არსებობის მარადიულ საიდუმლოს.“
|
 |
ავტორი:
სათაური: საღვთისმეტყველო-სამეცნიერო შრომები VIII-IX
გამომცემლობა: თბილისის სასულიერო აკადემიისა და სემინარიის გამომცემლობა
გამოშვების წელი: 2018
|
 |
ავტორი:
სათაური: თბილისის სასულიერო აკადემიისა და სემინარიის საკონფერენციო მოხსენებათა კრებული
გამომცემლობა: თბილისის სასულიერო აკადემიისა და სემინარიის გამომცემლობა
გამოშვების წელი: 2018
|
 |
ავტორი: გრიგოლ რუხაძე
სათაური: კარი სარწმუნოებისა
გამომცემლობა: საქართველოს საპატრიარქოს გამომცემლობა
გამოშვების წელი: 2018
|
 |
ავტორი:
სათაური: საქართველოში მართლმადიდებელ მორწმუნეთა დამოკიდებულება სოციალური-დემოგრაფიული ქცევისა და ოჯახის პრობლემებისადმი
გამომცემლობა: საქართველოს საპატრიარქოს გამომცემლობა
გამოშვების წელი: 2016
|
 |
ავტორი: ქეთევან ქუთათელაძე
სათაური: ძიებანი ქართლის ცხოვრების ტოპონიმიიდან ნაწილი I
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
ქეთევან ქუთათელაძის წინამდებარე ნაშრომი შეეხება „ქართლის ცხოვრებაში" მოხსენიებულ ტოპონიმებს. წყაროთმცოდნეობითი, ლინგვისტური, არქეოლოგიური და ეთნოლოგიური მასალის საფუძველზე სრულიად ახლებურად არის გაანალიზებული და გააზრებული ზოგიერთი მდინარის, ქალაქის და სხვადასხვა ისტორიულ და გეოგრაფიულ პუნქტთა სახელწოდებანი.
|
 |
ავტორი:
სათაური: ანთროპოლოგიური კვლევანი III
გამომცემლობა: უნივერსალი
გამოშვების წელი: 2017
|
 |
ავტორი: შოთა შოშიაშვილი
სათაური: ციკლურად ევოლუციონისტური კოსმოლოგია
გამომცემლობა: ნეკერი
გამოშვების წელი: 2019
წინამდებარე წიგნში განხილულია კოსმოსური სამყაროს, როგორც მთლიანის სტრუქტურულობის, წარმოშობის, ევოლუციურობის, ციკლურობისა და მომავლის გლობალური საკითხები, როგორც უძველესი წარმოდგენების, ისე თანამედროვე ელემენტარული ნაწილაკების ფიზიკის, ასტროფიზიკისა და კოსმოლოგიის გათვალისწინებით.
|
 |
ავტორი:
სათაური: გარემოს დაცვის სამართალი
გამომცემლობა:
გამოშვების წელი: 2018
|
 |
ავტორი:
სათაური: ლალი
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2018
ლალი 1920-იანი წლების გამორჩეულად საინტერესო წარმომადგენელია, იგი ერთ-ერთი ყველაზე „მემარცხენე"არტისტია იმ დროის ქართველ მხატვართა შორის. მის შემოქმედებაში ცხადად შეინიშნება დასავლური ავანგარდისადმი გამძაფრებული ინტერესი. როგორც XX საუკუნის დასაწყისის შემოქმედებითად აქტიური პოზიციის მქონე, თამამი მხატვარი, ლალი თითქმის ყველა ავანგარდისტულ მიმდინარეობას მიმართავს, მაგრამ მხატვარი ახერხებს საკუთარი ხელწერა შექმნას და არავის ჰგავდეს.
|
 |
ავტორი:
სათაური: Rettulit, ლიტერატურული დაბრუნება
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
|
 |
ავტორი:
სათაური: უნივერსიტეტის იდეა და ქართველურ ენათა კვლევისა და სწავლების მნიშვნელობა I
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2019
|
 |
ავტორი:
სათაური: აფხაზეთის (საქართველო) ისტორიის საკითხები
გამომცემლობა: მერიდიანი
გამოშვების წელი: 2018
წიგნში განხილულია ოკუპირებული აფხაზეთის ისტორიის აქტუალური საკითხები უძველესი დროიდან დღემდე. განკუთვნილია ისტორიის მასწავლებლებისთვის, უფროსი კლასების მოსწავლეებისთვის, აგრეთვე დაინტერესებული ფართო მკითხველისთვის. ყურადღება გამახვილებულია პოლიტიკურ, ეთნიკურ და საეკლესიო პრობლემებზე. ავტორები მოგვითხრობენ 1992-1993 წლებში რუსეთის მიერ საქართველოს წინააღმდეგ წარმოებული ჰიბრიდული ომის, 2008 წლის აგვისტოს ღია აგრესიის, ქართული მოსახლეობის ეთნიკური წმენდის, გენოციდისა და მცოცავი ანექსიის რუსული პოლიტიკის შესახებ. აღნიშნულია, რომ აფხაზეთში კონფლიქტის მოგვარება შესაძლებელია მხოლოდ მშვიდობიანი მეთოდებით.
|
 |
ავტორი:
სათაური: საღმრთისმეტყველო, ასკეტურ და ჰაგიოგრაფიულ თხზულებათა დიდი მრავალთავი
გამომცემლობა: საქართველოს საპატრიარქოს გამომცემლობა
გამოშვების წელი: 2018
|
 |
ავტორი:
სათაური: საქართველოს ეკლესიის კალენდარი 2019
გამომცემლობა: საქართველოს საპატრიარქოს გამომცემლობა
გამოშვების წელი: 2018
|
 |
ავტორი:
სათაური: ისლამი ქართულ სახვით ხელოვნებასა და ხუროთმოძღვრებაში
გამომცემლობა: სეზანი
გამოშვების წელი: 2018
|
 |
ავტორი: გოგოლაშვილი გიორგი
სათაური: „შვენებით სავსე ქართული"
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2019
|
 |
ავტორი:
სათაური: საქართველოს დემოკრატიული რესპუბლიკის გახსენება 100 წლის შემდეგ - მოდელი ევროპისთვის?
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
|
 |
ავტორი: ეკა ვარდოშვილი
სათაური: ახალი ქართული ლიტერატურა და ევროპული მწერლობა
გამომცემლობა: უნივერსალი
გამოშვების წელი: 2018
მონოგრაფიაში ნაჩვენებია, თუ როგორ ვლინდება ლიტერატურულ-სააზროვნო ტრადიციები და სახისმეტყველების ფორმები ახალ ქართულ ლიტერატურაში.
წიგნში ასევე საუბარია, როგორ აისახა XIX საუკუნის მიწურულსა და XX საუკუნის დასაწყისში კულტურული ინტერგრაციის საკითხი ქართულ ლიტერატურასა და მეცნიერებაში, რომ ქართული ლიტერატურა თავისი არსით არის ევროპული ლიტერატურის განუყოფელი ნაწილი.
|
 |
ავტორი: გოგოლაშვილი გიორგი
სათაური: „ქართული ქართველთ რწმენაა"
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2019
|
 |
ავტორი:
სათაური: საყოველთაო მოძრაობის ღვთისმეტყველება
გამომცემლობა: ლოგოსი
გამოშვების წელი: 2018
წინამდებარე ნაშრომი ცნების ისტორიის სფეროს განეკუთვნება. ის ემყარება კვლევის მეთოდს, რომელსაც საღვთისმეტყველო-ფილოსოფიურ კონცეფციათა საფუძვლიანი შემეცნებისთვის მნიშვნელოვნად ესახება წყაროთა ფილოლოგიურ-ცნებითი ანალიზი.
მონოგრაფია გათვალისწინებულია ქრისტიანული ღვთისმეტყველებითა და ბერძნული ფილოსოფიით, აგრეთვე აზროვნების ისტორიით დაინტერესებულ პირთათვის.
|
 |
ავტორი:
სათაური: ორესტეა
გამომცემლობა: ბაკურ სულაკაურის გამომცემლობა
გამოშვების წელი: 2018
|
 |
ავტორი:
სათაური: მეურნეობის ტიპები გრაკლიან გორაზე
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
კვლევა განხორციელდა შოთა რუსთაველის ეროვნული სამეცნიერო ფონდის ფინანსური მხარდაჭერით.
|
 |
ავტორი:
სათაური: ქართული ფოლკლორი 9 (XXV)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
|
 |
ავტორი:
სათაური: ფშავეთი და ფშავლები
გამომცემლობა: საქართველოს პარლამენტის ეროვნული ბიბლიოთეკა
გამოშვების წელი: 2018
წიგნში თავმოყრილია დავით ხიზანაშვილის ფოლკლორულ-ეთნოგრაფიული წერილები ფშავზე, რომლებიც 1889-1891 წლებში გაზეთ „ივერიაში" იბეჭდებოდა. დავით ხიზანაშვილის წერილებს აქვს უაღრესად მაღალი სამეცნიერო მნიშვნელობა. იგი დიდ დახმარებას გაუწევს ქართველოლოგიის სხვადასხვა დარგით დაინტერესებულ მკვლევარებს, სტუდენტებსა და მკითხველ საზოგადოებას.
დავით ხიზანაშვილის ფოლკლორულ-ეთნოგრაფიული წერილების სერია „ფშავეთი და ფშავლები" გაზეთ „ივერიიდან" ამოკრიფა ფოლკლორისტმა ტრისტან მახაურმა, რომელიც, სამწუხაროდ, მის წიგნად გამოცემას ვერ მოესწრო.
|
 |
ავტორი:
სათაური: მოზაიკური სამეტყველო არეალი: მორფოლოგია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
მონოგრაფია „მოზაიკური სამეტყველო არეალი: მორფოლოგია" გაგრძელებაა გამოცემული წიგნისა - „მოზაიკური სამეტყველო არეალი: ფონეტიკა/ფონოლოგია (2012წ.).
ამ სოციოლინგვისტიკურ მონოგრაფიებში შემუშავებულია კვლევის თეორიული ბაზა, რომლის მიხედვითაც ინტერდისციპლინარულ სიბრტყეზე არის გაანალიზებული მდიდარი ემპირიული მასალა. ეს მონოგრაფიები განკუთვნილია სოციოლინგვისტებისათვის, ენათმეცნიერების მომიჯნავე დარგების, ცალკეული საენათმეცნიერო დისციპლინების მეცნიერთათვის, განათლების სისტემის სპეციალისტების, ჰუმანიტარულ მეცნიერებათა ფაკულტეტის სტუდენტებისა და მაგისტრანტებისთვის, ასევე, ზემოაღნიშნული საკითხებით დაინტერესებული ფართო საზოგადოებისთვის.
|
 |
ავტორი: ნანა მაჭავარიანი
სათაური: აფხაზურ-ქართული ლექსიკონი ინდექსითა და გრამატიკული მიმოხილვით
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
წიგნში წარმოდგენილია 7000 სიტყვიანი აფხაზურ-ქართული ლექსიკონი ინდექსითა და გრამატიკული მიმოხილვით.ნაშრომს ერთვის გამოყენებული ლიტერატურა და რეზიუმე ინგლისურ ენაზე.
წიგნი გამოადგებათ სტუდენტებს, მკვლევარებს და ფართო საზოგადოების წარმომადგენლებს.
|
 |
ავტორი: ვახტანგ გურული
სათაური: მეფე ერეკლე და რუსეთი
გამომცემლობა: ქართული უნივერსიტეტი
გამოშვების წელი: 2018
მონოგრაფიაში გაშუქებულია ქართლ-კახეთის სამეფოს ურთიერთობა რუსეთის იმპერიასთან გეორგიევსკის ტრაქტატის(1783 წ.) დადების წინა ხანებიდან ერეკლე 2-ის გარდაცვალებამდე 1798 წ. ნაშრომი ემყარება საქართველო-რუსეთის შესახებ შემონახულ დოკუმენტებსა და მასალებს, ქართველი და რუსი ისტორიკოსების მიერ გამოქვეყნებულ გამოკვლევებს.
|
 |
ავტორი:
სათაური: ქალაქი ქართულ ისტორიულ სივრცეში
გამომცემლობა: არტანუჯი
გამოშვების წელი: 2018
ნაშრომში განხილულია ქართული ქალაქების შესწავლის ისტორიოგრაფია. წარმოდგენილია საქართველოს ქალაქის ზოგადი მახასიათებლები. მისი წარმოშობის პირობები, ადგილი, როლი, სტრუქტურა, სოციალურ-ეკონომიკური მნიშვნელობა ქართულ ისტორიულ სივრცეში, ანტიკური ხანიდან მოყოლებული მთელი შუა საუკუნეების მანძილზე.
|
 |
ავტორი:
სათაური: ასტროლოგიური კალენდარი 2019
გამომცემლობა: ილიას სახელმწიფო უნივერსიტეტის გამომცემლობა
გამოშვების წელი: 2019
ასტრონომიული კალენდარი (წელიწდეული) მოიცავს ყველა უმთავრეს ცნობას, რომელიც, ჩვეულებრივ, ამგვარ ცნობარებში მოიპოვება. ესენია:მზის, მთვარისა და პლანეტების ამოსვლა-ჩასვლის წინასწარ გამოთვლილი მომენტები მთელი წლისთვის, მათი მდებარეობა ცაზე, მთვარის ფაზები, მზისა და მთვარის დაბნელებანი, კომეტების და მეტეორული ნაკადების გამოჩენა, დროის სააღრიცხვო და გარემოში ორიენტირებისათვის საჭირო მონაცემები და სხვადასხვა ციური მოვლენების დაკვირვებასთან დაკავშირებული ცნობები. კალენდრის შესავალ ნაწილში - „როგორ ვისარგებლოთ კალენდრით"- მკითხველი ყველა აუცილებელ განმარტებას იპოვის.
|
 |
ავტორი:
სათაური: თხზულებანი
გამომცემლობა: საქართველოს პარლამენტის ეროვნული ბიბლიოთეკა
გამოშვების წელი: 2018
დიმიტრი ყიფიანის ათტომეულის მესამე ტომში შესული თხზულებები ეხება ბატონყმობას, საბანკო-საკრედიტო საქმესა და იურიდიულ საკითხებს.
დიმიტრი ყიფიანის ნაწერები, რომელთა მნიშვნელოვანი ნაწილი აქამდე არ გამოქვეყნებულა, მრავალმხრივ საინტერესო მასალაა XIX საუკუნის ქართული საზოგადოებრივ-პოლიტიკური ცხოვრებისა და საზოგადოებრივი აზრის ისტორიისათვის და, ვფიქრობთ, დააინტერესებს როგორც სპეციელისტებს, ისე მკითხველთა ფართო წრეს.
|
 |
ავტორი:
სათაური: საჯარო ლექციები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
კრებული მოიცავს ერთი წლის განმავლობაში გადაცემა „უნი-ვერსია-ში" გასულ საჯარო ლექციებს (პირველ გამოცემაში გაერთიანებულია 2018 წლის გადაცემებში გასული ლექციები). მასში მკითხველი ეტაპობრივად გაეცნობა თბილისის სახელმწიფო უნივერსიტეტის პროფესორთა და სხვადასხვა სამეცნიერო სკოლის წარმომადგენელთა საუბრებს, სამეცნიერო და ექსპერტულ მოსაზრებებს საინტერესო საკითხებზე.
კრებული განკუთვნილია, უნივერსიტეტის სტუდენტების, საჯარო სკოლის მოსწავლეებისა და დაინტერესებული საზოგადოებისათვის.
|
 |
ავტორი:
სათაური: შალვა ნუცუბიძე 130
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
ივანე ჯავახიშვილის სახელობის თბილისის სახელმწიფო უნივერსიტეტის გაზეთ „თბილისის უნივერსიტეტის" რედაქცია კრებულს უძღვნის თბილისის სახელმწიფო უნივერსიტეტის ერთ-ერთი დამფუძნებლის, დიდი მეცნიერის, ფილოსოფოსის, კულტურის ისტორიკოსის, რუსთველოლოგის, საზოგადო მოღვაწის, აკადემიკოს შალვა ნუცუბიძის დაბადებიდან 130 წლისთავს.
პუბლიცისტური ნარკვევები, რომელშიც ამ დიდი პიროვნების მრავალმხრივი მოღვაწეობის ასპექტებია გაშუქებული და გაანალიზებული და რომელშიც დროისა და მოვლენების შალვა ნუცუბიძესთან ურთიერთმიმართებაა წარმოჩენილი, ვფიქრობთ, დააინტერესებს ჩვენი საზოგადოების ყველა ფენას, განსაკუთრებით კი დიდი ადამიანების ბიოგრაფიების მკვლევარებს, ასევე სტუდენტებსა და საჯარო სკოლების მაღალი კლასების მოსწავლეებს, რომელთაც უნდა იცოდნენ მეცნიერების კლასიკოსის ცხოვრებისა და მოღვაწეობის შესახებ მრავალი ფაქტი თუ მოვლენა.
|
 |
ავტორი:
სათაური: ცივილიზაციური ძიებანი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
„ცივილიზაციური ძიებანი" თბილისის სახელმწიფო უნივერსიტეტში გამოდის 2003 წლიდან. 2007 წლის ივნისში იუნესკოს ეგიდით ჩატარებული საერთაშორისო მრგვალი მაგიდის - „კავკასია:ინტერკულტურული დიალოგის, შედარებითი რეგიონული კვლევების (ისტორიული ტიპოლოგიური საკითხები), კულტურის კვლევების და სხვა საკითხებს.
კრებული თანამშრომლობს აზერბაიჯანის, სომხეთის, მოლდოვას, რუსეთის ფედერაციის, ცენტრალური აზიის იუნესკოს კათედრებთან, სხვა ქართველ და უცხოელ კოლეგებთან, რომლებიც წარმოდგენილი არიან როგორც სარედაქციო საბჭოში, ისე ავტორების სახით.
|
 |
ავტორი:
სათაური: Footprints on Water
გამომცემლობა:
გამოშვების წელი: 2018
პოეტური კრებული
|
 |
ავტორი:
სათაური: უსადაურო
გამომცემლობა: პალიტრა L
გამოშვების წელი: 2018
პოეტური კრებული
|
 |
ავტორი:
სათაური: წინადადების წევრთა სინტაგმატიკის საკითხი ქართულში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
მონოგრაფიაში „წინადადების წევრთა სინტაგმატიკის საკითხი ქართულში" გაანალიზებულია შესიტყვება ყველა ტიპის წინადადებაში, შემუშავებულია სინტაგმურ წევრთა გამოყოფის პრინციპები. განხილულია სინტაქსური კავშირის საკითხი ფრაზეოლოგიზმებსა და სინტაგმურ ნეოლოგიზმებში.
წიგნი განკუთვნილია ლინგვისტების, მასწავლებლებისა და ჰუმანიტარულ მეცნიერებათა ფაკულტეტის სტუდენტთათვის.
|
 |
ავტორი:
სათაური: ეტიმოლოგიური ძიებანი XV
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
„ეტიმოლოგიური ძიებანი" ქართული და სხვა ქართველური ენების ლექსიკის ისტორიულ-ეტიმოლოგიური კვლევისადმი მიძღვნილი თემატური კრებულია.
კრებული 1987 წელს დაფუძნდა აკად.ქეთევან ლომთათიძის ინიციატივით.
კრებულში წარმოდგენილია გამოკვლევები, რომლებშიც ქართველურ ენათა ლექსიკური მასალის ანალიზისას მოხმობილია როგორც მონათესავე, ისე არამონათესავე ენათა სათანადო მასალა.
|
 |
ავტორი:
სათაური: სახელურ ომონიმთა ისტორია ქართულში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2018
წიგნში წარმოდგენილია დაახლოებით 1070 ომონიმი (2800 ომონიმური ცალი სიტყვა-სტატია). ნაშრომი ემყარება ემპირიულ მასალას, ქართული ენის მრავალსაუკუნოვან წერილობით წყაროებს, დიალექტოლოგიურ და ქართველურ ენათა მონაცემებს. განხილულია ამა თუ იმ სიტყვასთან დაკავშირებით სამეცნიერო ლიტერატურაში არსებული თვალსაზრისები და, შეძლებისდაგვარად, მათი წარმომავლობისა და ეტიმოლოგიის საკუთარი ინტერპრეტაციაც.დაწერილია ისტორიულ-შედარებითი მეთოდის გათვალისწინებით. განკუთვნილია ქართველური ენების ლექსიკის ისტორიულ-ეტიმოლოგიური საკითხებით დაინტერესებულ პირთათვის.
|
 |
ავტორი:
სათაური: ფარმაკოლოგია
გამომცემლობა: Lippincott Williams & Wilkins
გამოშვების წელი: 2018
ეს ნაშრომი არ წარმოადგენს ალტერნატივას მედიცინის მუშაკთა მიერ პაციენტის ინდივიდუალური შეფასებისთვის, როდესაც ასაკთან, სქესთან, წონასთან ერთად გათვალისწინებულია ავადმყოფის არსებული და უწინდელი სამედიცინო პრობლემები, ანამნეზი, ლაბორატორიული მონაცემები და სხვა ინდივიდუალური ფაქტორები. გამომცემელი არ იძლევა სამედიცინო რჩევებს ან მითითებებს. წარმოდგენილ ნაშრომს მხოლოდ საცნობარო დანიშნულება აქვს.
|
 |
ავტორი: იზა ჩანტლაძე
სათაური: სვანური ენის შესწავლის ისტორია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე სახელმძღვანელოში წარმოდგენილია უცხოელი (ან უცხოეთში მოღვაწე ქართველი) დიპლომატების, მოგზაურებისა და მკვლევარების შეხედულებები და მოსაზრებები სვანეთისა თუ სვანური ენის შესახებ.
|
 |
ავტორი: SULCHAN – SABA ORBELIANI
სათაური: DIE WEISHEIT DER LUGE
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე გამოცემა წარმოადგენს სულხან-საბა ორბელიანის „სიბრძნე სიცრუისას“ გერმანულენოვან, მიხაკო წერეთლისეულ თარგმანს.
სულხან-საბა ორბელიანის "სიბრძნე სიცრუისას" მიხაკო წერეთლისეული თარგმანი 1933 წელს ბერლინში ცნობილი ქართველი ემიგრანტის – არჩილ მეტრეველის სტამბაში დაიბეჭდა. 1980-იან წლებში ის ემიგრაციიდან ჩამოიტანა პროფესორმა გურამ შარაძემ და წიგნი მის პირად არქივში ინახებოდა
"სიბრძნე სიცრუისას" წერეთლისეული თარგმანი საქართველოში პირველად ქვეყნდება თბილისის სახელმწიფო უნივერსიტეტის გამომცემლობის მიერ.
|
 |
ავტორი: ტედ ლეველენი
სათაური: პოლიტიკური ანთროპოლოგია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
ესაა პირველი ქართულენოვანი სახელმძღვანელო, რომელიც დიდ დახმარებას გაუწევს როგორც პოლიტიკური ანთროპოლოგიის შესწავლით დაინტერესებულ სტუდენტებს, ასევე სამეცნიერო წრეებსა და ფართო საზოგადოებასაც. მეორე მხრივ, ტედ ლეველენის ,,პოლიტიკური ანთროპოლოგია: შესავალი’’ ის სახელმძღვანელოა, რომლითაც მსოფლიო არაერთ წამყვან უმაღლეს სასწავლებელში ასწავლიან პოლიტიკურ ანთროპოლოგიას. აღნიშნული ფაქტი, კიდევ ერთხელ უსვამს ხაზს მოცემული წიგნის ქართულენოვანი გამოცემის მნიშვნელობას.
|
 |
ავტორი: რობერტ გოგუა
სათაური: მაგმური ქანების მაგნიტური ველი და მაგნეტიზმი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
მონოგრაფიაში განხილულია მაგმური ქანების მაგნიტური მინერალების წარმოშობის და დამაგნიტების პირობები; ქანების ძირითადი მაგნიტური მახასიათებლები და მათი გეოლოგიური ინფორმაციულობა; მაგნიტური მინერალების შემადგენლობის, სტრუქტურისა და გენეზისის შესწავლის მაგნიტური მეთოდები; მოცემულია საქართველოში გეომაგნიტური გამოკვლევების მოკლე ისტორია. გამოთქმულია მოსაზრება სპილენძ-პოლიმეტალური გამადნების ინტრუზიულ მაგმატიზმთან კავშირის შესახებ საქართველოს მაგალითზე.
წიგნში ნაჩვენებია საქართველოში არსებული მაგმური ქანების ვერტიკალური ზონალობის არსებობა.
|
 |
ავტორი: ქრისტინე გიორგაძე, ნოდარ ლეკიშვილი
სათაური: ზიგადი და არაორგანული ქიმია - ქიმიური ელემენტები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
სასწავლო პროგრამის ახალი კონცეფციის მიხედვით, არაორგანული ქიმიის სწავლება თეორიული საკითხებისადმი გამარტივებული მეთოდით მიდგომას, შესაბამისი ამოცანის დასმის, შედეგების ინტერპრეტაციიას და პრაქტიკული საკითხების შესწავლისას მათი გამოყენების უნარ-ჩვევების უკეთ გამომუშავებას ითვალისწინებს. ელემენტების ქიმიის სწავლება ისე არის აგებული, რომ აქცენტები უპირატესად გადატანილია შესაბამისი ზოგადი კანონზომიერებების შემეცნებაზე, უმნიშვნელოვანეს ნივთიერებათა მიღების ძირითად, თანამედროვე ტექნოლოგიების შესწავლაზე, ნაერთთა გარკვეული ტიპების და კლასების სპეციფიკური და ზოგადი თვისებების შედარებითი ინტერპრეტაციის მეთოდზე თანამედროვე ტექნოლოგიებში მათი გამოყენების შესაძლებლობის ჩვენებით, დარგის პერსპექტიული განვითარების ხედვის უნარ-ჩვევების გამომუშავებაზე.
|
 |
ავტორი: ლევან საბაური, ნადეჟდა კვატაშიძე, ნანა სრესელი
სათაური: ფინანსური ანგარიშსგების მომზადებისა და წარდგენის სრულყოფის გზები მცირე და საშუალო ბიზნესის საწარმოებში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
სამეწარმეო სექტორი, განსაკუთრებით მცირე და საშუალო საწარმოები, მნიშვნელოვან როლს ასრულებენ ეკონომიკის განვითარებაში და საგრძნობი წვლილი შეაქვთ მდგრადი და ინკლუზიური ეკონომიკური ზრდის უზრუნველყოფაში. მცირე და საშუალო საწარმოები, დასაქმების ზრდისა და სამუშაო ადგილების შექმნის პოტენციალით, ასევე, ეკონომიკის განვითარებასა და ზრდაში შეტანილი წვლილის გათვალისწინებით, ნებისმიერი ქვეყნის ეკონომიკის ქვაკუთხედად შეიძლება მივიჩნიოთ. ძლიერი და კარგად განვითარებული მცირე და საშუალო მეწარმეობის სექტორი მნიშვნელოვნად უწყობს ხელს ექსპორტს, ინოვაციებს, თანამედროვე სამეწარმეო კულტურის შექმნას, და ამავე დროს, განსაკუთრებულ როლს ასრულებს ქვეყნის კეთილდღეობის დონის ამაღლებაში.
|
 |
ავტორი: აპოლონ სილაგაძე, ნინო ეჯიბაძე
სათაური: დიგლოსია: არაბული სპეციფიკა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე სახელმძღვანელოში საუბარია დიგლოსიაზე, როგორც არაბული ენისათვის დამახასიათებელ განსაკუთრებულ სპეციფიკაზე.
|
 |
ავტორი: ლია ქაროსანიძე
სათაური: ანტიკურ-ბიზანტიური თეორიები ენის შესახებ და ქართული გრამატიკული აზროვნება
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
სახელმძღვანელოში განხილულია ანტიკური და შუა საუკუნეების თეორიები ენის შესახებ, ენის საკითხები ძველ ბერძნულ ფილოსოფიაში, ალექსანდრიის სკოლა, დიონისიოს თრაკიელის ,,გრამატიკის ხელოვნება’’, დონატუსის ,,მცირე ხელოვნება მეტყველების ნაწილთა შესახებ’, ძველი ქართული გრამატიკული აზროვნების სამი ძირითადი პერიოდი და ა.შ.
|
 |
ავტორი: იოსებ მეგრელიძე
სათაური: ბიობიბლიოგრაფია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე წიგნი წარმოადგენს ცნობილი ქართველი მკვლევრისა და ფილოლოგის, თბილისის სახელმწიფო უნივერსიტეტის ფილოლოგიის ფაკულტეტის კურსდამთავრებულის, იოსებ მეგრელიძის ბიბლიოგრაფიას.
|
 |
ავტორი: გურამ ლორთქიფანიძე, გოჩა გერაძე
სათაური: რომაული ცივილიზაცია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
|
 |
ავტორი: ნანა მაჭავარიანი
სათაური: აფხაზური ენის გრამატიკის საკითხები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე მონოგრაფიაში წარმოდგენილია აფხაზური ენის ფონეტიკა-ფონოლოგიისა და გრამატიკული სტრუქტურის აღწერითი ანალიზი და აჭარაში მცხოვრებ აფხაზთა მეტყველების თავისებურებანი.
ნაშრომს ერთვის საველე სამუშაოებისას მოპოვებული მასალა (ჟანრობრივად მრავალფეროვანი ტექსტები სიტყვასიტყვითი ქართული თარგმანით) და მოკლე (1900-მდე ლექსიკური ერთეულის შემცველი) აფხაზურ-ქართული ლექსიკონი.
|
 |
ავტორი: ლეილა ავიძბა, ესმა კოკოსკერია
სათაური: აფხაზური ზეპირმეტყველების გაკვეთილები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
აფხაზური ენის სისტემისა და ისტორიის უკეთ წარმოსაჩენად დიდი მნიშვნელობა ენიჭება როგორც აფხაზეთში გავრცელებულ დიალექტთა მონაცემების შესწავლას, ისე აფხაზეთიდან გეოგრაფიულად მოწყვეტილ არეალებში წარმოდგენილი აფხაზური მეტყველების თავისებურებათა გათვალისწინებას.
წინამდებარე წიგნი ეძღვნება "ქართულ-აფხაზურ ურთიერთობათა სამეცნიერო-კვლევითი ცენტრის" დაარსების ხუთ და "ქართულ-აფხაზურ ურთიერთობათა ინსტიტუტის" 15 წლისთავს.
|
 |
ავტორი: შანიძე აკაკი
სათაური: ქართული საქმის კაცი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე ნარკვევი ეძღვნება ცნობილი ქართველი მეცნიერის, აკაკი შანიძის 130 წლის იუბილეს. მასში წარმოდგენილია მეცნიერის საუკუნოვანი გზა - " აკაკი მცირედან დიდ აკაკიმდე " (ბიოგრაფიის ძირითადი შტრიხები) , აკაკი შანიძის ცხოვრების ძირითადი თარიღები (მოვლენები, ჯილდოები, წოდებები), ახალგაზრდა აკაკი შანიძე სხვა რაკურსით - "უმცირესობის ჭეშმარიტების" გადასარჩენად -- აკაკი შანიძის ღვაწლი პირველი ქართული უნივერსიტეტის გახსნისთვის, ღვაწლი ქართული ლექსიკოგრაფიისა და ლექსიკოლოგიის წინაშე და ა.შ.
|
 |
ავტორი: ნინო შარაშენიძე
სათაური: საჩინოური ქართული - ქვემოიმერული კილო ერთი სოფლის მეტყველების მიხედვით
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე სახელმძღვანელოში წარმოდგენილია ხმოვანთკომპლექსების მორფოლოგიური ანალიზი ქვემოიმერულის მიხედვით, ზმნის უღლების პარადიგმები ქვემოიმერულის თქმაში -- სახელის ბრუნების პარადიგმები ქვემოიმერულის ვანურ თქმაში, ,,ო’’ პრეფიქსიანი ზანიზმები ქვემოიმერულის მცენარეთა სახელწოდებებში, ,,ო’’ პრეფიქსიანი ზანიზმები და კომპენსაციის შემთხვევები ქვემოიმერულ კილოში და ა.შ.
|
 |
ავტორი: მარიამ ლორთქიფანიძე
სათაური: ისტორიამ რა ჰქმნა?
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე ნარკვევი ეძღვნება ცნობილი ქართველი მეცნიერისა და ისტორიკოსის, მარიამ ლორთქიფანიძის ცხოვრებისა და მოღვაწეობის 95 წლის იუბილეს.
|
 |
ავტორი: ელიზბარ ნადარაია, მზევინარ ფაცაცია, რევაზ აბსავა
სათაური: ალბათობის თეორია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე წიგნი წარმოადგენს ალბათობის თეორიის სახელმძღანელოს, რომელშიც ალბათობის თეორიის მასალის გადმოცემა ეყრდნობა კოლმოგოროვის აქსიომატიკურ მიდგომას. სახელმძღვანელო, რომელსაც თან ერთვის სავარჯიშო ამოცანები, განკუთვნილია უნივერსიტეტების მათემატიკის მიმართულების სტუდენტებისათვის.
|
 |
ავტორი: ნუგზარ ანთელავა
სათაური: ჩერქეზული კულტურა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წიგნში განხილულია ჩერქეზთა ეთნიკური და პოლიტიკური ისტორიის საკვანძო პრობლემები, ეთნიკური კულტურის, თითქმის, ყველა საკითხი (პირველადი წარმოების, სიცოცხლის უზრუნველყოფის, სოციალური, ნორმატიული და ჰუმანიტარული კულტურები).
წიგნი განკუთვნილია ჩერქეზთა ისტორიითა და კულტურით დაინტერესებული საზოგადოებისათვის, უწინარეს ყოვლისა, კავკასიოლოგიის მიმართულების პედაგოგებისა და სტუდენტებისათვის.
|
 |
ავტორი: არჩილ უგულავა, ზაზა ტოტლიკიშვილი
სათაური: ამოცანები სტატისტიკურ ფიზიკაში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
სტატისტიკური ფიზიკა და თერმოდინამიკა წარმოადგენს ფიზიკის ერთ-ერთ ძირითად მიმართულებას, რომლის ცოდნა აუცილებელია მეცნიერებისა და ტექნიკის მრავალი დარგის სპეციალისტისთვის.
წიგნში შესულია ამოცანები სტატისტიკურ ფიზიკასა და თერმოდინამიკაში. ის განკუთვნილია ფიზიკის მიმართულების ბაკალავრიატის სტუდენტებისათვის. ამოცანათა კრებულით სარგებლობა შეუძლიათ ფიზიკის მიმართულების მაგისტრატურისა და სხვა მიმართულების სტუდენტებსაც, რომლებიც სწავლობენ სტატისტიკურ ფიზიკას.
ამოცანათა კრებული დაყოფილია პარაგრაფებად. თითოეული პარაგრაფის დასაწყისში მოყვანილია მოკლე თეორიული მასალა, რომლის ცოდნაც აუცილებელია ამოცანის ამოხსნისათვის. კრებულში მოყვანილია ზოგიერთი ამოცანის ამოხსნა და პასუხები.
|
 |
ავტორი: დიმიტრი დოლაბერიძე
სათაური: TAPI-ის პროექტის პროგრესი გაურკვეველ მომავალში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
ნაშრომი მოიცავს ანალიტიკურ სტატიებს და თვალსაზრისებს/კომენტარებს , იძლევა ფართო ხედვისა და კრიტიკულად აზროვნების უნარს.აღნიშნული მასალის ხარისხი გამოადგება როგორც პროფესიონალ , ასევე ახალგაზრდა მკვლევრებს, რომლებიც მზად არიან რომ მიიღონ გამოწვევები და გადაწყვიტონ ისინი წარმატებული გზით.
ნაშრომი მოიცავს ანალიტიკურ სტატიებს და თვალსაზრისებს/კომენტარებს , იძლევა ფართო ხედვისა და კრიტიკულად აზროვნების უნარს.აღნიშნული მასალის ხარისხი გამოადგება როგორც პროფესიონალ , ასევე ახალგაზრდა მკვლევრებს, რომლებიც მზად არიან რომ მიიღონ გამოწვევები და გადაწყვიტონ ისინი წარმატებული გზით.
|
 |
ავტორი: ნინო ეჯიბაძე
სათაური: თანამედროვე არაბული ენა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
სახელმძღვანელო განკუთვნილია არაბულის შემსწავლელთათვის სწავლების შედარებით მაღალ საფეხურზე. მასში გარკვეულწილად გათვალისწინებულია თანამედროვე არაბული სამყაროსთვის დამახასიათებელი სოციოლინგვისტური სურათი: ერთი მხრივ წარმოდგენილი მასალა გულისხმობს მუშაობას როგორც კლასიკური, ისე სტანდარტ ნორმების მიხედვით, მეორე მხრივ მოტანილია მცირე მოცულობის დიალექტური ტექსტებიც (ანდაზები, ლექსები და ა.შ.). წიგნი ითვალისწინებს რამდენიმე სამუშაო მიმართულებას: ზეპირსამეტყველო უნარები, თხზვა, თარგმნა, ლექსიკური მარაგის აქტუალიზება, გრამატიკული მასალა (წარმოდგენილია სავარჯიშოების სახით), კარნახის წერა და სხვ. წიგნი აგებულია იმ პრინციპზე, რომ სწავლების მთლიან პროცესში წამყვანია მასწავლებლის შემოქმედებითი როლი.
|
 |
ავტორი: შოთა სამსონია, მიხეილ გვერდწითელი, იოსებ ჩიკვაიძე, ლია კვირიკაძე
სათაური: ორგანული ქიმია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
|
 |
ავტორი: ომარ ფურთუხია
სათაური: ალბათურ სტატისტიკური ამოცანები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე სახელმძღვანელოში სრულად და საფუძვლიანად არის გადმოცემული თანამედროვე ალბათობის თეორიისა და მათემატიკური სტატისტიკის წინაშე წამოჭრილი უმნიშვნელოვანესი პრაქტიკული და თეორიული ხასიათის საკითხები. თითოეულ თემას წინ უძღვის აუცილებელი თეორიული შედეგები, შემდეგ მოყვანილია მრავალი საილუსტრაციო და სამოტივაციო მაგალითი ადამიანის მოღვაწეობის სხვადასხვა სფეროდან, განხილულია მათი გადაწყვეტის მეთოდები და ხერხები. ნაშრომს დართული აქვს ძირითადი და მნიშვნელოვანი ალბათური განაწილების ცხრილები, EXCEL-ის სტატისტიკური ფუნქციების აღწერა და უკანასკნელ ხუთ წელიწადში თბილისის სახელმწიფო უნივერსიტეტში შუალედურ და საბოლოო გამოცდებზე მოტანილი ბილეთების ნიმუშები. სახელმძღვანელო შედგენილია უნივერსიტეტში ამჟამად მოქმედი სასწავლო პროგრამებისა და სილაბუსების მიხედვით.
|
 |
ავტორი:
სათაური: როგორ დავწეროთ ისტორია - შესავალი დისციპლინის ისტორიასა და პრაქტიკაში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
შესავალი წერილი, თარგმანის საერთო რედაქცია, კომენტარები მარიამ ჩხარტიშვილისა.
წიგნი ითარგმნა ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის მთარგმნელობითი გრანტის ფარგლებში.
|
 |
ავტორი: ლადო მინაშვილი
სათაური: ნარკვევები ქართული ლიტერატურის ისტორიიდან
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე სახელმძღვანელოში განხილულია "ახალი ქართული ლიტერატურის" სათავეების პრობლემა და მწერლისა და საზოგადოების ურთიერთმიმართების ასპექტში დახასიათებულია ქართული რომანტიზმისა და რეალიზმის თვალსაჩინო წარმომადგენელთა ცხოვრებისა და შემოქმედების საკითხები.
|
 |
ავტორი: ნანა გონჯილაშვილი
სათაური: ,,ვეფხისტყაოსნის’’ პარადიგმული სახისმეტყველება და განსახოვნების თავისებურებანი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წიგნში შესულ ნარკვევებს შოთა რუსთაველის ესთეტიკური ნააზრევი და მხატვრული განსახოვნების თავისებურებანი აერთიანებს. წარმოდგენილი პრობლემატიკა, ძირითადად, „ვეფხისტყაოსნის“ პარადიგმული სახისმეტყველების კვლევა-ძიებას მიემართება. ყოველივე ეს, პოემის ტექსტის, წარმოდგენილ საკითხებთან დაკავშირებული წყაროებისა და სამეცნიერო ლიტერატურის მონაცემთა საფუძვლიან ანალიზთან ერთად, ტიპოლოგიურ მიმართებათა გამოსავლენად მოხმობილი სხვადასხვა ეპოქის შემოქმედთა ნააზრევის განხილვას მოიცავს. ტრადიციული მოსაზრებების კვალდაკვალ წიგნში საკითხთა შესახებ ახალი მოსაზრებები და ვარაუდებია გამოთქმული.
წიგნი განკუთვნილია აღნიშნული საკითხებით დაინტერესებული სპეციალისტების, პედაგოგების, სტუდენტებისა და მკითხველთა ფართო წრისათვის.
|
 |
ავტორი: თინათინ გიორგობიანი
სათაური: ძველი ბერძნული ენის გრამატიკა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
წინამდებარე სახელმძღვანელოში წარმოდგენილია ძველი ბერძნული ენის (ატიკური დიალექტიკის) გრამატიკის მოკლე სალექციო კურსი.
|
 |
ავტორი: ივან ფრანკო
სათაური: შემოდგომის ფიქრები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2017
,,შემოდგომის ფიქრები’’ ივან ფრანკოს პოეტური და პროზაული თხზულებების ორენოვანი კრებულია ქართულ-უკრაინულ ენებზე.
გამოჩენილი უკრაინელი მოღვაწის 160-ე წლისთავისადმი მიძღვნილი საიუბილეო გამოცემა მომზადებულია ივ. ჯავახიშვილის სახელობის თბილისის სახელმწიფო უნივერსიტეტის უკრაინისტიკის ინსტიტუტის, კლუბ ,,უკრაინის’’ ერთობლივი ძალისხმევითა და ივან ფრანკოს სახელობის ლვოვის ნაციონალური უნივერსიტეტის თანადგომით.
|
 |
ავტორი: მარგერიტ იურსენარი
სათაური: ადრიანეს მოგონებები
გამომცემლობა: ქარჩხაძის გამომცემლობა
გამოშვების წელი: 2017
,,ადრიანეს მოგონებები’’, რომელიც ერთდროულად რომანიცაა, ისტორიაც და პოეზიაც, ფრანგულმა საერთაშორისო კრიტიკამ მნიშვნელოვან ლიტერატურულ მოვლენად აღიარა. მკითხველის წინაშეა დიდი რომაელი იმპერატორის, ადრიანეს მოგონებები. ადრიანე საკუთარი ცხოვრებისა და პოლიტიკური მოღვაწეობის მკაცრი შემფასებელი იყო. ,,მივიჩნევდი, რომ სამყაროს სილამაზეზე პასუხისმგებელი მხოლოდ მე ვიყავი’’, - ამბობს გმირი, რომლის პრობლემები არაფრით განსხვავდება ყველა დროის ადამიანის პრობლემებისგან.
|
 |
ავტორი:
სათაური: სინუჰეს ამბავი
გამომცემლობა: ქარჩხაძის გამომცემლობა
გამოშვების წელი: 2017
ოთხი ათასი წლის წინ დაწერილი ,,სინუჰეს ამბავი’’ დღეს არამარტო ძველი ეგვიპტის, არამედ მსოფლიო ლიტერატურის შედევრად არის აღიარებული. ჩვენთვის უცნობმა ავტორმა კაცობრიობის ისტორიაში პირველად მოგვითხრო არა რომელიმე ღმერთის, მეფის ან მითიური გმირის, არამედ ჩვეულებრივი ადამიანის ისტორია და აღწერა მისი გრძნობები - შიში, ნოსტალგია, ირაციონალური განცდები, რომელთა მიზეზი თვითონაც ვერ აუხსნია და დარდი, რომ მისი სიცოცხლე სამშობლოდან შორს დასრულდება. სწორედ ამიტომ, ,,სინუჰეს ამბავი’’ დღეს მოიაზრება, როგორც პირველი რომანი მსოფლიო ლიტერატურის ისტორიაში.
|
 |
ავტორი: პატრიკ კავანა
სათაური: ტერი ფლინი
გამომცემლობა: ქარჩხაძის გამომცემლობა
გამოშვების წელი: 2017
პატრიკ კავანას აღნიშნული რომანი საუკუნის წინანდელი ირლანდიის იდილიური ყოფის ფონზე ვითარდება და ადამიანის უმნიშვნელოვანეს პრობლემებზე მოგვითხრობს.
|
 |
ავტორი: ნატო დავითაშვილი
სათაური: მთვარის შვილობილები
გამომცემლობა: ქარჩხაძის გამომცემლობა
გამოშვების წელი: 2017
დიდ თამაშში ჩართული ოცდარვა გმირი – მთვარის ოცდარვა შვილობილი იბრძვის მთვარის რჩეულის ტიტულისთვის. ყოველი მათგანი განსაკუთრებულ ძალას ფლობს, მაგრამ რჩეული მხოლოდ ერთი უნდა გახდეს, მთვარის რჩეული კი სამყაროს მბრძანებლობას შეძლებს.
ვინ მიაღწევს ფინიშს, ვინ გახდება ახალი სამყაროს ახალი კანონების შემქმნელი?
თამაში დაწყებულია!
|
 |
ავტორი: ორჰან ფამუქი
სათაური: ჩემი უცნაური ფიქრები
გამომცემლობა: დიოგენე
გამოშვების წელი: 2017
რომანში „ჩემი უცნაური ფიქრები“ ორჰან ფამუქი კვლავ საყვარელი ქალაქის - სტამბოლის თემას უბრუნდება და მთავარი გმირის თავგადასავლის აღწერის ფონზე აცოცხლებს ქალაქის ცხოვრების თითქმის 40 წლის (1969-დან 2012-მდე) ისტორიას.
მთავარი გმირი, მევლუდი, ანატოლიის უღარიბესი სოფლიდან 12 წლის ასაკში ჩამოდის სტამბოლში, რათა ამ ქალაქში ადგილი დაიმკვიდროს. მევლუდი სიმდიდრეს ვერ მოიხვეჭს, მაგრამ, სამაგიეროდ, სტამბოლის ქუჩების მესაიდუმლე ხდება. ის ქუჩებში ტრადიციულ თურქულ სასმელს, ბოზას ჰყიდის. მისი თვალით ვხედავთ ქალაქის გარეუბნების ცხოვრებას და მასთან ერთად განვიცდით უკანასკნელი ათწლეულების თურქეთის ისტორიის პერიპეტიებს - მოვლენებს, რომლებმაც ღრმა კვალი დატოვა როგორც სტამბოლზე, ისე იმ ადამიანების გულებში, რომლებსაც უყვართ ეს ქალაქი და ემსახურებიან მას. სწორედ სტამბოლის ქუჩები აღუძრავს მევლუდს უცნაურ ფიქრებს, ეს ქუჩები ეხმარება, გაუმკლავდეს თავისი ტრაგიკული სიყვარულის ისტორიას და მიაგნოს ცხოვრების საზრისს.
|
 |
ავტორი: კარლ გუსტავ იუნგი
სათაური: მეტამორფოზის სიმბოლოები
გამომცემლობა: დიოგენე
გამოშვების წელი: 2017
დიდი შვეიცარიელი ფსიქოლოგის კარლ გუსტავ იუნგის (1875 - 1961) უმნიშვნელოვანესი ნაშრომი „მეტამორფოზის სიმბოლოები“ ერთ-ერთი ყველაზე ცნობილი წიგნია ფსიქოანალიზურ ლიტერატურაში. ამ თხზულებაში ჩამოყალიბებული მოსაზრებებით იუნგი შორდება ლიბიდოს ფროიდისეულ გაგებას და ტერმინს უფრო ფართო მნიშვნელობას ანიჭებს: ლიბიდო სექსუალური ენერგია კი არა, ზოგადი ფსიქიკური ენერგიაა, რომლის სექსუალური ასპექტები მეორეხარისხოვან როლს თამაშობს.
„მეტამორფოზის სიმბოლოებში“ იუნგი ავითარებს მოძღვრებას კოლექტიური არაცნობიერის, როგორც ზოგადსაკაცობრიო სიმბოლიკის, მათ შორის - მითებისა და სიზმრების - წყაროს შესახებ. აქვე დაწვრილებითაა განხილული ლიბიდოს გამოვლინებები რელიგიურ ტექსტებსა თუ ლიტერატურულ ნაწარმოებებში.
|
 |
ავტორი: ბრუნო შულცი
სათაური: დარიჩინის ქულბაქები
გამომცემლობა: დიოგენე
გამოშვების წელი: 2017
ბრუნო შულცი 1892 წელს ავსტრია-უნგრეთის იმპერიის პროვინციულ ქალაქ დროგობიჩში დაიბადა. მთელი ცხოვრება ადგილობრივ სკოლაში მუშაობდა ხატვისა და შრომის მასწავლებლად და სიკვდილიც იმავე ქალაქში ეწერა - 1942 წელს ქუჩაში მიმავალი შულცი გესტაპოს ოფიცერმა, კარლ გიუნტერმა თავში გასროლით მოკლა. ერთი წლით ადრე, როცა ნაცისტებმა დროგობიჩი დაიკავეს, ებრაელმა შულცმა თავისი ნახატებისა და ხელნაწერების დიდი ნაწილი შესანახად გადასცა არაებრაელ მეგობრებს. იქიდან აღარაფერი გადარჩენილა. სავარაუდოდ, სწორედ იმ ქაღალდებში იყო შულცის დაუმთავრებელი რომანი „მესია“.
ბრუნო შულცი, მეოცე საუკუნის დიდი პოლონელი მწერალი, მოთხრობების ორი პატარა კრებულის ავტორია.
„დარიჩინის ქულბაქები“ შულცის პირველი, 1934 წელს გამოქვეყნებული წიგნია.
|
 |
ავტორი: ბოჰუმილ ჰრაბალი
სათაური: მეტისმეტად ხმაურიანი მარტოობა
გამომცემლობა: დიოგენე
გამოშვების წელი: 2016
პატარა ადამიანი და მისი უკიდეგანო სამყარო, რეალობის კომიკურობა და უკიდურესი ტრაგიზმი - ეს დიდი ჩეხი მწერლის ბოჰუმილ ჰრაბალის (1914 - 1997) საყვარელი თემებია, რომლებსაც ავტორი ამ პატარა, მაგრამ მის შემოქმედებაში უმნიშვნელოვანეს რომანში კიდევ ერთხელ უბრუნდება.
ამბის მთხრობელი მაკულატურის მწნეხელი ჰანტაა, რომელიც თავის Love-story-ს ჰყვება, თუმცა „მეტისმეტად ხმაურიანი მარტოობის“ მთავარი გმირის გამორჩევა რთულია: ყველა პერსონაჟი - მზეთუნახავი მანჩინკა, ბოშა ქალები, ახალგაზრდა მუშები ფერად-ფერადი ხელთათმანებით თუ ჰანტას რკინიგზელი ბიძა, რომელიც ხეხილის ბაღში ვაგონეტზე შემომდგარა - მწერლისთვის ერთნაირად მნიშვნელოვანი ადამიანები არიან.
|
 |
ავტორი: რიჩარდ იეიტსი
სათაური: სააღდგომო ჩვენება
გამომცემლობა: დიოგენე
გამოშვების წელი: 2016
XX საუკუნის მეორე ნახევრის ერთ-ერთ საუკეთესო პროზაიკოსად აღიარებული ამერიკელი მწერლის, რიჩარდ იეიტსის (1926-1992) რომანი „სააღდგომო ჩვენება“ მკითხველთა და კრიტიკოსთა სამართლიან გაოცებას იწვევს - თავისი უჩვეულოდ ძუნწი, ლაკონური და, ამავე დროს, საოცრად ტევადი თხრობის სტილის წყალობით ამ არცთუ სქელტანიან წიგნში მწერალი ერთი ოჯახის თითქმის სამი თაობის ბედ-იღბლის თანაზიარად გვაქცევს. ეს სევდიანი საგა მოგვითხრობს იმაზე, რომ ამ ცხოვრებაში არცერთი გზის არჩევა ბედნიერების უპირობო საწინდარი არ არის და არც შეიძლება იყოს...
|
 |
ავტორი: გოლი თარაყი
სათაური: არჩევანი
გამომცემლობა: დიოგენე
გამოშვების წელი: 2017
გოლი თარაყი (1939) - ცნობილი ირანელი მწერალი ქალი - მოთხრობების ხუთი კრებულის, ორი რომანის, ერთი პოემისა და ლიტერატურული ესეების ავტორია. ცხოვრობს პარიზსა და თეირანში. მისი პროზა მუდამ ორ სამყაროს შორის ტრიალებს: ერთი მხრივ, სამშობლოსთან დაკავშირებული მოგონებები და ნოსტალგია, მეორე მხრივ - ევროპული რეალობა. თარაყის ენა განსაკუთრებულია: პოეტური, რიტმული, ბავშვობის მოგონებებივით ფერადოვანი.
2004 წელს გამოიცა გოლი თარაყის ნოველების კრებული „სახლი ზეცაში“. ამჯერად მკითხველის წინაშეა მწერლის ბოლო წლებში გამოქვეყნებულ ნაწარმოებები.
|
 |
ავტორი: ჯოზეფ კონრადი
სათაური: შვიდი კუნძულის ფრეია
გამომცემლობა: დიოგენე
გამოშვების წელი: 2017
პოლონელ არისტოკრატ თეოდორ იუზეფ კოჟენევსკის, რომლისთვისაც ინგლისური მესამე ენა იყო მშობლიური პოლონურისა და ფრანგულის შემდეგ, მსოფლიო ჯოზეფ კონრადის (1857-1924) სახელით იცნობს. ბრიტანული ლიტერატურის კლასიკოსის რომანი „შვიდი კუნძულის ფრეია“ სიყვარულის, ერთგულებისა და გარემოებების საბედისწერო დამთხვევის ამბავია, რომელიც შორეულ აღმოსავლეთში ხდება. დანიელი მეზღვაურის ქალიშვილის - ფრეია ნილსენის ირგვლივ დრამატული მოვლენები ვითარდება. კაცებს, რომლებსაც ის უყვართ, ადამიანური სისუსტეები და ახირებები ხელს უშლით მომხდარისა თუ მოსახდენის სწორად შეფასებასა და გონივრული გადაწყვეტილებების მიღებაში. თითოეულ გმირს თავისი სიმართლე აქვს, რის გამოც უჭირს მთლიანი სურათის დანახვა - თვალის გასწორება უბრალო ჭეშმარიტებისთვის.
|
 |
ავტორი: ვ. გ. ზებალდი
სათაური: ემიგრანტები
გამომცემლობა: დიოგენე
გამოშვების წელი: 2017
„შესაძლებელია თუ არა, ჩვენს დროშიც შეიქმნას დიდი ლიტერატურა?“ - ეს კითხვა სიუზენ ზონტაგმა დასვა თავის ესეში და იქვე დასძინა, რომ პასუხად ვ. გ. ზებალდის შემოქმედება გამოდგებოდა. დღეს უკვე მსოფლიო მნიშვნელობის მწერლად აღიარებულ ვინფრიდ გეორგ ზებალდს აკადემიური წრის იქით კარგა ხანს არავინ იცნობდა. ზებალდმა ცხოვრების დიდი ნაწილი ინგლისში გაატარა, სადაც გერმანულ ლიტერატურას ასწავლიდა უნივერსიტეტში. იგი ორმოცს გადაცილებული იყო, როცა მისი წიგნები გამოქვეყნდა და ავტორს თანამედროვეობის გამორჩეული პროზაიკოსის სახელი დაუმკვიდრა. სამწუხაროდ, ზებალდის სამწერლო მოღვაწეობა ხანმოკლე გამოდგა - 2001 წელს 57 წლის მწერალი ავტოკატასტროფაში დაიღუპა.„ემიგრანტები“ ოთხი ნაწილისგან შედგება და ოთხი ადამიანის ამბავს მოგვითხრობს, რომლებმაც ამა თუ იმ მიზეზით დატოვეს სამშობლო. ზებალდის სხვა წიგნების მსგავსად, „ემიგრანტებსაც“ შავ-თეთრი ფოტოები ახლავს, რომლებსაც ავტორი ტექსტის განუყოფელ ნაწილად მიიჩნევდა.
|
 |
ავტორი: ალენ ვანიე
სათაური: ფსიქოანალიზის შესავალი
გამომცემლობა: დიოგენე
გამოშვების წელი: 2017
ფსიქოანალიზის, როგორც ფილოსოფიის, მედიცინისა და რელიგიის გზაჯვარედინზე აღმოცენებული დისციპლინის, როლი განმსაზღვრელია XX საუკუნის აზროვნებისათვის. ფრანგი ფსიქოანალიტიკოსი და ფსიქიატრი, პარიზის დიდროს სახელობის უნივერსიტეტის პროფესორი ალენ ვანიე „ფსიქოანალიზის შესავალში“ ამ მოძღვრების ფუნდამენტურ კონცეპტებსა და ფსიქოანალიზის ისტორიის გარდამტეხ მომენტებს განიხილავს.
წიგნი განკუთვნილია როგორც ფსიქოლოგების, ფსიქოანალიტიკოსებისა და მომიჯნავე პროფესიების წარმომადგენლების, ისე მკითხველთა ფართო წრისთვის, რადგან კვლევის ფსიქოანალიზური მეთოდი და მისი კონცეპტუალური სისტემა არა მხოლოდ პიროვნების ფსიქიკური ცხოვრების, არამედ სოციალური, კულტურული და პოლიტიკური ფენომენების გაგების უმნიშვნელოვანესი ინსტრუმენტია.
|
 |
ავტორი: მაჰმუდ დოულათაბადი
სათაური: პოლკოვნიკის მიმწუხრი
გამომცემლობა: დიოგენე
გამოშვების წელი: 2016
ცნობილი ირანელი მწერლის მაჰმუდ დოულათაბადის (1940) რომანი „პოლკოვნიკის მიმწუხრი“ ავტორის სამშობლოში დღემდე არ გამოქვეყნებულა, თუმცა ირანის ხელისუფლების მიერ „ყველაზე კონტრრევოლუციურ“ რომანად მიჩნეული ეს თხზულება არაერთ ევროპულ ენაზეა თარგმნილი.
მოქმედება მეოცე საუკუნის 80-იან წლებში - ისლამური რევოლუციის გარიჟრაჟსა და ირან-ერაყის ომის დროს, ერთი ღამის განმავლობაში ვითარდება. შაჰის არმიის გადამდგარმა პოლკოვნიკმა, რომლისთვისაც ეროვნული იდეალები და ღირსება მთავარ ფასეულობებს წარმოადგენს, შვილები პატრიოტებად აღზარდა და თავისუფალი არჩევანის უფლება მისცა. სხვადასხვა გზის არჩევის მიუხედავად, პოლკოვნიკის შვილები ქვეყანაში მომხდარ პოლიტიკურ მოვლენებს ეწირებიან. ავტორის შთამბეჭდავი თხრობის წყალობით, მკითხველი არა მარტო ერთი ოჯახის ტრაგედიის, არამედ მთელი სახელმწიფოს დრამატული ისტორიის თანამონაწილე ხდება.
|
 |
ავტორი: მატიას ენარი
სათაური: ესაუბრე ბრძოლებზე, მეფეებსა და სპილოებზე
გამომცემლობა: დიოგენე
გამოშვების წელი: 2017
1506 წელს, სულთან ბაიაზიდ II-ის მიწვევით, მიქელანჯელო ბუონაროტი კონსტანტინოპოლში ჩადის. გენიალურ მოქანდაკეს პაპ იულიუს II-ის აკლდამის მშენებლობა მიუტოვებია და, ხელმომჭირნე პონტიფექსზე გულმოსული, მალულად ოსმალეთში გარბის. მიქელანჯელომ ოქროს რქაზე ხიდი უნდა ააგოს. მოქანდაკე პირველი არ არის, ვისაც ამ ხიდის აგებას სთავაზობენ. მანამდე სულთანმა თავად ლეონარდო და ვინჩის პროექტი დაიწუნა. მიქელანჯელო გულში წინასწარ ზეიმობს - ამ ხიდით პაპსაც ასწავლის ჭკუას და ლეონარდოსაც მიუჩენს საკადრის ადგილს. ოღონდ მან ერთი რამ არ იცის - სულთნის კარზე უკვე ხლართავენ ინტრიგებს ფლორენციელის წინააღმდეგ...
ცნობილი ფრანგი მწერლის, გონკურის პრემიის ლაურეატის, მატიას ენარის (1972) რომანი „ესაუბრე ბრძოლებზე, მეფეებსა და სპილოებზე“ ისტორიულ ფაქტებს ეყრდნობა. წიგნში მოტანილი მიქელანჯელოს წერილებიც ავთენტურია.
|
 |
ავტორი: უმბერტო ეკო
სათაური: ფუკოს მანქანა
გამომცემლობა: დიოგენე
გამოშვების წელი: 2016
„ფუკოს ქანქარა” ცნობილი იტალიელი მწერლისა და მეცნიერის, უმბერტო ეკოს (1932-2016) მეორე რომანია, რომელიც ავტორის სადებიუტო „ვარდის სახელზე“ არანაკლებ პოპულარულია მთელ მსოფლიოში. განუმეორებელი სტილი - ისტორიული ფაქტებით მდიდარი, სახალისო და, ამავდროულად, სევდიანი თხრობა დღესაც, რომანის გამოცემიდან თითქმის 30 წლის შემდეგ, აჯადოებს მკითხველს. ერთ-ერთი მილანური გამომცემლობის რედაქტორები ოკულტური მეცნიერებებით, საიდუმლო საზოგადოებებით, მსოფლიო შეთქმულებებით ერთობიან. ასე, თამაშ-თამაშით, მოიფიქრებენ „გეგმას“, მაგრამ მეტისმეტი მოსდით: ვიღაც მართლა დაიჯერებს მათ შეთხზულ ისტორიას და დაუნდობელ ბრძოლას იწყებს საიდუმლოს გასაღების ხელში ჩასაგდებად…
|
 |
ავტორი: იუკიო მიშიმა
სათაური: ოქროს ტაძარი
გამომცემლობა: დიოგენე
გამოშვების წელი: 2016
მე-20 საუკუნის იაპონური ლიტერატურის შედევრს, იუკიო მიშიმას ,,ოქროს ტაძარს’’ საფუძვლად კიოტოში მომხდარი ნამდვილი ამბავი უდევს. მწერალი ადამიანის ყველაზე რთულად ასახსნელი ინსტიქტების ჩვენებას ისე ახერხებს, რომ მკითხველს დამზაფრავი გულწრფელობით გამორჩეული მთავარი გმირის თანამზრახველად აქცევს. სილამაზის არსის შეცნობა სიკვდილ-სიცოცხლის საკითხად ქცეულა ბუდისტი მორჩილისათვის, რომლის ფიქრებიც მუდმივად დასტრიალებს ოქროს ტაძარს - სრულყოფილების განსახიერებას. წლების შემდეგ იუკიო მიშიმა სიცოცხლეს თვითმკვლელობით დაასრულებს, მისი მთავარი გმირის ნააზრევი კი სულ სხვა მნიშვნელობას შეიძენს.
|
 |
ავტორი: ვაჟა სამსონიძე
სათაური: მესხური რეალიები ,,ვეფხისტყაოსანში’’
გამომცემლობა: საუნჯე
გამოშვების წელი: 2017
მესხური რეალიები ,,ვეფხისტყაოსანში’’ წარმოადგენს ამავე სახელწოდებით 2000 წელს გამოცემული წიგნისა და შემდეგში ამავე თემაზე დამუშავებული მასალების კრებულს, რომელიც ეძღვნება დიდი ,,მესხი მელექსის’’ - შოთა რუსთაველის 850 წლისთავს.
|
 |
ავტორი: ლელა ცუცქირიძე
სათაური: წარმოიდგინე, ელისაბედ
გამომცემლობა: საუნჯე
გამოშვების წელი: 2016
პოეტური კრებული „წარმოიდგინე, ელისაბედ“ ლელა ცუცქირიძის რიგით მეორე პოეტური კრებულია. წიგნი ავტორისეული ილუსტრაციებით არის გაფორმებული, რედაქტორი კი რობერტ მესხია. კრებულში ფორმის თვალსაზრისით სამი ტიპის ლექსებია შესული - ვერლიბრები, მინიმალისტური პოეზია და კონვენციური ლექსები.
|
 |
ავტორი: ზაზა ბიბილაშვილი
სათაური: პოეზია, დანარჩენი ლიტერატურა, და დანარჩენი
გამომცემლობა: საუნჯე
გამოშვების წელი: 2017
,,პოეზია, დანარჩენი ლიტერატურა, და დანარჩენი" ზაზა ბიბილაშვილის რიგით მეოთხე კრებულია და მასში შესულია 2000-2015 წლებში მწერლის მიერ გაკეთებული ჩანაწერები.
ზაზა ბიბილაშვილი ოთხი წიგნის ავტორია, აქედან ორი პოეტური კრებულია, ერთი პროზაული და ერთიც ჩანაწერების
|
 |
ავტორი: ნინო ზედელაშვილი
სათაური: დარდების შემგროვებელი - მოგონებები გოდერძი ჩოხელზე
გამომცემლობა: საუნჯე
გამოშვების წელი: 2017
2012 წელს გამოვიდა ნინო ზედელაშვილის პირველი წიგნი გოდერძი ჩოხელზე – „ნაწილიანი“, რომელშიც რეჟისორსა და მწერალ – გოდერძი ჩოხელზე მოგონებები გაერთიანდა. „დარდების შემგროვებელი“, ფაქტობრივად, ამ წიგნის გაგრძელებაა და ახალ მოგონებებს სთავაზობს მკითხველს. წიგნში შესულია საინტერესო და უნიკალური მასალა ჩვენი თანამედროვეობის უდიდესი შემოქმედის ცხოვრებისა და მოღვაწეობის შესახებ.
|
 |
ავტორი: ალხაზიშვილი გივი
სათაური: რჩეული
გამომცემლობა: საუნჯე
გამოშვების წელი: 2017
გივი ალხაზიშვილის ახალ პოეტურ კრებულში გაერთიანებულია ოცდაათზე მეტი პოეტური კრებულიდან („დიალოგი ფიქრში", „ღამეთა ფერფლი". „ქარის დევნა", „შენ ყოველივეს ხედავ, ცაო", „სინათლე წვეთში", „გამოსვლა უდროობიდან", „გაღწევის სურვილი", „ქორონიკონი", „ეპისტოლეთა წიგნი", „უცნობი მზე", „ჩემი დღეების მიწა" და სხვ.) ამოკრებილიე ცალკეული ლექსები.
|
 |
ავტორი: გოჩა სხილაძე
სათაური: უნაპირო მდინარე
გამომცემლობა: საუნჯე
გამოშვების წელი: 2016
,,უნაპირო მდინარე’’ გოჩა სხილაძის ბოლოდროინდელი ლექსების კრებულია. პოეტმა იცის, რომ პოეზია ყოველთვის არ ნიშნავს განსაკუთრებულ აზრებს, მაგრამ სამაგიეროდ ყოველთვის მიელტვის ნებისმიერი აზრის ოსტატურად გამოხატვას. მხატვრული სახეები დასტურია პოეტის დამოკიდებულებისა ამა თუ იმ მოვლენისადმი, მისი დახმარებით კი – მთელი სამყაროსადმი. ფილოსოფიური, ანალიტიკური აზროვნების უნარი კარგად ჩანს ლექსებში პროზად, სადაც ავტორმა საკუთარ თავს თვითონ დაუნიშნა მეტად მკაცრი და მძიმე გამოცდა, რადგან არც თუ ადვილია ლექსი ყოველთვის შეესაბამებოდეს მისსავე უმაღლეს კრიტერიუმებს.
|
 |
ავტორი: შოთა რუსთაველი
სათაური: ,,ვეფხისტყაოსანი’’ - კორეულ ენაზე
გამომცემლობა: Zmanz
გამოშვების წელი: 2016
2016 წელს, კორეაში, სეულის იონსეის უნივერსიტეტის პროფესორის, ჩო ჯუ-კვანის მიერ კორეულ ენაზე ნათარგმნი შოთა რუსთაველის პოემა „ვეფხისტყაოსანი“ გამოიცა.
ჩო ჯუ-კვანი ქართულ ნაწარმოებზე 10 წლის განმავლობაში მუშაობდა. „ვეფხისტყაოსანი“ კორეულ ენაზე ნათარგმნი პირველი ქართული ლიტერატურული ნაწარმოებია. პროფესორი ჩო ჯუ-კვანი ახლო მომავალში „ვეფხისტყაოსანზე“ საკუთარი კვლევითი ნაშრომის გამოქვეყნებას გეგმავს.
|
 |
ავტორი: პაპუნა დავითაია
სათაური: ვეფხისტყაოსანი - გრაფიკული რომანი
გამომცემლობა: არტანუჯი
გამოშვების წელი: 2016
ეს არის პირველი ქართული გრაფიკული რომანი, რომელიც „ვეფხისტყაოსნის“ სიუჟეტს 1500-მდე ილუსტრაციით და მინიმალისტური, თანამედროვე ტექსტით გვიყვება.
|
 |
ავტორი: ავთანდილ არაბული
სათაური: მოგითხრობთ ,,ვეფხისტყაოსანს``
გამომცემლობა: სეზანი
გამოშვების წელი: 2016
წინამდებარე გამოცემა წარმოადგენს „ვეფხისტყაოსნის“ და შოთა რუსთაველის შესახებ ენციკლოპედიური მიდგომით თავმოყრილ კრებულს. მასში იხილავთ ინფორმაციას თითქმის ყველა იმ პირზე, ვინც „ვეფხისტყაოსანთან“ არის დაკავშირებული, 1000-ზე მეტ საილუსტრაციო მასალას, 200-ზე მეტი ავტორის სტატიასა და ნაშრომს.
|
 |
ავტორი: დიანა ანფიმიადი
სათაური: ჩრდილის ამოჭრა
გამომცემლობა: ინტელექტი
გამოშვების წელი: 2015
„ჩრდილის ამოჭრა“ დიანა ანფიმიადის ახალი პოეტური კრებულია, და ეს „ახალი“ უპირველეს ყოვლისა, კონცეპტუალურ, მხატვრულ სიახლეს ნიშნავს. ვერსიფიკაციული მოულოდნელობებით სავსე პოეტური სამყარო კიდევ უფრო ღრმად, იმ სინამდვილის გავლით დააინტერესებს მკითხველს, რომელზეც ავტორი მანამდე წერდა.
კრებულში ბევრი სიმღერაა (ასე ჰქვია ლექსებს) - ეს კი მთელ წიგნს ეპიკურ ტონალობას სძენს, ერთ გაბმულ ამბად ეცხადება მკითხველს. შესაბამისად, ეს წიგნი ისევე იკითხება, როგორც ერთი მთლიანი ამბავი სამყაროს პოეტური, სახიფათო თამაშებით.
|
 |
ავტორი: მანანა ამირეჯიბი
სათაური: მე და ჩემი წილი მამა
გამომცემლობა: არტანუჯი
გამოშვების წელი: 2015
წინამდებარე გამოცემის უმთავრესი თავისებურება ისაა, რომ ეს არის წიგნი-აღსარება. ავტორი შემაცბუნებელი გულახდილობით მოგვითხრობს თავის თავზე, თავისიანებზე, ნაცნობ-მეგობრებზე, ანუ საბოლოო ჯამში ცხოვრებაზე.
იმ ტექსტთაგან, რომელთა მთავარი „პერსონაჟი“ ცხოვრება, ანუ, როგორც ძველად იტყოდნენ, საწუთროა, ეს წიგნი ერთი რამით გამოირჩევა - აქ არ არის წუწუნი ამა სოფლის და მისთა მდგმურთა არასრულყოფილების გამო - ამ წიგნის ავტორი ცხოვრების ინტერესიანი დამკვირვებელი და მახვილგონიერი კომენტატორია - ჩინებული მთხრობელ და განგებისგან საუცხოო იუმორის ნიჭით დაჯილდოვებული.
|
 |
ავტორი: მურად ტყემალაძე
სათაური: ხატწერის ტექნოლოგია
გამომცემლობა: თბილისის სასულიერო აკადემიისა და სემინარიის გამომცემლობა
გამოშვების წელი: 2016
თბილისის სასულიერო აკადემიისა და სემინარიის გამომცემლობა, 2016 წელი
წინამდებარე სახელმძღვანელო აგებულია თბილისის სასულიერო აკადემიისა და სემინარიის საეკლესიო არქიტექტურის, ხატწერის, დაზგური და მონუმენტური ხატწერის რესტავრაციის ფაკულტეტის სასწავლო პროგრამების მოთხოვნილებათა შესაბამისად და განკუთვნილი რესტავრაციისა და ხატწერის სპეციალობის სტუდენტებისათვის.
კურსის შედგენისას ძირითადად გამოყენებულია რუსულენოვანი მკვლევარების შრომები და სახელმძღვანელოები, რომელთა ჩამონათვალი წიგნის ბოლოშია მოცემული. ზოგიერთი მონაცემი და ინტერპერტაცია, რომელიც ეხება ბუნებრივ მინერალურ პიგმენტებს და საბათქაშე მასალებს, ატორის საკუთარი კვლევისა და დაკვირვების შედეგია და, პრაქტიკულად, მრავალჯერადაა გამოცდილი.
|
 |
ავტორი:
სათაური: გალაკტიონი - 125 საიუბილეო კრებული
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე პროზაული კრებული გალაკტიონ ტაბიძის ცხოვრებისა და შემოქმედების მკვლევართა სხვადასხვა თაობას აერთიანებს და მეცნიერულ შეხედულებათა ფართო სპექტრს წარმოგვიდგენს. წიგნში ასახული კონცეფციები და დასკვნები ახალ ჰორიზონტებს შლის გალაკტიონოლოგიის შესწავლაში.
|
 |
ავტორი: უილიამ ანთოლისი, სტროუბ ტალბოლი
სათაური: სწრაფად წინ - ეთიკა და პოლიტიკა გლობალური დათბობის ეპოქაში
გამომცემლობა: რადარამი
გამოშვების წელი: 2016
,,სწრაფად წინ’’ დამწყებთათვის გამიზნული სამეცნიერო სახელმძღვანელოა, რომელიც გვეხმარება გავიგოთ: რა ვიცით, ან არ ვიცით გლობალური დათბობის შესახებ. რატომ არის საჭირო გონივრული და სწრაფი რეაგირება კლიმატის ცვლილების დროს. რატომ იქნება დაბალნახშირბადიან ეკონომიკაზე გადასვლა ისტორიაში ყველაზე რთული პოლიტიკურ-ეკონომიკური ოპერაცია და რატომ მოითხოვს იგი ჩვენი სამოქალაქო პასუხისმგებლობის რადიკალურ შეცვლას.
|
 |
ავტორი: რუსუდან ფეტვიაშვილი / RUSUDAN PETVIASHVILI
სათაური: ბავშვობა CHILDHOOD / ფერწერა PAINTING გრაფიკა DROWING / ილუსტრაცია ILLUSTRATION
გამომცემლობა: არტანუჯი
გამოშვების წელი: 2016
ალბომში შესულია რუსუდან ფეტვიაშვილის სხვადასხვა დროს შექმნილი ფერწერული და გრაფიკული ნამუშევრები, როგორც ბავშვობისდროინდელი, 6-11 წლის ასაკში, ფანქრითა და ტუშით შესრულებული უნიკალური ნახატები, ასევე სხვადასხვა წიგნისთვის შექმნილი ილუსტრაციები („ვეფხისტყაოსანი“, ფრანგულ ენაზე გამოცემული „დათა თუთაშხია“ და სხვ.) და სახარების მინიატიურები.
ალბომის გაცნობა შესაძლებელია ქართულ და ინგლისურ ენებზე.
|
 |
ავტორი:
სათაური: ივანე ჯავახიშვილის კარტოგრაფიული მემკვიდრეობა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე ნაშრომის მიზანია მკითხველს გააცნოს ივანე ჯავახიშვილის ხელდასმით შექმნილი კარტოგრაფიული ნაწარმოებები, რომლებიც დღემდე სათანადოდ არ არის შეფასებული და გააზრებული.
ეძღვნება ივანე ჯავახიშვილის დაბადების 140 წლის იუბილეს
|
 |
ავტორი: ჯემალ ქარჩხაძე
სათაური: ზებულონი
გამომცემლობა: ქარჩხაძის გამომცემლობა
გამოშვების წელი: 2016
ჯემალ ქარჩხაძემ რომანი ,,ზებულონი’’ 1988 წელს დაწერა. ,,ზებულონს’’ ახასიათებს კლასიკური თხრობის სტილი, რაც ნებისმიერ მკითხველისათვის ადვილად აღსაქმელია. რომანში ხშირია როგორც მაგიური, ასევე ფენტეზის ელემენტები. ნაწარმოებში მოქმედება გამოგონილ პერიოდში მიმდინარეობს და ამ მოვლენით რომანი ჟანრობრივად ალტერნატიულ ისტორიას უახლოვდება.
|
 |
ავტორი: ჯემალ ქარჩხაძე
სათაური: ქარავანი
გამომცემლობა: ქარჩხაძის გამომცემლობა
გამოშვების წელი: 2016
ჯემალ ქარჩხაძემ რომანი ,,ქარავანი’’ 1984 წელს დაწერა. ნაწარმოებში ვხვდებით ფსევდოგმირს აბელს, რომლის ირგვლივაც ხდება მოქმედება. ყველა ამბავი რაც ნაწარმოებში ხდება მთავარი გმისითვის თითო შტრიხია და თუ მაინცდამაინც საჭიროა ერთი წინადადებით მარტივად განსაზღვრა, მაშინ ეს წიგნი სწორედ საკუთარი თავის პოვნაზე, ინდივიდად ჩამოყალიბების ამბავია.
|
 |
ავტორი:
სათაური: ფესვები - ქართული მინიატურული პროზა
გამომცემლობა: ქართული აკადემიური წიგნი
გამოშვების წელი: 2016
წინამდებარე პროზაულ კრებულში შესულია შემდეგი ქართველი მწერლების მოთხრობები ქართულ და გერმანულ ენებზე: ვაჟა ფშაველა - ,,ფესვები’’, ტერენტი გრანელი - ,,გულიდან სისხლის წვეთები’’, ტერენტი გრანელი - ,,ვარსკვლავი, რომელსაც მე ვუმზერ’’ და გოდერძი ჩოხელი - ,,არჩევნები სასაფლაოზე’’.
|
 |
ავტორი:
სათაური: გერმანული ენის გრამატიკა Deutsche Grammatik
გამომცემლობა: ქარჩხაძის გამომცემლობა
გამოშვების წელი: 2016
წინამდებარე სახელმძღვანელო შედგენილია კლასიკური ფორმით. ყოველი უმთავრესი თუ მეორეხარისხოვანი გრამატიკული ფენომენი ახსნილია მარტივად და მოყვანილია სისტემაში. წიგნი მოიცავს გერმანული ენის სრულ გრამატიკას - ფონეტიკა. მორფოლოგია, სინტაქსი.
,,გერმანული ენის გრამატიკა’’ გათვალისწინებულია დამხმარე სახელმძღვანელოდ უმაღლესი სასწავლებლის სტუდენტებისა და პედაგოგებისათვის.
|
 |
ავტორი: ნუნუ გურგენიძე
სათაური: დიალექტოლოგიური ძიებანი
გამომცემლობა: ქართული აკადემიური წიგნი
გამოშვების წელი: 2016
ნაშრომი წარმოადგენს ორ, ერთმანეთისგან სრულიად განსხვავებულ ენათა დიალექტებში (თურქული, ქართული), სიტყვათა სესხების შედეგად წარმოქმნილ ურთიერთგავლენების შესწავლის მრავალწლიანი კვლევის შედეგს. საკვლევ ობიექტს წარმოადგენენ საქართველოს რეგიონებიდან: აჭარის, გურიის, მესხეთის, მთის დიალექტებიდან: თუშეთის, თიანეთის, მთიულეთის, ფშავის, გუდამაყრის რეგიონები, რომელთა მოსახლეობის მეტყველებაზე, სხვადასხვა ისტორიულ პირობებში და სხვადასხვა დროს, გარკვეული ზეგავლენა მოახდინა თურქულმა თუ თურქულის გზით დამკვიდრებულმა აღმოსავლურმა ლექსიკამ.
|
 |
ავტორი: თედო უთურგაიძე
სათაური: ქართული ენობრივი სისტემის საკითხები
გამომცემლობა: ენათმეცნიერების ინსტიტუტი
გამოშვების წელი: 2016
ნაშრომში განხილულია ქართული გრამატიკის რამდენიმე საკითხი, რომელთაგან უფრო ვრცლად არის წარმოდგენილი ზმნათა პირის ნიშნების ინვერსიის შესაძლებლობა მედიოპასივთა და სტატიკურ ვნებითთა I სერიისა და აქტივთა III სერიის ფორმებში.
|
 |
ავტორი: გრივერ ფარულავა
სათაური: ჰაგიოგრაფია - ხელოვნება ხელოვნების შესახებ
გამომცემლობა: ქართული აკადემიური წიგნი
გამოშვების წელი: 2016
წინამდებარე გამოკვლევა ეფუძნება ქრისტიანული რელიგიის ძირითად სწავლებას ადამიანის სრულ ფერისცვალებაზე, რასაც საფუძველი მისი მეორედ შობისას - ნათლობისას ედება, ხოლო საბოლოოდ სარწმუნოებრივი მცნებების დაცვისა და ზნეობრივი იდეალების ხორცშესხმისთვის გაწეული საკმაოდ მძიმე ღვაწლით მიიღწევა და რასაც შედეგად მისი გარეგნული ხატის ფერისცვალება-გამშვენება მოაქვს. ამ დროს ადამიანი თვითონ ხდება ხელოვანი - შემოქმედი საკუთარი ახალი სულიერი და გარეგნული პორტრეტისა. სწორედ აქედან გამომდინარეობს, ჰაგიოგრაფია, ანუ აღწერა-გადმოცემა პერსონაჟის სრული ფერისცვალებისა, ხელოვნება ხელოვნების შესახებ. ეს ფრიად საინტერესო დასკვნა მკვლევარის მიერ ქართული ჰაგიოგრაფიული ძეგლებიდან შესაბამისი ადგილების მოხმობითა და მათი ახლებული ანალიზითაა გამოტანილი.
|
 |
ავტორი: პროკლე დიადოხოსი
სათაური: კავშირნი ღმრთისმეტყუელებითნი ტომი I I I
გამომცემლობა: ხელნაწერთა ეროვნული ცენტრი
გამოშვების წელი: 2016
H-1337 ხელნაწერის 1248 წელს სიმეონ პღინძაჰანქელის მიერ ქართულიდან სომხურ ენაზე შესრულებული თარგმანის გამოცემა
მესამე ტომი წარმოადგენს იოანე პეტრიწის ,,კავშირნისა’’ და ,,განმარტების’’ 1248 წელს სიმეონ პღინძაჰანქელის (პღინძაჰანეცის) მიერ ქართულიდან სომხურ ენაზე შესრულებული თარგმანის გამოცემას. საფუძვლიანი გამოკვლევის შედეგად გაირკვა, რომ სომხური თარგმანი თითქმის ქართული თარგმანის თანადროულია. ტექსტოლოგიურ გამოკვლევასთან ერთად გამოცემას ერთვის ქართულ-სომხური ლექსიკონი.
|
 |
ავტორი: პროკლე დიადოხოსი
სათაური: კავშირნი ღმრთისმეტყუელებითნი ტომი I I
გამომცემლობა: ხელნაწერთა ეროვნული ცენტრი
გამოშვების წელი: 2016
H-1337 ხელნაწერის დიპლომატიური გამოცემა
ნაშრომს ერთვის კრიტიკული აპარატი, რომელშიც გათვალისწინებულია გვიანდელი ხელნაწერებისა და სომხური თარგმანის კითხვა-სხვაობები. ასევე, ტექსტოლოგიურ-კოდიკოლოგიური დახასიათება და დამანა მელიქიშვილის გამოკვლევა, რომელშიც განხილულია პეტრიწის ენა და სტილი, ტერმინშემოქმედების, მთარგმნელობითი პრინციპებისა და ენობრივი სტილის თავისებურებანი ელინოფილური მიმართულების სხვა თარგმანებთან მიმართებაში. ასევე მისი მთარგმნელობითი, თეოლოგიური და პედაგოგიური მეთოდოლოგია; გაშუქებულია იოანე პეტრიწის მოღვაწეობის დროისა და ადგილის, მისი ნაშრომების შესახებ არსებული ბუნდოვანი საკითხები.
|
 |
ავტორი: პროკლე დიადოხოსი
სათაური: კავშირნი ღმრთისმეტყუელებითნი ტომი I
გამომცემლობა: ხელნაწერთა ეროვნული ცენტრი
გამოშვების წელი: 2016
H-1337 ხელნაწერის ფაქსიმილური გამოცემა
ნუსხა შეიცავს უმნიშვნელოვანეს მონაცემებს ქართული ხელნაწერთმცოდნეობის თვალსაზრისით, წერის ტექნიკის, პუნქტუაციისა და აქცენტუაციის ნიშნების შესწავლისათვის. წარმოდგენილია ლოგიკური მახვილების სრულიად თავისებური, რთული და დატვირთული სისტემა.
|
 |
ავტორი: ია (ლეილა) ხუბაშვილი
სათაური: რომის პონტიფექსები და მათი ეპოქა ტომი I
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
მონოგრაფიაში შესწავლილია და გაანალიზებულია პაპობა, რომელსაც ანალოგი არ გააჩნია მსოფლიო ისტორიაში და ეპოქა, რომელშიც ისინი ცხოვრობდნენ და მოღვაწეობდნენ. რომის პონტიფექსებმა თავიანთი არსებობის მანძილზე უდიდესი როლი შეასრულეს პოლიტიკის, დიპლომატიისა და ცივილიზაციის ისტორიაში და დღესაც მნიშვნელოვანი ადგილი უკავიათ საერთაშორისო, პოლიტიკურ და კულტურულ პროცესებში.
ნაშრომში ვრცლადაა წარმოდგენილი პაპობის ფორმირების ისტორიული პროცესები ქრისტიანობის წარმოშობის დროიდან, მათი ბრძოლა უნივერსალიზმისათვის, აღზევებისა და კრიზისის პერიოდები, ვატიკანის სახელმწიფოდ ჩამოყალიბება და ა.შ.
მონოგრაფია განკუთვნილია სტუდენტებისა და მკითხველთა ფართო წრისათვის.
|
 |
ავტორი:
სათაური: ქართველები - ყველაფერი ქართველთა კულტურისა და ეთნოსის შესახებ წიგნი 18
გამომცემლობა: პალიტრა L
გამოშვების წელი: 2016
წარმოდგენილი ნაშrომი ეძღვნება საქართველოს კუთხეების ყოფითი ტრადიციების ღრმა მეცნიერული შესწავლის შედეგებს და იმ თავისებურებათა წარმოჩენას რომელიც თითოეულ მათგანს გააჩნია. ნაშრომში წარმოჩენილია ხალხის მიერ შექმნილი, საუკუნეთა სიღრმიდან გაცოცხლებული ტრადიციები, ქართველი ეთნოსის მრავალსაუკუნოვანი შემოქმედების ნაყოფი, რომლის წვლილი უდიდესია მსოფლიო ცივილიზაციის განვითარებაში.
მონოგრაფიაში უხვადაა გამოყენებული მკვლევართა მიერ საქართველოს სხვადასხვა კუთხეში საველე ეთნოგრაფიული ექსპედიციების დროს გადაღებული ფოტომასალა. ასევე საცხოვრებლების, ტანსაცმლის, ავეჯის, ჭურჭლისა და ყოფითი სცენების ჩანახატები, შესრულებული ექსპედიციის მონაწილე პროფესიონალი მხატვრების და არქიტექტორების მიერ.
|
 |
ავტორი: მაკა ლაბარტყავა
სათაური: გეოგრაფიული ობიექტების საზოგადო სახელები ქართულში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე ნაშრომში გაანალიზებულია გეოგრაფიულ ობიექტთა საზოგადო სახელები, კერძოდ, მთა-ბარისა და წყლის აღმნიშვნელი ლექსიკური ერთეულები შესაბამისი თემატური ჯგუფების სტრუქტურული მოდელების გათვალისწინებით. ყურადღება ექცევა მათს წარმომავლობასთან დაკავშირებულ საკითხებსაც.
წიგნი განკუთვნილია ენათმეცნიერთათვის, ასევე დაინტერესებული მკითხველისათვის.
|
 |
ავტორი:
სათაური: საქართველოს კონსტიტუცია 20 წლის შემდეგ
გამომცემლობა: ფონდი ღია საზოგადოება საქართველო
გამოშვების წელი: 2016
წინამდებარე კრებულის თეოროული და ნორმატიული ასპექტი საკმარისად მრავალფეროვანია იმისთვის, რომ გადაკვეთოს დისციპლინური და იდეოლოგიური ბარიერები. იგი აერთიანებს სხვადასხვა სფეროში მომუშავე მეცნიერის აკადემიურ სტატიას საქართველოს კონსტიტუციური წესრიგის შესახებ. მიუხედავად იმისა, რომ კრებულში ვერ მოხვდა ქართული კონსტიტუციონალიზმისთვის მნიშვნელოვანი ბევრი საკითხი.
იგი საყურადღებო მასალას იძლევა ქვეყნის მთავარ დოკუმენტზე შემდგომი ფიქრისათვის.
|
 |
ავტორი: გიორგი მეტივიშვილი
სათაური: პალიატიური მზრუნველობა ჯიბის თანამგზავრი
გამომცემლობა: ფონდი ღია საზოგადოება საქართველო
გამოშვების წელი: 2016
პალიატიური მზრუნველობის მიზანია მიუხედავად დაავადების სტადიისა ან მკურნალობის სხვა საშუალებების საჭიროებისა, ტანჯვის შემსუბუქება პაციენტებისა და მათი ოჯახებისათვის.
პალიატიური მზრუნველობა როგორც მზრუნველობის ფილოსოფია, ასევე მზრუნველობის ორგანიზებული, მაღალი სტრუქტურიზებული სისტემაა, აფართოებს დაავადების მოდელის ტრადიციულ სამედიცინო მკურნალობას პაციენტებისა და მათი ოჯახების ცხოვრების ხარისხის გაუმჯობესებით, ფუნქციათა ოპტიმატიზაციით, გადაწყვეტილებების მიღებაში დახმარებით და პირადი განვითარებისთვის შესაძლებლობების უზრუნველყოფით.
|
 |
ავტორი: ჭაბუკი ქირია
სათაური: მართლწერის საკითხები
გამომცემლობა: მერიდიანი
გამოშვების წელი: 2016
წიგნში განხილულია თანამედროვე ქართული ენის მართლწერის აქტუალური საკითხები, რომელთა გათვალისწინებაც დიდად წაადგებათ აბიტურიენტებს, სტუდენტებს, ქართულის, როგორც მეორე ენის სწავლით დაინტერესებულ ადამიანებს, მკითხველთა ფართო წრეს.
გამოცემაში უხვადაა წარმოდგენილი სხვადასხვა ტიპის სავარჯიშო მასალა.
|
 |
ავტორი: ჭაბუკი ქირია
სათაური: ქართული ენის პრაქტიკული გრამატიკა
გამომცემლობა: მერიდიანი
გამოშვების წელი: 2016
ქართული ენის პრაქტიკული კურსის წინამდებარე გამოცემაში მაქსიმალურად მარტივი ენით არის გადმოცემული მორფოლოგიის ძირითადი საკითხები მრაქტიკულ ჭრილში. იგი განკუთვნილია, პირველ რიგში, ქართულის, როგორც მეორე/უცხო ენის შემსწავლელთავის; წიგნი სასარგებლო იქნება ქართულენოვანი მოსწავლეებისთვისაც.
|
 |
ავტორი: ანთიმოზ ივერიელი
სათაური: დიდაქეები და სხვა თხზულებები
გამომცემლობა: დობერა
გამოშვების წელი: 2016
წინამდებარე კრებულში ქართულ ენაზე პირველად ქვეყნდება წმინდა ანთიმოზ ივერიელის თხზულებები: ,,დიდაქეები’’, ,,ანთიმოზ ივერიელის მონასტრის ტიპიკონი’’, ,,კანონთა თავები’’, ,,საეკლესიო სწავლება’’, ,,სწავლება სინანულის საიდუმლოს შესახებ’’, თავდასაცავად დაწერილი უსტარები, ანთიმოზ ივერიელის მიერ დასტამბულ გამოცემათა წინასიტყვაობები და მიძღვნები.
კრებულს თან ერთვის ანთიმოზ ივერიელის ცხოვრებისა და შრომების ქრონოლოგია, კომენტარები და სახელთა საძიებელი.
|
 |
ავტორი: ირაკლი ბრაჭული, ანასტასია ზაქარიაძე, ვალერიან რამიშვილი და სხვ.
სათაური: ანთიმოზ ივერიელი - ქართულ-ევროპული დიალოგი
გამომცემლობა: დობერა
გამოშვების წელი: 2016
წინამდებარე ნაშრომი ეძღვნება ახალი ეპოქის გარიჟრაჟზე XVII-XVIII საუკუნეების საქართველოსა და ევროპის ერთ-ერთი თვალსაჩინო მოღვაწის, დიდი ღვთისმეტყველის, განმანათლებლისა და ჰუმანისტის წმინდა ანთიმოზ ივერიელის ცხოვრებასა და შემოქმედებას.
წიგნში გაანალიზებულია ახალი დროის ფილოსოფიურ-რელიგიური ევროპული პარადიგმა და ეპოქის ზნეობრივი დილემების დაძლევის გზები ანთიმოზ ივერიელის საღვთისმეტყველო მემკვიდრეობაში.
|
 |
ავტორი: გიორგი უგულავა
სათაური: სახელმწიფოს მოწყობის ფორმები ანტიკური ეპოქის მხატვრულ ლიტერატურაში - ჰომეროსიდან არისტოფანემდე
გამომცემლობა: ლოგოსი
გამოშვების წელი: 2016
წიგნში განხილულია სახელმწიფოს მოწყობის ფორმები ელინური ხანის (ძვ. წ. VIII-V საუკუნეები) ძველ ბერძნულ მხატვრულ ლიტერატურაში. ცალკეულ თავებში ნაჩვენებია, თუ როგორ ხედავდნენ ძველი ბერძენი ავტორები სახელმწიფოს მოწყობის საკითხებს და როგორ აისახებოდა მათ მხატვრულ შემოქმედებაში პოლიტიკური პრობლემატიკა.
ნაშრომში თანაბრად არის წარმოდგენილი ეპოსი, ლირიკა და დრამა და მათში ასახული სახელმწიფო მოწყობის საკითხები, რაც მკითხველს საშუალებას აძლევს ერთ მთლიანობაში აღიქვას ბერძნული პოლიტიკური აზრის განვითარების დინამიკა.
|
 |
ავტორი: თენგიზ ირემაძე, ჰელმუნტ შნაიდერი, ლალი ზაქარაძე და სხვ.
სათაური: ფილოსოფია და თეოლოგია შუა საუკუნეების საქართველოში
გამომცემლობა: კავკასიური ფილოსოფიისა და თეოლოგიის სამეცნიერო-კვლევითი არქივი
გამოშვების წელი: 2016
წინამდებარე კრებულში წარმოდგენილი ნაშრომები შუა საუკუნეების ქართული თეორიული აზროვნების იმ ასპექტებს წამოსწევს წინა პლანზე, რომელსაც აქამდე ნაკლები ყურადღება ექცეოდა. ზოგიერთი მათგანი დარგის თვით ქართველი სპეციალისტებისთვისაც კი უცნობია.
სამეცნიერო კრებული განსაკუთრებით დიდ დახმარებას გაუწევს ჩვენს სტუდენტებსა და ახალგაზრდებს, რომლებიც შუა საუკუნეების ქართული ფილოსოფიური და საღვთისმეტყველო აზროვნების შესწავლით არიან დაინტერესებული.
|
 |
ავტორი: თეა დულარიძე
სათაური: ელჩობა ძველ აღმოსავლურ ტრადიციასა და ჰომეროსის ეპოსში
გამომცემლობა: ლოგოსი
გამოშვების წელი: 2016
წინამდებარე წიგნში მოთხრობილია ელჩობის ინსტიტუციის ფორმირებისა და განვითარების შესახებ ძველ აღმოსავლეთსა და ჰომეროსის ეპოსში. ელჩობა, რომელიც შორეული წარსულიდან იღებს დასაბამს და აქტუალურია ყველა ეპოქაში, ზოგჯერ გადამწყვეტ როლს თამაშობს კაცობრიობის ისტორიაში. მიუხედავად იმისა, რომ ჰომეროსამდელ ხმელთაშუაზღვისპირეთში საკმაოდ კარგად იყო განვითარებული დიპლომატიური ურთიერთობები, ელჩობის ფენომენი მთელი თავისი ნიუანსებით ყველაზე უფრო რელიეფურად ძველ საბერძნეთში ჩამოყალიბდა. ჰომეროსის პოემებში აისახა მედიტერანულ სივრცეში დაგროვილი ცოდნა, რომლის მსგავსება-განსხვავებების კვლევასაც ცდილობს ავტორი.
წიგნში განსაკუთრებული ყურადღება ეთმობა ე.წ დიპლომატიური სიტყვებისა და სცენების სტრუქტურის ანალიზს, ასევე დიპლომატიის ერთ-ერთ მნიშვნელოვან ასპექტს - მჭერმეტყველების ეფექტს, რომელმაც დასაბამი მისცა რიტორიკის ხელოვნების განვითარებას ჯერ ანტიკურ სამყაროში, შემდეგ კი ევროპულ სივრცეში.
|
 |
ავტორი: სოფოკლე
სათაური: ტრაგედიები (ოიდიპოს მეფე, ოიდიპოსი კოლონოსში, ანტიგონე, ელექტრა)
გამომცემლობა: ლოგოსი
გამოშვების წელი: 2016
წიგნში წარმოდგენილია სოფოკლეს ოთხი ტრაგედიის ქართული თარგმანი, რომელიც ძველი ბერძნულიდან შეასრულა გიორგი ხომერიკმა. მათგან თებეს ციკლის ტრაგედიები პირველად 1988 წელს გამოქვეყნდა და მას შემდეგ მათი რამდენიმე გამოცემა განხორციელდა.
რაც შეეხება ,,ელექტრას’’ იგი პირველად იბეჭდება.
|
 |
ავტორი: რისმაგ გორდეზიანი
სათაური: ინნოვაცია ფორმალიზმი ავანგარდი ანტიკურ ლიტერატურაში
გამომცემლობა: დობერა
გამოშვების წელი: 2016
წინამდებარე წიგნის მიზანია მკითხველმა გაიგოს ზოგიერთი მოსაზრება ანტიკურ მწერლობაში იმგვარი, თანამედროვე მხატვრული კულტურისათვის კარგად ცნობილი პროცესის თუ მიმართულების გამოვლენის თაობაზე, როგორიცაა ინნოვაცია, ფორმალიზმი და ავანგარდი თავიანთი მრავალრიცხოვანი განშტოებებით.
ნაშრომში უხვად არის ჩართული ძველ ავტორთა ტექსტები და ფრაგმენტები. მათი უმეტესობის თარგმანები მეტწილად თავად ავტორს, რისმაგ გორდეზიანს ეკუთვნის.
|
 |
ავტორი: ვალერი ასათიანი
სათაური: ბიზანტიური ცივილიზაცია
გამომცემლობა: ლოგოსი
გამოშვების წელი: 2015
ბიზანტიური ცივილიზაცია წარმოადგენს ელინური სამყაროს უშუალო გაგრძელებას, ასევე თვისებრივად ახალი - ქრისტიანული მსოფლმხედველობის გამომხატველსა და დამამკვიდრებელს. ბიზანტიურმა სამყარომ განსაკუთრებული ადგილი დაიმკვიდრა, რადგან მის წიაღში შექმნილი სულიერი და მატერიალური ფასეულობები ცხადყოფენ ახალი - ქრისტიანული მსოფლმხედველობის სიდიადესა და ცხოველმყოფელობას.
ნაშრომი წარმოადგენს ათასწლოვანი იმპერიის არსებობის მრავლისმომცველი თემის შედარებით სრულად გაშუქების მოკრძალებულ ცდას.
|
 |
ავტორი: ირაკლი დვალიძე, გიორგი მახარობლიშვილი
სათაური: სამეწარმეო საქმიანობის თავისუფლება და სისხლის სამართლით დაცული სამართლებრივი სიკეთე (სამეცნიერო-პრაქტიკული კომენტარი)
გამომცემლობა: სამართლის სახლი
გამოშვების წელი: 2016
წინამდებარე ნაშრომში განხილულია სამეწარმეო სფეროში ჩადენილი ზოგიერთი დანაშაული, რომელსაც თან ახლავს შესაბამის დანაშაულთა სისტემური და კვალიფიციური კომენტარი.
წიგნი უპირველეს ყოვლისა, დიდ დახმარებას გაუწევს მოსამართლეებს, პროკურორებსა და სხვა პრაქტიკოს მუშაკებს ნორმაშეფარდებითი საქმიანობისას. იგი ასევე სასარგებლო იქნება სტუდენტებისათვის, მეცნიერებისა და უმაღლესი სასწავლებლის პროფესორებისა და მასწავლებლებისთვის.
|
 |
ავტორი: ომარ ჯორბენაძე
სათაური: წინასასამართლო გამოძიებისას და წინასასამართლო განხილვისას ადამიანის უფლებათა დაცვაზე სასამართლო კონტროლის პროცედურები (ნაწილი პირველი)
გამომცემლობა: ლეთა
გამოშვების წელი: 2016
წინამდებარე ნაშრომი სასამართლო პრაქტიკის ანალიზისა და პირადი გამოცდილების საფუძველზე მომზადებულია თბილისის სააპელაციო სასამართლოს მოსამართლე ომარ ჯორბენაძის მიერ.
წარმოდგენილ საკითხზე იმსჯელა საქართველოს უზენაეს სასამართლოსთან არსებულმა სამეცნიერო-საკონსულტაციო საბჭომ. ავტორი განიხილავს საბჭოზე გამოთქმულ სხვადასხვა პოზიციას და არგუმენტს.
|
 |
ავტორი: ნანა ბურჭულაძე
სათაური: ქართული ხატები
გამომცემლობა: ქარჩხაძის გამომცემლობა
გამოშვების წელი: 2016
წინამდებარე წიგნში წარმოდგენილია 200-მდე ხატი, რომლებიც ძირითადად თბილისისა და მესტიის მუზეუმებსა და ზემო სვანეთის ეკლესიებში ინახება., მასში შედის აგრეთვე რამდენიმე ხატი ქუთაისის სახელმწიფო ისტორიული მუზეუმიდან და საქართველოს საპატრიარქოდან. წიგნის ნაკრების ქრონოლოგიური დიაპაზონი VI-XVIII სს-ია. მისი ერთი ნაწილი კარგადაა ცნობილი, ნაწილი ნაკლებად, ზოგიერთი კი პირველად ქვეყნდება.
ხატები დალაგებულია თემატურად და ტიპოლოგიურად. ცალკეული თავის შიგნით ხატების წყობა ქრონოლოგიურია. თემატური თანმიმდევრობა წმინდა გამოსახულებათა საეკლესიო იერარქიას ეფუძნება, ტიპოლოგიური კი ამა თუ იმ სახეობის ხატების შემორჩენილი ნიმუშების მნიშვნელოვნებას. თავებს წინ უძღვის მოკლე განმარტებითი ტექსტები, თითოეულ ხატს კი ახლავს ანოტაცია, რომელიც შეიცავს ტექნიკურ მონაცემებს, ხატის ისტორიას, გამოსახულების იკონოგრაფიის, სტილისა და შესრულების მანერის დახასიათებასა და პარალელური მასალის ჩვენებას.
|
 |
ავტორი: მარინე ოსაძე
სათაური: ტერმინთა სესხება-ადაპტაციის საკითხები ქართულ ენაში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
ნაშრომში წარმოდგენილია სესხების პროცესთან დაკავშირებული ძირითადი საკითხები, კერძოდ კი, უცხო წარმომავლობის თვისების აღმნიშვნელ ტერმინთა მორფოლოგიური ადაპტაცია ქართულ ენაში და მათი გაფორმების შესაძლებლობანი.
სასესხებელი სიტყვის სემანტიკისა და მორფოლოგიური აგებულების გათვალისწინებით ნაშრომში გაანალიზებულია უცხო წარმომავლობის ზედსართავ სახელთა და მიმღეობათა მორფოლოგიური სტრუქტურა, გამოვლენილია მეტ-ნაკლებად მყარი მოდელები, წარმოჩენილია ის სიჭრელე, რომელიც თავს იჩენს ტერმინოლოგიურ სიტყვაწარმოებაში.
ნაშრომი განკუთვნილი ენათმეცნიერთათვის, სტუდენტებისა და ყველა იმ პირთათვის, რომელთათვისაც საინტერესოა სიტყვათა სესხების პროცესი და ზოგადად უცხო წარმომავლობის ტერმინთა ორთოგრაფია.
|
 |
ავტორი:
სათაური: მართლწერის ლექსიკონი მედიისათვის
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე ლექსიკონი მომზადდა სპეციალურად მედიის სფეროში მოღვაწეთათვის იმ შეცდომებისა თუ უზუსტობათა გათვალისწინებით, რომლებიც ყველაზე ტიპობრივი ჩანს მათი ზეპირი თუ წერითი მეტყველებისას.
ნაშრომი სიახლეს შეიცავს იმ თვალსაზრისით, რომ მასში პირველადაა წარმოდგენილი ბევრი ახალი ლექსიკური ერთეული შესაბამისი ორთოგრაფიის გათვალისწინებით.
|
 |
ავტორი: ნაირა გელაშვილი
სათაური: ქართული ალტერნატიული პროზა
გამომცემლობა: ქარჩხაძის გამომცემლობა
გამოშვების წელი: 2016
ნაირა გელაშვილის მოთხრობების კრებული “ქართული ალტერნატიული პროზა” მწერლის მიერ სხვადასხვა წლებში შექმნილ 15 მოთხრობას აერთიანებს.
|
 |
ავტორი: ჯონ აპდაიკი
სათაური: მამაჩემის ცრემლები
გამომცემლობა: ქარჩხაძის გამომცემლობა
გამოშვების წელი: 2016
ჯონ აპდაიკის მოთხრობების კრებული ,,მამაჩემის ცრემლები’’, რომელიც 2009 წელს, მწერლის გარდაცვალების შემდეგ გამოქვეყნდა, აერთიანებს შერჩეულ ტექსტებს, რომელთა დიდ ნაწილში მწერალი კვლავ უბრუნდება ბავშვობის საყვარელ ადგილებს, აწ უკვე ასაკოვანი ადამიანის ხედვით. მისთვის დამახასიათებელი მახვილგონივრული დაკვირვებებითა და ნიუანსებით, აპდაიკი ახალ ათასწლეულში შექმნილ ამ მოთხრობების კვლავაც უზადო მთხრობელია და მკითხველს მეხსიერების, წარმოსახვისა და ჭვრეტის საინტერესო ერთობლიობას სთავაზობს.
|
 |
ავტორი:
სათაური: გალაკტიონოლოგია
გამომცემლობა: ქარჩხაძის გამომცემლობა
გამოშვების წელი: 2016
2016 წელს ქარჩხაძის გამომცემლობას გადმოეცა ნიკო წერეთლის პირადი დღიური და მის მიერ შედგენილი ალბომი ფოტოებით, ხელნაწერებით, ადრინდელი გაზეთებიდან ამოჭრილი ცნობებითა და სამახსოვრო ნივთებით. აღნიშნულ მასალაში მოხსენიებულია მე-19 და მე-20 საუკუნეების მიჯნაზე მოღვაწე არაერთი ცნობილი და მნიშვნელოვანი ქართველი ფიგურა, თუმცა ძირითადი ამბავი ეხება ქართველ პოეტს, გალაკტიონ ტაბიძეს, გამომცემლობამ შეისწავლა და ქრონოლოგიურად დაალაგა ტექსტი. ასევე, ისტორიის სრულყოფის მიზნით, დაამატა ნაწყვეტები მოგვიანებით გამოქვეყნებული დღიურებიდან და უცვლელი სახით მკითხველს შესთავაზა წინამდებარე უნიკალური დღიური.
|
 |
ავტორი:
სათაური: ეროვნული თვითშემეცნების სათავეებთან - იოანე საბანისძე: მარტჳლობაჲ ჰაბო ტფილელისაჲ
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე წიგნში შესულია ამონარიდები გასული საუკუნის სამეცნიერო ლიტერატურიდან და თანამედროვე ავტორთა მიერ სპეციალურად წინამდებარე კრებულისთვის დაწერილი სტატიები. რუბრიკით ,,თარგმანი’’ წარმოდგენილია ტექსტის დ. ლანგისეული ინგლისური პერიფრაზი, ხოლო რუბრიკაში ,,ტექსტი’’ შეტანილია წმ. აბო თბილელისადმი მიძღვნილი საგალობლები.
კრებულს ერთვის თხზულების ძირითადი გამოცემებისა და სამეცნიერო ლიტერატურის ბიბლიოგრაფია.
|
 |
ავტორი: რამაზ გახოკიძე, ნელი სიდამონიძე
სათაური: ბიოორგანული ქიმიის მოკლე კურსი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე სახელმძღვანელო შედგენილია თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სტუდენტებისათვის ბიოორგანული ქიმიის სასწავლო პროგრამის შესაბამისად და მოიცავს აღნიშნული კურსის ყველა საკვანძო საკითხს. ის აგრეთვე მნიშვნელოვან დახმარებას გაუწევს ბიოორგანული ქიმიით დაინტერესებულ პირებს.
წიგნში მოცემულია ტესტები შესაბამისი პასუხებით.
|
 |
ავტორი: ნათელა (ია) ანანიაშვილი
სათაური: MATLAB - უნივერსალური ინტეგრირებული კომპიუტერული მათემატიკური სისტემა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე სახელმძღვანელოში წარმოდგენილია ერთ-ერთი ყველაზე მძლავრი კომპიუტერული მათემატიკური სისტემა MATLAB-ის ძირითადი ფუნქციები, ბრძანებები და დაპროგრამების საშუალებები. მოყვანილია სავარჯიშოები და ამოცანები დამოუკიდებელი მუშაობისათვის და მათი ამოხსნის ნიმუშები.
წიგნი გათვალისწინებულია უნივერსიტეტის სტუდენტებისათვის, მკვლევრებისა და ყველა დაინტერესებული პირისათვის, რომელთაც შეუძლიათ გამოიყენონ აღნიშნული სისტემა მათემატიკის, საინჟინრო, ბიზნესისა თუ სხვა სფეროში.
|
 |
ავტორი:
სათაური: ენა ზეციური - ახალგაზრდა უკრაინელი მწერლები ქართულ ენაზე
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წინამდებარე კრებულში წარმოდგენილია კიევის უნივერსიტეტის კურსდამთავრებულების, თანამედროვე და უკვე ავტორიტეტულ შემოქმედთა ნამუშევრები, რომლებიც თარგმნილია ივანე ჯავახიშვილის სახელობის თბილისის სახელმწიფო უნივერსიტეტის პროფესიონალ მთარგმნელთა მიერ, რომელთაც, გამოცემის სპეციფიკიდან გამომდინარე, თარგმანს მაქსიმალურად შეუნარჩუნეს ავტორთა ენა და სტილი.
კრებულით ქართველი მკითხველი გაეცნობა თანამედროვე უკრაინულ ლიტერატურას, მისი განვითარების ისტორიულ და სოციოკულტურულ კონტექსტებს ოცდამეერთე საუკუნეში.
|
 |
ავტორი: ნინო ხარჩილავა
სათაური: საქორწინო ტრადიციები ისტორიულ სამურზაყანოში
გამომცემლობა: უნივერსალი
გამოშვების წელი: 2016
ნაშრომში განხილულია საქართველოს ერთ-ერთი უძველესი კუთხის - სამურზაყანოს, თანამედროვე გალის რაიონის მოსახლეობის საქორწინო ტრადიციები. სამურზაყანოში ამ საკითხების შესწავლა და მისი შედეგები ნათელს ჰფენს მტკივნეულ საკითხს - თუ ვინ იყო ამ ტერიტორიის ძირითადი ეთნიკური შემადგენლობა. გალის რაიონში დადასტურებული ტრადიციული კულტურა, კერძოდ, ქორწინების წესები ქართველური (მეგრული) მოსახლეობის ძველი ისტორიისა და ეთნოლოგიის შესწავლისათვის ღირებულ წყაროს წარმოადგენს, რადგან მასში ბევრია ზოგადად ქართული ეთნიკური ჩვევები.
ნაშრომი განკუთვნილია ეთნოლოგებისა და დაინტერესებული საზოგადოების ფართო წრისათვის.
|
 |
ავტორი: მურთაზ მაღრაძე
სათაური: საბანკო საინფორმაციო სისტემები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
ნაშრომში განხილულია საბანკო სფეროში კომპიუტერული ტექნოლოგიების დანერგვის ეტაპები, საბანკო საინფორმაციო სისტემების ინფორმაციული უზრუნველყოფა, ტექნიკური საშუალებები, ბანკის ავტომატიზებული სამუშაო ადგილების სტრუქტურა და მათი კავშირი ბანკის საინფორმაციო სისტემასთან, პლასტიკური ბარათები, გადახდის სისტემები, ელექტრონული ფული, საერთაშორისო საფინანსო ტელესაკომუნიკაციო სისტემა S.W.I.F.T., ბანკის საინფორმაციო სისტემების შეძენისა და ამორჩევის კრიტერიუმები, შექმნის ხერხები და საბანკო საინფორმაციო სისტემების უსაფრთხოების უზრუნველყოფის საკითხები.
სახელმძღვანელო განკუთვნილია ეკონომიკისა და ბიზნესის ფაკულტეტის ინფორმაციული ტექნოლოგიების მენეჯმენტის მოდულის მაგისტრატურის და ფინანსებისა და საბანკო საქმის მოდულის სპეციალობის სტუდენტებისათვის. იგი ასევე დაეხმარება ბანკში მომუშავე პერსონალს.
|
 |
ავტორი: ომარ ლანჩავა, კუკური წიქარიშვილი
სათაური: წყალტუბოს (პრომეთეს) მღვიმური სისტემა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2016
წყალტუბოს (პრომეთეს) მღვიმისა და მიმდებარე სპელეოობიექტების ხელსაყრელი ეკონომიკურ-გეოგრაფიული მდებარეობა, კლიმატური, მორფოლოგიური და სხვა თავისებურებები საუკეთესო პირობებს ქმნის მათში რიგი დამხმარე მეურნეობების მოსაწყობად. აქედან გამომდინარე აშკარაა, თუ რა დიდი მნიშვნელობა ენიჭება წყალტუბოს კირქვული მასივის უნიკალური მიწისქვეშა ძეგლების მოფიქრებულ და გეგმაზომიერ ათვისებას. დიდია მათი მეცნიერულ-კულტურული ღირებულებაც.
წყალტუბოს მღვიმის ცალკეული დარბაზები მდიდრულად არის მორთული ნაირფეროვანი ნაღვენთი კალციტური წარმონაქმნებით, რომელთა ხილვა, დიდ ინტერესს იწვევს მნახველთა ფართო წრეებში.
|
 |
ავტორი: მერაბ კალანდაძე
სათაური: ამერიკის შეერთებული შტატების ახალი ისტორიის შესწავლა საქართველოში
გამომცემლობა: არტანუჯი
გამოშვების წელი: 2015
წინამდებარე ნაშრომი ისტორიოგრაფიულ ხასიათს ატარებს და მიზნად ისახავს გააშუქოს ამერიკის შეერთებული შტატების ახალი ისტორიის შესწავლა ქართულ ისტორიოგრაფიაში. საქართველოში ამერიკის შეერთებული შტატების ახალი ისტორიის შესწავლის გარკვეული ტრადიცია ყალიბდება. ქართულმა ისტორიოგრაფიამ თავისი მოკრძალებული წვლილი შეიტანა ამერიკის შეერთებული შტატების ახალი ისტორიის სწავლების, პოპულარიზაციისა და შესწავლის საქმეში.
წიგნი განკუთვნილია სტუდენტებისა და ამერიკის ახალი ისტორიის პრობლემებით დიანტერესებული ქართველი მკითხველისათვის.
|
 |
ავტორი: თემურ ცქიტიშვილი
სათაური: ადამიანის სიცოცხლისა და ჯანმრთელობისთვის საფრთხის შემქმნელი დელიქტები
გამომცემლობა: მერიდიანი
გამოშვების წელი: 2015
წინამდებარე ნაშრომში ქართული და გერმანული სისხლის სამართლის მიხედვით, შედარებით-სამართლებრივი მეთოდის გამოყენებით, განხილულია ადამიანის სიცოცხლისა და ჯანმრთელობისთვის საფრთხის შექმნელი დელიქტები. ნაშრომი, პირობითად, ორ ნაწილად შეიძლება დაიყოს. პირველში განხილულია სისხლის სამართლის ზოგადი ნაწილის პრობლემები საფრთხის დელიქტებთან დაკავშირებით, ხოლო, მეორე ნაწილში, აღნიშნული დელიქტების ცალკეული შემადგენლობანი.
მონოგრაფიაში ქართველ და უცხოელ მეცნიერთა შეხედულებები ცალკეულ საკითხებთან დაკავშირებით კრიტიკულად არის გაანალიზებული, მაგრამ ამასთან ერთად, მოცემულია საკუთარი ხედვა საკვლევ საკითხთა გარშემო.
|
 |
ავტორი: თამარ შოთაძე
სათაური: კონდიქციური სამართალი ,,Condictiones Sine Causa’’ - შედარებითი კვლევა
გამომცემლობა: იურისტების სამყარო
გამოშვების წელი: 2016
წინამდებარე ნაშრომი ეთმობა სამოქალაქო სამართლის ინსტიტუტს - უსაფუძვლო გამდიდრების შედარებით-სამართლებრივ კვლევას. ნაშრომი იმ კუთხითაც არის საინტერესო, რომ ასახულია რომის სამართალში უსაფუძვლო გამდიდრების დაუშვებლობის პრინციპის რეალიზაცია მსოფლიოს წამყვან სამართლებრივ სისტემებში. მკითხველისათვის საინტერესო იქნება იმ ისტორიული გზის გააზრება, რომელიც კონდიქციურმა სამართალმა განვლო რომის სამართლიდან მსოფლიოს წამყვან მართლწესრიგებში, ასევე ის თავისებურებანი, რომლებიც ევროპული სამართლის რეცეფციის გზით აისახა საქართველოს სამოქალაქო კანონმდებლობაში.
ნაშრომი განკუთვნილია სამეცნიერო და აკადემიური წრეების, მოსამართლეების, ადვოკატების და ყველა იმ პირთათვის ვინც დაინტერესებულია საქართველოში ცივილისტური აზრის განვითარებით.
|
 |
ავტორი: რომან შენგელია, ეკატერინე შენგელია
სათაური: საოჯახო და მემკვიდრეობის სამართალი
გამომცემლობა: მერიდიანი
გამოშვების წელი: 2015
საოჯახო სამართალი იმ ნორმების ერთობლიობაა, რომელიც ოჯახის წევრებს შორის წარმოშობილ ურთიერთობებს არეგულირებს. ოჯახი კი ქორწინებით ან ნათესაობით ერთმანეთთან დაკავშირებული პირთა ჯგუფია. მათ შორის წარმოიშობა მრავალმხრივი სოციალურ-ეკონომიკური და ყოფითი ურთიერთობების ფართო სპექტრი.
ნაშრომში განხილულია ოჯახთან და მემკვიდრეობასთან დაკავშირებული თითქმის ყველა სამართლებრივი საკითხი. წიგნი განკუთვნილია მომავალი და მოქმედი იურისტებისათვის, აგრეთვე საოჯახო და მემკვიდრეობის სამართლის საკითხებით დაინტერესებული ფართო მკითხველისათვის.
|
 |
ავტორი: ბექა ძამაშვილი
სათაური: სამხედრო კონფლიქტების სამართალი (ძალის გამოყენების აკრძალვა)
გამომცემლობა: დავით ბატონიშვილის სამართლის ინსტიტუტი
გამოშვების წელი: 2016
წინამდებარე სახელმძღვანელოში განხილულია ძალის გამოყენების აკრძალვის სამართლის მნიშვნელოვანი თეორიული ასპექტები და მოცემულია რელევანტური პრაქტიკის ანალიზი.
წიგნი განკუთვნილია სამართლის მიმართულების სტუდენტებისთვის და იურისტებისთვის, აგრეთვე სამართლის ამ დარგით დაინტერესებულ მკითხველთა ფართო წრისათვის.
|
 |
ავტორი: ლაშა ცერცვაძე
სათაური: დირექტორატის მოვალეობები კომპანიების შერწყმისას და საკონტროლო პაკეტის გასხვისებისას (შედარებით-სამართლებრივი ანალიზი)
გამომცემლობა: იურისტების სამყარო
გამოშვების წელი: 2016
აღნიშნული ნაშრომი შეეხება დირექტორთა მოვალეობებს კომპანიის მართვის პროცესში, ხოლო საკითხი განხილულია ევროკავშირის, აშშ-ის და ქართული სამართლის მაგალითზე. ძირითადი ყურადღება გამახვილებულია კორპორაციული მართვის სამრთლებრივ ასპექტებზე. კომპანიის საქმიანობის კეთილსინდისიერად და გულისხმიერად გაძღოლა, როგორც დირექტორის მოვალეობა, კორპორაციული მართვის უმთავრეს ელემენტს წარმოადგენს.
|
 |
ავტორი: მიხეილ ბიჭია
სათაური: პრაქტიკუმი სამოქალაქო სამართლის ზოგად ნაწილში
გამომცემლობა: ,,ბონა კაუზა’’
გამოშვების წელი: 2015
წინამდებარე სახელმძღვანელო არის სასწავლო-მეთოდური ხასიათის ნაშრომი, რომელიც აგებულია სამოქალაქო სამართლის ზოგადი ნაწილის პრობლემებზე. მოიცავს სასწავლო-მეთოდური ხასიათის მასალას, რომელიც საქართველოს სამოქალაქო სამართლის ზოგადი ნაწილის საკითხებს ეფუძნება. საკონტროლო კითხვები, ტესტები და პრაქტიკული ნიმუშები დალაგებულია თემების მიხედვით. წინა პლანზეა წამოწეული სამოქალაქო სამართლის ზოგადი ნაწილის მნიშვნელოვანი ინსტიტუტები, მასალა აგებულია ცივილისტიკის ისეთი ცნებებისა და კატეგორიების გათვალისწინებით, როგორიცაა: საჯარო და კერძო სამართლის ურთიერთმიმართება, სამოქალაქო სამართლის ცნება, სამოქალაქო სამართლის წყაროები, ნორმები, სამოქალაქო უფლება-მოვალეობა, სამოქალაქო სამართლებრივი ურთიერთობის ობიექტი, პირები, გარიგება, წარმომადგენლობა, ვადები და ხანდაზმულობა.
|
 |
ავტორი: მერაბ ტურავა
სათაური: საერთაშორისო სისხლის სამართლის საფუძვლები
გამომცემლობა: მერიდიანი
გამოშვების წელი: 2015
წინამდებარე წიგნში განხილულია საერთაშორისო სისხლის სამართლის მნიშვნელოვანი საკითხები. საერთაშორისო სისხლის სამართლის ნორმებთან ერთად, დღეისათვის არსებობს ჯერ კიდევ განვითარების პროცესში მყოფი საერთაშორისო სისხლის სამართლის დოგმატიკა და მდიდარი სასამართლო პრაქტიკა. წიგნში სათანადოდ არის გადმოცემული მათი არსი და მნიშვნელობა საერთაშორისო დანაშაულების დასჯადობის თვალსაზრისით.
ნაშრომი განკუთვნილია პროფესორ-მასწავლებლების, სტუდენტებისა და დოქტორანტებისათვის, ასევე საერთაშორისო სისხლის სამართლის საკითხების შესწავლით დაინტერესებულ მკითხველთათვის.
|
 |
ავტორი: დევი ხვედელიანი
სათაური: ამოცანები საერთაშორისო კერძო სამართალში
გამომცემლობა: იურისტების სამყარო
გამოშვების წელი: 2016
საერთაშორისო კერძო სამართალი უშუალოდაა დაკავშირებული ჩვენს საზოგადოებაში მიმდინარე ცვლილებებთან. სამართლის ამ დარგის მნიშვნელობის მასშტაბების ზრდა - როგორც სამართლის თეორიაში, ასევე პრაქტიკაში - განპირობებულია საერთაშორისო სავაჭრო ურთიერთობების, მოგზაურობის, კომუნიკაციისა და მოსახლეობის მიგრაციის ზრდის ფაქტორებით.
აღნიშნული გამოცემა გახლავთ ამოცანების (კაზუსების) ერთობლიობა საერთაშორისო კერძო სამართალში. კრებულში თავმოყრილი ამოცანების დიდი ნაწილი ეფუძნება რეალურ ფაქტებს, რომლებიც შეესაბამება ,,საერთაშორისო კერძო სამართლის შესახებ’’ საქართველოს კანონს და მოიცავს ამ კანონით გათვალისწინებულ ყველა მნიშვნელოვან ინსტიტუტს. კრებულში წარმოდგენილ ამოცანებს არ ახლავს პასუხები, რაც თავისუფალი სამართლებრივი აზროვნების საშუალებას აძლევს მკითხველს.
|
 |
ავტორი: გ. ტყეშელიაძე, მ. ლეკვეიშვილი, გ. ნაჭყებია და ა.შ.
სათაური: სისხლის სამართალი - ზოგადი ნაწილი
გამომცემლობა: მერიდიანი
გამოშვების წელი: 2016
სისხლის სამართლის ზოგად ნაწილში, როგორც წესი, წყდება სისხლის სამართლის, როგორც სამართლის ფუნდამენტური დარგის, ყველაზე უფრო რთული და საკამათო პრობლემები. ეს გარემოება ასახულია წინამდებარე სახელმძღვანელოშიც. მასში ნაცვლად ზოგადად დადგენილი საკითხების კომპაქტურად გადმოცემისა, არც თუ იშვიათია საკამათო საკითხების გადმოცემაც.
კრებულში გაჟღერებულია არამარტო ქართული სისხლის სამართლის აზრის წარმომადგენელთა წვლილი, არამედ როგორც გერმანული, ისე ანგლო-საქსური მიმართულების მეცნიერთა მოსაზრებანი. სახელმძღვანელოში, შეძლებისდაგვარად, ასახულია სასამართლო-საგამოძიებო პრაქტიკაც.
|
 |
ავტორი: მარინა მესხი
სათაური: ადამიანით ვაჭრობის (ტრეფიკინგის) სამართლებრივი ასპექტები და მასთან ბრძოლის მეთოდები
გამომცემლობა: იურისტების სამყარო
გამოშვების წელი: 2016
ნაშრომში განხილულია ადამიანით ვაჭრობის (ტრეფიკინგის) პრობლემა, მისი გამომწვევი მიზეზები და ფაქტორები ამ დანაშაულის გავრცელების მასშტაბების ანალიზის პარალელურად. მეორე ნაწილი ეთმობა მის წინააღმდეგ მიმართულ საერთაშორისო ხელშეკრულებების შემუშავების კონტექსტურ ანალიზს, აგრეთვე იმ საერთაშორისო სამართლებრივი აქტების ანალიზს, რომლებიც მონობის, იძულებითი შრომისა და ადამიანით ვაჭრობის აკრძალვას ეხება.
ნაშრომის მიზანია ადამიანით ვაჭრობის (ტრეფიკინგის) დანაშაულის ადამიანის უფლებათა დარღვევის ჭრილში განხილვა, მსოფლიოში არსებული საერთაშორისო და ეროვნული ინსტრუმენტების ანალიზის საფუძველზე. გამოკვეთილია ადამიანით ვაჭრობის (ტრეფიკინგის) წინააღმდეგ ბრძოლის წარმატებული მხარეები და ჩამოყალიბებულია ამ დანაშაულის მიმართ არსებული საკანონმდებლო მოდელი და მექანიზმები.
|
 |
ავტორი:
სათაური: შოთა ფაფიაშვილი 80 - საიუბილეო კრებული
გამომცემლობა: იურისტების სამყარო
გამოშვების წელი: 2015
ცნობილი ქართველი მეცნიერ-იურისტის, აკადემიკოსის, იურიდიულ მეცნიერებათა დოქტორის, პროფესორ შოთა ფაფიაშვილის დაბადებიდან მე-80 წლისთავისადმი მიძღვნილ სამეცნიერო შრომების კრებულში გამოქვეყნებულია ცნობილ მეცნიერ-იურისტთა და საზოგადოებრივ მეცნიერებათა სხვა სფეროების წარმომადგენელთა სამეცნიერო შრომები თანამედროვე მეცნიერებისა და პრაქტიკის აქტუალურ საკითხებზე.
|
 |
ავტორი: ნ. დ. ერიაშვილი; ი. ი ამინოვ; კ.გ დედიუხინ; ა.რ უსიევიჩ; ა.ნ. პავლუხინ
სათაური: სამოსამართლო ეთიკა
გამომცემლობა: სამართლიანი საქართველო
გამოშვების წელი: 2016
სახელმძღვანელოში განხილულია მოსამართლის პროფესიული ეთიკის შინაარსი და სოციალური ფასეულობა; გამოკვეთილია მისი სპეციფიკა და ზნეობრივი ასპექტები; სისხლის სამართლის პროცესუალური იძულების მტკიცებულებები და ზომები; სასამართლო სტადიების ზნეობრივი საფუძვლები; ასევე, სისხლის სამართლის პროცესუალური საქმიანობის კულტურის საკითხები. მნიშვნელოვანი ყურადღება აქვს დათმობილი ზნეობრივ-სამართლებრივი იდეების ისტორიის განვითარებას, სასამართლო სისტემის მუშაკებისადმი ზნეობრივ-ფსიქოლოგიურ მოთხოვნებსა და ა.შ.
წიგნში გამოყენებული მასალები ემყარება სამეცნიერო და მხატვრულ სალიტერატურო გამოკვლევებს. წარმოდგენილია საილუსტრაციო მაგალითები და პროფესიული ტერმინების მოკლე ლექსიკონი.
|
 |
ავტორი: მიხეილ ჭაბაშვილი
სათაური: მოგონებები
გამომცემლობა: ბაკურ სულაკაურის გამომცემლობა
გამოშვების წელი: 2015
ქართველ ენათმეცნიერს, ლექსიკოლოგ მიხეილ ჭაბაშვილს (1916-1996) საზოგადოება იცნობს, როგორც უცხო სიტყვათა ლექსიკონის ავტორსა და შემდგენელს, ქართული ენის განმარტებითი და სხვა ლექსიკონების ერთ-ერთ რედაქტორს. სიცოცხლის ბოლოს კი მან დაწერა აღნიშნული ,,მოგონებები’’, სადაც ასახულია, თუ როგორ გაიარა მისმა ბავშვობამ, მოწაფეობისა და სტუდენტობის წლებმა XX საუკუნის ისტორიული მოვლენების - მძიმე 20-30-იანი წლების, მეორე მსოფლიო ომის, ომის შემდგომი წლების ფონზე. იგი მსუბუქი იუმორით აღწერს თბილისის ცხოვრებას სვანეთის უბნის მაგალითზე, იგონებს სკოლას, პედაგოგებს, რომლებმაც გზაზე დააყენეს, თბილისის სახელმწიფო უნივერსიტეტის პროფესორ-მასწავლებლებს, მეგობრებსა და კოლეგებს, რომლებთან ერთად მთელი ცხოვრება ქმნიდა ქართული ენის განმარტებითი ლექსიკონის რვატომეულს.
|
 |
ავტორი: რიშარდ კაპუშცინსკი
სათაური: მოგზაურობა ჰეროდოტესთან ერთად
გამომცემლობა: ბაკურ სულაკაურის გამომცემლობა
გამოშვების წელი: 2016
უამრავი ლიტერატურული ჯილდოს მფლობელის, ორჯერ ნობელის პრემიის ნომინანტის, პოლონელი მწერლისა და ჟურნალისტის, რიშარდ კაპუშცინსკის წიგნი ,,მოგზაურობა ჰეროდოტესთან ერთად’’ დააინტერესებს მკითხველს, რომელსაც დროში მოგზაურობა იტაცებს. ავტორი საუბრობს იმ ადგილებზე, სადაც ოდესღაც ძლევამოსილი მეფეები და იმპერატორები მსოფლიოს ბედს განაგებდნენ.
|
 |
ავტორი: დიბისი პიერი
სათაური: ვერნონ გენიოს ლითლი
გამომცემლობა: ბაკურ სულაკაურის გამომცემლობა
გამოშვების წელი: 2016
ლიტერატურული კრიტიკის მიერ 21-ე საუკუნის ყველაზე შთამბეჭდავ დებიუტად აღიარებული ,,ვერნონ გენიოს ლითლის’’ ავტორმა, ავსტრალიელმა დიბისი პიერმა აღნიშნული რომანისთვის 2003 წლის ბუკერის პრემია მიიღო.
რომანში მოქმედება ტეხასის პატარა ქალაქ მარტირიოში ხდება, სადაც ერთ დღეს ტრაგედია დატრიალდება - ერთ-ერთ სკოლაში ცეცხლსასროლი იარაღით 18 მოსწავლეს მოკლავენ. თანაკლასელთა მკვლელობაში ეჭვმიტანილა 15 წლის ვერნონ გრეგორი ლითლი, მანამდე არაფრით გამორჩეული მოსწავლე. პოლიცია და საზოგადოება ვერნონისგან დანაშაულის აღიარებას მოითხოვენ...
|
 |
ავტორი: ჯ. მ. კუტზეე
სათაური: მაიკლ კეის ცხოვრება და დროება
გამომცემლობა: ბაკურ სულაკაურის გამომცემლობა
გამოშვების წელი: 2016
,,მაიკლ კეის ცხოვრება და დროება’’, რომელიც კრიტიკოსების მიერ აღიარებულია ჯონ მაქსველ კუტზეეს საუკეთესო ნაწარმოებად, 1983 წელს მიენიჭა ინგლისურენოვანი ლიტერატურის ყველაზე პრესტიჟული პრემია ,,ბუკერი’’. 2003 წელს კი, მწერალს გადაეცა ნობელის პრემია ლიტერატურის დარგში.
წინამდებარე რომანში მოქმედება XX საუკუნეში, სამხრეთ აფრიკის რესპუბლიკაში ვითარდება. ნაწარმოების მთავარი გმირია მაიკლ კეი, რომელიც სრული თავისუფლებისაკენ მიისწრაფვის, უპირისპირდება საზოგადოებასა და ცივილიზაციას. სურს, თავისი ცხოვრებით იცხოვროს და სრულ ჰარმონიაში იყოს როგორც საკუთარ თავთან, ისე გარე სამყაროსთან.
|
 |
ავტორი: რობერტ ბლოხი
სათაური: ფსიქოპათი
გამომცემლობა: ბაკურ სულაკაურის გამომცემლობა
გამოშვების წელი: 2016
ცნობილი ამერიკელი მწერლის, ფენტეზისა და საშინელებათა ჟანრის დიდოსტატის, რობერტ ბლოხის ეს ფსიქოლოგიური რომანი თითქმის ნახევარი საუკუნის წინ დაიწერა და დღეს ჟანრის კლასიკად ითვლება. ამას ალფრედ ჰიჩკოკის მიერ 1960 წელს გადაღებულმა საკულტო ფილმმაც შეუწყო ხელი.
ნაწარმოების მთავარი გმირი - ნორმან ბეითსი ცდილობს, თავი დააღწიოს მშობლის მარწუხებს, რომლის აღზრდამაც მის ფსიქიკას მძიმე დაღი დაასვა. მწერალი ოსტატურად აღწერს ფსიქოპათის ფიქრებსა და განცდებს, რაც მკითხველს მუდმივი დაძაბულობის განცდას უქმნის.
|
 |
ავტორი: ამელი ნოტომი
სათაური: არც ევა, არც ადამი
გამომცემლობა: ბაკურ სულაკაურის გამომცემლობა
გამოშვების წელი: 2015
თანამედროვე ფრანგულენოვანი ბელგიელი მწერლის, ამელი ნოტომის ავტობიოგრაფიული რომანი ,,არც ევა, არც ადამი’’ პირველად 1999 წელს გამოქვეყნდა. მასში მოთხრობილია ნოტომის ცხოვრების იმ ორ-სამ წელზე, რომელიც იაპონიაში გაატარა.
|
 |
ავტორი: ნილ გეიმანი
სათაური: ვარსკვლავის მტვერი
გამომცემლობა: ბაკურ სულაკაურის გამომცემლობა
გამოშვების წელი: 2015
ინგლისელი მწერლის ნილ გეიმანის რომანი ფენტეზი „ვარსკვლავის მტვერი“ პრესტიჟული ლიტერატურული ჯილდოების გამარჯვებული და ნომინანტია. მის მიხედვით 2007 წელს მხატვრული ფილმიც გადაიღეს.
რომანში მოქმედება სოფელ უოლში ხდება, რომელიც ზღაპრულ ქვეყანას ესაზღვრება და მისგან კედლითაა გამოყოფილი. უბრალო მოკვდავებს კედლის იქით გადასვლის ნებას მხოლოდ ცხრა წელიწადში ერთხელ, ზღაპრული ბაზრობის დღეს აძლევენ; მაგრამ ერთხელაც ახალგაზრდა ტრისტრან თორნი ჩამოვარდნილი ვარსკვლავის სატრფოსთვის მოსატანად კედლის იქით გაემგზავრება. როგორც გაირკვევა, ზღაპრულ ქვეყანაში ვარსკვლავები ცოცხალი არსებები არიან...
|
 |
ავტორი: დენ ბრაუნი
სათაური: ინფერნო
გამომცემლობა: ბაკურ სულაკაურის გამომცემლობა
გამოშვების წელი: 2015
დენ ბრაუნის მისტიკურ-დეტექტიური რომანის ,,ინფერნოს’’ მთავარი გმირი ხელოვნებათმცოდნე, პროფესორი რობერტ ლენგდონია.
ისტორიის ლაბირინთებსა და ხელოვნების ნიმუშებში ჩამალული საიდუმლოებების გამოაშკარავების ოსტატის, რობერტ ლენგდონის ახალი უცნაური თავგადასავალი ძირითადად იტალიაში მიმდინარეობს და ფონად დანტეს შემოქმედება გასდევს. მისი ამოცანა რთულია: უნდა გაშიფროს დანტეს შემოქმედების თაყვანისმცემელი უცნობი ბოროტმოქმედის მიერ დატოვებული მინიშნებები და მიაგნოს იდუმალ ადგილს, სადაც შესაძლოა კაცობრიობისთვის დამღუპველი დაავადების წყარო იმალებოდეს.
|
 |
ავტორი: რიშარდ კაპუშცინსკი
სათაური: იმპერატორი
გამომცემლობა: ბაკურ სულაკაურის გამომცემლობა
გამოშვების წელი: 2015
უამრავი ლიტერატურული ჯილდოს მფლობელის, ორჯერ ნობელის პრემიის ნომინანტის, პოლონელი მწერლისა და ჟურნალისტის, რიჩარ კაპუშცინსკის წიგნი ,,იმპერატორი’’ დააინტერესებს მკითხველს, რომელსაც ნამდვილი ამბების გაგება სურს XX საუკუნის მსოფლიოს შესახებ.
წიგნი ეთიოპიის იმპერატორს, ჰაილე სელასიე I-ს, მისი გარემოცვის ცხოვრებასა და მოღვაწეობას ეხება.
|
 |
ავტორი: ჯონ გრინი
სათაური: ალასკას ძიება
გამომცემლობა: ბაკურ სულაკაურის გამომცემლობა
გამოშვების წელი: 2016
"ალასკას ძიება" არის ჯონ გრინის პირველი გამოქვეყნებული წიგნი. გამოვიდა 2005 წელს. 2006 წელს კი, ამერიკის ბიბლიოთეკართა ასოციაციის პრიზი მოიპოვა.
რომანის მთავარი გმირი უიღლო ახალგაზრდა, მაილზ ჰოლტერია ¬უცნაური ჰობით, რომელიც ცნობილი ადამიანების უკანასკნელ სიტყვებს სწავლობს. იგი გადაწყვეტს ცხოვრება თავიდან დაიწყოს. მშობლების სახლიდან მიდის და სხვა ქალაქში, სხვა სკოლაში აგრძელებს სწავლას და ახალ მეგობრებს იძენს...
|
 |
ავტორი: ჰარუკი მურაკამი
სათაური: ნორვეგიული ტყე
გამომცემლობა: ბაკურ სულაკაურის გამომცემლობა
გამოშვების წელი: 2016
თანამედროვე იაპონელი მწერლის, ჰარუკი მურაკამის რომანი ,,ნორვეგიული ტყე’’ 1987 წელს გამოიცა და ავტორს მსოფლიო აღიარება მოუტანა. რომანში მოვლენები XX საუკუნის 60-იანი წლების მიწურულს ტოკიოში ვითარდება, როდესაც იაპონელი სტუდენტები, მსოფლიოს სხვა უნივერსიტეტების მსგავსად, ამბოხებებს აწყობენ არსებული წესრიგის წინააღმდეგ.
|
 |
ავტორი: პიერ ბული
სათაური: მაიმუნების პლანეტა
გამომცემლობა: ბაკურ სულაკაურის გამომცემლობა
გამოშვების წელი: 2016
ფრანგი მწერლის, პიერ ბულის აღნიშნული რომანი კლასიკური ფანტასტიკისა და სათავგადასავლო ლიტერატურის ჟანრს განეკუთვნება.
რომანის მთავარ გმირებს აინტერესებს არის თუ არა სიცოცხლე ჩვენი გალაქტიკის სხვა პლანეტებზე. სწორედ ამ მიზნით, ისინი ბეთელჰეიზეს სისტემის ერთ-ერთი პლანეტისკენ მიეშურებიან. ადამიანები ჯერ კიდევ კოსმოსიდან ხედავენ იმ ქალაქებსა და გზებს, რომლებიც საოცრად ჰგავს დედამიწისას. როდესაც რომანის გმირები პლანეტაზე დაეშვებიან, აღმოაჩენენ რომ ესაა პარალელური სამყარო, დასახლებული განვითარებული მაიმუნებით, რომლებიც სტუმრებს შეიპყრობენ და მათზე ცდებს ატარებენ. დააღწევენ თუ არა ადამიანები თავს ამ ყველაფერს, მკითხველი რომანის ბოლოს გაიგებს...
|
 |
ავტორი: თამთა მელაშვილი
სათაური: აღმოსავლეთით
გამომცემლობა: ბაკურ სულაკაურის გამომცემლობა
გამოშვების წელი: 2016
,,აღმოსავლეთით’’ ასე ქვია ახალგაზრდა ქართველი მწერლის თამთა მელაშვილის ახალ რომანს, რომლის მთავარი გმირი ირინა, ელენე დარიანისა და პაოლო იაშვილთან დაკავშირებულ საუკუნოვანი საიდუმლოს გახსნას ცდილობს.
ამ წიგნის მთავარი შრე, რაზეც სიუჟეტი არის აგებული არის ქალების დუმილი, ახალგაზრდა ქალი, რომელსაც საკუთრი დუმილი აქვს და დაკავშირებულია ელენე დარიანის დუმილთან. წიგნში შეჯამებულია ის მოსაზრებები და პოზიციები, რაც პოლემიკას იწვევს საზოგადოებაში აღნიშნული თემის მიმართ.
|
 |
ავტორი: თომას ჰარისი
სათაური: კრავთა დუმილი
გამომცემლობა: ბაკურ სულაკაურის გამომცემლობა
გამოშვების წელი: 2016
ამერიკელი მწერლის თომას ჰარისის ,,კრავთა დუმილი’’ რომანი-გამოცანაა. აქ ერთამენთს უპირისპირდებიან გამოძიების ფედერალური ბიუროს აკადემიის სტუდენტი კლარის სტარლინგი, რომელიც სერიული მკვლელის დანაშაულებს იძიებს და ბრწყინვალე ფსიქიატრი და ამავე დროს მკვლელი და კანიბალი ექიმი ჰანიბალ ლექტერი.
რომანის თითოეული ფრაზა მკითხველს აახლოებს დანაშაულის გახსნასთან და თანაც აიძულებს მას, დამოუკიდებლად მიაგნოს დამნაშავეს. ამ რომანის მიხედვით გადაღებულ ცნობილ ფილმს ხუთი ,,ოსკარი’’ აქვს მოპოვებული.
|
 |
ავტორი: იოჰან ბორგენი
სათაური: ნოველები სიყვარულზე
გამომცემლობა: ბაკურ სულაკაურის გამომცემლობა
გამოშვების წელი: 2016
წინამდებარე კრებული ,,ნოველები სიყვარულზე’’ შედგება იოჰან ბორგენის თოთხმეტი ნოველისაგან. კრებულის უმთავრესი თემა სიყვარული და თანაცხოვრებაა. ნოველების გმირები არაორდინარული, შინაგანი კონფლიქტებითა და ბავშვობისა თუ მოზარდობის დროინდელი მავნე ჩვევების მქონე ადამიანები არიან და ცდილობენ ამ ყველაფრისგან თავის დაღწევას.
იოჰან ბორგენის ნაწარმოებები ნათარგმნია მრავალ ენაზე. ქართველი მკითხველი XX საუკუნის ამ აღიარებულ კლასიკოსს პირველად გაეცნობა.
|
 |
ავტორი: მიშელ უელბეკი
სათაური: მორჩილება
გამომცემლობა: ბაკურ სულაკაურის გამომცემლობა
გამოშვების წელი: 2016
მიშელ უელბეკის რომანი ,,მორჩილება’’, პარიზში მოდელირებულ ,,არაბულ გაზაფხულს’’ ასახავს.
ფრანგი მწერლის უკანასკნელ წიგნში საუბარია შემდეგ თემებზე: ისლამზე, ფუნდამენტალიზმზე, ისლამოფობიასა და ევროპაში ამჟამად არსებულ ვითარებაზე.
|
 |
ავტორი: ჯონ კრაკაუერი
სათაური: ველურ გარემოში
გამომცემლობა: ბაკურ სულაკაურის გამომცემლობა
გამოშვების წელი: 2016
,,ველურ გარემოში’’ ამერიკელი მწერლის, ჯონ კრაკაუერის, ნამდვილ ამბავზე დაფუძნებული სათავგადასავლო რომანია, რომელიც 1996 წელს გამოიცა აშშ-ში. მასში ასახულია კრისტოფერ მაკ-კენდლესის მოგზაურობა ალასკაზე. ავტორი მიჰყვა კრისის ნაკვალევს და წერილებზე, ფაქტობრივ მონაცემებსა და მოგონებებზე დაყრდნობით აღადგინა მისი რეალური ისტორია.
|
 |
ავტორი: რიჩარდ მეთისონი
სათაური: მე ვარ ლეგენდა
გამომცემლობა: ბაკურ სულაკაურის გამომცემლობა
გამოშვების წელი: 2016
ამერიკელი მწერლისა და სცენარისტის, რიჩარდ მეთისონის (1926-2013) საკულტო რომანი ,,მე ვარ ლეგენდა’’ 1954 წელს გამოქვეყნდა. ნაწარმოები პოსტაპოკალიფსურ ჟანრს განეკუთვნება. მან უდიდესი გავლენა მოახდინა თანამედროვე ლიტერატურაში ვამპირებისა და ზომბების სახეების ჩამოყალიბებაზე.
წიგნის მთავარი პერსონაჟი ბოლო ადამიანია დედამიწაზე. ეპიდემიის გამო მისი ყოველი მცხოვრები ვამპირად იქცა. მხოლოდ რობერტ ნევილი გადარჩა. გმირი მარტოდმარტო, შეუპოვრად ებრძვის ვამპირებს. იმისათვის, რომ გადარჩეს, მან არ უნდა დაკარგოს იმედი...
|
 |
ავტორი: არტურო პერეს-რევერტე
სათაური: დიუმას კლუბი
გამომცემლობა: ბაკურ სულაკაურის გამომცემლობა
გამოშვების წელი: 2015
,,დიუმას კლუბის’’ ავტორი ესპანელი მწერალი და ჟურნალისტი არტურო პერეს-რევერტე - მისტიფიკაციის დიდოსტატია, რომელიც თავისი ნაწარმოებების წყაროდ ესპანეთის ისტორიას, ხელოვნებასა და კულტურას იყენებს.
ამ რომანის პერსონაჟები ბიბლიოფილები, ბუკინისტები და უბრალოდ, ლიტერატურის მოყვარულები არიან. ნაწარმოების მთავარი გმირი ლუკას კორსო ევროპაში დაეხეტება და ეძებს შუა საუკუნეების ფოლიანტს, რომლის გამომცემელიც კოცონზე დაწვეს. რეალობისა და გამონაგონის ნაზავი, გმირების უჩვეულო და საინტერესო თავგადასავალს ქმნის.
|
 |
ავტორი: ჰარუკი მურაკამი
სათაური: 1Q84 - წიგნი III
გამომცემლობა: ბაკურ სულაკაურის გამომცემლობა
გამოშვების წელი: 2016
თანამედროვე იაპონელი მწერლის, ჰარუკი მურაკამის სამნაწილიანი რომანი ,,1Q84’’ 2009-2010 წლებში გამოვიდა იაპონურ ენაზე და მაშინვე მსოფლიო ბესტსელერად იქცა. სასიყვარულო თავგადასავლის, მისტიკის, ფენტეზის უცნაურმა ნაზავმა, ასევე უცნაურად დაკავშირებული ჯორჯ ორუელის ,,1984’’-თან, გამოსვლისთანავე მსოფლიო აღიარება მოიპოვა.
ნაწარმოების მთავარი პერსონაჟები, ახალგაზრდა მწერალი-რედაქტორი ტენგო კავანი და სპორტული ინსტრუქტორი აო მამე, 1984-დან 1Q84-ში მოხვდებიან - დროში, სადაც ორუელისეული ,,დიდი ძმა’’ ყოველთვის ახერხებს თვალთვალს და ყველაფერს იგებს...
როგორ განვითარდება მოვლენები, შეძლებენ თუ არა პერსონაჟები შიშითა და ხიფათით სავსე სამყაროდან თავის დაღწევას, ამას მკითხველი ტრილოგიის ბოლოს შეიტყობს.
|
 |
ავტორი: სტიგ ლარსონი
სათაური: გოგონა, რომელიც ცეცხლს ეთამაშებოდა
გამომცემლობა: ბაკურ სულაკაურის გამომცემლობა
გამოშვების წელი: 2016
,,გოგონა, რომელი ცეცხლს ეთამაშებოდა’’ მეორე წიგნია, ცნობილი ფრანგი მწერლის, სტიგ ლარსონის ,,მილენიუმის ტრილოგიისა’’, რომელიც გამოცემისთანავე მსოფლიო ბესტსელერად იქცა.
რომანის მეორე ნაწილის სიუჟეტი ასეთია: პოლიცია რომანის მთავარ გმირს ლიზბეთ სალანდერს ეძებს. სასამართლოს მიერ გონებაშეზღუდულად გამოცხადებული სალანდერი შვედური პოლიციის ერთადერთი ეჭვმიტანილია - მას თავისი მეურვისა და ჟურნალ ,,მილენიუმის’’ ჟურნალისტების მკვლელობაში ედება ბრალი. გოგონა ცეცხლს ეთამაშება...
|
 |
ავტორი: დევიდ ლაგერკრანცი
სათაური: გოგონა ობობას ქსელში - სტიგ ლარსონის ,,მილენიუმის ტრილოგიის’’ გაგრძელება
გამომცემლობა: ბაკურ სულაკაურის გამომცემლობა
გამოშვების წელი: 2016
წინამდებარე რომანი სტიგ ლარსონის ,,მილენიუმის ტრილოგიის’’ გაგრძელებაა.
2004 წლის 9 ნოემბერს ჟურნალისტი სტიგ ლარსონი გულის შეტევით გარდაიცვალა. ის ვერ მოესწრო საკუთარი რომანების არნახულ წარმატებას.
შვედმა ჟურნალისტმა და მწერალმა დევიდ ლაგერკრანცმა ავტორის სტილის დაცვით გააგრძელა მილიონობით მკითხველისათვის საყვარელი პერსონაჟების თავგადასავალი. წიგნი ერთდროულად გამოსცა მსოფლიოს 25-მა გამომცემლობამ და გამოსვლისთანავე მსოფლიო ბესტსელერი გახდა.
მთავარი გმირები აღმოჩნდებიან ობობას ქსელში, რომელსაც ჯაშუშები, დამნაშავეები, სხვადასხვა ქვეყნის კორუმპირებული თანამდებობების პირები ქმნიან. თავიანთი საიდუმლოს დასაცავად ისინი არც მკვლელობას ერიდებიან...
|
 |
ავტორი: მარკ ჰედონი
სათაური: რა შეემთხვა ძაღლს და სხვა უცნაური ამბები
გამომცემლობა: ბაკურ სულაკაურის გამომცემლობა
გამოშვების წელი: 2016
„რა შეემთხვა ღამით ძაღლს და სხვა უცნაური ამბები“ ბრიტანელი მწერლის, ილუსტრატორისა და სცენარისტის, მარკ ჰედონის გახმაურებული წიგნია. ავტორი ახალგაზრდობაში რამდენიმე წელი მუშაობდა აუტისტური სპექტრის ბავშვებთან, რამაც განაპირობა ასპერგერის სინდრომის მქონე კრისტოფერ ბუნის პერსონაჟის დამაჯერებლობა. წიგნი უიტბრედის ლიტერატურული პრემიის გამარჯვებულია; ასევე მიღებული აქვს „გარდიანის“ პრემია, როგორც საუკეთესო საბავშვო რომანს, და მრავალი სხვა პრიზი. ავტორი ბუკერის პრემიის კანდიდატების თავდაპირველ სიაშიც მოხვდა.
|
 |
ავტორი: ერლენდ ლუ
სათაური: დოპლერი, ნაივური. სუპერი.
გამომცემლობა: ბაკურ სულაკაურის გამომცემლობა
გამოშვების წელი: 2016
თანამედროვე ნორვეგიელი მწერლის, ერლენდ ლუს სატირული რომანის ,,დოპლერის’’ გმირი სეირნობისას ველოსიპედიდან გადმოვარდება, თავს დაარტყამს და... მის ცხოვრებაში ახალი ეტაპი იწყება - ტოვებს სახლს, სამსახურს, ცოლს, შვილებს და ტყეში დასახლდება..
,,ნაივური. სუპერის’’ გმირი, 25 წლის სტუდენტი, ერთ დღეს აღმოაჩენს, რომ მისმა ჩვეულებრივმა ცხოვრებამ და, საერთოდ, ყოფიერებამ აზრი დაკარგა. ის ვეღარ ხედავს საგნების ურთიერთკავშირს. ბევრს ფიქრობს დროზე, კოსმოსზე, ადამიანებზე.
ერლენდ ლუს მარტივი, სადა ენით დაწერილი რომანები რთულ ადამიანურ საკითხებს შეეხება, თუმცა ამავე დროს მკითხველს მოწყენის საშუალებას არ აძლევს.
|
 |
ავტორი: ეკატერინე ტოგონიძე
სათაური: მომისმინე
გამომცემლობა: ბაკურ სულაკაურის გამომცემლობა
გამოშვების წელი: 2015
,,მომისმინე’’ ეკატერინე ტოგონიძის ბოლოდროინდელი მოთხრობების კრებულია.
ავტორი შეზღუდული შესაძლებლობის მქონე ადამიანებზე წერს და ცდილობს მათი პრობლემები მხატვრული ლიტერატურის ჭრილში დაანახვოს საზოგადოებას, რომელსაც ხანდახან ვერც კი წარმოუდგენია, თუ რა პრობლემას შეიძლება გადააწყდეს ადამიანი, რომელიც ვერ ხედავს, არ ესმის, დამოუკიდებლად ვერ გადაადგილდება და ა.შ.
|
 |
ავტორი: დათო ტურაშვილი
სათაური: სხვა ამსტერდამი
გამომცემლობა: ბაკურ სულაკაურის გამომცემლობა
გამოშვების წელი: 2015
,,სხვა ამსტერდამი’’ ასე ეწოდება დათო ტურაშვილის მორიგ რომანს, რომელიც მეორე მსოფლიო ომის დროინდელი ამბებისა და მწერლის ჰოლანდიური შთაბეჭდილებების კრებულია. ამ წიგნით ქართველი მკითხველი დაინახავს მისთვის ჯერ უცნობ, ისტორიულ თუ თანამედროვე ამსტერდამს და ჰოლანდიელებს.
რომანში მოქმედება ძირითადად თანამედროვე ამსტერდამში მიმდინარეობს, მაგრამ მასში ძველი ამსტერდამის ამბებსაც ამოიკითხავთ, რადგან მისი სიუჟეტი მეჩვიდმეტე საუკუნეშიც ვითარდება და ზოგიერთი პერსონაჟი მეორე მსოფლიო ომის მონაწილეცაა. მათ შორის ავტორის ბაბუაც, რომლის შესახებაც ოჯახში მხოლოდ ის იცოდნენ, რომ იგი ჰოლანდიელ პარტიზანებთან ერთად გერმანელ ფაშისტებს ებრძოდა. თუმცა საბჭოთა ხელისუფლებამ ომის დამთავრების შემდეგ სწორედ გერმანელებთან თანამშრომლობის ბრალდებით, მელენტი მასხულიას ათწლიანი პატიმრობა მიუსაჯა. იყო მესამე, ალტერნატიული ვერსიაც, რომელსაც მწერლის ბებია ავრცელებდა და რომლის თანახმადაც მისი მეუღლე, არც ჰიტლერს ებრძოდა (მით უმეტეს, არც სტალინს) და ამსტერდამის მისადგომებთან მეორე მსოფლიო ომს ემალებოდა. ჰოლანდიაში ყოფნის დროს დათო ტურაშვილმა საარქივო მასალებში იმ დოკუმენტებსაც მიაკვლია, სადაც არა მარტო თავისი ბაბუის, არამედ კიდევ ბევრი ქართველის ნამდვილი ისტორია ამოიკითხა.
|
 |
ავტორი: მეთიუ ქუიქი
სათაური: იმედის სხივთა კრებული
გამომცემლობა: ბაკურ სულაკაურის გამომცემლობა
გამოშვების წელი: 2016
,,იმედის სხივთა კრებული’’, ცნობილი ამერიკელი მწერლის მეთიუ ქუიქის კალამს ეკუთვნის.
რომანის მთავარ გმირს, პეტ სოლიტანოს ბიპოლარული აშლილობა აქვს. რვა თვის მკურნალობის შემდეგ იგი ტოვებს ფსიქიატრიულ კლინიკას და უბრუნდება მშობლებს. სასამართლოს გადაწყვეტილებით მას ყოფილ მეუღლესთან, კონტაქტი აკრძალული აქვს, თუმცა პეტი ამას მაინც ცდილობს. ნიკის დაბრუნების მცდელობისას პეტი გაიცნობს ტიფანი მაქსველს, რომელიც ჰპირდება, რომ დაეხმარება ცოლის დაბრუნებაში. მის ცხოვრებაში გამოჩენილი ახალი მეგობარი ყველანაირად ცდილობს, რეალობა, რომელსაც პეტი მთელი მონდომებით გაურბის, მთელი სიცხადით დაანახოს, რათა მან, ბოლოს და ბოლოს, ახალი ცხოვრება დაიწყოს...
|
 |
ავტორი: ჰარპერ ლი
სათაური: მიდი, დააყენე დარაჯი
გამომცემლობა: ბაკურ სულაკაურის გამომცემლობა
გამოშვების წელი: 2016
წინამდებარე რომანში, ჰარპერ ლი, ჩვეული იუმორითა და ირონიით გვიხატავს ამერიკის სამხრეთში გაღვივებულ რასობრივ პრობლემას და მასთან მებრძოლი ახალგაზრდა ქალის განცდებს.
მთავარი გმირი, ნიუ-იორკში განათლებამიღებული ჯინ ლუიზი დროებით უბრუნდება თავის მშობლიურ მეიკომს, ტიპურ სამხრეთულ ქალაქს, სადაც უმწვავეს პრობლემას აწყდება. ეს არის კონფლიქტი პიროვნების სინდისსა და საზოგადოებაში დამკვიდრებულ აზროვნებას შორის. ახალგაზრდა ქალი დილემის წინაშე დგება - შეეგუოს რასობრივი დისკრიმინაციით გაჯერებულ რეალობას, რომლის ნაწილიც მისი მამა და ახლობლებიც აღმოჩნდნენ, თუ წინ აღუდგეს მას.
|
 |
ავტორი: ჩაკ პალანიკი
სათაური: ძილისპირული
გამომცემლობა: ბაკურ სულაკაურის გამომცემლობა
გამოშვების წელი: 2016
,,ძილისპირულის’’ ავტორი უკრაინული წარმოშობის ამერიკელი მწერალი ჩაკ პალანიკია, რომელმაც მსოფლიო აღიარება 1996 წელს გამოცემული ,,მებრძოლთა კლუბით’’ მოიპოვა.
რომანის მთავარი პერსონაჟი გაზეთის რეპორტიორი კარლ სტრიტორია, რომელიც იკვლევს, რამ გამოიწვია ჩვილი ბავშვების სკვდილიანობა დროის მცირე მონაკვეთში. ის მალევე არკვევს, რომ ყველა გარდაცვლილ ბავშვს სიკვდილის წინა ღამეს ძილის წინ ერთი ლექსი წაუკითხეს. კარლი კვალს მიჰყვება და ერთ-ერთ ,,მკვლელ’’ მშობელთან ერთად ცდილობს გაანადგუროს იმ წიგნის ყველა ეგზემპლარი, რომელშიც ეს ლექსია დაბეჭდილი...
|
 |
ავტორი: მარა ზალიტე
სათაური: ხუთი თითი
გამომცემლობა: ბაკურ სულაკაურის გამომცემლობა
გამოშვების წელი: 2016
,ხუთი თითი’’ ცნობილი ლატვიელი მწერლის, დრამატურგის, პოეტისა და ესეისტის, მარა ზალიტეს ავტობიოგრაფიული ნაწარმოებია. მწერლის მშობლები სტალინური დიქტატურის მიერ იყვნენ რეპრესირებულნი. მარა ზალიტეც 1952 წელს სწორედ ციმბირულ ბარაკში დაიბადა. ის რამდენიმე პრესტიჟული ლიტერატურული პრემიის ლაურეატია, მათ შორის, მაიაკოვსკის სახელობის, რომელიც მას, როგორც პოეტს, საქართველოში 1979 წელს მიანიჭეს.
მწერალი ხუთი წლის გოგონას ცნობიერების ნაკადისა და მის მიერ აღქმული მოვლენების შესახებ მოგვითხრობს, რადგან ლაურა სწორედ ციმბირში, საყოველთაო შიმშილის პერიოდში მოევლინა სამყაროს.
|
 |
ავტორი: ეთგარ კერეთი
სათაური: უეცრად კარზე აკაკუნებენ
გამომცემლობა: ბაკურ სულაკაურის გამომცემლობა
გამოშვების წელი: 2016
ეთგარ კერეთი მსოფლიოში ერთ-ერთი ყველაზე ცნობილი თანამედროვე ისრაელი მწერალია, რომელიც მოთხრობების გარდა გრაფიკულ რომანებს, დოკუმენტურ პროზასა და ტელე-კინოსცენარებსაც წერს.
,,უეცრად კარზე აკაკუნებენ’’ კერეთის უახლესი მოთხრობების კრებულია, რომელშიც გაერთიანებულ, შინაარსობრივად განსხვავებულ მოთხრობებს საერთო ხაზად გასდევს ავტორისეული იუმორი, სარკაზმი და თვითირონია. მოთხრობებში ავტორი არ ალამაზებს სიმართლეს და ეს სწორედ ისაა, რამაც ავტორსა და წიგნსაც მსოფლიო მკითხველისა თუ კრიტიკოსების საერთო აღიარება მოუტანა.
|
 |
ავტორი: არუნდატი როი
სათაური: წვრილმანების ღმერთი
გამომცემლობა: ბაკურ სულაკაურის გამომცემლობა
გამოშვების წელი: 2016
თანამედროვე ინდოელი მწერლის, არუნდატი როის ნახევრად ავტობიოგრაფიულ, სადებიუტო რომანში მოთხრობილია ერთი ოჯახის ტრაგიკული ისტორია, რომლის მაგალითზეც თვალწინ გვეშლება ჩვენთვის აქამდე უცნობი ინდური ყოფის ნიუანსები თავისი პოლიტიკური, კასტური თუ რელიგიური თავისებურებებით. მიუხედავად იმისა, რომ ნაწარმოებში ჩვეულებრივი ადამიანური გრძნობებია აღწერილი, მასში უხვად გაფანტული რეალიების გამო ის ბოლომდე ინარჩუნებს ეგზოტიკურ იერს.
,,წვრილმანების ღმერთს’’, რომელშიც იუმორით, მაგრამ კრიტიკულადაა წარმოჩენილი ინდოეთი და ტაბუდადებული საკითხები შეუნიღბავადაა აღწერილი, 1997 წელს ინგლისურენოვანი ლიტერატურის ყველაზე პრესტიჟული პრემია ,,ბუკერი’’ მიენიჭა.
|
 |
ავტორი: ნიკოლა იუნი
სათაური: ყველაფერი, ყველაფერი
გამომცემლობა: ბაკურ სულაკაურის გამომცემლობა
გამოშვების წელი: 2016
,,ყველაფერი, ყველაფერი’’ ახალგაზრდა მწერლის, ნიკოლა იუნის სადებიუტო რომანია, რომელიც გამოსვლისთანავე მოექცა The New York Times-ის ბესტესელერების სიის სათავეში.
რომანის მთავარ გმირს, მედლინ ვითიერს იშვიათი და უცნაური დაავადება აქვს და ამიტომ სახლიდან ფეხი არასდროს გაუდგამს. მის სტერილურ ოთახში ყველაფერი თეთრია წიგნის ყდების გარდა. რა ხდება მაშინ, როდესაც მეზობლად ახალი ოჯახი გადმოდის და მედლინის ცხოვრებაში ჩნდება ახალი ადამიანი? ,,ყველაფერი, ყველაფერი’’ არის ისტორია იმ მღელვარებასა და გულისტკენაზე, რომელიც საკუთარი ნაჭუჭიდან გამოსვლას და სიყვარულის გამო რისკზე წასვლას შეიძლება მოჰყვეს.
|
 |
ავტორი: იუსტაინ გორდერი
სათაური: სოფის სამყარო - რომანი ფილოსოფიის ისტორიის შესახებ
გამომცემლობა: ბაკურ სულაკაურის გამომცემლობა
გამოშვების წელი: 2016
,,სოფის სამყარო’’ თრილერის ჟანრში დაწერილი რომანია და ამავე დროს, ფილოსოფიის ისტორიის სახელმძღვანელო. წიგნში მოთხრობილია თოთხმეტი წლის სოფი ამუნდესის ამბავი, რომელიც ერთ დღეს ორწინადადებიან უცნაურ წერილს მიიღებს: ,,ვინ ხარ შენ? როგორ შეიქმნა სამყარო?’’
ასე იწყება სოფის თაფვგადასავალი, მისი ფილოსოფიური მოგზაურობა სოკრატედან სარტრამდე, ინტელექტისა და ფანტაზიის საკვირველი ნაზავი, რომელიც მკითხელს საშუალებას აძლევს, ბავშვის თვალით შეხედოს სამყაროს.
|
 |
ავტორი: ჰერმან ჰესე
სათაური: ტრამალის მგელი
გამომცემლობა: ბაკურ სულაკაურის გამომცემლობა
გამოშვების წელი: 2016
ჰერმან ჰესე გერმანელ-შვეიცარიელი მწერალია, რომლის შთამბეჭდავმა შემოქმედებამ მსოფლიო ლიტერატურას სამუდამოდ დაატყო კვალი. 1946 წელს მწერალს ნობელის პრემია მიენიჭა.
1927 წელს გამოცემული ,,ტრამალის მგელი’’ ჰერმან ჰესეს ერთ-ერთი ყველაზე ცნობილი რომანია. მისი მთავარი პერსონაჟია ჰარი ჰალერი - ოცდაათიოდე წლის მამაკაცი, რომელშიც ადამიანური და მგლური მარტოსულობა ერწყმის ერთმანეთს.
კარლ გუსტავ იუნგის მოძღვრების მიხედვით შექმნილი ეს ნაწარმოები დაწერიდან თითქმის ერთი საუკუნის შემდეგაც არ კარგავს აქტუალობას და მკითხველს რომანში შექმნილი სამყაროს თანამონაწილედ აგრძნობინებს თავს.
|
 |
ავტორი: ჯენიფერ ნივენი
სათაური: ყველა ნათელი ადგილი
გამომცემლობა: ბაკურ სულაკაურის გამომცემლობა
გამოშვების წელი: 2016
წინამდებარე რომანი არის ამბავი ორ ადამიანზე, რომლებიც შეხვდნენ სკოლის სამრეკლოს სახურავზე . ორივე ეძებს პასუხებს გაჩენილ კითხვებზე. ორივე მათგანს აქვს მოსაყოლი საკუთარი ისტორია. ისინი აღმოჩნდებიან მოხეტიალის როლში , ისეთ ადგილას, რომელიც კარგად ნაცნობი ეგონათ.
თეოდორ ფინჩი ისწრაფვის სიკვდილისკენ და მუდმივად ფიქრობს თუ რა გზა იპოვოს თავის მოსაკლავად. მაგრამ , ყოველთვის რაღაც კარგი , უმნიშვნელო დეტალიც კი ,აჩერებს მას.
ვაიოლეტ მარკი ცხოვრობს მომავლით , ითვლის დღეებს სკოლის დამთავრებამდე, რომ დააღწიოს თავი მშობლიურ ქალაქს და დამწუხრებულია დის უეცარი გარდაცვალების გამო.
|
 |
ავტორი: კნუტ ჰამსუნი
სათაური: მისტერიები
გამომცემლობა: ბაკურ სულაკაურის გამომცემლობა
გამოშვების წელი: 2016
ცნობილი ნორვეგიელი მწერალი, 1920 წლის ნობელის პრემიის ლაურეატი კნუტ ჰამსუნი ქართველი მკითხველისათვის კარგად ნაცნობი და საყვარელი ავტორია. როგორც მწერალს, აღიარება ჰამსუნს პირველმა რომანმა, 1890 წელს გამოცემულმა ,,შიმშილმა’’ მოუტანა. 1892 წელს კი გამოვიდა მისი მეორე რომანი - ,,მისტერიები’, რომელსაც კრიტიკოსები მწერლის საუკეთესო ნაწარმოებად მიიჩნევენ.
მე-19 საუკუნის მიწურულს გამოქვეყნებულ ამ ფსიქოლოგიურ, მოდერნისტულ რომანში მე-20 საუკუნეში ფართოდ გავრცელებული ფილოსოფიური შეხედულებები იჩენს თავს. ესაა რომანი ადამიანის შინაგან კონფლიქტებზე და მის ადგილზე გარესამყაროში.
|
 |
ავტორი: დავიდ ფონკინოსი
სათაური: დელიკატურობა
გამომცემლობა: ბაკურ სულაკაურის გამომცემლობა
გამოშვების წელი: 2016
თანამედროვე ფრანგი მწერლის, დავიდ ფონკინოსის რომანი ,,დელიკატურობა’’ გამოქვეყნებისთანავე პოპულარული გახდა საფრანგეთში, ხოლო ავტორისავე რეჟისორობით გადაღებულმა ამავე სახელწოდების ფილმმა, დიდი ინტერესი დაიმსახურა ქვეყნის ფარგლებს გარეთაც. ავტორი 2012 წელს ,,ცეზარზე’’ წარადგინეს ნომინაციაში - ,,საუკეთესო სცენარი’, ფილმი კი საუკეთესო სადებიუტო ნამუშევარზე იყო წარდგენილი.
რომანის მთავარი გმირია მოულოდნელი უბედურებით განადგურებული ნატალი, რომელიც ცდილობს სამუშაოს გადააყოლოს გული, სანამ მის ცხოვრებაში უცნაურად გამოჩნდება ერთი შეხედვით სრულებით შეუფერებელი ადამიანი, რომელსაც, დანარჩენებისგან განსხვავებით, გააჩნია იშვიათი უნარი - დელიკატურობა...
|
 |
ავტორი: სტივენ ჰოკინგი
სათაური: ჩემი მოკლე ისტორია
გამომცემლობა: ბაკურ სულაკაურის გამომცემლობა
გამოშვების წელი: 2016
სტივენ ჰოკინგი მსოფლიოში ერთ-ერთი ყველაზე ცნობილი თანამედროვე მეცნიერია. მისი, როგორც ფიზიკოს-თეორეტიკოსის, კოსმოლოგის, კემბრიჯის პროფესორის სახელი დიდი ხანია გასცდა სამეცნიერო წრეებს.
,,ჩემი მოკლე ისტორია’’ ავტობიოგრაფიული ნაწარმოებია, სადაც ავტორი მსუბუქი იუმორით მოუთხრობს მკითხველს თავისი ცხოვრების უმთავრესი და საინტერესო მომენტების შესახებ.
|
 |
ავტორი: დავიდ ფონკინოსი
სათაური: ჩვენი განშორებები
გამომცემლობა: ბაკურ სულაკაურის გამომცემლობა
გამოშვების წელი: 2016
ფრანგული ლიტერატურის ახალი თაობის წარმომადგენლის, რამდენიმე პრესტიჟული ჯილდოსა და მათ შორის გონკურების პრემიის ლაურეატის, დავიდ ფონკინოსის რომანი - ,,ჩვენი განშორებები’’ მსოფლიოს 35 ენაზეა თარგმნილი. რომანისათვის დამახასიათებელია თვითირონია, მახვილგონიერება, იუმორთან შერწყმული სევდა, რაც მწერლის სტილს გამორჩეულსა და ადვილად საცნობარს ხდის.
,,ჩვენი განშორებები’’ დრამატულ სასიყვარულო სამკუთხედზე, ადამიანური შეცდომებისა და ბედისწერის ურთიერთკავშირზე გვიამბობს.
|
 |
ავტორი: ჯონ გრინი, მორინ ჯონსონი, ლორენ მირაკლი
სათაური: თოვს და ითოვოს - სამი საშობაო მოთხრობა
გამომცემლობა: ბაკურ სულაკაურის გამომცემლობა
გამოშვების წელი: 2015
წინამდებარე კრებული ,,თოვს და ითოვოს’’ სამი ამერიკელი მწერლის, ჯონ გრინის, მორინ ჯონსონისა და ლორენ მირაკლის მხიარული საშობაო მოთხრობებისაგან (,,იუბილექსპრესი’’, ,,შობის ქარბუქი’’, ,,გოჭების წმინდა მფარველი’’) შედგება.
|
 |
ავტორი: რიშარდ კაპუშცინსკი
სათაური: ყირგიზი ჩამოდის ცხენიდან
გამომცემლობა: ბაკურ სულაკაურის გამომცემლობა
გამოშვების წელი: 2015
არაერთი ლიტერატურული ჯილდოს მფლობელის, ორჯერ ნობელის პრემიის ნომინანტის, პოლონელი მწერლისა და ჟურნალისტის, რიშარდ კაპუშცინსკის წიგნი ,,ყირგიზი ჩამოდის ცხენიდან’’ დააინტერესებს მკითხველს, რომელსაც სურს, სხვისი თვალით დაინახოს გარემომცველი სამყარო. ტექსტში მოთხრობილია გასაბჭოებული ხალხის შესახებ, რომლებიც უკვე 50 წელია კომუნისტური წნეხის ქვეშ ცხოვრობდნენ, თუმცა მაინც ახერხებდნენ, შეენარჩუნებინათ თვითმყოფადობა.
|
 |
ავტორი: ტიმურ ვერმესი
სათაური: ის კვლავ აქ არის
გამომცემლობა: ბაკურ სულაკაურის გამომცემლობა
გამოშვების წელი: 2015
,,ის კვლავ აქ არის’’ სატირულ-იუმორისტული რომანია, რომელიც ადოლფ ჰიტლერის თანამედროვე გერმანიაში გამოღვიძებას აღწერს. დროში გადანაცვლებული გერმანიისა და ევროპის რეალობა, პრობლემები, მისი მოსაზრებები და შეფასებები ერთდროულად სასაცილოცააა და დამაფიქრებელიც. რომანის კითხვისას გარკვეულწილად იცვლება ჩვენში დამკვიდრებული წარმოდგენები, როგორც ამ ისტორიულ ფიგურაზე, ისე თავად გერმანიაზე.
უნგრული წარმოშობის გერმანელი პოლიტოლოგის, ტიმურ ვერმესის ამ რომანმა გამოსვლისთანავე დაიმსახურა მკითხველთა ინტერესი და მსოფლიოს 41 ენაზე მილიონობით ეგზემპლარი გაიყიდა. 2015 წელს გამოვიდა წიგნის ეკრანიზაციაც, რომლის სცენარის ავტორიც თავად ტიმურ ვერმესია.
|
 |
ავტორი: ლევან ლორია
სათაური: წარმოდგენა იწყება
გამომცემლობა: ბაკურ სულაკაურის გამომცემლობა
გამოშვების წელი: 2015
,,წარმოდგენა იწყება’’ ლევან ლორიას პირველი რომანია. მწერალი რამდენიმე ლიტერატული კონკურსის ლაურეატია. გამოცემული აქვს ერთი პოეტური და სამი პროზაული კრებული.
რომანის სიუჟეტი ასეთია: ახალგაზრდები მონაწილეობენ სტუდენტურ სპექტაკლში, რომელსაც უნივერსიტეტში მოწვეული რეჟისორი დგამს. სპექტაკლზე მუშაობის პარალელურად ვითარდება მონაწილეების ცხოვრებაც; მთავარი გმირები სწავლობენ, უყვართ... ავტორი მსუბუქი იუმორით გვიხატავს სტუდენტების, მათი მშობლების, პროფესო-მასწავლებლების, მეგობრებისა და ნაცნობების ცხოვრებას. რა არის სიკეთე, სიყვარული, მეგობრობა, ახლობლებთან ურთიერთობა - ამას თანდათან შეიცნობენ გმირები.
|
 |
ავტორი: ჯონ გრინი
სათაური: ქაღალდის ქალაქები
გამომცემლობა: ბაკურ სულაკაურის გამომცემლობა
გამოშვების წელი: 2015
პოპულარული ამერიკელი მწერლის, ჯონ გრინის ეს რომანი ორი მოზარდის თავგადასავალს მოგვითხრობს: უფროსკლასელი კვენტინ ჯეიკობსენი, იგივე ქიუ, ბავშვობიდან შეყვარებულია თავის მეზობელ გოგონაზე, მარგ როთ შპიგელმანზე. ერთ დღეს მარგო ქიუს შინ მიაკითხავს და სთხოვს დაეხმაროს ყველა იმ ადამიანზე შურისძიებაში, რომელთაც მას გული ატკინეს...
2015 წელს ცნობილმა ამერიკელმა კინორეჟისორმა ჯეიკ შრეიერმა ამ ნაწარმოების მიხედვით გადაიღო ამავე სახელწოდების ფილმი, რომელმაც დიდი პოპულარობა მოიპოვა.
|
 |
ავტორი: რიკ რიორდანი
სათაური: ტიტანის წყევლა - პერსი ჯექსონი და ოლიმპოელები
გამომცემლობა: ბაკურ სულაკაურის გამომცემლობა
გამოშვების წელი: 2016
თანამედროვე ამერიკელი მწერლის, რიკ რიორდანის "პერსი ჯექსონისა და ოლიმპოელების" პირველ წიგნებში, "მეხის ქურდსა" და "ურჩხულების ზღვაში" დაწყებული ისტორია გრძელდება. ორაკულის ბუნდოვანი წინასწარმეტყველებების შემდეგ პერსი, გროუვერი და ქალრული მონადირეები ერთად მიდიან განსაცდელში ჩავარდნილი ქალღმერთ არტემისისა და შერეულსისხლიანი ანაბეთის დასახსნელად...
|
 |
ავტორი: რიკ რიორდანი
სათაური: ურჩხულების ზღვა - პერსი ჯექსონი და ოლიმპოელები
გამომცემლობა: ბაკურ სულაკაურის გამომცემლობა
გამოშვების წელი: 2016
,,ურჩხულების ზღვა’’ ამერიკელი მწერლის, რიკ რიორდანის ნაწარმოებების სერიის - ,,პერსი ჯექსონი და ოლიმპოელების’’ - მეორე წიგნია. ნიუიორკელი ნახევარღმერთის, პერსი ჯექსონისა და მისი მეგობრების ხიფათით აღსავსე თავგადასავალი გრძელდება...
ნაწარმოების მთავარმა გმირმა პერსიმ და მისმა მეგობრებმა - გროუვერმა, ანაბეთმა და ტაისონმა - ზაფხულის დასრულებამდე კიკლოპის კუნძულიდან ოქროს საწმისი უნდა დაიბრუნონ, წინააღმდეგ შემთხვევაში შერეულსისხლიანთა ბანაკი განადგურდება. მაგრამ მანამდე პერსი თავისი ოჯახის შესახებ შეიტყობს განსაცვიფრებელ საიდუმლოს, რომელიც დააფიქრებს, პოსეიდონის შვილად წოდება პატივია თუ უბრალოდ ბოროტი ხუმრობა...
|
 |
ავტორი: შერონ მ. დრეიპერი
სათაური: გონების მიღმა
გამომცემლობა: წიგნები ბათუმში
გამოშვების წელი: 2016
შერონ მ. დრეიპერის რომანი ,,გონების მიღმა’’ ნიუ-იორკ ტაიმსის №1 ბესტსელერია. ეს არის ამბავი პატარა გოგონაზე – 11 წლის მელოდიზე, რომელსაც ცერებრული დამბლა აქვს. მელოდის მეტყველება არ შეუძლია, თუმცა ფოტოგრაფიული მეხსიერება აქვს. ვიდეოკამერის მსგავსად, მისი გონება ყველაფერს იწერს. ის სკოლაში ყველაზე ჭკვიანი ბავშვია, მაგრამ ამის შესახებ მისმა მასწავლებლებმა და ექიმებმა არ იციან. აქამდე, მელოდის არ შეეძლო ლაპარაკი, სიარული, წერა, მაგრამ როგორც კი საკუთარი ხმა აღმოაჩინა, მის მოსასმენად ბევრი მზად არ აღმოჩნდა...
წიგნს მიღებული აქვს შემდეგი ჯილდოები: ჟოსეტ ფრენკის პრემია, საკურას, ბიჰაივის, ბაქაის საუკეთესო საბავშვი წიგნის პრემია და სხვა.
|
 |
ავტორი: ლორი ჰოლც ენდერსონი
სათაური: ილაპარაკე
გამომცემლობა: წიგნები ბათუმში
გამოშვების წელი: 2016
,,ილაპარაკე’’ ლორი ჰოლც ენდერსონის ერთ-ერთი ცნობილი რომანია, რომელიც გამოსვლისთანავე იქნა მსოფლიო ბესტსელერად და 16 ენაზე ითარგმნა.
რომანის მთავარი პერსონაჟი 15 წლის მოზარდი მელინდა სორდინოა, რომელიც გარიყულია საკუთარ კლასში. ყოფილი მეგობრები მას ვერ იტანენ, მელინდა კი საკუთარი თავის დაცვასაც არ ცდილობს. ის ჩუმად, ცრემლების გარეშე უძლებს დამცირებას და ცდილობს სიმშვიდე ხატვაში ნახოს. ადრე გოგონა ძალიან პოპულარული იყო, მაგრამ ერთმა გარემოებამ ყველა მის წინააღმდეგ განაწყო. ის მალავს სიმართლეს, რომლის შესახებ ლაპარაკიც არ უნდა. იმ სიმართლეს, რომელმაც შეიძლება ყველაფერი შეცვალოს. რომელიც ბოლომდე გაამართლებს. ყველა დაუსრულებლად სთხოვს მელინდას ლაპარაკს, მაგრამ მისი მოსმენა არავის სურს....
სხვადასხვა დროს, მრავალი ადამიანი აღმოჩენილა ძალადობის, დაცინვის, მსხვერპლი. ამ ყველაფრისგან თავის დაცვის ერთ-ერთი, ყველაზე მთავარი იარაღი ლაპარაკია - პრობლემებზე, მოძალადეზე, შიშებზე... "ილაპარაკე" სწორედ ამ, საკუთარი თავიდან, შიშიდან, ჩაკეტილი სივრციდან გამოსვლის აუცილებლობაზეა.
|
 |
ავტორი: არკადი და ბორის სტრუგაცკები
სათაური: ორშაბათი იწყება შაბათს
გამომცემლობა: წიგნები ბათუმში
გამოშვების წელი: 2016
ძმები არკადი და ბორის სტრუგაცკები ყველაზე განთქმული რუსი მწერალ-ფანტასტები არიან. მათ მთელი ეპოქა შექმნეს არა მარტო რუსულ ფანტასტიკაში, არამედ ზოგადად ლიტერატურასა და კულტურაში.
სწორედ მათ კალამს ეკუთვნის აღნიშნული რომანი ”ორშაბათი შაბათს იწყება”, რომელიც მათი შემოქმედების ქვაკუთხედად შეიძლება მივიჩნიოთ. რომანი კარგად მიგნებული, მახვილგონივრული ალუზიებითა და კალამბურებითაა დახუნძლული.
|
 |
ავტორი: რობერტ ჰაინლაინი
სათაური: კარი ზაფხულში
გამომცემლობა: წიგნები ბათუმში
გამოშვების წელი: 2016
,,კარი ზაფხულში’’ - ეს არის რომანი წარსულსა და მომავალზე, იმედგაცრუებასა და სიხარულზე, სირთულეების დაძლევაზე, დროში მოგზაურობასა და შუა ზამთარში ზაფხულის ძებნაზე.
რომანის მთავარი გმირია ნიჭიერი გამომგონებელი და საკმაოდ წარმატებული ადამიანი - დენიელ ბუნ დეივისი, რომელსაც აქვს საყვარელი საქმე, ჰყავს საუკეთესო მეგობრები და ლამაზი მეორე ნახევარი. ერთ დღესაც კი ყველაფერს დაკარგავს .. დენიელს აღარავინ რჩება, კატის - პეტრონიუსის გარდა... სწორედ მათი ცხოვრების ნანგრევებზე იწყება ყველაზე საინტერესო თავგადასავალი: ყველაფრის დავიწყება და ბედნიერების ძებნა, საიდუმლოს გამოაშკარავება, ცხოვრების მთავარი გამოცანების გამოცნობა, თავსატეხის ამოხსნა, დროის მანქანით დროში მოგზაურობა, ფანტასტიკური გამოგონებები და შეშლილი მეცნიერები...
ეს ზოგჯერ სევდიანი, ზოგჯერ კი საოცრად მხიარული წიგნი ერთი ადამიანის დანაკარგის, დიდი მეგობრობის, სიყვარულის და ყველაზე საინტერესო გამოგონებების ისტორიაა.
|
 |
ავტორი: ელენ ფილდინგი
სათაური: ბრიჯიტ ჯონსის დღიური
გამომცემლობა: წიგნები ბათუმში
გამოშვების წელი: 2016
,,ბრიჯიტ ჯონსის დღიური’’ ელენ ფილდინგის გახმაურებული ბესტსელერია.
რომანის მთავარი გმირია 30 წელს გადაცილებული ბრიჯიტ ჯონსი, რომელიც მარტოხელაა და ცდილობს ახალი ცხოვრების დაწყებას, მაგრამ მავნე ჩვევებს მაინც ვერ ივიწყებს. ის დაიწყებს დღიურის წერას, სადაც თავის მიღწევებს და გამარჯვებებს ჩაწერს...
ოცი წლის წინ გამოსული რომანი, ბრიჯიტ ჯონსის ცხოვრების ერთი წლის ქრონიკაა, რომელიც ქართულ ენაზე პირველად ქვეყნდება.
|
 |
ავტორი: ფილიპ კ. დიკი
სათაური: იდინე, ცრემლო, - თქვა პოლიციელმა
გამომცემლობა: წიგნები ბათუმში
გამოშვების წელი: 2015
ამერიკელი მწერლის, ფილიპ კ. დიკის რომანი - „იდინე, ცრემლო, - თქვა პოლიციელმა’’ დაძაბული, დინამიური და ექსცენტრული ისტორიაა ცნობილ ადამიანზე, ტელევარსკვლავზე, ერის რჩეულზე, რომელიც ერთ დღეს იღვიძებს და აღმოაჩენს, რომ დედამიწაზე აღარავის ახსოვს, ერთი ადამიანიც კი არაა, მას რომ სცნობდეს. არ აქვს საბუთები, არ იძებნება მასზე ინფორმაცია და ისეთი შთაბეჭდილება იქმნება, თითქოს ამ ადამიანს არც არასდროს უარსებია... რა არის მისი ცხოვრება? ილუზია და მისივე წარმოსახვა, ნამდვილი ვარსკვლავის ცხოვრება, თუ ვინმეს მიერ მართული, მარიონეტული ყოფა?
|
 |
ავტორი: ორსონ სკოტ კარდი
სათაური: ენდერის თამაში
გამომცემლობა: წიგნები ბათუმში
გამოშვების წელი: 2015
სამეცნიერო ფანტასტიკის ჟანრის საკულტო წიგნი „ენდერის თამაში“ ამერიკელი მწერლის ორსონ სკოტ კარდის ერთერთი გამორჩეული ნაწარმოებია.
რომანის მთავარი გმირი, ექვსი წლის ენდერ უიგინი სხვა სკოლაში გადაჰყავთ, სადაც მასწავლებლები ბავშვებს თამაშში უწერენ ნიშნებს. თუმცა, ამ სკოლის მოსწავლეები უბრალო თამაშებს არ თამაშობენ. ენდერის თამაში რთული და დაძაბულია...
ნაწარმოებმა ავტორს ,,ნებულა (1985) და ,,ჰიუგოს პრემია’’ (1986) მოუტანა.
|
 |
ავტორი: ანჯეი საპკოვსკი
სათაური: მხედვარი - უკანასკნელი სურვილი
გამომცემლობა: წიგნები ბათუმში
გამოშვების წელი: 2015
„უკანასკნელი სურვილი“ პოლონელი მწერლის, ანჯეი საპკოვსკის ლეგენდარული მხედვარის საგის პირველი წიგნია. ეს მასშტაბური, ბრძოლის სცენებით სავსე ნაწარმოებია, სადაც სიკეთე ებრძვის ბოროტებას.
რომანის მთავარი გმირია გერალტ რივიელი, მხედვარი — ურჩხულებზე მონადირე. მასაც, როგორც ყველა სხვა მხედვარს, ბავშვობაში გადატანილი მრავალმხრივი მუტაციების მეშვეობით განუვითარდა განსაკუთრებული შესაძლებლობები. გერალტის მთავარი საქმე ფულადი ჯილდოს სანაცვლოდ ურჩხულების განადგურებაა.
საკუთარი კოდექსის მიხედვით, გერალტი ცდილობს თავიდან აირიდოს ჯადოქრებისა და მონარქების პოლიტიკურ ინტრიგებში გახლართვა. მიუხედავად ამისა ის ჩრდილოეთის სამეფოებისა და ნილფგაარდის იმპერიის დაპირისპირების ეპიცენტრში აღმოჩნდება...
|
 |
ავტორი: გიორგი კეკელიძე
სათაური: ორი თავგადასავალი
გამომცემლობა: წიგნები ბათუმში
გამოშვების წელი: 2016
,,ორი თავგადასავალი’’ გიორგი კეკელიძის ახალი რომანია, რომელიც 90-იანი წლების საზოგადოებასა და ერთი უბრალო ფიზიკოსი ბიჭის, ლევან ბარამიძის თავგადასავალზე გვიამბობს.
ლევან ბარამიძის ამბავი მთლიანად გამოგონილია და მიუხედავად გურიასთან კავშირისა, ამ რეგიონს აქ იშვიათად შევხვდებით. ლევანი გვიყვება თავისი ბავშვობის დროინდელ ამბებს, მომენტებში რთულ და სევდიანს, მაგრამ პერიოდულად მეოცნებე და თავისუფლების მოსურვე ბიჭზე.
ერთი მხრივ - თბილისი. სტუდენტური ქალაქი. დედის წერილები. ოთხმოცდაათიანი წლები. კრიმინალური საძმო. ფიზიკის ინსტიტუტი. სისხლი. ფული. შურისძიებები. პოსტსაბჭოთა საქართველოს ნაცნობი ნიშნები.
მეორე მხრივ - სიკვდილზე და სიცოცხლეზე დაკვირვება, სიყვარულთან გაუცხოება, ვერახდენილი ოცნებები, წარსულის შიში და საზღვრებთან ამაო ბრძოლა.
|
 |
ავტორი:
სათაური: ქართული ჰაგიოგრაფია - იაკობ ხუცესი, იოვანე საბანისძე, გიორგი მერჩულე
გამომცემლობა: ქარჩხაძის გამომცემლობა
გამოშვების წელი: 2016
წინამდებარე წიგნში წარმოდგენილია სამი ჰაგიოგრაფიული ძეგლის - ,,შუშანიკის წამების’’, ,,აბოს წამების’’ და ,,გრიგოლ ხანძთელის ცხოვრების’’ - პარალელური ტექსტები, რომელთაგან ერთი წარმოადგენს ძველ ქართულ ორიგინალს, ხოლო მეორე - ახალ ქართულ ენაზე შესრულებულ უზუსტეს ვერსიას. ასეთი გამოცემის მიზანია, ერთი მხრივ, დაეხმაროს სასწავლო პროცესს და მოსწავლეებს გაუიოლოს ტექსტებთან წვდომა, მეორე მხრივ კი საქართველოს ისტორიით, კულტურითა და ლიტერატურით დაინტერესებულ მრავალ ადამიანს, რომელთაც დღეს ძველი ქართული ნაკლებად ესმით, გაუხსნას გზა ამ უნიკალურ წყაროებთან.
ჰაგიოგრაფიული თხზულებები ტრადიციულად დიდი შემოკლებებით იბეჭდება ხოლმე, განსაკუთრებით სასწავლო გამოცემებში. აღნიშნულ ნაშრომში მინიმალურად არის შემოკლებული ,,აბოს წამების’’ და ,,გრიგოლ ხანძთელის ცხოვრების’’ ტექსტები, ხოლო ,,შუშანიკის წამება’’ პრაქტიკულად სრული სახითაა წარმოდგენილი.
|
 |
ავტორი: ჯემალ ქარჩხაძე
სათაური: ქართული ალტერნატიული პროზა
გამომცემლობა: ქარჩხაძის გამომცემლობა
გამოშვების წელი: 2016
ღრმა ინტელექტუალური ნაკადისა და იუმორის სინთეზი, რეალისტური პროზა და ზღაპარი – ჯემალ ქარჩხაძის პროზა ისეთივე მრავალსახოვანია, როგორც თავად სამყარო, რომელსაც ის აღწერს.
ფანტასტიკური მომავლიდან პრეისტორიულ ხანამდე, თანამედროვე საქართველოდან რომის იმპერიამდე, ჯემალ ქარჩხაძე გვთავაზობს უნიკალურ დიაპაზონს თხრობის, დაკვირვებისა და ანალიზისათვის. ცენტრში ყოველთვის ადამიანია მისი მრავალფეროვანი სულიერი პროფილით - სასტიკი ტირანიდან ღირსებისა და სიყვარულის ერთგულ მცველამდე.
|
 |
ავტორი: გურამ რჩეულიშვილი
სათაური: ქართული ალტერნატიული პროზა
გამომცემლობა: ქარჩხაძის გამომცემლობა
გამოშვების წელი: 2016
„ქართული ალტერნატიული პროზა“ „ქარჩხაძის გამომცემლობის“ წიგნების ახალი სერიის გამოცემაა. სერიის პირველი ტომია გურამ რჩეულიშვილის პროზა.
გურამ რჩეულიშვილი გამორჩეული მოვლენაა თანამედროვე ქართულ ლიტერატურაში. გამორჩეულია არა მხოლოდ ლიტერატურის სიღრმითა და ნოვატორულობით, არამედ აქტიური პერიოდის საოცარი სიმოკლით - მწერალს მხოლოდ ხუთი წელი ჰქონდა იმისთვის, რომ საქართველოში ახალი ლიტერატურული ეპოქისთვის დაედო საფუძველი.
„თუ ვინმეა ალტერნატიული, დამწყები ამ ალტერნატიულობის, არის გურამ რჩეულიშვილი..’’ - ასე აფასებს ლიტერატურათმცოდნე თამაზ ვასაძე გურამ რჩეულიშვილს. მისი აზრით, მწერალმა თავის ნაწერებში აქცენტი პიროვნებაზე გადაიტანა, როცა მანამდე წინა პლანზე უფრო სოციუმი გამოჰქონდათ ხოლმე.
|
 |
ავტორი: სოსო პაიჭაძე
სათაური: ქართული ალტერნატიული პროზა
გამომცემლობა: ქარჩხაძის გამომცემლობა
გამოშვების წელი: 2016
სოსო პაიჭაძის პროზა მრავალი თვალსაზრისით არის გამორჩეული, უწინარეს ყოვლისა არაორდინარული ზნეობრივი პრობლემების წამოჭრა-დამუშავებით, რაც ორიგინალური მხატვრულ-გამომსახველობითი ხერხების გამოყენებით ხდება.
სოსო პაიჭაძე მოცულობითი სინტაქსური კონსტრუქციების არქიტექტორია, ინფორმაციით მეტისმეტად გაჯერებული ვრცელი სინტაქსური პერიოდებით მოგვითხრობს იგი თავისი პერსონაჟების უცნაურ თავგადასავლებს.
სოსო პაიჭაძე წლების მანძილზე ქმნიდა და ხვეწდა უკიდურესად ტევად, ასოციაციურ, მრავალშრიან ინტელექტუალურ პროზას, რომლის ანალოგიც ქართულ მწერლობაში ძნელად თუ მოიძებნება. ამ წიგნში თავმოყრილი მოთხრობები სრულად წარმოადგენს მწერლის არცთუ ხანგრძლივი ცხოვრების მანძილზე შექმნილ ლიტერატურას, და ეს რაოდენობრივად მცირე, შინაარსობრივად კი უსაზღვრო სივრცე ულევ საზრდოს იძლევა ლიტერატურის ნამდვილი დამფასებლებისათვის.
|
 |
ავტორი: ლია ლიქოკელი
სათაური: გოგოობის კანონი
გამომცემლობა: ქარჩხაძის გამომცემლობა
გამოშვების წელი: 2016
,,გოგოობის კანონი’’ ახალგაზრდა ქართველი მწერლის, ლია ლიქოკელის ახალი, საინტერესო და უცნაური ამბების კრებულს წარმოადგენს, სადაც ავტორი ცდილობს საკუთარ თავზე ილაპარაკოს ოღონდ ამჯერად განსხვავებული და სხვადასხვა პრიზმიდან. მასში პოეტის ავტოპორტრეტებია, ლექსებად მოქსოვილი...
,,გოგოობის კანონი’’ ავტორის რიგით მეორე წიგნია.
|
 |
ავტორი: მანანა მენაბდე / Manana Menabde
სათაური: ილუზიები / Illusions
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2016
მანანა მენაბდე ფოტოგრაფიასა და მხატვრობაში 90-იანი წლებიდან მოღვაწეობს. მისი ნამუშევრები დიდი პოპულარობით სარგებლობს. მენაბდის პერსონალური გამოფენები ხშირად ეწყობოდა მსოფლიოს სხვადასხვა ქვეყანაში. მას იცნობენ როგორც მუსიკოსს, მხატვარს, ფოტოგრაფს, რეჟისორს და ყოველ ამ დარგში, ის სრულიად თავისთავადი, ორგანული შემოქმედია, რომელიც არც ერთ სახელოვნებო ტენდენციას არ იმეორებს.
წინამდებარე ილუსტრირებული კატალოგი, ასახავს მანანა მენაბდის ფოტოგრაფიულ შემოქმედებას და მასში თავმოყრილია სხვადასხვა მოტივებზე აგებული ფოტოსერიები: ,,ანგლოს ლანდები’’, ,,მანეკენი და სიცოცხლე’’, ,,გრაფიკული ფოტოები’’, ,,ფერწერული ფოტოები’’, ,,აკვარელი’’, ,,პასტელი’’, ,,შუქ-ჩრდილები’’. ისევე, როგორც მუსიკაში, ფოტოგრაფიაშიც, მანანა მენაბდე არ ცნობს ერთფეროვნებას და ამასთანავე, ქმნის მხოლოდ მისთვის დამახასიათებელ ექსპრესიას, თავად ცვლის გარემოს, რომელიც მის ფოტოობიექტივში მოექცა.
|
 |
ავტორი: მერაბ ტიკაძე
სათაური: არაბული ქვეყნების ახალი ისტორია (XIX ს. - XX საუკუნის დამდეგი)
გამომცემლობა: უნივერსალი
გამოშვების წელი: 2016
წინამდებარე ნაშრომი ეძღვნება არაბული ქვეყნების ახალ ისტორიას (XIX ს. - XX საუკუნის დამდეგი) და მოიცავს ისეთ საკვანძო საკითხებს, როგორიცაა ოსმალეთის იმპერიის არაბულ პროვინციებში ჩატარებული რეფორმები და მისი შედეგები, ევროპის სახელმწიფოების ეკონომიკური და პოლიტიკური ექსპანსია, კულტურული აღორძინების პროცესი (,,ან-ნადა’’) და არაბული ნაციონალიზმის გამოსვლა ასპარეზზე. სათანადო ყურადღება ეთმობა არაბთა მონაწილეობას პირველ მსოფლიო ომში და სამანდატო სისტემის წარმოქმნას, აღნიშნულია კოლონიური რეჟიმის, როგორც უარყოფითი შედეგები, ისე საზოგადოებრივი ცხოვრების სხვადასხვა სფეროში მომხდარი პოზიტიური ცვლილებები.
|
 |
ავტორი:
სათაური: ნიკო ფიროსმანაშვილის პირადი საქმე - მუზეუმი, ისტორია, არტეფაქტი
გამომცემლობა: საქართველოს კულტურული მემკვიდრეობის დაცვის ეროვნული სააგენტო
გამოშვების წელი: 2015
ნიკო ფიროსმანაშვილის, როგორც რკინიგზის თანამშრომლის პირადი საქმე, ინახებოდა რკინიგზის სამმართველოს არქივში. 1970 წელს იგი გადაეცა მხატვრის ახლადგახსნილ (1963 წ.) სახლ-მუზეუმს სოფ. მირზაანში.
,,პირადი საქმის’’ საქაღალდეში 37 ფურცელია, რუსულად ხელნაწერი და ნაბეჭდი დოკუმენტები: მხატვრის მიერ ხელმოწერილი მოხსენებითი და განმარტებითი ბარათები, რკინიგზის ხელმძღვანელობისადმი მიწერილი თხოვნა-მიმართვები, განცხადებები, შუამდგომლობის წერილები, სამუშაოს დასაწყებად შევსებული ანკეტა - დაბადების თარიღით და სხვა პირადი მონაცემებით. ზოგიერთ დოკუმენტში მხატვარი ფიროსმანად, ზოგან კი ფიროსმანაშვილად იხსენიება.
|
 |
ავტორი: მარიამ წიკლაური
სათაური: ქართველი პოეტი ქალები / Georgian Female Poets - ანთოლოგია / Anthology
გამომცემლობა: სეზანი
გამოშვების წელი: 2016
წინამდებარე ორენოვანი ანთოლოგიის კრებული აგებულია ქრონოლოგიურად. მასში გაერთიანებულია 32 თანამედროვე ავტორი. ქართველი პოეტი ქალები, უცხოენოვანი მკითხველისათვის წარმოდგენილია სხვადასხვა მთარგმნელის მიერ ინგლისურ ენაზე თარგმილი ლექსებით. აღნიშნული კრებული პირველი და არასრული ცდაა ამგვარი წიგნის შექმნისა საქართველოში.
|
 |
ავტორი: ნინო ხუნაშვილი
სათაური: კეთილსინდისიერების პრინციპი სახელშეკრულებო სამართალში
გამომცემლობა: ,,ბონა კაუზა’’
გამოშვების წელი: 2016
წინამდებარე ნაშრომში გამოკვლეულია კეთილსინდისიერების პრინციპის მნიშვნელობა სახელშეკრულებო სამართალში, გაანალიზებული და გამოყენებულია ქართული სამეცნიერო ლიტერატურა და სასამართლო პრაქტიკა (ოცდაათამდე სასამართლო გადაწყვეტილება, რომელთა შორის დიდ უმეტესობას შეადგენს საქართველოს უზენაესი სასამართლოს გადაწყვეტილებანი), ასევე უცხოური დოქტრინა და სასამართლოს პრაქტიკა და განკუთვნილია იურისტებისათვის.
|
 |
ავტორი: მ. კვესელავა
სათაური: ფაუსტური პარადიგმები
გამომცემლობა: ,,ფონდი ქართუ’’
გამოშვების წელი: 2015
ქართველი ლიტერატურათმცოდნის, ფილოლოგ-გერმანისტის, ფილოსოფოსისა და მწერლის, ფილოლოგიის მეცნიერებათა დოქტორის, პროფესორის, საქართველოს მეცნიერებათა დამსახურებული მოღვაწის მიხეილ კვესელავას 1961 წელს ორ წიგნად გამოცემული მონოგრაფია ,,ფაუსტური პარადიგმები’’ დღეს უკვე ბიბლიოგრაფიული იშვიათობაა.
,,ფაუსტური პარადიგმების’’ ახალი გამოცემა იბეჭდება ერთ ტომად და აერთიანებს ნაშრომის ორივე წიგნს. ტექსტი პირველი გამოცემის იდენტურია. ავტორის სტილის შესანარჩუნებლად, უცვლელად არის დატოვებული გრამატიკული თუ ორთოგრაფიული უზუსტობები, რომლებსაც ქართული ენის თანამედროვე ნორმები ითვალისწინებს.
|
 |
ავტორი: ზვიად რატიანი
სათაური: ქართული ლექსი - XX საუკუნე
გამომცემლობა: დიოგენე
გამოშვების წელი: 2015
წინამდებარე წიგნი XX საუკუნის ქართული პოეზიის ერთგვარი გზამკვლევია. მასში, მეტ-ნაკლები სისრულით, გასულ საუკუნეში ქართული ლექსის განვითარების გზაა წარმოჩენილი. ქართული ლექსის თემატური და დროის გარკვეულ მონაკვეთით შემოსაზღვრული ანთოლოგიის კრებული ერთ-ერთი საუკეთესო თანამედროვე ქართველი პოეტის მიერ წინა საუკუნის პოეზიის დანახვისა და გააზრების პირველი მცდელობაა.
|
 |
ავტორი: დევი ბერძენიშვილი
სათაური: ნარკვევები ქვემო ქართლის ისტორიული გეოგრაფიიდან
გამომცემლობა: სეზანი
გამოშვების წელი: 2015
წინამდებარე ნაშრომი წარმოადგენს ცნობილი მეცნიერის, დევი ბერძენიშვილის ექვსი ნარკვევის კრებულს, რომელშიც გადმოცემულია ქვემო ქართლის ქვეყნების ფიზიკური, ეკონომიკური, სოციალურ-პოლიტიკური, საეკლესიო და ეთნიკური გეოგრაფიის პრობლემები. ავტორისეული სტილი უცვლელადა დაცული, მხოლოდ მცირეოდენი ცვლილები განიცადა დღევანდელი სალიტერატურო ნორმების გათვალისწინებით; გასწორდა კორექტული შეცდომები; შედგა საერთო საძიებელი და ბიბლიოგრაფია, შემუშავდა წყაროებისა და ლიტერატურის დამოწმების ერთიანი წესი; გასწორდა და დაემატა მითითებები, სადაც ეს საჭირო და შესაძლებელი იყო.
|
 |
ავტორი:
სათაური: ბეჟან შველიძე - Bezhan Svelidze
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
ისტორიული ფოტომასალით მდიდარ კატალოგში, მკითხველი და დამთვალიერებელი მხატვრის შემოქმედებას გაეცნობა. ორენოვან ალმბომში, შესულია ბეჟან შველიძის 1960-იანი წლებიდან დღემდე შესრულებული ნახატები და კვლევითი მასალა ხელოვანის შემოქმედების შესახებ.
ბეჟან შველიძე 60-იანი წლების ქართული ფერწერული სკოლის ერთ-ერთი გამორჩეული წარმომადგენელია, რომელიც საკუთარ ნამუშევრებში იმდროინდელ ყოველდღიურ ყოფას აღწერს. მხატვარი აპოლონ ქუთათელაძის სახელობის თბილისის სახელმწიფო სამხატვრო აკადემიის კურსდამთავრებულია. იგი დღემდე საქართველოს მხატვართა კავშირის წევრი, ასევე საქართველოს დამსახურებული მხატვარი და მხატვართა კავშირის პრემიის ლაურეატია. მისი ნამუშევრები დაცულია მოსკოვის „ტრეტიაკოვის“ გალერეასა და ბერლინის ჰილგემანის კერძო კოლექციებში.
|
 |
ავტორი:
სათაური: მერაბ ბერძენიშვილი - Merab Berdzenishvili
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
წინამდებარე ორენოვან საუბილეო კრებულში, ცნობილი ქართველი მხატვრის, მერაბ ბერძენიშვილის მონუმენტური, საპარკო და დაზგური ქანდაკების, ასევე მცირე პლასტიკის, ფერწერის, გრაფიკისა და სამედალო ხელოვნების ილუსტრირებული ნამუშევრებია წარმოდგენილი.
ქართველი მოქანდაკე, ფერმწერი და გრაფიკოსი მერაბ ბერძენიშვილი რუსთაველის სახელობისა და ეროვნული პრემიების ლაურეატია. მის სახელს ისეთი ცნობილი ნამუშევრები უკავშირდება, როგორიცაა: დავით გურამიშვილი, გიორგი სააკაძე, მედეა და სხვა ცნობილი მონუმენტები.
|
 |
ავტორი:
სათაური: ისტორიული სამოსელი - Historical Stage Costumers
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
კრებულში "ისტორიული სცენური სამოსელი" თავმოყრილია XX საუკუნის ცნობილი ქართველი მხატვრების, მათ შორის, პეტრე ოცხელის, ირაკლი გამრეკელის, სოლიკო ვირსალაძის, ელენე ახვლედიანის, დიმიტრი თავაძის, ფარნაოზ ლაპიაშვილის, იოსებ სუმბათაშვილის ესკიზებზე შექმნილი კოსტიუმები. კატალოგში შესული კოლექცია წლების წინ მსახიობებთან ერთად სცენურ სახეს ქმნიდა და ამ კოსტიუმებში მაყურებელი ვერიკო ანჯაფარიძეს, სესილია თაყაიშვილს, ნატო ვაჩნაძეს, აკაკი ხორავას, სერგო ზაქარიაძეს, აკაკი ვასაძეს, ეროსი მანჯგალაძეს, პიერ კობახიძეს, თამარ ჭავჭავაძეს, მედეა ჯაფარიძესა თუ მარინა თბილელს ხედავდა.
კატალოგში ერთადერთი ამოუცნობი კოსტიუმია - რუსთაველის თეატრის გარდერობის ერთ-ერთ სკივრში აღმოჩენილი უნიკალური მოსასხამი, რომელიც მხატვრისა და მსახიობის შესაძლებლობების უდიდეს მასშტაბზე მეტყველებს. როგორც გაირკვა, სკივრი 60 წელია არავის გაუხსნია და კოსტიუმის ისტორია დავიწყებას მიეცა. მიუხედავად დიდი ძალისხმევისა, მისი იდენტიფიცირება დღემდე ვერ მოხერხდა.
|
 |
ავტორი:
სათაური: გერმანელი მხატვრები და კავკასია - German Painters and the Caucasus
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
წინამდებარე ალბომში - „გერმანელი მხატვრები და კავკასია“ თავმოყრილია ხელოვნების სასახლეში, საქართველოს ეროვნულ მუზეუმში, ზუგდიდის დადიანების სასახლეებში და კერძო პირების კოლექციებში დაცული ნახატებისა და ფოტოპროდუქციების კოლექციები, რომელთა უმეტესობაც პირველად დაიბეჭდა.
ალბომში წარმოდგენილია გერმანელი მხატვრების: პაულ ფონ ფრანკენის (1818-1884), ჰელენ კიობერის (1825-?), ფრიდრიხ ფრიშის (1813-1886), ფრანც კრიუგერის (1797-1857) და სხვა მნიშვნელოვანი ხელოვანების ნამუშევრები. გერმანელი მხატვრების ნახატები ისტორიულ ფაქტებს გადმოსცემენ და ეროვნული მნიშვნელობის საგანძურს წარმოადგენენ.
თითოეული მხატვარის მოგზაურობას კავკასიაში განსაკუთრებული მისია ჰქონდა. მაგ: ფრიდრიხ ფრიში ჯერ დარმშტადტის, შემდეგ კი რუსეთის საიმპერატორო კარის მხატვარი იყო, რომელმაც ალექსანდრე II-სთან ერთად კავკასიაში მოგზაურობის ყველა ღირსშესანიშნავი მოვლენა ქაღალდზე გადაიტანა.
|
 |
ავტორი: ჯემალ ხუციშვილი - JEMAL KHUTSISHVILI
სათაური: ფერწერა / გრაფიკა - Painting/Graphics
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
წინამდებარე კატალოგი წარმოადგენს ცნობილი ქართველი მხატვრის ჯემალ ხუციშვილის ცხოვრებისადმი და შემოქმედებისადმი მიძღვნილ საიუბილეო გამოცემას, რომელშიც შესულია მხატვრის სრული შემოქმედება.
ჯემალ ხუციშვილი მრავალი საერთაშორისო ჯილდოს მფლობელია, მისი პერსონალური გამოფენები იმართებოდა საქართველოში და ქვეყნის ფარგლებს გარეთ. მხატვრის ნამუშევრები დაცულია ისეთ ცნობილ გალერეებსა და მუზეუმებში, როგორიცაა პარიზის თანამედროვე მხატვრების მუზეუმი და ტრეტიაკოვის სამხატვრო გალერეა.
|
 |
ავტორი:
სათაური: სუვენირები საქართველოდან SOUVENIRS FROM GEORGIA
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
წინამდებარე კატალოგის მიზანია უნიკალურ ქართულ შემოქმედებასა და მათ ავტორებზე მუდმივად განახლებული ინფორმაციის მიწოდება ფართო საზოგადოებისათვის. დასაქმების მასშტაბების გაზრდა, იმ ხელოვნების წარმოჩენა, რომელიც დღეს იქმნება. კატალოგში ჩანს მაღალმხატვრული მრავალფეროვანი ნამუშევრების ხარისხი, გემოვნება და პოტენციალი. მასში თავმოყრილია 50 ოსტატის, როგორც პროფესიონალების, ისე სტუდენტების ათობით ნამუშევარი. მათ შორის ხეზე ჭრა, ნაქარგობა, ქართული ტრადიციული ოსტატობის, ქართული სამოსის, ხალხური რეწვის, მინანქრის, ბრინჯაოს ჭედურობის ნიმუშები.
|
 |
ავტორი: რუსუდან ქუთათელაძე, მზია ჯაფარიძე
სათაური: ქართული მუსიკის ენციკლოპედიური ლექსიკონი
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2015
წინამდებარე ,,ქართული მუსიკის ენციკლოპედიური ლექსიკონი’’ არის პირველი ვრცელი საცნობარო გამოცემა ქართული მუსიკის შესახებ, რომელშიც გაშუქებულია ამ სფეროს საკითხები, მიღწევები, მონაპოვრები, დაგროვილი საუკუნეთა მსვლელობაში და მოიცავს ქართული მუსიკის განვითარების მრავალსაუკუნოვან ისტორიას. გამოცემაში თავმოყრილია რამდენიმე ათასამდე სიტყვა-სტატია.
გამოცემა შეიცავს ინფორმაციას ქართველ კომპოზიტორებზე, მუსიკისმცოდნეებზე, ოპერისა და ბალეტის არტისტებზე, ქართულ ხალხურ შემსრულებლებზე, მგალობლებზე, ღვაწლმოსილ პედაგოგებზე, ესტრადისა და ჯაზის მუსიკოსებზე, ვისაც წვლილი შეუტანია აღნიშნულ ჟანრებში. აგრეთვე, ხალხურ და აკადემიურ გუნდებს, ორკესტრებს, ანსამბლებს.
|
 |
ავტორი: მიხეილ ჯავახიშვილი
სათაური: უბის წიგნაკებიდან
გამომცემლობა: ინტელექტი
გამოშვების წელი: 2015
ცნობილი ქართველი მწერალი მიხეილ ჯავახიშვილი სრულიად შეგნებულად და მიზანმიმართულად ქმნიდა თავის ჩანაწერებს. თავადვე აღნიშნავდა: ,,დღეში ათიოდე აზრს, ნახულს და გაგონილს ვიწერ უბის წიგნაკში...’’
წინამდებარე ჩანაწერებიდან აშკარად ჩანს, რომ მიხეილ ჯავახიშვილის პირადი და შემოქმედებითი ცხოვრება აღსავსე იყო აღმასვლებით, უპირატესად კი კრიტიკითა და მუქარით. ფურცელ-ფურცელ იძერწებოდა მისი სულიერი ბიოგრაფია და მხატვრული ძიებანი, მკითხველის წინაშეა დიდი მწერლის აზრები უამრავი ყოფითი, ეროვნული, სოციალური თუ ლიტერატურული საიდუმლოს ამოსახსნელად.
|
 |
ავტორი: ჯონ სტაინბეკი
სათაური: რუსული დღიური
გამომცემლობა: არტანუჯი
გამოშვების წელი: 2015
ამერიკელმა მწერალმა და ნობელის პრემიის ლაურეატმა, ჯონ სტაინბეკმა, 1962 წელს, ცივი ომის პერიოდში იმოგზაურა საბჭოთა კავშირში ცნობილ ამერიკელ ფოტოგრაფ რობერტ კაპასთან ერთად.
სტაინბეკმა და კაპამ 1947 წელს ორი თვე დაჰყვეს საბჭოთა კავშირში და მოინახულეს მოსკოვი, სტალინგრადი, კიევი, უკრაინის რამდენიმე სოფელი და საქართველოს ქალაქები. ,,რუსული დღიური’’ ამ მოგზაურობას აღწერს. მწერალი გულახდილად მოგვითხრობს თავის შთაბეჭდილებებსა და იმ მიზანზე, რომელიც მოგზაურობას საფუძვლად დაედო. იმხანად, იმის მიუხედავად, რომ ამერიკული ჟურნალ-გაზეთები ბევრს წერდნენ საბჭოთა კავშირზე, ამერიკელ მკითხველს არავინ უყვებოდა საბჭოთა კავშირის მოქალაქეების ყოველდღიურ ამბებს და არც მათი ცხოვრების ამსახველი ფოტოები იბეჭდებოდა სადმე.
სტაინბეკსა და კაპას სურდათ ამერიკელებისთვის ეჩვენებინათ, როგორ ცხოვრობდნენ საბჭოთა კავშირში უბრალო ადამიანები - რას ჭამდნენ, როგორ ეცვათ, როგორ ერთობოდნენ, როგორ კვდებოდნენ, რაზე ლაპარაკობდნენ და ა.შ.
|
 |
ავტორი: მილორად პავიჩი
სათაური: ბელგრადის ბიოგრაფია - მოთხრობილი ათ ეპიზოდად
გამომცემლობა: ინტელექტი
გამოშვების წელი: 2015
რა არის ის, რაც ბელგრადს, ამ უძველეს ქალაქს, სხვა ქალაქთაგან გამოარჩევს და რის გამოა ის ასე საინტერესო ცნობილი სერბი მწერლისა და პოეტ მილორად პავიჩისთვის, გარდა იმისა, რომ მშობლიური ქალაქია და მისი ცხოვრების ყველა ეპიზოდი ამ ქალაქს უკავშირდება?
წინამდებარე წიგნში არის ისტორიაც, გროტესკიც, უფრო კი ფარული სევდა და სინანული, რომლითაც გამსჭვალულია თხრობის მანერა და ცალკეული პასაჟები. აქ ყველას თავისი ბელგრადის წარმოდგენა შეუძლია, ,,ყველაზე ლამაზ ადგილას გაშენებული ყველაზე მახინჯი ქალაქისა’’, რომელსაც წარსული უფრო აქვს, ვიდრე აწმყო, თუმცა მისი შეცნობა და დანახვა ადამიანურ ძალთა შინაგანი, უხილავი პლასტებითაა შესაძლებელი.
|
 |
ავტორი: ჟორჟ ბრასენსი, ლეო ფერე, ჟაკ ბრელი, სერჟ გენსბური, ბორის ვიანი
სათაური: ფრანგული შანსონი
გამომცემლობა: ინტელექტი
გამოშვების წელი: 2015
წინამდებარე კრებულში წარმოდგენილია ფრანგული შანსონის ხუთი გრანდი: ჟორჟ ბრასენსი, ლეო ფერე, ჟაკ ბელი, სერჟ გენსბური და ბორის ვიანი.
ეს მომღერლები, უპირველეს ყოვლისა, პოეტები არიან, უპირატესობას ანიჭებენ ტექსტს და ზღვარს შლიან პოეზიასა და სიმღერას შორის. სწორედ ამ დროს ვხედავთ ჟორჟ ბრასენსის ნიჭის სრულ გამოვლინებას, ლეო ფერეს ლირიკული ექსპრესიის მწვერვალს, ჟაკ ბრელის ხელოვნების ,,კრეშენდოს’’, სერჟ გენსბურგის ექსტრავაგანტური ფენომენის დაბადებას და ბორის ვიანის შემოქმედების აპოგეას. მათ შექმნეს ფრანგული სასიმღერო ტექსტის ახალი ერა. ისინი დღემდე შთააგონებენ თაობებს.
|
 |
ავტორი: გაბრიელ გარსია მარკესი
სათაური: ფოთოლცვენა -MACONDO
გამომცემლობა: ინტელექტი
გამოშვების წელი: 2015
„ფოთოლცვენა’’ გაბრიელ გარსია მარკესის პირველი ნოველაა, რომლის დასაბეჭდადაც გამომცემელს ის შვიდი წლის მანძილზე ეძებდა. საბოლოოდ ნაწარმოები 1955 წელს დაიბეჭდა. მთელი ნოველის მოქმედება ერთ ოთახში ხდება, 1928 წლის 12 სექტემბერს, ოთხშაბათი დღის ნახევარი საათის მანძილზე. ეს არის მოხუცი გენერლის ისტორია (მარკესის პაპის მსგავსის), რომელიც ცდილობს ჩვეული ქრისტიანული წესით დაასაფლაოს არაპოპულარული ფრანგი ექიმი. გენერალს მხარს მხოლოდ ქალიშვილი და უფროსი ვაჟი უჭერენ. ნოველა იკვლევს ბავშვის პირველ გამოცდილებას სიკვდილთან მიმართებაში, რასაც მოსდევს მისი შემდგომი ცნობიერების ნაკადი. ნოველა ასევე ააშკარავებს გენერლის ქალიშვილის, ისაბელას პერსპექტივას, რომელიც ფემინისტური ხედვებითაა განმსჭვალული.
|
 |
ავტორი: მარსელ პრუსტი
სათაური: სოდომი და გომორი
გამომცემლობა: არტანუჯი
გამოშვების წელი: 2015
,,სოდომი და გომორი’’ ცნობილი ფრანგი მწერლის, მოდერნისტული ლიტერატურის თვალსაჩინო წარმომადგენლის - მარსელ პრუსტის სიცოცხლეში გამოქვეყნებული უკანასკნელი ნაწარმოებია. ეს მეოთხე რომანია ციკლიდან ,,გამქრალი დროის ძიებაში’’, რომელიც 1922 წელს გამოიცა.
რომანის მთავარი ამბავი ბუნებრივად ამოიზარდა წინა რომანიდან ,,გერმანტებთან’’. ესაა მაღალი საზოგადოების ზნეობრივი დაცემის თემა, რომლის ცენტრშიც ბარონი დე შარლიუ დგას.
|
 |
ავტორი: მარკ იუნგე, ბერნდ ბონვეჩი, დანიელ მიულერი
სათაური: ეთნოსი და ტერორი საქართველოში
გამომცემლობა: ინტელექტი
გამოშვების წელი: 2015
წინამდებარე მონოგრაფიული კვლევის მთავარი საკითხია ატარებდა თუ არა დიდი ტერორი ეთნიკური ტენდენციების, თუნდაც გენოციდის ნიშნებს ისეთ მრავალეროვან რესპუბლიკაში, როგორიც საქართველოა. აქ სიახლედ, პირველ რიგში, კვლევის მეთოდიკა გვევლინება. ისეთი დიასპორების წინააღმდეგ გატარებული რეპრესიები, როგორებიც არიან ბერძნები, გერმანელები, თურქები და ა.შ განიხილება არა იზოლირებულად, არამედ სხვა ეროვნული უმცირესობების, მათ შორის აფხაზების, ოსების, იეზიდებისადმი და ა.შ. მიმართული რეპრესიების კონტექსტში.
წიგნში მკითხველი იხილავს ავტორებსა და კვლევის შედეგებზე მოდავე ქართველ ისტორიკოსთა შორის გამართული მძაფრი დისკუსიის ამსახველ დოკუმენტებს.
|
 |
ავტორი: გაბრიელ გარსია მარკესი
სათაური: ერთი ტყვეობის ამბავი
გამომცემლობა: ინტელექტი
გამოშვების წელი: 2015
გაბრიელ გარსია მარკესის ,,ერთი ტყვეობის ამბავი’’ 1990-იან წლებში ნარკოდაჯგუფების მიერ კოლუმბიელი ჟურნალისტის, მარუხა პაჩონის გატაცების რეალურ ამბავზეა დაფუძნებული. რომანი მოგვითხრობს გატაცებათა მთელ სერიაზე. რეალისტურად არის აღწერილი გამტაცებლების სისასტიკე და უმოწყალობა, მძევალთა სასოწარკვეთილება, გაქცევის მცდელობა, მკვლელობები, რაც სახელმწიფოსთან შეუმდგარი მოლაპარაკების პარალელურად მიმდინარეობდა.
ნარკოდილერები ექსტრადაციის შესახებ ახლადმიღებულ კანონს აუმხედრდნენ. კანონს, რომელიც მთავრობას უფლებას აძლევდა ნარკომაფიის წევრები აშშ-ს მართლმსაჯულებისთვის გადაეცა, სადაც მათ სულ სხვაგვარად გაუსწორდებოდნენ. კოლუმბიაში კი უსასტიკესი ომი მიმდინარეობდა და უდანაშაულო ადამიანების ცხოვრებას ცვლიდა.
|
 |
ავტორი: ადოლფო ბიოი კასარესი
სათაური: მორელის გამოგონება
გამომცემლობა: ინტელექტი
გამოშვების წელი: 2015
XX საუკუნის არგენტინულმა ლიტერატურამ მსოფლიოს სამი დიდი მწერალი შესძინა - ხორხე ლუის ბორხესი, ხულიო კორტასარი და ადოლფო ბიოი კასარესი. თუმცა არის ერთი მნიშვნელოვანი დეტალი, რაც ბიოი კასარესს მათგან გამოარჩევს: ის ერთ-ერთი პირველია, ვინც ესპანურენოვან ლიტერატურაში სამეცნიერო ფანტასტიკის ჟანრი დაამკვიდრა.
მისი ნაწარმოები - ,,მორელის გამოგონება’’ (1940) მოგვითხრობს ვენესუელელ მწერალზე, რომელიც მართლმსაჯულებისგან გარბის და თავს უკაცრიელ კუნძულს აფარებს. მიუხედავად იმისა, რომ კუნძული რაღაც უცნაური, გაურკვეველი დაავადების კერაა, მწერალი მიიჩნევს, რომ ეს ერთადერთი ადგილია, სადაც უსაფრთხოდ იქნება.
მთავარი გმირი მალე აღმოაჩენს რომ მარტო არაა. ვინ არის ეს ხალხი? რა საიდუმლოს მალავს კუნძული? კასარესი ახერხებს, გაზვიადებისა და მაღალფარდოვანი სიტყვების გარეშე დააინტერესოს მკითხველი მთავარი გმირის ბედით, დააფიქროს ისეთ თემებზე, როგორიცაა უკვდავება, სიცოცხლის შექმნა, ადამიანის გონების შესაძლებლობების ზღვარი.
|
 |
ავტორი: ეჟენ იონესკო
სათაური: განდგომილი
გამომცემლობა: ინტელექტი
გამოშვების წელი: 2015
წინამდებარე რომანში, ავტორი ცდილობს, პასუხი გასცეს იმ კითხვებს, რომლებიც კაცობრიობის მუდმივი ღელვის საგანია: როგორ თანაარსებობს ადამიანი და ბრბო? როგორ იბადება აგრესია და მასობრივი ფსიქოზი? არსებობს კი წინააღმდეგობის მექანიზმი? რამდენად ძალუძს ადამიანს, თავიდან აიცილოს საყოველთაო კატასტროფები? შეიძლება იმ ეგზისტენციური ბარიერის გადალახვა, ყველა მოაზროვნე პიროვნებას რომ აწუხებს?
ეჟენ იონესკო მთელი ცხოვრება ცდილობდა აბსურდული ყოფის მიზეზებისა და მისი არსის შეცნობას. სამყაროს თავდაპირველ რეალობას - სიყვარული და გაოცება, ოცნება და სიკვდილი - მის პიესებსა და პროზაში ერთი კოსმოგენური ელემენტი - მარტოობა ემატება. ეს კიდევ ერთი სიუჟეტი გახლავთ, სადაც ავტორის ორიგინალურ აზროვნებას ისეთ ზღვრამდე მიჰყავს აბსურდი, რომლის იქითაც ახალი რელობა იშლება.
|
 |
ავტორი: ეჟენ იონესკო
სათაური: მარტორქა და სხვა პიესები
გამომცემლობა: ინტელექტი
გამოშვების წელი: 2015
წინამდებარე პროზაულ კრებულში გაერთიანებულია წარმოშობით რუმინელი, ფრანგი მწერლის ეჟენ იონესკოს სამი პიესა.
ადრინდელ პიესებში ავტორი სოციალური ბოროტების გამოხატვას აბსტრაქტული სიტყვებით ცდილობდა, პიესა ,,მარტორქაში’’ კი ამ ბოროტების ხასიათის გარკვევა მწერალს კონკრეტული სიტუაციების გამოყენებით სურს. პიესაში აბსურდული მდგომარეობის მიღმა აშკარად ჩნდება რეალური სინამდვილე, რომელიც პრობლემურ პოლიტიკურ ხასიათს ატარებს და ავტორი ტოტალიტარიზმის, მასობრივი ისტერიის, კოლექტიური შეშლილობის, ფანატიზმის წინააღმდეგ გამოდის.
პიესაში ,,მეფე კვდება’’ თავდაპირველად აკვიატებულ, უტოპიური კატასტროფის შედეგად სამყაროს ტოტალური ნგრევის იდეას, პიროვნების ნგრევის იდეაც დაუმატა და განავითარა სიკვდილისა და შიშის თემა. მასში ყველაფერი ერთმანეთშია არეული: არარეალური, რეალური, ირეალური, მოგონილი თუ ქვეცნობიერი.
პიესა ,,მაკბეტში’’ ეჟენ იონესკომ თითქოს დროებით წონასწორობას მიაღწია - აქ თითქოს სიუჟეტიც არის და ხასიათებიც. ავტორმა შექსპირის ,,მაკბეტის’’ პერსონაჟებიც უცვლელად გადმოიტანა.
|
 |
ავტორი: ზაალ სამადაშვილი
სათაური: იუნკერ ერისთავის ბუცები
გამომცემლობა: ინტელექტი
გამოშვების წელი: 2015
ზაალ სამასადაშვილის ახალ წიგნში თავმოყრილ ნოველებსა და ჩანაწერებს ერთი რამ აერთიანებთ: დრო. ეს არაა წარსული, არამედ მწერლის თვალით დანახული და აღქმული დრო, თავისი პირუთვნელი სინამდვილით. ნამდვილია ამბები, პერსონაჟები, მთხრობელიც კი - ის არაფერს იგონებს, აკლებს ან ამატებს მოვლენებს, არამედ მოგვითხრობს მათ ისე, როგორც ოდესღაც დაინახა და იგრძნო. სინამდვილის მიმართ ასეთი დამოკიდებულება კი წიგნს სიწრფელეს და სიფაქიზეს სძენს, ადვილად პოულობს თანაგამცდელს მკითხველის სახით.
და არის კიდევ ერთი მნიშვნელოვანი რამ, რაც ამ ნოველებს სულ სხვა ენერგიით მუხტავს - ესაა ფიქრი გმირობაზე, რაინდობაზე, შესაბამისად - თავისუფლებასა და სიყვარულზე; ამ ფიქრით ან უამფიქრობითაა აღბეჭდილი ამ ნოველების პერსონაჟთა ბედისწერა, როგორც კიდევ ერთხელ შეხსენება კაცთა მოდგმისათვის რაინდული რომანტიზმისა.
|
 |
ავტორი: შორენა ლებანიძე
სათაური: მ ა ნ ა ნ ა ა ნ უ ა - ტყვეობის ორმოცდათორმეტი დღე
გამომცემლობა: არტანუჯი
გამოშვების წელი: 2015
შორენა ლებანიძის დოკუმენტური რომანი მ ა ნ ა ნ ა ა ნ უ ა - ტყვეობის ორმოცდათორმეტი დღე ნაწარმოების მთავარი გმირის ნაამბობს ეფუძნება და ქართულ-აფხაზური ოჯახის ტრაგედიას აღწერს.
სინამდვილის მხატვრული გააზრება, პერსონაჟების ფსიქოლოგიის წვდომა და მძაფრი, სულისშემძვრელი ისტორიების სიუჟეტური განვითარება ავტორს საშუალებას აძლევს, მკითხველი 1990-იანი წლების ქართულ-აფხაზური რეალობის უშუალო თვითმხილველად აქციოს. თუმცა გასული საუკუნის მიწურულის სამხედრო-პოლიტიკური პროცესები მხოლოდ ფონად გასდევს წიგნში მოთხრობილ ამბავს.
ავტორის მზერა მიპყრობილია აფხაზეთის მთებში ჩაკარგული პატარა სვანური სოფლის, კომანის, ეკლესიისკენ, სადაც დრამატული მოვლენები შემაძრწუნებელი სისწრაფით ვითარდება. მკითხველი ეცნობა ადამიანებს, რომლებიც თავსდატეხილმა უბედურებამ ეკლესიაში გამოკეტა და რომლებიც ბედისწერის მორიგ გამოწვევებს ჯანსაღი ცხოვრებისეული პოზიციით, მაღალადამიანური თვისებებით დაუპირისპირდნენ.
დოკუმენტური რომანის რამდენიმე პერსონაჟის ვინაობა, გარკვეული მიზეზების გამო, შეცვლილია.
|
 |
ავტორი: გაგა შურღაია
სათაური: ნოსტალგია
გამომცემლობა: არტანუჯი
გამოშვების წელი: 2015
წინამდებარე კრებულში შესული ნაწარმოებები ერთგვარი თავზარდამცემი სულიერი აღსარებაა, რომელიც ავტორს ამოათქმევინა მის გარშემო არსებული სინამდვილის, ცხოვრებისეული რეალიების ტრაგიკულმა გაცნობიერებამ.
წიგნის ავტორი გაგა შურღაია ამჟამად იტალიაში მოღვაწეობს. დამთავრებული აქვს თბილისის სახელმწიფო უნივერსიტეტის ფილოლოგიის ფაკულტეტი. გამოქვეყნებული აქვს ანტონ ჩეხოვის, ჟან-პოლ სარტრისა და დინო ბუცატის ნოველების თარგმანები, აგრეთვე, ექსპერიმენტული მოთხრობა ,,მარცია’’, რომელსაც მაღალი შეფასება მისცა ლიტერატურულმა კრიტიკამ.
|
 |
ავტორი: ელიზბარ ელიზბარაშვილი
სათაური: პატივისცემით ქიმიას
გამომცემლობა: ინტელექტი
გამოშვების წელი: 2015
,,როგორ ვუშველოთ ქიმიას?’’ - კითხულობს წიგნის ავტორი ერთ-ერთ წერილში და იქვე რამდენიმე საგულისხმო რჩევას გვაძლევს, 2013 წელს გამოცემული ელიზბარ ელიზბარაშვილის წიგნი ,,ქიმია ყველასათვის’’ იყო მცდელობა, პოპულარული ენით დაწერილი სამეცნიერო ესეების საშუალებით გაეადვილებინა მკითხველისთვის ამ რთულ, მაგრამ საინტერესო მეცნიერებასთან მისასვლელი გზა.
,,პატივისცემით ქიმიას’’ ამ ძალისხმევის გაგრძელებაა, რომელშიც დაკვირვებული მკითხველი არა მხოლოდ ქიმიის საიდუმლოებათა გასაღებს იპოვნის, არამედ ჩვენს სინამდვილეში მიმდინარე პროცესებისა და ქიმიის უხილავ თუ ხილულ ურთიერთკავშირსაც დაინახავს.
|
 |
ავტორი: გიორგი არაბული, ალუდა არაბული, ბერდია არაბული და სხვა
სათაური: არაბულები - პოეზია
გამომცემლობა: ინტელექტი
გამოშვების წელი: 2015
გიორგი არაბულის მიერ შედგენილი აღნიშნული პოეტური კრებული, ერთი გვარის 14 პოეტის ხელახლა, განსხვავებული ფორმით შეხსენებაა მათი შემოქმედების თავიდან აღმოჩენის სურვილითა და იმედით.
|
 |
ავტორი: შოთა იათაშვილი
სათაური: პოეტური გამოცდილების სიმწარე
გამომცემლობა: ინტელექტი
გამოშვების წელი: 2015
ქართველმა პოეტმა შოთა იათაშვილმა თავის ახალ პოეტურ კრებულს, რომელიც ხუთწლიანი პაუზის შემდეგ გამოსცა, „პოეტური გამოცდილების სიმწარე“ დაარქვა. მასში ავტორის ბოლო წლების განმავლობაში დაწერილ-ამორჩეული 46 ლექსი შევიდა. ეს შოთა იათაშვილის მერვე პოეტური კრებულია.
|
 |
ავტორი: ნიკოლოზ ბარათაშვილი
სათაური: პირადი წერილები
გამომცემლობა: არტანუჯი
გამოშვების წელი: 2015
ნიკოლოზ ბარათაშვილის (1817-1845) პირადი წერილები ქართული კულტურის მნიშვნელოვანი შენაძენი და ეპისტოლური მემკვიდრეობის ,,ოქროს ფონდის’’ კუთვნილებაა. მიუხედავად მცირე მოცულობისა, - შემორჩენილია პოეტის სულ 18 ბარათი, - ისინი მრავალმხრივ საყურადღებოა. მათი მნიშვნელობა შეიძლება განისაზღვროს უწინარესად თავად ავტორის ცხოვრებისა და შემოქმედების, მისი პოლიტიკური მრწამსის, მსოფლმხედველობის, მსოფლაღქმისა და მსოფლგანცდის, ზოგადად პოეტის სულიერი ბიოგრაფიის შესწავლის თვალსაზრისით.
ნ. ბარათაშვილის პირადი წერილების წინამდებარე გამოცემას, რომელსაც ახალი, ვრცელი, შევსებული კომენტარები ერთვის, წინამორბედ მკვლევართა ნაშრომებისა და წინარე გამოცემების კომენტარებთან ერთად ბოლოდროინდელი ისტორიულ-ლიტერატურული კვლევები უდევს საფუძვლად. მათ შორისაა პოეტის ეპისტოლური მემკვიდრეობისა და სანაცნობო წრის შესწავლისადმი მიძღვნილი გამოკვლევების ციკლი და კერძო წერილების რეპუბლიკაცია ახალი კომენტარებით, რომლებიც გამოქვეყნდა ქართულ სამეცნიერო და სალიტერატურო საისტორიო გამოცემებში.
ნიკოლოზ ბარათაშვილის (1817-1845) პირადი წერილების წინამდებარე გამოცემა მოამზადა, შესავალი, კომენტარები, შენიშვნები, საძიებლები და გენეალოგიური ტაბულები დაურთო მაია ცერცვაძემ. წიგნს ახალი, ვრცელი, შევსებული კომენტარები ერთვის, რომელსაც წინამორმებ მკვლევართა და მაია ცერცვაძის უახლესი ისტორიულ-ლიტერატურული კვლევები უდევს საფუძვლად.
|
 |
ავტორი:
სათაური: თანამედროვე ქართული დრამატურგია
გამომცემლობა: არტანუჯი
გამოშვების წელი: 2015
წინამდებარე კრებულში, რომელიც ,,თანამედროვე დრამატურგიის’’ სერიით გამოიცა და რიგით მეხუთეა (ორი გერმანულენოვანი, სპარსული და ებრაული პიესების კრებულების შემდეგ) შესულია ქართველი ავტორების - თამარ ბართაიას, ლაშა ბუღაძის, დავით გაბუნიას, მანანა დოიაშვილის, ირაკლი სამსონაძის, ირაკლი სოლომონაშვილის, თამაზ ჭილაძის, დათო ტურაშვილის, ბასა ჯანიკაშვილის პიესები. მათგან მხოლოდ დავით გაბუნიას ,,ბეჩავი’’ და ლაშა ბუღაძის ,,ლისისტრატე’’ ქვეყნდება პირველად.
შინაარსი მრავალფეროვანია ჟანრებით, სიუჟეტებით, ხასიათებით, ლექსიკითა და იშვიათად ფორმითაც კი. აქ შენარჩუნებულია სიტყვის ძალა, მისი დანიშნულება, იყოს (ზე)მოქმედების მთავარი იმპულსი და იარაღი.
ავტორთა პიესები 15-20 წლის წინათ პერიოდიკაში იბეჭდებოდა და თეატრის სცენაზეც წარმატებით იდგმებოდა.
|
 |
ავტორი: ნინო ხარატიშვილი
სათაური: ჩემი საშინელი ბედნიერების წელიწადი
გამომცემლობა: ინტელექტი
გამოშვების წელი: 2015
წინამდებარე წიგნში გაერთიანებულია ახალგაზრდა ქართველი შემოქმედი ქალის ოთხი პიესა, რომელიც ერთ ესთეტიკურ სივრცეს ქმნის. ამბიდან ამბამდე ამოგზაურებს მკითხველს ადამიანური გრძნობებით დამუხტულ, იდუმალ სამყაროში და გვესაუბრება მარადიულსა და მნიშვნელოვანზე, რადგან ,,დრამატურგიული ტექსტი’’ კი არა, ნამდვილი ლიტერატურაა, აკადემიურიცაა თავისი ბუნებით და ავანგარდულიც ამავდროულად. ჭეშმარიტადაა განცდილი, გააჩნია თავისი განწყობა, ატმოსფერო, ხელწერა. ეს იმ ტიპისა და რანგის შემოქმედებაა, რომელიც პლანეტის სხვადასხვა კუთხიდან შესაძლოა სხვადასხვაგვარად ჩანდეს კიდეც, მაგრამ ერთმნიშვნელოვნად საინტერესოა ყველასთვის.
|
 |
ავტორი: ფრიდონ ხალვაში
სათაური: თხზულებანი I
გამომცემლობა: ინტელექტი
გამოშვების წელი: 2015
აღნიშნულ კრებულში ცნობილი პოეტისა და საზოგადო მოღვაწის ფრიდონ ხალვაშის რჩეული ლექსებია გაერთიანებული. ფრიდონ ხალვაშმა ხანგრძლივი ცხოვრებისა და შემოქმედების განმავლობაში შექმნა თავისი სახე, თავისი სტილი და შეიძლება ითქვას თავისი მითი, რომელიც თანამედროვე ქართული კულტურის ისტორიაში დარჩა, როგორც სახასიათო ფორმა და შინაარსი, როგორც ადვილსაცნობი ისტორია, როგორც ტრადიცია, როგორც წინაპართა კვალის გაგრძელება, როგორც შემოქმედი, რომელმაც შექმნა თავისი დრო და რომელიც ამ დროში სრულად ცხოვრობა, წერდა, უყვარდა...
ფრიდონ ხალვაში სახეობრივი პოეზიის მიმდევარი იყო. ყოველთვის წარმატებით იყენებდა ქართული ლექსის სხვადასხვა სახეობასა თუ კომბინაციებს, სალიტერატურო ენის ტრადიციულ სტრუქტურასაც სრულყოფილად ფლობდა და არც სიტყვის ასოციაციური ველი ჰქონდა შეზღუდული. მისი შექმნილია საკუთარი არსის უშუალოდ და ორიგინალურად გამომხატველი ფორმა - სამყურები - ფრიდონ ხალვაშის ექსკლუზიური მიგნება, ახალი ქართული სალექსო ნაირსახეობა, რომელსაც შეგვიძლია ვუწოდოთ ,,აჭარული ტერცეტები’’, რადგან სიტყვიერ და ინტონაციურ მასალად უმთავრესად აჭარულ დიალექტს იყენებს. სამყურებში პოეტის ფხიზელი, დაკვირვებული თვალი იგრძნობა.
|
 |
ავტორი: კობა ხარაძე
სათაური: დიდი მამულიშვილის ღირსეული ღვაწლი - აკადემიკოსი ალექსანდრე ჯავახიშვილი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე წიგნი ეძღვნება აღიარებული ქართველი მეცნიერის, მეცნიერების დიდი ორგანიზატორისა და საზოგადო მოღვაწის, სახელმწიფო პრემიის ლაურეატის, მრავალი მედლისა და ორდენის მფლობელის, მეცნიერების დამსახურებული მოღვაწის, აკადემიკოს ალექსანდრე ჯავახიშვილის ცხოვრებისა და მოღვაწეობის ღირსეულად განვლილ გზას. ნაშრომში მოცემულია მეცნიერისა და მეცნიერ ორგანიზატორის მოღვაწეობის საინტერესო მომენტები, აგრეთვე, კოლეგების, აღზრდილების და სხვადასხვა დარგის სპეციალისტთა შეფასებები. მოგონებები ალექსანდრე ჯავახიშვილის მრავალმხრივ მოღვაწეობაზე, მისი ურთიერთობა ადამიანებთან. მისი, როგორც პიროვნებისა და მოქალაქის მრწამსის შესახებ.
წიგნი განკუთვნილია გეოგრაფიის ისტორიით და, რა თქმა უნდა, ამ დიდებული მეცნიერისა და მეცნიერების ორგანიზატორის მრავალმხრივი შემოქმედებით დაინტერესებულ პირთათვის.
|
 |
ავტორი:
სათაური: თანამედროვე სპარსული პოეზია (XX-XXI სს.)
გამომცემლობა: კავკასიური სახლი
გამოშვების წელი: 2015
წინამდებარე პოეტური კრებული წარმოადგენს ცნობილი ქართველი მთარგმნელისა და პოეტის გიორგი ლობჟანიძის მიერ ბოლო 20 წლის განმავლობაში ნათარგმნი თანამედროვე სპარსული პოეზიის კრებულს. წიგნში იმ პოეტების ლექსებიცაა შესული, რომლებიც ქართულ ენაზე პირველად სწორედ გიორგი ლობჟანიძემ თარგმნა. წიგნში მე-20 და 21-ე საუკუნის 20 ავტორის, მთარგმნელის 20 რჩეული ლექსია თავმოყრილი. კრებული ნიმა იუშიჯის ლექსებით იხსნება და მას ალი მოჰამადზადეს პოეზია ასრულებს.
|
 |
ავტორი: ოდისეას ელიტისი
სათაური: შვიდი დღე მარადისობისთვის
გამომცემლობა: ინტელექტი
გამოშვების წელი: 2015
ოდისეას ელიტისი მეორე ბერძენი ნობელიანტია ლიტერატურის დარგში. წინამდებარე წიგნი მკითხველს რამდენიმე კრებულიდან ამორჩეული ლექსების თარგმანებს სთავაზობს. მთარგმნელი შეეცადა მაქსიმალური სიზუსტით დაეცვა ავტორის ხელწერა, სტილი, ლექსიკა, ფრაზეოლოგია.
აღსანიშნავია ის ფაქტი, რომ ავტორი საერთოდ უარყოფს სასვენ ნიშნებს იშვიათი გამონაკლისის გარდა, ყველა სალექსო ფორმაც და სტრუქტურაც დედანთან შესაბამისობაშია, როგორიცაა სიტყვათა შორის ორმაგი დაშორება, მარცვალთა გამეორება თუ სიტყვათა გაყოფა.
|
 |
ავტორი: ოთარ ბაქანიძე
სათაური: კიევის უნივერსიტეტი - ქართველი ახალგაზრდების სავანე
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
აღნიშნული წიგნი ეძღვნება ტარას შევჩენკოს სახელობის კიევის ნაციონალური უნივერსიტეტის დაარსებიდან 180 წელს. მასში საუბარია იმ ქართველ სტუდენტებზე, რომლებიც სწავლობდნენ კიევის უნივერსიტეტში.
კიევის უნივერსიტეტმა სახელი მოიხვეჭა როგორც განათლებისა და ცოდნის კერამ, მთავარმა საგანმანათლებლო სავანემ იმ ქვეყნისა, რომელსაც ათასწლოვანი მეგობრული ურთიერთობა აკავშირებდა საქართველოსთან.
|
 |
ავტორი: აკაკი წერეთელი
სათაური: ჩანგური
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე წიგნი ეძღვნება გამოჩენილი ქართველი პოეტისა და საზოგადო მოღვაწის - აკაკი წერეთლის დაბადებიდან 175 და გარდაცვალებიდან 100 წლისთავს. ივანე ჯავახიშვილის სახელობის თბილისის სახელმწიფო უნივერსიტეტის უკრაინისტიკის ინსტიტუტმა და კლუბმა ,,უკრაინამ’’ გამოსაცემად მოამზადეს აკაკი წერეთლის ნაწარმოებების ორენოვანი კრებული ,,ჩანგური’’, სადაც ორიგინალის პარალელურად მოთავსებულია მისი თარგმანი უკრაინულ ენაზე.
|
 |
ავტორი: ომარ ძაგნიძე
სათაური: ფურიეს მწკრივები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე სახელმძღვანელოს ძირითადი დანიშნულებაა, მკითხველს ადვილი და გასაგები ფორმით მიაწოდოს ფურიეს მწკრივთა თეორიის უმთავრესი საკითხები. ავტორის აზრით, თხრობის ასეთი ფორმა მისაღებია და დამწყებთათვის სასურველიც კი, რათა მან კარგად გაითავისოს ყოველმხრივ გამართული მსჯელობის აუცილებლობა მართებული დასკვნების მისაღებად.
|
 |
ავტორი: დიმიტრი დოლაბერიძე
სათაური: ბაქო-თბილისი-ყარსის რკინიგზა - მყარი ფუნდამენტი აბრეშუმის გზისთვის
გამომცემლობა: საქართველოს განვითარების კომპლექსური პრობლემების კვლევის ცენტრი
გამოშვების წელი: 2015
წინამდებარე ნაშრომი პირველი ვრცელი კვლევაა ბაქო-თბილისი-ყარსის ახალი სატრანსპორტო დერეფნის შესახებ, რომელიც გააერთიანებს აზერბაიჯანის, საქართველოსა და თურქეთის სარკინიგზო ხაზებს. შედეგად კი, თურქეთის გავლით, გაიხსნება სარკინიგზო დერეფანი კასპიის ზღვიდან ევროპისკენ, რომელიც საბოლოოდ გამორიცხავს საზღვაო გზით გადაზიდვის საჭიროებას მას მერე, რაც სტამბულში, ბოსფორის სრუტეში გამავალი რკინიგზის გვირაბის მშენებლობა დასრულდება. ბაქო-თბილისი-ყარსის პროექტით ასევე შესაძლებელი იქნება დერეფნის გახსნა, რომელიც რუსეთს თურქეთთან დააკავშირებს. ამ ხაზით განხორციელდება როგორც სატვირთო, ისე სამგზავრო გადაყვანები. ის მოიაზრება როგორც ალტერნატიული სატვირთო ტრანსპორტირების გზა ირანიდან მომავალი არსებული სატრანზიტო გზების ნაცვლად. არსებობს მოსაზრება, რომ ახალი სარკინიგზო ხაზი გაზრდის ტვირთბრუნვის მოცულობას თურქეთს, კავკასიას, რუსეთსა და ცენტრალურ აზიას შორის.
|
 |
ავტორი: ე. ხარაიშვილი, მ. ჩავლეიშვილი, ნ. დამენია, ც. მიქატაძე
სათაური: მენეჯერული ეკონომიკა
გამომცემლობა: უნივერსალი
გამოშვების წელი: 2015
წინამდებარე ნაშრომში განმარტებულია მენეჯერული ეკონომიკის არსი, ახსნილია მისი სხვა ეკონომიკურ და ბიზნესის მეცნიერებებთან დამოკიდებულება. ასევე საუბარია მეწარმეობასა და მის ფუნქციებზე საბაზო ეკონომიკაში, მიწოდებისა და მოთხოვნის რაოდენობრივ პარამეტრებზე, წარმოების დანახარჯების თეორიებზე, მონოპოლიური ბაზრების როლზე ეკონომიკაში და ა.შ.
|
 |
ავტორი: უშანგი სამადაშვილი
სათაური: ბიზნესის საფუძვლები
გამომცემლობა: მერიდიანი
გამოშვების წელი: 2015
წინამდებარე ნაშრომი აგებულია საგანმანათლებლო პროცესში სწავლების აქტიური მეთოდების გამოყენებაზე. ესაა: ინტერაქტიული ლექცია, პრაქტიკული სავარჯიშოები, ამოცანები, ტესტები, თეორიული საკითხებისა და კონკრეტული სიტუაციების განხილვა-ანალიზი, ინდივიდუალური და ჯგუფური პროექტების შემუშავება და პრეზენტაცია და სხვა. ამგვარი მეთოდიკა ეხმარება სტუდენტებს არა მხოლოდ დისციპლინის ეფექტიან ათვისებაში, საკუთარი ცოდნისა და უნარ-ჩვევების განმტკიცებასა და თვითშემოწმებაში, არამედ გადაწყვეტილების მიღების, გუნდური მუშაობის, პოროვნებათაშორისი კომუნიკაციის უნარ-ჩვევებისა და ლიდერის თვისებების ჩამოყალიბება-გავითარებაში.
სახელმძღვანელო განკუთვნილია უმაღლესი სასწავლებლების ეკონომიკური პროფილის სტუდენტების, პროფესორ-მასწავლებლების, დამწყები და მოქმედი მეწარმეებისა და მენეჯერებისათვის და ბიზნესით და ეკონომიკის საკითხებით დაინტერესებულ მკითხველთა ფართო წრისათვის. ნაშრომის ძირითადი ფასეულობა ახალი იდეები, მათი თეორიულ-პრაქტიკული ხასიათი და საქართველოს პირობებთან და თავისებურებებთან ადაპტირებაა.
|
 |
ავტორი: ლავრენტი ჭუმბურიძე
სათაური: ბუღალტრული აღრიცხვისა და აუდიტის რეგულირება
გამომცემლობა: დანი
გამოშვების წელი: 2014
წინამდებარე მონოგრაფიაში განხილულია ბუღალტრული აღრიცხვისა და ფინანსური ანგარიშგების აუდიტის რეგულირების საკითხები. გაშუქებულია ბუღალტრული აღრიცხვისა და ფინანსური ანგარიშგების აუდიტის საერთაშორისო სტანდარტებით რეგულირების ტენდენციები და ევროკავშირის შესაბამისი დირექტივების მოთხოვნები. გაკეთებულია პროფესიის რეგულირების რეტროსპექტული ანალიზი და შეფასება. შემოთავაზებულია პროფესიის მარეგულირებელი ნორმატიული საკანონმდებლო ბაზისა და პროფესიული განათლების სრულყოფის ღონისძიებები.
|
 |
ავტორი: ნინო პაპაჩაშვილი, ლელა ჯამაგიძე
სათაური: საერთაშორისო ეკონომიკა - პრაქტიკუმი
გამომცემლობა: უნივერსალი
გამოშვების წელი: 2014
აღნიშნულ კრებულში თავმოყრილი კითხვები, ტესტები, ამოცანები, დავალებები, სავარჯიშოები განკუთვნილია სასწავლო დისციპლინის - ,,საერთაშორისო ეკონომიკის’’ სასემინარო და პრაქტიკული მეცადინეობებისათვის.
|
 |
ავტორი: ქრისტინა ჯღანჯღავა
სათაური: უცხოური პირდაპირი ინვესტიციები გლობალურ ბიზნესში
გამომცემლობა: უნივერსალი
გამოშვების წელი: 2014
წინამდებარე წიგნში შესწავლილი და გაანალიზებულია უცხოური პირდაპირი ინვესტიციების ფორმები და მნიშვნელოვნი თეორიული მოდელები, განხილულია ემპირიული კვლევები ამ დარგში. ჩამოყალიბებულია უცხოური პირდაპირი ინვესტიციების განმსაზღვრელი დეტერმინანტები. წარმოდგენილია უცხოური პირდაპირი ინვესტიციების აქტიური და პასიური პოლიტიკის ანალიზი. შემუშავებულია საინვესტიციო პოლიტიკის ინსტრუმენტების პრაქტიკული მოქმედების მექანიზმი.
წიგნში განხილული საკითხების გამოყენება მნიშვნელოვანია ,,საერთაშორისო ბიზნესის’’ სალექციო კურსში, ინვესტიციების თეორიული და პრაქტიკული ასპექტების შესწავლისას. ასევე ისინი გაუწევენ მნიშვნელოვან დახმარებას ინვესტიციების პრობლემატიკით დაინტერესებულ მკითხველთა ფართო აუდიტორიას.
|
 |
ავტორი:
სათაური: შალვა ნუცუბიძის კოლექცია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
2013 წელს ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკას კიდევ ერთი კოლექცია შეემატა - გამოჩენილი ქართველი ფილოსოფოსისა და საზოგადო მოღვაწის შალვა ნუცუბიძის (1888-1969) პირადი ბიბლიოთეკა, რომელიც 594 დასახელების 635 საბიბლიოთეკო ერთეულს ითვლის და შედგება როგორც ქართული, ისე უცხოური სხვადასხვა სამეცნიერო მიმართულების ლიტერატურისგან. უნიკალური გამოცემები თბილისის სახელმწიფო უნივერსიტეტის ბიბლიოთეკის იშვიათ გამოცემათა ფონდში ინახება.
|
 |
ავტორი: ირაკლი ბრაჭული, ანასტასია ზაქარიაძე, ვალერიან რამიშვილი
სათაური: რელიგიის ფილოსოფია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
რელიგიის ფილოსოფიის შესავალი გათვალისწინებულია სტუდენტებისთვის, რომლებმაც გადაწყვიტეს, შეისწავლონ ფილოსოფიისა და თეოლოგიის, ცოდნისა და რწმენის ფუნდამენტური საკითხები: რელიგიის ბუნება, ღმერთის არსებობის მტკიცებულებები, ბოროტების პრობლემა, რელიგიური გამოცდილება, რელიგიური ენის სპეციფიკა, რელიგიათა ისტორიის სისტემატური გააზრება.
რელიგიის ფილოსოფიის შესწავლის საგანია ადამიანისა და ღმერთის ურთიერთობა. ამ საკითხზე საუკუნეების განმავლობაში კამათობდნენ ფილოსოფოსები და ღვთისმეტყველნი ეკლესიის წმინდანები და აკადემიის პროფესორები.
|
 |
ავტორი:
სათაური: ქართული გალობის ქრონიკა 1861-1921 წლების პერიოდიკაში
გამომცემლობა: საქართველოს პარლამენტის ეროვნული ბიბლიოთეკა
გამოშვების წელი: 2015
წინამდებარე გამოცემა ქართული საეკლესიო გალობის შესახებ ქართულ პერიოდულ გამოცემებში (ჟურნალ-გაზეთებში) არსებულ სტატიებს, წერილებს, განცხადებებსა და ამონარიდებს უყრის თავს. აღნიშნული მასალების შეკრება, დიდი ხანია ქართული გალობის მკვლევართა ინტერესის საგანს წარმოადგენს. როგორც მკვლევართათვის, ისე ქართული გალობით დაინტერესებული ფართო საზოგადოებისათვის ეს კრებული მრავალი საინტერესო მასალის გაცნობის შესაძლებლობას იძლევა. ამ თვალსაზრისით, ეს წიგნი გალობის შესახებ ქართულ პერიოდიკაში გაბნეული მასალის პირველ მოცულობით პუბლიკაციას წარმოადგენს, რომელიც ქრონოლოგიურად განლაგებულ სტატია-წერილთა ხუთას ოთხმოცდათხუთმეტ ერთეულს შეიცავს.
|
 |
ავტორი:
სათაური: გრაგნილი III
გამომცემლობა: თბილისის სასულიერო აკადემიისა და სემინარიის გამომცემლობა
გამოშვების წელი: 2015
წინამდებარე კრებულით გრძელდება თბილისის სასულიერო აკადემიისა და სემინარიის საეკლესიო-სამეცნიერო შრომების - ,,გრაგნილის’’ - პერიოდული გამოცემა. კრებულში შესულია სასულიერო აკადემიის საღვთისმეტყველო ფაკულტეტის კურსდამთავრებულთა წარმატებით შესრულებული სამაგისტრო ნაშრომები: წმ. ბასილი დიდის, წმ. იოანე ოქროპირისა და წმ. ანდრია კრიტელის თხზულებათა აქამდე გამოუცემელი ძველი ქართული თარგმანები თავიანთი მიმოხილვითი ხასიათის შესავლებითა და კრიტიკული აპარატითურთ, აგრეთვე, ორი თეორიული ხასიათის ნაშრომი: ,,წმ. ეპიფანე კვიპრელის დიდი შაბათის ქადაგების საღვთისმეტყველო ანალიზი’’ და ,,მეექვსე მსოფლიო კრების დადგენილებათა ექვთიმესეული რედაქცია (,,მცირე სჯულისკანონი’’) და მისი მიმართება ,,დიდი სჯულისკანონის ტექსტთან’’.
|
 |
ავტორი: ენრიკო გაბიძაშვილი
სათაური: ძველი ქართული ორიგინალური სასულიერო მწერლობა და თხზულებათა დარგობრივი ბიბლიოგრაფია
გამომცემლობა: თბილისის სასულიერო აკადემიისა და სემინარიის გამომცემლობა
გამოშვების წელი: 2015
წინამდებარე წიგნი - ,,ორიგინალური ქართული სასულიერო მწერლობა და თხზულებათა დარგობრივი ბიბლიოგრაფია’’ - არის რიგით მეშვიდე წიგნი, რომლითაც მთავრდება ნათარგმნი და ორიგინალური სასულიერო მწერლობის ძეგლების სრული მიმოხილვა მწერლობის დარგების მიხედვით და თითოეული თხზულების ბიბლიოგრაფიების ციკლი. ეს ბოლო წიგნი აჯამებს ორიგინალური მწერლობის შესწავლაში ქართული ფილოლოგიური მეცნიერების დღემდე მიღწეულ შედეგებს. ამასთანავე, პირველად მიეწოდება დაინტერესებულ მკითხველს თითოეული ორიგინალური მწერლობის დარგის, თითოეული კონკრეტული თხზულების ბიბლიოგრაფია.
|
 |
ავტორი: გუჩა კვარაცხელია
სათაური: ათინათები
გამომცემლობა: ნეკერი
გამოშვების წელი: 2015
,,ათინათები’’ გამორჩეული ქართველი პოეტისა (9 კრებულის ავტორი) და მხატვრის (500-ზე მეტი ნახატის შემქმნელი) გუჩა კვარაცხელიას ახალი პოეტური კრებულია. მისი პოეზია სამი განსხვავებული ხედვის სინთეზია - ეს არის ლინგვისტის, პოეტისა და მხატვრის მიერ დანახული სამყარო. ყოველი მისი ახალი ლექსი განსხვავებულია - ორიგინალური, მას არ ახასიათებს არც სტილიზაცია და არც საკუთარი თავის გამეორება. ის აქაც, როგორც მეცნიერებაში, სიახლეთა მაძიებელია.
|
 |
ავტორი: ლალი იორდანიშვილი
სათაური: რაფიელ ერისთავის ენა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
ნაშრომში განხილულია რაფიელ ერისთავის ნაწარმოებთა ენისათვის დამახასიათებელი ორთოგრაფიული, ფონეტიკური, მორფოლოგიური, სინტაქსური, ლექსიკური თავისებურებები, მწერლის სტილისათვის დამახასიათებელი ზოგიერთი საკითხი. წარმოჩენილია რაფიელ ერისთავის ღვაწლი ლექსიკონების შედგენის, სხვადასხვა დარგის ქართული ტერმინოლოგიის მოძიებისა და კვლევის საქმეში. ნაშრომის ავტორი ემყარება საარქივო მასალასა და მწერლის სიცოცხლეში გამოქვეყნებულ მხატვრულ ნაწარმოებებსა თუ ლექსიკოგრაფიულ შრომებს. ნაშრომი განკუთვნილია მწერლის ენის, სალიტერატურო ენისა და ქართული სამეცნიერო ტერმინოლოგიის ისტორიის მვლევართათვის, ქართული ენის განვითარების გარკვეული ეტაპის შესწავლით დაინტერესებული მკითხველისათვის.
|
 |
ავტორი: როლფ შრადე Rolf Schrade
სათაური: ხევსურეთი 1960-1977-2012 (წარსული და აწმყო)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
ნაშრომში წარმოდგენილია გერმანელი ხელოვნებათმცოდნისა და ბერლინის ქართული საზოგადოების თავმჯდომარის რალფ შრადეს, როგორც უცხოელი მეცნიერის თვალით დანახული ხევსურეთის წარსული და აწმყო მდგომარეობა. წიგნს თან ერთვის უნიკალური ფოტო მასალა: ექსპედიციებისა და დღესასწაულების, ღირსშესანიშნავი ძეგლების ამსახველი კადრები, რომლებიც ხევსურულ ცხოვრებაში მთავარ როლს ასრულებენ და ა.შ. ასევე, იაგო არაბულის შესავალი ტექსტი, რომელიც მოიცავს შემდეგ თემებს: ხევსურეთი ისტორიულ-პოლიტიკურ პროცესებში, ცხოვრების ეკონომიკური პირობები, თემობრივი ყოფა და წეს-ჩვეულებები, სწორფრობის ტრადიცია, მიგრაცია და თანამედროვეობა.
|
 |
ავტორი: გილიან ბუტლერი, ფრედა მაკნამუსი
სათაური: ფსიქოლოგია - ძალიან მოკლე შესავალი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
ფსიქოლოგია ყველა ადამიანის ყოველდღიური გამოცდილების ნაწილია, იგი გავლენას ახდენს ჩვენს წარმოდგენაზე განათლების, ინტელექტის, ურთიერთობების, ემოციების, რეკლამისა და ბოროტმოქმედების შესახებ. მოცემულ წიგნში ახსნილია ფსიქოლოგიის ზოგიერთი წამყვანი იდეა და მათი პრაქტიკული შესაბამისობა, სწორედ ამიტომ წარმოადგენს იგი ფსიქოლოგიის საუკეთესო შესავალს მათთვის, ვისაც აინტერესებს ადამიანის გონების შეცნობა.
|
 |
ავტორი: მიშელ უელბეკი
სათაური: კუნძულის შესაძლებლობა
გამომცემლობა: ბაკურ სულაკაურის გამომცემლობა
გამოშვების წელი: 2015
,,კუნძულის შესაძლებლობა’’ცნობილი ფრანგი მწერლის, მიშელ უელბეკის 2005 წელს დაწერილი რომანია, რომელიც გამოსვლისთანავე იქცა მსოფლიო ბესტსელერად. ავტორი ჩვეული მსუბუქი ირონიითა და სარკაზმით, უამრავ ერთმანეთთან მჭიდროდ დაკავშირებულ ნაწყვეტებს გადმოგვცემს, რომლებიც ბოლოს ერთ მთლიან ამბად აღიქმება.
რომანის მთავარი გმირია აუდიტორიისგან მზარდი ზეგავლენით წაქეზებული, კომიკოსი დანიელი, რომელსაც ადამიანთა გონებისა და აზროვნების ანალიზი გაიტაცებს და რისკიან ექსპერიმენტებში გადაეშვება. ეს ექსპერიმენტები დაუდებს საფუძველს წიგნის მეორე, არანაკლებ მნიშვნელოვან, ფანტასტიკურ ასპექტს, რომელიც ეხმიანება პირველის მკაცრ, გაუსაძლის რეალობას.
მწერალი, აღნიშნული ნაწარმოებისთვის დაჯილდოებულია პრესტიჟული ლიტერატურული პრიზით - ,,ინტერალიე’’.
|
 |
ავტორი: გიორგოს სეფერისი
სათაური: შემობრუნება
გამომცემლობა: ინტელექტი
გამოშვების წელი: 2015
პოეტური კრებული ,,შემობრუნება’’ პირველი ბერძენი ნობელიანტი შემოქმედის, გიორგოს სეფერისის ლექსების კრებულია, რომელიც ახალ ეტაპად მიიჩნევა ბერძნულ პოეზიაში. ეს იყო ცდა ,,ახალი პოეზიის’’ დამკვიდრებისა საბერძნეთში. პოეტმა თითქმის მთლიანად უარი თქვა გარითმულ ლექსზე. მისი პოეზია პესიმისტური და მელანქოლიურია, თუმცა არც ოპტიმიზმსაა მოკლებული. იგი ერთდროულად იყენებს ეპიკურსა და დრამატულ სტილს. მისი პოეზიისთვის დამახასიათებელია ეპიკურ-დრამატული ხასიათი. იგი მკითხველს სთავაზობს თავისი ხედვისა და განცდების პოეტურ რეალიზაციას. სეფერისის პოეზიის ძირითადი თემებია ძველი და ახალი ბერძნული ტრადიცია და მათი შეხვედრა თანამედროვე ევროპულ კულტურასთან.
წინამდებარე წიგნი მწერლის ბიოგრაფიითა და საინტერესო კომენტარებით წარმოადგენს პოეტის მთელი შემოქმედების გარკვეულ რეტროსპექტივას.
|
 |
ავტორი: ორჰან ფამუქი
სათაური: გულუბრყვილო და სენტიმენტალური რომანისტი
გამომცემლობა: დიოგენე
გამოშვების წელი: 2014
,,გულუბრყვილო და სენტიმენტალური რომანისტი’’ ორჰან ფამუქის 2010 წელს გამოცემული ესეების კრებულია, რომელშიც მწერალი განიხილავს მსოფლიო კლასიკის ნიმუშებს. ავტორი დაწვრილებით განიხილავს ნაწარმოებების ფარულ მინიშნებებს და თუ როგორ უკავშირდება ისინი მოვლენათა განვითარებას.
ორჰან ფამუქი რომანისტებსა და მკითხველებს ორ ჯგუფად ჰყოფს - გულუბრყვილოებად და სენტიმენტალურ მოაზროვნეებად. ეს დაყოფა და მაშასადამე, წიგნის სათაურიც მან აღმოაჩინა ფრიდრიხ შილერის ცნობილ ესეში - ,,გულუბრყვილო და სენტიმენტალური პოეზიის შესახებ’’.
|
 |
ავტორი:
სათაური: 15 საუკეთესო ქართული მოთხრობა
გამომცემლობა: ბაკურ სულაკაურის გამომცემლობა
გამოშვების წელი: 2015
წინამდებარე კრებულში თავმოყრილია საუკეთესო ქართული მოთხრობები, რომლებიც 2014 წელს გამოქვეყნდა პერიოდულ პრესაში, ინტერნეტსა და კრებულებში.
წიგნში 15 ავტორის თითო მოთხრობაა შესული და დალაგებულია ანბანურად, ავტორების გვარების მიხედვით. თითოეული მოთხრობა ამავე დროს არის ნომინანტი პრემიისა ,,წლის საუკეთესო მოთხრობა’’.
|
 |
ავტორი: ნანა ექვთიმიშვილი
სათაური: მსხლების მინდორი
გამომცემლობა: ბაკურ სულაკაურის გამომცემლობა
გამოშვების წელი: 2015
,,მსხლების მინდორი’’ ქართველი კინორეჟისორისა და სცენარისტის ნანა ექვთიმიშვილის პირველი რომანია.
ნაწარმოებში მწერალი თბილისის ბავშვთა სახლში მიმდინარე პროცესებზე მოგვითხრობს: მძიმე სოციალური გარემო, მომავლის უპერსპექტივობა, ადგილი სადაც არჩევანზე ფიქრი არ არსებობს.. ,
,მსხლების მინდორის’’ თარგმანით არაერთი გერმანული გამომცემლობა დაინტერესდა.
|
 |
ავტორი:
სათაური: POPULAR PHOTOGRAPHY - ფოტო ხელოვნება - სრული კურსი
გამომცემლობა: პალიტრა L
გამოშვების წელი: 2014
წინამდებარე ილუსტრირებულ ალბომში მკითხველი ფოტოგრაფიის ყველა ასპექტისთვის აუცილებელ უამრავ ხერხს აღმოაჩენს - საჭირო აპარატის შერჩევით დაწყებული და მასზე გადაღებისთვის აუცილებელი პარამეტრების დაყენებით დამთავრებული. მოცემულია მითითებები, თუ როგორ უნდა დავიჭიროთ შუქი უფრო ზუსტი გამოსახულების ეფექტისთვის, როგორ უნდა გადმოვცდეთ წარმოსახვითი სცენა დასრულებულ ფოტოდ და ა.შ. წიგნი ერთნაირად საინტერესოა როგორც დამწყებთათვის, ისე პროფესიონალი ფოტოგრაფებისთვის.
|
 |
ავტორი: ცისანა გენძეხაძე
სათაური: პოეტის მკაცრი ოთახი (შტრიხები ოთარ ჭილაძის პორტრეტისათვის)
გამომცემლობა: ინტელექტი
გამოშვების წელი: 2014
წინამდებარე წიგნი მრავალმხრივ საინტერესოა. აქ მკითხველი წაიკითხავს ავტობიოგრაფიულ ჩანაწერებს, სამეცნიერო წერილებს, მკითხველის შთაბეჭდილებებს, რომელიც მთლიანობაში ერთ მიზანს ემსახურება - გვაჩვენოს ოთარ ჭილაძის პიროვნებისა და შემოქმედების ძირითადი შტრიხები.
წიგნში შესულია ოთარ ჭილაძის გამოუქვეყნებელი ლექსები, რომლებიც 1948-1950 წლებში დაიწერა.
,,პოეტის მკაცრი ოთახი’’ - ეს ფრაზა ოთარ ჭილაძის ერთ-ერთი პოემიდანაა, რომელიც გალაკტიონ ტაბიძეს ეძღვნება. ამ სიტყვებში კარგად ჩანს ის გარემო, სულიერი ატმოსფერო, სადაც ნამდვილი შემოქმედი ცხოვრობს და იბრძვის, რომ თვითონაც გადარჩეს და თავისი სიტყვებით სხვებსაც შეაშველოს ხელი, გააძლიეროს.
|
 |
ავტორი: ივანე ამირხანაშვილი
სათაური: დაკარგული ავტორის ძიებაში
გამომცემლობა: ინტელექტი
გამოშვების წელი: 2014
წინამდებარე წიგნში თავმოყრილია ავტორის მერ ბოლო ათი წლის განმავლობაში შექმნილი კრიტიკული ეტიუდები და ლიტერატურული წერილები, რომლებშიც განხილულია თანამედროვე მწერლობის თეორიული და პრაქტიკული საკითხები. განსაკუთრებული ყურადღება ეთმობა ისეთ თემებს, როგორიცაა ქართული პროზა და პოეზია, ავტორი და ტექსტი, წიგნი და მკითხველი, ლიტერატურა და საზოგადოება. სხვადასხვა თაობის მწერალთა შემოქმედების ანალიზის მეშვეობით ნაჩვენებია ქართული მწერლობის თანამედროვე კონტურები და ფასეულობითი თვალსაწიერი.
|
 |
ავტორი: ერიკ ბერნი
სათაური: თამაშები, რომლებსაც ადამიანები თამაშობენ - ადამიანური ურთიერთობების ფსიქოლოგია
გამომცემლობა: არეტე
გამოშვების წელი: 2015
ერიკ ბერნი ცნობილი ებრაელი მედიცინის დოქტორია. აღნიშნული წიგნი - ,,თამაშები, რომლებსაც ადამიანები თამაშობენ’’ პირველად 1964 წელს გამოიცა, მიუხედავად იმისა, რომ იგი პროფესიონალი ფსიქოთერაპევტებისათვის დაიწერა, გამოსვლისთანავე დაიმსახურა მკითხველთა ფართო წრის დადებითი შეფასება და ერიკ ბერნის სახელი მთელმა მსოფლიომ გაიცნო.
|
 |
ავტორი: გელა გელაშვილი
სათაური: რელიეფურ გლობუსთა თავისებურებანი
გამომცემლობა: ბაკურ სულაკაურის გამომცემლობა
გამოშვების წელი: 2015
ახალგაზრდა ქართველი მწერლის, გელა გელაშვილის მოთხრობების სადებიუტო კრებულში თავმოყრილ ამბებში საინტერესოდაა გადმოცემული 90-იანი წლებისა და ოცდამეერთე საუკუნის საქართველო, ასევე ამ პერიოდის ამერიკა. თვისობრივად, სერიოზული ტექსტები გაჯერებულია მსუბუქი ირონიით, სარკაზმით, თვითირონიითა და გამორჩეული პოეტურობით. ავტორი თავისი ცხოვრების მნიშვნელოვან, საინტერესო ეპიზოდებს უზიარებს მკითხველს და კიდევ ერთხელ არწმუნებს რამხელა ძალა აქვს მეგობრობას, პატრიოტიზმსა და ბავშვობის მოგონებებს.
|
 |
ავტორი: ბექა ქურხული
სათაური: ღია კარის ქვეყანა
გამომცემლობა: ინტელექტი
გამოშვების წელი: 2014
წინამდებარე კრებულში გაერთიანებულია 2011-2013 წლებში დაწერილი ავტორის წერილები, ესეები და ლიტერატურული პორტრეტები.
|
 |
ავტორი: მარი ბექაური
სათაური: სამხრეთის უბანი
გამომცემლობა: ბაკურ სულაკაურის გამომცემლობა
გამოშვების წელი: 2015
მარი ბექაური ახალგაზრდა ქართველი მწერალი და ფილოსოფოსია. ,,სამხრეთის უბანი’’ ავტორის ბოლოდროინდელი ესეისტური რომანია, რომლის პერსონაჟებსაც თითქოს ერთმანეთთან არაფერი აკავშირებთ. რომანში სიუჟეტი მონმარტსა და პარიზიდან 30-იანი წლების საქართველოში გადადის, ბოლოს კი 90-იან წლებში ხვდება მკითხველი.
|
 |
ავტორი: ბალთაზარ გრაციანი
სათაური: ჯიბის ორაკული, ანუ კეთილგონიერების ხელოვნება
გამომცემლობა: ბაკურ სულაკაურის გამომცემლობა
გამოშვების წელი: 2014
ესპანელი მწერალი ბალთაზარ გრაციანი მორალესი ბაროკოს ეპოქის მწერლობას მიეკუთვნება, რომლის შემოქმედება 21-ე საუკუნეშიც ერთობ აქტუალურია. მის შემოქმედებას ახასიათებს ღრმა ერუდიცია, მოვლენათა და საგანთა არსში ორიგინალური წვდომა, აზროვნება და ა.შ.
,,ჯიბის ორაკული, ანუ კეთილგონიერების ხელოვნება’’ ბაროკოს ეპოქის დიდაქტიკურ-ფილოსოფიური სალიტერატურო სტილის, კონცეპტივიზმის, ერთ-ერთი საუკეთესო ნიმუშია. ყოფითი სიბრძნე, რომელიც დაკვირვებულობას, შორსმჭვრეტელობას, სიმშვიდეს, საკუთარი თავისა და გარშემომყოფთა შეცნობასა და დიდსულოვნებას საჭიროებს, ,,ჯიბის ორაკულის’’ შეგონებების ძირითადი თემაა.
|
 |
ავტორი: ბლეზ პასკალი
სათაური: აზრები
გამომცემლობა: carpe diem
გამოშვების წელი: 2014
,,აზრები’’ ცნობილი მათემატიკოსისა და ალბათობის თეორიის ერთ-ერთი ფუძემდებლის ბლეზ პასკალის შემოქმედებითი მემკვიდრეობის უმნიშვნელოვანესი ძეგლია, რომელშიც გადმოცემულია ავტორის ეთიკური და ფილოსოფიური მრწამსი.
|
 |
ავტორი: გიორგი ლობჟანიძე
სათაური: არაბულის მასწავლებელი
გამომცემლობა: საუნჯე
გამოშვების წელი: 2014
ცნობილი ქართველი პოეტისა და მთარგმნელის, გიორგი ლობჟანიძის პოეტური კრებული: “არაბულის მასწავლებელი” აერთიანებს იმ ახალ ლექსებს, რომლებიც ბოლო 8-9 წლის მანძილზე დაიწერა. ავტორი, მიუხედავად მაძიებელი ბუნებისა, არ მიმართავს მკვეთრ ექსპერიმენტებს და არ ღალატობს თავისი შემოქმედების ძირითად მიმართულებებს. თავისი დამოკიდებულებები ცხოვრების, მისი სისასტიკის და დაუნდობლობის თუ მშვენიერებისა და სიკეთის მიმართ, გამოხატული ხან სევდიანი, ხან ირონიულ-პაროდიული ხასიათით, მდიდარი ლექსიკა, ღრმა პოეტური აზროვნება და ინტელექტუალური გამოცდილება, ყველაფერი ერთად ქმნის მის ერთი შეხედვით სადა, მაგრამ საკმაოდ მრავალფეროვან პოეზიას.
|
 |
ავტორი: ზურაბ ხასაია
სათაური: ძველი მსოფლიოს ფილოსოფია
გამომცემლობა: carpe diem
გამოშვების წელი: 2014
წინამდებარე წიგნში გადმოცემულია ძველი ჩინეთისა და ინდოეთის, საბერძნეთისა და რომის ფილოსოფოსთა მოძღვრებანი. ავტორი ცდილობს მიუკერძოებლად, ,,ნეიტრალური’’ პოზიციიდან განიხილოს საკაცობრიო აზროვნებისათვის ტონის მიმცემ ფილოსოფოსთა მთავარი იდეები და აჩვენოს უკანასკნელთა კავშირი მაშინდელ დროებასთან, აგრეთვე მათი მნიშვნელობა ჩვენი ეპოქისთვის. თხრობა გამოირჩევა ფილოსოფიური საფუძვლიანობით, ავტორისათვის დამახასიათებელი ნათელი სტილით და მაღალი ლიტერატურული გემოვნებით.
|
 |
ავტორი: რევაზ გაჩეჩილაძე
სათაური: საქართველო მსოფლიო კონტექსტში - XX და XXI საუკუნეების პოლიტიკური ცხოვრების ძირითადი მომენტები
გამომცემლობა: ბაკურ სულაკაურის გამომცემლობა
გამოშვების წელი: 2014
,,საქართველო მსოფლიო კონტექსტში - XX და XXI საუკუნეების პოლიტიკური ცხოვრების ძირითადი მომენტები’’ წარმოადგენს 2008-2011 წლებში ავტორის მიერ გამოცემული ორტომეულის ,,ჩემი მეოცე საუკუნე: წინა საუკუნის საქართველო მსოფლიო გეოპოლიტიკისა და ისტორიის კონტექსტში’’ გადამუშავებულ ვარიანტს. ამავდროულად, წინამდებარე წიგნის ქრონოლოგიური ჩარჩო გაფართოებულია და XXI საუკუნის დასაწყისსაც მოიცავს. საქართველო განხილულია მსოფლიო გეოპოლიტიკის, პოლიტიკური და სოციალური ისტორიისა და გეოგრაფიის ფონზე.
|
 |
ავტორი: ბესიკ მეურმიშვილი
სათაური: სისხლისსამართლებრივი დევნის დაწყება და განხორციელება ქართულ სისხლის სამართლის პროცესში (გამოძიების სტადიაზე)
გამომცემლობა: მერიდიანი
გამოშვების წელი: 2015
წინამდებარე ნაშრომი შეეხება სისხლისამართლებრივი დევნის დაწყებისა და განხორციელების თავისებურებებს ქართულ სისხლის სამართლის პროცესში. ნაშრომში განხილულია სახელმწიფოს ისეთი პროცესუალური მექანიზმი, რომელიც განსაზღვრავს დანაშაულის ჩადენაში ბრალდებული პირების მიმართ კანონით გათვალისწინებული ღონისძიებების გამოყენების წინაპირობებს.
სახელმძღვანელო მოიცავს საინტერესო და ამასთანავე, ზოგიერთ განსხვავებულ მოსაზრებას სისხლისამართლებრივი დევნის დაწყების, მისი განხორციელების პრობლემატურ საკითხებზე, რაც დაფუძნებულია მრავალი მეცნიერული ნაშრომის და საგამოძიებო სასამართლო პრაქტიკის ღრმა ანალიზზე.
|
 |
ავტორი:
სათაური: სისხლის სამართლის კანონმდებლობის აქტუალური საკითხები (პრობლემები და ინოვაციები)
გამომცემლობა: მერიდიანი
გამოშვების წელი: 2015
წინამდებარე ნაშრომში საუბარია სისხლის სამართლის კანონმდებლობის შემდეგ აქტუალურ საკითხებზე: მინიმუმზე მსუბუქი სასჯელის დანიშვნა, პირობით მსჯავრთან დაკავშირებული საკითხი, თანაამსრულებლობისა და თანამონაწილეობის გამიჯვნის საკითხი, ობიექტური და სუბიექტური ნიშნით კვალიფიცირებული შემადგენლობის გამიჯვნის მნიშვნელობა ამსრულებლისა და თანამონაწილის ქმედების კვალიფიკაციისას, თაღლითობის გამიჯვნა ხელშეკრულებით ნაკისრი ვალდებულების შეუსრულებლობისათვის სამოქალაქო პასუხისმგებლობისაგან, საქართველოს სისხლის სამართლის კოდექსის კერძო ნაწილში გასატარებელი რეფორმები და სასჯელის ინდივიდუალიზაციის პრობლემა.
|
 |
ავტორი: რაჟდენ არსენიძე
სათაური: დემოკრატიული რესპუბლიკა - მეორე გამოცემა
გამომცემლობა: დავით ბატონიშვილის სამართლის ინსტიტუტი
გამოშვების წელი: 2014
წიგნში გადმოცემულია ქართველი სოციალ-დემოკრატების პროგრამული შეხედულებები სახელმწიფო მოწყობისა და მართვა-გამგეობის საკითხებთან დაკავშირებით. იგი მრავალმხრივ საინტერესო გამოცემაა, როგორც სამართლებრივი, ისე პოლიტიკური და ისტორიული თვალსაზრისით. ავტორის შეხედულებები იმ მხრივაც არის საინტერესო, რომ იგი საკონსტიტუციო კომისიის წევრი გახლდათ და ერთი პერიოდი თავმჯდომარეობდა კიდეც მას. შემდეგში საქართველოს დემოკრატიული რესპუბლიკის მინისტრის თანამდებოსაც იკავებდა. მოსაზრებები საკონსტიტუციო სამართლებრივ საკითხებთან დაკავშირებით მან და მისმა თანამოაზრეებმა საქართველოს პირველ კონსტიტუციაშიც ასახეს. ამდენად, ნაშრომი საშუალებას იძლევა, ჯეროვნად და სრულად შეფასდეს შეხედულებათა ევოლუცია 1917-1921 წლებში.
ნაშრომი პირველად 1917 წელს ფამოიცა და ფაქტობრივად, მასში აისახა სოციალ-დემოკრატთა შეხედულებები საკონსტიტუციო სამართალსა და სახელმწიფო მოწყობასთან დაკავშირებით.
|
 |
ავტორი: გურამ ნაჭყებია
სათაური: ზოგიერთი საკანონმდებლო წინადადების მეთოდოლოგიური დასაბუთების პრობლემები
გამომცემლობა: დავით ბატონიშვილის სამართლის ინსტიტუტი
გამოშვების წელი: 2015
ნაშრომი ეხება სისხლის სამართლის რამდენიმე მნიშვნელოვან ტერმინოლოგიურ და მეთოდოლოგიურ პრობლემას. მოცემულია საკანონმდებლო წინადადებები საქართველოს კანონმდებლობის დახვეწისა და სრულყოფისათვის. წიგნის ბოლოს სპეციალურად არის დასმული საკითხი იმის შესახებ, რომ დანაშაულისა და სასჯელის შინაგანი ერთიანობის დასაბუთებისთვის აცულებელია ე.წ. პოზიტიური პასუხისმგებლობის იდეა.
|
 |
ავტორი: თამარ პაპაშვილი, დიმიტრი გეგენავა
სათაური: კონსტიტუციის გადასინჯვის ქართული მოდელი - ნორმატიული მოწესრიგების ხარვეზები და პერსპექტივა
გამომცემლობა: დავით ბატონიშვილის სამართლის ინსტიტუტი
გამოშვების წელი: 2015
,,კონსტიტუციის გადასინჯვის ქართული მოდელი - ნორმატიული მოწესრიგების ხარვეზები და პერსპექტივა’’ ერთგვარი მცდელობაა, გააერთიანოს ქართული სამართლებრივი სინამდვილისათვის რელევანტური ინფორმაცია.
ნაშრომში წარმოდგენილია კონსტიტუციის გადასინჯვასთან დაკავშირებული საკითხები, გავრცელებული თეორიები და ქართული პრაქტიკა, ასევე რეკომენდაციები და წინადადებები.
|
 |
ავტორი: ავთანდილ გეგენავა
სათაური: ნარდობის ხელშეკრულების მისადაგება შეცვლილი გარემოებებისადმი
გამომცემლობა: დავით ბატონიშვილის სამართლის ინსტიტუტი
გამოშვების წელი: 2015
,,ნარდობის ხელშეკრულების მისადაგება შეცვლილი გარემოებებისადმი’’ კერძო სამართლის მიმართულებით შესრულებული ნაშრომია, რომელშიც ყურადღება გამახვილებულია ბინის მშენებლობის შესახებ ხელშეკრულებაზე. გამოცემა საინტერესო იქნება პრაქტიკოსი იურისტების, აკადემიური სფეროს წარმომადგენლებისა და ვალდებულებითი სამართლის საკითხებით დაინტერესებული ნებისმიერი პირისათვის.
|
 |
ავტორი: იოსებ ყიფშიძე
სათაური: თხზულებანი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე კრებულში წარმოდგენილია ცნობილი ქართველი ენათმეცნიერისა და თბილისის სახელმწიფო უნივერსიტეტის ერთ-ერთი დამფუძნებლის, იოსებ ყიფშიძის სამეცნიერო და პუბლიცისტური მოღვაწეობის ამსახველი მასალა, ეპისტოლური მემკვიდრეობა. წიგნში შევიდა აგრეთვე იოსებ ყიფშიძის საზოგადოებრივ მოღვაწეობასთან დაკავშირებული დოკუმენტები. მეცნიერის შრომების მასალების უმეტესობა იბეჭდება პირველად და ავტოგრაფული ნუსხებით.
|
 |
ავტორი: ხატია შევარდნაძე
სათაური: ტიციან ტაბიძე და XIX საუკუნის ქართული მწერლობა
გამომცემლობა: მერიდიანი
გამოშვების წელი: 2015
წინამდებარე წიგნში, პირველად, მონოგრაფიულად არის შესწავლილი ტიციან ტაბიძის, როგორც პოეტისა და პროზაიკოსის მიმართება XIX საუკუნის ქართულ პოეზიასთან. დაკვირვების საგნადაა ქცეული ქართველ კლასიკოსთა - გრიგოლ ორბელიანის, ნიკოლოზ ბარათაშვილის, ილია ჭავჭავაძის, აკაკი წერეთლის, ვაჟა-ფშაველას შემოქმედებითი გავლენის კვალი ტიციან ტაბიძის პოეზიაზე. განხილულია ტიციან ტაბიძის ლიტერატურულ-კრიტიკული წერილები, ესეები, რომლებიც XIX საუკუნის ქართულ მწერლობასა და მის ცალკეულ წარმომადგენლებს ეძღვნება.
ნაშრომის ბოლოში განხილულია ტიციან ტაბიძის ნარკვევი ,,ახალი ქართული ლიტერატურა’’, რომელიც ქართველი საზოგადოებისთვის სულ ახლახან გახდა ცნობილი.
|
 |
ავტორი:
სათაური: ნიკო ნიკოლაძის ეპისტოლური მემკვიდრეობიდან
გამომცემლობა: უნივერსალი
გამოშვების წელი: 2015
წინამდებარე კრებული წარმოადგენს წიგნადქცეულ პირად წერილებს, რომელშიც გაერთიანებულია ცნობილი ქართველი პუბლიცისტის, ნიკო ნიკოლაძის 1921-1926 წლებში დაწერილი ეპისტოლარული მემკვიდრეობა.
ნიკო ნიკოლაძე ამ პერიოდში საქართველოს პირველი დემოკრატიული მთავრობისაგან ლონდონში იყო მივლინებული ჭიათურის მარგანეცის საქმეების მოსაწესრიგებლად.
|
 |
ავტორი: გურამ კუტალია, ელდარ მამისთვალიშვილი, ნარგიზა კალანდია
სათაური: დასავლეთ ევროპის შუა საუკუნეების ისტორია
გამომცემლობა: მერიდიანი
გამოშვების წელი: 2015
წინამდებარე სახელმძღვანელოში წარმოდგენილია დასავლეთ ევროპის შუა საუკუნეების ისტორიის ის ხანა, რომელსაც ჩვეულებრივ გარდამავალ პერიოდად ანუ ადრეულ ახალ დროდ (XV-XVII სს.) მოიხსენიებენ. ეს ის დროა, როცა დასავლეთ ევროპის ქვეყნებში ხდებოდა ძირეული ცვლილებები ეკონომიკურ, სოციალურ და კულტურულ ცხოვრებაში, ისახებოდა კაპიტალისტური ურთიერთობის ელემენტები. წიგნში გადმოცემულია ის ძირეული გარდაქმნები, რაც ევროპის წამყვანი ქვეყნების სახელმწიფოებრივ სტრუქტურაში ხდებოდა.
ნაშრომი მოიცავს ადრეული ახალი დროის დასავლეთ ევროპის ქვეყნების ისტორიას. ეს ეპოქა ხასიათდება ღრმა სოციალურ-ეკონომიკური, პოლიტიკური და კულტურული ცვლილებებით.
|
 |
ავტორი: რამაზ აბესაძე
სათაური: ეკონომიკური განვითარება
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე წიგნი წარმოადგენს სახელმძღვანელოს სტუდენტებისათვის, რომლებიც შეისწავლიან დისციპლინას - ,,ეკონომიკური განვითარება’’. ნაშრომი განკუთვნილია ასევე მეცნიერ-ეკონომისტებისა და მკითხველთა ფართო წრისათვის.
,,ეკონომიკური განვითარება’’ აღიქმება ორგვარი გაგებით. პირველის მიხედვით, ის არის პროცესი, რომელიც მიმდინარეობს ეკონომიკაში, მეორე გაგებით კი, არის ეკონომიკური დისციპლინა, რომელიც შეისწავლის ამ პროცესებს.
|
 |
ავტორი: ვუდი ალენი
სათაური: ჩემი აპოლოგია
გამომცემლობა: ინტელექტი
გამოშვების წელი: 2015
,,ჩემი აპოლოგია’’ თანამედროვე ამერიკელი მწერლის, სცენარისტის, მსახიობისა და რეჟისორის - ვუდი ალენის მოთხრობების სრული კრებულია, რომელშიც თავმოყრილია 1971-1980 წლებში შექმნილი 46 ნაწარმოები.
მოთხრობებს აერთიანებთ ავტორისთვის დამახასიათებელი დახვეწილი და ინტელექტუალური იუმორი.
|
 |
ავტორი: ანდრეი ბელი
სათაური: პეტერბურგი
გამომცემლობა: არტანუჯი
გამოშვების წელი: 2015
,,პეტერბურგი’’ ცნობილი რუსი მწერლის, ანდრეი ბელის ერთ-ერთი გამორჩეული მოდერნისტული რომანია.
ავტორმა რომანში გადმოსცა რევოლუციის წინა ხანის პეტერბურგი. რომანის სიუჟეტი თითქოს იყოფა სამ ხაზად. სამივე ხაზი მთავრდება სიკვდილით და პეტერბურგის ,,ხატთან’’ მჭიდროდ დაკავშირებული ადამიანის ცხოვრებაში მომხდარი მკვეთრი გარდატეხით.
|
 |
ავტორი: უილიამ ფოლკნერი
სათაური: გვამის შემგინებელი
გამომცემლობა: არტანუჯი
გამოშვების წელი: 2015
,,გვამის შემგინებელი’’ ცნობილი ამერიკელი მწერლისა და ნობელის პრემიის ლაურეატის უილიამ ფოლკნერის 1948 წელს გამოცემული დეტექტიური რომანია.
წიგნი საინტერესოა იმით, რომ მკითხველის თვალწინ სიუჟეტი კარდინალურად იცვლება და ნაწარმოებში ახალი დრამატურგიული ხაზი შემოდის. მოვლენები 16 წლის ბიჭის, ჩიკ მელისონის გარშემო ვითარდება. რომანში მკვლელობის საიდუმლოს ამოხსნის მნიშვნელობას ძალიან ოსტატურად ენაცვლება რასობრივ დისკრიმინაციასთან ბრძოლის თემატიკა.
|
 |
ავტორი: მარიო ვარგას ლიოსა
სათაური: ცუდი გოგოს ოინები
გამომცემლობა: ინტელექტი
გამოშვების წელი: 2015
,,ცუდი გოგოს ოინები’’ ნობელის პრემიის ლაურეატი მწერლის - მარიო ვარგას ლიოსას ერთ-ერთი ყველაზე გამორჩეული რომანია. მწერალი მოგვითხრობს ქალისა და მამაკაცის რთული, წინააღმდეგოგებით სავსე ურთიერთობების შესახებ.
რომანის გმირების ცხოვრება მე-20 საუკუნის მეორე ნახევრის პოლიტიკური, სოციალური და კულტურული ტრანსფორმაციის პარალელურად ვითარდება. წიგნს ვრცელი გეოგრაფია აქვს - ლიმა, პარიზი, ლონდონი, ტოკიო, მადრიდი, სადაც ორიგინალურად ენაცვლება ერთმანეთს ამ ქალაქებში მომხდარი უჩვეულო მოვლენები და რომანის გმირების ურთიერთობა.
|
 |
ავტორი: ბესიკ ხარანაული
სათაური: ყვავი ხის წვერზე ისაღამოებს
გამომცემლობა: ინტელექტი
გამოშვების წელი: 2015
,,ყვავი ხის წვერზე ისაღამოებს’’ - ასე ეწოდება ბესიკ ხარანაულის ახალ წიგნს, სადაც ყვავი ასაკის სიმბოლოდ არის გამოყენებული და თითოეული მკითხველი თავად შეძლებს იპოვნოს სასურველი პასუხი კითხვაზე, თუ როგორ უნდა გაუმკლავდეს ,,სიბერის წარმტაც კონტურებს’’.
წიგნში მარადიული თემები: სიკვდილ-სიცოცხლე, სიყვარული, სიძულვილი თუ სხვა გრძნობები განსხვავებული კუთხით არის წარმოჩენილი და გამოირჩევა ავტორისათვის დამახასიათებელი მოხდენილი იუმორით.
|
 |
ავტორი: მილორად პავიჩი
სათაური: უნიკალური ეგზემპლარი
გამომცემლობა: ინტელექტი
გამოშვების წელი: 2015
მილორად პავიჩის ,,უნიკალური ეგზემპლარი’’ პირველად 2004 წელს გამოიცა. რომანს ასი დასასრული აქვს, რაც საშუალებას აძლევს მკითხველს, მისთვის სასურველი ვერსია აირჩიოს. შესაბამისად, ყველა, ვინც ამ წიგნს გადაშლის, უნიკალური ეგზემპლარის მფლობელი გახდება.
თავად მილორად პავიჩის თქმით, ,,უნიკალური ეგზემპლარის’’ დაწერის იდეა მას სიზმარში მოუვიდა. წიგნის მთავარ თემად სწორედ სიზმრები გვევლინება. ,,უნიკალური ეგზემპლარი’’ არის დეტექტიური რომანი ადამიანური სისუსტეების, ფობიებისა და სიყვარულის შესახებ, რომელსაც პერსონაჟები საბედისწერო გადაწყვეტილებამდე მიჰყავს.
|
 |
ავტორი: მილორად პავიჩი
სათაური: ჩაით დახატული პეიზაჟი
გამომცემლობა: ინტელექტი
გამოშვების წელი: 2015
,,ჩაით დახატული პეიზაჟი’’ ცნობილი სერბი მწერლისა და ნობელის პრემიის ლაურეატის მილორად პავიჩის მრავალწახნაგოვანი რომანია, სადაც გზადაგზა ჩნდებიან უჩვეულო და იდუმალი პერსონაჟები, თუმცა ყველაზე აღსანიშნავია, მთავარი გმირიც - მწერლის უსაყვარლესი ქალაქი ბელგრადი, რომლის ქუჩები სავსეა მისტიკური საიდუმლოებებით.
|
 |
ავტორი: მილორად პავიჩი
სათაური: სხვა სხეული
გამომცემლობა: ინტელექტი
გამოშვების წელი: 2015
მილორად პავიჩის რომანი ,,სხვა სხეული“ გამორჩეულად საინტერესო ნაწარმოებია. რომანის მთავარი გმირია ხატკეთილი ანა, რომელიც თავის მიჯნურთან ერთად XVIII საუკუნის ვენეციაში ცხოვრობს. ისინი ფერისმცვალებელი ქვის ბეჭდისა და ფეხიანი სასმისის ძირზე წარწერილი უცნაური გამონათქვამის საიდუმლოს გამოცნობას ცდილობენ. თითქმის სამასი წლის შემდეგ სერბი მწერალი და მისი ცოლი ლიზა კვლავ წააწყდებიან ქვის ბეჭდის, გამონათქვამისა და ,,ღვთისმშობლის ცრემლთა’’ გამოცანა საიდუმლოს...
|
 |
ავტორი: მილორად პავიჩი
სათაური: უკანასკნელი სიყვარული კონსტანტინოპოლში
გამომცემლობა: ინტელექტი
გამოშვების წელი: 2015
წინამდებარე რომანის სიუჟეტი დაფუძნებულია ტაროს კარტზე, სადაც თავების თანმიმდევრობა და, აქედან გამომდინარე, პერსონაჟთა ბედიღბალიც, დამოკიდებულია კარტების განლაგებაზე. ეს არის წიგნი თავგანწირულ სიყვარულსა და სიძულვილზე, ღალატზე, ერთგულებასა და შურისძიებაზე, წარმატებასა და ბედნიერებაზე, ადამიანებზე...
თხრობა და კარტების განლაგება თანმიმდევრულია, სწორედ ეს განსაზღვრავს რომანის ფორმის ორიგინალურობას... ლიტერატურათმცოდნეები მაღალ შეფასებას აძლევენ მილორად პავიჩის ტექსტების სიმარტივესა და შინაარსის მრავალგანზომილებიანობას.
|
 |
ავტორი: მილორად პავიჩი
სათაური: შვიდი მომაკვდინებელი ცოდვა
გამომცემლობა: ინტელექტი
გამოშვების წელი: 2015
,,შვიდი მომაკვდინებელი ცოდვა’’ ცნობილი სერბი მწერლის, მილორად პავიჩის ერთ-ერთი გამორჩეული პროზაული კრებულია, რომელიც რამდენიმე ნოველისაგან შედგება, მაგრამ მწერალს განუყოფელ რომანად მიაჩნია. ეს არის თავისებური ლიტერატურული თამაშის სამყარო. მწერალი თამაშობს სიტყვებით, ლიტერატურული პერსონაჟებით, მწერლებით, მხატვრებით, მუსიკოსებით და ა.შ.
|
 |
ავტორი: იასმინა მიხაილოვიჩი
სათაური: ხაზართა ზღვის ნაპირებზე
გამომცემლობა: ინტელექტი
გამოშვების წელი: 2015
იასმინა მიხაილოვიჩი ცნობილი სერბი მწერალი და ლიტერატურის კრიტიკოსია. აგრეთვე სამოგზაურო პროზის რამდენიმე წიგნის, ნარკვევებისა და რომანის ავტორი.
,,ხაზართა ზღვის ნაპირებზე’’ ავტობიოგრაფიული წიგნია. ეგზოტიკურ აზერბაიჯანში მოგზაურობისა და კერძო-საჯარო მოგონებების აღწერის ფონზე ავტორი გვიამბობს ორი სერბი მწერლის სიყვარულზე, რომლებიც სიკვდილმაც კი ვერ დააშორა.
ოთხი პროზაული ნაწილი, რომლისგანაც აღნიშნული წიგნი შედგება, ავტორმა სწორედ იმ ორიგინალური და უჩვეულო ლიტერატურული ხერხების დაცვით განალაგა, რომლებსაც მისი მეუღლე, ასევე ცნობილი მწერალი, მილორად პავიჩი ასე ხშირად მიმართავდა თავის ნაწარმოებებში.
|
 |
ავტორი: ჯონ სტაინბეკი
სათაური: თაგვებსა და ადამიანებზე
გამომცემლობა: არტანუჯი
გამოშვების წელი: 2015
,,თაგვებსა და ადამიანებზე’’ ერთ-ერთი ყველაზე გამორჩეული წიგნია 1952 წლის ნობელიანტი ამერიკელი მწერლის - ჯონ სტაინბეკის შემოქმედებაში. ეს არის იგავი დანაშაულის, მარტოობის, იმედისა და უიმედობის შესახებ.
რომანში მოქმედება ხდება დიდი დეპრესიის პერიოდის კალიფორნიაში და ასახულია მისი თანმდევი მოვლენები: რასიზმი, მარტოობა, ბრძოლა პირადი თავისუფლებისთვის. მწერალი დიდი ოსტატობით გვიჩვენებს უბრალო ადამიანების ხვედრს რთულ, დაუნდობელ და წინააღმდეგობებით აღსავსე სამყაროში.
|
 |
ავტორი: უილიამ ფოლკნერი
სათაური: აგვისტოს ნათელი
გამომცემლობა: არტანუჯი
გამოშვების წელი: 2015
,,აგვისტოს ნათელი’’ცნობილი ამერიკელი მწერლისა და ნობელის პრემიის ლაურეატის უილიამ ფოლკნერის რომანია, რომელიც პირველად 1932 წელს გამოქვეყნდა. გამოსვლისთანავე იგი ამერიკული ლიტერატურის ერთ-ერთი შედევრად აღიარეს.
უილიამ ფოლკნერს ბევრჯერ აღუნიშნავს, რომ საკუთარი შემოქმედების უმთავრეს თემად თავისივე თავთან, თანამოძმესთან, დროსთად და გარემომცველ სინამდვილესთან დაპირისპირებული ადამიანის ბედი მიაჩნდა.
|
 |
ავტორი: ჰერტა მიულერი
სათაური: მელა მაშინ უკვე მონადირე იყო
გამომცემლობა: არტანუჯი
გამოშვების წელი: 2015
,,მელა მაშინ უკვე მონადირე იყო’’ ცნობილი გერმანელი მწერლისა და ნობელის პრემიის ლაურეატის ჰერტა მიულერის ბოლოდროინდელი რომანია, რომლის მთავარი თემაა – გადატანილი ტყვეობისა და ძალადობის გამოცდილება, ინდივიდუალური და კოლექტიური მახსოვრობა, წარსულის მეხსიერებიდან განდევნა და ადვილი დავიწყება.
|
 |
ავტორი: სვეტლანა ალექსიევიჩი
სათაური: ჩერნობილის ლოცვა
გამომცემლობა: არტანუჯი
გამოშვების წელი: 2015
წინამდებარე წიგნში ავტორი საბჭოთა (პოსტსაბჭოთა) მნიშვნელოვან ამბებს ზეპირი ისტორიის მეთოდით აღწერს. მისი ნაწარმოების გმირები ჩვეულებრივი ადამიანები არიან, ვისი ნაამბობის მიხედვითაც მწერალი ახერხებს სრულიად უნიკალური და შთამბეჭდავი ტექსტები შექმნას.
რომანი ,,ჩერნობილის ლოცვა’’ (1997) იმ სერიის ნაწილია, რომელსაც სვეტლანა ალექსიევიჩმა ,,უტოპიის ხმები’’ უწოდა. ავტორი წლების განმავლობაში დაეძებდა და იწერდა იმ ადამიანთა ისტორიებს, ვისაც პირდაპირ შეეხო გასული საუკუნის ერთ-ერთი ყველაზე დიდი კატასტროფა.
|
 |
ავტორი: კატო ჯავახიშვილი
სათაური: ორი ფინჯანი - დიალოგები
გამომცემლობა: ინტელექტი
გამოშვების წელი: 2015
,,ორი ფინჯანი’’ ინტერვიუების სრული კრებულია, რომლებიც წლების მანძილზე, სხვადასხვა პერიოდულ გამოცემაში ქვეყნდებოდა. ავტორის მიზანია, თანამედროვე მწერალთა პიროვნების უკეთ გაცნობა საზოგადოებისთვის.
პოეტები, პროზაიკოსები, მთარგმნელები და პუბლიცისტები - კრებულში მრავალფეროვანი სპექტრია თავმოყრილი და თანამედროვე ქართულ ლიტერატურულ პროცესებზე ამ წიგნითაც შეუქმნის მკითხველს წარმოდგენას.
|
 |
ავტორი: მორჩილაძე აკა
სათაური: ასი მილიონი გირვანქა სტერლინგით შორს
გამომცემლობა: არტანუჯი
გამოშვების წელი: 2015
,,ასი მილიონი გირვანქა სტერლინგით შორს’’ ქართველი მწერლის, აკა მორჩილაძის ახალი წიგნია. კრებულში გაერთიანებულია 2010-2014 წლების ქართულ პერიოდიკაში დაბეჭდილი მწერლის საავტორო სვეტები.
|
 |
ავტორი: ანიკა მექანიკური
სათაური: სახლების მოშინაურება
გამომცემლობა: არტანუჯი
გამოშვების წელი: 2015
ახალგაზრდა მწერალი ანიკა მექანიკური სტუდენტური ლიტერატურული კონკურსის – “შემოდგომის ლეგენდის” მონაწილეა. სწორედ ამ კონკურსის ფარგლებში გაჩნდა იდეა, ახალგაზრდა ავტორის პირველი სადებიუტო ნაშრომი გამოეცათ.
,,სახლების მოშინაურება’’ ანიკა მექანიკურის მოთხრობების კრებულია.
|
 |
ავტორი: გიორგი კეკელიძე
სათაური: ცხრათავიანი ფეხბურთის ამბავი
გამომცემლობა: არტანუჯი
გამოშვების წელი: 2015
,,ცხრათავიანი ფეხბურთის ამბავი’’ გიორგი კეკელიძის ბოლოდროინდელი ესეების კრებულია, რომელიც ძირითადად ფეხბურთისა და ლიტერატურის თემას ეხება. ესეები დაწერილია მარტივი ენით და გამოირჩევა ფრაგმენტულობით.
|
 |
ავტორი: კრისტოფერ ოსაკვე
სათაური: ანგლო-ამერიკულ სამართალში მორალური ზიანის ცნება, კლასიფიკაცია და ანაზღაურება
გამომცემლობა: იურისტების სამყარო
გამოშვების წელი: 2015
წინამდებარე ნაშრომი წარმოადგენს აშშ-ის ტულანის სამართლის სკოლის შედარებითი სამართლის პროფესორის, კრისტოფერ ოსაკვეს სტატიის თარგმანს. თარგმანი იმით არის საინტერესო რომ საკითხი ეხება ქართული იურიდიული მეცნიერებისა და სასამართლო პრაქტიკისთვის მეტად მნიშვნელოვან - მორალური ზიანის ინსტიტუტს, მის ადგილსა და მნიშვნელობას საერთო სამართლის სისტემის ქვეყნებში.
სახელმძღვანელო მკითხველს წარმოდგენას შეუქმნის არა მარტო მორალურ ზიანზე, არამედ მთლიანად ანგლო-ამერიკულ დელიქტურ სამართალზე. წიგნს თან ერთვის ინგლისურ ენაზე ის მნიშვნელოვანი ტერმინები, რომელთა შესწავლა სტუდენტებს და დაინტერესებულ პირებს მისცემს შესაძლებლობას პირველწყაროდან გაეცნონ მათთვის საინტერესო საკითხებს.
|
 |
ავტორი: პოლიკარპე (თემურ) მონიავა, მიხეილ მამნიაშვილი, ნანა (ნინო) რევაზიშვილი და სხვ.
სათაური: საპროკურორო სამართალი
გამომცემლობა: იურისტების სამყარო
გამოშვების წელი: 2015
დამნაშავეობის წინააღმდეგ ბრძოლის საქმეში პროკურატურის განსაკუთრებული როლისა და დანიშნულების გათვალისწინებით, საპროკურორო სამართალი ვიწრო გაგებით გულისხმობს საქართველოს სისხლის სამართლის საპროცესო კოდექსის ნორმებით მოწესრიგებულ იმ ურთიერთობებს, რომელთა ძალითაც პროკურორი უფლებამოსილია: მყისიერად მოახდინოს შესაბამისი რეაგირება დანაშაულის ფაქტებთან დაკავშირებით, დაიწყოს გამოძიება, განახორციელოს მასზე საპროცესო ხელმძღვანელობა და ა.შ.
საპროკურორო სამართალი სწავლობს ყველა ზემოთ ჩამოთვლილ შემთხვევაში პროკურატურის მონაწილეობის ფორმებს და წარმოაჩენს ამ საქმიანობის პროცესში მისთვის კანონით მინიჭებული უფლებამოსილების ფარგლებს.
წინამდებარე ნაშრომი განკუთვნილია პროკურატურის მუშაკების, სხვა პრაქტიკოსი იურისტების (მოსამართლეების, ადვოკატების), იურიდიული ფაკულტეტის სტუდენტების, მაგისტრანტების, დოქტორანტების და ამ თემატიკით დაინტერესებულ მკითხველთა ფართო წრისათვის.
|
 |
ავტორი: ოთარ მელქაძე
სათაური: საპარლამენტო სამართალი მსოფლიო პრაქტიკაში და ქართულ რეალობაში
გამომცემლობა: უნივერსალი
გამოშვების წელი: 2014
წინამდებარე სახელმძღვანელო რამდენიმე მნიშვნელოვანი ნაწილისაგან შედგება. ძირითად ნაწილში განხილულია საპარლამენტო სამართლის მნიშვნელოვანი თემები, პარლამენტის საქმიანობის საკონტროლო ფორმები და მეთოდები დანიშნულების მიხედვით.
წიგნში ასევე საუბარია საკანონმდებლო ხელისუფლების სტრუქტურული კონსტიტუციისათვის დამახასიათებელ თავისებურებებსა და აღმასრულებელ ხელისუფლებასთან მისი ურთიერთდამაკავშირებელ სისტემაზე. ორივე მეთოდის ერთობლიობით წარმოდგენილია საპარლამენტო სისტემის კონსტიტუციურ-სამართლებრივი რეგულაციის თანამედროვე მექანიზმები და მათი რეგულირების პირობები.
|
 |
ავტორი: ქეთევან ქოჩაშვილი
სათაური: მფლობელობა და საკუთრება - ფაქტი და უფლება სამოქალაქო სამართალში
გამომცემლობა: ,,ბონა კაუზა’’
გამოშვების წელი: 2015
წინამდებარე მონოგრაფიაში სამოქალაქო სამართლის სუბსტანციური ინსტიტუტების - მფლობელობისა და საკუთრების შესახებ არის მსჯელობა. ნაშრომის შინაარსი მოიცავს თითქმის ყველა ძირეულ საკითხს, რაც პირდაპირ თუ ირიბად უკავშირდება ადამიანთა მოდგმის არსებობისთვის განუყოფელ ამ ინსტიტუტებს.
წიგნს თან ერთვის პრაქტიკული ხასიათის მასალა, კერძოდ ტექსტები სამოქალაქო სამართლის ზოგად ნაწილსა და სანივთო სამართალში. მონოგრაფიაში გამოკვლელულია სამოქალაქო სამართლის ფუნდამენტური ინსტიტუტების - მფლობელობისა და საკუთრების ურთიერთკავშირი ცნებების, წარმოშობა-განვითარების და დაცვის თვალსაზრისით ისტორიულ, დოგმატურ და შედარებით სამართლებრივ ჭრილში.
|
 |
ავტორი: მალხაზ ლომსაძე
სათაური: სისხლის სამართლის პროცესი
გამომცემლობა: ,,ბონა კაუზა’’
გამოშვების წელი: 2015
ნაშრომში სამეცნიერო კვლევითი მეთოდების გამოყენებით ამომწურავადაა განხილული მოქმედი საპროცესო კოდექსის ცალკეული დებულებები, გამოთქმულია კრიტიკული შენიშვნები, დასმულია საკანონმდებლო წინადადებები კანონმდებლობის დახვეწისა და არსებული ხარვეზების აღმოფხვრის მიზნით.
ნაშრომი განკუთვნილია უმაღლესი იურიდიული სასწავლებლების სტუდენტებისათვის, მეცნიერ იურისტებისათვის, პრაქტიკოსი მუშაკებისათვის და სიხლის სამართლის პროცესის საკითხებით დაინტერესებული ფართო საზოგადოებისთვის.
|
 |
ავტორი: სალომე ბახია-ოქრუაშვილი
სათაური: აფხაზთა ჩვეულებითი სამართალი
გამომცემლობა: ირიდა
გამოშვების წელი: 2015
ჩვეულებათა სამართალი ხალხური ტრადიციული ჩვეულებებისა და ეთიკური ქცევის თავისებურებათა ერთობლიობაა, რომელიც საზოგადოებაში მისი ხანგრძლივი და მრავალგზისი გამოყენების შედეგად შეიქმნა. აქედან გამომდინარე, სამართლის საკითხები - ქცევის ნორმების, ღირებულებების, ადამიანის სხვადასხვა ჩვევევის სოციალურ ერთობლიობასთან ფუნქციურ კავშირში შესწავლას ითვალისწინებს.
წინამდებარე წიგნში პირველად, საქართველოს ერთ-ერთ მხარეში, აფხაზთა ჩვეულებითი სამართლის საკითხების ფართო სპექტრია თავმოყრილი და განხილული. ნაშრომი ეთნოლოგიურია და იმ ნორმათა მონოგრაფიულ კვლევას წარმოადგენს, რომლის თანახმადაც მიწათსარგებლობის, ოჯახის ქონებრივი მდგომარეობის, სისხლის სამართლის, კომპოზიციის სისტემის და სხვა საკითხების მოწესრიგება ხდებოდა. ნაშრომი საინტერესოა როგორც ეთნოლოგებისთვის, ისე სამართლის ინსტიტუტების მკვლევართათვის.
|
 |
ავტორი: თამარ ლალიაშვილი
სათაური: საქართველოს სისხლის სამართლის პროცესი - ზოგადი ნაწილი
გამომცემლობა: იურისტების სამყარო
გამოშვების წელი: 2015
წინამდებარე წიგნი შესაძლებლობას აძლევს მკითხველს, გაეცნოს საქართველოს სიხლის სამართლის პროცესის სამართლებრივ საფუძვლებს, პროცესის მიზნებსა და ამოცანებს, პროცესის სტადიებსა და მათ წარმოებას. წიგნი მკითხველს ასევე სთავაზობს, გაეცნოს საქართველოს კონსტიტუციით, ევროპული კონვენციით, სამოქალაქო და პოლიტიკური უფლებების შესახებ და სხვა საერთაშორისო კონვენციებით გათვალისწინებულ, ადამიანის ფუნდამენტურ უფლებათა და თავისუფლებათა დამცავ, სისხლის სამართლის პროცესის ფუძემდებლურ პრინციპებს.
ნაშრომი ასევე მოიცავს სისხლის სამართლის პროცესის ძირითადი ინსიტუტების მიმოხილვას. მასში, ევროპული სასამართლოს პრეცენდენტული სამართლის, ასევე საქართველოს საკონსტიტუციო სასამართლოს გადაწყვეტილებების გათვალისწინებით, წარმოდგენილია საპროცესო კოდექსში არსებული ხარვეზები, პრობლემატური საკითხები და შემოთავაზებულია მათი გადაჭრის გზები.
|
 |
ავტორი:
სათაური: საქართველოს საგადასახო კოდექსი
გამომცემლობა: ,,ბონა კაუზა’’
გამოშვების წელი: 2015
წინამდებარე კოდექსი საქართველოს კონსტიტუციის შესაბამისად განსაზღვრავს საქართველოს საგადასახო სისტემის ფორმირებისა და ფუნქციონირების ზოგად პრინციპებს, აწესრიგებს საქართველოს საზღვარზე მგზავრის, საქონლისა და სატრანსპორტო საშუალების გადაადგილებასთან დაკავშირებულ სამართლებრივ ურთიერთობებს, სახდელისა და უფლებამოსილი ორგანოს საამრთლებრივ მდგომარეობას, განსაზღვრავს საგადასახადო სამართალდარღვევის სახეებს, საქართველოს საგადასახო კანონმდებლობის დარღვევისათვის პასუხისმგებლობას, უფლებამოსილი ორგანოსა და მისი თანამდებობის პირების არამართლზომიერ ქმდებათა გასაჩივრების წესსა და პირობებს, საგადასახო დავის გადაწყვეტის წესს, არეგულირებს საგადასახადო ვალდებულების შესრულებასთან დაკავშირებულ სამართლებრივ ურთიერთობებს.
|
 |
ავტორი: ამირან ზანაიშვილი
სათაური: ადგილობრივი თვითმმართველობის კოდექსის კომენტარები
გამომცემლობა: იურისტების სამყარო
გამოშვების წელი: 2015
წინამდებარე კომენტარების მიზანია წარმოაჩინოს ორგანული კანონის სულისკვეთება, მასში გაზიარებულია განვითარებული ევროპული ქვეყნების გამოცდილება, საერთაშორისო ავტორიტეტული ინსტიტუტების რეკომენდაციები, შედარებითი ანალიზის საფუძველზე გამოკვეთილია პრიორიტებების სამართლებრივი რეგულაციების უპირატესობები, გაანალიზებულია ევროსაბჭოს რეკომენდაციები, მოშველიებულია ავტორის მოხსენებები და პოზიციები კანონთან დაკავშირებით.
|
 |
ავტორი: გიორგი მახარობლიშვილი
სათაური: კორპორაციული მართვის ზოგადი ანალიზი
გამომცემლობა: იურისტების სამყარო
გამოშვების წელი: 2015
წინამდებარე ნაშრომში გაანალიზებულია საკორპორაციო სამართლის ბირთვის, კორპორაციული მართვის მაფორმირებელი ძირითადი ელემენტები ზოგად კონტექსტში. ნაშრომში გამოყენებულია კვლევის შედარებით-სამართლებრივი მეთოდი, რომელიც მოიცავს ამერიკის შეერთებული შტატების, ევროპისა და ქართულ კორპორაციულ-სამართლებრივ განზომილებებს.
|
 |
ავტორი: დავით ძამუკაშვილი
სათაური: ინტელექტუალურ უფლებათა სამართალი
გამომცემლობა: ,,ბონა კაუზა’’
გამოშვების წელი: 2014
ინტელექტუალური უფლებების სამართალს გამორჩეული ადგილი უკავია თანამედროვე ცხოვრებაში. მისი ნორმათა ერთობლიობა და სამართლებრივად განმტკიცებული წესრიგის დაცვა თანაბრად მნიშვნელოვანია ზესახელმწიფოებისთვისაც და ნაკლებად განვითარებული სახელმწიფოსათვისაც.
წინამდებარე ნაშრომში ინტელექტუალური უფლებები და ურთიერთობები განხილულია ზოგადი არსიდან მოყოლებით. წიგნი გაუადვილებს ამ საკითხების შესწავლით დაინტერესებულ პირებს ინტელექტუალურ უფლებათა სამართლისათვის დამახასიათებელ საფუძვლებში გარკვევას.
|
 |
ავტორი: ციური ყურშუბაძე, იაგო წულაძე
სათაური: საზღვაო დაზღვევა და მასთან დაკავშირებული საკითხების სამართლებრივი რეგულირება
გამომცემლობა: უნივერსალი
გამოშვების წელი: 2013
წინამდებარე ნაშრომის ძირითადი ნაწილი მოიცავს საზღვაო დაზღვევის არსს, საზღვაო დაზღვევის სპეციფიკას, ,,კასკო’’ და ,,კარგო’’ დაზღვევას, გემთმფლობელობის პასუხისმგებლობის დაზღვევას და ა.შ.
წიგნში ასევე განხილულია საზღვაო დაზღვევის არსი, მისი სამართლებრივი ასპექტები და საზღვაო რისკებთან დაკავშირებული ზღვაოსნობის ზოგიერთი ნიუანსი. წამოჭრილია საზღვაო დაზღვევაში არსებული სამართლებრივი საკითხები, მოტანილია რეკომენდაციები ფაქტების დოკუმენტირებასთან დაკავშირებით. ეს და სხვა მრავალი საკითხი რაც სახელმძღვანელოშია საუბარი გათვლილია საზღვაო უმაღლესის სასწავლებლების ბაკალავრებისა და მაგისტრებისათვის, აგრეთვე დაზღვევის სფეროთი და საზღვაო კომერციული გადაზიდვებით დაინტერესებული პირებისათვის.
|
 |
ავტორი: ირმა შიოშვილი
სათაური: პოლიტიკა, სამართალი და კულტურა - ივანე ჯავახიშვილის კვლევის ობიექტი
გამომცემლობა: უნივერსალი
გამოშვების წელი: 2014
ივანე ჯავახიშვილის მოღვაწეობის მთავარი სარბიელი მეცნიერება და მასთან პირდაპირ თუ არაპირდაპირ დაკავშირებული პრობლემები იყო. იგი იკვლევდა არა წმინდა ღირებულებებს, როგორც მნიშვნელობებს, არამედ ,,ღირებულ საგნებს’’, ,,ღირებულ რეალობებს’’, რომლებიც კულტურის სახით არსებობენ. ისტორიკოსის საქმეა მათში განხორციელებული ღირებულებების წვდომა, გაგება და გასაგნებული ღირებულებების გამოსახვა ობიექტური, უნივერსალური წესით. ამ ღირებულებებსა და ცნებებზეა სწორედ მსჯელობა აღნიშნულ მონოგრაფიაში.
|
 |
ავტორი: ჯუმბერ რუსიაშვილი
სათაური: კანონმდებლობის გამოყენების სასამართლო პრაქტიკა - ადმინისტრაციული ორგანოების მიერ ზიანის ანაზღაურება
გამომცემლობა: მერიდიანი
გამოშვების წელი: 2015
წინამდებარე ნაშრომი წარმოადგენს ადმინისტრაციული ორგანოების მიმართ ზიანის ანაზღაურების მოთხოვნით წარდგენილ სარჩელებზე საქართველოს უზენაესი სასამართლოს საპროცესო აქტების კრებულს. მასში სისტემატიზებული და გარკვეულწილად გამარტივებული ფორმით არის მოცემული უზენაესი სასამართლოს განჩინებები (გადაწყვეტილებები), რომლებიც, ერთობლიობაში აღებული, გვევლინება ადმინისტრაციული ორგანოების მიმართ ზიანის ანაზღაურების თაობაზე დადგენილ ერთგვაროვან სასამართლო პრაქტიკის ნიმუშად. წიგნი დახმარებას გაუწევს მოსამართლეებს, ადვოკატებს, ადმინისტრაციული ორგანოს მუშაკებსა და იურიდიული ფაკულტეტის სტუდენტებს.
კრებულში მოტანილი საპროცესო აქტები, როგორც კვლევის ობიექტი, საინტერესო იქნება სამეცნიერო საქმიანობთ დაკავებული პირებისთვისაც.
|
 |
ავტორი: გიორგი მარიამიძე
სათაური: კაზუსები და მათი ამოხსნის მეთოდები სანივთო სამართალში - წიგნი I
გამომცემლობა: იურისტების სამყარო
გამოშვების წელი: 2014
წინამდებარე წიგნის მიზანია მკითხველს ის საკითხები გააცნოს, რომლებიც ქართულ სასამართლო პრაქტიკასა და სამართლის თეორიაშია პრობლემატური. წიგნში სამართლებრივ საკითხებზე მსჯელობა პრაქტიკულ მაგალითებზეა აგებული და კაზუსების ამოხსნის გზები ავტორის მიერ შემოთავაზებული სქემებისა და მეთოდების სახით არის წარმოდგენილი.
ნაშრომი დაეხმარება სტუდენტებსა და მოქმედ იურისტებს სამართლებრივ საკითხებში უკეთ გარკვევაში.
|
 |
ავტორი: გიორგი თუმანიშვილი
სათაური: სისხლის სამართლის პროცესი - ზოგადი ნაწილის მიმოხილვა
გამომცემლობა: იურისტების სამყარო
გამოშვების წელი: 2014
წინამდებარე სახელმძღვანელოში განხილულია სისხლის სამართლის პროცესის ზოგადი ნაწილი. მასში მიმოხილულია ის ძირითადი პრინციპები, რომლებზეც თანამედროვე ქართული სისხლის სამართლის პროცესი ბაზირებს. წიგნში მნიშვნელოვანი ადგილი აქვს დათმობილი სისხლის სამართლის პროცესის მონაწილეებს.
ნაშრომი დიდ დახმარებას გაუწევს სტუდენტებს ახალი სისხლის სამართლის საპროცესი კოდექსის ცალკეული ინსტიტუტების შესწავლაში.
|
 |
ავტორი: ზურაბ ჭეჭელაშვილი
სათაური: სანივთო სამართალი
გამომცემლობა: ,,ბონა კაუზა’’
გამოშვების წელი: 2015
სანივთო სამართალი წარმოადგენს იმ ნორმათა ერთობლიობას, რომელიც აწესრიგებს პირთა ურთიერთობებს ნივთებთან. სანივთო სამართალი იმავდროულად ქონებრივი სამართალიცაა, იგი სამოქალაქო კოდექსის განუყოფელი ნაწილია.
წინამდებარე ნაშრომი განკუთვნილია კერძო სამართლის სფეროში მოღვაწე მოსამართლეთათვის და სხვა იურისტებისათვის, აგრეთვე სტუდენტებისა და კერძო სამართლის დაინტერესებული ნებისმიერი მკითხველისათვის.
|
 |
ავტორი: გიორგი რუსიაშვილი
სათაური: კაზუსები სამოქალაქო სამართლის ზოგად ნაწილში -შედარებითსამართლებრივი მიმოხილვა
გამომცემლობა: იურისტების სამყარო
გამოშვების წელი: 2015
შედარებითი სამართალმცოდნეობა წარმოადგენს სამართალმცოდნეობის დარგს, რომელიც ერთმანეთს ადარებს სხვადასხვა მართლწესრიგში წარმოქმნილ ფენომენებს.
ნაშრომის მიზანია უცხო ქვეყნების სამართლის დოქტრინების გათვალისწინებით ქართული სამართლისათვის დასკვნების გამოტანა, ამ დასკვნების გამოტანა უშუალოდ უცხოური სამართლის მიმოხილვისას ჩანართის სახით ხდება. ძირითადი აქცენტი გაკეთებულია გერმანული სამოქალაქო სამართლის ინსტიტუტების ქართულ სამართალთან შეპირისპირებაზე, რის გამოც კრებულში გერმანიის სამოქალაქო კოდექსის დანაწესები უხვადაა ციტირებული. ეს, ერთის მხრივ მიზნად ისახავს მკითხველისათვის წიგნთან მუშაობის გაადვილებას და ასევე ქართველი იურისტებისათვის გერმანული სამოქალაქო სამართლის, როგორც ქართული სამართლის პირველწყაროს მნიშვნელობაზე მინიშნებას.
|
 |
ავტორი: გიორგი ქელდიშვილი
სათაური: ტერორიზმი და ტერორისტული აქტები
გამომცემლობა: ბარტონი
გამოშვების წელი: 2015
წინამდებარე ნაშრომში მოცემულია ტერორიზმის თეორიული ანალიზი და მისი ფორმულირება. განხილულია ზოგადად ბრძოლის მექანიზმები, ტერორისტული ორგანიზაციები, ტერორისტული გამოვლინებები, რეზონანსული ტერორისტული აქტები და ცნობილი ტერორისტები. წიგნი განკუთვნილია მკითხველთა ფართო წრისათვის.
აღნიშნული წიგნი არის მცდელობა ტერორიზმის სხვადასხვა კუთხით გაანალიზებისა. ზოგ თეორიულ მასალებთან ერთად, ფსიქოლოგიურ ფაქტორთა ბაზაზე ამ დანაშაულების მოტივების მნიშვნელობის განსაზღვრა, რისი გათვალისწინებაც შესაძლებლობას გვაძლევს ვიცოდეთ, თუ ვისგანაა მოსალოდნელი შესაბამისი მოქმედება და თუ რას წარმოადგენს ტერორისტის პიროვნება. წიგნი განკუთვნილია მკითხველთა ფართო წრისათვის.
|
 |
ავტორი:
სათაური: საქართველოს სისხლის სამართლის საპროცესო კოდექსი
გამომცემლობა: იურისტების სამყარო
გამოშვების წელი: 2015
საქართველოს სისხლის სამართლის საპროცესო კოდექსი ადგენს დანაშაულის გამოძიების, სისხლისსამართლებრივი დევნისა და მართლმსაჯულების განხორციელების წესებს.
სისხლის სამართლის პროცესში გამოიყენება ის საპროცესო ნორმა, რომელიც მოქმედებს გამოძიებისა და სასამართლო განხილვის დროს.
|
 |
ავტორი: ამირან ზენაიშვილი
სათაური: საქართველოს შრომის კოდექსის კომენტარები
გამომცემლობა: იურისტების სამყარო
გამოშვების წელი: 2015
აღნიშნულ სახელმძღვანელოში გაანალიზებულია საერთაშორისო აქტებითა და კონვენციებით აღიარებული ვალდებულებების შედარებითი ანალიზი და წარმოჩენილია კოდექსთან შესაბამისობა. გამოყენებულია კვლევები ათეულობით განვითარებული ქვეყნებისა და პოსტსაბჭოთა სივრცის მაგალითზე, ინსტიტუტების მიხედვით მოყვანილია საერთაშორისო გამოცდილება. გაანალიზებული და შეფასებულია, როგორც ბიზნეს სექტორის, ასევე დასაქმებულთა გაერთიანების პოზიციები. განსაკუთრებული ყურადღება ექცევა კანონში შემოტანილი, ახლებურად დახვეწილი ინსტიტუტების პრაქტიკაში გატარების გზებს.
ნაშრომში ყურადღება გამახვილებულია შემდეგ აქტუალურ საკითხებზე: განსახილველი ორგანული კანონის თავსებადობა ,,ევროკავშირსა და საქართველოს შორის გაფორმებული ასოცირების შესახებ შეთანხმების’’ მონათესავე ნორმებზე, შრომის საერთაშორისო ორგანიზაციის ეგიდით მიღებული კონვენციების საფუძველზე საქართველოს მიერ ნაკისრი ვალდებულებებითა და შესაბამისი ნორმების შიდა კანონმდებლობაში იმპლემენტაციის აუცილებლობის საკითხებზე და ა.შ.
|
 |
ავტორი: დავით გეფერიძე, ავთანდილ ხაზალია
სათაური: საერთაშორისო ორგანიზაციების სამართალი და ტრანსნაციონალური კორპორაციები
გამომცემლობა: ,,ბონა კაუზა’’
გამოშვების წელი: 2014
წინამდებარე ნაშრომში განხილულია თანამედროვე საერთაშორისო ორგანიზაციების სამართლის თეორიისა და პრაქტიკის საკითხები: საერთაშორისო ორგანიზაციების სამართლის ცნების და არსის განსაზღვრის პრობლემები, წყაროები, საერთაშორისო ორგანიზაციების სამართლის რეგულირების ასპექტები, თანამედროვე ტრანსნაციონალური კორპორაციების შესახებ და სხვა დებულებები საერთაშორისო ორგანიზაციების საკითხებზე.
წიგნი დახმარებას გაუწევს იურისტ მეცნიერებსა და პრაქტიკოსებს, აგრეთვე უმაღლესი სასწავლებლების იურიდიული ფაკულტეტის სტუდენტებს, დოქტორანტებსა და პედაგოგებს. ნაშრომი განკუთვნილია საერთაშორისო სამართლის პრობლემებით დაინტერესებულ მკითხველთა ფართო წრისათვის. წიგნის მიზანია გააცნოს დაინტერესებულ პირებს საერთაშორისო ორგანიზაციების სამართლის, როგორც სპეციფიკური დარგის თავისებურებანი.
|
 |
ავტორი:
სათაური: საქართველოს ადმინისტრაციულ სამართალდარღვევათა კოდექსი
გამომცემლობა: ,,ბონა კაუზა’’
გამოშვების წელი: 2015
ადმინისტრაციულ სამართალდარღვევათა შესახებ საქართველოს კანონმდებლობის ამოცანაა საკუთრების, მოქალაქეთა სოციალურ-ეკონომიკური, პოლიტიკური და პირადი უფლებებისა და თავისუფლების, აგრეთვე საწარმოთა, დაწესებულებათა, ორგანიზაციათა უფლებებისა და კანონიერი ინტერესების, მმართველობის დადგენილი წესის, სახელმწიფო საზოგადოებრივი წესრიგის დაცვა, სამართალდარღვევათა თავიდან აცილების უზრუნველყოფა და ა.შ.
ამ ამოცანის განსახორციელებლად საქართველოს ადმინისტრაციულ სამართალდარღვევათა კოდექსი განსაზღვრავს, თუ რომელი მოქმედება ან უმოქმედობა წარმოადგენს ადმინისტრაციულ სამართალდარღვევას, რომელი ადმინისტრაციული სახდელი, რომელი ორგანოს (თანამდებობის პირის) მიერ და რა წესით შეიძლება დაედოს ადმინისტრაციული სამართალდარღვევის ჩამდენს. ადმინისტრაციულ სამართალდარღვევათა შესახებ საქართველოს კანონმდებლობა შედგება ადმინისტრაციულ სამართალდარღვევათა შესახებ ამ კოდექსისა და საქართველოს სხვა საკანონმდებლოა აქტებისაგან.
|
 |
ავტორი: ვალერიან მეტრეველი
სათაური: ქართული სამართლის ისტორია
გამომცემლობა: მერიდიანი
გამოშვების წელი: 2014
წინამდებარე წიგნში განხილულია ქართული სამართლის ისტორიის, როგორც სასწავლო დისციპლინის პროგრამით გათვალისწინებული ყველა საკითხი, მათ შორის: საგანი, მეთოდი, სისტემა, წყაროები, მეცნიერება.
ნაშრომში ცალ-ცალკეა წარმოდგენილი ქართული სამართლის ისეთი დარგები, როგორიცაა: სახელმწიფო ანუ კონსტიტუციური სამართალი, სისხლის, სამოქალაქო, საოჯახო, სამემკვიდრეო და პროცესუალური სამართალი, შესაბამისი სამართლებრივი ინსტიტუტებით. სახელმძღვანელო განკუთვნილია იურიდიული ფაკულტეტის სტუდენტებისა და ქართული სამართლის ისტორიით დაინტერესებულ მკითხველთათვის.
|
 |
ავტორი: დავით ჩიკვაიძე
სათაური: მართლმადიდებლური საეკლესიო სამართალი
გამომცემლობა: იურისტების სამყარო
გამოშვების წელი: 2015
წინამდებარე წიგნი შედგენილია ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სალექციო კურსის ,,მართლმადიდებლური საეკლესიო სამართლის’’ სილაბუსის მიხედვით და მოიცავს საეკლესიო სამართლის ძირითად დებულებებს და ინსტიტუტებს. წიგნში ნაწილობრივ ასახულია ავტორის მიერ რამდენიმე წლის წინ ,,საეკლესიო სამართლის’’ სახელწოდებით გამოცემული სახელმძღვანელოს თავები.
სახელმძღვანელო საინტერესო იქნება როგორც იურიდიული ფაკულტეტის, ისე სასულიერო სასწავლებლების სტუდენტებისა და მოსწავლეებისათვის, ასევე საეკლესიო სამართლით დაინტერესებული მკითხველთა ფართო წრისათვის.
|
 |
ავტორი:
სათაური: მზია ლეკვეიშვილი - 85 (საიუბილეო კრებული)
გამომცემლობა: იურისტების სამყარო
გამოშვების წელი: 2014
წინამდებარე კრებული წარმოადგენს ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის საიუბილეო გამოცემას, რომელიც ემერიტუს მზია ლეკვეიშვილის 85 წლის იუბილეს ეძღვნება.
წიგნში თავმოყრილია მზია ლეკვეიშვილის კოლეგების, მეგობრებისა და მოსწავლეების მოგონებები და მისადმი მიძღვნილი სამეცნიერო ნაშრომები.
|
 |
ავტორი: ჰარპერ ლი
სათაური: ნუ მოკლავ ჯაფარას
გამომცემლობა: ბაკურ სულაკაურის გამომცემლობა
გამოშვების წელი: 2015
,,ნუ მოკლავ ჯაფარას’’ ცნობილი ამერიკელი მწერლის ჰარპერ ლის 1960 წელს დაწერილი რომანია, რომელიც ლიტერატურის კრიტიკოსებმა ერთხმად აღიარეს ყველაზე ჰუმანურ ამერიკულ ნაწარმოებად. რომანში მოქმედება ალაბამას შტატში ვითარდება დიდი დეპრესიის პერიოდში. მთავარი გმირები ბავშვები არიან, რომელთა თვალთახედვაში ექცევა ამერიკის სამხრეთ შტატებისთვის დამახასიათებელი წარმოდგენები და ტრადიციები. რომანის ერთ-ერთი ცენტრალური მოვლენაა ტომ რობინსონის გასამართლება და მისი ტრაგიკული ბედი.
|
 |
ავტორი: თომას მანი
სათაური: დოქტორი ფაუსტუსი
გამომცემლობა: ინტელექტი
გამოშვების წელი: 2015
თომას მანის ,,დოქტორი ფაუსტუსი’’ ევროპული ინტელექტუალური რომანის შედევრია. მწერალს ფაუსტური პრობლემატიკა მეოცე საუკუნის სინამდვილეში გადმოაქვს, პარალელს ავლებს დიდი ხელოვანის ტრაგიზმით აღსავსე ცხოვრებასა და მაღალკულტურული, მაგრამ ნაცისტების მიერ მეორე მსოფლიო ომში ჩაბმული გერმანელი ხალხის ხვედრს შორის.
|
 |
ავტორი: თომას ბერნჰარდი
სათაური: სანახაობის მომწყობი
გამომცემლობა: ბაკურ სულაკაურის გამომცემლობა
გამოშვების წელი: 2015
,,სანახაობის მომწყობი’’ გამოჩენილი ავსტრიელი პროზაიკოსისა და დრამატურგის, თომას ბერნჰარდის პირველი ნაწარმოებია, რომელიც ქართულად ითარგმნა. ეს არის პიესა თეატრზე, მსახიობის პროფესიაზე, ზოგადად, კულტურის ინდუსტრიაზე.
|
 |
ავტორი: ლაშა ბუღაძე
სათაური: დიალოგი ცენზურაზე
გამომცემლობა: ბაკურ სულაკაურის გამომცემლობა
გამოშვების წელი: 2015
წინამდებარე წიგნი წარმოადგენს რადიოგადაცემების ციკლის - ,,დიალოგი ცენზურაზე’’ - ბეჭდურ ვერსიას. გადაცემა გადიოდა 2013-2014 წლებში. წიგნში მიმოხილულია, თუ რა როლს თამაშობს ადამიანის საზოგადოებრივ, პოლიტიკურ, კულტურულ ცხოვრებაში ცენზურა. განვითარების რა ეტაპები განვლო ამ ფენომენმა და რა მდგომარეობაა დღეს ამ მხრივ ქვეყანაში.
|
 |
ავტორი: ვ. ლ ცვეტკოვ
სათაური: კონფლიქტის ფსიქოლოგია - თეორიიდან პრაქტიკამდე
გამომცემლობა: სამართლიანი საქართველო
გამოშვების წელი: 2015
წინამდებარე სახელმღვანელოში შესწავლილია კონფლიქტების შესწავლის თეორიულ-მეთოდოლოგიური საფუძვლები, კონფლიქტების ფსიქოლოგიური დახასიათება და მისი აღმოცენების მექანიზმების თავისებურებები, კონფლიქტების მართვა, პროფესიულ საქმიანობაში კონფლიქტების გაფრთხილების ფსიქოლოგიური თავისებურებები და სხვ.
ნაშრომში გათვალისწინებულია კონფლიქტების ფუნქციონირებისა და განვითარების ფსიქოლოგიის ძირითადი ტენდენციები, გამოყენებულია მსოფლიო სამეცნიერო კონცეფციები ადამიანთა შორის კონფლიქტური ურთიერთობების მართვის სფეროში.
|
 |
ავტორი: პეტერ მეჰისტო, დევიდ მარში, მარია ხესუს ფრიგოლსი
სათაური: რა არის CLIL? - ენისა და საგნის ინტეგრირებული სწავლება ბილინგვურ და მულტილინგვურ განათლებაში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
აღნიშნულ სახელმძღვანელოში ახსნილია ენისა და საგნის ინტეგრირებული სწავლების (Content And Language Integrated Learnin – CLIL) არსი და გამოკვლეულია იმ პრობლემათა ნაწილი, რომლებიც CLIL-ისთვისაა დამახასიათებელი. ეს არის ორმაგად ორიენტირებული საგანმანათლებლო მიდგომა, რომელშიც მეორე ენა გამოიყენება, როგორც საგნობრივი შინაარსის, ისე ენის სწავლებისათვის.
ნაშრომი დაეხმარება ამ საკითხით დაინტერესებულ ნებისმიერ პირს, ვისაც სურს პრაქტიკულად გააზრება, თუ როგორაა შესაძლებელი საგნობრივი შინაარსისა და მეორე ენის კომბინირება ერთ საგანმანათლებლო გამოცდილებად. ინტეგრირებული სწავლება (CLIL) ხელს უწყობს საგნისა და ენის სწავლის კონვერგენციას.
|
 |
ავტორი: მერაბ ხმალაძე
სათაური: სტატისტიკა ეკონომიკასა და ბიზნესში (ნაწილი პირველი)
გამომცემლობა: მერიდიანი
გამოშვების წელი: 2015
წინამდებარე სახელმძღვანელოში განხილულია თანამედროვე ეკონომიკური სტატისტიკის ისეთი აქტუალური საკითხები, როგორიცაა: ეკონომიკასა და ბიზნესში სტატისტიკის შესწავლის ობიექტი, საგანი და მეთოდი, სტატისტიკური დაკვირვება საბაზრო ეკონომიკის პირობებში, სტატისტიკური დაკვირვების მასალების თავმოყრა და დაჯგუფება ეკონომიკასა და ბიზნესში, სტატისტიკური მონაცემების გრაფიკული გამოსახვა, ეკონომიკასა და ბიზნესში გამოყენებული აბსოლუტური და შეფარდებითი სიდიდეები, საშუალო სიდიდეები, მათი გამოყენება ეკონომიკასა თუ ბიზნესში და ა.შ.
ნაშრომში სისტემატიზებული სახითაა გადმოცემული სტატისტიკური კვლევის მეთოდების განვითარების ისტორია, როგორიცაა: დიდ რიცხვთა კანონის, სტატისტიკური ცხრილების, საშუალო სიდიდეების, შერჩევითი დაკვირვების, კორელაციურ-რეგრესული ანალიზისა და ინდექსების ისტორია.
|
 |
ავტორი: მერაბ ხმალაძე
სათაური: სტატისტიკა ეკონომიკასა და ბიზნესში (ნაწილი მეორე)
გამომცემლობა: მერიდიანი
გამოშვების წელი: 2015
წინამდებარე სახელმძღვანელოში განხილულია თანამედროვე ეკონომიკური სტატისტიკის ისეთი აქტუალური საკითხები, როგორიცაა: შრომის ბაზრის სტატისტიკა, ძირითადი და საბრუნავი კაპიტალის სტატისტიკა, მაკროეკონომიკური სტატისტიკის მაჩვენებელთა სისტემა, საბაზრო კონიუნქტურის სტატისტიკა, საფინანსო-საბანკო სტატისტიკა, ფინანსური ბაზრის სტატისტიკა, ცხოვრების დონისა და საგარეო ეკონომიკური ურთიერთობების სტატისტიკა. კვლევის კონკრეტული სტატისტიკური ანალიზი ეყრდნობა საქართველოს სტატისტიკის ეროვნული სამსახურის ინფორმაციას.
ნაშრომი განკუთვნილია თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისა და მაგისტრანტებისთვის. ის დახმარებას გაუწევს, აგრეთვე დოქტორანტებს, ყველა უმაღლესი სასწავლებლის ეკონომიკური პროფილის სტუდენტებს, პრაქტიკოს სტატისტიკოსებსა და ეკონომისტებს.
|
 |
ავტორი: ი. ი. ამინოვი
სათაური: იურიდიული ფსიქოლოგია
გამომცემლობა: სამართლიანი საქართველო
გამოშვების წელი: 2014
წინამდებარე სახელმძღვანელოში განხილულია იურიდიული ფსიქოლოგიის საფუძვლები: იურიდიული ფსიქოლოგიის, როგორც მეცნიერების დახასიათება, სისხლის სამართლის საქმეების სამართლებრივი, პრევენციული, კრიმინალური, ოპერატიულ-სამძებრო, პენიტენციური ფსიქოლოგიის, დანაშაულებათა გამოძიების ფსიქოლოგიისა და სამართალწარმოების იურიდიული ასპექტები.
ნაშრომში მოცემულია რეკომენდაციები სამართლებრივი და სამართალშეფარდებითი კადრების იურიდიულ-ფსიქოლოგიური მუშაობის გასაუმჯობესებლად. სასწავლო მასალა და მისი გადმოცემის ლოგიკა აგებულია იურისტების მომზადების სპეციფიკისა და მათი მომავალი საქმიანობის ხასიათის გათვალისწინებით.
|
 |
ავტორი:
სათაური: პეტრე მელიქიშვილი - უნივერსიტეტის პირველი რექტორი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე პუბლიცისტური ნარკვევების კრებული ეძღვნება თბილისის სახელმწიფო უნივერსიტეტის ერთერთ დამაარსებელს, დიდ მეცნიერსა და საზოგადო მოღვაწეს, თბილისის სახელმწიფო უნივერსიტეტის პირველ რექტორს პეტრე მელიქიშვილს.
ნაშრომი აერთიანებს პუბლიცისტურ ნარკვევებს, რომლებშიც პეტრე მელიქიშვილის მრავალმხრივი მოღვაწეობის ასპექტებია გაშუქებული და გაანალიზებული.
|
 |
ავტორი: ქეთევან გაფრინდაშვილი, ეთერ ქავთარაძე
სათაური: უკვდავი მეგობრობა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
აღნიშნულ გამოცემაში გამოქვეყნებულია აკაკი წერეთლისა და ივანე ელიაშვილის ურთიერთობის ამსახველი ტექსტები, რომელთა ნაწილი პირველად ქვეყნდება.
აკაკი წერეთლისა და ივანე ელიაშვილის მიმოწერიდან საარქივო მასალებმა შემოინახა აკაკის 16 და ივანე ელიაშვილის 8 წერილი. აკაკის არქივში დაცული ივანე ელიაშვილთან გაგზავნილი მისი 8 წერილი შევიდა მწერლის თხუთმეტტომეულში. ივანე ელიაშვილის არქივში ინახება აკაკის მასთან გაგზავნილი კიდევ 8 წერილი, რომლის ნაწილი გამოქვეყნებულია. დანარჩენი, ივანე ელიაშვილის აკაკისთან გაგზავნილ 8 წერილთან ერთად იბეჭდება პირველად.
|
 |
ავტორი: ხვთისო მამისიმედიშვილი
სათაური: ოსური ფოლკლორი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
ოსი ხალხის კოლექტიური მეხსიერება, მხატვრული აზროვნება, ხანგრძლივი ცხოვრებისეული გამოცდილება და კულტურული იდენტობა ყველაზე მკაფიოდ ფოლკლორულ შემოქმედებაში გამოვლინდა.
ავტორი წიგნში განიხილავს ოსული ფოლკლორის ჟანრობრივ შედგენილობას კონკრეტული ტექსტების ტიპოლოგიური, სტრუქტურული და მხატვრული ანალიზის მიხედვით.
წიგნში ფოლკლორული ჟანრები განხილულია არა განცალკევებით, განყენებულად, არამედ სხვა ჟანრებთან და რაც მთავარია, ყოფასთან კავშირში, როგორც ერთიანი შემოქმედების ორგანული ნაწილი.
|
 |
ავტორი: მანანა კვაჭაძე, ქეთევან მეგრელიშვილი
სათაური: საკითხავი წიგნი სპარსულში II
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
აღნიშნული წიგნი მოიცავს, ძირითადად, კულტუროლოგიული ხასიათის ტექსტებს, მასში შესულია სხვადასხვა დროს სხვადასხვა ავტორის მიერ გამოქვეყნებული სამეცნიერო ნაშრომები და გამოკვლევები მსოფლიოს ხალხთა ისტორიის, გეოგრაფიის, კულტურისა და ყოფის საკითხებზე.
,,საკითხავი წიგნი სპარსულში II’’ განკუთვნილია ირანისტიკის განყოფილების ბაკალავრიატისა და მაგისტრანტებისათვის. იგი დიდ დახმარებას გაუწევს აგრეთვე სპარსული ენის შესწავლით დაინტერესებულ ყველა პირს.
|
 |
ავტორი: ოთარ ბაქანიძე, ლადო მინაშვილი
სათაური: ჩემი ხატია სამშობლო...
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე გამოცემა ეძღვნება დიდი ქართველი მწერლის - აკაკი წერეთლის დაბადებიდან 175 და გარდაცვალებიდან 100 წელს.
წიგნში განხილულია აკაკი წერეთლის ცხოვრება და მოღვაწეობა, მისი ამაგი ქართული ლიტერატურისა და საერთოდ ქართველი ხალხის წინაშე.
ცალკე თავი ეძღვნება უკრაინაში აკაკი წერეთლის ცხოვრებასა და შემოქმედებით მოღვაწეობას, უკრაინული ლიტერატურის უდიდეს წარმომადგენელთან - ტარას შევჩენკოსთან მის შეხვედრა-საუბარს, ქართველი მგოსნის სიყვარულსა და პატივისცემას უკრაინელი კობზარის მიმართ.
|
 |
ავტორი:
სათაური: აკადემიკოს პაატა გუგუშვილის დღიურები და მოგონებები
გამომცემლობა: პაატა გუგუშვილის ეკონომიკის ინსტიტუტის გამომცემლობა
გამოშვების წელი: 2015
წინამდებარე წიგნში პირველად იბეჭდება გამოჩენილი ქართველი მეცნიერის, პედაგოგისა და საზოგადო მოღვაწის, აკადემიკოს პაატა გუგუშვილის მოგონებები და დღიურების ნაწილი, რითაც საზგოადოების ფართო წრისათვის ცნობილი გახდება მისი მემკვიდრეობის კიდევ ერთი მხარე.
აკადემიკოს პაატა გუგუშვილის მეცნიერული თვალსაწიერი მეტად ფართოა. მისი ნაშრომები ეძღვნება პოლიტიკური ეკონომიის, საქართველოსა და ამიერკავკასიის ეკონომიკური განვითარების, სოციოლოგიის, დემოგრაფიის, ჟურნალისტიკის, ეკონომიკური აზრის ისტორიის პრობლემებს.
|
 |
ავტორი: ქეთევან მანჯგალაძე, გრიგოლ სოხაძე, ომარ ფურთუხია
სათაური: გამოყენებითი სტატისტიკის საფუძვლები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე სახელმძღვანელო მოიცავს აღწერითი (დესკრიფციული) სტატისტიკის, ალბათობის თეორიის და სტატისტიკური დასკვნების თეორიის მნიშვნელოვან ასპექტებს. მასში თვალსაჩინოდაა გადმოცემული ის ძირითადი საკითხები, რომლებიც ყველაზე უფრო ხშირად გვხვდება თანამედროვე გამოყენებით კვლევებში.
|
 |
ავტორი: ლევან ალექსიძე, იამზე გაგუა, მაია დანელია, ეკატერინე კობახიძე, ნინო რუხაძე
სათაური: ლათინური იურიდიული ტერმინოლოგია
გამომცემლობა: მერიდიანი
გამოშვების წელი: 2015
ნაშრომის ძირითად ნაწილში - ლათინური იურიდიული ტერმინოლოგია - წარმოდგენილია ლათინურ იურიდიულ ტერმინთა განმარტება და წარმომავლობის ისტორია. ტერმინის წაკითხვისას უზუსტობის თავიდან ასაცილებლად ლათინურ ტერმინს ახლავს ტრანსკრიფცია. ტერმინს მისადაგებული აქვს ქართული ეკვივალენტი. საჭიროებისამებრ დამოწმებულია ტერმინის პირველწყარო, მოცემულია ტერმინის რომის სამართალსა და ქართულ სამართლებრივ აქტებსა და წყაროებში დადასტურების შესახებ ინფორმაცია.
ნაშრომს დართული აქვს თავი - რომაელი იურისტები და კანონმდებლები - სადაც თავმოყრილია მოკლე ინფორმაცია იმ ცნობილი სამართალმცოდნეების, საზოგადო და პოლიტიკური მოღვაწეების შესახებ, რომლებსაც მნიშვნელოვანი წვლილი მიუღვით რომის სამართლის ისტორიაში.
დანართში წარმოდგენილია გრამატიკული ცნობარი, რაც აადვილებს ლათინური ტერმინების, ფორმულებისა და გამონათქვამების სრულყოფილად და სწორად გაგებას.
|
 |
ავტორი: ზაალ კიკვიძე
სათაური: სოციოლინგვისტიკური ნარკვევები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე წიგნი წარმოადგენს ათი სოციოლინგვისტიკური ნარკვევისაგან შემდგარ კრებულს. ამ ნარკვევების უმრავლესობის ადრინდელი რედაქციები გამოქვეყნებულია სამეცნიერო გამოცემებში და წაკითხულია საერთაშორისო კონფერენციებსა თუ სიმპოზიუმზე. წიგნში შეტანილი ნარვევები თანამედროვე სოციოლინგვისტიკის აქტუალურ პრობლემებს ეხება.
|
 |
ავტორი: რაინერ კლუმპი
სათაური: ეკონომიკური პოლიტიკა - მიზნები, ინსტრუმენტები და ინსტიტუციები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე სახელმძღვანელოს მიზანია წარმოაჩინოს პრაქტიკული ეკონომიკური პოლიტიკისათვის განსაკუთრებით მნიშვნელოვანი თანმიმდევრული მიდგომების მაქსიმალურად დიდი რაოდენობა.
პრაქტიკული მაგალითები, რომლებიც განხილულია ყველა თავში, ასახავს გერმანულ ან ევროპულ ეკონომიკურ პოლიტიკას.
წიგნს საფუძვლად უდევს ეკონომიკური პოლიტიკის ლექციათა სერია, რომელსაც ავტორი წლების განმავლობაში კითხულობდა ვიურცბურგის, ულმის, მაინის ფრანკფურტის, ლიონის და დარმშტადტის უნივერსიტეტებში.
|
 |
ავტორი: ლერი შვაიკარტი, დეივ დოქერტი, მაიკლ ალენი
სათაური: პატრიოტთა ისტორიის მასალები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე გამოცემა არის ქრონოლოგიურად დაწყობილი დოკუმენტების კრებული, რომლებშიც გაშუქებულია ის მთავარი საკვანძო საკითხები და იდეები, რომელთაც ამერიკის ისტორიის მსვლელობას მისცეს გეზი.
წიგნის მიზანია მკითხველებს გააცნოს დოკუმენტების პირველწყარო, რაც მათ დაეხმარება ,,ამერიკის შეერთებული შტატების პატრიოტთა ისტორიაში’’ გადმოცემული იდეებისა პრინციპების უკეთ გააზრებაში.
|
 |
ავტორი: ვალტერ ნიკოლსონი, ქრისტოფერ სნაიდერი
სათაური: მიკროეკონომიკის თეორია (ძირითადი პრინციპები და გავრცობა)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე სახელმძღვანელოს ძირითად მეთოდს მათემატიკური ინსტრუმენტების დახმარებით ეკონომიკურ მოდელებზე ინტუიციის აგება წარმოადგენს. წიგნში გამოყენებულია მარტივი რიცხვითი მაგალითები, შედარებით რთული ამოცანები და მათი ემპირიული გამოყენება, მისი მიზანია აჩვენოს სტუდენტებს მიკროეკონომიკის თეორიის გამოყენება დღეისათვის. ახალმა გამოგონებებმა ეს სფერო მეტად საინტერესო გახადა.
გამოცემას თანდართული აქვს ორი დამხმარე საშუალება: ამონახსნების სახელმძღვანელო და ლექციების პრეზენტაციების სლაიდები.
სახელმძღვანელოში დამატების სახით შესულია სამი ახალი თავი: თამაშთა თეორიის ცნებების გაფართოებული და მაღალი დონის განხილვა, სამრეწველო ორგანიზების თეორიის მოდელების საფუძვლიანი გარდაქმნა და მათი გაფართოება, ასევე, სრულიად ახალი თავი ასიმეტრიულ ინფორმაციაზე, რომელიც ფოკუსირებას ახდენს უფროსი-ქვეშევრდომის ამოცანასა და თანამედროვე ხელშეკრულების თეორიაზე.
|
 |
ავტორი: ქეთევან ერემაძე
სათაური: დემოკრატიის გამოწვევები და საკონსტიტუციო სასამართლოს როლი დემოკრატიის ძიების პროცესში
გამომცემლობა: იურისტების სამყარო
გამოშვების წელი: 2015
წინამდებარე სახელმძღვანელოში ყურადღება გამახვილებულია საკონსტიტუციო სასამართლოს საქმიანობის მხოლოდ ერთ ასპექტზე, კერძოდ კი, მის როლზე დემოკრატიის ძიების პროცესში ისეთი ფუნდამენტის შექმნაში, როგორიცაა კანონის წინაშე თანასწორობის უფლების ნამდვილი არსით ქმედითობის უზრუნველყოფა. ნაშრომში გაანალიზებულია საქართველოს საკონსტიტუციო სასამართლოს მიერ დადგენილი სტანდარტები, კრიტერიუმები, შეფასების გზები, რომლებიც სასამართლომ თანდათანობით დანერგა კანონის კონსტიტუციურობის შეფასებისას საქართველოს კონსტიტუციის მე-14 მუხლთან მიმართებით.
წიგნი გათვალისწინებულია სტუდენტებისთვის, მეცნიერებისთვის და პრაქტიკოსი იურისტებისთვის, ასევე, საკონსტიტუციო სასამართლოს საქმიანობით დაინტერესებული მკითხველი საზოგადოებისთვის.
|
 |
ავტორი: დიანა ბერეკაშვილი, მზია თოდუა, სოფო ჩაჩავა, ზურაბ ძლიერიშვილი
სათაური: კაზუსის ამოხსნის მეთოდიკა სამოქალაქო სამართალში - თანდართული კაზუსის ნიმუშებით
გამომცემლობა: გერმანიის საერთაშორისო თანამშრომლობის საზოგადოება
გამოშვების წელი: 2015
სახელმძღვანელოში ძირითადი აქცენტი დასმულია პრაქტიკულ მითითებებზე იურიდიული კაზუსების დამუშავებისას - რომელშიც ახსნილია, თუ როგორ უნდა მოხდეს საწყის ეტაპზე ფაბულის დამუშავება, როგორ უნდა გამოვიყენოთ განმარტებული სამართლის ნორმა, ან როგორ უნდა მოხდეს იურიდიული პრობლემების ირგვლივ არსებული დაპირისპირების სწორად წარმოდგენა და გადაწყვეტა. ამასთან, მოცემულია საკითხის განხილვის სტრუქტურა და მექანიზმი, როგორიცაა მოთხოვნის უფლების საფუძვლები სამოქალაქო სამართალში.
|
 |
ავტორი: ირაკლი დვალიძე, გიორგი თუმანიშვილი, ნინო გვენეტაძე
სათაური: კაზუსის ამოხსნის მეთოდიკა სისხლის სამართალში - თანდართული კაზუსის ნიმუშებით
გამომცემლობა: გერმანიის საერთაშორისო თანამშრომლობის საზოგადოება
გამოშვების წელი: 2015
წინამდებარე სახელმძღვანელო წარმოადგენს კანონის პრაქტიკულ შემთხვევებზე გამოყენებისა და მორგების მეთოდოლოგიას სისხლის სამართალში და ხაზს უსვამს უპირველეს ყოვლისა, ამ მეთოდოლოგიის გამოყენებას იურიდიული კაზუსების განხილვისას.
სახელმძღვანელოს მეორე ნაწილი მოიცავს მთელ რიგ კაზუსებს მაგალითის სახით და მათ ამოხსნებს, რაც იძლევა იმის შესაძლებლობას რომ სწავლებისას მოხდეს მათი ერთობლივად განხილვა და გააზრება.
|
 |
ავტორი:
სათაური: სამართლისა და პოლიტიკური აზროვნების ისტორიის ნარკვევები - წიგნი III
გამომცემლობა: მერიდიანი
გამოშვების წელი: 2015
წინამდებარე ნაშრომი ეძღვნება ცნობილი ქართველი იურისტის, მეცნიერების დამსახურებული მოღვაწის, პროფესორ ივანე სურგულაძის ხსოვნას.
აღნიშნულ წიგნში მკითხველი პირველად გაეცნობა, მეცნიერის დღემდე გამოუქვეყნებელ ნაშრომს: ,,ნასყიდობის ინსტიტუტი VI-X საუკუნეებში’’. გამოცემაში თავმოყრილია აგრეთვე, საგანგებოდ ბატონ ივანეს ხსოვნის პატივსაცემად ქართველი მეცნიერების მიერ, მოწოდებული ოცზე მეტი დღემდე გამოუქვეყნებელი სამეცნიერო ნაშრომი, ძირითადად, სამართლისა და პოლიტიკური აზროვნების ისტორიის მიმართულების.
|
 |
ავტორი: დავით პატარაია
სათაური: საერთაშორისო ურთიერთობები, დისციპლინა და თეორია
გამომცემლობა: არეტე
გამოშვების წელი: 2015
წინამდებარე ნაშრომში საუბარია საერთაშორისო ურთიერთობების დისციპლინასა და თეორიაზე. მასში განხილულია საერთაშორისო ურთიერთობების დისციპლინის წინაშე მდგომი თითქმის ყველა პრობლემა, სრულფასოვნადაა გაანალიზებული მრავალი დიდი მოაზროვნის შეხედულებები და ქმნილებები.
წიგნი საინტერესოა როგორც საერთაშორისო ურთიერთობების, ასევე საერთაშორისო სამართლის სტუდენტებისა და სპეციალისტებისათვის.
|
 |
ავტორი: პატრიკ მოდიანო
სათაური: დორა ბრუდერი
გამომცემლობა: აგორა
გამოშვების წელი: 2015
პატრიკ მოდიანო თანამედროვე ფრანგი მწერალია. მას დაწერილი აქვს ოცდაათამდე რომანი, რომლებიც 36 ენაზეა თარგმნილი. მიღებული აქვს საფრანგეთის პრესტიჟული ლიტერატურული პრემიები, მათ შორის გონკურის პრემია და საფრანგეთის აკადემიის გრან პრი საუკეთესო რომანისთვის.
,,დორა ბრუდერი’’ ბიოგრაფიული რომანის ჟანრს მიეკუთვნება. მასში მოთხრობილია 15 წლის გოგონას ისტორია, რომელიც პარიზიდან ოსვენციმის ბანაკში მოხვდება. აღნიშნული წიგნისთვის ავტორს 2014 წელს ნობელის პრემია მიენიჭა ლიტერატურის დარგში.
|
 |
ავტორი:
სათაური: ადამიანის უფლებათა დაცვა და სამართლებრივი რეფორმა საქართველოში
გამომცემლობა: გერმანიის საერთაშორისო თანამშრომლობის საზოგადოება
გამოშვების წელი: 2014
წინამდებარე კრებულში თავმოყრილია სხვადასხვა ავტორის მოსაზრებები საქართველოში ადამიანის უფლებათა დაცვის მდგომარეობის გაუმჯობესებისათვის გასატარებელი ღონისძიებების შესახებ. ამიტომ ამ ნაშრომების გაცნობა დაეხმარება მკითხველს, გაანალიზოს და განჭვრიტოს, რამდენად ეფექტიანი იქნება ადამიანის უფლებათა დაცვის ესა თუ ის მექანიზმი საქართველოში, როგორ უნდა შეიცვალოს ქვეყნის კანონმდებლობა და პრაქტიკა, რათა უზრუნველყოფილი იყოს მათი შესაბამისობა ევროპულ და საერთაშორისო სტანდარტებთან.
|
 |
ავტორი: ჯეიმზ დაშნერი
სათაური: ცეცხლით გამოცდა - ლაბირინთში მხოლოდ დასაწყისი იყო
გამომცემლობა: პალიტრა L
გამოშვების წელი: 2015
"ცეცხლით გამოცდა" ჯეიმზ დაშნერის ტრილოგიის რიგით მეორე წიგნია, (პირველი წიგნია - ,,ლაბირინთში მორბენალი’’) რომელიც 2010 წელს გამოიცა. მასში მოვლენები მას შემდეგ ხდება, რაც ბიჭები ლაბირინთიდან თავს აღწევენ და გამოცდის მეორე ეტაპზე გადადიან. წიგნში ისინი ცდილობენ იპოვონ წამალი მომაკვდინებელი ვირუსისთვის. ისინი უამრავ დაბრკოლებას აწყდებიან გზად და საშინელი კლიმატური პირობებიც უშლით ხელს.
|
 |
ავტორი: ჯ.რ.რ. ტოლკინი
სათაური: სილმარილიონი
გამომცემლობა: პალიტრა L
გამოშვების წელი: 2015
,,სილმარილიონი’’, სამყაროს ადრეული დღეების, ანუ პირველი ეპოქის მატიანეა. მასში მოთხრობილი ამბები ლეგენდებია იმ უხსოვარი წარსულისა, როცა მორგოთი, პირველი ბნელი მეუფე შუახმელეთში სახლობდა და მოპარული სილმარილების დასაბრუნებლად მას უზენაესი ელფები ეომებოდნენ.
წიგნს თან ერთვის ელფური სახელების მნიშვნელობებისა და მათი შემადგენელი ნაწილების ნუსხა.
|
 |
ავტორი: მიშელ ბიუტორი
სათაური: საფეხურები
გამომცემლობა: პალიტრა L
გამოშვების წელი: 2015
მიშელ ბიუტორმა თავისი უკანასკნელი, მეოთხე რომანი - ,,საფეხურები’’ 1960 წელს გამოაქვეყნა. ეს ნაწარმოები ექსპერიმენტია: რეალურად არსებული მსოფლიოს ევროპული აღქმის ფარგლებს რომ გასცდე, იმავდროულად რომანის მანამდე არსებული ფორმები და საზღვრებიც უნდა დატოვო. ბიუტორის ყოველი რომანი მუსიკალურ ნაწარმოებს ჰგავს - მათში ჩანს პოლიფონიურობა. ,,საფეხურებში’’ სამი პერსონაჟი თავისი მონათხრობით ახალ-ახალი ნიუანსებით ავსებს მოსაყოლ ამბავს. მათი ხმები ხან უნისონში ჟღერს, ხან ვარიაციების სახით ისმის.
|
 |
ავტორი: გეილ ფორმანი
სათაური: თუ დავრჩები
გამომცემლობა: პალიტრა L
გამოშვების წელი: 2015
,,თუ დავრჩები’’ ახალგაზრდა ამერიკელი მწერლის გეილ ფორმანის რომანია, რომელიც 2009 წელს გამოიცა და გამოსვლისთანავე მსოფლიო ბესტსელერად იქცა. წიგნში მოთხრობილია 18 წლის გოგონას, მიას ისტორია, რომელსაც ჰყავს მუსიკალური ოჯახი, მამა როკერი, დედა კი მისი მსმენელი. მას ყველაფერი აქვს იმისთვის, რომ ბედნიერი იყოს - ოჯახისა და წარმატებული კარიერის ჩათვლით. თუმცა ეს არის ისტორია იმ ორ შესაძლებლობას შორის არჩევანის გაკეთებაზე, რომელთაგან არც ერთი არ არის მარტივი. ეს არის რომანი სიყვარულზე, ოჯახზე, დანაკარგსა და განსაცდელის დაძლევაზე.
|
 |
ავტორი: მარკუს ზუზაკი
სათაური: წიგნის ქურდი
გამომცემლობა: პალიტრა L
გამოშვების წელი: 2015
,,წიგნის ქურდი’’ მოგვითხრობს პატარა გოგონას - 9 წლის ლიზელის ისტორიას, რომელიც დედობილ-მამობილთან ერთად გერმანიაში, ჰიმელ-სტრიტზე ცხოვრობს, მისი მშობლები საკონცენტაციო ბანაკში გაგზავნეს. გოგონა წიგნებს იპარავს, კითხულობს და ბოლოს, თვითონ იწყებს წერას, ეს არის ამბავი ლიზელსა და მის მეზობლებზე - ეს ჰიმელ-სტრიტის დაბომბვის ისტორიაა.
რომანში აღწერილი მოვლენები მეორე მსოფლიო ომის პარალელურად ვითარდება.
|
 |
ავტორი: როზეტა ასათიანი
სათაური: XX საუკუნის მსოფლიო ეკონომიკის კონცეპტუალური ანალიზი და საქართველოს ეკონომიკური პორტრეტი
გამომცემლობა: სიახლე
გამოშვების წელი: 2015
წინამდებარე ნაშრომში ძირითადად განხილულია XX საუკუნის მსოფლიო ეკონომიკა ზოგადი ეკონომიკური თეორიისა და მასთან დაკავშირებული ეკონომიკური პოლიტიკის წარმოშობა-განვითარების გაანალიზების საფუძველზე. ამასთან, იმის გათვალისწინებით, რომ აღნიშნული პერიოდის ტრანსფორმაციული პროცესები არ ყოფილიყო მოწყვეტილი წინა თუ შემდგომი პერიოდებისგან, შესავალში ცალკე საკითხებად არის განხილული ეკონომიკის, როგორც მეცნიერებისა და მასთან ორგანულ კავშირში მყოფი მსოფლიო ეკონომიკური პოლიტიკის გენეზისის მოკლე ისტორია.
აღნიშნული ნაშრომი გამოირჩევა პრობლემების ხედვის მასშტაბურობით, განხილვის მრავალმხრივობით, ეკონომიკური განვითარების, პრობლემების როლისა და მნიშვნელობის ლოგიკური ახსნით. მასში ახლებურადაა განხილული XX საუკუნეში მსოფლიო ეკონომიკის განვითარების თავისებურებები, ტენდენციები და კანონზომიერებები.
|
 |
ავტორი:
სათაური: შრომის სამართლის უახლესი ცვლილებების სამართლებრივი ასპექტები
გამომცემლობა: გერმანიის საერთაშორისო თანამშრომლობის საზოგადოება
გამოშვების წელი: 2014
2013 წლის ივნისში ძალაში შევიდა საქართველოს შრომის კოდექსის არაერთი საკანონმდებლო ცვლილება, რომლებმაც ახლებურად დაარეგულირეს ისეთი უმნიშვნელოვანესი საკითხები, როგორიცაა: შრომის ხელშეკრულების დადება, მისი ფორმა და შინაარსი, შრომის ხელშეკრულების შეწყვეტის საფუძვლები, ზეგანაკვეთური სამუშაო დრო და მისი ანაზღაურების წესი.
განხორციელებული ცვლილებების ანალიზისათვის გერმანიის საერთაშორისო თანამშრომლობის სამართლის პროგრამისა და ივანე ჯავახიშვილის სახელობის თბილისის სახელმწიფო უნივერსიტეტის თანამშრომლობის ფარგლებში გაიმართა კონფერენცია თემაზე - ,,შრომის სამართლის უახლესი ცვლილებების სამართლებრივი ასპექტები’’.
კრებულში დეტალურად არის გაანალიზებული შრომის კოდექსის ესა თუ ის ცვლილება და მისი შესაძლო სამართლებრივი შედეგები.
|
 |
ავტორი:
სათაური: ცოცხალი ორგანიზაციული სტრუქტურები
გამომცემლობა: პალიტრა L
გამოშვების წელი: 2015
წინამდებარე წიგნი მოიცავს ორგანიზაციული სტრუქტურების შექმნასთან, დანერგვასა და მის განვითარებასთან დაკავშირებულ ძირითად თემებს, რომელიც ეფუძნება საკონსულტაციო კომპანია ,,სინერჯი ჯგუფის’’ მრავალწლიან გამოცდილებას. წიგნში შესული სტატიები რეალური, ქართული ორგანიზაციების მაგალითებზე დაფუძნებით მომზადდა.
წიგნი განკუთვნილია როგორც კომერციულ, ისე არაკომერციულ და საჯარო სექტორში მოღვაწე ორგანიზაციების უმაღლესი და საშუალო რგოლის მენეჯერებისთვის. ასევე მომავალი მენეჯერებისთვის.
|
 |
ავტორი: ლუკა ბაქანიძე
სათაური: მესამე ნაპირი
გამომცემლობა: პალიტრა L
გამოშვების წელი: 2014
,,მესამე ნაპირი’’ ახალგაზრდა მწერლის ლუკა ბაქანიძის სადებიუტო რომანია.
როგორც თავად წიგნის ავტორი ამბობს, “მესამე ნაპირი“ უცხო ნაპირია. ეს არის სამყარო, რომელიც ძალიან შორსაა და ძალიან ახლოს ადამიანებისგან. რომანის მთავარი გმირია ახალგაზრდა ბიჭი, რომელიც სხვა მოზარდების მსგავსად ცხოვრობს, მაგრამ უეცრად, ცხოვრებისეულ დაბრკოლებას აწყდება.. სწორედ აქედან იწყება ნაწარმოების მთავარი სიუჟეტური ხაზი...
|
 |
ავტორი: ალექსანდრე ახალკაცი
სათაური: გამოცდა ხელბორკილით
გამომცემლობა: პალიტრა L
გამოშვების წელი: 2015
ალექსანდრე ახალკაცის ჩანაწერები ,,გამოცდა ხელბორკილით’’ წიგნად შეკრული რეალური ამბები - ავტობიოგრაფიული ქრონიკებია, რომელთაც ავტორი ჯერ პატიმრობისას წერდა, შემდეგ კი სისტემატურად აქვეყნებდა პერიოდიკაში.
წიგნში ორი საკვანძო მომენტია: ერთი მხრივ, პატიმრობისწინა, ანუ რეჟიმის წინააღმდეგ ბრძოლის ბატალიები და, მეორე მხრივ, პატიმრობა და ციხის სინამდვილე.
|
 |
ავტორი: ჯეიმზ პეტერსონი
სათაური: ობობას გამოჩენა
გამომცემლობა: პალიტრა L
გამოშვების წელი: 2015
,,ობობას გამოჩენა’’ ცნობილი ამერიკელი მწერლის, დეტექტიური ჟანრის უმაღლესი ჯილდოს ,,ედგარ ალან პოს პრემიის’’ მფლობელის ჯეიმზ პეტერსონის გახმაურებული რომანია, რომელიც პირველად 1993 წელს გამოქვეყნდა.
რომანის მთავარი გმირია გამომძიებელი ალექს კროსი, იგი ცდილობს ბავშვების გამტაცებელი ბოროტმოქმედი გარი სონეჯი დააკავოს.
|
 |
ავტორი: ჰოლი სმეილი
სათაური: გიკი გოგო
გამომცემლობა: პალიტრა L
გამოშვების წელი: 2015
,,გიკი გოგო’’ ახალგაზრდა ბრიტანელი მწერლის ჰოლი სმეილის სადებიუტო წიგნია, რომელიც 2013 წელს გამოვიდა და გამოსვლისთანავე მსოფლიო ბესტსელერად იქცა. წიგნის მთავარი გმირი ახალგაზრდა სკოლის მოსწავლე გოგონაა, რომელსაც სურს ერთ დღეს ყველაფერი შეცვალოს თავის ცხოვრებაში.
|
 |
ავტორი: ელიზაბეტ კენდელი
სათაური: ბალანჩინი და მისი დაკარგული მუზა
გამომცემლობა: დიოგენე
გამოშვების წელი: 2014
წინამდებარე წიგნი XX საუკუნის წარმოშობით ქართველი ქორეოგრაფის, ჯორჯ ბალანჩინის დაბადებიდან 110 წლის აღსანიშნავად ითარგმნა.
ეს არის პირველი ქართული გამოცემა ბალანჩინის ცხოვრებისა და შემოქმედებითი გზის შესახებ. მასში ვრცლადაა მოთხრობილი ჯორჯ ბალანჩინის ოჯახის ისტორია, მამის - მელიტონ ბალანჩივაძის, დედის - მარიას, დის - თამარისა და ძმის - ანდრიას შესახებ. წიგნის ავტორმა, ელიზაბეტ კენდელმა გამოიყენა ბალანჩინის თანამედროვეთა მემუარები და იმდროინდელი პუბლიკაციები. ასევე, რუსეთის, ფინეთის, ამერიკისა და საქართველოს არქივებში ჩატარებული კვლევის შედეგად მოპოვებული მასალა.
გამოცემა ეძღვნება ცისკარა ბალანჩივაძესა და ქეთი მაჭავარიან-ბალანჩივაძეს, ასევე პიანისტის, კომპოზიტორისა და მხატვრის ჯარჯი ბალანჩივაძის ხსოვნას (1941-2011).
|
 |
ავტორი: სტივენ კინგი
სათაური: ბნელი კოშკი - სამის გამორჩევა
გამომცემლობა: დიოგენე
გამოშვების წელი: 2015
ამერიკელი მწერლის, სტივენ კინგის რომანების ციკლი ,,ბნელი კოშკი’’ სამეცნიერო ფანტასტიკის ჟანრს მიეკუთვნება. ,,სამის გამორჩევა’’ ტრილოგიის მეორე წიგნია. პირველი წიგნის ,,მსროლელის’’ ბოლოს შავსამოსიანი კაცი როლანდს ტაროს კარტით უმკითხავებს და მომავალს უწინასწარმეტყველებს. იგი როლანდს ყურადღებას სამ უჩვეულო კარტზე - ,,პატიმარზე’’, ,,ჩრდილების ქალბატონზე’’ და ,,სიკვდილზე’’ ამახვილებინებს. ,,სამის გამორჩევა’’ სწორედ ამ წინასწარმეტყველების ახდენაზე მოგვითხრობს - როლანდის მეორე ნაბიჯზე კოშკის ძიების რთულსა და ხიფათით სავსე გზაზე.
|
 |
ავტორი: ჰერმან ბროხი
სათაური: მთვარეულები
გამომცემლობა: დიოგენე
გამოშვების წელი: 2015
,,მთვარეულები’’ ცნობილი ავსტრიელი მწერლის, ჰერმან ბროხის (1886-1951) პირველი ფილოსოფიური რომანი-ტრილოგიაა. მწერალმა, მეცხრამეტე საუკუნის ბოლოსა და მეოცე საუკუნის დასაწყისის გერმანიის მაგალითზე, მოახერხა არა მხოლოდ აღეწერა და გაეანალიზებინა ეპოქათა ცვლის პროცესი, არამედ წინასწარ ეწინასწარმეტყველა ის ახალი რეალობა, რომელიც ევროპულ ფასეულობათა შეუქცევადი ცვლის შედეგად დადგებოდა. ავტორმა ლიტერატურულ ღირსებებთან ერთად, რომანი საეტაპო მნიშვნელობის ნაწარმოებად აქცია.
|
 |
ავტორი: სალმან რუშდი
სათაური: ეშმაკეული აიები
გამომცემლობა: დიოგენე
გამოშვების წელი: 2015
სალმან რუშდი ცნობილი ინდოელი მწერალი და ესეისტია. ამჯერად მოღვაწეობს დიდ ბრიტანეთში. 1981 წელს გახდა ბუკერის პრემიის ლაურეატი. მის შემოქმედებაში განსაკუთრებული ადგილი უკავია წინააღმდეგობრივ ისტორიებს აღმოსავლეთსა და დასავლეთს შორის, მათ შორის კავშირებსა და მიგრაციებს.
,,ეშმაკეული აიები’’ მწერლის ერთ ერთი გახმაურებული რომანია, რომელიც 1989 წელს გამოიცა.
|
 |
ავტორი: ელის მანრო
სათაური: ძვირფასი სიცოცხლე
გამომცემლობა: დიოგენე
გამოშვების წელი: 2013
,,ძვირფასი სიცოცხლე’’ ცნობილი კანადელი მწერლისა და ნობელის პრემიის ლაურეატის ელის მანროს ბოლოდროინდელი მოთხრობების კრებულია. იგი ავტორის ბოლო წიგნია. 2013 წელს ელის მანრომ განაცხადა, რომ წერას თავს ანებებს.
|
 |
ავტორი: სალმან რუშდი
სათაური: ჯოზეფ ანტონი - მემუარები
გამომცემლობა: დიოგენე
გამოშვების წელი: 2015
წინამდებარე წიგნში ავტორი პირველად ყვება სიტყვის თავისუფლებისათვის გადატანილი რთული ბრძოლის ყველა წვრილმანს - როგორ ცხოვრობდა პოლიციელებთან ერთად ერთ ჭერქვეშ, როგორ ცდილობდა მთავრობის მხრიდან თანადგომისათვის მიეღწია, რა აურთიერთობა ჰქონდა სპეცსამსახურებთან, გამომცემლობებთან, ჟურნალისტებთან თუ თანამოკალმეებთან, როგორ მოახერხა კვლავ მოეპოვებინა თავისუფლება და ა.შ.
|
 |
ავტორი: ფილიპ როთი
სათაური: ამერიკული პასტორალი
გამომცემლობა: დიოგენე
გამოშვების წელი: 2014
,,ამერიკული პასტორალის’’ ავტორია ამერიკელი მწერალი ფილიპ როთი, რომელსაც 1998 წელს აღნიშნული რომანისთვის პულიცერის პრემია მიენიჭა. წინამდებარე რომანის მთავარი გმირია სეიმურ ლევოვი, მეტსახელად „შვედი“, რომელიც ყოველმხრივ სანიმუშო ადამიანის ცხოვრებით ცხოვრობს. თუმცა ერთ დღეს კომუნისტური იდეებით გატაცებული, მშობლებისა და სახელმწიფოს წინააღმდეგ აჯანყებული „შვედის“ თექვსმეტი წლის გოგონა ყველაფერს თავდაყირა აყენებს...
|
 |
ავტორი: აბო იაშაღაშვილი
სათაური: როიალ-მერი
გამომცემლობა: დიოგენე
გამოშვების წელი: 2015
,,როიალ-მერი’’ აგრძელებს აბო იაშაღაშვილის სადებიუტო რომან ,,ოსმალური მარშით’’ დაწყებულ საფათერაკო ციკლს მე-19 საუკუნის ტფილისზე. პერსონაჟების ნაწილი ერთ დროს ნამდვილად არსებული ადამიანებია, წიგნში აღწერილი ზოგიერთი ფაქტი კი მართლაც მოხდა. რომანში ერთმანეთს ენაცვლება ალუზიები და ისტორიული ამბები.
|
 |
ავტორი: დანიელ პენაკი
სათაური: სკოლის სევდა
გამომცემლობა: დიოგენე
გამოშვების წელი: 2015
ცნობილი ფრანგი მწერლის დანიელ პენაკის აღნიშნული წიგნი ავტობიოგრაფიულია და მისი ცხოვრების იმ პერიოდებზე მოგვითხრობს, რომლებიც მან სკოლაში გაატარა, ჯერ როგორც მოსწავლემ და შემდეგ - როგორც წარმატებულმა მასწავლებელმა.
წიგნში ცოცხლად და საინტერესოდ არის გადმოცემული ის მტკივნეული განცდები, რომელთა გადატანაც მოსწავლეს უხდება სკოლის კედლებში. პრობლემები, რომლებსაც მასწავლებელი და მშობელი აწყდებიან ბავშვის აღზრდისა და სწავლების პროცესში.
|
 |
ავტორი: პოლ ოსტერი
სათაური: ილუზიების წიგნი
გამომცემლობა: დიოგენე
გამოშვების წელი: 2015
აღნიშნული რომანის მთავარი გმირი პროფესორი დევიდ ზიმერი ღრმა დეპრესიით იტანჯება მას შემდეგ, რაც ავიაკატასტროფის შედეგად მეუღლე და შვილები დაკარგა. იგი ნახულობს ფილმს მუნჯი კინოს ერთ დროს ცნობილი მსახიობის ჰექტორ მანის მონაწილეობით, რომელიც 1929 წელს უკვალოდ გაუჩინარდა. ზიმერი იწყებს მოგზაურობას ამერიკასა და ევროპაში, რათა მოიძიოს იშვიათი ფილმები მანის მონაწილეობით და მსახიობის შესახებ წიგნი დაწეროს. ერთ დღეს იგი უცნაურ წერილს იღებს, რომლიდანაც შეიტყობს, რომ მსახიობი ჰექტორ მანი ცოცხალია და მასთან შეხვედრა სურს...
|
 |
ავტორი: სტივენ კინგი
სათაური: კერი
გამომცემლობა: დიოგენე
გამოშვების წელი: 2015
,,კერი’’ ცნობილი ამერიკელი მწერლის, სტივენ კინგის პირველი გამოქვეყნებული რომანია. რომანის მთავარი გმირია ყველასგან გარიყული - კერიეტ უაიტი. ნაწარმოების სიუჟეტი სწორედ მის ტრაგიკულ ისტორიაზეა აგებული. თუმცა, ბედს შეგუებული კერი, ერთ დღეს მოულოდნელად აღმოაჩენს, რომ შეუძლია საკუთარი ცხოვრება უკეთესობისკენ შეცვალოს...
|
 |
ავტორი: ჯეკ კერუაკი
სათაური: დჰარმის მაწანწალები
გამომცემლობა: დიოგენე
გამოშვების წელი: 2015
აღნიშნული წიგნი მწერალმა პირველად 1958 წელს გამოაქვეყნა. ერთი წლით ადრე მისივე ავტორობით, რომანი ,,გზაზე’’ გამოიცა, რომლის ერთგვარ გაგრძელებასაც წარმოადგენს - ,,დჰარმის მაწანწალები’’. ეს რომანი, ისევე, როგორც ,,გზაზე’’, ავტობიოგრაფიულია - გმირების უმრავლესობას რეალური პროტოტიპი ჰყავს. ნაწარმოების მთავარი გმირი - ბუდიზმით გატაცებული რეი სმიტი (კერუაკი) და მისი მეგობარი პოეტები ცდილობენ, სულიერი სიმშვიდე ცივილიზაციისგან შორს, მთებში ხეტიალით მოიპოვონ.
|
 |
ავტორი: ჯეფრი იუჯინიდისი
სათაური: თვითმკვლელი ქალწულები
გამომცემლობა: დიოგენე
გამოშვების წელი: 2015
,,თვითმკვლელი ქალწულები’’ ბერძნული წარმოშობის ამერიკელი მწერლის, ჯეფრი იუჯინიდისის (1960) პირველი რომანია, რომელშიც მოვლენები გასული საუკუნის 70-იან წლების, მიჩიგანის შტატ ქალაქ გროსპოინტში მცხოვრებ ლისბონების ოჯახში ვითარდება. ერთ დღეს მათი უმცროსი ქალიშვილი თვითმკვლელობით დაასრულებს ცხოვრებას. ოჯახში მომხდარ ტრაგიკულ მოვლენებს ერთმნიშვნელოვანი ახსნა არ აქვს... 1999 წელს აღნიშნული რომანის მიხედვით ცნობილმა ამერიკელმა რეჟისორმა, სოფია კოპოლამ სრულმეტრაჟიანი ფილმი გადაიღო.
|
 |
ავტორი: თრუმენ კეპოუტი
სათაური: ხელის აუკანკალებლად
გამომცემლობა: დიოგენე
გამოშვების წელი: 2015
თრუმენ კეპოუტი ლიტერატურაში ე.წ. ,,ახალი ჟურნალისტიკის’’ ჟანრის ერთ-ერთ ფუძემდებლად ითვლება. რომანი ,,ხელის აუკანკალებლად’’ მისი ყველაზე მნიშვნელოვანი ნაწარმოებია. რომანს საფუძვლად რეალური ამბავი უდევს - 1959 წელს კანზასში ჩადენილი მკვლელობა, როდესაც მთელი ოჯახი ამოწყვიტეს - და ძალადობის, როგორც რთული სოციალური და ფსიქოლოგიური ფენომენის, ამოხსნის მცდელობაა. რომანი გამოსვლისთანავე ბესტსელერად იქცა და საფუძველი დაუდო ,,რომან-რეპორტაჟის’’ განსაკუთრებულ ჟანრს, რომელსაც შემდეგ მიმდევრებიც (ტომ ვულფი, ნორმან მეილერი) გამოუჩნდნენ.
|
 |
ავტორი: ჯონათან ქალერი
სათაური: ლიტერატურის თეორია - ძალიან მოკლე შესავალი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
ჯონათან ქელერი აღნიშნულ წიგნში განიხილავს შემდეგ საკითხებს: რა არის ლიტერატურის თეორია? არსებობს თუ არა ლიტერატურისა და კულტურის ურთიერთკავშირი? რა არის ლიტერატურა სინამდვილეში და რა მნიშვნელობა აქვს მას? ის დაწვრილებით გვაცნობს ენის მნიშვნელობის შესახებ არსებულ ფორმებს. ავტორის აზრით, ლიტერატურა თვითგამოხატვის ფორმაა და საზოგადოებასთან ურთიერთობის მეთოდი. ამასთანავე, ავტორი წარმოაჩენს სხვადასხვა მიმართულების - დეკონსტრუქციის, სემიოტიკის, პოსტკოლონიური თეორიისა და სტრუქტურალიზმის სკოლების კონცეფციებს.
|
 |
ავტორი: რატი ჩიბურდანიძე
სათაური: სამოცდაათიანელთა ფერწერა - ძირითადი ტენდენციები
გამომცემლობა: უნივერსალი
გამოშვების წელი: 2015
წინამდებარე წიგნი ეხება ქართული მხატვრობის ნაკლებად შესწავლილ პერიოდს - 1970-იან წლებს. ნაშრომი წარმოადგენს XX საუკუნის 70-იანი წლების ქართული ფერწერის მხატვრულ-სტილისტური ტენდენციების, ,,სამოცდაათიანელთა’’ თაობის მნიშვნელოვანი წარმომადგენლების შემოქმედების კვლევის პირველ ცდას. ნაშრომი დააინტერესებს ჰუმანიტარული სპეციალობების სტუდენტებს და მკვლევრებს, მხატვრებსა და ხელოვნებათმცოდნეებს, პედაგოგებსა და ხელოვნებით დაინტერესებულ ნებისმიერ მკითხველს.
|
 |
ავტორი: ლელა ჯანაშვილი
სათაური: ,,სამართლის თეორიის პრობლემები’’ (ნაწილი პირველი)
გამომცემლობა: ქართული აკადემიური წიგნი
გამოშვების წელი: 2015
წინამდებარე ნაშრომში განხილულია სამართლის თეორიის მნიშვნელოვანი საკითხები. საუბარია სხვადასხვა შეხედულებებზე იურისპრუდენციის, სამართლებრივი უსაფრთხოებისა და სოციალური მშვიდობის, ადამიანის ძირითად უფლებათა თავისუფალი არჩევანის შესახებ.
|
 |
ავტორი: ლელა ჯანაშვილი, ჟოან ლუის პერეს ფრანსეჩი, ტომას ხილ მარკესი, ხუან კარლოს და სილვა ოჩოა
სათაური: თავისუფლებისა და უსაფრთხოების პერსპექტივები. სახელმწიფოთა ტრანსფორმაცია საქართველოსა და ესპანეთში
გამომცემლობა: ქართული აკადემიური წიგნი
გამოშვების წელი: 2014
აღნიშნულ გამოცემაში გაერთიანებულია კვლევის შედარებითი სამართლებრივი მეთოდის გამოყენებით განხორციელებული უსაფრთხოების სტრატეგიებისა და სახელმწიფოს ტერიტორიული ორგანიზაციის შესახებ წაკითხული მოხსენებები. პირველ ნაწილში საუბარია უსაფრთხოების სტრატეგიების შესახებ. კერძოდ, დოქტორ ჟოან ლუის პერეს ფრანსეჩის მოხსენება - ,,მოსაზრებები სამართლებრივი სახელმწიფოს პასუხებზე უსაფრთხოების წინააღმდეგ გამოწვევებზე’’, პროფესორი ტომას ხილ მარკესი - ,,ევროპისა და ესპანეთის უსაფრთხოების კონცეფციები, როგორც დიაგნოსტიკის საშუალება და უსაფრთხოების მუქარების პრევენცია’’, დოქტორი ლელა ჯანაშვილი - ,,საქართველოს უსაფრთხოების მოდელის ევროპეიზაცია’’. მეორე ნაწილი დათმობილი აქვს თანამედროვე კონსტიტუციური სისტემების მიმოხილვას: მოსამართლე ხუან კარლოს და სილვა ოჩოა - ,,თანამედროვე დემოკრატიის მრავალმხრივი ლეგიტიმური ბუნება’’ და ა.შ.
|
 |
ავტორი: ალექსანდრე ბოშიშვილი
სათაური: ქართლის სამეფოს სამხრეთის საზღვარი და სამხრეთის პროვინციები (XV-XVIII სს.)
გამომცემლობა: მერიდიანი
გამოშვების წელი: 2015
აღნიშნულ ნაშრომში განხილულია ქვემო სამართლის სამხრეთის მხარეები: ყაიყული, ტაშირი, სომხითი, ბამბაკი, ყაზახი, ბორჩალო და სხვ. შესწავლილია ქართლის ტერიტორიაზე მომთაბარე თურქმანული ტომების (ბორჩალო, დემურჩი, ასანლუ, შამშადილუ, ბაიდარი, და სხვ.) ჩამოსახლება, მათი დამკვიდრება და შემდგომი თავგადასავალი. წარმოჩენილია, ქართველი მეფეების ღვაწლი, თუ როგორ მოახერხეს XV-XVIII საუკუნეების ქართლის სამეფოში ირანის შაჰების მიერ სამტროდ და ქართველების გადაშენების მიზნით ჩამოსახლებული უცხოტომელების ქვეყნის სამხედრო და ეკონომიკურ საქმიანობაში ჩართვა. ჩამოსახლებულთა არაერთმა წარმომადგენელმა ქვეყნისთვის ბრძოლისა და მშენებლობის საქმეში გამოიჩინა თავი. წიგნი განკუთვნილია როგორც სპეციალისტებისთვის, ისე საქართველოს ისტორიის საკითხებით დაინტერესებული მკითხველისთვის.
|
 |
ავტორი: ჭაბუკი ქირია, ლალი ეზუგბაია, ომარ მემიშიში, მერაბ ჩუხუა
სათაური: ლაზურ-მეგრული გრამატიკა. I. მორფოლოგია
გამომცემლობა: მერიდიანი
გამოშვების წელი: 2015
ლაზურ-მეგრული (იგივე ზანური) ენა შედის იბერიულ-კავკასიურ ენათა ოჯახის სამხრეთ-კავკასიურ ენათა ოჯახის სამხრეთ-კავკასიურ (იბერიულ) ჯგუფში, რომელსაც ქართველურ ენებს უწოდებენ. სამეცნიერო ლიტერატურაში, გარდა ზანურისა და ლაზურ-მეგრულისა, ამ ქართველური ენის აღსანიშნავად სხვა ტერმინიც გამოიყენება - კოლხური ენა.
ნაშრომი შესრულებულია ლაზურისა და მეგრულის კილოკავურ თავისებურებათა გათვალისწინებით, მასში ასახულია როგორც დღემდე წარმოებული კვლევა-ძიების შედეგები, ისე ახალი არგუმენტაციები რიგ პრობლემატურ საკითხთა გადაჭრისას. მონოგრაფიას თან ერთვის ბიბლიოგრაფია და ვრცელი რეზიუმე ინგლისურ ენაზე, ასევე საძიებლები.
|
 |
ავტორი: ვალერი ვაშაკიძე
სათაური: საისტორიო-წყაროთმცოდნეობითი ძიებანი
გამომცემლობა: უნივერსალი
გამოშვების წელი: 2014
წინამდებარე კრებულში თავმოყრილია ავტორის მიერ სხვადასხვა დროს გამოქვეყნებული სამეცნიერო სტატიების ნაწილი. მათში გამოთქმული მოსაზრებები ეხება ჩვენი ქვეყნის ანტიკური ხანის სოციალურ-პოლიტიკური ისტორიის, წყაროთმცოდნეობის, საისტორიო გეოგრაფიისა და სხვა მნიშვნელოვან საკითხებს. ნაშრომი განკუთვნილია სპეციალისტებისა და საქართველოს ისტორიით დაინტერესებული მკითხველისათვის.
|
 |
ავტორი: ჭაბუკი ქირია, ლალი ეზუგბაია, ომარ მემიშიში, მერაბ ჩუხუა
სათაური: ლაზურ-მეგრული გრამატიკა. I. მორფოლოგია
გამომცემლობა: მერიდიანი
გამოშვების წელი: 2015
ლაზურ-მეგრული (იგივე ზანური) ენა შედის იბერიულ-კავკასიურ ენათა ოჯახის სამხრეთ-კავკასიურ ენათა ოჯახის სამხრეთ-კავკასიურ (იბერიულ) ჯგუფში, რომელსაც ქართველურ ენებს უწოდებენ. სამეცნიერო ლიტერატურაში, გარდა ზანურისა და ლაზურ-მეგრულისა, ამ ქართველური ენის აღსანიშნავად სხვა ტერმინიც გამოიყენება - კოლხური ენა.
ნაშრომი შესრულებულია ლაზურისა და მეგრულის კილოკავურ თავისებურებათა გათვალისწინებით, მასში ასახულია როგორც დღემდე წარმოებული კვლევა-ძიების შედეგები, ისე ახალი არგუმენტაციები რიგ პრობლემატურ საკითხთა გადაჭრისას. მონოგრაფიას თან ერთვის ბიბლიოგრაფია და ვრცელი რეზიუმე ინგლისურ ენაზე, ასევე საძიებლებლები.
|
 |
ავტორი:
სათაური: ისტორიულ-კულტურული ფასეულობები აფხაზეთში
გამომცემლობა: ,,სი-ჯი-ეს’’
გამოშვების წელი: 2015
აფხაზეთში ქართული ისტორიულ-კულტურული მემკვიდრეობის მატერიალური თუ სულიერი ძეგლები: ეკლესია-მონასტრები, სალოცავები (ბაზილიკები), ციხეები და სხვა არქიტექტურული ნაგებობები, ფრესკები, ლაპიდარული თუ ასომხედრული წარწერები, ხელნაწერი წიგნები და საეკლესიო დავთრები, აფხაზ-ქართველთა სახელოვანი საერო თუ საეკლესიო მოღვაწე-წინაპართა მრავალსაუკუნოვანი ძალისხმევით შეიქმნა.
წინამდებარე ილუსტრირებულ ალბომში საუბარია ბიჭვინთის ხუროთმოძღვრულ ანსამბლზე, რომელიც სხვადასხვა დროის ნაგებობათა კომპლექსს წარმოადგენს. ასევე ისტორიულ ცენტრ ანაკოფიაზე, რომელიც ახლანდელი ახალი ათონის ტერიტორიაზე მდებარეობს. ბედიის, მოქვის, მიუსერის ტაძრებზე, ბზიფის ციხის, ძველი გაგრის, ღუმურიშის ეკლესიაზე და სხვა მნიშვნელოვან ისტორიულ-კულტურულ ძეგლებზე.
ალბომს თან ერთვის ილუსტრაციები და შესაბამისი ფოტო-მასალა.
|
 |
ავტორი: აიდა აკუდოვიჩიუტე, ცააბა ფორგაცი და სხვ.
სათაური: მართე შენი კარიერა - სახელმძღვანელო სტუდენტებისათვის
გამომცემლობა: ერა
გამოშვების წელი: 2014
წინამდებარე გამოცემის მიზანია დაეხმაროს სტუდენტებს პასუხი გასცენ კარიერასთან დაკავშირებულ შეკითხვებს. წიგნში მოცემული ინფორმაცია დაეხმარება მკითხველს უკეთესად გააცნობიეროს საკუთარი ფასეულობები, ინტერესები და საკუთარი ძლიერი მხარეები. ის, თუ როგორ უნდა გამოიყენონ ეს ცოდნა კარიერის თაობაზე გადაწყვეტილების მიღებისას, როგორ უნდა მოახდინონ საკუთარი რესურსების მართვა უკეთესად, როგორ უნდა განავითარონ იმ სირთულეების დაძლევის უნარები, რომლებიც შესაძლოა წარმოიშვას კარიერული წინსვლის დროს და სხვა.
|
 |
ავტორი: ვაჟა გვახარია, დავით შუღლიაშვილი, ნინო რაზმაძე
სათაური: ქართული საგალობლების ხელნაწერთა აღწერილობა და ანბანური კატალოგი
გამომცემლობა: ხელნაწერთა ეროვნული ცენტრი
გამოშვების წელი: 2013
წინამდებარე წიგნი საგალობელთა სანოტო ხელნაწერების კოდიკოლოგიური აღწერილობისა და ანბანური კატალოგის სახით სრულად წარმოაჩენს წმინდა ფილიმონ მგალობლის (ქორიძის) და წმ. ექვთიმე აღმსარებლის (კერესელიძის) ხელნაწერებში დაცულ ათასობით საგალობელს. ამავე დროს, წიგნის დახმარებით საზოგადოებას შესაძლებლობა ეძლევა კვლავ გაიხსენოს XIX საუკუნის საქართველოს საგალობლო-მუსიკალური ცხოვრების ისტორია და იმ ადამიანთა დამსახურება, ვინც ეს ისტორია შექმნა.
|
 |
ავტორი: მერაბ ტურავა
სათაური: სისხლის სამართალი - ზოგადი ნაწილის მიმოხილვა
გამომცემლობა: მერიდიანი
გამოშვების წელი: 2013
წინამდებარე წიგნში მიმოხილულია საქართველოს სისხლის სამართლის ზოგადი ნაწილის ძირითადი ინსტიტუტები. ნაშრომის მიზანია, დახმარება გაუწიოს იურიდიული ფაკულტეტებისა და სამართლის სკოლების ბაკალავრიატის სტუდენტებს სისხლის სამართლის ზოგადი ნაწილის საფუძვლების დაუფლებაში. იგი დიდ დახმარებას გაუწევს ასევე მაგისტრანტებს, დოქტორანტებს, მეცნიერ-მკვლევარებსა და პრაქტიკოს იურისტებს პროფესიულ საქმიანობაში.
|
 |
ავტორი: თენგიზ სეფიაშვილი
სათაური: SEPO
გამომცემლობა: ბაკურ სულაკაურის გამომცემლობა
გამოშვების წელი: 2014
წინამდებარე ილუსტრირებულ ალბომში წარმოდგენილია ცნობილი შემოქმედის თენგიზ სეფიაშვილის ნამუშევრები, რომლებშიც სხვადასხვა დარგისა და მრავალი ტექნიკური საშუალების სინთეზი ხორციელდება. განსაკუთრებით აღსანიშნავია, ის რომ ფორმა ემსახურება შინაარსის, სათქმელის გამოხატვას. ნათქვამის დასტურია მხატვრის ადრეული, სკულპტურული ობიექტების წინამორბედი ნამუშევრების შავ-თეთრი ნახატები და ფერადი კომპოზიციები.
|
 |
ავტორი:
სათაური: ქართული კულტურა
გამომცემლობა: ლოგოსი
გამოშვების წელი: 2013
წინამდებარე კრებულში წარმოდგენილი წერილების მიზანია ქართული კულტურის შეძლებისამებრ სრული და კომპაქტური სურათის წარმოდგენა. კრებული ეძღვნება ვახტან როდონაიას ხსოვნას. წიგნში შესულია მისი გამოკვლევებიც: ,,თხუთმეტსაუკუნოვანი ლიტერატურა’’ და ,,საქართველო მრავალხმიანი სიმღერების ქვეყანა’’.
|
 |
ავტორი: თეიმურაზ შენგელია
სათაური: ბიზნესის ადმინისტრირების საფუძვლები
გამომცემლობა: უნივერსალი
გამოშვების წელი: 2013
წინამდებარე სახელმძღვანელოში შესწავლილი და გაანალიზებულია თანამედროვე ბიზნესის უმნიშვნელოვანესი თეორიული და პრაქტიკული პრობლემები - საქმიანი ურთიერთობების ფორმები, ბიზნესის გარემო, მისი ეთიკური და სოციალური პასუხისმგებლობა, საერთაშორისო ბიზნესის საფუძვლები, საფინანსო და საგადასახადო სისტემის როლი ბიზნესში და ა.შ. სახელმძღვანელო განკუთვნილია თბილისის სახელმწიფო უნივერსიტეტის ბიზნესის ადმინისტრირების მიმართულების სტუდენტებისათვის, ასევე ყველა იმ პირისათვის, ვინც დაინტერესებულია ბიზნესის დაწყების, ორგანიზაციისა და მართვის საკითხებით.
|
 |
ავტორი: ირაკლი იმედაძე
სათაური: ფსიქოლოგიის ისტორია - ანტიკური ხანიდან ჩვენ დრომდე
გამომცემლობა: მწიგნობარი
გამოშვების წელი: 2014
წინამდებარე ნაშრომი მოიცავს ფსიქოლოგიური აზრის განვითარების ძირითადი ტენდენციების ანალიზს, მისი ადრეული ფორმებიდან დღევანდლამდე. როგორც მასალის შერჩევის, ისე ანალიზისა და შეფასების პრინციპები განწყობის ზოგადფსიქოლოგიური კონცეფციის პიზიციების გათვალისწინებით არის შემუშავებული და გაანალიზებული.
|
 |
ავტორი: ელენე ამირეჯიბი-სტავინსკა
სათაური: ანტიკულინარიული რეცეპტები
გამომცემლობა: აზრი
გამოშვების წელი: 2014
ელენე ამირეჯიბი-სტავინსკა პოლონეთში მოღვაწე ცნობილი ქართველი კინორეჟისორი, მწერალი და მრავალი საერთაშორისო კინო-ფესტივალის ლაურეატია. ,,ანტიკულინარიული რეცეპტები’’ ვარშავაში 2007 წელს დაიბეჭდა და პოლონეთის კრიტიკოსების პრემიითა და მკითხველთა დიდი აღიარებით დაჯილდოვდა და გამოაცხადეს ,,წლის საუკეთესო წიგნად’’. აღნიშნულ წიგნში დოკუმენტური პროზა ენაცვლება ლირიკულ ჩანახატებს, სინამდვილე ფანტაზიას, იუმორი სატირას და ა.შ.
|
 |
ავტორი: თეიმურაზ შენგელია
სათაური: საერთაშორისო მენეჯმენტი
გამომცემლობა: ახალი საქართველო
გამოშვების წელი: 2012
წინამდებარე სახელმძღვანელოში უახლესი თეორიული და პრაქტიკული დებულების გამოყენებით სრულიად ახლებურად ,,საერთაშორისო მენეჯმენტის’’ დასავლეთში აპრობირებული სწავლების პრაქტიკაზე დაყრდნობით, განხილულია ისეთი აქტუალური პრობლემები, როგორებიცაა: გლობალური მიმართულებები და გამოწვევები, საერთაშორისო მენეჯმენტის სამართლებრივი და პოლიტიკური საფუძვლები, საერთაშორისო მენეჯმენტის ეთიკა და სოციალური პასუხისმგებლობა და ა.შ. სახელმძღვანელოში სწავლების თანამედროვე მეთოდებიდან გამომდინარე, წარმოდგენილია პრაქტიკული სავარჯიშოები.
|
 |
ავტორი: ანდრო გოგოლაძე, თეა წითლანაძე, თეა ქარჩავა, ნიკოლოზ სილაგაძე
სათაური: საქართველო და ჯვაროსნული აღმოსავლეთი ჟაკ დე ვიტრის ცნობების მიხედვით
გამომცემლობა: მერიდიანი
გამოშვების წელი: 2015
წინამდებარე ნაშრომი მეხუთე ჯვაროსნული ლაშქრობის მონაწილისა და თვითმხილველის თხზულებებს მოიცავს, რომელშიც განხილულია ევროპისა და მახლობელი აღმოსავლეთის ურთიერთობა. ასევე საუბარია ჯვაროსნული ლაშქრობების პერიოდში საქართველოს ადგილისა და როლის განსაზღვრაზე. წიგნი ეხება ჟაკ დე ვიტრის, მეხუთე ჯვაროსნული ლაშრობის მქადაგებლის, ლაშქრობის მონაწილისა და თვითმხილველის ცნობებს, სადაც დამუშავებული, გაანალიზებული და კომპლექსურად წარმოჩენილია XIII საუკუნის პირველი ნახევრის მახლობელი აღმოსავლეთი მეხუთე ჯვაროსნული ლაშქრობის კონტექსტში.
|
 |
ავტორი:
სათაური: ლიბერალიზმის ეპოქა ქართულ ლიტერატურაში
გამომცემლობა: ლიტერატურის ინსტიტუტის გამომცემლობა
გამოშვების წელი: 2015
წინამდებარე მონოგრაფიაში მრავალი პარალელი თუ შეპირისპირება შესაძლებლობას იძლევა ,,ქართული ლიბერალიზმის’’ მოდელი წარმოვისახოთ და გამოვაცალკევოთ ქართული სპეციფიკით ნაკარნახევი ნიშან-თვისებები იმ საზოგადო და საყოველთაო კანონზომიერებათაგან, რაც ქართულ მწერლობაში აღბეჭდილი საზოგადოებრივი აზრის რეტროსპექტივას ისევე დაემჩნა, როგორც ევროპულ კულტურულ არეალში მოქცეულ ნებისმიერი სხვა ქვეყნის მენტალურ სურათს. წინამდებარე წიგნის მიზანია ლიბერალიზმის ეპოქის ისტორიულ-ლიტერატურული პანორამის წარმოსახვა, ამ ეპოქისათვის ნიშანდობლივ სოციალურ, ფილოსოფიურ, ეთიკურ და ესთეტიკურ ტენდენციათა მეცნიერული შესწავლა, ლიბერალიზმის ფენომენის ,,ქართული ნაირსახეობის’’ შედარება-შეპირისპირება ლიბერალიზმის ევროპულ და რუსულ მოდელებთან.
|
 |
ავტორი: ნუგზარ მუზაშვილი
სათაური: ანალოგიები
გამომცემლობა: დიოგენე
გამოშვების წელი: 2014
წინამდებარე წიგნის ავტორის მიზანია გვიჩვენოს ანალოგიები დასავლური კულტურის ელინისტურ ხანასა და თანამედროვე პოსტმოდერნისტულ ეპოქას შორის. ელინისტურ ხანაში იგულისხმება დროის მონაკვეთი, რომელიც გავიდა ალექსანდრე მაკედონელის გარდაცვალებიდან რომის იმპერიის დაცემასა და შუა საუკუნეების დადგომამდე. მსგავსება არ ამოიწურება მეორეხარისხოვანი დეტალებისა თუ ნიუანსების შემთხვევითობით, იგი ორი ეპოქის გაცილებით სერიოზული, ფუნდამენტური ხასიათის მსგავსად გვევლინება. დროში ერთნახევარი- ორი ათასწლეულით დაცილებული ორი დიდი ეპოქის არსობრივი მსგავსების მიზეზების დანახვის სურვილმა, ფაქტობრივად, მთელი დასავლური ცივილიზაციის ზოგადი სტრუქტურის რეკონსტრუქციის აუცილებლობა განაპირობა.
|
 |
ავტორი: ვიოლა ფურცელაძე
სათაური: ტექსტი, როგორც წერილობითი მოღვაწეობის განცხადება
გამომცემლობა: უნივერსალი
გამოშვების წელი: 2014
აღნიშნული მონოგრაფია პირველი ქართულენოვანი ნაშრომია, რომელიც ეძღვნება ენათმეცნიერული გერმანისტიკის პოზიციებიდან დანახულ ტექსტის პრობლემებს. წიგნი შედგება ორი ნაწილისაგან: თეორიული და ანალიზური. იგი განკუთვნილია ზოგადად ფილოლოგიური პროფილის, პირველ რიგში კი გერმანული ენის სპეციალობის სტუდენტების, მაგისტრების, დოქტორანტების, ასევე ტექსტის ლინგვისტიკით დაინტერესებულ ყველა პირთათვის.
|
 |
ავტორი:
სათაური: ლაზური პარამითეფე
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
,,ლაზური პარამითეფე’’ ცნობილი ენათმეცნიერის ნათელა ქუთელიას სამეცნიერო-საზოგადოებრივი მოღვაწეობის ერთი-ერთი უმნიშვნელოვანესი ნაწილია არა მხოლოდ სასწავლო-სამეცნიერო თვალსაზრისით, არამედ მისი საზოგადოებრივი მნიშვნელობითაც. დიდია მისი ღვაწლი ლაზურის შესწავლაში. ,,ლაზური ზღაპრები’’ დაწერილია საერთო ქართულის ლაზურ-მეგრულ დიალექტზე. ეს დიალექტი შექმნეს დასავლეთ საქართველოში მცხოვრებმა ქართველებმა, რომლებიც ანტიკურ სამყაროში კოლხების სახელითაც იყვნენ ცნობილი. ამიტომ ლაზურ-მეგრულ დიალექტს კოლხურ დიალექტსაც უწოდებენ. წიგნში წარმოდგენილი ლექსები და ზღაპრები შეკრებილია დასავლეთ საქართველოს ფარგლებში.
|
 |
ავტორი: მარინა ბალიაშვილი
სათაური: პიროვნების ფსიქოლოგიის საფუძვლები
გამომცემლობა: ირიდა
გამოშვების წელი: 2014
წინამდებარე ნაშრომში მოცემულია პიროვნების ფსიქოლოგიის საბაზისო ცნებები, აგრეთვე თეორიული, ფაქტობრივი და პრაქტიკული პრობლემები და მათი გადაჭრის განსხვავებული ნიმუშები. სისტემატურად არის დალაგებული პიროვნების კლასიკური და თანამედროვე თეორიები, კვლევის მეთოდები და სტრატეგიები. ნაჩვენებია ადამიანის წინაშე მდგარ ძირეულ პრობლემათა მოგვარებაში პიროვნების ფსიქოლოგიის პოტენციალი. წიგნი განკუთვნილია ფსიქოლოგიისა და მომიჯნავე დარგის სტუდენტებისთვის, პრაქტიკოსი ფსიქოლოგებისთვის და აგრეთვე მასწავლებლებისა და მშობლებისთვის.
|
 |
ავტორი: ომარ მუკბანიანი, ჯიმშერ ანელი, თამარ თათრიშვილი, ელიზა მარქარაშვილი
სათაური: პოლიმერული მასალები I
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
აღნიშნულ ნაშრომში განხილულია პოლიმერული მასალების ძირითადი საკითხები უნივერსიტეტებისათვის არსებული პროგრამის მიხედვით. მასში ფართოდაა გადმოცემული პოლიმერების და პოლიმერული მასალების მიღების, ფიზიკურ-ქიმიური კვლევის და გამოყენების პერსპექტივები. წიგნში ასევე საუბარია პოლიმერებზე, მათი სინთეზის მეთოდებზე, პრაქტიკაში გამოყენებულ პოლიმერებზე, შემავსებლის ტიპებსა და შევსების მეთოდებზე. განხილულია კომპოზიტები, როგორც მრავალკომპონენტიანი სისტემები, პოლიმერული მასალების ფორმირების მეთოდები და პლასტიფიკაცია.
|
 |
ავტორი: ჯეიმს ს. ვან ჰორნი, ჯონ მ. ვაჰოვიჩი
სათაური: დანახარჯები - ეფექტიანობის ანალიზი (მეთოდები და გამოყენება)
გამომცემლობა: დიოგენე
გამოშვების წელი: 2012
აღნიშნული წიგნი ერთ-ერთი ყველაზე ფუნდამენტური ნაშრომია განათლების შეფასების სფეროში. ხელმისაწვდომი რესურსების კლებასთან ერთად იზრდება განათლების სფეროს წინაშე მდგარი ამოცანა, როგორ მივაღწიოთ მწირი რესურსების პირობებში უკეთეს საგანმანათლებლო შედეგებს. მთელ მსოფლიოში განათლების სფეროს სპეციალისტები ცდილობენ, დაგეგმონ და განახორციელონ ისეთი პოლიტიკა, რომელიც ერთდროულად ეფექტიანიც იქნება და შედეგიანიც. წიგნის მიზანია დაეხმაროს განათლების სპეციალისტებს, დანახარჯების მიხედვით დაგეგმონ ეფექტიანი პროგრამები. ამავე დროს იგი პრაქტიკულ დახმარებას გაუწევს მკვლევრებს ინიციატივების შეფასებაში მათი შედეგებისა და დახარჯული რესურსების გათვალისწინებით.
|
 |
ავტორი: მარინა ბალიაშვილი
სათაური: სოციალური ფსიქოლოგიის დაწყებითი კურსი
გამომცემლობა: მწიგნობარი
გამოშვების წელი: 2013
წინამდებარე წიგნში მოცემულია სოციალური ფსიქოლოგიის საბაზისო ცნებები, ძირითადი პროცესები და საკვანძო პრობლემები, აგრეთვე სოციალური ფსიქოლოგიის ოქროს ფონდში შესული ექსპერიმენტული კვლევები. ნაჩვენებია სოციალური ფსიქოლოგიის პოტენციალი არაერთი იმ პრობლების მოგვარებაში, რაც თავს იჩენს ადამიანთა საზოგადოებრივ ცხოვრებაში. კლასიკური განმარტების თანახმად, სოციალური ფსიქოლოგია მცდელობაა გავიგოთ და ავხსნათ როგორ მოქმედებს ინდივიდის აზრებზე, გრძნობებსა და ქცევაზე სხვა ადამიანის რეალური, წარმოსახული ან ნავარაუდევი დასწრება. სოციალური ფსიქოლოგია შეისწავლის იმას, თუ როგორ ახდენენ ადამიანები გავლენას ერთმანეთზე და თვითონ ადამიანი პიროვნებად როგორ ყალიბდება ამ ურთიერთქმედების პროცესში. სოციალურ ფსიქოლოგთა მიზანია შეიქმნას ზოგადი თეორია, რითაც ემპირიული და ექსპერიმენტული მონაცემების ახსნა გახდება შესაძლებელი.
|
 |
ავტორი: ვალერიან მეტრეველი, გიორგი დავითაშვილი
სათაური: პოლიტიკურ და სამართლებრივ მოძღვრებათა ისტორია
გამომცემლობა: იურისტების სამყარო
გამოშვების წელი: 2015
წინამდებარე ნაშრომში განხილულია იურიდიული ფაკულტეტების სასწავლო კურსის პროგრამით გათვალისწინებული პოლიტიკურ და სამართლებრივ მოძღვრებათა ისტორიის ყველა ძირითადი საკითხი. ნაშრომი განკუთვნილია იურიდიული ფაკულტეტების სტუდენტებისათვის.
|
 |
ავტორი:
სათაური: ივანე ჯავახიშვილი - კაცი, რომელმაც საქართველოს გონი შეცვალა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე კრებული გამოჩენილი ქართველი საზოგადო მოღვაწის, აკადემიკოს ივანე ჯავახიშვილის ხსოვნისადმი მიძღვნილი სამეცნიერო ფორუმისთვის მომზადდა. ნაშრომი აერთიანებს პუბლიცისტურ ნარკვევებს, რომლებშიც ივანე ჯავახიშვილის მრავალმხრივი მოღვაწეობის ასპექტებია გაშუქებული და გაანალიზებული.
|
 |
ავტორი:
სათაური: ალექსანდრე ყაზბეგი 165 - საიუბილეო კრებული
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე კრებული ცნობილი ქართველი მწერლის, ახალი ქართული ლიტერატურის წარმომადგენლის, ალექსანდრე ყაზბეგის ცხოვრებისა და შემოქმედებითი ღვაწლის მოხსენიების მცდელობაა. კრებულში თავმოყრილია ქართველ ლიტერატურათმცოდნეთა უახლესი გამოკვლევები, მიმართული მწერლის ლიტერატურული მემკვიდრეობისა და ცხოვრების ინოვაციური გააზრებისკენ. მკითხველს საშუალება აქვს ალექსანდრე ყაზბეგის ნაწარმოებები გაანალიზოს თანამედროვე ფილოლოგიური თეორიების ჭრილში.
|
 |
ავტორი:
სათაური: ადმინისტრაციული დავების განსჯადობის პრობლემები, ტ. 1
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე ნაშრომი წარმოადგენს ადმინისტრაციული საქმეების განსჯადობის თაობაზე სასამართლოთა შორის დავებზე საქართველოს უზენაესი სასამართლოს პროცესუალური აქტების კრებულს. მასში სისტემატიზირებული და გამარტივებული ფორმით არის მოტანილი კონკრეტულ საქმეებზე უზენაესი სასამართლოს განჩინებები, რომლებიც, ერთობლიობაში აღებული, წარმოადგენენ სამოქალაქო და ადმინისტრაციულ სასამართლოებს შორის განსჯადობასთან დაკავშირებულ დავებზე დამკვიდრებულ სასამართლო პრაქტიკას. პროცესუალური აქტების რაოდენობიდან გამომდინარე, იგულისხმება, რომ ისინი თითქმის სრულად მოიცავენ განსჯადობის თაობაზე წამოჭრილი დავების ნაირსახეობას.
|
 |
ავტორი:
სათაური: ბესარიონ ზოიძე 60 - საიუბილეო კრებული
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე საიუბილეო კრებული ეძღვნება ქართული სამართლის მეცნიერების თვალსაჩინო წარმომადგენლის, პროფესორ ბესარიონ ზოიძის დაბადებიდან 60 წლის იუბილეს. ბესარიონ ზოიძე ცნობილი კომენტატორია. მის კალამს ეკუთვნის სამოქალაქო კოდექსის პირველი და დღემდე ერთადერთი კომენტარის მნიშვნელოვანი ინსტიტუტების კომენტარები, როგორიცაა გარიგებანი, ქონება, მფლობელობა, საკუთრება, სამეზობლო სამართალი, საჯარო რეესტრი, ვალდებულებითი სამართლის ზოგადი ნაწილის ცენტრალური დებულებები და ა.შ
|
 |
ავტორი: თამაზ გამყრელიძე
სათაური: რჩეული წერილები და გამოსვლები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე კრებულში წარმოდგენილია აკადემიკოს თამაზ გამყრელიძის მიერ უკანასკნელი ათწლეულების მანძილზე სხვადასხვა ჟურნალ-გაზეთებსა და კრებულებში გამოქვეყნებული საზოგადოებრივ-პოლიტიკური და სამეცნიერო-პოპულარული ხასიათის წერილები, აგრეთვე მისი ფართოდ ცნობილი საჯარო გამოსვლები, რომლებიც წიგნში სტრუქტურირებულია ერთმანეთთან ორგანულად დაკავშირებულ სამ თემატურ ჯგუფად: ,,ქვეყნის დამოუკიდებლობა’’, ,,პირველი ქართული უნივერსიტეტი და მეცნიერებათა ეროვნული აკადემია’’ და ,,ენა, ისტორია, კულტურა’’.
|
 |
ავტორი: ომარ ფურთუხია
სათაური: ალბათურ-სტატისტიკური ამოცანები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე სახელმძღვანელოში სრულად და საფუძვლიანად არის გადმოცემული თანამედროვე ალბათობის თეორიისა და მათემატიკური სტატისტიკის წინაშე წამოჭრილი უმნიშვნელოვანესი პრაქტიკული და თეორიული ხასიათის საკითხები. თითოეულ თემას წინ უძღვის აუცილებელი თეორიული შედეგები, შემდეგ მოყვანილია მრავალი საილუსტრაციო და სამოტივაციო მაგალითი ადამიანის მოღვაწეობის სხვადასხვა სფეროდან, განხილულია მათი გადაწყვეტის მეთოდები და ხერხები. ნაშრომს დართული აქვს ძირითადი და მნიშვნელოვანი ალბათური განაწილების ცხრილები, EXCEL-ის სტატისტიკური ფუნქციების აღწერა და უკანასკნელ ხუთ წელიწადში თბილისის სახელმწიფო უნივერსიტეტში შუალედურ და საბოლოო გამოცდებზე მოტანილი ბილეთების ნიმუშები. სახელმძღვანელო შედგენილია უნივერსიტეტში ამჟამად მოქმედი სასწავლო პროგრამებისა და სილაბუსების მიხედვით.
|
 |
ავტორი: ნოდარ არდოტელი
სათაური: ბეჟიტური ენა
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
მონოგრაფიაში წარმოდგენილია ბეჟიტური ენის ფონეტიკა-ფონოლოგიისა და გრამატიკული სტრუქტურის ვრცელი აღწერითი ანალიზი, რომელსაც თან ერთვის ჟანრობრივად განსხვავებული დიალექტური ტექსტები და მცირე ლექსიკონი. ყურადღება გამახვილებულია ბეჟიტურ ენაში ნაპოვნ ყველა გრამატიკულ კატეგორიაზე და მოცემულია მათი სისტემატიზაციის სურათი. გამოკვლევაში წამოყენებულია არაერთი აქამდე უცნობი პრობლემური საკითხი და დამატებით გამოყოფილია აქამდე უცნობი ზოგი (მაგალითად, გვარის) გრამატიკული კატეგორია, რასაც ახლავს სათანადო დასაბუთების ცდა. ნაშრომში, დიასისტემური მეთოდის გამოყენებით, ფაქტობრივად პირველად არის გათვალისწინებული ორივე დიალექტის თქმათა ენობრივი მონაცემები.
|
 |
ავტორი:
სათაური: ვაჟა-ფშაველას იდიომებისა და ფრაზეოლოგიურ შესიტყვებათა მცირე ლექსიკონი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე ნაშრომი წარმოადგენს ვაჟა-ფშაველას იდიომებისა და ფრაზეოლოგიურ შესიტყვებათა მცირე ლექსიკონს. ფრაზეოლოგიური ერთეულები წარმოდგენილია იმ შედგენილობით, რასაც ნაწარმოებების ტექსტები გვთავაზობს. გასწორებულია მხოლოდ დიალექტიკური (ორთოგრაფიული) სხვაობანი სალიტერატურო ენასთან. მასალა გაწყობილია ანბანის რიგზე შესიტყვების პირველი სიტყვის მიხედვით. ვაჟა-ფშაველას ტექსტი ბრჭყალებშია (,, ‘’) ჩასმული და შესაბამისად, ახლავს მითითება ხუთტომეულის (1961 წ.) მიხედვით: ტომი, გვერდი, სტრიქონი (პოეტურ ნაწარმოებს - სვეტიც).
|
 |
ავტორი: ჯონ ჰ. არნოლდი
სათაური: ისტორია - ძალიან მოკლე შესავალი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
აღნიშნულ ნაშრომში ავტორი საუბრობს ისტორიაზე, თუ როგორ იკვლევენ მას და რისთვისაა ის გამიზნული. წიგნი სამი ნაწილისაგან შედგება. პირველი სამი თავი მიზნად ისახავს კონკრეტული საკითხების წამოწევას, მკითხველის დაინტერესებას და ისტორიის აღწერას. მე-4 და მე-5 თავები გვიჩვენებს, როგორ იწყება ისტორია, როგორ იყენებენ და შემდეგ იაზრებენ პირველწყაროებს. ბოლო თავში საუბარია ისტორიის მნიშვნელობაზე, მიმდინარეობასა და ჭეშმარიტების ძიებაზე.
|
 |
ავტორი: ანტონ რიბაკოვი
სათაური: ,,კეისრის საბრძანებლოში’’: საქართველოს მართლმადიდებელი ეკლესიის სტატუსისა და სტრუქტურის პრობლემა ავტოკეფალიის გაუქმების შემდეგ
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
ანტონ რიბაკოვის წარმოდგენილი ნაშრომი ეძღვნება საქართველო-რუსეთის საეკლესიო ურთიერთობის საკითხების კვლევას. აღნიშნული წიგნის ავტორი დიდი ხანია იკვლევს ქართული და რუსული საეკლესიო ურთიერთობის საკითხებს და არის რამდენიმე საინტერესო ნაშრომის ავტორი.
|
 |
ავტორი:
სათაური: მოქვის სახარება
გამომცემლობა: ხელნაწერთა ეროვნული ცენტრი
გამოშვების წელი: 2015
მოქვის ხელნაწერი გადაიწერა 1300 წელს მოქველი მთავარეპისკოპოსის დანიელის დაკვეთით. ხელნაწერი, სავარაუდოდ, მოქვშივე მოიხატა და თავდაპირველად იქვე, მოქვის საკათედრო ტაძარში ინახებოდა. სახარება ჩაფიქრებული იყო, როგორც მემორიალური ხელნაწერი და მას, როგორც ჩანს პრაქტიკული დანიშნულებით ხშირად არ იყენებდნენ, რაზეც მიუთითებს სამონასტრო ცხოვრებისათვის უჩვეულო მდიდრული მორთულობა.
მოქვის სახარება ქართული ხელნაწერი მემკვიდრეობის ერთ-ერთ ყველაზე უხვად და მდიდრულად ილუსტრირებულ ნიმუშს წარმოადგენს. ოთხთავს ამკობს 160 მინიატურა, 10 კამარა, 4 თავსართი, 531 საზედაო ასო და ინიციალი. თითოეულ სახარებას უძღვის შესაბამის მახარებელთა მთავარ გვერდზე მოცემული გამოსახულებები. წინამდებარე ილუსტრირებულ ალბომში მინიატურები წარმოდგენილია სრულად.
|
 |
ავტორი:
სათაური: საბაწმიდური ოთხთავი - პალიმფსესტი
გამომცემლობა: ხელნაწერთა ეროვნული ცენტრი
გამოშვების წელი: 2014
საბაწმიდური ოთხთავის პალიმფსესტის ხანმეტი ტექსტის ფრაგმენტები, სრული სახით პირველად ქვეყნდება ფოტოების, ასომთავრული და მხედრული ხელით შესრულებული ტექსტების დართვით. ასომთავრული ტექსტი ხელნაწერის ზუსტი ასლია ძველი სასვენი ნიშნებითა და სტრიქონშემავსებელი ნიშნებით, აუხსნელი ქარაგმებით, ინტერვალებითა და შეცდომებით. მხედრული ტექსტი კი მოცემულია ქარაგმების გახსნითა და თანამედროვე პუნქტუაციით. გასწორებულია შეცდომებიც.
|
 |
ავტორი:
სათაური: ილია აბულაძის პირადი არქივის აღწერილობა
გამომცემლობა: ხელნაწერთა ეროვნული ცენტრი
გამოშვების წელი: 2010
წინამდებარე წიგნში წარმოდგენილია პროფესორ ილია აბულაძის პირადი საარქივო ფონდის აღწერილობა. აღნიშნული აღწერილობა 842 ერთეულს აერთიანებს. წინარე გამოცემასთან შედარებით ფონდი შეივსო 132 ერთეულით. შევსება მოხდა რამდენიმე საარქივო ერთეულის (ტექსტების, წერილების, ფოტოებისა და საგაზეთო სტატიების) დაშლის ხარჯზე. აღწერილობას დაემატა ახლად მოძიებული მასალა (23 ერთეული).
|
 |
ავტორი:
სათაური: ელენე მეტრეველის პირადი არქივის აღწერილობა
გამომცემლობა: ხელნაწერთა ეროვნული ცენტრი
გამოშვების წელი: 2010
წინამდებარე წიგნში წარმოდგენილია აკადემიკოს ელენე მეტრეველის პირადი საარქივო ფონდის აღწერილობა. ელენე მეტრეველი იკვლევდა VIII-XIX საუკუნეების ქართულ მწერლობას, XVI-XVIII საუკუნეების ლექსიკოლოგიურ, სამართლებრივ, კარტოგრაფიულ ძეგლებს, ცალკეული მწერლების შემოქმედებას. მისი არაერთი ნაშრომი ძველი ქართული კულტურის საზღვარგარეთული კერების კვლევას ეძღვნება. განსაკუთრებული წვლილი მიუძღვის ქართული სასულიერო პოეზიის საკითხების შესწავლაში.
|
 |
ავტორი:
სათაური: სრულიად საქართველოს კათოლიკოს-პატრიარქის ამბროსი ხელაიას პირადი არქივის აღწერილობა
გამომცემლობა: ხელნაწერთა ეროვნული ცენტრი
გამოშვების წელი: 2011
წინამდებარე აღწერილობაში მასალა დალაგებულია თემატურად და ქრონოლოგიური თანმიმდევრობით: 1. შესავალი, 2. ამბროსი ხელაია (ცხოვრება-მოღვაწეობა), 3. ძირითადი სამეცნიერო ლიტერატურა ამბროსი ხელაიას ცხოვრება-მოღვაწეობის შესახებ. 4.შემოქმედებითი მოღვაწეობის ამსახველი მასალა, 5. მიმოწერა, 6. ხელნაწერთა ეროვნულ ცენტრის სხვა საარქივო ფონდებში დაცული მასალა ამბროსი ხელაიას შესახებ, 7. საქართველოს საისტორიო არქივში დაცული მასალა ამბროსი ხელაიას შესახებ. 8. ლიტერატურის ისტორიის მუზეუმში დაცული მასალა ამბროსი ხელაიას შესახებ, 9. სრულიად საქართველოს კათოლიკოს-პატრიარქის ამბროსი ხელაიას შვილთაშვილის ანა კლდიაშვილის პირად კოლექციაში დაცული მასალა ამბროსი ხელაიას შესახებ და 10. ამბროსი ხელაიას პირადი არქივის აღწერილობის კატალოგების შემაჯერებელი ცხრილი.
|
 |
ავტორი: ციალა ქურციკიძე
სათაური: ქართული ბიბლია
გამომცემლობა: ხელნაწერთა ეროვნული ცენტრი
გამოშვების წელი: 2010
წინამდებარე ნაშრომის მიზანია, ძველი ქართული სასულიერო მწერლობის დარგის, ბიბლიოლოგიის, არსებული ახალი მასალით შევსება. ავტორის კონკრეტულ კვლევაზე დაფუძნებული ნაშრომიდან მკითხველი ბევრ საინტერესოს შეიტყობს არა მხოლოდ ფილოლოგიურ-ტექსტოლოგიური თვალსაზრისით.
|
 |
ავტორი:
სათაური: კათოლიკოს-პატრიარქი ამბროსი (ხელაია) - ეპისტოლური მემკვიდრეობა
გამომცემლობა: ხელნაწერთა ეროვნული ცენტრი
გამოშვების წელი: 2012
წინამდებარე გამოცემაში სრულიად საქართველოს კათოლიკოს-პატრიარქის, უწმიდესისა და უნეტარესის, ამბროსი ხელაიას (1861-1927 წწ.) ეპისტოლური ხასიათის მემკვიდრეობის ერთი ნაწილი პირველად ქვეყნდება. ქრონოლოგიურად იგი 1900-1926 წლებს მოიცავს. წერილების შინაარსი ფართოა და შეიცავს უაღრესად მნიშვნელოვან ცნობებს, როგორც ამბროსი ხელაიას ცხოვრება-მოღვაწეობის, ისე XX საუკუნის პირველი მესამედის საქართველოს ეკლესიისა და ზოგადად, საქართველოს ისტორიის შესახებ.
|
 |
ავტორი:
სათაური: ქართული აგიოგრაფიული ძეგლების სიმფონია-ლექსიკონი III
გამომცემლობა: ხელნაწერთა ეროვნული ცენტრი
გამოშვების წელი: 2014
წინამდებარე ნაშრომი მოიცავს 1963-1971 წლებში გამოცემული ,,ძველი ქართული აგიოგრაფიული ლიტერატურის ძეგლების’’ ოთხი ტომის მასალას. ,,სიმფონია-ლექსიკონი’’ შედგენილია ქართულ ლექსიკოლოგიაში მიღებული პრინციპების გათვალისწინებით: სახელები დალაგებულია ბრუნვათა რიგისა და რიცხვის მიხედვით, ზმნა - მწკრივის, პირისა და რიცხვის მიხედვით. მითითებულია პირთა რაოდენობა, გვარი, ქცევა. მოცემულია სალექსიკონო ერთეულთა ძირები. მოცულობის სიდიდის გამო ნაცვალსახელები და უდეტრები მხოლოდ რამდენიმე ნიმუშითაა წარმოდგენილი.
|
 |
ავტორი:
სათაური: ქართული ისტორიული დოკუმენტები
გამომცემლობა: ხელნაწერთა ეროვნული ცენტრი
გამოშვების წელი: 2014
წინამდებარე ილუსტრირებულ ალბომში მოთავსებულია საისტორიო დოკუმენტების მდიდარი მემკვიდრეობის მცირე ნაწილი. საისტორიო საბუთები მოიცავს შუა საუკუნეების საქართველოს ცხოვრების თითქმის ყველა სფეროს: მეფის ბრძანებებს, წერილებს, საყოფაცხოვრებო ურთიერთობის ამსახველ დოკუმენტებს და ა.შ. ნათლად წარმოაჩენს ქვეყნის პოლიტიკური, სოციალურ-ეკონომიკური თუ კულტურული განვითარების საერთო სურათს. გამოცემა განკუთვნილია საქართველოს ისტორიის, წყაროთმცოდნეობისა და სამართალმცოდნეობით დაინტერესებულ მკვლევართა და ასევე ფართო საზოგადოებისათვის.
|
 |
ავტორი:
სათაური: ამბავი ერთი ხელნაწერისა (ქართულ-ბერძნული ილუსტრირებული ხელნაწერი სანკტ-პეტერბურგის კოლექციიდან)
გამომცემლობა: ხელნაწერთა ეროვნული ცენტრი
გამოშვების წელი: 2012
ქართული მწიგნობრობისა და მხატვრული აზროვნების უნიკალური ნიმუში - XV-XVI საუკუნეების ქართულ-ბერძნული ხელნაწერი რუსეთის ეროვნულ ბიბლიოთეკაშია დაცული. ხელნაწერი შინაარსით ლიტურგიკული კრებულია. შეიცავს ორენოვანი - ქართული და ბერძნული - ტექსტების თავისებურ ერთიანობას. ტექსტი მოიცავს სახარებისეულ საკითხავებს, ტროპარებს, სავედრებელ ლოცვებს, თვენს, მაცხოვრისა და ავგაროზ მეფის მიმოწერის აპოკრიფულ ისტორიას. ტექსტის ძირითადი ნაწილი ქართულია, ნაწერია ორ სვეტად, ნუსხურად. ტროპარები, სავედრებელი ლოცვები და ცალკეული საკითხავები კი ბერძნულ ენაზეა. ქართულ-ბერძნული ხელნაწერი ოთხი მხატვრის დასურათებულია. ისინი ნიმუშებად სხვადასხვა წყაროს იყენებენ. ხელნაწერის შედგენილობა და მხატვრული სახე სხვადასხვა იკონოგრაფიული და სტილური ტენდენციების არსებობას ავლენს. სახეზეა ათონური და ათონთან დაკავშირებული მხატვრული წრის გავლენა, კრეტული და დასავლური ხელოვნების ანარეკლი.
|
 |
ავტორი: ზაზა ალექსიძე
სათაური: ქრისტიანული კავკასია - ისტორიულ-ფილოლოგიური ძიებანი I
გამომცემლობა: ხელნაწერთა ეროვნული ცენტრი
გამოშვების წელი: 2010
კრებულში თავმოყრილია ქართველი ისტორიკოსისა და ფილოლოგის, პროფესორ ზაზა ალექსიძის შრომები, რომლებიც სხვადასხვა წლებში გამოქვეყნებული იყო ქართულ და უცხოურ პერიოდულ გამოცემებსა თუ სამეცნიერო კრებულებში. კრებული ორი ნაწილისაგან შედგება, გარდა სტატიებისა, წარმოდგენილია სხვადასხვა მონოგრაფიების ნაწილიც, რომელთაც დასრულებული სტატიების სახე აქვს და მათი ცალკე გამოქვეყნება ხელმისაწვდომს გახდის მკითხველთა ფართო წრისათვის, ასევე შესულია ორი გამოუქვეყნებელი ნაშრომიც. მასალა წიგნში დალაგებულია ქრონოლოგიის მიხედვით, პირველი ნაწილი მოიცავს 1963-1999 წლებს, მეორე კი 2000-2010 წლების შრომებს.
|
 |
ავტორი: თეოფილე ხუცესმონაზონი
სათაური: მამათა სწავლანი და თხრობანი
გამომცემლობა: ხელნაწერთა ეროვნული ცენტრი
გამოშვების წელი: 2014
წინამდებარე წიგნი პატერიკების ქართული თარგმანების გამოცემის მესამე ნაწილია. წიგნის პირველ ტომში მოცემულია სისტემური პატერიკების ეფთვიმე მთაწმიდელისეული თარგმანი, ხოლო მეორე ტომში - ანბანურ-ანონიმური კრებულის ქართული თარგმანები სინური და ათონური ხელნაწერების მიხედვით. წინამდებარე გამოცემა აპოფთეგმატას სისტემატური კოლექციის თეოფილე ხუცესმონაზონისეულ თარგმანს წარმოადგენს. ამ გამოცემით სრულდება პატერიკების ქართული თარგმანების მკითხველთა ფართო წრისათვის წარდგენა.
|
 |
ავტორი: ვლადიმერ (ლადო) პაპავა
სათაური: საქართველოს ეკონომიკა - რეფორმები და ფსევდორეფორმები
გამომცემლობა: ინტელექტი
გამოშვების წელი: 2015
წინამდებარე ნაშრომში განხილულია იმ ეკონომიკური რეფორმების არსი, რომლებიც საქართველოში განხორციელდა ქვეყნის მიერ სახელმწიფოებრივი დამოუკიდებლობის აღდგენიდან დღემდე. გაანალიზებულია საქართველოს ეკონომიკის რეფორმირების როგორც მიღწევები, ისე ამ პროცესში დაშვებული შეცდომებიც. გამოკვეთილია უახლოეს მომავალში საქართველოში გასატარებელი ეკონომიკური რეფორმების მაგისტრალური გზა. წიგნი განკუთვნილია მეცნიერ-ეკონომისტებისათვის, ეკონომიკური პროფილის უმაღლესი სასწავლებლებისა და ეკონომიკის ფაკულტეტების სტუდენტებისათვის, პროფესორებისათვის, აგრეთვე საქართველოს ეკონომიკის აქტუალური პრობლემებით დაინტერესებულ მკითხველთა ფართო წრისათვის.
|
 |
ავტორი: ნიკიტა სტითატი
სათაური: დოგმატიკონი II
გამომცემლობა: ხელნაწერთა ეროვნული ცენტრი
გამოშვების წელი: 2013
წინამდებარე პუბლიკაციაში წარმოდგენილია XI საუკუნის ცნობილი ბიზანტიელი მწერლისა და პოლემისტის, ნიკიტა სტითატის, თხზულებათა არსენ იყალთოელისეული თარგმანები, რომლებიც შესულია მის ცნობილ დოგმატიკურ-პოლემიკურ კრებულში ,,დოგმატიკონი’’. ესენია: 1. ხუთი პოლემიკური სიტყვა სომხური მონოფიზიტობის წინააღმდეგ,. 2. ,,სათნოებითთა აღსავალთათვის’’, ,,სულისათვის’’, ,,სამოთხისათვის’’. და 3. ეპისტოლეები. წიგნი წარმოადგენს ,,დოგმატიკონის’’ II ტომს.
|
 |
ავტორი: დავით წერედიანი
სათაური: ანარეკლი
გამომცემლობა: ბაკურ სულაკაურის გამომცემლობა
გამოშვების წელი: 2014
დავით წერედიანის ,,ანარეკლი’’ პირველად 2005 წელს გამოიცა და სახელმწიფო პრემია დაიმსახურა. წინამდებარე გამოცემა შევსებულია. მისი ძირითადი ნაწილი ქართულ კლასიკურ პოეზიას ეძღვნება, რუსთაველიდან გალაკტიონამდე. მრავალი რამ ახლებურად არის დანახული და წაკითხული. ნაშრომის ბოლო მონაკვეთი უმთავრესად დასავლურ პოეზიას ეძღვნება. დამატების სახით ერთვის წიგნის ავტორის მიერვე შესრულებული რამდენიმე რჩეული თარგმანი.
|
 |
ავტორი: ცოტნე ცხვედიანი
სათაური: ქალაქი და წმინდანები
გამომცემლობა: ბაკურ სულაკაურის გამომცემლობა
გამოშვების წელი: 2014
ახალგაზრდა ქართველი ავტორის, ცოტნე ცხვედიანის მოთხრობების სადებიუტო კრებული ,,ქალაქი და წმინდანები’’ საქართველოს პროვინციულ ქალაქებსა თუ დაბებში მცხოვრებთა ყოველდღიურობაზე მოგვითხრობს. მოთხრობებს ფონად გასდევს სოციალური გაჭირვება, ცხოვრების დინამიური რიტმი, სირთულეები, რომელთა წინააღმდეგ ბრძოლისას უბრალო ადამიანები უძლურნი არიან და ერთადერთ გამოსავლად გაქცევა მიაჩნიათ, ხოლო ვინც ამას ვერ მოახერხებს, დეპრესიის მსხვერპლი ხდება. ცხოვრების ნორმალურ რიტმს მოწყვეტილი დასახლებების ბინადრების, დიდებისა თუ პატარების სულისშემძვრელი ისტორიები მკითხველს ქვეყნის რეალურ პრობლემებზე დააფიქრებს.
|
 |
ავტორი: მორჩილაძე აკა
სათაური: ჩრდილი გზაზე
გამომცემლობა: ბაკურ სულაკაურის გამომცემლობა
გამოშვების წელი: 2014
აკა მორჩილაძის ახალი წიგნი - ,,ჩრდილი გზაზე’’ ჟანრობრივად დოკუმენტურ პროზას მიეკუთვნება. მწერალი მიმოიხილავს XX საუკუნის მნიშვნელოვან მოვლენებს, ათწლეულებად დაყოფილ პერიოდებს და იმ ცვლილებებს, რაც მათ ახლდა.
|
 |
ავტორი: ჰარპერ ლი
სათაური: ნუ მოკლავ ჯაფარას
გამომცემლობა: ბაკურ სულაკაურის გამომცემლობა
გამოშვების წელი: 2015
ცნობილი მწერლის, ჰარპერ ლის ერთადერთი რომანი ,,ნუ მოკლავ ჯაფარას’’ ლიტერატურის კრიტიკოსებმა აღიარეს ყველაზე ჰუმანურ ამერიკულ ნაწარმოებად. დიდი დეპრესიის პერიოდში ალაბამის შტატის ერთ პატარა ქალაქში განვითარებული, 6 წლის გოგონას, ჯონ ლუიზა ფიჩის თვალით დანახული მოვლენები თანამედროვე მკითხველს უჩვენებს, რომ ადამიანური წარმოდგენები ხშირად იცვლება.
|
 |
ავტორი: ვლადიმირ ნაბოკოვი
სათაური: ლოლიტა
გამომცემლობა: ბაკურ სულაკაურის გამომცემლობა
გამოშვების წელი: 2014
აღნიშნული მოთხრობის ავტორი, ვლადიმირ ნაბოკოვი მე-20 საუკუნის ერთ-ერთი გამორჩეული მწერალი იყო. მისი პირველი ნაწარმოებები რუსულენოვანი იყო, თუმცა მსოფლიო აღიარება მას ინგლისურ ენაზე დაწერილმა რომანებმა მოუტანა. მათ შორის გამორჩეული ადგილი უკავია ,,ლოლიტას’’, რომელსაც კრიტიკოსები ხშირად მოიხსენიებდნენ მე-20 საუკუნის ერთ-ერთ ყველაზე მნიშვნელოვან მხატვრულ ნაწარმოებად. აღნიშნული მოთხრობის საშუალებით, მკითხველი გაეცნობა ,,ლოლიტას’’ რუსული, ავტორისეული ვერსიიდან შესრულებულ თარგმანს.
|
 |
ავტორი: უილიამ გოლდინგი
სათაური: ბუზთა ბატონი
გამომცემლობა: ბაკურ სულაკაურის გამომცემლობა
გამოშვების წელი: 2014
,,ბუზთა ბატონი’’ ცნობილი ბრიტანელი მწერლის, ბუკერისა და ნობელის პრემიების ლაურეატის უილიამ გოლდინგის პირველი და ყველაზე ცნობილი რომანია. ნაწარმოები 1954 წელს დაიწერა, რომანი უამრავი სიმბოლიკით დატვირთული ერთგვარი ლიტერატურული პაროდიაა. ამ რომანით მწერალმა არაერთი სტერეოტიპი დაანგრია და უკაცრიელ კუნძულზე მოხვედრილი სკოლის მოსწავლეების მაგალითზე შეულამაზებლად ასახა ადამიანის ქვეცნობიერში ცივილიზებულობის მიღმა მიმალული ცნობიერება. 1963 წელს პიტერ ბრუკმა ხოლო 1990 წელს ჰარი ჰუკმა აღნიშნული რომანის მიხედვით ფილმები გადაიღეს.
|
 |
ავტორი: ბრუნო ლეონი
სათაური: თავისუფლება და კანონი
გამომცემლობა: ბაკურ სულაკაურის გამომცემლობა
გამოშვების წელი: 2015
,,თავისუფლება და კანონი’’ცნობილი იტალიელი მეცნიერის ბრუნო ლეონის ლექციათა კურსის საფუძველზეა შედგენილი, რომელიც პროფესორმა 1958 წლის 15-28 ივნისს კლერმონში, კალიფორნიაში (აშშ) წაიკითხა. მოწვეული მეცნიერის სტატუსით ლეონი მსოფლიოს მასშტაბით მოგზაურობდა და ატარებდა ლექციებს სხვადასხვა სასწავლებლებში. ბრუნო ლეონი იყო ჟურნალის “Il Politico” დამაარსებელი და რედაქტორი.
|
 |
ავტორი: სალი გრინი
სათაური: ნახევრად ცუდი
გამომცემლობა: ბაკურ სულაკაურის გამომცემლობა
გამოშვების წელი: 2014
,,ნახევრად ცუდი“ ინგლისელი დებიუტანტი მწერლის სალი გრინის ტრილოგიის პირველი წიგნია. აღნიშნული რომანი, 2014 წელს გამოვიდა და უკვე 31 ენაზე ითარგმნა. მოქმედება თანამედროვე ეპოქაში, ინგლისში ხდება, სადაც ადამიანები ბოროტ და კეთილ ჯადოქრებთან თანაცხოვრობენ. მთავარი გმირი თექვსმეტი წლის ნათან ბირნია, რომლის მამა მსოფლიოში სახელგანთქმული ბოროტი ჯადოქარია, გარდაცვლილი დედა კი კეთილი ჯადოქარი იყო. ნათანის არსება გაორებულია - ის ერთადერთია მთელ ჯადოქრულ სამყაროში, ვინც ნახევრად კეთილი და ნახევრად ბოროტია. ბიჭი, რომელზეც ყველა ნადირობს, მოკვდება, თუ მეჩვიდმეტე დაბადების დღემდე ვერ მოასწრებს მამის მოძებნას და მისგან სამი საჩუქრის მიღებას.
|
 |
ავტორი: მალალა იუსაფზაი
სათაური: მე ვარ მალალა
გამომცემლობა: ბაკურ სულაკაურის გამომცემლობა
გამოშვების წელი: 2015
აღნიშნული წიგნის ავტორი - მალალა იუსაფზაი, 14 წლის პაკისტანელი გოგონაა, რომელმაც ღიად გაილაშქრა თალიბების უმკაცრესი წესების წინააღმდეგ ქალთა განათლების უფლებების დასაცავად. ,მე ვარ მალალა’’ ავტობიოგრაფიული წიგნია, რომელშიც დიდი ყურადღება ეთმობა პაკისტანის ისტორიასა და რიგითი პაკისტანელების ცხოვრებას თალიბანის მმართველობის დროს. მალალა იუსაფზაი 2014 წელს მშვიდობის დარგში ნობელის პრემიის ყველაზე ახალგაზრდა ლაურეატი გახდა.
|
 |
ავტორი: თომას კენილი
სათაური: შინდლერის სია
გამომცემლობა: ბაკურ სულაკაურის გამომცემლობა
გამოშვების წელი: 2015
ავსტრიელი მწერლის, თომას კენილის კალამს არაერთი მხატვრული და დოკუმენტური ნაწარმოები ეკუთვნის, მაგრამ მათ შორის უმთავრესია ,,შინდლერის სია’’, რომლისთვისაც მწერალმა ბუკერის პრემია და საუკეთესო მხატვრული ნაწარმოების ნომინაციაში ,,Los Angeles Times’’-ის ლიტერატურული ჯილდო მოიპოვა. ნაწარმოები შექმნილია ნამდვილ ისტორიაზე დაყრდნობით. იგი ეხება ავსტრიელ ფაბრიკის მფლობელ, ნაცისტური პარტიის წევრ ოსკარ შინდლერს, რომელმაც დიდი ძალისხმევისა და რისკის ფასად თავის ქარხნებში მომუშავე ათასზე მეტი გეტოელი ებრაელი გარდაუვალი სიკვდილისგან იხსნა და დღემდე ადამიანური სიკეთისა და უანგარობის ერთ-ერთი საუკეთესო მაგალითია.
|
 |
ავტორი: კნუტ ჰამსუნი
სათაური: მისტერიები
გამომცემლობა: ბაკურ სულაკაურის გამომცემლობა
გამოშვების წელი: 2014
,,მისტერიები’’ ცნობილი ნორვეგიელი მწერლისა და ნობელის პრემიის ლაურეატის კნუტ ჰამსუნის რიგით მეორე რომანია, რომელიც 1892 წელს გამოვიდა. კრიტიკოსები რომანს მწერლის საუკეთესო ნაწარმოებად მიიჩნევენ. აღნიშნულ ფსიქოლოგიურ, მოდერნისტულ რომანში მე-20 საუკუნეში ფართოდ გავრცელებული ფილოსოფიური შეხედულებები იჩენს თავს. ესაა რომანი ადამიანის შინაგან კონფლიქტებსა და მის ადგილზე გარესამყაროში.
|
 |
ავტორი: სტივენ ჩბოსკი
სათაური: მარტოსულობის უპირატესობანი
გამომცემლობა: ბაკურ სულაკაურის გამომცემლობა
გამოშვების წელი: 2015
აღნიშნული ნაწარმოები მოგვითხრობს საკუთარ თავში ჩაკეტილი თინეიჯერი ბიჭის, ჩარლის ისტორიას. მას აქვს ფსიქოლოგიური ტრამვა რის შედეგადაც უჭირს ხალხთან კონტაქტში შესვლა. ერთ დღესაც ის გაიჩენს ორ მეგობარს: პატრიკსა და სემს, რომლებიც მის ცხოვრებას შეცვლიან... მათი თავს გადახდენილი ისტორიებით მკითხველი გაეცნობა 90-იანი წლების ამერიკელი თინეიჯერების ცხოვრებას, მათ ბრძოლას ცხოვრებისეულ სირთულეებთან თუ საკუთარ თავთან. ,,მარტოსულობის უპირატესობანი’’ განსაკუთრებით პოპულარული გახდა წიგნის ავტორის - სტივენ ჩბოსკის რეჟისორობით გადაღებული ამავე სახელწოდების ფილმის გამოსვლის შემდეგ.
|
 |
ავტორი: სალა სიმუკა
სათაური: სისხლივით წითელი
გამომცემლობა: ბაკურ სულაკაურის გამომცემლობა
გამოშვების წელი: 2014
,,სისხლივით წითელი’’ ახალგაზრდა ფინელი მწერლისა და მთარგმნელის, სალა სიმუკას დეტექტიური ტრილოგიის მესამე წიგნია, რომელიც მსოფლიოს ბევრ ენაზე ითარგმნა. რომანის ავტორს მიღებული აქვს რამდენიმე პრესტიჟული ჯილდო საუკეთესო ახალგაზრდული რომანებისათვის.
|
 |
ავტორი: ივან ტურგენევი
სათაური: პირველი სიყვარული, გაზაფხულის მღელვარე ნაკადები
გამომცემლობა: ბაკურ სულაკაურის გამომცემლობა
გამოშვების წელი: 2015
აღნიშნულ წიგნში გაერთიანებულია ცნობილი რუსი მწერლისა და დრამატურგის, ოქსფორდის უნივერსიტეტის საპატიო დოქტორის, ივან ტურგენევის ორი პროზაული ნაწარმოები: ,,პირველი სიყვარული’’ და ,,გაზაფხულის მღელვარე ნაკადები’’. მოთხრობები არა ეპიზოდების, არამედ პერსონაჟთა ემოციების თანამიმდევრობაა და ყურადღებას მუსიკალურობით იპყრობს. ივან ტურგენევის ნაწარმოებები მსოფლიოს სხვადასხვა ქვეყანაში შექმნილ მრავალ სპექტაკლს, კინო- და ტელეფილმს დაედო საფუძვლად.
|
 |
ავტორი: თომას ბერნჰარდი
სათაური: სანახაობის მომწყობი
გამომცემლობა: ბაკურ სულაკაურის გამომცემლობა
გამოშვების წელი: 2015
,,სანახაობის მომწყობი’’ გამოჩენილი ავსტრიელი პროზაიკოსისა და დრამატურგის, თომას ბერნჰარდის პირველი ნაწარმოებია, რომელიც ქართულად ითარგმნა. ეს არის პიესა თეატრზე, მსახიობის პროფესიაზე, ზოგადად, კულტურის ინდუსტრიაზე და ა.შ.
|
 |
ავტორი: მარჯან სატრაპი
სათაური: პერსეპოლისი (ბავშვობა, დაბრუნება)
გამომცემლობა: ბაკურ სულაკაურის გამომცემლობა
გამოშვების წელი: 2015
,,პერსეპოლისი’’ ქართულ ენაზე თარგმნილი პირველი გრაფიკული რომანია, რომელშიც ირანელი მწერალი და მხატვარი მარჯან სატრაპი ბრწყინვალე ილუსტრაციებითა და უშუალო იუმორით სავსე ტექსტით საკუთარ ცხოვრებაზე გვიამბობს და გვიჩვენებს მეამბოხე ირანელი გოგონას ყოფას ისლამისტურ ირანსა და ევროპაში. მარჯანის ბავშვობა ირანის ისტორიის უმნიშვნელოვანეს პერიოდს, შაჰის ჩამოგდებას, ისლამურ რევოლუციასა და ერაყთან ომს ემთხვევა. ,,პერსეპოლისმა’’ გამოქვეყნებისთანავე დაიმსახურა მკითხველის მოწონება, რის შემდეგაც 30-მდე ენაზე ითარგმნა. 2007 წელს რომანის მიხედვით გადაიღეს ანიმაციური ფილმი, რომელმაც კანის კინოფესტივალზე ჟიურის მთავარი პრიზი დაიმსახურა.
|
 |
ავტორი: ო’ჰენრი
სათაური: კომბოსტო და მეფეები
გამომცემლობა: ბაკურ სულაკაურის გამომცემლობა
გამოშვების წელი: 2014
ცნობილმა ამერიკელმა მწერალმა ო’ჰენრიმ სატირული ნაწარმოები ,,კომბოსტო და მეფეები’’ 1904 წელს დაწერა. მოთხრობა შედგება რამდენიმე ნოველისაგან, რომლებსაც პერსონაჟები აერთიანებენ.
|
 |
ავტორი: ამელი ნოტომი
სათაური: ტკბილი ნოსტალგია
გამომცემლობა: ბაკურ სულაკაურის გამომცემლობა
გამოშვების წელი: 2013
,,ტკბილი ნოსტალგია’’ ცნობილი ბელგიელი მწერლის, ამელი ნოტომის რომანია, რომელიც მოგვითხრობს მწერლის შეხვედრაზე წარსულთან, ახალგაზრდობასთან.
|
 |
ავტორი: გ. ცინცაძე, ნ.მგელაძე, რ.მოლოდინი, რ. ჩაგუნავა
სათაური: შალვა ცინცაძე - გამოჩენილი ქართველი მეცნიერი
გამომცემლობა:
გამოშვების წელი: 2015
აღნიშნული ნაშრომი მსოფლიო მნიშვნელობის მეცნიერის - შალვა ცინცაძის ხსოვნას ეძღვნება. 26 წლის ასაკში მან წარმატებით გადაწყვიტა აგროქიმიაში არსებული ერთ-ერთი მნიშვნელოვანი პრობლემა და შეიმუშავა კულტურულ მცენარეთა ხელოვნური კვებისათვის საჭირო ქიმიური ნარევები. ერთ ერთ მათგანს ეწოდა ,,ცინცაძის ნარევი’’ და 1927 წლის დასაწყისიდან ამ სახელით დამკვიდრდა მსოფლიო ლიტერატურაში და აგროქიმიურ პრაქტიკაში. მეცნიერის შემოქმედებით მწვერვალს წარმოადგენს ფოსფორისა და დარიშხანის განმსაზღვრავი მოლიბდენის ლურჯის რეაქტიცი, რომელიც მსოფლიო ლიტერატურაში ,,ცინცაძის რეაქტივის’’ სახელწოდებით შევიდა.
|
 |
ავტორი: ავთანდილ ტუკვაძე
სათაური: პოლიტიკური კულტურის შედარებითი ანალიზი
გამომცემლობა: უნივერსალი
გამოშვების წელი: 2014
წინამდებარე ნაშრომში განხილულია პოლიტიკური კულტურის განსაზღვრებები, რომლის სიმრავლესა და მრავალფეროვნებას განაპირობებს განსხვავებული მეთოდოლოგიური მიდგომები, ეროვნული თავისებურებები, კულტურული ცვლილებების დინამიკა და ასევე მკვლევარების მიდრეკილება ორიგინალური ცნების ჩამოყალიბებისაკენ. ნაშრომში მნიშვნელოვანი ადგილი აქვს დათმობილი გ. ალმონდისა და ს. ვერბას სამოქალაქო კულტურის განხილვას, რადგან, მათ მიერ დამკვიდრებული კვლევის მეთოდი საყოველთაოდაა აღიარებული, იზიარებს მრავალი მეცნიერი და კლასიკურ კონცეფციად იქცა.
|
 |
ავტორი: გივი კალანდაძე
სათაური: საქართველოს დიდება - ღვთიური სიბრძნის მართლმადიდებლური ენციკლოპედია (ეკლესიის ქართველ მამათა გამონათქვამები)
გამომცემლობა:
გამოშვების წელი: 2014
,,საქართველოს დიდება’’ წარმოადგენს როგორც ქართული მართლმადიდებლური სულიერების ფუძემდებლების ღირსი წმინდა მამების, ასევე თანამედროვე ქართული ეკლესიის მამების (უწმინდესი და უნეტარესი საქართველოს კათოლიკოს პატრიარქი ილია II, მთავარეპისკოპოსი თადეოზი, ეპისკოპოსი ზენონი, მთავარეპისკოპოსი ზოსიმე, გაბრიელ ბერი, მამა გიორგი ბასილაძე, დეკანოზი არჩილ მინდიაშვილი, დეკანოზი თეოდორე გიგნაძე და არქიმანდრიტი ლაზარე აბაშიძე) აზრების კრებულს. წიგნი არის ენციკლოპედიური ხასიათის, იგი შეიცავს ორასამდე თემასა და რამდენიმე ათას, ქადაგებებიდან გამოკრებილ ნაწყვეტებს.
|
 |
ავტორი: ჰარუკი მურაკამი
სათაური: კაფკა პლაჟზე
გამომცემლობა: ბაკურ სულაკაურის გამომცემლობა
გამოშვების წელი: 2014
ჰარუკი მურაკამი თანამედროვე იაპონელი მწერალი და მთარგმნელია.მისი რომანი ,,კაფკა პლაჟზე’’ 2002 წელს გამოვიდა და სხვადასხვა პრემიებთან ერთად, 2005 წელს ფრანკფურტში საუკეთესო ახალგაზრდული წიგნის ჯილდოც მოიპოვა. რომანში ორი ადამიანის ისტორია ენაცვლება ერთმანეთს. მათ ბედზე კი დიდ გავლენას ახდენს ზებუნებრივი ძალები და გამოგონილი მოვლენები. ნაწარმოებისთვის ასევე დამახასიათებელია ყოფითი დეტალების სიჭარბე.
|
 |
ავტორი: სალომე ბენიძე
სათაური: მოხსენებითი ბარათი
გამომცემლობა: ინტელექტი
გამოშვების წელი: 2012
,,მოხსენებითი ბარათი’’ ახალგაზრდა ქართველი პოეტის, სალომე ბენიძის პირველი პოეტური კრებულია, რომელიც ლიტერატურული პრემია ,,საბას’’ 2011 წლის გამარჯვებულია ნომინაციაში - ,,წლის საუკეთესო დებიუტი’’.
|
 |
ავტორი: ჯაბა ზარქუა
სათაური: ვარმშტადული პარადოქსი
გამომცემლობა: ბაკურ სულაკაურის გამომცემლობა
გამოშვების წელი: 2011
,,ვარმშტადული პარადოქსი’’ ახალგაზრდა მწერლის ჯაბა ზარქუას პირველი პოეტური კრებულია. მისი ავტორი 2009 წელს გახდა ლიტერატურული კონკურსის ,,ალუბლობა 2009’’ პირველი პრემიის მფლობელი. ჯაბა ზარქუას მოთხრობები შესულია კრებულებში: ,,წერო’’, ,,თხუთმეტ-თხუთმეტი’’ და ,,15 საუკეთესო’’.
|
 |
ავტორი: ჯაბა ზარქუა
სათაური: მკითხველი უნდა მოკვდეს
გამომცემლობა: ბაკურ სულაკაურის გამომცემლობა
გამოშვების წელი: 2012
,,მკითხველი უნდა მოკვდეს’’ ახალგაზრდა ქართველი მწერლის ჯაბა ზარქუას ბოლოდროინდელი მოთხრობაა, რომელიც სამეცნიერო ფანტასტიკის ჟანრს განეკუთვნება. მოქმედება ვითარდება მომავალში, XXII საუკუნის დასაწყისში. მსოფლიო ორად არის გაყოფილი - მესამე რაიხის იმპერია და მცირე სახელმწიფოები, რომელთაგან ერთ-ერთია ვარმშტადი. ორი რეჟიმი არსით ერთმანეთს ჰგავს, თუმცა ერთი რამით მაინც განსხვავდება - ვარმშტადული რეჟიმი უნიკალურია მსოფლიო დიქტატორულ რეჟიმებს შორის, რადგან იქ ადამიანების მორჩილებას წიგნების საშუალებით ცდილობენ...
|
 |
ავტორი: ჯონ გრინი
სათაური: ბედის ვარსკვლავის ბრალია
გამომცემლობა: ბაკურ სულაკაურის გამომცემლობა
გამოშვების წელი: 2014
ჯონ გრინი ცნობილი ამერიკელი მწერალია. ავტორია ხუთი რომანის. მისი უკანასკნელი რომანი "ბედის ვარსკვლავის ბრალია" 2012 წლის იანვარში გამოვიდა და გამოსვლისთანავე New York Time-ის კატეგორია Children`s Chapter Books-ის ბესტსელერი გახდა. რომანის მთავარი გმირები არიან ჰეზელ გრეისი და ავგუსტუს უოტერსი. ორივე მათგანი კიბოს ებრძვის და ისინი სწორედ ამ დაავადებამ დააკავშირა. აღნიშნული რომანის მიხედვით გადაღებულია ფილმიც, რომელიც 2014 წლის ბოლოს გამოვიდა.
|
 |
ავტორი:
სათაური: სტუდენტ ეთნოლოგთა სამეცნიერო ნაშრომები I
გამომცემლობა: უნივერსალი
გამოშვების წელი: 2015
წინამდებარე კრებულში დაბეჭდილი სტატიები ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ეთნოლოგიის მიმართულების სტუდენტებს ეკუთვნით, ნაშრომების ძირითადი ნაწილი სტუდენტების მიერ ეთნოლოგიურ ექსპედიციებში შეკრებილ მასალებს ეყრდნობა.
|
 |
ავტორი: გიორგი კეკელიძე
სათაური: გურული დღიურები
გამომცემლობა: სიესტა
გამოშვების წელი: 2015
დოკუმენტურ პროზად დაწერილი „გურული დღიურები“ ავტორის მოგონებებისა და გურულების მიერ მოთხრობილი ამბებისგან შედგება. ავტორის მოგზაურობა გურიაში ოთხ თვეს გრძელდებოდა და ის პირადად იწერდა ძველი დროის ამბებს ადგილობრივი წეს-ჩვეულებებისა და რიტუალების შესახებ გურული გლეხებისგან.
|
 |
ავტორი: გიორგი კეკელიძე, მაი ლაშაური
სათაური: მინიატურები
გამომცემლობა: სიესტა
გამოშვების წელი: 2012
“მინიატურები” ქართველი პოეტის, გიორგი კეკელიძისა და მხატვრის, მაი ლაშაურის ერთობლივი პროექტია, რომელშიც პოეზია და მხატვრობაა გაერთიანებული.
|
 |
ავტორი:
სათაური: 100 ლექსი - ახალგაზრდა პოეტები
გამომცემლობა: ინტელექტი
გამოშვების წელი: 2012
წინამდებარე პოეტურ კრებულში ქართველ პოეტთა (როინ აბუსელიძე, დიანა ამფიმიადი, გიო არაბული, გიორგი კეკელიძე, მაია ლიპარტელიანი, ნინო ნადირაძე, ნინო ნეკერიშვილი) ახალი თაობის ლექსებია შესული.
|
 |
ავტორი: გიორგი კეკელიძე
სათაური: პოეზია 2008-2013
გამომცემლობა: სიესტა
გამოშვების წელი: 2014
პოეტური კრებული - "პოეზია 2008-2013" გიორგი კეკელიძის ხუთწლეულის ნამუშაკევს მოიცავს. აღნიშნული კრებული 2015 წელს "წინანდლის პრემიის" ლაურეატი გახდა პოეზიის დარგში.
|
 |
ავტორი: როზეტა ასათიანი
სათაური: თანამედროვე ეკონომიკის მცირე ენციკლოპედია
გამომცემლობა: სიახლე
გამოშვების წელი: 2014
ნაშრომი მოიცავს თანამედროვე მიკრო-, მეზო-, მაკრო- და მეგაეკონომიკის თეორიულ და პრაქტიკულ საკითხთა ფართო წრეს, აგრეთვე ცნობილი ეკონიმისტების, მათ შორის, ნობელის პრემიის ლაურეატების მეცნიერული მოღვაწეობის ამსახველ მასალებს. ყოველი ტერმინის, ცნების სალექსიკონო სტატია შედგება მისი სახლეწოდების, აბრევიატურის, ინგლისური შესატყვისის, ეტიმოლოგიისა და ახსნა-განმარტებისაგან. წიგნი განკუთვნილია მეცნიერ-ეკონომისტებისა და პრაქტიკოსებისათვის. იგი როგორც დამხმარე სახელმძღვანელო მასალა დააინტერესებთ უმაღლესი სასწავლებლების როგორც ეკონომიკური პროფილის, ისე სხვა საუნივერსიტეტო სპეციალობების ბაკალავრებს, მაგისტრებსა და დოქტორანტებს. ასევე, თანამედროვე საბაზრო ეკონომიკის პრობლემებით დაინტერესებულ მკითხველებს.
|
 |
ავტორი: გურამ ლორთქიფანიძე, გოჩა გერაძე
სათაური: კულტუროლოგია ყმაწვილთათვის II - ანტიკური ცივილიზაცია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
აღნიშნული წიგნის - ,,კულტუროლოგია ყმაწვილთათვის’’ - მეორე ნაწილი ეძღვნება ხმელთაშუაზღვისპირეთის ქვეყნების ცივილიზაციებს. მათი მნიშვნელობა მსოფლიო კულტურის ისტორიაში დიდია, რადგან მათ ჩაუყარეს საფუძველი თანამედროვე ევროპული სახელმწიფოების კულტურას. აღმოსავლური და დასავლური ცივილიზაციების დამაკავშირებელ რგოლად წარმოგვიდგება ებრაული კულტურა, რომლის მიმოხილვითაც იწყება წინამდებარე წიგნი. განკუთვნილია დამხარე სახელმძღვანელოდ სტუდენტი ახალგაზრდობისათვის.
|
 |
ავტორი: კონსტანტინე კაპანელი
სათაური: რენესანსი ლიტერატურაში (ნარკვევები ევროპული ლიტერატურის ისტორიიდან)
გამომცემლობა: ნეკერი
გამოშვების წელი: 2014
აღნიშნულ კრებულში წარმოდგენილია რენესანსისა და მომდევნო ეპოქის მსოფლიო ლიტერატურის რამდენიმე კლასიკოსის (შოთა რუსთაველი, დანტე ალიგიერი, ფრანჩესკო პეტრარკა, ჯოვანი ბოკაჩო, უილიამ შექსპირი და სხვ.) ნაწარმოებთა მხატვრული მიმოხილვა.
|
 |
ავტორი:
სათაური: თანამედროვე ლიტვური პოეზია
გამომცემლობა: ინტელექტი
გამოშვების წელი: 2014
თანამედროვე ლიტვური პოეზიის წინამდებარე კრებულში თავმოყრილია ქართულ ლიტერატურულ პრესასა თუ ცალკეულ გამოცემებში გაბნეული ლიტვური ლირიკის ნიმუშები. ქართველი მკითხველი პირველად გაეცნობა ოცდაათამდე ლიტველ პოეტს, რომლებიც მკვეთრად განსხვავდებიან ერთმანეთისაგან სტილისტიკით, ესთეტიკითა თუ გამომსახველობითი ფორმების მრავალგვარობით, რაც აღნიშნულ წიგნს უფრო საინტერესოს ხდის.
|
 |
ავტორი: ლევან ჯიქია
სათაური: 1924 წლის ანტისაბჭოთა ეროვნული აჯანყება ზუგდიდის მაზრაში
გამომცემლობა: მერიდიანი
გამოშვების წელი: 2015
აღნიშნულ ნაშრომში გაშუქებულია 1924 წლის ანტისაბჭოთა ეროვნული აჯანყებისათვის მზადება, აჯანყების მსვლელობა და აჯანყების დამარცხების შემდეგ საბჭოთა ხელისუფლების მიერ განხორციელებული რეპრესიები ზუგდიდის მაზრაში. ამ პროცესის უკეთ აღქმის მიზნით წიგნს ერთვის დოკუმენტები და მასალები. ნაშრომი განკუთვნილია სპეციალისტებისა და მკითხველთა ფართო წრისათვის.
|
 |
ავტორი: ნანა მრევლიშვილი, ეკა ჩიკვაიძე
სათაური: ლიტერატურული წერილები
გამომცემლობა: გლობუსი
გამოშვების წელი: 2013
წინამდებარე კრებულში თავმოყრილია ავტორთა მიერ სხვადასხვა დროს გამოქვეყნებული ლიტერატურული წერილები, რომლებიც ქართული ლიტერატურის სამ პერიოდს მოიცავს - ძველს, ახალსა და მე-20 საუკუნეს. ნაშრომთა თავმოყრა ორ პრინციპს (ქრონოლოგიურსა და თემატურს) ეფუძნება. ქრონოლოგიური თანმიმდევრულობით წარმოდგენილი თემატურად დაკავშირებული პუბლიკაციები ვიწრო სამეცნიერო წრეებთან ერთად ფართო საზოგადოების ყურადღებასაც იპყრობს და ლიტერატურულ პროცესთა თუ საკითხთა სისტემურ აღქმა-გააზრებაში ეხმარება დაინტერესებულ მკითხველს.
|
 |
ავტორი: როლანდ თოფჩიშვილი
სათაური: აფხაზურ-ადიღეური ეთნიკური ერთობების ეთნოგენეზის შესახებ
გამომცემლობა: უნივერსალი
გამოშვების წელი: 2015
აღნიშნულ წიგნში საისტორიო, ეთნოლოგიური, ლინგვისტური და სხვა მეცნიერების მონაცემების საფუძველზე დადგენილია, რომ ენობრივად მონათესავე ეთნოსების - აფხაზების, აბაზების, უბიხების და ადიღელების/ჩერქეზების/ყაბარდოელების წინაპართა თავდაპირველი განსახლების არეალი ჩრდილოეთით იყო: აზოვის ზღვის მიმდებარე აღმოსავლეთი და დასავლეთი არეალები, დონის შესართავი დელტა, ჩრდილოეთი შავიზღვისპირეთი და სამხრეთ უკრაინა. აფხაზებისა და ადიღელების ეთნოგენეზში მონაწილეობა მიიღეს მეოტებმა (პროტოადიღელებმა), ირანულენოვანმა მომთაბარეებმა და ქართველურმა ერთობებმა (ზანებმა და სვანებმა).
|
 |
ავტორი: გურამ ბედოშვილი
სათაური: ქართულ ტოპონიმთა განმარტებით-ეტიმოლოგიური ლექსიკონი II
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
,,ქართულ ტოპონიმთა განმარტებით-ეტიმოლოგიური ლექსიკონის’’ II წიგნი გაგრძელებაა გურამ ბედოშვილის ტოპონიმიკური ,,საგისა’’, რასაც მეცნიერი მთელი თავისი ცხოვრების მანძილზე ქმნიდა. აღნიშნული ნაშრომი იწყება ჯავახეთის ისტორიული სოფლის - აბის შესახებ არსებული საცნობარო სტატიით და წყდება მიკროტოპონიმ ი წ რ ი ე ბ ი ს, ი წ რ ი ე ბ ი ს მ ა მ უ ლ ი ს ქართლში ,,სახნავ-სათესი მინდვრების’’ სახელისა და დუშეთთან ახლოს, სოფელ ჯავახიანთკარის სამხრეთ-აღმოსავლეთით, აფხავსა და ბოდორნას შორის დასახელებული სოფლის, იწრის სახელწოდებას შორის შესაძლო ეტიმოლოგიური კავშირის მინიშნებით.
|
 |
ავტორი: ნომადი ბართაია
სათაური: ქართულ-ირანული ლიტერატურულ-ენობრივი ურთიერთობანი
გამომცემლობა: უნივერსალი
გამოშვების წელი: 2014
ქართულ-სპარსული ლიტერატურული ურთიერთობანი XII საუკუნიდან იღებს სათავეს. წინამდებარე ნაშრომში პირველად არის შესწავლილი მონოგრაფიულად სპარსული კლასიკური ლირიკის ქართული თარგმანები.
|
 |
ავტორი: ნინო მაისურაძე
სათაური: ქართული ტრადიციული მუსიკა და ეროვნული ცნობიერება
გამომცემლობა: ისტორიის, ეთნოლოგიის, რელიგიის შესწავლისა და პროპაგანდის ცენტრი
გამოშვების წელი: 2015
აღნიშნულ წიგნში ასახულია ქართველი ხალხის მუსიკალური აზროვნების თანმიმდევრული, უწყვეტი განვითარების სურათი. მუსიკალურ-ეთნოლოგიური მონაცემებით ნაჩვენებია: ოდესღაც ქართველურ ტომთათვის საერთო მუსიკალური ფუძე-ენა, მისი განვითარების და იმავდროულად დიფერენციაციის პროცესი, მუსიკალური დიალექტების წარმოქმნა, ქართული მრავალხმიანობის ხნიერება, მუსიკალური კულტურის ორი დიდი წრე: აღმოსავლურ-ქართული და დასავლურ-ქართული, რომლებიც შეესატყვისება საქართველოს მოსახლეობის დაყოფას ისტორიულად ჩამოყალიბებულ ორ მთავარ ჯგუფად: იბერიული და კოლხური.
|
 |
ავტორი: დიმიტრი შველიძე, გიორგი ჟუჟუნაშვილი
სათაური: ილია ჭავჭავაძის უცნობი წერილის გამო
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
აღნიშნულ ნაშრომში განხილულია 1906 წლის 11 აპრილს პეტერბურგში გამომავალ ახალშექმნილ დემოკრატიულ რეფორმათა პარტიის ყოველკვირეულ გაზეთში ,,Страна’’ გამოქვეყნებული სტატია სათაურით: ,,ამიერკავკასიის სატრაპიებში’’. მასში მწვავედ იყო გაკრიტიკებული რუსეთის იმპერიის ხელისუფლების რეპრესიული პოლიტიკა ამიერკავკასიაში. წერილს ხელს აწერდა უცნობი ავტორი ფსევდონიმით ,,Старый Кавказец’’. წერილში მოცემული შეფასებებისა და სხვადასხვა გარემოებების გათვალისწინებით ნაშრომის ავტორები ფიქრობენ, რომ აღნიშნული სტატიის ავტორი უნდა იყოს ილია ჭავჭავაძე.
|
 |
ავტორი:
სათაური: იუსტინიანეს დიგესტები - წიგნი მეხუთე, წიგნი მეექვსე, წიგნი მეშვიდე
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე ნაშრომი რომის სამართლის ერთ-ერთი მნიშვნელოვანი ძეგლის, იუსტინიანეს ,,დიგესტების’’ მეხუთე, მეექვსე და მეშვიდე წიგნების ქართულ ენაზე შესრულებულ თარგმანს წარმოადგენს. ნაშრომი ძირითადად სტუდენტებისათვის არის განკუთვნილი, ამიტომ საძიებლებში ლათინური ტერმინების ქართული თარგმანებიცაა მოცემული, რაც საძიებლებს, ამავდროულად, ლექსიკონის დანიშნულებასაც ანიჭებს.
|
 |
ავტორი: ნ. ი. დანილევსკი
სათაური: კულტურულ-ისტორიული ტიპების შესახებ
გამომცემლობა: ,,ახალი აზრი’’
გამოშვების წელი: 2014
წინამდებარე წიგნში შედის სამი თავი XIX საუკუნის ცნობილი რუსი მეცნიერის ნიკოლა დანილევსკის ნაშრომიდან ,,რუსეთი და ევროპა’’, სადაც ჩამოყალიბებულია კულტურულ-ისტორიული ტიპების კონცეფცია, მოცემულია ევროპისა და რუსეთის ურთიერთმიმართების, სლავური კულტურულ-ისტორიული ტიპის ავტორისეული ხედვა.
|
 |
ავტორი:
სათაური: ქართული სიტყვის კულტურის საკითხები - წიგნი მეთოთხმეტე
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
აღნიშნული კრებული მოიცავს წერილებს ქართული სალიტერატურო ენის მართლწერის, მორფოლოგია-სინტაქსის, ლექსიკა-სტილისტიკისა და ტერმინოლოგიის სხვადასხვა საკითხის შესახებ. ყურადღება გამახვილებულია აგრეთვე მწერლის ენასა და სტილზე.
|
 |
ავტორი: მალხაზ მაცაბერიძე
სათაური: სხვა 25 თებერვალი - სამი გაზეთი თავისუფალი საქართველოსთვის
გამომცემლობა:
გამოშვების წელი: 2014
წინამდებარე ნაშრომში განხილულია 1921 წლის 25 თებერვალს თბილისში გამოსული სამი გაზეთის ,,საქართველოს რესპუბლიკის’’, ,,საქართველოს’’ და ,,ერთობის’’ ნომრები და ამ საგაზეთო ნომრების სრული ტექსტები. 25 თებერვალს გამოსული გაზეთები უმნიშვნელოვანესი წყაროა ქართული საზოგადოების იმდროინდელი განწყობის შესასწავლად. გაზეთებში კარგად ჩანს, თუ როგორ აფასებდა შექმნილ ვითარებას იმდროინდელი ქართული საზოგადოება.
|
 |
ავტორი: გურამ ნაჭყებია
სათაური: პრაქტიკული რეკომენდაციები საქართველოს სისხლის სამართლის კოდექსის ზოგად ნაწილში
გამომცემლობა: ივერიონი
გამოშვების წელი: 2015
წინამდებარე კრებულში შესული ნარკვევები საქართველოს სისხლის სამართლის კოდექსის ზოგად ნაწილში ზოგიერთი საკანონმდებლო ცვლილებებისა და დამატებებისათვის მეთოდოლოგიური ხასიათის გამოვკლევებს ეხება, რომლებიც განკუთვნილია შემდგომი თეორიული კვლევის, საგამოძიებო-სასამართლო პრაქტიკისა და სტუდენთა სწავლების გაუმჯობესებისათვის.
|
 |
ავტორი: ბაჩანა ჯიშკარიანი
სათაური: კაზუსები სისხლის სამართლის ზოგად ნაწილში
გამომცემლობა: იურისტების სამყარო
გამოშვების წელი: 2015
წინამდებარე კრებულში შეტანილია მარტივი და საშუალო სირთულის კაზუსები, რადგან, ერთი მხრივ, სტუდენტებმა შეძლონ კაზუსის ამოხსნის მეთოდიკის ადვილად გააზრება და, მეორე მხრივ, შედარებით რთულ კითხვებზე პასუხის დასაბუთებულად გაცემა. კაზუსები დამუშავებულია სისხლის სამართლის ზოგადი ნაწილის სასწავლო პროგრამით გათვალისწინებულ თითქმის ყველა საკითხზე, რომლებიც ეხება სისხლისსამართლებრივ ქმედებებსა და უმოქმედობებს.
|
 |
ავტორი: გურამ ნაჭყებია
სათაური: ზოგიერთი საკანონმდებლო წინადადების მეთოდოლოგიური დასაბუთების პრობლემები
გამომცემლობა: დავით ბატონიშვილის სამართლის ინსტიტუტი
გამოშვების წელი: 2015
წინამდებარე ნაშრომი ეხება სისხლის სამართლის რამდენიმე მნიშვნელოვან ტერმინოლოგიურ და მეთოდოლოგიურ პრობლემას. ნაშრომში მოცემულია საკანონმდებლო წინადადებები საქართველოს კანონმდებლობის დახვეწისა და სრულყოფისათვის. გამოკვეთილია იურიდიული აზროვნების წესი და მისი მეთოდოლოგიური საფუძვლები. დასვნის სახით, დასმულია საკითხი იმის შესახებ, რომ დანაშაულისა და სასჯელის შინაგანი ერთიანობის დასაბუთებისთვის აუცილებელია ე.წ პოზიტიური პასუხისმგებლობის იდეა.
|
 |
ავტორი: ელენე გვენცაძე
სათაური: დანაშაულში თანამონაწილეობის სუბიექტური მხარე
გამომცემლობა: მერიდიანი
გამოშვების წელი: 2014
წინამდებარე ნაშრომში განხილულია დანაშაულში თანამონაწილეობის ინსტიტუტთან დაკავშირებული ძირითადი პრობლემები. საუბარია თანამონაწილეობის ინსტიტუტის სისტემურ კვლევაზე, თანამონაწილეობის ინტეგრაციულ თვისებათა გამოვლენასა და თანამონაწილეთა შორის კავშირის ძიებაზე. ნაშრომის ცალკეულ თავებში დასმული პრობლემების გამოსაკვლევად ძირითადად გამოყენებულია ისტორიული, სისტემური, შედარებით-სამართლებრივი, ფორმალურ-ლოგიკური და სოციალურ-ფსიქოლოგიური მეთოდები.
|
 |
ავტორი: თამარ შოთაძე
სათაური: სანივთო სამართალი
გამომცემლობა: მერიდიანი
გამოშვების წელი: 2014
სახელძღვანელოში განხილულია სანივთო სამართლის ინსტიტუტები და სამართლებრივი პრობლემები სისტემური მიდგომის საფუძველზე. მოცემულია თეორიული დასაბუთება, საკანონმდებლო რეგულირება, პრაქტიკული დავალებები და სამოსამართლო სამართალი. სახელმძღვანელოს სტრუქტურა და შინაარსი აგებულია თანამედროვე უმაღლესი სასწავლებლების საუნივერსიტეტო სახელმძღვანელოების მოდელზე.
|
 |
ავტორი: მიხაკო წერეთელი
სათაური: ივანე ჯავახიშვილის შესახებ
გამომცემლობა: ,,ახალი აზრი’’
გამოშვების წელი: 2014
წინამდებარე კრებულში შესულია მიხაკო წერეთლის სიტყვა ივანე ჯავახიშვილის გარდაცვალებასთან დაკავშირებით (ბერლინი, 1941 წლის 5 იანვარი). ასევე მისი წერილები ივანე ჯავახიშვილისადმი (1910-1920 წლები) და მიხაკო წერეთლის მიერ ივანე ჯავახიშვილის საჯარო ლექციების (1909-1910 წლები) საგაზეთო ანგარიშები.
|
 |
ავტორი: ნოდარ მახვილაძე, ჯონდო შარიქაძე, დავით გორგიძე
სათაური: მათემატიკური მეცნიერების განვითარება საქართველოში - უძველესი დროიდან 21-ე საუკუნემდე
გამომცემლობა: გლობუსი
გამოშვების წელი: 2014
წინამდებარე ნაშრომის ძირითადი მიზანია საზოგადოებას მოკლედ გააცნოს საქართველოში მათემატიკური მეცნიერების (მათემატიკის, მექანიკის, ასტრონომიის) განვითარების ისტორიული პროცესი. მკითხველი მრავალ საინტერესო მასალას გაეცნობა საქართველოში მათემატიკური ცოდნის გავრცელებისა და განვითარების შესახებ. ასევე საქართველოს ფარგლებს გარეთ მათემატიკისა და მექანიკის საკითხებთან დაკავშირებულ ნივთიერ და წერილობით წყაროებს, ისტორიის სხვადასხვა ეტაპზე ქართველი ადამიანის გონებითა და ხელით შექმნილ იარაღებს, მექანიზმებს, მანქანებს და საზოგადოდ, სამშენებლო და ტექნიკის დარგში შექმნილ უნიკალურ ძეგლებს, სხვადასხვა მიმართულებით არსებული საერთაშორისო მნიშვნელობის ქართული მათემატიკური და საინჟინრო სკოლების დამფუძნებლებისა და ამ სკოლებში აღზრდილ იმ ქართველ მეცნიერთა სახელებს, შემოქმედებას და მიღწევებს, რომელთა მეცნიერულმა და საზოგადოებრივმა მოღვაწეობამ უპირველესი როლიო ითამაშა ქართული მათემატიკური და საინჟინრო აზროვნების დაფუძნებისა და განვითარების ისტორიულ პროცესში უძველესი დროიდან XX საუკუნის ჩათვლით.
|
 |
ავტორი: წმ. გრიგოლ ფერაძე
სათაური: თხზულებათა კრებული - წიგნი მეორე
გამომცემლობა: ვარშავის უნივერსიტეტი
გამოშვების წელი: 2014
წინამდებარე კრებულში გაერთიანებულია გრიგოლ ფერაძის თხზულებები წინარებიზანტიური ქართული ლიტერატურის შესახებ (პატროლოგია, პოეზია, ქადაგებანი).
|
 |
ავტორი: ავთანდილ ნიკოლეიშვილი
სათაური: უცხოეთში შექმნილი ქართული პოეზიის ანთოლოგია
გამომცემლობა: აკაკი წერეთლის სახელმწიფო უნივერსიტეტის გამომცემლობა
გამოშვების წელი: 2014
უცხოეთში შექმნილი ქართული პოეზიის წინამდებარე ანთოლოგიაში, საბჭოთა პერიოდში საქართველოდან ევროპასა და ამერიკაში ემიგრირებულ ქართველ პოეტთა ემიგრანტობის დროინდელი შემოქმედების რჩეულ ნიმუშებთან ერთად გამოქვეყნებულია თურქეთსა და ირანში მცხოვრები ჩვენი თანამემამულეების ქართულ ენაზე დაწერილი პოეტური ნიმუშები და ქართველ ებრაელთა ქართული ლექსები.
|
 |
ავტორი: ნინო ხარშილაძე
სათაური: კახეთის მეფე ალექსანდრე II-ის წერილობითი მემკვიდრეობა
გამომცემლობა:
გამოშვების წელი: 2014
წინამდებარე ნაშრომში წარმოდგენილია კახეთის მეფე ალექსანდრე II-ის სახელთან დაკავშირებული წერილობითი წყაროები - ისტორიული საბუთების, ხატის ჭედური, საქტიტორო-ლაპიდარული, ნაკაწრი და ზარის წარწერათა, აკადემიურად დადგენილი, სათანადო სამეცნიერო-ტექნიკური აპარატით აღჭურვილი ტექსტები. განხილულია თარიღებთან დაკავშირებული საკითხები და ამავდროულად, დაზუსტებულია ტექსტებიც. წიგნი განკუთვნილია, როგორც სპეციალისტებისათვის, ასევე საქართველოს ისტორიით დაინტერესებულ მკითხველთა ფართო წრისათვის.
|
 |
ავტორი: იოსებ ფლავიოსი
სათაური: მოთხრობანი იუდაებრივისა ძუელსიტყუაობისანი III
გამომცემლობა: ხელნაწერთა ეროვნული ცენტრი
გამოშვების წელი: 2014
წინამდებარე ნაშრომში გაერთიანებულია ჩ. წ.-ის I საუკუნის ებრაელი ისტორიკოსის იოსებ ფლავიოსის მიერ ბერძნულ ენაზე დაწერილი, 20 წიგნის შემცველი თხზულების - ,,მოთხრობანი იუდაებრივისა ძუელსიტყუაობისანის’’ მესამე ნაწილის პუბლიკაცია. თხზულების ეს ნაწილი ქართულად XIX საუკუნეში იქნა გადმოღებული ლათინურიდან მომდინარე რუსული თარგმანიდან სამეგრელოს უკანასკნელი მთავრის, დავით დადიანის ინიციატივით მისი კარის მღვდლის, დავით ინანიშვილის მიერ. ნაშრომს წინ უძღვის მიმოხილვითი ხასიათის გამოკვლევა, რომელშიც საუბარია იოსებ ფლავიოსის თხზულების შექმნის მიზეზსა და მიზანზე, ქართული თარგმანის ტექსტის ისტორიასა და სხვა მნიშვნელოვან საკითხებზე. ტექსტს დართული აქვს ლექსიკონი, თხზულებაში დადასტურებულ საკუთარ სახელთა საძიებელი და იოსებ ფლავიოსის ნაშრომისადმი მიძღვნილი როგორც ქართული, ასევე უცხოური სამეცნიერო ლიტერატურის ბიობლიოგრაფია.
|
 |
ავტორი:
სათაური: იაპონური მოთხრობები
გამომცემლობა: ბაკურ სულაკაურის გამომცემლობა
გამოშვების წელი: 2013
წინამდებარე კრებულში წარმოდგენილია X-XIX საუკუნეების საყოველთაოდ ცნობილი იაპონელი ავტორების საუკეთესო მცირე პროზაული ნაწარმოებები და ფრაგმენტები მათი მოზრდილი რომანებიდან. იაპონური პროზისთვის თვალის გადავლება - სეი შონაგონიდან აკუტაგავა რიუნოსკემდე - ქართველ მკითხველს გარკვეულ წარმოდგენას შეუქმნის მრავალსაუკუნოვან იაპონურ კულტურაზე.
|
 |
ავტორი: ავგუსტ სტრინდბერგი
სათაური: რომანი და პიესები
გამომცემლობა: ბაკურ სულაკაურის გამომცემლობა
გამოშვების წელი: 2013
ავგუსტ სტრინდბერგი შვედური ლიტერატურის ერთ-ერთი მნიშვნელოვანი წარმომადგენელია, რომელსაც საერთაშორისო აღიარება ძირითადად დრამატურგიამ მოუტანა. წინამდებარე კრებულში წარმოდგენილია მისი სამი პიესა (,,ზმანება’’, ,,ფრეკენ ჟული’’, ,,მასძე ძლიერი’’) და ერთი რომანი (,,ჰემსელები’’). სტრიდბერგის ლიტერატური მემკვიდრეობა გამოირჩევა ავტობიოგრაფიულობით.
|
 |
ავტორი: უილიამ ფოლკნერი
სათაური: დროშები მტვერში
გამომცემლობა: დიოგენე
გამოშვების წელი: 2012
,,დროშები მტვერში’’ ცნობილი ამერიკელი მწერლის, ნობელის პრემიის ლაურეატის, უილიამ ფოლკნერის რომანებიდან პირველია, რომლის მოქმედებაც მწერლის მიერ გამოგონილ ,,იოკნაპატოფას ოლქში’’ ხდება. რომანი პირველად 1973 წელს გამოვიდა. ეს არის მდიდარი სამხრეთული ოჯახის დრამატული ისტორია, რომელიც პირველი მსოფლიო ომის შემდგომ წლებში ვითარდება.
|
 |
ავტორი: ჯონათან საფრან ფოერი
სათაური: სრული გასხივოსნება
გამომცემლობა: დიოგენე
გამოშვების წელი: 2013
ჯონათან საფრან ფოერი თანამედროვე ამერიკული ლიტერატურის ერთ-ერთი საუკეთესო წარმომადგენელია. მისი სადებიუტო რომანი „სრული გასხივოსნება“ 2002 წელს გამოვიდა. წიგნი გამოსვლისთანავე ბესტსელერად იქცა და ლიტერატურის კრიტიკოსების დიდი მოწონება დაიმსახურა.
აღნიშნული რომანი უკრაინის ერთ-ერთ გამქრალ ებრაულ დასახლებაში ჩასული ამერიკელისა და მისი ოდესელი თარჯიმნის ისტორიას მოგვითხრობს. ამერიკელი-ებრაელი უკრაინაში ახალგაზრდა ქალის საძებნელად ჩადის, რომელმაც ნაცისტური რეპრესიების დროს მამამისი სიცოცხლეს გადაარჩინა.
|
 |
ავტორი: ჰუგო ფონ ჰოფმანსტალი
სათაური: ქალი ჩრდილის გარეშე
გამომცემლობა: პალიტრა L
გამოშვების წელი: 2013
ჰუგო ფონ ჰოფმანსტალი ცნობილი ავსტირელი მწერალია. აღნიშნულ წიგნში გაერთიანებული სამი ნაწარმოები (,,ქალი ჩრდილის გარეშე’’, ,,672-ე ღამის ზღაპარი’’ და მარშალ ბასომპიერის თავგადასავალი’’) ნეორომანტიზმის ტიპიური ნიმუშებია.
|
 |
ავტორი: დიანა იანსე
სათაური: ავღანური დღიურები
გამომცემლობა: ბაკურ სულაკაურის გამომცემლობა
გამოშვების წელი: 2012
დიანა იანსე 2004-2006 წლებში, შვედეთის სამეფოს საელჩოს წარმომადგენლად მუშაობდა ქაბულში. სწორედ ავღანეთში გატარებულ წლებს ეხება მისი წიგნი ,,ავღანური დღურები’’, რომელიც 2010 წელს გამოვიდა შვედეთში და ავტორს დიდი აღიარება მოუტანა. წიგნი ნაწილობრივ რეპორტაჟების კრებულია. ეს არის ჩანაწერები სადაც მოთხრობილია რეალური ისტორიები, რეალურ ადამიანებზე.
|
 |
ავტორი: ფარნა-ბექა ჩილაშვილი
სათაური: ერთი წვეთი ლიმონი
გამომცემლობა: არტანუჯი
გამოშვების წელი: 2014
წინამდებარე კრებული აერთიანებს თურქეთში მცხოვრები ქართველი მწერლისა და საზოგადო მოღვაწის, ფაჰრეთინ ჩილოღლუს, იგივე ფარნა-ბექა ჩილაშვილის წერილებს. წიგნში შესული წერილები 2003-2009 წლებშია დაწერილი სხვადასხვა პერიოდული გამოცემისათვის, რომლებიც თავდაპირველად თურქულენოვანი მკითხველისათვის იყო განკუთვნილი, ხოლო ამ წიგნის საშუალებით კი ხელმისაწვდომი ხდება ქართველი საზოგადოებისთვისაც.
|
 |
ავტორი: მეგრელიშვილი გურამ
სათაური: რამდენიმე სიტყვით სიყვარულზე
გამომცემლობა: ინტელექტი
გამოშვების წელი: 2014
,,რამდენიმე სიტყვით სიყვარულზე`` ცნობილი ქართველი პროზაიკოსის, გურამ მეგრელიშვილის ბოლოდროინდელი მოთხრობების კრებულია.
|
 |
ავტორი:
სათაური: პირველი ლექცია - ადამიანი ძველ ქართულ მწერლობასა და ცხოვრებაში
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2015
წინამდებარე კრებულში მკითხველი გაეცნობა ივანე ჯავახიშვილის პირველ ლექციას - ,,ადამიანი ძველ ქართულ მწერლობასა და ცხოვრებაში’’ და პირველი ქართული უნივერსიტეტის გახსნასთან დაკავშირებით აკაკი ჩხენკელის, პეტრე მელიქიშვილის, იოსებ ყიფშიძის, კათოლიკოზ-პატრიარქ კირიონ II-ის, დეკანოზ კალისტრატე ცინცაძისა და ელისაბედ ბაგრატიონ-ორბელიანის მიერ წარმოთქმულ სიტყვას.
|
 |
ავტორი: შოთა რუსთაველი
სათაური: ვეფხისტყაოსანი (ბაჩანა ბრეგვაძის პროზაული ვერსია)
გამომცემლობა: ინტელექტი
გამოშვების წელი: 2013
წინამდებარე გამოცემა არის შოთა რუსთაველის "ვეფხისტყაოსნის" პროზაული ვერსია. ეს საქმე გამოჩენილმა ქართველმა მთარგმნელმა და მოღვაწემ, ბაჩანა ბრეგვაძემ ითავა. პოემის პროზაული ვერსია მკითხველებს "ვეფხისტყაოსნის" ახლებურად გააზრების საშუალებას აძლევს.
|
 |
ავტორი: ოქტაი ქაზუმოვი
სათაური: 129 გვერდი ლიტერატურაზე
გამომცემლობა: ინტელექტი
გამოშვების წელი: 2012
,,129 გვერდი ლიტერატურაზე’’ ახალგაზრდა ავტორის ოქტაი ქაზუმოვის, წარმოშობით აზერბაიჯანელისა და განათლებით - ქართული ფილოლოგიის სპეციალისტის (თბილისის სახელმწიფო უნივერსიტეტის კურსდამთავრებული) კრებულია, რომელშიც ქართველი და აზერბაიჯანელი 11 ავტორის შემოქმედება 12 წერილშია მიმოხილული. წიგნი ავტორმა თავის პედაგოგს რევაზ სირაძეს მიუძღვნა.
|
 |
ავტორი: თამთა მელაშვილი
სათაური: გათვლა
გამომცემლობა: ბაკურ სულაკაურის გამომცემლობა
გამოშვების წელი: 2014
,,გათვლა’’ დებიუტანტი ავტორის, თამთა მელაშვილის მცირე რომანია. ნაწარმოებმა 2011 წელს მოიპოვა ლიტერატურული პრემია ,,საბა’’ საუკეთესო დებიუტისათვის. 2012 წელს ნომინირებული იყო გერმანიის დამოუკიდებელ გამომცემელთა პრიზზე. 2013 წელს დაჯილდოვდა გერმანიის ახალგაზრდული ლიტერატურის ეროვნული პრემიით. წიგნი თარგმნილია გერმანულ, რუსულ და ჰოლანდიურ ენებზე.
|
 |
ავტორი: დორის ლესინგი
სათაური: ბალახი მღერის
გამომცემლობა: პალიტრა L
გამოშვების წელი: 2013
,,ბალახი მღერის’’ ცნობილი ბრიტანელი მწერლისა და ნობელის პრემიის ლაურეატის, დორის ლესინგის პირველი, სანახევროდ ავტობიოგრაფიული რომანია, რომელშც ავტორმა აღწერა, ერთი მხრივ ქალის ბედი ჩაკეტილ, მკვეთრად პატრიარქალურ საზოგადოებაში, მეორე მხრივ კი რასობრივ დისკრიმინაციაზე აგებული ურთიერთობები და მსოფლხედევლობა.
|
 |
ავტორი: გრიგოლ რობაქიძე
სათაური: ქალღმერთის ძახილი
გამომცემლობა: არტანუჯი
გამოშვების წელი: 2012
გრიგოლ რობაქიძის ,,ქალღმერთის ძახილი’’ (,,Der Ruf Der Gottin’’) 1934 წელს გერმანულ ენაზე იენაში, დიდერიხის გამომცემლობაში დაიბეჭდა. ,,დალი’’ - ასე ერქვა რომანს ქართულ ორიგინალში, რომელიც დაკარგულად ითვლება. წინამდებარე გამოცემაში მკითხველი გაეცნობა ამ რომანის სრულ ტექსტს ქართულ ენაზე, ასევე მწერლის სიცოცხლეში გამოქვეყნებულ ორიგინალისეულ ფრაგმენტებს.
|
 |
ავტორი: ლაშა თაბუკაშვილი
სათაური: ერთიც გაგვიცინე, გუინპლენ!
გამომცემლობა: ინტელექტი
გამოშვების წელი: 2014
,,ერთიც გაგვიცინე, გუინპლენ!’’ ლაშა თაბუკაშვილის პირველი რომანია. წიგნში მოთხრობილია იშხნელთა გვარის ორი წარმომადგენლის ისტორია. ერთი ამერიკაში მცხოვრები ქართველი ემიგრანტების შვილია, რომელიც რთული ცხოვრების შემდეგ წარმატებული ბიზნესმენი ხდება. მეორე საქართველოში მცხოვრები, გამომცემელი ბექა იშხნელია. იგი ამერიკელი ქართველის შორეული ნათესავია. ლაშა თაბუკაშვილი 1998-1999 წლებში ნიუ-იორკის ცნობილმა დრამატურგიურმა ცენტრმა, რომელიც იუჯინ ონილის სახელს ატარებს, ორჯერ შეიყვანა XX საუკუნის დრამატურგთა სიაში, ხოლო მილენიუმის შემდეგ ყველა დროის ასი საუკეთესო დრამატურგის სიაში მოხვდა.
|
 |
ავტორი: ჯემალ თოფურიძე
სათაური: ,,დიოსკურია ზღვაში ჩაძირული ქალაქია’’ და სხვა მოთხრობები
გამომცემლობა: ინტელექტი
გამოშვების წელი: 2014
კრებულში გაერთიანებულია ტრაგიკულად დაღუპული ქართველი მწერლის ჯემალ თოფურიძის სხვადასხვა დროს დაწერილი მოთხრობები. 1978 წელს მის მოთხრობას - “დიოსკურია ზღვაში ჩაძირული ქალაქია” მიენიჭა მწერალთა კავშირის პრემია წლის საუკეთესო მოთხრობისათვის.
|
 |
ავტორი: ეკა ქევანიშვილი
სათაური: ლიტერატურული proFILE
გამომცემლობა: ინტელექტი
გამოშვების წელი: 2014
წინამდებარე წიგნში თავმოყრილია სხვადასხვა თაობისა და მიმართულების მწერალთა ამბები. ქართველი პოეტებისა და პროზაიკოსების ლიტერატურულ პროფაილებს ავტორი რამდენიმე წელი აქვეყნებდა ლიტერატურულ ფორუმებზე, რომელთა ნაწილი ლიტერატურულ ჟურნალებშიც (,,არილი’’, ,,ლიტერატურული პალიტრა’’, ,,საუნჯე’’) იბეჭდებოდა.
|
 |
ავტორი: თამაზ ჭილაძე
სათაური: ჩემი თეატრი
გამომცემლობა: ინტელექტი
გამოშვების წელი: 2014
წინამდებარე წიგნში შესულია თამაზ ჭილაძის სხვადასხვა დროს გამოქვეყნებული წერილები და ესეები თეატრის შესახებ, ასევე საუბრები ახალგაზრდა დრამატურგებთან და თეატრალური სამყაროს გამორჩეულ წარმომადგენლებთან. „ჩემი თეატრი“ იმითაცაა გამორჩეული, რომ პირველად ამ გამოცემაში მოიყარა თავი თამაზ ჭილაძის ყველა პიესამ, რომელიც გასული საუკუნის 60-იანი წლებიდან დღემდე წარმატებით იდგმება ქართული თეატრის სცენაზე.
|
 |
ავტორი: ნოდარ წულეისკირი
სათაური: აფთრები 2
გამომცემლობა: ინტელექტი
გამოშვების წელი: 2014
,,აფთრები’’ ნოდარ წულეისკირის ორნაწილიანი რომანია. წინამდებარე წიგნი ამ რომანის მეორე ნაწილია, რომელშიც ავტორმა მთავარი პერსონაჟის სვანი ჯეგე ხალდანის ფენომენური შურისძიების მიზეზთა მიზეზები აღწერა და დაუპირისპირა ვარლამ არავიძეს. ნოდარ წულეისკირი ავტორია არაერთი რომანის, მოთხრობისა და სცენარის. მისი ცალკეული ნაწარმოებები თარგმნილია უკრაინულ, სომხურ, რუსულ, უზბეკურ, ლიტვურ, გერმანულ, პოლონურ და რუმინულ ენებზე. 2008 წელს მიენიჭა ილია ჭავჭავაძის სახელობის პრემია.
|
 |
ავტორი: ივა ფეზუაშვილი
სათაური: ვცადე
გამომცემლობა: ინტელექტი
გამოშვების წელი: 2014
,,ვცადე’’ ახალგაზრდა მწერლის, ივა ფეზუაშვილის სადებიუტო წიგნია, რომელშიც მისი მოთხრობებია გაერთიანებული. იგი 2011 წელს გახდა სტუდენტური ლიტერატურული კონკურსის – ,,შემოდგომის ლეგენდის’’ გამარჯვებული მოთხრობით ,,ალჩუ’’.
|
 |
ავტორი: კლოდ სიმონი
სათაური: ფლანდრიის გზა
გამომცემლობა: ინტელექტი
გამოშვების წელი: 2014
,,ფლანდრიის გზა’’ 1985 წლის ფრანგი ნობელიანტი მწერლის კლოდ სიმონის პირველ შედევრადაა მიჩნეული. რომანი ეფუძნება გამოცდილებას, რომელიც მწერალმა მიიღო მეორე მსოფლიო ომის დასაწყისში, მაგრამ სხვადასხვა ამბის წარმოდგენით რომანი სცდება კერძო ისტორიას და უნივერსალურ გამოცდილებად იქცევა. ესაა მოგონებებით შექმნილი ნაწარმოები, რომელიც აღადგენს ნანახსა და გაგონილს.
|
 |
ავტორი: ინა არჩუაშვილი
სათაური: მას ერქვა ვატანაბე - ნოველები
გამომცემლობა: ინტელექტი
გამოშვების წელი: 2014
წინამდებარე კრებულში შესულია ამბებითა და პერსონაჟებით ერთმანეთისგან სრულიად განსხვავებულ ორი ნოველა. წიგნი ხასიათდება ავტორისათვის დამახასიათებელი სისადავითა და ბუნებრიობით.
|
 |
ავტორი: ზაზა თვარაძე
სათაური: ჩადექი მანდ!
გამომცემლობა: ინტელექტი
გამოშვების წელი: 2014
წინამდებარე კრებულში შესული ესეები და ჩანაწერები გამოუქვეყნებელია და მკითხველი მას პირველად გაეცნობა. აქვეა თავმოყრილი სხვადასხვა დროს პრესაში გაბნეული ინტერვიუები ზაზა თვარაძესთან .
|
 |
ავტორი: მუხრან მაჭავარიანი
სათაური: ბიჭო, არ შემარცხვინო!
გამომცემლობა: ინტელექტი
გამოშვების წელი: 2014
წინამდებარე პოეტური კრებული ეძღვნება ცნობილი ქართველი შემოქმედის, მუხრან მაჭავარიანის დაბადებიდან 85-ე წლისთავს. წიგნში შესული ლექსები ძირითადად თარიღიანია. უთარიღონი კი 1946-1956 წლებშია შექმნილი.
|
 |
ავტორი: ნუგზარ შატაიძე
სათაური: კუნძული, მოგზაურობა აფრიკაში
გამომცემლობა: ინტელექტი
გამოშვების წელი: 2014
წინამდებარე წიგნში შესულია ნუგზარ შატაიძის ორი ნაწარმოები – „მოგზაურობა აფრიკაში“ და „კუნძული“, რომელთა მიხედვით გადაღებულია გიორგი ოვაშვილის ორი ფილმი: "გაღმა ნაპირი" და "სიმინდის კუნძული". წიგნს ერთვის ივანე ამირხანაშვილისა და ია ვეკუას წერილები – პროფესიული შთაბეჭდილებები ამ ორი ტექსტისა და ფილმის შესახებ.
|
 |
ავტორი: მიხეილ ქვლივიძე
სათაური: ვაპირებ ცხოვრებას! - ჩანაწერები
გამომცემლობა: ინტელექტი
გამოშვების წელი: 2014
,,ვაპირებ ცხოვრებას!’’ ცნობილი ქართველი პოეტისა და მთარგმნელის მიხეილ ქვლივიძის სხვადასხვა დროის ავტობიოგრაფიული ჩანაწერებს აერთიანებს.
|
 |
ავტორი: ანდრო ბუაჩიძე
სათაური: დიდი თანავარსკვლავედი (რჩეული თარგმანები)
გამომცემლობა: ინტელექტი
გამოშვების წელი: 2014
წინამდებარე კრებულში ცნობილი ქართველი პოეტის ანდრო ბუაჩიძის რჩეული თარგმანებია გაერთიანებული. მისი მიზანია სხვადასხვა ქვეყნის, სხვადასხვაენოვანი პოეტების საერთო სურათის წარმოდგენა. წიგნში შესულია გერმანული (ჰუგო ფონ ჰოფმანსტალი, რაინერ მარია რილკე, ჰერმან ბროხი, იოზეფ ვაინჰებერი, ჰერმან ჰესე), ფრანგული (შარლ ბოდლერი), ამერიკული (უოლტ უიტმენი, დონალდ ჯასტისი, სილვია პლათი), ესპანური (ფედერიკო გარსია ლორკა), პორტუგალიური (ფერნანდო პესო), ჩეხური (იაროსლავ ვრხლიცკი, ვიტესლავ ნეზვალი) და ესტონური (აინ კაალეპი, იან კაპლინსკი) პოეზია. კრებულში მნიშვნელოვანი ადგილი ეთმობა რუსულ პოეზიას, განსაკუთრებით აღნიშვნის ღირსია, რუსი ემიგრანტი პოეტების - ვლადიმერ ნაბოკობის, ვლადისლავ ხოდასევიჩის და გიორგი ივანოვის ლექსები, რომლებიც პირველად ითარგმნა ქართულ ენაზე. კრებულში ასევე შესულია ძველინდური ეპოსის ,,ბჰაგავატგიტას’’ პირველი და მეორე თავის ქართული თარგმანი.
|
 |
ავტორი: თემურ ჩხეტიანი
სათაური: შებრუნებული ძილის სიზმარი
გამომცემლობა: ინტელექტი
გამოშვების წელი: 2014
,,შებრუნებული ძილის სიზმარი’’ თემურ ჩხეტიანის მეშვიდე პოეტური კრებულია. მისი პოეტური ენა გამოირჩევა სისადავითა და ბუნებრიობით. თავისუფალ თუ კონვენციურ ლექსებთან ერთად, კრებულში შესულია პოეტის ჰაიუკები და მინიმალისტური პოეზია - წამიერი შეგრძნებებისა და შთაბეჭდილებების ერთობლიობა.
|
 |
ავტორი: ჟან-პოლ სარტრი
სათაური: სიტყვები
გამომცემლობა: ინტელექტი
გამოშვების წელი: 2012
,,სიტყვები’’ ცნობილი ფრანგი ნობელიანტი მწერლის, ჟან-პოლ სარტრის ბიოგრაფიული რომანია, რომელიც ორი ნაწილისგან შედგება– „ვკითხულობ“ და „ვწერ“. წიგნი იმასაც მოგვითხრობს, თუ რა ადგილი უჭირავს კითხვას იმ ადამიანის ცხოვრებაში, რომელსაც წერა აქვს გადაწყვეტილი.
|
 |
ავტორი: გაგა ნახუცრიშვილი
სათაური: ორი ათას 13
გამომცემლობა: სიესტა
გამოშვების წელი: 2013
,,ორი ათას 13’’ ახალგაზრდა ქართველი პოეტის, გაგა ნახუცრიშვილის პოეტური კრებულია, რომელშიც გაერთიანებულია ავტორის 2013 წელს დაწერილი ლექსები.
|
 |
ავტორი: უოლე შოინკა
სათაური: აკე - ბავშვობის წლები
გამომცემლობა: ინტელექტი
გამოშვების წელი: 2014
,,აკე - ბავშვობის წლები’’ უოლე შოინკას ბავშვობისდროინდელი მოგონებების საფუძველზე შექმნილი რომანია. მოქმედება ვითარდება კოლონიური აფრიკის დასავლეთით მდებარე ქალაქ აბეოკუტას ახლოს, სოფელ აკეში. მწერალი დიდი ოსტატობითა და ერთგვარი ნოსტალგიით გადმოსცემს მხატვრულ ეპიზოდებად აკინძულ, ბავშვობისდროინდელ მოგონებებს. ნაწარმოებში აქცენტი გამახვილებულია განათლების მნიშვნელობაზეც. წიგნი გაჯერებულია აფრიკული ტრადიციებისა და წეს-ჩვეულებების ელემენტებით, პოეტური პასაჟებითა და იუმორით.
|
 |
ავტორი: ნიკოლო ამანიტი
სათაური: მე არ მეშინია
გამომცემლობა: პალიტრა L
გამოშვების წელი: 2013
,,მე არ მეშინია’’, ცნობილი იტალიელი მწერლის, ნიკოლო ამანიტის 2001 წელს გამოქვეყნებული რომანია და მასში 70-იანი წლების იტალიის სამხრეთში მცხოვრები 9 წლის ბიჭის, მიკელეს ამბავია მოთხრობილი. 2003 წელს ამავე რომანის მიხედვით გადაიღეს ფილმი, რომლის სცენარი, როგორც საუკეთესო, მწერალ ენიო ფლაიანოს პრემიით დაჯილდოვდა, თავად ფილმი კი 2004 წელს საუკეთესო იტალიურ ფილმად აღიარეს და არაერთი პრიზი მიიღო.
|
 |
ავტორი: გაბრიელ გარსია მარკესი
სათაური: საზღვაო კატასტროფაში მოხვედრილი კაცის ნაამბობი ანუ ათი დღე ზვიგენების პირისპირ
გამომცემლობა: ინტელექტი
გამოშვების წელი: 2014
აღნიშნული მოთხრობა საზღვაო კატასტროფაში მოხვედრილ კაცს ეხება, რომელმაც ტივზე ყოველგვარი საკვების გარეშე ათი დღე გასძლო და შემდეგ ეროვნულ გმირად აღიარეს. ეპიზოდებად დაყოფილი ეს ისტორია თორმეტი დღის განმავლობაში იბეჭდებოდა გაზეთში. მოთხრობაში მკაფიოდ იგრძნობა მწერლის პოლიტიკური მსოფლმხედველობა და ისტორიისადმი განსაკუთრებული დამოკიდებულება.
|
 |
ავტორი: გაბრიელ გარსია მარკესი
სათაური: პოლკოვნიკს არავინ სწერს
გამომცემლობა: ინტელექტი
გამოშვების წელი: 2014
,,პოლკოვნიკს არავინ სწერს’’ 1961 წელს გამოვიდა. მოთხრობა 75 წლის ყოფილ სამხედრო მოსამსახურეზე გვიამბობს, რომელიც ყოველ კვირა დღეს პორტში საფოსტო გემს პენსიის მოლოდინში ხვდება. მისტიური პორტისა და მოხუცის ისტორია ქართულ ენაზე პირველად ქვეყნდება.
|
 |
ავტორი: გაბრიელ გარსია მარკესი
სათაური: ჩილეში არალეგალურად შეპარული მიგელ ლიტინის თავგადასავალი
გამომცემლობა: ინტელექტი
გამოშვების წელი: 2014
აღნიშნული მოთხრობა გაბრიელ გარსია მარკესმა ცნობილ ჩილელ კინორეჟისორ მიგელ ლიტინს – მიუძღვნა. ალიენდეს დამხობისა და პინოჩეტის ხელისუფლებაში მოსვლის შემდეგ დონ მიგელი ემიგრაციაში აღმოჩნდა და სამშობლოში მხოლოდ 1984 წელს არალეგალურად დაბრუნდა, რათა გადაეღო დოკუმენტური ფილმი პინოჩეტის რეჟიმის რეალური სახის შესახებ. მოთხრობაში მიგელ ლიტინის ბიოგრაფიული ფაქტები მხატვრულად არის გააზრებული.
|
 |
ავტორი: ირაკლი დვალიძე
სათაური: სისხლის სამართლის ზოგადი ნაწილი
გამომცემლობა: მერიდიანი
გამოშვების წელი: 2013
წინამდებარე სახელმძღვანელოში შესწავლილია საქართველოს სისხლის სამართლის კოდექსში მოცემული სასჯელები, სხვა სისხლისსამართლებრივი შედეგები და შესაბამისი სამეცნიერო ლიტერატურა და გაანალიზებულია საქართველოს უზენაესი სასამართლოს პრაქტიკა სასჯელთან მიმართებით. სახელმძღვანელოში დეტალურად არის დამუშავებული მოძღვრება სასჯელზე, გამოვლენილია სისხლის სამართლის კანონმდებლობის დადებითი და უარყოფითი მხარეები, რაც სისხლის სამართლის განვითარების საწინდარია. სახელმძღვანელო უპირველეს ყოვლისა, გათვლილია იურიდიული ფაკულტეტის სამივე საფეხურის სტუდენტებისათვის, ასევე არაიურისტი მკითხველისთვისაც.
|
 |
ავტორი: ჩაკ პალანიკი
სათაური: მებრძოლთა კლუბი
გამომცემლობა: დიოგენე
გამოშვების წელი: 2012
,,მებრძოლთა კლუბი’’ცნობილი ამერიკელი მწერლის ჩაკ პალანიკის პირველი რომანია, რომელიც 1996 წელს გამოქვეყნდა. 1997 წელს ამავე რომანისთვის მწერალმა ჩრდილოდასავლეთის წიგნის საზოგადოების და ორეგონის წიგნის საზოგადოების ჯილდო მიიღო.
|
 |
ავტორი: გალაკტიონ ტაბიძე
სათაური: პოეზია
გამომცემლობა: პალიტრა L
გამოშვების წელი: 2014
წინამდებარე პოეტურ კრებულში შესულია გალაკტიონ ტაბიძის საუკეთესო ლექსები და პირადი ჩანახატები.
|
 |
ავტორი:
სათაური: რუსული პოეზია (თარგმანი ლანა ღოღობერიძისა)
გამომცემლობა: ინტელექტი
გამოშვების წელი: 2013
წინამდებარე პოეტური კრებული, მეოცე საუკუნის ხუთი დიდი რუსი პოეტის - მარინა ცვეტაევას, ბორის პასტერნაკის, ანა ახმატოვას, ბელა ახმადულინასა და იოსიფ ბროდსკის -ლექსების ქართულ თარგმანებს აერთიანებს. ლექსები ქართულ ენაზე თარგმნა ლანა ღოღობერიძემ.
|
 |
ავტორი: ავთანდილ დემეტრაშვილი, ირაკლი კობახიძე
სათაური: კონსტიტუციური სამართალი
გამომცემლობა: რაიზი
გამოშვების წელი: 2014
წინამდებარე სახელმძღვანელოში გათვალისწინებულია კონსტიტუციური სამართლის სავალდებულო სასწავლო დისციპლინის ყველა ის ტრადიციული თემა, რომელიც, ისწავლება იურიდიული პროფილის საქართველოსა და კონტინენტური ევროპის უმაღლეს სასწავლო დაწესებულებებში ბაკალავრიატის პროგრამის ფარგლებში. ნაშრომში საუბარია კონსტიტუციური სამართლის ზოგადთეორიულ, კომპარატივისტულ, ეროვნულ ცნებებზე, კატეგორიებზე, ინსტიტუტებსა და პროცედურებზე.
|
 |
ავტორი: ეკა ვარდოშვილი
სათაური: პოეტური თანხვედრანი
გამომცემლობა: ბარტონი
გამოშვების წელი: 2014
,,პოეტური თანხვედრანი’’ გამიზნულია დამხმარე სახელმძღვანელოდ საუნივერსიტეტო სწავლების სამივე საფეხურის სტუდენტებისათვის. წიგნი დაეხმარება მათ XIX საუკუნის ქართველ კლასიკოსთა შემოქმედების სრულყოფილად შესწავლასა და გააზრებაში.
|
 |
ავტორი: სევარიონ ნადირაძე
სათაური: ხაკისფერი ჩადრი
გამომცემლობა: საუნჯე
გამოშვების წელი: 2014
,,ხაკისფერი ჩადრი’’ ქართველი მწერლის, სევარიონ ნადირაძის რიგით მეორე რომანია, რომელიც ტრადიციულ არქიტექტონიკას ეფუძნება და XX საუკუნის 90-იანი წლების დამდეგს აფხაზეთში განვითარებულ ტრაგიკულ მოვლენებს ეხმიანება.
|
 |
ავტორი: მიხეილ გოგუაძე
სათაური: იკაროსი
გამომცემლობა: საუნჯე
გამოშვების წელი: 2014
,,იკაროსი’’ ცნობილი ქართველი პოეტისა და მწერლის, მიხეილ გოგუაძის პოემებისა და ლექსების კრებულია.
|
 |
ავტორი: დავით მაზიაშვილი
სათაური: ტომ სტოპარდი და პოსტმოდერნიზმი
გამომცემლობა: 24 საათი
გამოშვების წელი: 2014
წინამდებარე წიგნი ეძღვნება ცნობილი ბრიტანელი დრამატურგის ტომ სტოპარდის შემოქმედებას. ავტორი ყურადღებას ამახვილებს პოსტმოდერნისტული ესთეტიკის კვლევაზე ტოპ სტოპარდის ძირითად დრამატურგიულ და კინემატოგრაფიულ ნაწარმოებებში. ამ კუთხით შესწავლილი და გააზრებულია პოსტმოდერნული ეპოქის და პოსტმოდერნისტული ესთეტიკის თავისებურებანი. ასევე განსაზღვრულია თავად სტოპარდის დამოკიდებულება ისეთი რთული მოვლენის მიმართ, როგორიც პოსტმოდერნიზმია.
|
 |
ავტორი: ილია ვადაჭკორია
სათაური: გაზეთი ,,ივერია’’ და საქართველოს ისტორიის ზოგიერთი პრობლემა (1886-1893)
გამომცემლობა: გეორგიკა
გამოშვების წელი: 2014
წინამდებარე ნაშრომი ეხება გაზეთ ,,ივერია’’-ში 1886-1893 წლებში გამოქვეყნებულ იმ საისტორიო წყაროებსა და საბიბლიოგრაფიო წერილებს, რომლებიც ფეოდალური საქართველოს ისტორიის უმნიშვნელოვანესი საკითხების დაზუსტებას ისახავდა მიზნად. იმ პერიოდის ქართული ისტორიული აზროვნების ფონზეა წარმოჩენილი ამა თუ იმ მნიშვნელოვანი მოვლენებისადმი ქართველ სწავლულთა მიდგომა, შეფასების დონე და ის დიდი როლი, რასაც ისინი ფართო საზოგადოებაში საქართველოს ისტორიის პოპულარიზაციის მიზნით აკეთებდნენ. ნაშრომში განსაკუთრებული ადგილი ეთმობა ქართველ მკვლევართა იმ დამსახურებას, რომელიც გასწიეს წერილობითი ძეგლების შეგროვება-გადარჩენის საქმეში. წინა პლანზეა წამოწეული ,,ქართლის ცხოვრება’’-სთან მიმართებაში ქართველ ისტორიკოსთა განსაკუთრებული ინტერესის განმაპირობებელი მიზეზები.
|
 |
ავტორი: ემილ კოპალიანი
სათაური: ჩრდილო კავკასიის ხალხთა ისტორია (უძვ. დრო - XVIII საუკუნე)
გამომცემლობა: საუნჯე
გამოშვების წელი: 2014
ჩრდილო კავკასიელი ხალხთა ისტორიის შესწავლა ქართული ისტორიოგრაფიისათვის ყოველთვის დიდი ინტერესის საგანს წარმოადგენდა. სამეცნიერო ბრუნვაში გამოჩნდა ახალი წერილობითი წყაროები და ბევრი საინტერესო არქეოლოგიური მასალა, რამაც მეცნიერებს შესაძლებლობა მისცა ახლებურად შეესწავლათ ამ ხალხთა ენის, ისტორიის, კულტურის მრავალი აქტუალური და სპეციფიკური საკითხი, როგორც ზოგადი ისტორიული პროცესის კანონზომიერი განვითარების გამოვლინება. წინამდებარე სახელმძღვანელოში, სწორედ ჩრდილო კავკასიის ხალხთა ისტორიის ზოგადი სურათია აღწერილი უძველესი დროიდან XVIII საუკუნემდე.
|
 |
ავტორი: ოლდოს ჰაქსლი
სათაური: საოცარი ახალი სამყარო
გამომცემლობა: სიესტა
გამოშვების წელი: 2013
,,საოცარი ახალი სამყარო’’ ცნობილი ინგლისელი მწერლის, ოლდოს ჰაქსლის 1932 წელს გამოქვეყნებული რომანია, რომელიც ამერიკული ,,უახლესი ბიბლიოთეკის’’ მე-20 საუკუნის საუკეთესო რომანების ასეულში მოხვდა. მასში გამოვლენილია ჰაქსლის სატირიკოსის, კომედიოგრაფის, დაკვირვებული რეალისტის ოსტატობა.
|
 |
ავტორი: როსტომ ფარეულიძე
სათაური: არსებით სახელთა ბრუნების ძირითადი საკითხები ჩეჩნურში (ქისტური მეტყველების მიხედვით)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
|
 |
ავტორი:
სათაური: შალვა ამირანაშვილი (1899-1975) - ბიობიბლიოგრაფია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
გამოჩენილი ქართველი ხელოვნებათმცოდნის, აკადემიკოს შალვა ამირანაშვილის ბიობიბლიოგრაფიაში თავმოყრილია 1919-2011 წლების მასალა: სამეცნიერო შრომები, სამეცნიერო-პოპულარული სტატიები, რეცენზიები, მისი რედაქტორობით გამოცემული შრომები და ლიტერატურა მის შესახებ. მასალა განლაგებულია ქრონოლოგიურ-ანბანური რიგით. ბიობიბლიოგრაფიას წინ უძღვის შალვა ამირანაშვილის სამეცნიერო და საზოგადოებრივი მოღვაწეობის მოკლე მიმოხილვა, ცხოვრებისა და მოღვაწეობის ძირითადი თარიღები. ცალკეა გამოყოფილი საიუბილეო თარიღები. ერთვის ძირითად შრომათა, სახელთა, გეოგრაფიულ სახელწოდებათა და კულტურის ძეგლთა ანბანური საძიებლები.
|
 |
ავტორი: იაკი კაბე
სათაური: ლექსები
გამომცემლობა: ინტელექტი
გამოშვების წელი: 2012
წინამდებარე პოეტურ კრებულში შესულია ცნობილი ქართველი პოეტის ირაკლი კაკაბაძის, იაკი კაბეს ფსევდონიმით გამოცემული 100 ტანკა. ( ტანკა - იაპონური ეროვნული სალექსო ფორმა)
|
 |
ავტორი: სოფიო შამანიდი
სათაური: კლასიკური ტრადიცია ახალ ბერძნულ მწერლობაში
გამომცემლობა: ლოგოსი
გამოშვების წელი: 2013
ანტიკური ტრადიციის კვლევა ბერძნულ ლიტერატურაში განსხვავებულ მიდგომას საჭიროებს. წინამდებარე ნაშრომის მიზანია, კლასიკური ტრადიციის, უპირველესად, ძველი ბერძნული ლიტერატურის გავლენის თუ შემოქმედებითი ათვისების ისტორიისა და ფორმების განხილვა თანამედროვე ბერძნულ მწერლობაში.
|
 |
ავტორი: მარგარეტ ეტვუდი
სათაური: მოდერატო კანტაბილე
გამომცემლობა: ბაკურ სულაკაურის გამომცემლობა
გამოშვების წელი: 2013
ცნობილი ფრანგი მწერლის მარგერიტ დიურასის მრავალფეროვანი შემოქმედება მოიცავს როგორც ტრადიციულ რომანებს, ასევე ნოვატორულ, სრულიად განსხვავებულ ნაწარმოებებს. ხშირად მას ,,ახალი რომანის’’ წარმომადგენლადაც მიიჩნევენ. ,,მოდერატო კანტაბილე’’ 1958 წელს გამოქვეყნდა და მკითხველთა დიდი გამოხმაურება დაიმსახურა.
|
 |
ავტორი:
სათაური: ახალგაზრდების ინტელექტუალური და სულიერი განვითარების ზოგიერთი მხარე
გამომცემლობა: სრულიად საქართველოს კათოლიკოს-პატრიარქის საერთაშორისო საქველმოქმედო ფონდი
გამოშვების წელი: 2013
წინამდებარე წიგნში თავმოყრილია 2012 წლის ნოემბრიდან 2013 წლის ივნისამდე, სრულიად საქართველოს კათოლიკოს-პატრიარქის საერთაშორისო საქველმოქმედო ფონდში მოქმედი ინტელექტუალურ-შემეცნებითი სტუდიის ბაზაზე განხორციელებულ პროექტში ,,ახალგაზრდების ინტელექტუალური და სულიერი განვითარების პროგრამა’’ მონაწილე ცნობილი მეცნიერებისა და პედაგოგების მიერ წაკითხული ექვსი სალექციო კურსი.
|
 |
ავტორი: გიორგი კვინიკაძე
სათაური: გეოეკონომიკისა და ეკონომიკური გეოგრაფიის აქტუალური საკითხები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
აღნიშნული წიგნი ავტორის მიერ 2010-2013 წლებში სხვადასხვა საერთაშორისო კონფერენციებზე წაკითხულ და საერთაშორისო რეცენზირებად და რეფერირებად ჟურნალ ,,ეკონომიკაში’’ გამოქვეყნებული პუბლიკაციების კრებულს წარმოადგენს. კრებული ეძღვნება ივანე ჯავახიშვილის სახელობის თბილისის სახელმწიფო უნივერსიტეტის საზოგადოებრივი გეოგრაფიის მიმართულების დაარსებიდან 90 წლისთავის იუბილეს.
|
 |
ავტორი: ლევან გრიგალაშვილი
სათაური: ფინანსური აღრიცხვა
გამომცემლობა: გეორგიკა
გამოშვების წელი: 2014
წიგნში განხილულია საბუღალტრო აღრიცხვის თეორიული და პრაქტიკული საკითხები საერთაშორისო სტანდარტებისა და საქართველოს კანონმდებლობის შესაბამისად. მოცემულია გადასახადებისა და მოსაკრებლების გამოანგარიშებისა და გადახდის, აგრეთვე დეკლარაციების შევსების წესები. ნაშრომში პირველად განიხილება არაკომერციული იურიდიული პირების ბუღალტრული აღრიცხვისა და ბალანსის შედგენის საკითხები. მოცემულია ანგარიშთა გეგმისა და ბუღალტრული ბალანსის ტიპიური ფორმები.
|
 |
ავტორი: ოთარ ჩხეიძე
სათაური: პოლიტიკური აქცენტები
გამომცემლობა: ჩვენი მწერლობა
გამოშვების წელი: 2014
,,პოლიტიკური აქცენტები’’ არის ცნობილი ქართველი მწერლისა და ლიტერატურათმცოდნის, ოთარ ჩხეიძის პუბლიცისტური ესსეების კრებული.
|
 |
ავტორი: ლევ შესტოვი
სათაური: დიდი ფილოსოფოსის ხსოვნას (ედმუნდ ჰუსერლი)
გამომცემლობა: carpe diem
გამოშვების წელი: 2014
წინამდებარე ნაშრომში უკრაინელი ფილოსოფოსი ლევ შესტოვი საუბრობს მისი მეგობრის, მეოცე საუკუნის ფილოსოფიის კლასიკოსისა და ფენომენოლოგიის ფუძემდებლის ედმუნდ ჰუსერლის მოღვაწეობასა და ფილოსოფიურ თვალთახედვაზე. ჰუსერლის „ფენომენოლოგია“ ორიენტირებულია ადამიანის შემეცნებითი ცხოვრების ფენომენების (ანუ მოვლენების) მკაცრსა და სისტემურ მეცნიერულ ანალიზზე იმისგან დამოუკიდებლად თუ როგორ წყდება, თუ ვერ წყდება ამ მოვლენათა და მათ მატარებელ სუბიექტთა და ობიექტთა რაობასთან დაკავშირებული ე.წ მეტაფიზიკური საკითხები.
|
 |
ავტორი: გოგოლაშვილი გიორგი
სათაური: ღვაწლი და წუთისოფელი იაკობ გოგებაშვილისა
გამომცემლობა: ინტელექტი
გამოშვების წელი: 2012
აღნიშნული ნაშრომი მოგვითხრობს XIX საუკუნის უდიდესი ქართველი მოღვაწის იაკობ გოგებაშვილის ღვაწლზე. ავტორი ცდილობს აჩვენოს, რომ დიდია მისი დამსახურება XIX საუკუნეში ქართული ეროვნული სულის გამოღვიძებისა და აღორძინების საქმეში, ქართული სალიტერატურო ენის ჩამოყალიბებასა და განვითარებაში, ქართული ეროვნული სასკოლო სისტემის შექმნასა და დამკვიდრებაში. წიგნი ეძღვნება "დედა ენის" უკვდავი შემოქმედის - იაკობ გოგებაშვილის გარდაცვალებიდან 100 წლისთავს.
|
 |
ავტორი:
სათაური: ნინო წერეთელი - პირველი ქართველი მოქანდაკე ქალი - 110
გამომცემლობა: მწიგნობარი
გამოშვების წელი: 2013
წიგნში განხილულია პირველი ქართველი მოქანდაკე ქალის ნინო წერეთლის (1902-1939 წწ.) ცხოვრება და მოღვაწეობა. ნინო წერეთელი სტუდენტობის წლებიდან იღებდა მონაწილეობას საქართველოში ჩატარებულ თითქმის ყველა სამხატვრო გამოფენაში, აგრეთვე მოსკოვსა და ტაშკენტში. აქტიურად მოღვაწეობდა ასევე ოპერისა და ბალეტის, მარჯანიშვილისა და მოზარდ მაყურებელთა თეატრებში, სადაც შეასრულა სამხატვრო სამუშაოები: კოსტუმების ესკიზები და სცენების მონუმენტური დეკორაციები.
|
 |
ავტორი: ჭეიშვილი კახაბერ
სათაური: ქართულ-რუმინული ლიტერატურული ურთიერთმიმართების საკითხები
გამომცემლობა: უნივერსალი
გამოშვების წელი: 2011
ქართულ ლიტერატურას მრავალი ქვეყნის ლიტერატურასთან ურთიერთობის დიდი ისტორია აქვს. აღნიშნული წიგნი წარმოადგენს პირველ ცდას ქართულ-რუმინულ ლიტერატურულ ურთიერთმიმართებათა მეცნიერული შესწავლისა. მასში განხილულია ქართული და რუმინული რომანტიზმის ურთიერთმიმართებათა პრობლემები ტიპოლოგიურ ჭრილში, მ. ემინესკუსა და ნ. ბარათაშვილის შემოქმედებათა მაგალითზე. ნაშრომში პირველადაა მოცემული რუმინული რომანტიკული პოეზიის თვალსაჩინო წარმომადგენლის მიხაი ემინესკუს ლექსების ქართული თარგმანების ანალიზი.
|
 |
ავტორი: პოლ ოსტერი
სათაური: მისნის ღამე
გამომცემლობა: დიოგენე
გამოშვების წელი: 2012
პოლ ოსტერი ცნობილი ამერიკელი მწერალია. მისი ნაწარმოებებისთვის დამახასიათებელია ეგზისტენციალიზმის საკითხები, პიროვნების იდენტობის ძიება. პოლ ოსტერს სახელი 1987 წელს გამოქვეყნებულმა „ნიუ-იორკულმა ტრილოგიამ“ მოუტანა. მას შემდეგ მწერალმა ათზე მეტი რომანი დაწერა, მათ შორის აღნიშნული ნაწარმოები - „მისნის ღამე“. რომანის მთავარი გმირი კაცია, რომელიც ასევე ხანგრძლივი ავადმყოფობის შემდეგ თანდათანობით გონს მოდის და ცხოვრების დაწყებას ხელახლა ცდილობს.
|
 |
ავტორი: ჯულიან ბარნსი
სათაური: ფლობერის თუთიყუში
გამომცემლობა: დიოგენე
გამოშვების წელი: 2013
აღნიშნული წიგნი ცნობილი ინგლისელი მწერლის ჯულიან ბარნსის ბოლოდროინდელი მოთხრობაა, რომელიც შეიძლება გუსტავ ფლობერის უჩვეულო ფორმის ბიოგრაფიად ჩაითვალოს. ერთ-ერთი მთავარი ფიგურა აქ სწორედ თუთიყუშია. ამ ფრინველის ფიტული გუსტავ ფლობერს რუანის მუზეუმმა ათხოვა და სამი კვირის მანძილზე მაგიდაზეც ედო. ამ თუთიყუშის გავლენით შეიქმნა მისი ერთ-ერთი ცნობილი გმირი ლულუ.
|
 |
ავტორი: სინკლერ ლუისი
სათაური: სიჩქარე და სხვა მოთხრობები
გამომცემლობა: ინტელექტი
გამოშვების წელი: 2013
სინკლერ ლუისი პირველი ამერიკელი ნობელიანტი მწერალია. მისი შემოქმედება მთლიანად სოციალურ თემებზეა აგებული. აღნიშნულ წიგნში შესულია ავტორის ბოლოდროინდელი რომანი ,,სიჩქარე’’ და მასთან ერთად რამოდენიმე მოთხრობა, რომლებიც, ისევე როგორც რომანები სავსეა იუმორითა და სარკაზმით.
|
 |
ავტორი: უილიამ ფოლკნერი
სათაური: სული რომ ამომდიოდა
გამომცემლობა: არტანუჯი
გამოშვების წელი: 2012
,,სული რომ ამომდიოდა’’ ცნობილი ამერიკელი მწერლის, უილიამ ფოლკნერის ნოველაა, რომელიც გამოიცა 1930 წელს. მასში მოთხრობილია ბანდრენების ოჯახის ისტორია. მოქმედი გმირები არიან ენსი და ედი ბანდრენები, მათი ხუთი შვილი და კიდევ რამდენიმე ადამიანი ოჯახის გარემოცვიდან.
|
 |
ავტორი: ჰერმან ჰესე
სათაური: ნარცისი და გოლდმუნდი
გამომცემლობა: სიესტა
გამოშვების წელი: 2013
ცნობილი გერმანელი მწერლის და ნობელის პრემიის ლაურეატის ჰერმან ჰესეს რომანი-მოთხრობა ,,ნარცისი და გოლდმუნდი’’ ფილოსოფიურ-ფსიქოლოგიური ხასიათის ნაწარმოებია. იგი წარმოადგენს ორი სხვადასხვა ბუნების და ცხოვრების წესის მქონე ადამიანის შინაგან დიალოგს. ისინი თავიანთი მეგობრობით აღწევენ სულიერ სიმშვიდეს.
|
 |
ავტორი: ივანე არჯევანიძე
სათაური: დავით კლდიაშვილის ახლოს - მოგონება
გამომცემლობა: არტანუჯი
გამოშვების წელი: 2013
ივანე არჯევანიძის ,,მოგონება’’ არა მარტო დავით კლდიაშვილის ცხოვრებასთან და მოღვაწეობასთან დაკავშირებით გვაწვდის მნიშვნელოვან ცნობებს, რითაც ახალი დეტალებით ამდიდრებს თავად მწერლის მონათხრობს საკუთარი ცხოვრების შესახებ, არამედ პირველი მსოფლიო ომის დროინდელ ბათუმში, აჭარაში, ართვინის ოკრუგსა და ლაზეთში არსებული მდგომარეობისა და იქ მცხოვრები ჩვენი თანამემამულეების ისტორიული და თანადროული ყოფის შესახებაც იძლევა მრავალ საგულისხმო ინფორმაციას.
|
 |
ავტორი: რომენ გარი
სათაური: თეთრი ძაღლი
გამომცემლობა: დიოგენე
გამოშვების წელი: 2013
რომენ გარი ცნობილი ფრანგი მწერლის, რეჟისორის, სამხედრო მფრინავისა და დიპლომატის, რომან კაცევის ფსევდონიმია. იგი ერთადერთი მწერალია, ვისაც ორჯერ გადაეცა გონკურის პრემია. ,,თეთრი ძაღლი’’ ავტობიოგრაფიული წიგნია. ეს არის ადამიანისა და ძაღლის ურთიერთობის ტრაგიკული ისტორია - რეალური ამბავი, თუ როგორ ცდილობდა მწერალი, ხელახლა გაეწვრთნა და ადამიანებისთვის უსაფრთხო არსებად ექცია პოლიციის მიერ საგანგებოდ შავკანიანებზე დაგეშილი ნაგაზი.
|
 |
ავტორი: სემუელ ბეკეტი
სათაური: გოდოს მოლოდინში
გამომცემლობა: ინტელექტი
გამოშვების წელი: 2013
,,გოდოს მოლოდინში’’ 1969 წლის ნობელიანტის, ირლანდიელი მწერლის, სემუელ ბეკეტის ცნობილი პიესაა, რომლის პერსონაჟები თითქოს საპყრობილეში არიან მოთავსებულნი. ყოველ დღე ერთი და იგივე მეორდება, არ არსებობს განსხვავება დღევანდელ დღესა და გუშინდელს შორის. სემუელ ბეკეტის შემოქმედება ძირითადად ადამიანური არსებობის მიმართ პესიმისტური დამოკიდებულებითაა ცნობილი. თუმცა ეს პესიმიზმი მის პიესებში ყოველთვის იუმორს უკავშირდება. აღნიშნულ წიგნში ასევე შესულია ნოველა "პირველი სიყვარული" და პიესა "თამაშის დასასრული".
|
 |
ავტორი: გელა გამყრელიძე
სათაური: ომი და შეიარაღება იბერია-კოლხეთში
გამომცემლობა: ბაკურ სულაკაურის გამომცემლობა
გამოშვების წელი: 2012
წინამდებარე წიგნში ძველი საქართველოს ანტიკური პერიოდის სამხედრო-პოლიტიკური ისტორიის საკითხები - წერილობითი წყაროებისა და არქეოლოგიური მონაცემების საფუძველზე, სამეცნიერო-პოპულარული ენით არის გადმოცემული. თვალსაჩინოებისათვის მოცემულია ჩანახატ-რეკონსტრუქციები.
|
 |
ავტორი: მაია ღამბაშიძე
სათაური: ხეთური დიპლომატია
გამომცემლობა: ქართული აკადემიური წიგნი
გამოშვების წელი: 2012
აღნიშნულ წიგნში მკითხველს საშუალება აქვს გაეცნოს ძვ.წ II ათასწლეულში შექმნილ ძველაღმოსავლურ დიპლომატიურ წყაროებს. წიგნში შესულ ისტორიული ხასიათის ტექსტებიდან, განსაკუთრებით მნიშვნელოვანია საერთაშორისო კორესპონდენციები, დიპლომატიური ხელშეკრულებები და სხვ. გაშიფრული ლურსმულწარწერიანი თიხის ფირფიტებზე დაწერილი ამბები მოგვითხრობენ ძველი წინა აზიის ხალხთა ისტორიაზე, ყოფა-ცხოვრებასა და ზნე-ჩვეულებაზე.
|
 |
ავტორი: ზურაბ ბატიაშვილი (დარუჯანაშვილი)
სათაური: ტრაპიზონის იმპერია XIII საუკუნეში
გამომცემლობა: არტანუჯი
გამოშვების წელი: 2013
აღნიშნულ ნაშრომში განხილულია ტრაპიზონის იმპერიის ისტორია 1222-1297 წლებში. ანდრონიკე I გიდონის ტახტზე ასვლიდან, იმპერატორ იოანე II გარდაცვალებამდე. ტრაპიზონის იმპერიის ისტორიაში XIII საუკუნე არა მარტო იმით იყო მნიშვნელოვანი, რომ ამ პერიოდში დაარსდა აღნიშნული სახელმწიფო, არამედ იმითაც, რომ იწყება ქვეყნის ჩამოყალიბების რთული პროცესი. იმპერიის, როგორც ცალკე წარმონაქმნის მნიშვნელოვანი განვითარება.
|
 |
ავტორი: ფიოდორ დოსტოევსკი
სათაური: მოთამაშე
გამომცემლობა: პალიტრა L
გამოშვების წელი: 2014
,,მოთამაშე’’ ცნობილი რუსი მწერლის ფიოდორ დოსტოევსკის რომანია, რომელიც 1866 წელს გამოქვეყნდა. რომანი შეიძლება ნაწილობრივ ავტობიოგრაფიულადად ჩაითვალოს. ნაწარმოების მთავარი გმირია ალექსეი ივანოვიჩი, რომელიც გამდიდრებისაკენ ისწრაფვის და ამ მიზნის მიღწევის საუკეთესო საშუალებად აზარტული თამაშები მიაჩნია.
|
 |
ავტორი: სოლ ბელოუ
სათაური: მისტერ სამლერის პლანეტა
გამომცემლობა: ინტელექტი
გამოშვების წელი: 2012
,,მისტერ სამლერის პლანეტა’’ ამერიკელი მწერლის, ნობელისა და პულიცერის პრემიების ლაურეატის სოლ ბელოუს ერთ-ერთი ცნობილი რომანია. ამ წიგნისთვის ავტორმა 1971 წელს ეროვნული პრემია მიიღო.
|
 |
ავტორი: მარგარეტ ეტვუდი
სათაური: ბრმა მკვლელი
გამომცემლობა: დიოგენე
გამოშვების წელი: 2014
რომანისთვის ,,ბრმა მკვლელი’’ კანადელ მწერალ მარგარეტ ეტვუდს XX საუკუნეში პირველი ბუკერის პრემია მიენიჭა. ჟურნალმა ,,Time’’-მა კი წიგნი 2000 წლის საუკეთესო რომანად გამოაცხადა. რომანი სიუჟეტურად მრავალპლანიანია: ოჯახური საგის, სამეცნიერო ფანტასტიკის, ისტორიული რომანის და დეტექტივის ელემენტებისგან შედგება.
|
 |
ავტორი: სტივენ კინგი
სათაური: მიზერი
გამომცემლობა: დიოგენე
გამოშვების წელი: 2013
,,მიზერი’’ ჰორორის ჟანრის ერთ-ერთი ცნობილი თანამედროვე ამერიკელი მწერლის სტივენ კინგის პირველი რომანია, რომელიც ქართულად ითარგმნა. ნაწარმოების მთავარი გმირია ახალგაზრდა კაცი - პოლ შელდონი, რომელმაც ყველაფერს აჯობა: უძლურებას, ნარკოტიკულ დამოკიდებულებას, აბსოლუტურ იზოლაციას და შიშს – გრძნობას, რომელიც ამ რომანში სრულიად ცალკე მდგომი თემაა.
|
 |
ავტორი: დინა რატნერი
სათაური: გზა ცხოვრებისა - გზა შემეცნებისა
გამომცემლობა: კალმოსანი
გამოშვების წელი: 2013
ებრაელი მწერლისა და ფილოსოფიურ მეცნიერებათა დოქტორის - დინა რატნერის წიგნში მოთხრობილია ადამიანის მარტოსულობასა და მის დიალოგზე ღმერთთან, ნების თავისუფლებასა და არჩევანის გაკეთების გამბედაობაზე. ავტორი ცდილობს ფილოსოფიური განსჯის შეთავსებას ცხოვრებისეული სირთულეების ცოცხალ და ხატოვან აღწერასთან, რაც მის პროზას განსაკუთრებულ დამაჯერებლობას ანიჭებს.
|
 |
ავტორი: გიორგი მალაშხია
სათაური: უქმი ეკონომიკა
გამომცემლობა: უნივერსალი
გამოშვების წელი: 2014
წინამდებარე ნაშრომში საუბარია კრიტიკული ეკონომიკური თეორიის შესახებ, თანამედროვე სოციალურ-ეკონომიკური სისტემის ხარვეზების ანალიზისა და მათი დაძლევის გზების ძიებისადმი მიძღვნილი კვლევების სერიიდან.
|
 |
ავტორი: გიორგი სოსიაშვილი
სათაური: ცხინვალი და ახალგორი უცხოური წყაროების მიხედვით
გამომცემლობა: უნივერსალი
გამოშვების წელი: 2014
ნაშრომში უცხოურ წყაროებზე დაყრდნობით შესწავლილია საქართველოს ორი უძველესი ქალაქის - ცხინვალის და ახალგორის სოციალური, ეკონომიკური, პოლიტიკური და კულტურული მდგომარეობა XVIII საუკუნის ბოლოს და XIX საუკუნის დასაწყისში. საუკუნეების განმავლობაში ორივე ქალაქი დიდ როლს ასრულებდა ჩვენი ქვეყნის სახელმწიფოებრივ ცხოვრებაში. ერთი უშუალოდ სამეფო ხელისუფლების საკუთრებას წარმოადგენდა, ხოლო მეორე კი - ქსნის საერისთავოს ადმინისტრაციულ-პოლიტიკურ ცენტრს.
|
 |
ავტორი: ირაკლი ბრაჭული, ანასტასია ზაქარიაძე, ვალერიან რამიშვილი
სათაური: ანალიტიკური აზროვნების შესავალი
გამომცემლობა: საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტი
გამოშვების წელი: 2014
სახელმძღვანელოს მიზანია მკითხველს დაეხმაროს აზროვნების პროცესის გაცნობიერებასა და განვითარებაში. იგულისხმება გონებრივი განვითარების იმ საფეხურის ჩამოყალიბება, რომელშიც შეგნებული შემეცნებითი საქმიანობის საშუალებით ხდება საკუთარი თავისა და სამყაროს გაგება.
|
 |
ავტორი: აკაკი სურგულაძე
სათაური: 1832 წლის შეთქმულება
გამომცემლობა: საქართველოს მაცნე
გამოშვების წელი: 2013
აღნიშნულ წიგნში შესწავლილია საქართველოს ისტორიის ერთ-ერთი მნიშვნელოვანი პოლიტიკური მოვლენა - 1832 წლის შეთქმულება. ხაზგასმულია 30-იანელთა იდეოლოგიის ზეგავლენა ქართველი ხალხის ეროვნულ-განმათავისუფლებელ მოძრაობაზე XIX საუკუნის მეორე ნახევარში.
|
 |
ავტორი: აკაკი სურგულაძე
სათაური: მარად სახსოვარი (მოგონებები, მასწავლებლები და მეგობრები)
გამომცემლობა: პეგასი
გამოშვების წელი: 2013
აღნიშნულ წიგნში ძირითადად წარმოდგენილია იმ დაღუპულ მეცნიერთა და საზოგადო მოღვაწეთა ერთი ჯგუფი, რომელმაც დიდი მუშაობა გასწია ქართული ისტორიოგრაფიის გამდიდრებისა და ახალგაზრდობის აღზრდის საქმეში. ავტორი შეეცადა საზოგადოებისათვის წარედგინა მათი შემოქმედებითი პორტრეტები.
|
 |
ავტორი: ზაქარია ჭიჭინაძე
სათაური: ქართველი გრიგორიანები, სომხეთი საქართველოში
გამომცემლობა: საქართველოს მეცნიერებათა ეროვნული აკადემიის სტამბა
გამოშვების წელი: 2014
წიგნში წარმოდგენილია ე.წ ,,გასომხების’’ საკითხის პოლიტიკური საფუძვლები. იგი ქართველი ერის უმნიშვნელოვანეს პრობლემას წარმოადგენდა, რადგან ამ პოლიტიკას ხელს უწყობდა რუსეთის იმპერია. იგი ორი გზით ხორციელდებოდა. ერთ შემთხვევაში ეთნიკურ ქართველებს გადაწერდნენ სომხურ მონოფიზიტურ სარწმუნოებაზე, რომელსაც ავტორი ,,გრიგორიანობას’’ უწოდებს, მეორე შემთხვევაში კი კათოლიკური აღმსარებლობის ქართველები გადაჰყავდათ სომხური-კათოლიკურ სომხურენოვან ტიპიკონზე.
|
 |
ავტორი: გიორგი სოსიაშვილი
სათაური: მართლმადიდებელი ეკლესია და რელიგიური უმცირესობანი შიდა ქართლში XX საუკუნის I მეოთხედში
გამომცემლობა: უნივერსალი
გამოშვების წელი: 2014
საარქივო დოკუმენტებზე დაყრდნობით ნაშრომში შესწავლილია მართლმადიდებელი ეკლესია და რელიგიური უმცირესობანი შიდა ქართლში XX საუკუნის I მეოთხედში. წიგნი დახმარებას გაუწევს ეკლესიის ისტორიით დიანტერესებულ მკვლევრებს, სტუდენტებს, ნაშრომი საინტერესო იქნება ასევე მკითხველთა ფართო წრისთვისაც.
|
 |
ავტორი: ზაზა სხირტლაძე
სათაური: წმინდა შიო მღვიმელის ცხოვრების ძველი ნუსხა
გამომცემლობა: საეკლესიო ხელოვნების კვლევის ცენტრი
გამოშვების წელი: 2014
წინამდებარე ნაშრომი წარმოადგენს წმინდა შიოს და ევაგრეს ცხოვრების მეტაფრასული რედაქციის ტექსტის კრიტიკულ გამოცემას. ცნობილია ამ თხზულების სამი რედაქცია: კიმენური - შექმნილი ქართლის კათოლიკოს არსენ II საფარელის მიერ X საუკუნის მეორე ნახევარში, მეტაფრასული - შედგენილი XII საუკუნეში უცნობი ავტორის მიერ და სვინაქსარული - ცნობილი XIII და XVIII საუკუნეების ორი ნუსხით.
|
 |
ავტორი:
სათაური: სცენები ილიადიდან
გამომცემლობა: ლოგოსი
გამოშვების წელი: 2014
წიგნში შესულია ჰომეროსის ,,ილიადის’’ თერთმეტი მნიშვნელოვანი და პოეტური თვალსაზრისით განსაკუთრებით საინტერესო სცენის ქართული თარგმანი, პარალელური ბერძნული ტექსტითა და კომენტარებით. თითოეულ სცენას ერთვის ანალიტიკური კვლევითი ნაწილი, რადგან მკითხველმა დაინახოს, როგორი ოსტატობით აგებდა ევროპული ლიტერატურის უძველესი პოემის ავტორი ეპიკურ-დრამატულ სცენებს, რით არის ის სანიმუშო დღევანდელი პოეტებისა თუ პროზაიკოსებისთვის და საინტერესო - თანამედროვე მკითხველისთვის.
|
 |
ავტორი: დათო ქარდავა
სათაური: მტკვარი და მისი ორი ნაპირი
გამომცემლობა: ბაკურ სულაკაურის გამომცემლობა
გამოშვების წელი: 2013
აღწერა: წინამდებარე ალბომი მდინარე მტკვრის ილუსტრირებული ბიოგრაფიაა, მისი კულტურული თავგადასავალი თბილისის ფარგლებში. მდინარის ისტორია აღწერილია დოკუმენტურად, ისტორიულ და ლიტერატურულ წყაროებზე დაყრდნობით. ალბომში შესულია ბევრი უნიკალური ფოტო, რომელსაც პირველად იხილავს მკითხველი. მათ შორის ცნობილი ფოტოგრაფის დიმიტრი ერმაკოვის ფოტოები, რომლებიც დღემდე უცნობია საზოგადოებისთვის.
|
 |
ავტორი:
სათაური: 15 საუკეთესო ქართული მოთხრობა
გამომცემლობა: ბაკურ სულაკაურის გამომცემლობა
გამოშვების წელი: 2013
წინამდებარე კრებულში თავმოყრილია საუკეთესო ქართული მოთხრობები, რომლებიც 2012 წელს გამოქვეყნდა პერიოდულ პრესაში, ინტერნეტსა და კრებულებში. წიგნში 15 ავტორის თითო მოთხრობაა შესული და დალაგებულია ანბანურად, ავტორების გვარების მიხედვით. თითოეული მოთხრობა ამავე დროს არის ნომინანტი პრემიისა ,,წლის საუკეთესო მოთხრობა’’.
|
 |
ავტორი: გაბრიელ გარსია მარკესი
სათაური: პატრიარქის შემოდგომა
გამომცემლობა: სიესტა
გამოშვების წელი: 2013
,,პატრიარქის შემოდგომა’’ ცნობილი კოლუმბიელი მწერლის გაბრიელ გარსია მარკესის ერთ-ერთი ცნობილი რომანია, რომელიც 1975 წელს გამოქვეყნდა. წიგნში მოთხრობილია დიქტატორის შესახებ, რომელიც დაუსრულებლად მართავს ქვეყანას. გადის წლები, იცვლება თაობები, მაგრამ იგი ისევ ცოცხალი და უცვლელია. ავტორმა გამოგონილი პერსონაჟი რეალური ცხოვრებიდან აიღო — სხვა და სხვა დიქტატორის საფუძველზე.
|
 |
ავტორი: გიორგი ზანგური
სათაური: სარეპეტიციო ლექსები
გამომცემლობა: ინტელექტი
გამოშვების წელი: 2014
,,სარეპეტიციო ლექსებით’’ დასათაურებულ კრებულში გიორგი ზანგურის აქამდე დაბეჭდილ ორივე წიგნში (,,ჩემს თანადედამიწელებს’’, ,,წიგნი’’) შესულმა ლექსებმა მოიყარა თავი.
|
 |
ავტორი: ბიორნსტიერნე ბიორნსონი
სათაური: არწივის ბუდე
გამომცემლობა: ინტელექტი
გამოშვების წელი: 2012
,,არწივის ბუდე’’ ცნობილი ნორვეგიელი, ნობელის პრემიის ლაურეატი პოეტის, დრამატურგისა და პროზაიკოსის ბიორნსტიერნე ბიორნსონის მოთხრობების კრებულია. ბიორნსონი უმთავრესად წერდა მოთხრობებსა და პიესებს ისტორიულ თემებზე. მისი პერსონაჟები ძირითადად გლეხები და შუა საუკუნეების ნორვეგიული საგების გმირები არიან. წიგნში ასევე შესულია მისი სანობელო ლექცია.
|
 |
ავტორი: ბესიკ ხარანაული
სათაური: სამოცი ჯორზე ამხედრებული რაინდი ანუ წიგნი ჰიპერბოლებისა და მეტაფორებისა
გამომცემლობა: სეზანი
გამოშვების წელი: 2010
ცნობილი ქართველი შემოქმედის ბესიკ ხარანაულის აღნიშნული ეთნოფილიური რომანი ორი უძველესი ტომის შესახებ მოგვითხრობს, რომლებსაც ავტორი პირობითად “ჰიპერბოლებსა და მეტაფორებს” უწოდებს. ნაწარმოები გარდა მხატვრულობისა, ინფორმაციულ ხასიათსაც ატარებს. საუბარია კონკრეტული მთიანი მხარეების ტრადიციებსა და ადათ-წესებზე.
|
 |
ავტორი: ჯონ ფაულზი
სათაური: კოლექციონერი
გამომცემლობა: დიოგენე
გამოშვების წელი: 2013
,,კოლექციონერი’’ მეოცე საუკუნის ინგლისური ლიტერატურის კლასიკოსის ჯონ ფაულზის პირველი გამოქვეყნებული რომანია. წიგნს დიდი წარმატება ხვდა. მწერალმა შეძლო, მასწავლებლობისათვის თავი დაენებებინა და მთელი დრო ლიტერატურისთვის დაეთმო.
|
 |
ავტორი: გიორგი ცოცანიძე
სათაური: თუშური ლექსიკონი
გამომცემლობა: ბაკურ სულაკაურის გამომცემლობა
გამოშვების წელი: 2012
წინამდებარე ლექსიკონი ქართული ენის თუშური დიალექტის ლექსიკური თავისებურებების აღნუსხვას ისახავს მიზნად. ლექსიკონში შესულია თუშური ლექსიკური და სემანტიკური დიალექტიზმები - საერთო ქართული ლექსიკის ის ნაწილი, რომელიც სპეციფიურია თუშური დიალექტური მეტყველებისათვის. ყურადღება გამახვილებულია თუშური დიალექტის ძირითად ფონეტიკურ და მორფოლოგიურ თავისებურებებზე.
|
 |
ავტორი: ნაპოლეონ ჰილი
სათაური: წარმატების სტრატეგია - I წარმატების კანონი, II იფიქრე და გამდიდრდი
გამომცემლობა: Ekskalibur
გამოშვების წელი: 2014
,,წარმატების სტრატეგია’’ არის ორი წიგნის კრებული: "იფიქრე და გამდიდრდი" და "წარმატების კანონი". წიგნში მოცემულია რამოდენიმე ცნობილი ამერიკელი ბიზნესმენისა და გამომგონებლის, რომლებმაც თავიანთ საქმეში უდიდეს წარმატებას მიაღწიეს, ცხოვრებისეული გამოცდილება, შეცდომები და წარმატებები.
|
 |
ავტორი: ნინო ზედელაშვილი
სათაური: ნაწილიანი (მოგონებები გოდერძი ჩოხელზე)
გამომცემლობა: საუნჯე
გამოშვების წელი: 2012
აღნიშნულ წიგნში შესულია ცნობილი მწერლებისა და მსახიობების, ოჯახის წევრების, მეგობრების მიერ მოთხრობილი საინტერესო და უცნობი ეპიზოდები გოდერძი ჩოხელის ცხოვრების და შემოქმედების შესახებ,. წიგნში ასევე შესულია გამოუქვეყნებელი ფოტოები.
|
 |
ავტორი: როინ მეტრეველი
სათაური: ჯვაროსნული ომები და საქართველოს სამეფო
გამომცემლობა: ნეკერი
გამოშვების წელი: 2012
აღნიშნულ წიგნში მოცემულია XI საუკუნის მიწურულისა და XII-XIV საუკუნეების საქართველოს სამეფოს საგარეო-პოლიტიკური ურთიერთობების ისტორია. ყურადღება გამახვილებულია ჯვაროსნულ ომებთან ქართველი მეფეების დამოკიდებულებაზე, ჯვაროსნულ ომებში ქრისტეს საფლავის გასათავისუფლებლად მონაწილეობის მისაღებად საქართველოს მზადყოფნაზე და ა.შ. ნიშანდობლივია, რომ აღნიშნულ პერიოდში საქართველოს ინტენსიური ურთიერთობა ჰქონდა რომის პაპთან, ბიზანტიასთან და ა.შ. ქართველი მეფეები სხვადასხვა ეპისტოლარულ წერილებში მოიხსენებიან, როგორც „იერუსალიმის წმიდა ადგილების განმადიდებელი, ქრისტიანთა საყრდენი, რომის პაპის მეშველნი“.
|
 |
ავტორი: მუხრან მაჭავარიანი
სათაური: ჩვეულებრიობით არაჩვეულებრივი
გამომცემლობა: ინტელექტი
გამოშვების წელი: 2014
მუხრან მაჭავარიანის წიგნში „ჩვეულებრიობით არაჩვეულებრივი“ შესულია პოეტის ჩანაწერები, დღიურები და მოგონებანი თავის ბავშვობაზე, სტუდენტობის წლებზე, ქვეყანაში მიმდინარე პოლიტიკურ ვითარებაზე, მწერლებზე, სოფელში გატარებულ სიცოცხლის ბოლო წლებზე და ა.შ.
|
 |
ავტორი: რუდოლფ ოიკენი
სათაური: ჩემი ცხოვრების ამბავი
გამომცემლობა: ინტელექტი
გამოშვების წელი: 2014
,,ჩემი ცხოვრების ამბავი’’ ცნობილი ნობელიანტი გერმანელი ფილოსოფოსის რუდოლფ ოიკენის ავტობიოგრაფიად შეიძლება ჩაითვალოს. მასში მოცემულია ავტორის ბავშვობის პირველი წლები, პედაგოგიური, ლიტერატურული საქმიანობა და შემოქმედების მნიშვნელოვანი პერიოდები.
|
 |
ავტორი: თამაზ ჭილაძე
სათაური: უკვდავების ათინათი
გამომცემლობა: ინტელექტი
გამოშვების წელი: 2014
წინამდებარე წიგნში ცნობილი ქართველი მწერალი თამაზ ჭილაძე ორიგინალურად, სრულიად განსხვავებული კუთხით გვიჩვენებს რამოდენიმე მწერლის ცხოვრებასა და შემოქმედებას, რომლებმაც განსაკუთრებული წვლილი შეიტანეს ქართულ ლიტერატურაში. წიგნი თემატურად, შინაარსობრივად საკმაოდ მრავალფეროვანია. ვრცელია ქრონოლოგიური ჰორიზონტიც - იაკობ ხუცესიდან ოთარ ჭილაძემდე. წიგნის სახელწოდება - ,,უკვდავების ათინათი’’ თამაზ ჭილაძის ერთ-ერთი წერილიდანაა აღებული, ვაჟა-ფშაველას რომ ეძღვნება.
|
 |
ავტორი: გიორგი ზედგინიძე
სათაური: ჯავახური ლექსიკონი
გამომცემლობა: საუნჯე
გამოშვების წელი: 2014
წინამდებარე ლექსიკონში მოცემულია XX საუკუნის მეორე ნახევრის (როდესაც ქართველთა წილი საგრძნობი იყო ჯავახეთში), ჯავახურ დიალექტში არსებული ლექსიკური ერთეულების უმრავლესობა. ლექსიკონი გაწყობილია ანბანთ რიგზე. ძირითადად სახელები სახელობითის ფორმითაა მოცემული, ზმნები და ნაზმნარი სახელები საწყისით ან მიმღეობით, თუმცა შეიძლება შეგვხვდეს ზმნები სამივე პირის ფორმით.
|
 |
ავტორი:
სათაური: XIX-XX საუკუნეების ქართველ მწერალთა ეპისტოლური მემკვიდრეობა - ალექსანდრე ჭავჭავაძე, სოლომონ დოდაშვილი, ნიკოლოზ ბარათაშვილი (ტომი I)
გამომცემლობა: უნივერსალი
გამოშვების წელი: 2011
აღნიშნული სერიის პირველ ტომში წარმოდგენილია ალექსანდრე ჭავჭავაძის, სოლომონ დოდაშვილისა და ნიკოლოზ ბარათაშვილის წერილები. ეპისტოლური მემკვიდრეობა იბეჭდება სრულყოფილი სამეცნიერო აპარატით: პასპორტებით, შენიშვნებით, კომენტარებით, საძიებლებით, ლექსიკონითა და ლინგვისტური გამოკვლევით. ტექსტები იბეჭდება ავტოგრაფების, მათი ფოტოფირების თუ ნაბეჭდის ჩვენების მიხედვით. წერილები დალაგებულია ქრონოლოგიური თანმიმდევრობით, აკადემიური გამოცემის მოთხოვნების შესაბამისად. დაუთარიღებელი წერილები მოთავსებულია თარიღიანების შემდეგ.
|
 |
ავტორი:
სათაური: სათაური: XIX-XX საუკუნეების ქართველ მწერალთა ეპისტოლური მემკვიდრეობა - გრიგოლ ორბელიანი (ტომი V)
გამომცემლობა: უნივერსალი
გამოშვების წელი: 2014
წინამდებარე გამოცემით გრძელდება გრიგოლ ორბელიანის ეპისტოლური მემკვიდრეობის აკადემიური გამოცემა. აღნიშნულ მეოთხე ნაწილში შესულია გრიგოლ ორბელიანის 1853-1855 წლებში დაწერილი წერილები, რომელთა რაოდენობა 133-ს შეადგენს. ამათგან 38 წერილი რუსულია, რომლებიც პირველად ქვეყნდება. ასევე პირველად იბეჭდება 7 ქართული წერილი. ესენია: სვიმონ შალიკაშვილისადმი №14, კონსტანტინე თარხნიშვილისადმი №4 და №5, ქეთევან ორბელიანისადმი №62 და №76, დიმიტრი ჯორჯაძისადმი №1 და №13.
|
 |
ავტორი: ქეთევან გიგაშვილი
სათაური: წოვათუშების თანამედროვე ეთნო-სოციოლინგვისტური პროფილი
გამომცემლობა: გრიფონი
გამოშვების წელი: 2014
წინამდებარე მონოგრაფიაში სოციოლინგვისტური თვალსაზრისით არის შესწავლილი წოვათუშების ლინგვისტური სივრცე. წიგნი ძირითადად, ეფუძნება ექსპედიციების მასალებს, რომლებიც 2010-2012 წლებში ზემო ალვანში - წოვათუშების დასახლებულ სოფელში იქნა მოპოვებული. მონოგრაფიაში გაშუქებულია ისეთი თემები, როგორიცაა: სოციოლინგვისტიკის მიზნები და ამოცანები, წოვათუშების საცხოვრისი, მათი წარმომავლობა და ა.შ.
|
 |
ავტორი: არსენ ბერთლანი
სათაური: თუშური ენის ფონეტიკა და ფონოლოგია
გამომცემლობა:
გამოშვების წელი: 2012
წინამდებარე ნაშრომში წარმოდგენილია თუშური ენის ფონეტიკა და ფონოლოგია მეტ-ნაკლებად სრული სურათით. წიგნში საკვლევი ენის აღმნიშვნელ ტერმინოლოგიასთან ერთად, განხილულია ისეთი სამეცნიერო საკითხები, როგორიცაა: თუშური ენის ფონეტიკის რამდენიმე კერძო საკითხი, თავკიდურ ხმოვანთა ბუნების ორი ასპექტი, თუშური ენის ხმოვანთა და თანხმოვანთა სისტემები, ფონეტიკური პროცესები თუშურ ენაში და ა.შ
|
 |
ავტორი: თამარ სულამანიძე, იური მეჩითოვი
სათაური: ქართული ფოტოგრაფია - 1955-2012
გამომცემლობა: პილოტები
გამოშვების წელი: 2013
წინამდებარე ილუსტრირებული ალბომი ეხება ქართული ფოტოგრაფიის განვითარების უკანასკნელ პერიოდს - 1950-იანი წლების ბოლოდან 2012 წლის ჩათვლით. ალბომი შედგება რამოდენიმე ძირითადი თავისგან. წიგნის პირველ თავში საუბარია პერიოდზე, რომელიც იწყება 50-იანი წლების ბოლოდან 70-იანი წლების ბოლომდე და ეწოდება ,,სოცრეალიზმი’’. წიგნში ასევე საუბარია 1985-1989 წლებში მომუშავე ფოტოჯგუფის მოღვაწეობაზე. მეოთხე თავი -,,დოკუმენტი’’ მოიცავს 1980-2009 წლებში მოღვაწე ავტორებს. ხოლო ბოლო ნაწილში განხილულია კონცეპტუალური მიდგომები ფოტოგრაფიაში, სადაც შინაარსი ნამუშევრის მთავარი არსია.
|
 |
ავტორი:
სათაური: ანდრია აფაქიძე - ბიობიბლიოგრაფია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
გამოჩენილი ქართველი არქეოლოგის ანდრია აფაქიძის ბიობიბლიოგრაფიაში თავმოყრილია 1941-2013 წლების მასალა: სამეცნიერო შრომები, სამეცნიერო-პოპულარული სტატიები, მისი რედაქციით გამოცემული შრომები და ლიტერატურა მის შესახებ. მასალა განლაგებულია ქრონოლოგიურ-ანბანური რიგით. ბიობიბლიოგრაფიას წინ უძღვის ანდრია აფაქიძის სამეცნიერო და საზოგადოებრივი მოღვაწეობის მოკლე მიმოხილვა, ცხოვრებისა და მოღვაწეობის ძირითადი თარიღები. ერთვის სახელთა და გეოგრაფიულ სახელწოდებათა ანბანური საძიებელი.
|
 |
ავტორი:
სათაური: ტერმინოლოგიის საკითხები I
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
ტერმინოლოგია - ეს არის ცნებათა სისტემა, რომლის საჭიროება ერთის მხრივ მაშინ ჩნდება, როდესაც საფუძველი ეყრება სახელმწიფოებრიობას, ხოლო მეორე მხრივ როდესაც ფეხს იდგამს ეროვნული მწიგნობრობა. წინამდებარე კრებულში შესულია სწორედ ამ საკითხთან დაკავშირებით ნაშრომები, ქართული ენის მათემატიკური, სამედიცინო, ეკონომიკური ტერმინოლოგია, ძველი ქართული მწიგნობრული სკოლების გამოცდილების მნიშვნელობა თანამედროვე ქართული სპეციალური ტერმინოლოგიის განვითარებისათვის და ა.შ.
|
 |
ავტორი: ზურაბ აბაშიძე
სათაური: ცივი ომი - წარსული თუ დღევანდელობა?
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე ნაშრომში ვრცლადაა საუბარი მსოფლიოს ერთ-ერთ ცნობილ ისტორიულ ფაქტზე - ცივ ომზე, რამაც თავი იჩინა მეორე მსოფლიო ომის შემდგომ პერიოდში და 90–იანი წლების დასაწყისამდე გრძელდებოდა. ცივი ომი მიმდინარეობდა ერთი მხრივ, აშშ–სა და დასავლეთის სხვა წამყვან სახელმწიფოებს, ხოლო, მეორე მხრივ, ყოფილ საბჭოთა კავშირსა და მის სატელიტებს შორის. ნაშრომში საუბარია ასევე ამ შედეგებსა და მის გავლენაზე დღევანდელ მსოფლიო პოლიტიკაში.
|
 |
ავტორი:
სათაური: ქართულ-რუსული ლექსიკონი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
აღნიშნული ლექსიკონის დანიშნულებაა მკითხველს მიაწოდოს თანამედროვე ქართული სალიტერატურო ენის ლექსიკის ზუსტი რუსული შესატყვისები. ლექსიკონი ფილოლოგიურია: მასში არ შედის საკუთარი სახელები, მეცნიერების, ხელოვნების, ტექნიკის სფეროებში დამკვიდრებული ტერმინები, ძველი, ხმარებიდან გადავარდნილი სიტყვები და გამოთქმები. იგი დღემდე არსებულ ქართულ-რუსულ ლექსიკონებზე ბევრად უფრო ვრცელია (შეიცავს 58 500 ლექსიკურ ერთეულს). ლექსიკონში შესული ყველა სიტყვა ანბანური წესით არის დალაგებული.
|
 |
ავტორი: ავთანდილ ნიკოლეიშვილი
სათაური: ქართული ლიტერატურა - ტომი IV
გამომცემლობა: საქართველოს მაცნე
გამოშვების წელი: 2013
აღნიშნულ გამოცემაში საუბარია მეოცე საუკუნის მეორე ნახევარში მოღვაწე ქართველ მწერლებსა (გურამ რჩეულიშვილი, რევაზ ინანიშვილი, ოტია იოსელიანი, ოთარ ჩხეიძე, რევაზ ჯაფარიძე, გურამ ფანჯიკიძე, არჩილ სულაკაური, გურამ გეგეშიძე, ჯემალ ქარჩხაძე, ფრიდონ ხალვაში და გოდერძი ჩოხელი) და მათ შემოქმედებით მემკვიდრეობაზე.
|
 |
ავტორი: ავთანდილ ნიკოლეიშვილი
სათაური: ქართული ლიტერატურა - ტომი III
გამომცემლობა: საქართველოს მაცნე
გამოშვების წელი: 2013
წინამდებარე წიგნის მიზანია მეოცე საუკუნის ქართული მწერლობის განვითარების უმთავრესი ტენდენციებისა და იმ პერიოდში მოღვაწე მწერალთა შემოქმედებითი მემკვიდრეობის წარმოჩენა, რომელთაც განსაკუთრებით მნიშვნელოვანი როლი შეასრულეს ხსენებული პერიოდის ქართული ლიტერატურის ისტორიაში. გამოცემაში უპირატესად იმ მწერალთა შემოქმედებაა განხილული, რომლებიც სალიტერატურო ასპარეზზე გასული საუკუნის 50-იან წლებამდე გამოვიდნენ.
|
 |
ავტორი: გიორგი ალიბეგაშვილი, რევაზ სირაძე, ნესტან სულავა
სათაური: ქართული ლიტერატურა - ტომი I
გამომცემლობა: საქართველოს მაცნე
გამოშვების წელი: 2013
წინამდებარე წიგნი მოგვითხრობს V-XVIII საუკუნეების გამოჩენილ ქართველ მწერალთა ცხოვრებისა და მოღვაწეობის შესახებ. განხილულია მათი ლიტერატურული მემკვიდრეობის ძირითადი პრობლემატიკა - თემატიკა, მხატვრულ სამყარო და ქართული ლიტერატურის ტენდენციები მისი არსებობისა და განვითარების სხვადასხვა ეტაპზე.
|
 |
ავტორი: დევიდ გრებერი
სათაური: დემოკრატიის პროექტი - ისტორია, კრიზისი, მოძრაობა
გამომცემლობა: რადარამი
გამოშვების წელი: 2014
აღნიშნულ წიგნში ავტორი საუბრობს ზოგადად დემოკრატიის იდეაზე. მისი ანალიზი ამ ფართო საკითხის შესახებ ერთსა და იმავე დროს გულისხმობს მკვლევრის კონცეპტუალიზაციას და იდეოლოგიურ აქტივიზმსაც. დევიდ გრებერი თავის ნაშრომში აყალიბებს ,,რადიკალური დემოკრატიისთვის’’ ბრძოლის ხედვას. ამიტომ ეს ნაშრომი, ზოგადად, დემოკრატიის, სახელმწიფო ინსტიტუტებისა და ამერიკული პოლიტიკური დისკურსის ისტორიის კრიტიკული ანალიზიცაა და რადიკალური დემოკრატიისათვის ბრძოლის მეთოდების პრაქტიკული სახელმძღვანელოც.
|
 |
ავტორი: შოთა რუსთაველი
სათაური: ვეფხისტყაოსანი (ებრაულ ენაზე)
გამომცემლობა: Hakib - Butz Hameuchad Publishers Ltd. Sifriat Poalim
გამოშვების წელი: 2014
წინამდებარე გამოცემა მეთორმეტე საუკუნის ქართული მწერლობის უნიკალური ქმნილების - შოთა რუსთაველის ,,ვეფხისტყაოსნის’’ ებრაულ ენაზე თარგმანს წარმოადგენს. ბორის გაპონოვის მიერ ნათარგმნი „ვეფხისტყაოსნის“ ებრაული გამოცემა ქართველი მხატვრის ქეთი მატაბელის ილუსტრაციებით არის გაფორმებული. ილუსტრაციები ე.წ ,,წერეთლისეულ’’ ,,ვეფხისტყაოსნის’’ ნუსხას, მამუკა თავაქარაშვილის მინიატურებსა და XII-XVIII საუკუნეების სხვა უნიკალურ მასალას ეფუძნება. წიგნს თან ახლავს მთარგმნელის წინასიტყვაობა და მისივე ლექსიკონი. გამოცემა ეძღვნება ქართველთა და ებრაელთა 26-საუკუნოვან მეგობრობას.
|
 |
ავტორი: იეჰოშუა სობოლი, სავიონ ლიბრეხტი, იოსეფ ბარ იოსეფი, ხანოხ ლევინი, ედნა მაზია
სათაური: თანამედროვე ებრაული დრამატურგია
გამომცემლობა: არტანუჯი
გამოშვების წელი: 2014
წინამდებარე კრებულში გაერთიანებულია არა ერთი ნაციონალური თუ საერთაშორისო ლიტერატურული პრემიის ლაურეატი ებრაელი დრამატურგის 6 საუკეთესო პიესა. მათ თანამედროვე ებრაული დრამატურგიის განვითარებაში მნიშვნელოვანი წვლილი შეიტანეს. მათი ნაწარმოებები დღესაც აქტუალურია. იდგმება არა მხოლოდ ისრაელში, ხშირად მის ფარგლებს გარეთ, ბოლო პერიოდში კი, სულ უფრო განახლებული სახით.
|
 |
ავტორი: მანანა ხვედელიძე
სათაური: ძველი ეგვიპტის ენციკლოპედია
გამომცემლობა: ქარჩხაძის გამომცემლობა
გამოშვების წელი: 2013
,,ძველი ეგვიპტის ენციკლოპედია’’ პირველი ქართული წიგნია, რომელიც ფართოდ და მრავალმხრივად მოიცავს ძველი ეგვიპტის ცივილიზაციის ისტორიას. წიგნში მოთხრობილია ეგვიპტური დამწერლობის ისტორია, საუბარია მის ცნობილ ქალაქებზე, ფარაონებზე, მნიშვნელოვან ნაგებობებზე და ა.შ. ასევე განხილულია ძველი ეგვიპტის ისტორია, ასტრონომია და სხვ. ენციკლოპედია გამიზნულია როგორც სპეციალისტებისათვის, ასევე ძველი ეგვიპტით დაინტერესებული მკითხველისათვის.
|
 |
ავტორი: მარინე დარსაველიძე, მარინე ვეკუა
სათაური: ჟურნალისტიკა
გამომცემლობა: მერიდიანი
გამოშვების წელი: 2013
წინამდებარე წიგნში საუბარია იმ ტრანსფორმაციაზე, რაც ჟურნალისტიკამ განიცადა ბოლო მეოთხედი საუკუნის განმავლობაში და გაანალიზებულია ამ ტრანსფორმაციის შედეგები და მსოფლიო გამოცდილება. ნაშრომში მნიშვნელოვანი ადგილი ეთმობა ქართული ჟურნალისტიკის ისტორიას, მიმოხილულია ქართული ჟურნალისტიკის მიერ განვლილი გზა პრესამდელი ჟურნალისტიკიდან დაწყებული, ვიდრე თანამედროვე მაღალპროფესიულ, ან თუნდაც ე.წ სამოქალო ჟურნალისტიკამდე. სახელმძღვანელოზე მუშაობდა 9 უნივერსიტეტის (საქართველო/საფრანგეთი) 13 პროფესორი.
|
 |
ავტორი: ვახტანგ ბერიძე
სათაური: ქართული ხუროთმოძღვრების ისტორია - ტომი II
გამომცემლობა: გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრი
გამოშვების წელი: 2014
წინამდებარე წიგნის მეორე ტომში წარმოდგენილია ქართული ხუროთმოძღვრების თვალსაჩინო ნიმუშების ანოტაციები. ნაშრომს დართული აქვს გეოგრაფიულ დასახელებათა და პირთა საძიებელი.
|
 |
ავტორი: ვახტანგ ბერიძე
სათაური: ქართული ხუროთმოძღვრების ისტორია - ტომი I
გამომცემლობა: გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრი
გამოშვების წელი: 2014
წინამდებარე წიგნის პირველ ტომში წარმოდგენილია ქართული ხუროთმოძღვრება IV საუკუნიდან XIX საუკუნის მიჯნამდე. სხვადასხვა პერიოდში საქართველოში იქმნებოდა ხუროთმოძღვრების, დეკორაციული ქანდაკების, მონუმენტური მხატვრობის, ხელნაწერთა მორთულობისა თუ ჭედური ხელოვნების გამოყენებით მაღალმხატვრული ქმნილებები, რომელთა ისტორიული მნიშვნელობა და მხატვრული ღირებულება ფასდაუდებელია და ამშვენებენ მსოფლიო ხელოვნებას.
|
 |
ავტორი: ირაკლი კოვზანაძე, გოგი კონტრიძე
სათაური: თანამედროვე საბანკო საქმე - თეორია და პრაქტიკა
გამომცემლობა: სეზანი
გამოშვების წელი: 2014
წინამდებარე სახელძღვანელო შექმნილია ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ფინანსებისა და საბანკო საქმის კათედრაზე და მოიცავს საბანკო სისტემის და კომერციული ბანკის საქმიანობის პრაქტიკულად ყველა მნიშვნელოვან ასპექტს. ნაშრომი ეფუძნება საბანკო საქმიანობის საერთაშორისო და სამამულო გამოცდილებას. მასში საბანკო კანონმდებლობის ნორმატიულ დოკუმენტებსა და სტატისტიკურ ინფორმაციაზე დაყრდნობით განხილულია საბანკო საქმის კონკრეტული მაგალითები როგორც საქართველოს შემთხვევაში, ასევე საერთაშორისო საბანკო პრაქტიკიდან. წიგნი განკუთვნილია უმაღლესი სასწავლებლების საბანკო საქმის სპეციალობის ბაკალავრებისათვის, ეკონომიკური პროფილის სხვა მიმართულებების მაგისტრებისათვის, დოქტორანტების და პროფესორ-მასწავლებლებისათვის.
|
 |
ავტორი: დალი ნიკოლაიშვილი
სათაური: გეოგრაფიის კვლევის მეთოდები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე ნაშრომში ახსნილია გეოგრაფიის კვლევის მეთოდებისა და ხერხების ძირითადი არსი და პრინციპები, მოცემულია კვლევის მეთოდებთან დაკავშირებული ძირითადი ცნებები და დებულებები, აგრეთვე პრაქტიკული რჩევები გეოგრაფიული კვლევის დასაუფლებლად. სახელმძღვანელო დახმარებას გაუწევს სტუდენტებს, დააკვირდნენ გარემოში მიმდინარე პროცესებს, განაზოგადონ და გაანალიზონ ისინი, სხვადასხვა ტიპის მონაცემების საფუძველზე აითვისონ კვლევის მრავალფეროვანი მიდგომები და სწორად გამოიყენონ გეოგრაფიული ტერმინოლოგია.
|
 |
ავტორი: ზაზა აბაშიძე, მიხეილ ბახტაძე, ოთარ ჯანელიძე
სათაური: საქართველო და ქართველები
გამომცემლობა:
გამოშვების წელი: 2013
აღნიშნულ წიგნში მოთხრობილია ქართველთა პოლიტიკური თავგადასავალი უძველესი დროიდან XX საუკუნის 90-იან წლებამდე. მოკლედ არის მიმოხილული სოციალურ-ეკონომიკური და კულტურული განვითარება ამა თუ იმ ეპოქაში. მასში წარმოდგენილი მასალა ეყრდნობა მკვლევართა მეცნიერულ ნააზრევსა და დასკვნებს. წიგნი განკუთვნილია სტუდენტებისა და საქართველოს ისტორიით დაინტერესებული ყველა მკითხველისათვის.
|
 |
ავტორი:
სათაური: საზღვარგარეთის ქვეყნების ადმინისტრაციული სამართალი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
აღნიშნული ნაშრომი მოიცავს როგორც საზღვარგარეთის ქვეყნების ადმინისტრაციული სამართლის ძირითადი ინსტიტუტების გამაერთიანებელ ზოგად ნაწილს, ასევე, კერძო ნაწილსაც, რომელშიც განხილულია სხვადასხვა სახელმწიფოთა ადმინისტრაციული კანონმდებლობები და მათი თავისებურებანი.
|
 |
ავტორი:
სათაური: შოთა მესხიას კოლექცია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
2013 წელს ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკას კიდევ ერთი კოლექცია შეემატა - გამოჩენილი ქართველი ისტორიკოსის შოთა მესხიას პირადი ბიბლიოთეკა, რომელიც 1670 საბიბლიოთეკო ერთეულს ითვლის და შედგება ძირითადად ისტორიულ-ქართველოლოგიური შინაარსის სამეცნიერო ლიტერატურისგან.
|
 |
ავტორი: კვამე ენტონი აპია
სათაური: ღირსების კოდექსი - როგორ ხდება ზნეობრივი რევოლუციები
გამომცემლობა: რადარამი
გამოშვების წელი: 2014
კვამე ენტონი აპია თანამედროვე ინგლისელი ფილოსოფოსი და მწერალია. აღნიშნული წიგნით ავტორმა ახლებურად წარმოაჩინა ადამიანის ბუნება და ის სოციალური რეფორმები, რომლებიც საყოველთაოდ არის ცნობილი. წიგნის კითხვისას, მკითხველი ფილოსოფიური თვალით შეხედავს ისეთ მოვლენებს, როგორიცაა: დუელი, მონობა, ღირსების მკვლელობები და სხვ.
|
 |
ავტორი:
სათაური: მედია ეთიკა და პროფესიული სტანდარტები
გამომცემლობა: სეზანი
გამოშვების წელი: 2014
წინამდებარე გამოცემის მიზანია, საზოგადოების ინფორმირება, ერთის მხრივ, საქართველოში არსებული თვითრეგულირების ინსტიტუციონალური მექანიზმების შესახებ და მეორე მხრივ, 2013 წლის მედია პრაქტიკის მიმოხილვის საფუძველზე იმ პრობლემური ტენდენციების ჩვენება, რაც პროფესიული სტანდარტების დარღვევის თვალსაზრისით იჩენდა თავს. გამოცემა დაეხმარება საზოგადოებას, იცოდეს, თუ რას უნდა მოელოდეს მაღალპროფესიული მედია საშუალებებისაგან, როგორ უნდა გამოიყენოს არსებული თვითრეგულირების მექანიზმები საკუთარი უფლებების დასაცავად ამ გზით მედიის ხარისხის გასაუმჯობესებლად. პუბლიკაცია ასევე განკუთვნილია მედია საშუალებებისთვის, ჟურნალისტური სკოლებისთვის, რათა პრაქტიკული მაგალითების საფუძველზე შესაძლებელი გახდეს ეთნიკური ნორმებისა და პროფესიული სტანდარტების დახვეწა.
|
 |
ავტორი: ერნსტ გომბრიხი
სათაური: მსოფლიოს მოკლე ისტორია მოზარდებისათვის
გამომცემლობა: ბაკურ სულაკაურის გამომცემლობა
გამოშვების წელი: 2014
ერნსტ გომბრიხი წინამდებარე წიგნში მოზარდებს მოუთხრობს დროის ცვალებადობისა და უდიდესი ისტორიული მოვლენების შესახებ, ცოცხლად ახასიათებს ისტორიულ პიროვნებებს და ძალზე საინტერესოდ უჩვენებს მოზარდ მკითხველებს საინტერესო ფაქტებს მსოფლიო ისტორიიდან.
|
 |
ავტორი: შოთა ნადირაშვილი
სათაური: განწყობის ანთროპული თეორია
გამომცემლობა: ბაკურ სულაკაურის გამომცემლობა
გამოშვების წელი: 2014
,,განწყობის ანთროპული თეორია’’ აკადემიკოს შოთა ნადირაშვილის ეპოქალური ნაშრომია, რომელშიც მან განავითარა და ახალ საფეხურზე აიყვანა დიმიტრი უზნაძის განწყობის თეორია. თეორია გამდიდრებულია სოციალური განწყობების სფეროში აღმოჩენილი კანონზომიერებებით, რომელიც შოთა ნადირაშვილისა და მისი კოლეგების ექპერიმენტული კვლევების შედეგია.
|
 |
ავტორი: ბექა ადამაშვილი
სათაური: ბესტსელერი
გამომცემლობა: ბაკურ სულაკაურის გამომცემლობა
გამოშვების წელი: 2014
,,ბესტსელერი’’ არის სატირულ-დეტექტიური ჟანრის რომანი ლიტერატურაზე, ლიტერატურის კლიშეებზე, მწერლებსა და პერსონაჟებზე. რომანის მოქმედების ერთი ნაწილი საფრანგეთში მიმდინარეობს, რომელიც პირობითია და მხოლოდ მთავარი გმირის - პიერ სონაჟის - სახელის ჟღერადობის მიხედვით შეიქმნა.
|
 |
ავტორი: ჯეიმზი ე. ლ.
სათაური: გრეის ორმოცდაათი ელფერი
გამომცემლობა: ბაკურ სულაკაურის გამომცემლობა
გამოშვების წელი: 2014
,,გრეის ორმოცდაათი ელფერი’’ ცნობილი ბრიტანელი მწერლის ე. ლ. ჯეიმზის ერთ-ერთი ბოლოდროინდელი რომანია, რომელიც 2011 წელს გამოვიდა. რომანი გამოსვლისთანავე ბესტსელერად იქცა აშშ-სა და ბრიტანეთში.
|
 |
ავტორი: კორმაკ მაკარტი
სათაური: მოხუცების ადგილი აქ არ არის
გამომცემლობა: ბაკურ სულაკაურის გამომცემლობა
გამოშვების წელი: 2014
თანამედროვე ამერიკული ლიტერატურის კლასიკოსის, პულიცერის პრემიის ლაურეატ კორმაკ მაკარტის რომანი ,,მოხუცების ადგილი აქ არ არის’’ 2005 წელს გამოიცა. ეს არის მოდერნიზებული ვესტერნი, რომლის მთავარი გმირი, ვიეტნამის ომის ვეტერანია. რომანის მკითხველი თვალს ადევნებს მის მრავალფეროვან და საინტერესო ცხოვრების მნიშვნელოვან ეპიზოდებს. კორმაკ მაკარტის ამ რომანის მიხედვით გადაღებულია ფილმიც, რომელმაც, 2008 წელს კინემატოგრაფიული ჯილდო - ,,ოსკარი’’ აიღო.
|
 |
ავტორი:
სათაური: DIMITRI ERMAKOV – photographer and collector
გამომცემლობა: საქართველოს ეროვნული მუზეუმი
გამოშვების წელი: 2014
წინამდებარე ილუსტრირებულ ალბომში წარმოდგენილია ცნობილი ფოტოგრაფისა და კოლექციონერის დიმიტრი ერმაკოვის მიერ მოგზაურობის დროს გადაღებული პორტრეტები, ცხოვრების ამსახველი სიუჟეტები, ქალაქების არქიტექტურა და ინფრასტრუქტურა, ასევე მრავალი ეკლესია- მონასტრისა და მათში დაცული საეკლესიო ინვენტარის ფოტომასალა. დიმიტრი ერმაკოვი, ერთ-ერთი პირველი აღმოჩნდა, ვინც მე-19 საუკუნის მეორე ნახევარში მნიშვნელოვანი ბიძგი მისცა საქართველოში ფოტოგრაფიის განვითარებას. მის ნამუშევრებს, გარდა ისტორიულ დოკუმენტურისა, მხატვრული ღირებულებაც გააჩნია. მათი ტექნიკური შესრულება განსხვავდება მაღალი პროფესიული დონით. ფოტოგრაფი თვალყურს ადევნებდა იმდროინდელი ფოტოგრაფიული ტექნოლოგიის განვითარებას და უახლეს მიღწევებს იყენებდა თავის საქმიანობაში.
|
 |
ავტორი: შორენა ლებანიძე
სათაური: საშვი კონფლიქტის ზონაში
გამომცემლობა: არტანუჯი
გამოშვების წელი: 2014
შორენა ლებანიძის მხატვრულ-დოკუმენტურ რომანს - ,,საშვი კონფლიქტის ზონაში’’ - ჟურნალისტური მოგონებები უდევს საფუძვლად. ავტორის მიერ აღწერილი ამბები მეოცე საუკუნის მიწურულის ერთწლიან მონაკვეთს მოიცავს - აფხაზეთის ომის დაწყებიდან დასავლეთ საქართველოში გაჩაღებული სამოქალაქო დაპირისპირების შეწყვეტამდე.
|
 |
ავტორი: ლევან ბრეგაძე
სათაური: თარგმანი და ორიგინალი
გამომცემლობა: არტანუჯი
გამოშვების წელი: 2014
აღნიშნული წიგნი თარგმანის კრიტიკას ეძღვნება. მასში თავმოყრილია თარგმანებზე დაწერილი რეცენზიები. წიგნი ორი ნაწილისაგან შედგება. პირველ ნაწილში გერმანული და რუსული ლიტერატურის ნიმუშების ქართული თარგმანებია შეფასებული, მეორე ნაწილი, შეიცავს რეცენზიებს, რომლებშიც ქართული მწერლობის ნიმუშთა გერმანული და ფრანგული თარგმანებია განხილული.
|
 |
ავტორი: ტიმ სევერინი
სათაური: იასონის მოგზაურობა
გამომცემლობა: არტანუჯი
გამოშვების წელი: 2014
„იასონის მოგზაურობა“ ცნობილი ბრიტანელი ისტორიკოსისა და მწერლის ტიმ სევერინისა და თანამედროვე არგონავტების საბერძნეთიდან საქართველომდე მოგზაურობას ასახავს. მათ თავს გადამხდარი მოვლენების პარალელურად, მოცემულია შესაბამისი ფრაგმენტები აპოლონიოს როდოსელის „არგონავტიკიდან“, რაც მკითხველს საშუალებას აძლევს, თვალნათლივ დაინახოს, რომ ტიმ სევერინის მოგზაურობა იასონის მოგზაურობის ანალოგს წარმოადგენს. წიგნში ვრცლად არის მოცემული თანამედროვე არგონავტების საქართველოში ჩამოსვლა, მასპინძლების დახვედრა, სხვადასხვა არქეოლოგიური მნიშვნელობის მქონე ადგილის მონახულება, სვანეთში მოგზაურობა და ოქროს მოპოვების ტექნიკის გაცნობა. ცალკე თავი ეძღვნება ოქროს საწმისის ლეგენდასა და მის წარმომავლობას.
|
 |
ავტორი: გაბრიელ გარსია მარკესი
სათაური: გენერალი თავის ლაბირინთში
გამომცემლობა: ინტელექტი
გამოშვების წელი: 2014
„გენერალი თავის ლაბირინთში“ გაბრიელ გარსია მარკესის ერთ-ერთი საუკეთესო რომანია, რომელიც აღწერს სიმონ ბოლივარის, ესპანეთის ამერიკული კოლონიების დამოუკიდებლობისთვის მებრძოლი გმირის, სიცოცხლის ბოლო დღეებს. მას სიცოცხლეში სამშობლოს მამას და განმათავისუფლებელს უწოდებდნენ.
|
 |
ავტორი: გაბრიელ გარსია მარკესი
სათაური: სიყვარული ჟამიანობის დროს
გამომცემლობა: ინტელექტი
გამოშვების წელი: 2014
,,სიყვარული ჟამიანობის დროს’’ გაბრიელ გარსია მარკესის ერთ-ერთი გამორჩეული რომანია, რომელსაც ორი ისტორია დაედო საფუძვლად: მარკესის მშობლების ქორწინება და გაზეთში ამოკითხული ცნობა მოხუც შეყვარებულ წყვილზე, რომელთა საიდუმლო სიყვარულს ფარდა მხოლოდ მათი მკვლელობის შემდეგ აეხადა.
|
 |
ავტორი: ლარი პეიჯი
სათაური: Google
გამომცემლობა: პალიტრა L
გამოშვების წელი: 2014
აღნიშნულ წიგნში მოთხრობილია ყველაზე პოპულარული საძიებო სისტემა Google-ის დამფუძნებლის, ლარი პეიჯის შესახებ. პეიჯი წლების განმავლობაში თავადაც ატარებდა ექსპერიმენტებს. ბავშვობიდან ელექტრონიკით იყო დაინტერესებული და ამ მიმართულებით აქტიურად მუშაობდა, შემდეგ დაიწყო პროექტების წერა და ამ პერიოდში გაიცნო მომავალი ბიზნეს პარტნიორი სერგი ბრინი, რომელთან ერთადაც შექმნა კომპანია Google.
|
 |
ავტორი: ბერნარ არნო
სათაური: LVMH
გამომცემლობა: პალიტრა L
გამოშვების წელი: 2014
აღნიშნულ წიგნში მოთხრობილია ჰოლდინგ LVMH-ის მფლობელ ბერნარ არნოს შესახებ. მისი მიზანი იყო შეექმნა არა ახალი მარკა, არამედ უკვე არსებული დაეხვეწა და გაეუმჯობესებინა. მისი მცდელობა წარმატებით დასრულდა და დღეს მსოფლიოში ცნობილი მრავალი ბრენდი მისი კუთვნილებაა.
|
 |
ავტორი: რუპერტ მერდოკი
სათაური: News Corporation
გამომცემლობა: პალიტრა L
გამოშვების წელი: 2014
აღნიშნულ წიგნში მოთხრობილია უდიდეს მედიაჰოლდინგ ,,News Corporation’’-ის დამფუძნებლის, თანამედროვეობის ყველაზე ცნობილი მედიამაგნატის რუპერტ მერდოკის შესახებ. მერდოკს ეკუთვნის ამერიკის, ავსტრალიისა და ინგლისის 30 გაზეთზე მეტი, რომელთა შორისაა: ,,New York Post’’, ,,Times’’, ,,The Sun’’, ,,The Sunday Times’’, ..Daily Telegraph’’, გამომცემლობა - ,,Harper Collins’’ და ა.შ. მერდოკი საკუთარი ბიზნესის ყველა მიმართულებას თავად აკონტროლებს და მისი მიზანია, მედიასფეროში პირველი იყოს. მის ცხოვრებასა და წარმატებაზე დოკუმენტური ფილმიც არის გადაღებული.
|
 |
ავტორი: მერილინ რობინსონი
სათაური: მშობლიური კერა
გამომცემლობა: პალიტრა L
გამოშვების წელი: 2014
მერილინ რობინსონი თანამედროვე ამერიკული პროზისა და ზოგადად, მსოფლიო ლიტერატურის ერთ-ერთი გამორჩეული წარმომადგენელია. ,,მშობლიური კერა’’ ავტორის პირველი მხატვრული ნაწარმოებია, გამოცემული - 1980 წელს. ავტორი გვიყვება ამერიკულ ოჯახზე, რომლის ცხოვრებაშიც თანამედროვე მსოფლიოს ყოფითი მდგომარეობა ირეკლება.
|
 |
ავტორი: მიშელ როსტენი
სათაური: შვილი
გამომცემლობა: პალიტრა L
გამოშვების წელი: 2014
აღნიშნული წიგნი, ცნობილი მწერლისა და გონკურის პრემიის ლაურეატის მიშელ როსტენის ბოლოდროინდელი რომანია, რომელიც გამოსვლისთანავე გახდა ბესტსელერი საფრანგეთში და ლიტერატურის კრიტიკოსთა დადებითი შეფასებაც მოიპოვა. წიგნი მოგვითხრობს დანაკარგზე, შვილის დაკარგვით გამოწვეულ ტკივილზე.
|
 |
ავტორი: ნათია როსტიაშვილი
სათაური: ჭაღის ანგელოზი
გამომცემლობა: პალიტრა L
გამოშვების წელი: 2014
აღნიშნული მოთხრობების კრებული ,,ჭაღის ანგელოზი’’ ახალგაზრდა მწერლის ნათია როსტიაშვილის პირველი წიგნია. ავტორმა აქ შეიტანა სწორედ ის ნაწარმოებები, რომლებმაც პროზის მოყვარულთა თუ კრიტიკოსთა აღიარება უკვე მოიპოვა.
|
 |
ავტორი: გაი კავასაკი
სათაური: იდეიდან პირველ მილიონამდე
გამომცემლობა: პალიტრა L
გამოშვების წელი: 2014
,,იდეიდან პირველ მილიონამდე’’ პრაქტიკული სახელმძღვანელოა მათთვის, ვინც ახლა იწყებს ბიზნესსაქმიანობას ან უკვე დაწყებულის განვითარება სურს. წიგნის ავტორი - გაი კავასაკი - დღეს ბიზნესამყაროში აღიარებულია ექსტრემალური ბიზნესმეთოდების ავტორად. მისი წიგნები მრავალ ენაზე ითარგმნა და მსოფლიოში დიდი პოპულარობით სარგებლობს.
|
 |
ავტორი: სტივენ კინგი
სათაური: ნისლი
გამომცემლობა: პალიტრა L
გამოშვების წელი: 2014
სტივენ კინგი თანამედროვე ამერიკელი მწერალია და კარგად ცნობილია საშინელებათა ჟანრში. იგი ჟანრის ისტორიის საფუძვლიანი ცოდნით გამოირჩევა. ,,ნისლი’’ მისი ერთ-ერთი რომანია, რომელიც იმითაცაა განსაკუთრებული, რომ წიგნს ავტორის წინასიტყვაობა და ბოლოთქმა ერთვის.
|
 |
ავტორი: ჩარლზ ბუკოვსკი
სათაური: მაკულატურა
გამომცემლობა: პალიტრა L
გამოშვების წელი: 2014
,,მაკულატურა’’ ცნობილი ამერიკელი მწერლის, ჩარლზ ბუკოვსკის, უკანასკნელი ნაწარმოებია. რომანი აგებულია სიტუაციებად, სცენებად, ხოლო თითოეულ სცენას მოულოდნელი, ერთი შეხედვით სრულიად წარმოუდგენელი დასასრული აქვს. ,,მაკულატურა’’ სავსეა მინიშნებებით, სახელებითა და სიმბოლოებით, რომელთაგან არც ერთი, ფაქტობრივად, თავისი პირველადი მნიშვნელობით არ გამოიყენება.
|
 |
ავტორი: დონ დელილო
სათაური: კაცი, რომელიც ვარდება
გამომცემლობა: პალიტრა L
გამოშვების წელი: 2014
,,კაცი რომელიც ვარდება’’ 2001 წლის 11 სექტემბერს ნიუ-იორკში მომხდარ ტერორისტულ აქტზე შექმნილი თანამედროვე მხატვრული ტექსტია. ნაწარმოებში საბედისწერო დღე სხვადასხვა ადამიანის თვალითაა დანახული, აღქმული და შეფასებული. მკითხველი მრავალ პერსონაჟს აკვირდება. მათი ბიოგრაფიების, ღირებულებებისა და შინაგანი სამყაროების მრავალფეროვნება დაუვიწყარ შთაბეჭდილებას ქმნის.
|
 |
ავტორი: გიიომ მიუსო
სათაური: და შემდეგ...
გამომცემლობა: პალიტრა L
გამოშვების წელი: 2014
,,და შემდეგ...’’ თანამედროვე ფრანგი მწერლის გიიომ მიუსოს მსოფლიო ბესტსელერად აღიარებული რომანია. ისტორია გრძნობებსა და ამბავი ადამიანის დანიშნულებაზე, ვიწრო ზღვარზე ამქვეყნიურსა და იმქვეყნიურს შორის. რომანი პირველად საფრანგეთში 2004 წელს დაიბეჭდა.
|
 |
ავტორი: კანინგემი მაიკლ
სათაური: საათები
გამომცემლობა: პალიტრა L
გამოშვების წელი: 2014
,,საათები’’ ცნობილი მწერლის მაიკლ კანინგემის ერთ-ერთი გამორჩეული რომანია, რომელშიც გაერთიანებულია 3 ისტორია. ისინი ერთმანეთის პარალელურად ვითარდება და ერთმანეთთან არის დაკავშირებული.
|
 |
ავტორი: მაჩადო ანტონიო
სათაური: აქ იყო ესპანეთი სახელად კასტილია
გამომცემლობა: ინტელექტი
გამოშვების წელი: 2014
,,აქ იყო ესპანეთი, სახელად კასტილია’’ ესპანელი პოეტისა და დრამატურგის, ანტონიო მაჩადოს ახალი პოეტური კრებულია. ანტონიო მაჩადო მიეკუთვნება ესპანური მწერლობის მეორე ოქროს საუკუნის, ე. წ. "98-იანელთა თაობას", რომელშიც შედიოდნენ მიგელ დე უნამუნო, პიო ბაროხა, რამონ დე ვალიე-ინკლანი და სხვა გამოჩენილი მწერლები და მოაზროვნეები.
|
 |
ავტორი: დოიაშვილი თეიმურაზ, ბრეგაძე ლევან
სათაური: ვკითხულობთ კლასიკას
გამომცემლობა: ინტელექტი
გამოშვების წელი: 2014
აღნიშნულ წიგნში შესულია წერილები და ესეები ძველი, ახალი და უახლესი ქართული მწერლობის ნიმუშებზე, იმ ავტორებსა და თხზულებებზე, რომლებსაც საშუალო სკოლის პროგრამა ითვალისწინებს. საუბარია ამ ნაწარმოებების პრობლემატიკა და მხატვრულ თავისებურებები.
|
 |
ავტორი: ებადი შირინ
სათაური: ოქროს გალია
გამომცემლობა: ინტელექტი
გამოშვების წელი: 2014
,,ოქროს გალია’’ ცნობილი ირანელი მწერლისა და ნობელის პრემიის ლაურეატის შირინ ებადის რომანია. წიგნში მოთხრობილია ამბავი ოჯახისა, რომელიც პოლიტიკურმა დაპირისპირებამ გაანადგურა. სამი ძმა განსხვავებულმა პოლიტიკურმა შეხედულებებმა იმდენად გააუცხოვა, რომ ურთიერთობის შენარჩუნება ვერც საერთო სისხლმა და სახლმა მოახერხა და ვერც ერთადერთმა დამ. პრობლემები და ის აქტუალური თემები, რომლებზეც შირინ ებადი წერს, არ შეიძლება იყოს ერთი ოჯახის და ერთი ქვეყნის, ის მსოფლიო ხალხის ყოვედღიურობას ეხმაურება..
|
 |
ავტორი:
სათაური: ქართულ-თურქული ლექსიკონი
გამომცემლობა: ინტელექტი
გამოშვების წელი: 2014
აღნიშნულ ლექსიკონში ქართული სიტყვები განლაგებულია ანბანურად. ომონიმები მოცემულია ცალ-ცალე და წინ უძღვის რომაული ციფრი. ყოველ ქართულ სიტყვას მოსდევს თურქული თარგმანი. იმ შემთხვევაში, თუ ქართულ სიტყვას ერთზე მეტი მნიშვნელობა აქვს, თარგმანში ჯერ მოცემულია გავრცელებული მნიშვნელობა, შემდეგ კი - დანარჩენი.
|
 |
ავტორი: სადღობელაშვილი ნინო
სათაური: თავშესაფარი
გამომცემლობა: ინტელექტი
გამოშვების წელი: 2014
„თავშესაფარი“ ახალგაზრდა მწერლის ნინო სადღობელაშვილის ბოლოდროინდელი ნაწარმოებია, რომელიც შეიძლება მივაკუთვნოთ „ახალ რომანს“ - მიმდინარეობას, რომლისთვისაც, როგორც ჟანრისათვის დამახასიათებელია თავისებური „პროტესტები“ აკადემიზმისადმი. რომელიც იმაში გამოიხატება, რომ მცირე ფორმითაც ახერხებს იმ მნიშვნელოვან საკითხებზე საუბარს, რაზეც საერთოდ სურს ესაუბროს მკითხველს და რაზეც დიდი რომანებიც მოგვითხრობდნენ.
|
 |
ავტორი: მეგრელიშვილი გურამ
სათაური: ევროპელი ხევისბერი
გამომცემლობა: ინტელექტი
გამოშვების წელი: 2014
„ევროპელი ხევისბერი“ ერთი მთავარი თემის ირგვლივ გაერთიანებული მოთხრობებია – პატრიარქალურ საზოგადოებაში გამეფებული სტერეოტიპებისა და მიუღებელი ტრადიციების წინაშე დარჩენილ ადამიანებზე, რომლებიც ყოფიერების შეცვლას ცდილობენ. გურამ მეგრელიშვილის შემოქმედების მთავარი კრედო სწორედ ადამიანია, თავისი ბედისწერით, ტკივილითა და სიხარულით. ადამიანში კი უამრავი სისუსტეა, რომელიც გარე სამყაროსთან კონფლიქტის მიზეზიც ხშირად ხდება.
|
 |
ავტორი: ზანგური გიორგი
სათაური: შენ, არავინ
გამომცემლობა: ინტელექტი
გამოშვების წელი: 2014
,,შენ. არავინ’’ ახალგაზრდა პოეტის გიორგი ზანგურის ახალი ლექსების კრებულია. კრებულში შესული არც ერთი ლექსი აქამდე არც ერთ პერიოდულ გამოცემაში არ დაბეჭდილა. მათ პირველად ხვდება მკითხველი.
|
 |
ავტორი: სადღობელაშვილი ნინო
სათაური: წამი აქა, წამი იქა
გამომცემლობა: ინტელექტი
გამოშვების წელი: 2014
ახალგაზრდა მწერლის ნინო სადღობელაშვილის შემოქმედება თვალსაჩინოებაა იმისა, თუ როგორია პოეტის პროზა და პროზაიკოსის პოეზია. პროზაული ტექსტი შესანიშნავი პოეტური სახეებით მდიდრდება, ხოლო პოეზია პროზისათვის დამახასიათებელი ამბის სიმრავლით და სიუჟეტის მრავალფეროვნებით. ეს რომანიც პოეტ-პროზაიკოსს ეკუთვნის, შესაბამისად, ამბავთან ერთად ტექსტის პოეტურობასაც მრავლად შეხვდება მკითხველი.
|
 |
ავტორი: ჭილაძე ოთარ
სათაური: ღრუბელი (დიალოგები)
გამომცემლობა: ინტელექტი
გამოშვების წელი: 2014
აღნიშნულ წიგნში შესულია ცნობილი ქართველი პროზაიკოსისა და პოეტის ოთარ ჭილაძის ყველა დიალოგი, 1980-დან 2008 წლის ჩათვლით. ასევე საგანგებოდ ამ კრებულისთვის ითარგმნა გასული საუკუნის 90-იან წლებში გერმანულ პრესაში გამოქვეყნებული ინტერვიუები და 2008 წელს ავსტრიული გაზეთის ,,Die Presse’’-ს ფურცლებზე დაბეჭდილი ინტერვიუ აგვისტოს ომის შესახებ.
|
 |
ავტორი: ბორხესი ხოსე ლუის
სათაური: მსოფლიო მზაკვრობის ისტორია
გამომცემლობა: ინტელექტი
გამოშვების წელი: 2014
აღნიშნული წიგნი მოგვითხრობს ალეგორიულ-მითოლოგიური მოტივებით გაჯერებულ სიუჟეტებს: შუააზიური უდაბნოს ისტორიებს, ველური დასავლეთის კოვბოურ და თანამედროვე ნიუ-იორკულ ცხოვრებას. ამ ფრაგმენტული ისტორიების საშუალებით მკითხველის თვალწინ ცოცხლდება სათავგადასავლო, არაკული და მისტერიული ამბები, განვითარებული სხვადასხვა ეპოქისა და ხალხის წიაღში, ან მხოლოდ მითის დონეზე არსებული.
|
 |
ავტორი: ბერგსონი ანრი
სათაური: სიცილი
გამომცემლობა: ინტელექტი
გამოშვების წელი: 2014
აღნიშნული წიგნი ცნობილი ფრანგი მწერლისა და ნობელის პრემიის ლაურეატის ანრი ბერგსონის ნაწარმოებია სიცილის ბუნების შესახებ. ავტორის აზრით სიცილს იწვევს გონებისა თუ სხეულის ნებისმიერი მექანიკური ჩვევა, რომელიც ეწინააღმდეგება ცხოვრების ყოველდღიურობას.
|
 |
ავტორი: ჩილაჩავა რაულ
სათაური: 100 უკრაინელი პოეტი
გამომცემლობა: ინტელექტი
გამოშვების წელი: 2014
წინამდებარე კრებული ცნობილი ქართველი პოეტის, მთარგმნელისა და მეცნიერის რაულ ჩილაჩავას საავტორო ანთოლოგიაა, რომელშიც წარმოდგენილია სხვადასხვა სტილის, მხატვრულ-ესთეტიკური მრწამსისა და შემოქმედებითი პოტენციალის ასი უკრაინელი პოეტი. დაინტერესებულ ქართველ მკითხველს პირველად ეძლევა საშუალება ასე ვრცლად და საფუძვლიადად გაეცნოს უკრაინულ მრავალფეროვან პოეზიას.
|
 |
ავტორი: ილიკო ფერაძე
სათაური: მე, ბებია-ბაბუა, დედა, მამა და გია ფერაძე
გამომცემლობა: ინტელექტი
გამოშვების წელი: 2014
აღნიშნული წიგნი შედგება, თითქმის ერთმანეთისგან დამოუკიდებელი რამდენიმე ნაწილისაგან: პირველ ნაწილში ავტორი მოგვითხრობს ცნობილი ქართველი მსახიობის გია ფერაძის ოჯახზე, მეორე ნაწილი ეხება გიას თავგადასავლებს ნაცნობ-მეგობრების უახლოეს წრეში, მესამე ნაწილში კი საუბარია მკითხველთა უმრავლესობისთვის უცნობ, გია ფერაძის პატიმრობის პერიოდზე.
|
 |
ავტორი: ბორის აკუნინი (გრიგოლ ჩხარტიშვილი)
სათაური: მწერალი და თვითმკვლელობა
გამომცემლობა: ინტელექტი
გამოშვების წელი: 2014
აღნიშნულ წიგნში ავტორი განიხილავს თვითმკვლელობას, როგორც ,,ზნეობრივი სფეროს აუხსნელ ფენომენს" (კარამზინი). ნაწარმოების პირველი ნაწილი სუიციდის ისტორიასა და დაგროვებულ სუიციდოლოგიურ გამოცდილებას ეთმობა. საგანგებოდ აღსანიშნავია ნოველები, რომლებიც სუიციდის კვლევის თითოეულ განყოფილებას აგვირგვინებს, რომელიც ავტორს განსაკუთრებით მნიშვნელოვნად და საინტერესოდ ეჩვენება. წიგნს ერთვის „ლიტერატურიციდის ენციკლოპედია", რომელიც სხვადასხვა ქვეყნისა და ეპოქის 370 თვითმკვლელის შესახებ ცნობებს შეიცავს.
|
 |
ავტორი: გაბრიელ გარსია მარკესი
სათაური: იცხოვრო, რომ მოჰყვე
გამომცემლობა: ინტელექტი
გამოშვების წელი: 2014
,,იცხოვრო რომ მოჰყვე’’ ცნობილი ესპანურენოვანი მწერლის, ნობელის პრემიის ლაურეატის გაბრიელ გარსია მარკესის ავტობიოგრაფიული რომანი და დიდი მწერლის შემოქმედების გზამკვლევია. რომანში საუბარია იმ რეალურ ადამიანებზე, ეპოქასა და ქვეყანაზე, რომლებმაც შექმნეს მარკესის სიტყვის მაგია.
|
 |
ავტორი: ფერაძე გია
სათაური: სევდის კრებული 2
გამომცემლობა: ინტელექტი
გამოშვების წელი: 2014
აღნიშნული გამოცემა არის ცნობილი ქართველი მსახიობის გია ფერაძის პოეტური ნიმუშების კრებული, რომელიც უცნობია ფართო საზოგადოებისთვის. ავტორის ლექსები მისმა ძმამ ილიკო ფერაძემ ერთ წიგნად შეკრიბა. მასში ასევე შეტანილია 1998 წლის კრებულიდან რამდენიმე გამორჩეული ლექსი. გია ფერაძეს ლექსებში იგრძნობა უზარმაზარი ენერგია, შინაგანი მუხტი და ზემოქმედების ძალა, რომელიც გვიმტკიცებს, რომ სიცოცხლის ძალა სიყვარულშია.
|
 |
ავტორი: ბესიკ ხარანაული
სათაური: ლექსები (2003-2013)
გამომცემლობა: ინტელექტი
გამოშვების წელი: 2014
წინამდებარე პოეტურ კრებულში შესულია ცნობილი ქართველი პოეტის ბესიკ ხარანაულის 2003-2013 წლებში დაწერილი ლექსები.
|
 |
ავტორი: ეკა ავალიანი
სათაური: ძველი მახლობელი აღმოსავლეთის ისტორია: განვითარების ტრაექტორიები
გამომცემლობა: ქართული აკადემიური წიგნი
გამოშვების წელი: 2012
ძველი მახლობელი აღმოსავლეთის ისტორია მოიცავს ხანგრძლივ და დინამიკურ ისტორიულ და კულტურულ პროცესებს. ეს პროცესები მიმდინარეობდა და მოქცეული იყო ფართო გეოგრაფიულ არეალში. წინამდებარე წიგნში საუბარია ძველი მახლობელი აღმოსავლეთის ისტორიაზე განსხვავებული ასპექტებით. კერძოდ: ძველი მახლობელი აღმოსავლეთის ლოკალურ, რეგიონულ და ტრანსრეგიონულ სისტემებზე, მისი ისტორიისა და ქართული რეალობის შესახებ.
|
 |
ავტორი: ზ. მ. ჩერნილოვსკი
სათაური: სახელმწიფოსა და სამართლის მსოფლიო ისტორია - ტომი I
გამომცემლობა: ნეკერი
გამოშვების წელი: 2010
წინამდებარე სახელმძღვანელოს I ტომში განხილულია საზღვარგარეთის მნიშვნელოვანი ქვეყნების სახელმწიფოსა და სამართლის ისტორიის კარდინალური საკითხები მონათმფლობელურ და ფეოდალურ ეპოქებში.
|
 |
ავტორი: ნოდარ ელიზბარაშვილი
სათაური: გეოგრაფიის საფუძვლები
გამომცემლობა: უნივერსალი
გამოშვების წელი: 2010
აღნიშნულ სახელმძღვანელოში განხილულია გეოგრაფიის საფუძვლები - მისი საგანი და ამოცანები, სტრუქტურა და ადგილი მეცნიერებათა სისტემაში, გეოგრაფიის განვითარების მოკლე ისტორია, მისი ძირითადი მიმართულებანი, გეოგრაფიაში მიმდინარე პროცესების თავისებურებანი და თანამედროვე სამეცნიერო პრობლემატიკა, საერთაშორისო გეოგრაფიული კავშირი და საქართველოს გეოგრაფიული საზოგადოება, გეოგრაფიული მეთოდოლოგიის, ანალიზისა და სინთეზის ძირითადი პრინციპები, გეოგრაფიული სწავლებანი, თეორიები და კონცეფციები, საზოგადოებისა და ბუნების ურთიერთდამოკიდებულების გეოგრაფიული თავისებურებანი, თანამედროვე გეოგრაფიის ასპარეზი და მისი როლი გლობალური, ეკოლოგიური, ეკონომიკური, სოციალური და პოლიტიკური პრობლემების წარმოჩენაში.
|
 |
ავტორი: ნიკოლაი კუნი
სათაური: ძველი ბერძნული მითოლოგია
გამომცემლობა: პეგასი
გამოშვების წელი: 2011
წინამდებარე წიგნში გადმოცემულია ძველი ბერძნული მითები და ეპოსები. ასევე, თან ერთვის ძველი ბერძნული მითოლოგიის ლექსიკონი.
|
 |
ავტორი: ლევან ალექსიძე
სათაური: თანამედროვე საერთაშორისო სამართალი
გამომცემლობა: იურისტების სამყარო
გამოშვების წელი: 2013
წინამდებარე წიგნში განხილულია თანამედროვე საერთაშორისო სამართლის თეორიისა და პრაქტიკის საკითხები: საერთაშორისო სამართლის, როგორც დამოუკიდებელი სამართლებრივი სისტემის ცნება, სოციალური ბუნება, წყაროები, სუბიექტები: ცალკეული დარგების (სახელშეკრულებო, დიპლომატიური, საკონსულო, კოსმოსური და სხვ.) ძირითადი დებულებანი. ნაშრომი განკუთვნილია საერთაშორისო სამართლისა და საერთაშორისო ურთიერთობის სტუდენტებისა და ასევე თანამედროვე საერთაშორისო სამართლის პრობლემებით დაინტერესებულ მკითხველთა ფართო წრისათვის.
|
 |
ავტორი:
სათაური: უფლისციხის ისტორიულ-არქიტექტურული მუზეუმ-ნაკრძალი
გამომცემლობა: გრიფონი
გამოშვების წელი: 2013
უფლისციხის კლდეში ნაკვეთი ნაქალაქარი ქართული ხუროთმოძღვრების ერთ-ერთი ყველაზე ღირსშესანიშნავი ძეგლია. წინამდებარე ილუსტირებულ ალბომში საუბარია ნასახლარის მთავარ ძეგლებზე: ოთხი კარიბჭე (მათ შორის უმთავრესი კლდეკარი), დიდი კარიბჭის კოშკი, კესონებიანი დარბაზი, მრგვალკოჭებიანი დარბაზი და ა.შ. ალბომი დასურათებულია შესაბამისი ფოტო მასალით.
|
 |
ავტორი:
სათაური: ვარძიის ისტორიულ-არქიტექტურული მუზეუმ-ნაკრძალი
გამომცემლობა: გრიფონი
გამოშვების წელი: 2013
ვარძიის ისტორიულ-არქიტექტურული მუზეუმ-ნაკრძალი განსაკუთრებულად მდიდარია ჩვენამდე მოღწეული სიძველეებით. ძალიან დიდია ამ მცირე ტერიტორიაზე არსებულ კულტურული მემკვიდრეობის ნიმუშთა ქრონოლოგიური და თემატური დიაპაზონი: ნაქალაქარები, ნასოფლარები, ნამოსახლარები, ციხე-სიმაგრეები, ეკლესია-მონასტრები, სტელები, ეპიგრაფიკული ძეგლები, მონუმენტური მხატვრობის ნიმუშები, საირიგაციო და წყალგაყვანილობის სისტემები, აბანოები, ქარვასლები, კლდეში ნაკვეთი მონასტრები და საცხოვრისები. წინამდებარე ალბომში საუბარია სწორედ ამ ძეგლებზე და ილუსტრირებულია შესაბამისი ფოტო მასალით.
|
 |
ავტორი: როლანდ თოფჩიშვილი
სათაური: საქართველოს ეთნოგრაფია/ეთნოლოგია
გამომცემლობა: უნივერსალი
გამოშვების წელი: 2010
წინამდებარე წიგნში საუბარია საქართველოს ეთნოგრაფიულ-ეთნოლოგიურ საკითხებზე. განხილულია ქართული ყოფა, ტრადიციები, წეს-ჩვეულებები და ა.შ.
|
 |
ავტორი: როლანდ თოფჩიშვილი
სათაური: სამცხე-ჯავახეთის ეთნიკური ისტორიიდან
გამომცემლობა: უნივერსალი
გამოშვების წელი: 2013
წინამდებარე ნაშრომი დასახლებული ისტორიულ-ეთნოგრაფიული ისტორიულ-გეოგრაფიული მხარეების ეთნიკურ ისტორიას ეძღვნება. საქართველოს სახელმწიფო საისტორიო არქივში დაცულმა XIX საუკუნის კამერალური აღწერის დავთვრებმა საშუალება მისცა ავტორს თვალი გაედევნა ქართველთა გამაჰმადიანებისა და დეეთნიზაციის პროცესისათვის. აღნიშნული საარქივო მასალებით, XVII-XVIII საუკუნეების ქართული საისტორიო საბუთებითა და ეთნოგრაფიული მონაცემებით დადგინდა, რომ ჯავახეთის ქართული მოსახლეობის დიდი ნაწილი აღმოსავლეთ საქართველოში გადმოსახლდა.
|
 |
ავტორი: როლანდ თოფჩიშვილი
სათაური: ქართველთა ეთნოგენეზისა და ეთნიკური ისტორიის პრობლემები
გამომცემლობა: უნივერსალი
გამოშვების წელი: 2008
წინამდებარე წიგნში მკითხველი გაეცნობა ქართველთა ეთნოგენეზისა და ეთნიკური ისტორიის საკითხებს. ნაშრომით დაინტერესდებიან ჰუმანიტარული სფეროს სხვადასხვა დარგის - ეთნოლოგიის, ისტორიის, არქეოლოგიის, ენათმეცნიერების, ანთროპოლოგიის - წარმომადგენლები, ყველა ვისაც ქართველთა ეთნიკური ისტორია აინტერესებს. ეთნიკური ისტორიის პრობლემებში შედის ისეთი უმნიშვნელოვანესი საკითხების წარმოჩენა, როგორებიცაა: ეთნონიმები, ეთნოსის განსახლების ტერიტორია, ეთნოსის დანაყოფები, ანუ ისტორიულ-ეთნოგრაფიული ჯგუფები და ამ ერთობათა ადგილი საერთო ეთნიკურ სტრუქტურაში, ეთნოსის შიდა და გარე მიგრაციული პროცესები, ეთნოსის განსახლების არეალში, ანუ კუთვნილ ტერიტორიაზე სხვა ეთნოსების შემოსახლება, ეთნოკულტურული კონტაქტები მეზობელ ხალხებთან, ეთნოსის დემოგრაფიული განვითარება და ა.შ
|
 |
ავტორი: როლანდ თოფჩიშვილი
სათაური: სახელების ეთნოლოგია და ისტორია
გამომცემლობა: უნივერსალი
გამოშვების წელი: 2010
წინამდებარე სახელმძღვანელოში განხილულია ქართული საკუთარი სახელებისა და გვარსახელების ისტორია ეთნოლოგიურ, ისტორიულ და ენათმეცნიერული კვლევის მეთოდებით. ყურადღება ძირითადად საკუთარ სახელთა ეთნოლოგიური კვლევის ასპექტებზეა გამახვილებული.
|
 |
ავტორი: მერაბ ვაჩნაძე, ვახტანგ გურული
სათაური: საქართველოს ისტორია - XIX-XX საუკუნეები
გამომცემლობა: ინტელექტი
გამოშვების წელი: 2014
საქართველოს ახალი და უახლესი ისტორია (XIX-XXსს.) ერთი მთლიანი პროცესია. ამ ორსაუკუნოვან ისტორიაში გამოიყოფა ორი ძირითადი პერიოდი. 1801-1802 წლებიდან, ანუ რუსეთის იმპერიის მიერ ქართლ-კახეთის დაპყრობიდან 1918 წლამდე - საქართველოს სახელმწიფოებრივი დამოუკიდებლობის აღდგენამდე პერიოდს ეწოდება საქართველოს ახალი ისტორია. საქართველოს უახლესი ისტორია იწყება საქართველოს სახელმწიფოებრივი დამოუკიდებლობის აღდგენით. (1918 წლის 26 მაისი.)
|
 |
ავტორი: ნიკოლოზ გობეჯიშვილი
სათაური: სამარხთა კონსტრუქცია და დაკრძალვის წესი კოლხური და ყობანური კულტურების მიხედვით
გამომცემლობა: მწიგნობარი
გამოშვების წელი: 2014
აღნიშნული ნაშრომი პირველი ცდაა კოლხური და ყობანური კულტურების დაკრძალვის წესთან დაკავშირებული საკითხების მიზანმიმართული შესწავლისა და მათ შორის საერთო და განმასხვავებელ თავისებურებათა დადგენის თვალსაზრისით. კოლხური და ყობანური კულტურების სამარხეული მონაცემების ურთიერთმიმართებითი ანალიზი ხაზს უსვამს ამ ორი კულტურის თვითმყოფადობას და, ამავდროულად, მათ შორის მჭიდრო კავშირს, რაც ტერიტორიული და გარკვეული კულტურული სიახლოვითაც უნდა ყოფილიყო განპირობებული.
|
 |
ავტორი: ნაზი ხანიაშვილი
სათაური: ქართული გენი იბერიის ცივილიზაციათა სათავეებთან
გამომცემლობა:
გამოშვების წელი: 2012
აღნიშნულ წიგნში გადმოცემულია ქართული ანბანის კოსმიური არსის მეტაფიზიკური სიღრმეები და მოიცავს მთლიანად სამყაროს ყველა განზომილებათა ერთიან კოსმიურ პროცესს. წიგნი ეძღვნება ქართველთა მეფე ფარნავაზის მეფობის 4300 წლისთავს.
|
 |
ავტორი: გიორგი გვასალია
სათაური: ,,შესაქმეს’’ განმარტება
გამომცემლობა: შემოქმედი
გამოშვების წელი: 2014
წინამდებარე გამოცემის მიზანია ქართულ ენაზე წარმოადგინოს ის საეკლესიო სწავლება, რომლითაც ბიბლიური ტექსტების გააზრებაა შესაძლებელი. აღნიშნული წიგნი დაეხმარება უმაღლესი საღვთისმეტყველო სასწავლებლის სტუდენტებს ბიბლიის წიგნების უფრო ღრმად შესწავლაში. წარმოდგენილ ტომში მხოლოდ ბიბლიის I წიგნის ,,შესაქმეს’’ ეგზეგეტიკაა.
|
 |
ავტორი: ბესარიონ ჯორბენაძე, ნანა ლოლაძე, მარიამ კიკონიშვილი
სათაური: ქართული ენის სახელური ფუძეების ლექსიკონი
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
ქართული ენის სახელური ფუძეების ლექსიკონში მოცემულია სრული ინფორმაცია სახელური სიტყვაწარმოების შესახებ. იგი მოიცავს როგორც აფიქსაციას, ისე კომპოზიციას. წარმოდგენილია აგრეთვე ის შემთხვევები, როდესაც სახელური ფუძე გამოიყენება საყრდენ ფუძედ ზმნური წარმოებისათვის. ლექსიკონში სიტყვა-სტატია წარმოდგენილია სქემის სახით. სქემაზე ოთხი ვერტიკალური გრაფაა: I გრაფაში მოცემულია სალექსიკონო ერთეული, II და III გრაფა ასახავს სიტყვაწარმოების პროცესებს: აფიქსაცია (II) და კომპოზიცია (III). IV გრაფაში მოცემულია ზმნური წარმოების ფორმები.
|
 |
ავტორი: ენდრიუ ჰეივუდი
სათაური: პოლიტიკა
გამომცემლობა: საქართველოს მაცნე
გამოშვების წელი: 2007
წინამდებარე წიგნი პოლიტიკის, როგორც საგნის, თანამიმდევრული შესწავლის მცდელობაა. იგი რამდენიმე მთავარი ნაწილისაგან შედგება: პოლიტიკის თეორია, გლობალიზაციისა და სახელმწიფოების მნიშვნელობა, ურთიერთკავშირი პოლიტიკურ და არაპოლიტიკურ ძალთა და ურთიერთობის არხები მმართველთა და მართულთა შორის, მმართველობის მექანიზმები, პოლიტიკური კურსი და მისი ცხოვრებაში გატარების საკითხები.
|
 |
ავტორი: მ. ბირჟაკოვი
სათაური: ტურიზმის თეორია
გამომცემლობა: ,,ფორმა’’
გამოშვების წელი: 2008
აღნიშნულ წიგნში გადმოცემულია ტურიზმის თეორიის საფუძვლები, ძირითადი ტერმინები და განმარტებები საერთაშორისო კონვეციებისა და მსოფლიო ტურიზმის ორგანიზაციის რეკომენდაციების, ეროვნული ნორმებისა და საკანონმდებლო აქტების, პრინციპებისა და ტრადიციების მიხედვით. ასევე განხილულია ტურიზმის საკითხებისა და ტერმინების საქმიან ურთიერთობებში გამოყენების თავისებურებები.
|
 |
ავტორი:
სათაური: ეტიმოლოგიური ძიებანი X
გამომცემლობა: არნოლდ ჩიქობავას სახელობის ენათმეცნიერების ინსტიტუტი
გამოშვების წელი: 2013
,,ეტიმოლოგიური ძიებანი’’ ქართული და სხვა ქართველური ენების ლექსიკის ისტორიულ-ეტიმოლოგიური კვლევისადმი მიძღვნილი თემატური კრებულია. კრებულში წარმოდგენილია გამოკვლევები, რომლებშიც ქართველურ ენათა ლექსიკური მასალის ანალიზისას მოხმობილია როგორც მონათესავე, ისე არამონათესავე ენათა სათანადო მასალა.
|
 |
ავტორი: დემურ გადელია
სათაური: ფინანსური მენეჯმენტი
გამომცემლობა: თბილისის საფინანსო-ეკონომიკური და რეგიონული პრობლემების სასწავლო-სამეცნიერო ცენტრი
გამოშვების წელი: 2010
,,ფინანსური მენეჯმენტი’’ მონოგრაფიული გამოკვლევაა, რომელშიც ვრცლად არის გადმოცემული ფინანსური მენეჯმენტის, როგორც მეცნიერების საფუძვლები, ფინანსურ ურთიერთობათა მართვის პრინციპები და კონცეფცია. წიგნში აღწერილია ფინანსური მენეჯმენტის, როგორც თეორიული, ისე პრაქტიკული ასპექტები თანამედროვეობის თავისებურებათა გათვალისწინებით.
|
 |
ავტორი: ალბერ კამიუ
სათაური: უცხო
გამომცემლობა: აგორა
გამოშვების წელი: 2012
რომანი „უცხო“ ცნობილი ფრანგი მწერლისა და ფილოსოფოსის, ნობელის პრემიის ლაურეატის ალბერ კამიუს „აბსურდის ციკლს“ განეკუთვნება და მწერლის მერვე წიგნია. რომანის მთავარი გმირი პირველ პირში მოგვითხრობს თავის ამბავს, ოღონდ დისტანციური და ცივი ტონით მას უბრალოდ ფაქტების ჩამონათვალად წარმოადგენს. თხრობის მშრალი სტილი მაშინვე აგრძნობინებს მკითხველს, რომ მთავარ გმირსა და საზოგადოებას შორის ერთგვარი დაშორებაა, ისინი ერთმანეთს არ მიესადაგებიან.
|
 |
ავტორი: ელენე მეძმარიაშვილი
სათაური: ევროპის ქვეყნებისა და ამერიკის შეერთებული შტატების XX საუკუნის ისტორია
გამომცემლობა: კლიო
გამოშვების წელი: 2008
წინამდებარე წიგნში გადმოცემულია ავტორის მიერ წლების განმავლობაში ივანე ჯავახიშვილის თბილისის სახელმწიფო უნივერსიტეტში წაკითხული ევროპისა და ამერიკის ქვეყნების უახლესი ისტორიის ლექციების კურსი. განხილულია როგორც თეორიული საკითხები, ასევე დიდი ევროპული ქვეყნებისა და ამერიკის შეერთებული შტატების XX საუკუნის პირველი ნახევრის (1900-1945) ისტორია.
|
 |
ავტორი: თეიმურაზ შენგელია
სათაური: გლობალური ბიზნესი
გამომცემლობა: უნივერსალი
გამოშვების წელი: 2013
წინამდებარე სახელმძღვანელოში შესწავლილი და გაანალიზებულია გლობალური ბიზნესის მნიშვნელოვანი თეორიული და პრაქტიკული პრობლემები - ეროვნული განსხვავებებისა და კულტურის ზეგავლენა გლობალურ ბიზნესზე, გლობალური ბიზნესის ეთიკა და პასუხისმგებლობა, გლობალური ვაჭრობის ეკონომიკური პოლიტიკა, უცხოური პირდაპირი ინვესტიციების თეორია და პრაქტიკა, საგარეო ვალუტის გაცვლითი კურსის ზეგავლენა გლობალურ ბიზნესზე. სახელმძღვანელოში, მდიდარ თეორიულ შინაარსთან ერთად, წარმოდგენილია პრაქტიკული, საანალიზო მასალა და ქეისები, რაც მნიშვნელოვნად ამარტივებს მისი შესწავლისა და სიღრმისეული შემეცნების პროცესს. მასში წარმოჩენილი მასალა მთლიანად ეფუძნება ევროპისა და აშშ-ის უნივერსიტეტების მდიდარ პრაქტიკას გლობალური ბიზნესის სწავლების დარგში.
|
 |
ავტორი: პოლ ტაფი
სათაური: როგორ აღწევენ ბავშვები წარმატებას
გამომცემლობა: საუნჯე
გამოშვების წელი: 2014
ათწლეულების განმავლობაში ამერიკელებს სწამდათ, რომ წარმატებული ბავშვის აღზრდას ორი რამ განსაზღვრავდა: გონიერება და კარგი შედეგები გამოცდებში. ბოლო დროის კვლევების თანახმად კი ვიგებთ, რომ უფრო მნიშვნელოვანი ბავშვის ხასიათი და კონკრეტული თვისებებია: ნებისყოფა, სიბეჯითე და ოპტიმიზმი. პოლ ტაფის აზრით წარმატების მიღწევას, როგორც ადრეულ, ისე მოწიფულ ასაკში უმეტესწილად, სწორედ ეს თვისებები განაპირობებს. წიგნის ავტორი და მისი გულშემატკივრები მიიჩნევენ, რომ ამერიკის საგანმანათლებლო სისტემის ხედვა სწორედ ამ თეორიის გათვალისწინებით უნდა შეიცვალოს. აღნიშნული წიგნი ერთროულად მრავალი საინტერესო სამეცნიერო თეორიის გასაგებ ენაზე აღწერისა და პრაქტიკული კუთხით გამოყენების მცდელობა არის.
|
 |
ავტორი: თემო ფირცხალაშვილი
სათაური: ჩემთვის ცხოვრება იყო მირაჟი
გამომცემლობა: უნივერსალი
გამოშვების წელი: 2014
წინამდებარე პოეტურ კრებულში შესულია პოეტ თემო ფირცხალაშვილის ქართულ ინტერნეტ სივრცეში გამოქვეყნებული ლექსები. წიგნი გაფორმებულია ფერმწერ კარლო კაჭარავას ილუსტრაციებით.
|
 |
ავტორი: ანზორ აბრალავა
სათაური: ეკონომიკისა და ბიზნესის გლობალურ-ინოვაციური პრობლემები
გამომცემლობა: უნივერსალი
გამოშვების წელი: 2014
წინამდებარე მონოგრაფია ეხება საზოგადოებრივი პროგრესის განმსაზღვრელ გლობალურ-ინოვაციურ პროცესს, ეკონომიკასა და ბიზნესში მის როლს, მნიშვნელობას, თავისებურებებსა და თანმდევ წინააღმდეგობებს, საერთაშორისო რეგიონულ და რეგიონთაშორის ურთიერთობებს, ეროვნულ ეკონომიკათა ინტერესებსა და შესაბამისი სტრატეგიის შემუშავების თეორიულ-კონცეპტუალური და გამოყენებითი ხასიათის საკითხებს. აღნიშნული წიგნი განკუთვნილია პროფესიული წრეების, სტუდენტებისა და საერთოდ, აღნიშნული პრობლემით დაინტერესებული მკითხველისათვის.
|
 |
ავტორი: რამაზ აბესაძე
სათაური: ეკონომიკური განვითარება და ეკონომიკური რეგრესი
გამომცემლობა: პაატა გუგუშვილის ეკონომიკის ინსტიტუტის გამომცემლობა
გამოშვების წელი: 2014
წინამდებარე წიგნში განხილულია ეკონომიკური განვითარებისა და ეკონომიკური რეგრესის თეორიული და გამოყენებითი ხასიათის საკითხები. წიგნი განკუთვნილია მეცნიერ ეკონომისტებისა და მკითხველთა ფართო წრისათვის. იგი ასევე შეიძლება გამოყენებულ იქნეს, როგორც დამხმარე სახელმძღვანელო სტუდენტებისათვის, რომლებიც შეისწავლიან დისციპლინებს - ,,ეკონომიკური განვითარება’’ და ,,ეკონომიკური განვითარების თეორია.’’
|
 |
ავტორი: გიორგი ნადარეიშვილი
სათაური: ქართული სახელმწიფოსა და სამართლის ისტორია
გამომცემლობა: ბონა კაუზა
გამოშვების წელი: 2009
წინამდებარე ნაშრომში გადმოცემულია საქართველოში სახელმწიფოსა და სამართლის წარმოშობის საკითხები, საინტერესოდაა მიმოხილული სახელმწიფოსა და სამართლის თანაფარდობის ასპექტები, აგრეთვე დეტალურად არის გაანალიზებული მნიშვნელოვანი სამართლებრივი ძეგლები. წიგნში ფრაგმენტულად არის ასევე განხილული თანამედროვე საქართველოს სამართალი.
|
 |
ავტორი: დიმიტრი უზნაძე
სათაური: განწყობის ფსიქოლოგია
გამომცემლობა: საქართველოს მაცნე
გამოშვების წელი: 2009
წინამდებარე წიგნი წარმოადგენს ქართული ფსიქოლოგიური სკოლის დამაარსებლის დიმიტრი უზნაძის ძირითად ნაშრომს, რომელშიც ჩამოყალიბებულია განწყობის ფსიქოლოგიის ექსპერიმენტული საფუძვლები და განწყობის თეორიის ძირითადი დებულებები.
|
 |
ავტორი: ეკა ავალიანი
სათაური: ეგვიპტის ძველაღმოსავლური მეგაიპმერიის ფორმირება
გამომცემლობა: ქართული აკადემიური წიგნი
გამოშვების წელი: 2010
წინამდებარე ნაშრომი ეხება ეგვიპტური საზოგადოებისა და სახელმწიფოს ფორმირებისა და განვითარების ეტაპებს, უძველესი პერიოდიდან ელინისტურ ხანამდე. ავტორი აშუქებს ქვეყნის პოლიტიკურ, ეკონომიკურ და კულტურულ მახასიათებლებს, იკვლევს სახელმწიფოს ფორმირების მნიშვნელოვან პერიოდებს, მაკრო-სოციალურ ტენდენციებს, ეგვიპტური მეგაიმპერიის საგარეო ეკონომიკურ პოლიტიკას მეზობელ ხალხებთან მიმართებაში. ეგვიპტური სახელმწიფოს მოდელირებისას ავტორი იყენებს: ეგვიპტურ წყაროებს, წერილობით ტექსტებს, არქეოლოგიურ არტეფაქტებს.
|
 |
ავტორი: ირაკლი იმედაძე
სათაური: ფსიქოლოგიის საფუძვლები
გამომცემლობა: მწიგნობარი
გამოშვების წელი: 2011
წინამდებარე სახელმძღვანელო ფსიქოლოგიის პროპედევტიკული კურსია, ანუ განკუთვნილია მათთვის ვინც იწყებს ფსიქოლოგიის შესწავლას. თავისი სტრუქტურითა და შინაარსით იგი მაქსიმალურად უახლოვდება თანამედროვე დასავლურ სტანდარტებს, ამასთან ინარჩუნებს ქართული ფსიქოლოგიური სკოლისთვის დამახასიათებელ ტრადიციებს. წიგნში მოკლედ არის განხილული ზოგადი ფსიქოლოგიის ყველა ძირითადი თემა (ფსიქიკური პროცესები, ცნობიერის, არაცნობიერის, პიროვნებისა და ქცევის კატეგორიები), ფსიქიკური ცხოვრების ფილოგენეტური და ონტოგენეტური განვითარების პრობლემატიკა და სხვ.
|
 |
ავტორი: ზურაბ კიკნაძე
სათაური: ანდრეზები
გამომცემლობა: ილიას სახელმწიფო უნივერსიტეტის გამომცემლობა
გამოშვების წელი: 2009
ანდრეზი დიალექტური ფორმაა, რომელიც რაიმე სიტყვიერ-ზეპირ ან წერილობით დანატოვარს ნიშნავს. წინამდებარე წიგნში თავმოყრილია აღმოსავლეთ საქართველოს მთიანეთში (ფშავ-ხევსურეთი, გუდამაყარ-მთიულეთი, ხევი, თუშეთი) დადასტურებული ანდრეზები. მათი უმეტესობა არქივებიდან არის ამოკრეფილი. ტექსტების ერთი ნაწილი მაგნიტოფონური ჩანაწერებია.
|
 |
ავტორი: ნანა მაჭარაშვილი, ნინო სილაგაძე
სათაური: მსოფლიო ხელოვნება
გამომცემლობა: მერიდიანი
გამოშვების წელი: 2010
წინამდებარე წიგნში წარმოდგენილია მსოფლიო ხელოვნების ისტორია უძველესი ხანიდან თანამედროვეობის ჩათვლით. განხილულია სხვადასხვა ეპოქის, კულტურის ძირითადი დამახასიათებელი ნიშნები, ხელოვნების უმნიშვნელოვანეს წარმომადგენელთა შემოქმედება, მხატვრული სტილებისა და მიმართულებების მრავალმხრივობა და თავისებურებები. წიგნი უხვადაა ილუსტრირებული. მოცემულია თითოეული ეპოქის ხლოვნების შესატყვისი ნიმუშები, აგრეთვე წარმოდგენილია ბიბლიოგრაფია და ტერმინთა განმარტებითი ლექსიკონი.
|
 |
ავტორი: ე. ჰ. გომბრიხი
სათაური: ხელოვნების ამბავი
გამომცემლობა: ლოგოს პრესი
გამოშვების წელი: 2012
,,ხელოვნების ამბავი’’ ერთ-ერთი ყველაზე ცნობილი და პოპულარული წიგნია ხელოვნების შესახებ, რომელიც იწყება უძველესი მღვიმის ფერწერიდან და გრძელდება თანამედროვე ექსპერიმენტულ ხელოვნებამდე. წიგნი დასურათებულია იმ მხატვრებისა და შემოქმედთა ილუსტრაციებით, რომლებზეც საუბარია ილუსტრირებულ ალბომში.
|
 |
ავტორი: John Black, Nigar Hashimzade, Gareth Myles
სათაური: Dictionary Of Economics
გამომცემლობა: Oxford University Press
გამოშვების წელი: 2013
წინამდებარე წიგნი არის ლექსიკონი, სადაც თავმოყრილია ეკონომიკის დარგის ტერმინები, მათი ახსნა-განმარტებანი და ეტიმოლოგიური ისტორია.
|
 |
ავტორი: Denise Etheridge
სათაური: Microsoft Excel Data Analysis
გამომცემლობა: Wiley Publishing
გამოშვების წელი: 2010
Microsoft Excel – Microsoft-ის დამუშავებული საოფისე პროგრამათა შემადგენელი ნაწილია, რომელიც საშუალებას იძლევა რიცხვითი ინფორმაცია (განსაკუთრებით ეკონომიკური ხასიათის ინფორმაცია) წარმოადგინოს მომხმარებელმა მოხერხებულ ფორმატში და მასზე შეასრულოს ნებისმიერი რთული გათვლები. წინამდებარე წიგნში საუბარია ამ პროგრამის მონაცემთა ანალიზზე. კერძოდ: ავტოგამოთვლა და ავტოჯამი, ცხრილების სტრუქტურირება, მონაცემთა კონსოლიდაცია ფორმულების, ადგილმდებარეობისა და კატეგორიების მიხედვით და ა.შ.
|
 |
ავტორი: C. Michael Hall
სათაური: Tourism Planning (Policies, Processes And Relationships)
გამომცემლობა: Pearson
გამოშვების წელი: 2008
აღნიშნულ წიგნში საუბარია ტურიზმის დაგეგმვისა და მენეჯმენტის კონცეფციებზე. ასევე, ტურის დაგეგმვასა და მართვაზე ტურიზმის ინდუსტრიაში. განხილულია მარშრუტების კლასიფიკაცია, მათი დაგეგმვა, დროში გაწერა და მართვა, თანამედროვე ტექნოლოგიები და საჭირო აღჭურვილობა, რუკების გამოყენება ტურის დაგეგმარებისას და ა.შ წიგნის ბოლო ნაწილი ეთმობა ტურისტული მომსახურების დარგების თავისებურებებს, ტურისტულ ინფრასტრუქტურას და თანამედროვე ტურისტული მარკეტინგის ცალკეულ საკითხებს.
|
 |
ავტორი: Richard L. Curwin, Allen N. Mendler, Brian D. Mendler
სათაური: Fundamentals Of International Finance
გამომცემლობა: South-Western
გამოშვების წელი: 2009
წინამდებარე ნაშრომში საუბარია საერთაშორისო ფინანსების ფუნდამენტალურ პრინციპებზე. ასევე სხვადასხვა სფეროში უცხოურ ინვესტიციებზე, რომლებსაც განსაკუთრებული მნიშვნელობა ენიჭება განვითარებული ქვეყნების ფინანსურ საქმიანობაში. ასევე ვრცლადაა განხილული საფინანსო ორგანიზაციების ორიენტირებულობა. მათი მთავარი მიზანი უნდა იყოს კორპორაციულ კლიენტებთან კავშირების განვითარება, მცირე და საშუალო ბიზნესის დაფინანსება და ა.შ
|
 |
ავტორი: Philip Kotler, Gary Armstrong
სათაური: Principles Of Marketing
გამომცემლობა: Pearson
გამოშვების წელი: 2014
მარკეტინგული პრინციპები არის ის ძირითადი მახასიათებლები, რაც დაკავშირებულია მარკეტინგულ საქმიანობასთან სხვადასხვა საწარმოსა და დაწესებულებაში. აღნიშნულ წიგნში სწორედ ეს პრინციპებია ფართოდ განხილული: ბაზრების დიფერენცირებულად შესწავლა, საქმიანობების მიმართ სისტემური მიდგომა, მოგების მიღება, მყიდველებთან ურთიერთობის მართვა, მიზნობრივი ბაზრის შერჩევა და ა.შ.
|
 |
ავტორი:
სათაური: ეკონომიკური ანალიზი (თეორია, მეთოდოლოგია, პრაქტიკა)
გამომცემლობა: მერიდიანი
გამოშვების წელი: 2011
წინამდებარე სახელმძღვანელოში შესულია ეკონომიკური ანალიზის თეორიისა და მეთოდიკის საკითხები. მოცემულია საწარმოს სამეურნეო საქმიანობის შედეგების კომპლექსური ანალიზის მეთოდიკა. განხილულია ეკონომიკური ანალიზის უახლესი მეთოდიკა, რაც დამახასიათებელია საბაზრო ეკონომიკისათვის. აღნიშნული წიგნი განკუთვნილა უმაღლესი სასწავლებლების ეკონომიკური სპეციალობის სტუდენტებისათვის. იგი ასევე დახმარებას გაუწევს ბუღალტრული, ფინანსური, ანალიტიკური სამსახურის მუშაკებს, აუდიტორებს, კომერციული ბანკის მუშაკებს, ეკონომიკური და ფინანსური საკითხებით დაინტერესებულ პირებს.
|
 |
ავტორი: ზაურ ამილახვარი, გიორგი ამილახვარი, ნინო წერეთელი
სათაური: ბიზნესის სამართალი
გამომცემლობა: საქართველოს საერთაშორისო ურთიერთობათა უნივერსიტეტი
გამოშვების წელი: 2010
წინამდებარე სახელმძღვანელოში ქართული და უცხო ქვეყნების მეცნიერული ნაშრომების, ასევე ეროვნული და საერთაშორისო სამართლებრივი ნორმების გამოყენების საფუძველზე, განხილულია სახელმწიფოსა და სამართლის წარმოშობის ძირითადი დებულებანი, კანონიერებისა და მართლწესრიგის ცნება, მართლმსაჯულების განხორციელების კონსტიტუციური უფლებები, ბიზნესისა და ვაჭრობასთან დაკავშირებული სამართლებრივი რეგულირების საფუძვლები, ბიზნესის სამოქალაქო და სამეწარმეო სამართლებრივი ურთიერთობების რეგულირების ძირითადი ასპექტები, საქართველოში საგადასახო და საბაჟო საქმიანობის სამართლებრივი რეგულირების ძირითადი საკითხები, საფინანსო სამართლებრივი ურთიერთობები, ბიზნესის სფეროში სამართალდარღვევის ზოგადი დებულებანი და ა.შ
|
 |
ავტორი: ელენე ხარაბაძე
სათაური: ბუღალტრული აღრიცხვის საფუძვლები
გამომცემლობა: მერიდიანი
გამოშვების წელი: 2014
წინამდებარე წიგნში განხილულია ბუღალტრული აღრიცხვის თეორიის საკითხები. ბუღალტრული აღრიცხვის მარტივი სისტემა, ბუღალტრული ციკლი, სამეურნეო ოპერაციების რეგისტრაციიდან - ფინანსური ანგარიშგების ძირითადი კომპონენტების მომზადების ჩათვლით. ყურადღება გამახვილებულია იმ სიახლეების მიმართ, რომელიც საერთაშორისო სტანდარტებით ბუღალტრული აღრიცხვის წარმოებასთან არის დაკავშირებული. სახელმძღვანელო განკუთვნილია ეკონომიკისა და ბიზნესის ფაკულტეტის ბაკალავრიატის სტუდენტებისათვის. იგი საინტერესო იქნება ასევე, აღნიშნული საკითხებით დაინტერესებული მკითხველისათვის.
|
 |
ავტორი: ცირა ბარბაქაძე
სათაური: პოეზიის სემიოტიკა
გამომცემლობა: უნივერსალი
გამოშვების წელი: 2009
წინამდებარე ნაშრომში გამოკვლეულია ქართული პოეტური ტექსტები კოგნიტიური ლინგვისტიკის ფარგლებში სემიოტიკური მეთოდოლოგიით. გამოვლენილია უნივერსალური და ინდივიდუალური პოეტური კონცეპტები. რომლებიც საინტერესოა როგორც ქართული პოეტური ენობრივი სურათის შესაქმნელად, ასევე ინდივიდუალური პოეტური სამყაროს დასახატად. წიგნი განკუთვნილია ენათმეცნიერთათვის და ჰუმანიტარული დარგის სპეციალისტებისათვის.
|
 |
ავტორი: გულნაზ ბარათაშვილი, ეკა ბერელაშვილი, მზისთვალა კეცხოველი, იზოლდა მელიქიშვილი, ნინო ნადარაია, ეთერ სულხანიშვილი
სათაური: ქართული ნაქარგობა
გამომცემლობა: ქარჩხაძის გამომცემლობა
გამოშვების წელი: 2011
წინამდებარე წიგნი ქართული ნაქარგობის, კერძოდ, ქართული საეკლესიო ქარგულობის მრავალმხრივი კვლევის შედეგების პირველი პუბლიკაციაა. წიგნში შევიდა ფართო ქრონოლოგიური დიაპაზონის (XII-XIX სს.) მხატვრული, კომპოზიციური, იკონოგრაფიული და ტექნიკური თვალსაზრისით საუკეთესო საეტაპო ძეგლები: გარდამოხსნები, კრეტსაბმელები, დაფარნები, საბუხარები, სამღვდელო სარტყლები და ენქერები. აღნიშნულ წიგნში ქართული საეკლესიო ნაქარგობა პირველადაა განხილული სიმბოლურ-სემანტიკური თვალსაზრისით, მოცემულია მათზე წარმოდგენილი ორნამენტული დეკორის, ფერის, ფორმისა და წმინდა რიცხვთა სიმბოლიკის ანალიზი, ნაქარგობის ტექნიკური, მხოლოდ ქართული მხატვრული ქარგულობისათვის დამახასიათებელი თავისებურებები, ასახულია ქართული მხატვრული ქარგვის განვითარების ცალკეული ეტაპები. ნაშრომი საინტერესოა, როგორც სპეციალისტებისთვის, ასევე ფართო საზოგადოებისთვის.
|
 |
ავტორი: ალექსანდრე ნონეშვილი, ამირან თავართქილაძე
სათაური: საქართველოს 100 მუზეუმი
გამომცემლობა: კლიო
გამოშვების წელი: 2012
საქართველოს თანამედროვე სამუზეუმო კულტურა 160 წელზე მეტს ითვლის. ქვეყანაში არსებული მუზეუმების რაოდენობა 100-ზე ბევრად მეტია, ხოლო ექსპოზიციებსა და ფონდებში დაცული ისტორიის, ხელოვნებისა და მატერიალური კულტურის ამსახველი მასალების რაოდენობა რამდენიმე მილიონს აღემატება. უნიკალური და იშვიათი გამოცემები დაცულია არა მარტო დედაქალაქის სახელმწიფო, არამედ სხვადასხვა რაიონის მხარეთმცოდნეობის და ისტორიულ მუზეუმებში, რომელთა ფონდებში არსებული ზოგიერთი ექსპონატი არათუ რაიონის და მხარის, არამედ მრავალი ქვეყნის სახელმწიფო, ცენტრალურ მუზეუმს დაამშვენებდა. საქართველოს ყველა მუზეუმის მხოლოდ ძირითად ექსპონატთა სრულად წარმოჩენას მრავალი ტომი დასჭირდებოდა. ამ გამოცემის ფორმატის გათვალისწინებით კი საქართველოს მხოლოდ 100 მუზეუმი შეირჩა.
|
 |
ავტორი: ჯეიმს ს. ვან ჰორნი, ჯონ მ. ვაჰოვიჩი
სათაური: ფინანსური მენეჯმენტის საფუძვლები
გამომცემლობა: საქართველოს მაცნე
გამოშვების წელი: 2008
აღნიშნულ წიგნში თავმოყრილია თანამედროვე ფინანსური მენეჯმენტის სფეროს ყველა ძირითადი საკითხი, რომლის შესახებ მკითხველი საფუძვლიან ინფორმაციას მიიღებს. წიგნი 24 თავისაგან შედგება, რომელიც დაჯგუფებულია 8 ნაწილად. სახელმძღვანელო იწყება ფინანსური მენეჯმენტის არსის გაცნობით და ფინანსური მენეჯერის ვალდებულებისა და პასუხისმგებლობის წარმოდგენით, შემდეგ განხილულია: აქტივების შეფასება, ფინანსური ანალიზის და დაგეგმვის ინსტრუმენტები, სამუშაო კაპიტალის მენეჯმენტი, ინვესტირება კაპიტალურ აქტივებში, კაპიტალის ღირებულება, კაპიტალის სტრუქტურა და დივიდენდური პოლიტიკა, საშუალო და გრძელვადიანი ფინანსირება და ა.შ. წიგნის სტრუქტურა იძლევა საფუძვლიან ცოდნას როგორც თეორიულად, ისე პრაქტიკულად. ყველა თემის ბოლოს წარმოდგენილია კითხვები, ამოცანები და სავარჯიშოები, რომლის დეტალური ამოხსნა იქვეა მოცემული.
|
 |
ავტორი: ბელა მამულაშვილი
სათაური: ბიოეთიკა
გამომცემლობა: უნივერსალი
გამოშვების წელი: 2014
წინამდებარე ბიოეთიკის სახელმღვანელოში გადმოცემულია ბიოსამედიცინო მეცნიერებისა და პრაქტიკული ჯანდაცვის უმწვავესი, ყველაზე აქტუალური პრობლემები, ბიოეთიკის ფუძემდებლური ღირებულებები და მორალური ნორმები, რომლებიც ხშირად ირღვევა ბიოსამედიცინო ტექნოლოგიების მძლავრი პროგრესის პირობებში. აღნიშნულ წიგნში შეტანილია ჯანმრთელობის დაცვის სფეროში ადამიანის უფლებების შესახებ გაერთიანებული ერების ორგანიზაციისა და მსოფლიო სამედიცინო ასოციაციის დოკუმენტები, რომელთა ცოდნა აუცილებელია სამედიცინო პერსონალის, ბიომედიცინის სფეროში მოღვაწე მკვლევარების, საშუალო და უმაღლესი სამედიცინო-ბიოლოგიური პროფილის სასწავლებლების სტუდენტთა, ასპირანტთა და რეზიდენტთათვის.
|
 |
ავტორი: გიული ქეშელაშვილი
სათაური: ანტიკრიზისული მენეჯემენტი
გამომცემლობა: მერიდიანი
გამოშვების წელი: 2013
საქართველოს ეკონომიკის განვითარების თანამედროვე ეტაპზე მნიშვნელოვანია ბიზნესზე მოქმედი არახელსაყრელი მოვლენების აღმოსაფხვრელად თანამედროვე მენეჯმენტის მთელი პოტენციალის გამოყენება, რომელიც დაფუძნებული იქნება პროცესისადმი სისტემურ და კომპლექსურ მიდგომაზე და საწარმოთა ანტიკრიზისული მართვის მექანიზმების ცოდნის გამოყენებაზე. სწორედ კომპლექსური მიდგომის საფუძველზეა შემუშავებული აღნიშნული სახელმძღვანელოს სტრუქტურა და შინაარსი, რომელიც რამდენიმე ძირითადი თავისგან შედგება: კრიზისები მიკრო და მაკრო-ეკონომიკურ სისტემებში, ეკონომიკის კრიზისული სიტუაციების სახელმწიფო რეგულირება, ანტიკრიზისული მართვის ცნება, საწარმოს საქმიანობაში კრიზისულ მოვლენათა დიაგნოსტიკა და ა.შ
|
 |
ავტორი: იაშა (იაკობ) მესხია
სათაური: საერთაშორისო ფინანსები
გამომცემლობა: უნივერსალი
გამოშვების წელი: 2012
წინამდებარე სახელმძღვანელოში განხილულია საერთაშორისო ფინანსების თეორიისა და პრაქტიკის აქტუალური საკითხები: საერთაშორისო ფინანსების არსი, ფუნქციები და პრინციპები. საერთაშორისო ფინანსური, სავალუტო, საკრედიტო, ფასიანი ქაღალდების, მათ შორის აქციების, ობლიგაციების და დერივატების ბაზრები. საერთაშორისო საბანკო საქმის საფუძვლები, საერთაშორისო ფინანსური მენეჯმენტის, ინვესტიციური რისკები, საერთაშორისო ანგარიშსწორებისა და საგარეო ვაჭრობის დაფინანსების საკითხები, საგადასახდელო ბალანსის ფორმირების, საერთაშორისო საგადასახადო დაბეგვრისა და ფინანსური აღრიცხვის მეთოდოლოგიის საფუძვლები, საერთაშორისო საფინანსო და სავალუტო-საკრედიტო ორგანიზაციების მიზნები, ამოცანები და სტრუქტურა.
|
 |
ავტორი: ბ. გაბიძაშვილი
სათაური: სტატისტიკა ეკონომიკაში, ბიზნესსა და მენეჯმენტში (I ნაწილი)
გამომცემლობა:
გამოშვების წელი: 2013
წინამდებარე სახელმძღვანელოში ევრო-ამერიკული პროგრამების მიხედვით გაშუქებულია ეკონომიკაში, ბიზნესსა და მენეჯმენტში სტატისტიკის გამოყენების აქტუალური საკითხები. თეორიული მასალა გამტკიცებულია პრაქტიკული მაგალითებისა და ამოცანების ამოხსნით. აღნიშნული წიგნი განკუთვნილია უმაღლეს სასწავლებელთა ეკონომიკური, ბიზნესის და მენეჯმენტის სპეციალობის სტუდენტებისათვის. იგი გამოადგება, აგრეთვე, პრაქტიკოს ეკონომისტებს, ბიზნესმენებს, მენეჯერებსა და ამ საკითხებით დაინტერესებულ მკითხველთა ფართო წრეს.
|
 |
ავტორი: ბადრი ქუთათელაძე
სათაური: თბილისის ქანდაკება (პოეზია ქვაში)
გამომცემლობა: საქართველოს კულტურისა და ძეგლთა დაცვის სამინისტრო
გამოშვების წელი: 2013
წინამდებარე ილუსტრირებული ალბომი ენციკლოპედიური ხასიათისაა და სრულ ინფორმაციას აწვდის მკითხველს თბილისსა და მის შემოგარენში (კიკეთი, წყნეთი, კოჯორი და ა.შ.) არსებული ქანდაკებების შესახებ. წიგნში შესულია თბილისის ტერიტორიაზე განლაგებული ყველა სკულპტურული კომპოზიცია, ამასთანავე მთაწმინდისა და დიდუბის მწერალთა და საზოგადო მოღვაწეთა პანთეონებში განთავსებული გამოჩენილი საზოგადო მოღვაწეების ბიუსტები. ავტორი დეტალურად ასახავს ქართული მონუმენტური ხელოვნების სურათს ჩვენს დედაქალაქში.
|
 |
ავტორი: როზეტა ასათიანი
სათაური: საით მიდის საქართველო? (სოციალურ-ეკონომიკური განვითარების კონცეპტუალური ანალიზი)
გამომცემლობა: სიახლე
გამოშვების წელი: 2014
წინამდებარე მონოგრაფიაში განხილულია საქართველოში ახალი ეპოქის მნიშვნელოვან მონაკვეთში, ძირითადად 1991-2002 წლებში განვითარებული მოვლენები და პროცესები, გამოკვლეულია ერთდროულად ორი ისტორიული მოვლენის - საქართველოს დამოუკიდებლობის აღდგენისა და ,,საბჭოთა სოციალიზმის’’ კონვერსიის საფუძველზე საბაზრო ეკონომიკაზე წინააღმდეგობებით სავსე გარდამავალი პერიოდის სირთულეები, ქვეყანაში განვლილი თუ მიმდინარე არსებითი ეკონომიკური ძვრები და მიღწეული წარმატებები. გაკეთებულია შესაბამისი დასკვნები, რაც განმტკიცებულია სტატისტიკური მასალებითა და სხვა ფაქტობრივი მონაცემებით.
|
 |
ავტორი: ალექსის დე ტოკვილი
სათაური: დემოკრატია ამერიკაში
გამომცემლობა: გრიგოლ რობაქიძის სახელობის უნივერსიტეტის გამომცემლობა
გამოშვების წელი: 2011
,,დემოკრატია ამერიკაში’’ პოლიტიკური აზროვნების იმ საფუძველმდებარე ნაშრომთა რიცხვს მიეკუთვნება, რომლებიც დღესაც არ კარგავენ აქტუალობას. ამ ნაშრომში არა მარტო ამერიკული დემოკრატიის თავისებურებებზეა მსჯელობა, არამედ საერთოდ დემოკრატიული საზოგადოებების - დემოკრატიული სამყაროს სამომავლო ტენდენციებიცაა გამოკვეთილი. ავტორი მსჯელობს დემოკრატიის იმ ზოგადი ნიშან-თვისებების შესახებ, რაც მეორე მსოფლიო ომის შემდგომ პერიოდში გახდა განსაკუთრებული ყურადღების საგანი.
|
 |
ავტორი: რამაზ გახოკიძე
სათაური: ,,მწვანე ბიოორგანული რევოლუციის’’ საწყისებთან
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე წიგნში საუბარია ახალ აგრობიოორგანულ ტექნოლოგიაზე, რომელიც წარმოადგენს შიმშილისა და არასრულფასოვანი კვების პრობლემის გადაჭრის ერთ-ერთ გზას. ამავდროულად, ის სასოფლო-სამეურნეო პროდუქტების რაოდენობის და ხარისხის გადიდების საშუალებაა, ამცირებს გარემოზე ქიმიზაციის ნეგატიურ გავლენას, რაც დიდ ეკონომიკურ, ეკოლოგიურ და სოციალურ ეფექტს მოგვცემს. წიგნს საფუძვლად დაედო საქართველოს ბიზნესის, პოლიტიკის, ეკონომიკისა და სოფლის მეურნეობის მეცნიერებათა აკადემიების გაერთიანებულ სხდომაზე ავტორის მიერ წაკითხული მოხსენება.
|
 |
ავტორი: ანრი ბერგსონი
სათაური: ცნობიერება და სიცოცხლე
გამომცემლობა: არხე
გამოშვების წელი: 2007
ფრანგი ფილოსოფოსი ანრი ბერგსონი მექანიციზმის, მატერიალიზმისა და დეტერმინიზმის წინააღმდეგ გამოდიოდა და თავის მსოფლმხედველობას სიცოცხლის ფილოსოფიის კონტექსტში განიხილავდა. მისი აზრით, ყოფნის ფილოსოფია სიცოცხლის ფილოსოფიაა, რადგან ყოფნა სიცოცხლის ენერგიაა. სწორედ ეს კონცეფციაა ვრცლად განხილული აღნიშნულ ნაშრომში. მასში გადმოცემულია ავტორისეული ახალი დროის ფილოსოფიის ფენომენალიზმი და სამყაროს ცალმხრივი ახსნა, ასევე განმარტებულია ანრი ბერგსონის მოძღვრების ძირითადი ცნებები.
|
 |
ავტორი: თენგიზ ირემაძე
სათაური: ალეთეიოლოგიური რეალიზმი (შალვა ნუცუბიძე და მისი აზროვნების ახლებური საწყისები)
გამომცემლობა: ნეკერი
გამოშვების წელი: 2013
წინამდებარე ნაშრომის ქართული თარგმანის გამოცემა შალვა ნუცუბიძის დაბადების 125 წლისთავს ეძღვნება. შალვა ნუცუბიძის სახელს უკავშირდება XX საუკუნის ქართული ფილოსოფიური აზროვნების ყველაზე საგულისხმო მიღწევები. აღნიშნულ გამოკვლევაში მისი ალეთეიოლოგიური ნაშრომებია განხილული. განსაკუთრებული ყურადღება ექცევა მისი თეორიის საფუძველმდებარე ცნებებისა და კონცეპტების რეაქტუალიზების ცდას თანამედროვე ფილოსოფოსობის კონტექსტში. მისი ალეთეიოლოგიური რეალიზმი, რომელიც აზროვნებასა და ყოფნას შორის არსებული ტრადიციული წინააღმდეგობების დაძლევისა და გადალახვის ახლებურ გზებს ეძიებდა, დღემდე ერთ-ერთ საყურადღებო თეორიულ კონცეპტად რჩება.
|
 |
ავტორი: გიორგი თავაძე
სათაური: რუკების ძალა (გელათი და ,,კავკასიური ფილოსოფიის’’ ცნება ინტერკულტურული ფილოსოფიის ჭრილში)
გამომცემლობა: ნეკერი
გამოშვების წელი: 2013
წინამდებარე ნაშრომში რუკები განხილულია, როგორც ტექსტები და გამოვლენილია ის ქვეტექსტები, რომლებიც რუკების დაფარულ თუ აშკარა საზრისებს ქმნიან. აღნიშნული მიდგომა დაკაშირებულია ინტერკულტურულ ფილოსოფიასთან, რომლის ერთ-ერთ საინტერესო კონცეპტს ,,კავკასიური ფილოსოფიის’’ ცნება წარმოადგენს. სამომავლო კვლევების საფუძველზე უნდა შეიქმნას ,,კავკასიური ფილოსოფიის ატლასი’’, სადაც აღინიშნება ყველა ის კერა კავკასიაში, სადაც ნაყოფიერი ფილოსოფიური მუშაობა მიმდინარეობდა. ნაჩვენები უნდა იქნეს ის რეგიონებიც, რომლებშიც ქართველი/კავკასიელი მოაზროვნეები მოღვაწეობდნენ. დაბოლოს, ატლასმა უნდა წარმოაჩინოს ის ორმხრივი მიმართულებები და ურთიერთგავლენები, რომლებიც კავკასიის რეგიონს სააზროვნო ჭრილში ევროპისა და აზიის სხვა რეგიონებთან აკავშირებდა.
|
 |
ავტორი: ბურკჰარდ მოიზიში
სათაური: ჰუმანიზმის ეპისტემოლოგია
გამომცემლობა: ნეკერი
გამოშვების წელი: 2009
წინამდებარე ნაშრომი ცნობილი გერმანელი ფილოსოფოსის, ანტიკური, შუა საუკუნეებისა და რენესანსის ფილოსოფიის თვალსაჩინო მკვლევრის, ბურკჰარდ მოიზიშის 65 წლის იუბილეს ეძღვნება. ,,ჰუმანიზმის ეპისტემოლოგია’’ ბურკჰარდ მოიზიშის ერთ-ერთი უმნიშვნელოვანესი ნაშრომია. მასში განხილულია პლატონური და არისტოტელური ცოდნის თეორიის სხვადახვა ასპექტი ჰუმანისტი მოაზროვნეების - ნიკოლოზ კუზანელის, მარსილიო იჩინოსა და პიეტრო პომპონაცის - ნაშრომებზე დაყრდნობით. წინამდებარე წიგნი საინტერესო იქნება რენესანსისა და ჰუმანიზმის კულტურისა და აზროვნების შემსწავლელთათვის.
|
 |
ავტორი: ჰელმუტ შნაიდერი
სათაური: ფილოსოფიური გეოგრაფია
გამომცემლობა: ნეკერი
გამოშვების წელი: 2010
წინამდებარე ნაშრომი მოიცავს ფილოსოფიის გერმანელი სპეციალისტის, ჰელმუტ შნაიდერის გამოკვლევასა და ქართველი ფილოსოფოსების მეცნიერულ სტატიებს ფილოსოფიური გეოგრაფიის საკვანძო პრობლემატიკის შესახებ. წიგნში ასევე ნათლადაა წარმოჩენილი თანამედროვე ინტერკულტურული ფილოსოფიის ცნობილი წარმომადგენლების კონცეფციებს შორის არსებული სახესხვაობანი.
|
 |
ავტორი: უდო რაინჰოლდ იეკი
სათაური: განაზრებანი ქართული ფილოსოფიის შესახებ
გამომცემლობა: ნეკერი
გამოშვების წელი: 2010
წინამდებარე წიგნში ორი სტატიაა გაერთიანებული: ,,შუა საუკუნეების ქართული ფილოსოფია პროკლესეული პლატონიზმის კონტექსტში’’ და ,,შალვა ნუცუბიძე - XX საუკუნის გერმანელ-ქართველი ფილოსოფოსი’’. თითოეული მათგანი ქართული ფილოსოფიის დასავლურ აზროვნებასთან კავშირზეა აგებული და ქართული ფილოსოფიის თანამედროვე მდგომარეობას ეხება. პირველი სტატია გვიჩვენებს, თუ როგორი თავისთავადი და ორიგინალური სახით ასახავს შუა საუკუნეების ქართული აზროვნება - სხვა კონცეფციების კონტექსტში - პროკლეს ფილოსოფიას. მეორე ტექსტი კი, ცნობილი ქართველი მეცნიერის შალვა ნუცუბიძის შემოქმედებას ეხება.
|
 |
ავტორი: თენგიზ ირემაძე
სათაური: ვალტერ ბენიამინი (ცხოვრება, მოღვაწეობა, აქტუალობა)
გამომცემლობა: ნეკერი
გამოშვების წელი: 2008
წინამდებარე წიგნი პირველ ქართულენოვან გამოკვლევას წარმოადგენს კრიტიკული აზროვნების თვალსაჩინო წარმომადგენლის ვალტერ ბენიამინის შესახებ. მკითხველს საშუალება აქვს გაიცნოს მისი ცხოვრებისა და მოღვაწეობის მნიშვნელოვანი დეტალები და მრავალმხრივი აზროვნების აქტუალური მხარეები.
|
 |
ავტორი: ბერნჰარდ ვალდენფელსი
სათაური: გზები ფენომენოლოგიისა, პასუხს რომ იძლევა
გამომცემლობა: ნეკერი
გამოშვების წელი: 2013
წინამდებარე ნაშრომი გამოჩენილი გერმანელი ფილოსოფოსის, ბერნჰარდ ვალდენფელსის ფრანგულენოვანი ფენომენოლოგიური გამოკვლევების ქართული თარგმანია. ავტორი თავისი ფენომენოლოგიური კვლევებით აყალიბებს რაციონალობის ახალ ტიპს, რომელიც უწინარეს ყოვლისა, პასუხის გაცემაზეა ორიენტირებული.
|
 |
ავტორი: ლალი ანთიძე
სათაური: ნიკოლოზ ლოსკის ინტუიტივიზმი
გამომცემლობა: ნეკერი
გამოშვების წელი: 2010
წინამდებარე ნაშრომში მოცემულია რუსი მოაზროვნის, ნიკოლოზ ლოსკის (1870-1965) ინტუიტივისტური თეორიის კრიტიკული ანალიზი. განხილულია მისი გნოსეოლოგიის ძირითადი დებულებები და წარმოჩენილია ის სიძნელეები, რომელიც ლოსკის, როგორც სისტემური მოაზროვნის წინაშე იდგა შემეცნების საკითხების კვლევისას. ნაშრომში ახლებურადაა წარმოჩენილი მისი მოძღვრების მნიშვნელობა შემეცნების თეორიაში.
|
 |
ავტორი: თენგიზ ირემაძე
სათაური: ფილოსოფია ეპოქათა და კულტურათა გზაგასაყარზე
გამომცემლობა: ნეკერი
გამოშვების წელი: 2013
აღნიშნული წიგნის მიზანია გაშუქდეს ფილოსოფიურ კვლევათა ის არე, რომლის მეთოდოლოგიურ საფუძველს ინტერკულტურულობა და ინტერდისციპლინურობა წარმოადგენს. ნაშრომის პირველ ნაწილში მსჯელობაა ანტიკური ფილოსოფიის საფუძველმდებარე თეზისების ასახვასა და გარდასახვაზე ლათინურენოვანი, გერმანული და ქართული აზროვნების პარადიგმატულ კონტექსტებში. მეორე ნაწილში ფილოსოფიის ის ძველი იდეები და მოდელებია განხილული, რომელიც აქ დასახული კვლევის მთავარ კატეგორიებს წარმოადგენს. ხოლო დასკვნითი ნაწილი თანამედროვე აზროვნების რამდენიმე ახალ იდეას ეხება.
|
 |
ავტორი: თომას პეინი
სათაური: საღი აზრი
გამომცემლობა: ნეკერი
გამოშვების წელი: 2012
თომას პეინის ნაშრომი ,,საღი აზრი’’ პოლიტიკური აზროვნების ერთ-ერთი მნიშვნელოვანი ტექსტია. ის დღესაც არ კარგავს აქტუალობას, რადგან მასში დამოუკიდებლობისათვის ბრძოლის ფუძემდებლური პრინციპებია ჩამოყალიბებული. ავტორი დამაჯერებლად აღწერს, თუ რა უპირატესობა აქვს პიროვნულ და სახელმწიფოებრივ დამოუკიდებლობას. აღნიშნული წიგნი დამოუკიდებლობისათვის ბრძოლის თანმიმდევრულ და პრაგმატულ ხედვას გვთავაზობს.
|
 |
ავტორი:
სათაური: თემო გოცაძე (Temo Gotsadze)
გამომცემლობა: სეზანი
გამოშვების წელი: 2013
აღნიშნულ ალბომში მკითხველს საშუალება აქვს გაეცნოს თანამედროვე ქართველი მხატვრის, თემო გოცაძის ნამუშევრებს. შემოქმედების დასაწყისში მხატვარი თავს ცდიდა სხვადასხვა ჟანრში, რომლებიც პოსტიმპრესიონიზმის, კუბიზმისა და სიურეალიზმის გარკვეულ ნიშნებს ატარებდა. მან შეძლო გაეთავისებინა ქართული უნიკალური ფრესკების განუმეორებლობა, კოლორიტის უჩვეულო გამომსახველობა. თემო გოცაძის შემოქმედებაში შეინიშნება გარე სამყაროს თავისებური აღქმა და თანამედროვე მსოფლიო ფერწერის მდიდარი გამოცდილების ორგანული გათავისება.
|
 |
ავტორი:
სათაური: ბიძინა ავალიშვილი (Bidzina Avalishili)
გამომცემლობა: სეზანი
გამოშვების წელი: 2013
წინამდებარე ილუსტრირებულ ალბომში მკითხველს საშუალება აქვს გაეცნოს გამოჩენილი ქართველი მოქანდაკისა და საქართველოს დამსახურებული მხატვრის, ბიძინა ავალიშვილის ნამუშევრებს. ბიძინა ავალიშვილი პიროვნებებს ძერწავდა ხეში, ქვაში, ბრინჯაოში. . . და როგორც მსახიობს, არაერთხელ შეეძლო ერთი და იმავე გმირის განსახიერება: ასე უბრუნდებოდა ის ვაჟასა და გალაკტიონს, ოღონდ ყოველ მომდევნო ვარიანტს აუმჯობესებდა. მის ქანდაკებებში იგრძნობა დიდოსტატის მკლავის ძალა, მის მიერ შექმნილი პორტრეტები ყველასგან გამოირჩევა სახის ნაკვთებით, სხეულის კუნთების ხაზგასმით, ღრმა ფსიქოლოგიზმითა და ესთეტიზმით.
|
 |
ავტორი:
სათაური: ემირ ბურჯანაძე (Emir Burjanadze)
გამომცემლობა: სეზანი
გამოშვების წელი: 2013
წინამდებარე ილუსტრირებული ალბომი თანამედროვე ქართველი გრაფიკოსისა და მხატვარ-მონუმენტალისტის, ემირ ბურჯანაძის შემოქმედებას ეძღვნება. ემირ ბურჯანაძე, უპირველეს ყოვლისა, გრაფიკოსია და სრულყოფილად ფლობს ამ რთული დარგის საიდუმლოს. მხატვრის ინტერესების სფერო რამდენიმე ძირითადი მიმართულებით განისაზღვრება: საწიგნო გრაფიკა, რომელშიც წამყვანი ადგილი წიგნის გაფორმებასა და შრიფტს უკავია; არქიტექტურული კომპოზიციების ორნამენტული და ტექსტობრივი, ნაწილობრივ ქანდაკობრივი გაფორმება; ჰერალდიკა; საფირმო ნიშნები და ა.შ. ემირ ბურჯანაძის თაოსნობით ქართულ დიზაინში შეიქმნა პირველი ეროვნული საფირმო, სასაქონლო თუ სარეკლამო ნიშნები და სხვადასხვა ტიპის სიმბოლური ემბლემები.
|
 |
ავტორი:
სათაური: ელგუჯა ამაშუკელი (Elguja Amashukeli)
გამომცემლობა: სეზანი
გამოშვების წელი: 2013
წინამდებარე ილუსტრირებული ალბომი ცნობილი მოქანდაკის ელგუჯა ამაშუკელის შემოქმედებას ეძღვნება. მისი ქანდაკებები, რომლებიც თბილისშია აღმართული, ჩვენი დედაქალაქის სიმბოლოებად, ემბლემებად იქცნენ - „ქართვლის დედა“, „ვახტანგ გორგასალი“, „ვეფხვი და მოყმე“. ელგუჯა ამაშუკელის ქანდაკებამ ხელახლა გადაანაწილა კულტურის "ტერიტორიები" ქვეყანაში და საბჭოთა კულტურის პირობებში კვლავ მონიშნა იგი, როგორც საერთო ქართული სივრცე.
|
 |
ავტორი:
სათაური: ქართველურ ენათა სტრუქტურის საკითხები XII
გამომცემლობა: არნოლდ ჩიქობავას სახელობის ენათმეცნიერების ინსტიტუტი
გამოშვების წელი: 2013
აღნიშნულ კრებულში წარმოდგენილია სამეცნიერო სტატიები, რომლებშიც განხილულია ქართველური ენების სტრუქტურის ძირითადი საკითხები.
|
 |
ავტორი:
სათაური: ისტორიული რეპრეზენტაცია: თეორიული მიმართულებანი და კონკრეტული კვლევები
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2014
წინამდებარე კრებულში შესულია აკადემიკოს მარიამ ლორთქიფანიძის დაბადების 90-ე წლისთავისადმი მიძღვნილი საერთაშორისო კონფერენციის: ,,ისტორიული რეპრეზენტაცია: თეორიული მიმართულებანი და კონკრეტული კვლევები’’ მასალები. აღნიშნულმა კონფერენციამ დამაჯერებლად აჩვენა თანამედროვე ქართული ისტორიოგრაფიის საინტერესო მიღწევები, როგორც კონკრეტული კვლევების, ისე ისტორიული პრობლემატიკის თეორეტიზების კუთხით. კონფერენციის ძირითადი მიზანი იყო ქართული ისტორიოგრაფიის კონკრეტულ და თეორიულ ნაწილებს შორის არსებული თანაფარდობის დარეგულირება.
|
 |
ავტორი:
სათაური: ფილოსოფია, დიალექტიკა, ლოგიკა
გამომცემლობა: მერანი
გამოშვების წელი: 2008
წინამდებარე კრებული ცნობილი ქართველი ფილოსოფოსის სავლე წერეთლის დაბადებიდან 100 წლისთავისადმი მიძღვნილი საიუბილეო გამოცემაა. კრებული სამი ნაწილისგან შედგება. პირველ ნაწილში სავლე წერეთლის მოწაფეები და თანამოაზროვნეები შთამბეჭდავად გამოკვეთენ ცნობილი ქართველი მოაზროვნის პიროვნულ და მეცნიერულ პროფილს. მეორე ნაწილი მისი ფილოსოფიისა და იმ აქტუალურ საკითხებს ეხება, რომელზეც მთელი ცხოვრების განმავლობაში მუშაობდა. დასკვნითი მესამე ნაწილი კი მოიცავს ქართული და უცხოური ფილოსოფიის ისტორიის მრავალი საკვანძო საკითხის პრობლემურ ანალიზს.
|
 |
ავტორი:
სათაური: ნიცშე საქართველოში
გამომცემლობა: არხე
გამოშვების წელი: 2007
XIX საუკუნის მოაზროვნეთაგან ფრიდრიხ ნიცშემ ყველაზე ღრმად გაიზარდა დასავლური აზროვნებისა და კულტურისათვის ნიშანდობლივი პრობლემები. ნიცშეს მოძღვრებით ადრევე დაინტერესდნენ ქართველი მოაზროვნეები, მათ შორის აღსანიშნავია თამაზ ბუაჩიძე, რომლის სახელს უკავშირდება XX საუკუნის მეორე ნახევარში - ნიცშეს ფილოსოფიის საფუძვლიანი კვლევის განახლება საქართველოში. მან დაწვრილებით განიხილა დიდი გერმანელი ფილოსოფოსის შემოქმედება და ნიცშეს ფილოსოფიისა და ქართული აზროვნების სიახლოვის დამაჯერებელი ანალიზი შემოგვთავაზა. წინამდებარე კრებული სწორედ თამაზ ბუაჩიძის ხსოვნას ეძღვნება. წიგნის პირველ ორი ნაწილში მკითხველს საშუალება აქვს მისი ბიოგრაფიისა და შემოქმედების რამდენიმე მნიშვნელოვან დეტალს გაეცნოს.
|
 |
ავტორი:
სათაური: სიცოცხლის ფილოსოფია (პრობლემები და პერსპექტივები)
გამომცემლობა: ნეკერი
გამოშვების წელი: 2009
წინამდებარე კრებულში წარმოდგენილია XX საუკუნის ევროპული ფილოსოფიის ერთ-ერთი უმნიშვნელოვანესი მიმართულების, სიცოცხლის ფილოსოფიის ისტორიული და სისტემური პრობლემების კვლევა-ანალიზი. მასში შესული სტატიების ავტორები განიხილავენ ფრიდრიხ ნიცშეს, ვილჰელმ დილთაის, ანრი ბერგსონის, გეორგ ზიმელის, ხოსე ორტეგა ი.გასეტის, ნიკოლოზ ლოსკისა და ალექსანდრე ჯანელიძის შემოქმედებას. წინამდებარე კრებული განკუთვნილია ჰუმანიტარული მიმართულების სტუდენტებისთვის დამხმარე სახელმძღვანელოდ. ასევე ის გამოადგება თანამედროვეობის მსოფლმხედველობრივი პრობლემებით დაინტერესებულ მკითხველსაც.
|
 |
ავტორი:
სათაური: ევროპული პასუხისმგებლობა
გამომცემლობა: ნეკერი
გამოშვების წელი: 2013
წინამდებარე სამეცნიერო კრებულში შესულია მერაბ მამარდაშვილის დაბადებიდან 80 წლისთავისადმი მიძღვნილი საერთაშორისო სამეცნიერო კონფერენციის მასალები. ,,ევროპული პასუხისმგებლობა’’ გახლავთ მერაბ მამარდაშვილის მიერ 1989 წელს ბარსელონაში წაკითხული მოხსენების სათაური, სადაც ქართველი ფილოსოფოსი საბჭოთა აზროვნების მიერ დატოვებული მძიმე მემკვიდრეობის გადალახვის გზებს ეძიებს. კრებულში შესულია ამ მოხსენების სრული ვარიანტი.
|
 |
ავტორი: ჰელმუტ შნაიდერი, ლალი ზაქარაძე, გიორგი თავაძე, დოდო ლაბუჩიძე, თენგიზ ირემაძე
სათაური: რა არის თავისუფლება? (დიდი მოაზროვნეები თავისუფლების არსის შესახებ)
გამომცემლობა: ნეკერი
გამოშვების წელი: 2013
წინამდებარე კრებულში წარმოდგენილია ცნობილი მოაზროვნეების: შარლ ლუი მონტესკიეს, ჟან ჟაკ რუსოს, გეორგ ვილჰელმ ფრიდრიხ ჰეგელის, ჰერბერტ სპენსერისა და ერიხ ფრომის კონცეფციები თავისუფლებისა და პოლიტიკური თანასწორობის შესახებ.
|
 |
ავტორი:
სათაური: ამერიკელ განმანათლებელთა პოლიტიკური ესეები
გამომცემლობა: გრიგოლ რობაქიძის სახელობის უნივერსიტეტის გამომცემლობა
გამოშვების წელი: 2013
წინამდებარე კრებულში გაერთიანებულია ამერიკული პოლიტიკური აზროვნების თვალსაჩინო წარმომადგენლების, დიდი ამერიკელი პოლიტიკური და საზოგადო მოღვაწეების: ბენჯამინ ფრანკლინის, ჯონ ადამსის, თომას ჯეფერსონის, ჯეიმს უილსონისა და ბენჯამინ რაშის საყოველთაოდ განთქმული პოლიტიკური ესეები. თარგმნილი ტექსტები მათი შექმნის თარიღის მიხედვით არის წარმოდგენილი.
|
 |
ავტორი:
სათაური: ფილოსოფია, ღვთისმეტყველება, კულტურა (პრობლემები და პერსპექტივები)
გამომცემლობა: ნეკერი
გამოშვების წელი: 2007
წინამდებარე კრებული ეძღვნება გამოჩენილი ქართველი ფილოსოფოსის გურამ თევზაძის დაბადების 75 წლისთავს. მასში შესულია ქართველ და უცხოელ ავტორთა სტატიები ქართულ, გერმანულ, ინგლისურ და იტალიურ ენებზე.
|
 |
ავტორი:
სათაური: აღმოსავლეთი და დასავლეთი (ინტერკულტურული და ინტერდისციპლინური კვლევები)
გამომცემლობა: ნეკერი
გამოშვების წელი: 2012
წინამდებარე კრებულში შესული სტატიები მოხსენებების სახით იყო წარმოდგენილი საერთაშორისო სამეცნიერო კონფერენციაზე ,,აღმოსავლეთი და დასავლეთი’’. ამ კონფერენციის თემატიკა ცნობილი გერმანელი ფილოსოფოსის, აღმოსავლური და დასავლური სააზროვნო ტრადიციების საყოველთაოდ აღიარებული მკვლევრის, უდო რაინჰოლდ იეკის კვლევისა და სწავლების ფართო სპექტრიდან შეირჩა: ანტიკური და შუა საუკუნეების აზროვნება, ახალი დროის ფილოსოფია, გერმანული იდეალიზმი, XX საუკუნის ფილოსოფია, სოციალური ფილოსოფია, მეცნიერების ისტორია და სხვა.
|
 |
ავტორი:
სათაური: გრიგოლ რობაქიძე და თანამედროვე აზროვნება
გამომცემლობა: ნეკერი
გამოშვების წელი: 2011
წინამდებარე კრებულში შესულია ქართველ ავტორთა ახალი გამოკვლევები გრიგოლ რობაქიძის შემოქმედების შესახებ. მათში განხილულია ამ დიდი ქართველი მოაზროვნის მსოფლხედველობის აქტუალური პრობლემები თანამედროვე აზროვნების კონტექსტში. აღნიშნული წიგნი იმითაცაა საინტერესო, რომ მასში ქვეყნდება XX საუკუნის 10-იან წლებში გრიგოლ რობაქიძესა და შალვა ნუცუბიძეს შორის წარმოებული დისკუსიის ამსახველი დოკუმენტური მასალა, რომელიც ხელოვნებისა და სინამდვილის ურთიერთმიმართების პრობლემებს ეძღვნება.
|
 |
ავტორი: ნიკლას ლუმანი
სათაური: საზოგადოებრივი კომუნიკაციის სისტემის ცვლილებანი და მასობრივი მედია
გამომცემლობა: არხე
გამოშვების წელი: 2007
წინამდებარე ნაშრომში გერმანელი სოციოლოგი ნიკლას ლუმანი დამაჯერებლად აჩვენებს, რომ მსოფლიო საზოგადოების სოციალური სისტემა მასობრივი მედიის გარეშე კომუნიკაციას ვერ შეძლებდა. დღეს, ამგვარი კომუნიკაციისთვის, საკმარისი ვერ აღმოჩნდებოდა მაღალი კულტურებისთვის დამახასიათებელი კომუნიკაციის ძველი ფორმები (დამწერლობა და ლიტერატურული ტრადიციები), რადგან თანამედროვე საზოგადოება მანამდე უცნობ, ძალზე სპეციფიკურ ტემპორალურ სტრუქტურებზეა აგებული.
|
 |
ავტორი: მაია კაჭარავა
სათაური: XI საუკუნის ქართული ჯვარ-გუმბათოვანი ძეგლების პროპორციები
გამომცემლობა: მერიდიანი
გამოშვების წელი: 2014
აღნიშნულ ნაშრომში ასახულია ქართველი ხელოვნებათმცოდნეების მიერ ჩატარებული კვლევები ქართული ხუროთმოძღვრების შემოქმედებითი მეთოდებისა და არქიტექტურულ-კომპოზიციური კანონზომიერების სისტემატიზაციასთან დაკავშირებით. ასევე წიგნში გადმოცემულია არქიტექტურული პროპორციების კვლევის სინთეზურ-გრაფიკული მეთოდი, რომელსაც საფუძვლად წრეწირის ტოლ ნაწილებად დაყოფა უდევს. ავტორმა იგი XI საუკუნის ქართული ჯვარ-გუმბათოვანი ტაძრების გარე დიამეტრს მიუყენა და ძეგლის ხაზოვანი და სიბრტყითი ელემენტების თანაზომიერება დაადგინა. წიგნის დასკვნით თავებში მოცემულია სვეტიცხოვლის, ალავერდის, სამთავისის, სამთავროს და გელათის პროპორციების ზუსტი მათემატიკური მოდელები.
|
 |
ავტორი: მზია ლეკვეიშვილი, ნონა თოდუა, გოჩა მამულაშვილი
სათაური: სისხლის სამართლის კერძო ნაწილი (წიგნი I)
გამომცემლობა: მერიდიანი
გამოშვების წელი: 2014
წინამდებარე წიგნი საქართველოს სისხლის სამართლის კერძო ნაწილის სახელმძღვანელოს წარმოადგენს. იგი მოიცავს ადამიანის საწინააღმდეგო, ეკონომიკურსა და საზოგადოებრივი უშიშროებისა და წესრიგის წინააღმდეგ მიმართულ დანაშაულს. სახელმძღვანელო ემყარება იურიდიული ფაკულტეტის სისხლის სამართლის კერძო ნაწილის პროგრამას. წიგნი განკუთვნილია იურიდიული ფაკულტეტის სტუდენტებისა და დაინტერესებული სხვა მკითხველისათვის.
|
 |
ავტორი: კახა ქეცბაია
სათაური: განათლების სოციოლოგია
გამომცემლობა: უნივერსალი
გამოშვების წელი: 2014
აღნიშნულ წიგნში ავტორ-შემდგენლის მიერ თბილისის ივანე ჯავახიშვილის სახელობის სახელმწიფო უნივერსიტეტში სოციალურ და პოლიტიკურ მეცნიერებათა ფაკულტეტზე, სოციოლოგიის მიმართულებაზე ,,განათლების სოციოლოგიაში’’ წაკითხული ლექციების ძირითადი ნაწილია თავმოყრილი. სალექციო თემატიკას თან ერთვის სხვადასხვა სახის საკითხავი მასალა და განათლების სოციოლოგიის ძირითადი ცნებებისა და ტერმინების განმარტებანი.
|
 |
ავტორი: გივი მარგველაშვილი
სათაური: კაპიტანი ვაკუში
გამომცემლობა: კავკასიური სახლი
გამოშვების წელი: 2005
"კაპიტანი ვაკუში" გივი მარგველაშვილის მიერ გერმანულ ემიგრაციაში ყოფნისას დაწერილი ვრცელი (5 ტომი) ნაწარმოების პირველი წიგნია, რომელიც გერმანულიდან კარლო ჯორჯანელმა თარგმნა. აღნიშნული წიგნი შეიძლება ჩაითვალოს მწერლის ერთგვარ ავტობიოგრაფიად. ავტორმა ცხოვრების უდიდესი ნაწილი მე-20 საუკუნის ორ უდიდეს ტოტალიტარულ სახელმწიფოში გაატარა: პირველი თითქმის ორი ათეული წელი - ფაშისტურ გერმანიაში, ბერლინში, ქართველი ემიგრანტის ოჯახში, შემდეგი ოთხი ათეული კი - ტყვედ წამოყვანილმა -საბჭოთა იმპერიაში. სწორედ ცხოვრების ამ პერიოდებზე მოგვითხრობს მწერალი თავის წიგნში.
|
 |
ავტორი: ნინო პოპიაშვილი
სათაური: ქალი ავტორი (ლიტერატურული, კულტუროლოგიური და გენდერული კვლევები)
გამომცემლობა: მერიდიანი
გამოშვების წელი: 2013
აღნიშნულ მონოგრაფიაში შესწავლილია ქალი ავტორის ლიტერატურათმცოდნეობითი დისკურსი: ქალი ავტორი ისტორიულ და თანამედროვე ეპოქებში, გენდერულად მარკირებული ლიტერატურისა და ლიტერატურის თეორიის საკითხები, ფემინისტური და გენდერული ლიტერატურის კრიტიკა. გამოკვლევაში გაანალიზებულია ქალი ავტორის კულტუროლოგიური ფენომენის არსი, გენდერული ლინგვისტიკის ძირითადი ასპექტები, ქალთა ლიტერატურის მხატვრული ენის თავისებურებები. წიგნში სათანადო ადგილი ეთმობა ქალის როლს, მის ადგილს ფოლკლორში. ქალი ავტორის საკითხი და პრობლემა განხილულია ევროპული, ისლამური აღმოსავლეთისა და ქართული ლიტერატურის მაგალითზე. ნაშრომში წარმოჩენილია ქალი ავტორების ტექსტებისათვის დამახასიათებელი ძირითადი ნიშან-თვისებები.
|
 |
ავტორი: ნინო პოპიაშვილი
სათაური: ომი ქალის მეხსიერებაში
გამომცემლობა: მერიდიანი
გამოშვების წელი: 2014
ქალის თვალით დანახული ომი ისტორიულ ფაქტებთან ერთად ინდივიდის სუბიექტურ განცდებსა და ემოციებსაც გადმოგვცემს, რაც განსაკუთრებით ფასეულია მოვლენების ობიექტური გააზრებისა და შეფასებისათვის. ქალთა ზეპირი ისტორიები შესაძლოა ფასდაუდებელი წყარო იყოს საქართველოს უახლესი ისტორიისათვის. ის ფაქტები, რასაც რესპოდენტები იხსენებენ, ისტორიის კუთვნილებაა. წიგნი სათანადო მეგზურობას გაუწევს მეოცე საუკუნის უკანასკნელი ათწლეულის შესწავლით დაინტერესებულ მკითხველებს, ქართულ-ოსური ურთიერთობების მკვლევარებს, კონფლიქტოლოგებს, ისტორიკოსებს, გენდერის მკვლევრებს და სხვა.
|
 |
ავტორი: ბაბულია (დოდო) მღებრიშვილი
სათაური: მარკეტინგის აქტუალური თეორიული და პრაქტიკული საკითხები
გამომცემლობა: უნივერსალი
გამოშვების წელი: 2012
წინამდებარე ნაშრომში გაშუქებულია თანამედროვე მარკეტინგის აქტუალური თეორიული და პრაქტიკული საკითხები. ავტორი აყალიბებს თავის მოსაზრებებს მარკეტინგის არსის, ფუნქციების, პრინციპების, მარკეტინგისა და ბიზნესის ურთიერთდამოკიდებულების, მარკეტინგული ეთიკის და სხვა საკითხებზე. ნაშრომი ავტორის მრავალი წლის შრომის შედეგად შეიქმნა. მასში შესულია სხვადასხვა დროს გამოქვეყნებული სტატიებისა და კონფერენციებზე გაკეთებული მოხსენებების ნაწილი, რომელთაგან ზოგიერთი უცვლელად არის მოცემულ წიგნში გადმოტანილი. ნაშრომი განკუთვნილია მარკეტინგის საკითხებით დაინტერესებული პროფესორ-მასწავლებლებისთვის, აგრეთვე, სტუდენტებისა და პრაქტიკოსი მუშაკებისთვის.
|
 |
ავტორი:
სათაური: გერმანელები და ქართველები შუა საუკუნეებიდან დღემდე
გამომცემლობა: სეზანი
გამოშვების წელი: 2013
გამოფენის კატალოგი ,,გერმანელები და ქართველები - შუა საუკუნეებიდან დღემდე’’ არის უნიკალური და ამ ფორმით პირველი წარმოჩენა ბოლო საუკუნეებში გერმანელებსა და ქართველებს შორის არსებული მჭიდრო ისტორიული და მრავალფეროვანი კულტურული კავშირებისა. გამოფენასა და კატალოგში მოცემული ინფორმაცია მოიცავს ორ ქვეყანას შორის დამყარებულ პირველ კონტაქტებს მე-12 საუკუნეში და მე-19 და მე-20 საუკუნეებში არსებულ ინტენსიურ ურთიერთობას, როდესაც საქართველოში მცხოვრები გერმანელები ქვეყნის განვითარებაში მნიშვნელოვან როლს თამაშობდნენ. იგი ასევე მოიცავს მე-20 საუკუნისა და დღესდღეისობით არსებული ურთიერთობების ამსახველ მასალას.
|
 |
ავტორი: ვოიცეხ გურეცკი
სათაური: პლანეტა კავკასია
გამომცემლობა: კავკასიური სახლი
გამოშვების წელი: 2012
აღნიშნული წიგნი ეხება ჩრდილოეთ კავკასიის ქვეყნების - დაღესტნის, ოსეთის, ჩეჩნეთის, ინგუშეთის, ჩერქეზეთის და ა.შ პოლიტიკურ, დემოგრაფიულ, ისტორიულ თუ სხვა ასპექტებს.
|
 |
ავტორი: მიხეილ ზოშჩენკო
სათაური: სიკვდილზე ძლიერი
გამომცემლობა: მერანი
გამოშვების წელი: 2005
,,სიკვდილზე ძლიერი’’ ცნობილი რუსი სატირიკოსი მწერლის მიხეილ ზოშჩენკოს მოთხრობების კრებულია. მისი მოთხრობებისა და ფელეტონების პერსონაჟები პირველი მსოფლიო და სამოქალაქო ომებით, რევოლუციური ქარტეხილებითა და დუხჭირი ცხოვრებით ფსიქოლოგიამოშლილი ხალხია. მიხეილ ზოშჩენკოს შემოქმედება გამოირჩევა ენობრივი თავისებურებებითა და მხატვრული ოსტატობით.
|
 |
ავტორი: გიზო ზარნაძე
სათაური: ჩემი შემოდგომა
გამომცემლობა: უნივერსალი
გამოშვების წელი: 2013
აღნიშნულ წიგნში გაცოცხლებულია ცნობილი ლიტერატორის - გიზო ზარნაძის ცხოვრებისა და მოღვაწეობის არაერთი საგულისხმო ეპიზოდი, საქართველოს, ქართველი ხალხის უახლესი ისტორიის უმნიშვნელოვანესი მოვლენები. მწერალი დაკვირვებული მემატიანის თვალით წარმოგვიჩენს ქვეყანაში მიმდინარე პროცესებს. ავტორი იგონებს გალაკტიონ ტაბიძის, სერგო ზაქარიაძის, ნატო ვაჩნაძის, გრიგოლ აბაშიძის, რევაზ ჯაფარიძის, შოთა ნიშნიანიძის, რეზო ჭეიშვილის და სხვა სახელოვან მამულიშვილთა ცხოვრებასა და მოღვაწეობასთან დაკავშირებულ საინტერესო ამბებს.
|
 |
ავტორი:
სათაური: ხუნძური ფოლკლორი
გამომცემლობა: კავკასიური სახლი
გამოშვების წელი: 2006
ავარები, ანუ ხუნძები მრავალრიცხოვანი ხალხია. ისინი ძირითადად დაღესტნის მთიან ნაწილში სახლობენ. მათ შესახებ ცნობები ანტიკური ხანის წყაროებს შემოუნახავს. აღნიშნულ კრებულში მკითხველს საშულება აქვს გაეცნოს ხუნძური პოეზიის, ბალადებისა თუ პროზის ნიმუშებს.
|
 |
ავტორი: ვოიცეხ გურეცკი
სათაური: წინაპართა სადღეგრძელო
გამომცემლობა: კავკასიური სახლი
გამოშვების წელი: 2012
,,წინაპართა სადღეგრძელო’’ ცნობილი პოლონელი მწერლის, პოლიტოლოგისა და მრავალი ლიტერატურული ჯილდოსა და პრემიის ლაურეატის ვოიცეხ გურეცკის მეორე წიგნია, რომელშიც მწერალს საქართველოს, სომხეთისა, თუ აზერბაიჯანის დახასიათებისას უხვად მოჰყავს ამონარიდები მრავალი ისეთი მწერლისა, თუ ისტორიკოსის ნაწარმოებიდან, რომლებიც საქართველოში დღემდე ცნობილნი არ იყვნენ. ამჟამად ვოიცეხ გურეცკი მესამე წიგნზე მუშაობს, რამდენადაც ცნობილია ის ძირითადად საქართველოს და მის ძირძველ კუთხეს - აფხაზეთს შეეხება.
|
 |
ავტორი:
სათაური: სომხური პოეზია საუკუნეთა მიჯნაზე (XX-XXI საუკუნეები)
გამომცემლობა: კავკასიური სახლი
გამოშვების წელი: 2006
წინამდებარე წიგნში წარმოდგენილია XX-XXI საუკუნის სომხური პოეზიის ცნობილ წარმომადგენელთა შემოქმედება. განხილულია მათი შემოქმედების ძირითადი ტენდენციები და ჟანრული მრავალფეროვნება.
|
 |
ავტორი:
სათაური: აზერბაიჯანული პოეზია საუკუნეთა მიჯნაზე (XX-XXI საუკუნეები)
გამომცემლობა: კავკასიური სახლი
გამოშვების წელი: 2006
აღნიშნულ წიგნში განხილულია XX-XXI საუკუნის აზერბაიჯანელი პოეტების შემოქმედება და მათი პოეზიის ძირითადი ტენდენციები. მკითხველს საშუალება აქვს გაეცნოს ცნობილი აზერბაიჯანელი პოეტების პოეზიას. (ჰიდაიეთი, ფირუზე მამედლი, ნუსრეთ ქასამანლი, ჰაიათ შამი და ა.შ) თითოეული მათგანი გამოირჩევა ინდივიდუალური წერის მანერით და თემატური მრავალფეროვნებით.
|
 |
ავტორი: მანანა შილაკაძე
სათაური: ტრადიციული სამუსიკო საკრავები და ქართულ-ჩრდილოკავკასიური ეთნოკულტურული ურთიერთობანი
გამომცემლობა: კავკასიური სახლი
გამოშვების წელი: 2007
წინამდებარე წიგნში შესწავლილია ქართულ-ჩრდილოკავკასიური ეთნოკულტურული ურთიერთობანი ეთნოგრაფიული და ხალხური მუსიკალური კულტურის მონაცემების საფუძველზე. მოცემულია ქართული და ჩრდილოკავკასიის ხალხთა (აფხაზების, ადიღელების, ბალყარელების, ვაინახების, დაღესტნელების, ოსების) ტრადიციული სამუსიკო საკრავების მეცნიერული დესკრიფცია, ნაჩვენებია მათში ასახული მუსიკალური აზროვნების ძირითადი პრინციპები (მრავალხმიანობის ფორმები, მელოდიკის, მეტრო-რიტმის თავისებურებანი და სხვ.). . წიგნი საინტერესოა ეთნოლოგიით, ეთნომუსიკოლოგიით, კავკასიოლოგიით დაინტერესებულ პირთათვის და მკითხველთა ფართო საზოგადოებისთვის.
|
 |
ავტორი: სერგი ზალდასტანიშვილი
სათაური: ჩემი საუკუნე
გამომცემლობა: უნივერსალი
გამოშვების წელი: 2013
აღნიშნულ რომანში აღწერილია ოქტომბრის რევოლუციის წინა პერიოდის და ახლო წარსულის მღელვარე ამბები. ავტორი კარგად იცნობს ეპოქას, რომელსაც თავის ნაწარმოებში ასახავს. მოქმედება მიმდინარეობს ბათუმში, მოსკოვსა და თბილისში, სომხეთ-საქართველოსა და საბჭოთა კავშირ-გერმანიის ფრონტებზე. წარუშლელ შთაბეჭდილებას ტოვებს მკითხველზე თბილისის ძველი უბნების- ხარფუხის, სოლოლაკის, ისნის კოლორიტული სურათები, იშვიათი ოსტატობითაა დახატული ბუნების პეიზაჟები.
|
 |
ავტორი: კლეიტონ ვ. ბეროვსი, ტომ პავერსი, დენის რეინოლდსი
სათაური: შესავალი მასპინძლობის მენეჯმენტში
გამომცემლობა: საქართველოს საპატრიარქოს გამომცემლობა
გამოშვების წელი: 2012
მასპინძლობის მომავალი მენეჯერები კარგად უნდა იცნობდნენ წარსულს, დღევანდელობას და მენეჯმენტის ახალ პრაქტიკას იმისათვის, რომ მართონ ცვლილებები, სწორად გაუძღვნენ ორგანიზაციას, უზრუნველყონ მათი მდგრადობა და კორპორაციული პასუხისმგებლობით გაუმკლავდნენ ისეთ ძალებს, როგორიცაა გლობალიზაცია და ფართოდ გავრცელებული რეცესიული მოვლენები. აღნიშნულ წიგნში გადმოცემულია მენეჯერებისათვის ყველაზე მნიშვნელოვანი საკითხები: დაგეგმვა, მიზნების და სტრატეგიების დასახვა თანამედროვე დისკუსიებითა და დარგის ისტორიებით, კადრებისა და დელეგირებული მმართველობის ორგანიზება, ასევე ძალაუფლების და გავლენის მართვა და ორგანიზაციების წინსვლა, კადრების აყვანა და ადამიანისეული რესურსების მენეჯმენტი, რომელიც მოიცავს მუშაკთა სამუშაოზე შენარჩუნებას და ელეტრონული რესურსების გამოყენებას, კადრების აყვანას და სოციალურ ქსელებს. ,,შესავალი მასპინძლობის მენეჯმენტში’’ მკითხველს აცნობს მასპინძლობაში მენეჯმენტის ფუნქციის მრავალ ასპექტს, რაც დაეხმარება მენეჯერებს, მიიღონ გამოწვევები და წარმატებულად მართონ ორგანიზაცია.
|
 |
ავტორი: გურამ აბრამიშვილი
სათაური: ატენის სიონი (ადრეული შუა საუკუნეების ცენტრალურ-გუმბათოვანი ხუროთმოძღვრული ტიპის ისტორიიდან)
გამომცემლობა: ნეკერი
გამოშვების წელი: 2012
აღნიშნული ნარკვევი შუა საუკუნეების ქართული ხუროთმოძღვრების ერთ-ერთი მნიშვნელოვანი ძეგლის - ატენის სიონის მონოგრაფიულად შესწავლის პირველ ცდას წარმოადგენს. ნაშრომში ხუროთმოძღვრული, სტილისტურ-იკონოგრაფიული და ისტორიული თვალსაზრისით არის შესწავლილი ტაძრის არქიტექტურა და მისი რელიეფური ქანდაკებები, აგრეთვე კედლის მხატვრობის ქრონოლოგიასთან დაკავშირებული ძირითადი საკითხები. აქვე განიხილება ფრესკული და ლაპიდარული წარწერების ის ნიმუშები, რომლებშიც აისახა როგორც ატენის ქვეყნის, ისე მისი უპირველესი ტაძრის - სიონის ისტორიული ცხოვრების ძირითადი მომენტები. სათანადო ადგილი ეთმობა ეკლესიის ტერიტორიაზე წარმოებულ არქეოლოგიური გათხრების შედეგებს, რამაც სიონის ისტორიული წარსულის არაერთი საყურადღებო საკითხი გაარკვია.
|
 |
ავტორი: გურამ კარტოზია, რუსუდან გერსამია, მაია ლომია, თაია ცხადაია
სათაური: მეგრულის ლინგვისტური ანალიზი
გამომცემლობა: მერიდიანი
გამოშვების წელი: 2010
წინამდებარე ნაშრომი წარმოადგენს ვრცელ მასალაზე დაფუძნებულ, ლინგვისტური კვლევის თანამედროვე მეთოდებისა და მიმართულების გათვალისწინებით შექმნილ მეგრულის სრულ ენობრივ ანალიზს, რომელზეც ავტორთა ჯგუფი თითქმის ოთხი წელი მუშაობდა. ჯგუფის მიერ დამუშავდა დღემდე შესწავლილი ან ნაკლებად შესწავლილი პრობლემები. შესაბამისაც, მონოგრაფიაში სრულად აისახა, ერთის მხრივ, მეგრულის მეცნიერული კვლევის შედეგები, მეორე მხრივ, ზოგიერთი ფაქტის ლიტერატურაში მიღებული თვალსაზირისისაგან განსხვავებული ინტერპრეტაციები, ახლებური ხედვა. გარდა ამისა, მონოგრაფიის ფარგლებში ბევრი პრობლემა პირველად დაისვა და გაანალიზდა. საილუსტრაციო მასალა ეყრდნობა როგორც გამოქვეყნებულ ტექსტებს, ისე საველე მუშაობის შედეგად მოძიებულ მასალას. გათვალისწინებულია ორივე დიალექტის - სენაკურ-მარტვილურისა და ზუგდიდურ-სამურზაყანულის - კილოკავური თავისებურებები.
|
 |
ავტორი: მაია ლომია, რუსუდან გერსამია
სათაური: მეგრული ტექსტები (ნაწილი 2)
გამომცემლობა: ილიას სახელმწიფო უნივერსიტეტის გამომცემლობა
გამოშვების წელი: 2012
წინამდებარე კრებულში შესულია სამეგრელოს სამივე არეალის (აღმოსავლეთი, ცენტრალური, დასავლეთი) მომცველი გაბმული მეტყველების ტექსტები - ზღაპრები, ეთნოგრაფიული ხასიათის მასალა, სოფლის სახელდების ისტორია, ინფორმატორებს თავსგადახდენილი ან მათ მიერ მოსმენილი სხვათა სათავგადასავლო ამბები და ა.შ. მასალის ჟანრული მრავალფეროვნებისა და თანამედროვე ენობრივი ტენდენციების წარმოჩენის გამო წიგი საინტერესოა როგორც ქართველოლოგების, ასევე მკითხველთა ფართო წრისათვის.
|
 |
ავტორი:
სათაური: ჰუმანიტარულ მეცნიერებათა ფაკულტეტის შრომები I
გამომცემლობა: ქართული უნივერსიტეტი
გამოშვების წელი: 2014
შრომების კრებულში წარმოდგენილია სამეცნიერო სტატიები, რომლებიც ეხება საქართველოს ისტორიის, ქართული ენისა და ქართული ლიტერატურის აქტუალურ პრობლემებს.
|
 |
ავტორი: მარინე ივანიშვილი
სათაური: მარინე ივანიშვილი
გამომცემლობა: ნეკერი
გამოშვების წელი: 2014
ქართული თუ ქართველური ენების მკვლევართათვის ქართული ოთხთავი წარმოადგენს უაღრესად მნიშვნელოვან საინფორმაციო წყაროს. კვლევის საგანია: როგორ ხდება მცენარეთა სახელების გადმოცემა ქართული ოთხთავის ტექსტებში - სესხებით, თარგმანით, კალკირებით, თუ მსგავსი სემანტიკის ეკვივალენტის ჩანაცვლებით, არის თუ არა ოთხთავში დადასტურებულ მცენარეთა სახელებს შორის საერთო-ქართველური ძირები? ნასესხებ ლექსიკასთან ერთად იხმარება თუ არა საკუთრივ ქართული სინონიმური ფორმები? ნასესხები მასალა სახარების ტექსტის მეშვეობით შემოვიდა ქართულ ენობრივ სისტემაში, თუ მანამდეც არსებობდა? რა კულტურული, რელიგიური მოტივები უკავშირდება ამა თუ იმ მცენარის სახელს მოცემულ კონტექსტში? ქართველურ ენებში ხეებისა და მცენარეთა სახელების კვლევისას ყურადღება მიიქცია ქართულ ოთხთავში დადასტურებულმა მცენარეთა სახელების კორპუსმა არა მარტო ეტიმოლოგიების დადგენისა და სიტყვათწარმოების, არამედ ბიბლიის ტექსტების ქართულ თარგმანებთან დაკავშირებული საკითხებისა და საზოგადოდ კულტურის ისტორიის თვალსაზრისითაც. ამგვარი კვლევა სიტყვათა სხვადასხვა სემანტიკურ ჯგუფებთან მიმართებით შესაძლებლობას აძლევს ენათმეცნიერებს წარმოადგინონ სრული სურათი იმ ენობრივი ვითარების წარმოსაჩენად რომელიც იყო ბიბლიური ტექსტების ქართულ ენაზე თარგმნისას.
|
 |
ავტორი: ილია ფერაძე
სათაური: რჩეული პუბლიცისტიკა (1886-1928)
გამომცემლობა: უნივერსალი
გამოშვების წელი: 2012
აღნიშნულ კრებულში შესულია ცნობილი საზოგადო მოღვაწის ილია ფერაძის რჩეული პუბლიცისტიკა, რომლებიც იწერებოდა 1886 წლიდან 1928 წლამდე. ავტორი საკუთარ წერილებში საუბრობს საზოგადოებაში მიმდინარე პროცესებზე, პედაგოგიკასა და ფსიქოლოგიაზე, პოეზიასა და პროზაზე, ისტორიასა და რელიგიაზე. ილია ფერაძე სავსებით ფლობს თანადროულ ქართულ და უცხოურ ლიტერატურას, აგრეთვე - იმ დროისათვის ცნობილ ქართულ ისტორიულ პირველწყაროებს თუ დოკუმენტურ მასალას და ამ მყარ ბაზისზე დაყრდნობით აშუქებს საქართველოს ისტორიის არაერთ მნიშვნელოვან საკითხს: ქრისტიანობის შემოსვლა დამკვიდრებას, ქართველ-სომეხთა კულტურულ რელიგიურ ურთიერთობებს, ქართველ მეფეთა დახასიათებას. მოკლედ, მონოგრაფიულად განიხილავს საქართველოს საეკლესიო ისტორიას და სხვა.
|
 |
ავტორი:
სათაური: საქართველო: მწვანე პოლიტიკის ისტორია
გამომცემლობა: ჰაინრიჰ ბიოლის ფონდი
გამოშვების წელი: 2013
წინამდებარე პუბლიკაციით ჰაირიჰ ბიოლის ფონდი ქართულ პოლიტიკურ და აკადემიურ სივრცეს სთავაზობს საქართველოს უახლესი პოლიტიკური ისტორიის ერთ-ერთი მნიშვნელოვანი ფრაგმენტის ანალიზს (1987-2003 წლები) და მკითხველს წარმოუჩენს იმ რესურსებს, რომლებიც არსებობს საქართველოში თანამედროვე მწვანე პოლიტიკური საკითხებისთვის პოლიტიკურ თუ საჯარო ველში. ნაშრომის ოთხ თავში განხილულია, თუ როგორ და რატომ დაიწყო ეროვნული თვითგამორკვევის მოძრაობასთან ერთად აღმოცენებული ეს მძლავრი საზოგადოებრივ-პოლიტიკური მიძრაობა, როგორი გაგრძელება ჰპოვა მან ახალი ქართული სახელმწიფოს კონსოლიდაციის პირობებში და რამ გამოიწვია მისი დასუსტება.
|
 |
ავტორი:
სათაური: გენდერის წახნაგები (კონფერენციის მასალები)
გამომცემლობა: ჰაინრიჰ ბიოლის ფონდი
გამოშვების წელი: 2013
წინამდებარე კრებული წარმოადგენს ჰაინრიჰ ბიოლის ფონდის სამხრეთ კავკასიის რეგიონალური ბიუროს ინიციატივით თბილისში ჩატარებული საერთაშორისო კონფერენციის, ,,გამადიდებელი შუშით დანახული გენდერის წახნაგები’’ ერთგვარ მცირე შეჯამებას. აქ მხოლოდ ნაწილია იმ მოხსენებებისა, რომლებიც მკვლევარებმა და აქტივისტებმა კონფერენციაზე წაიკითხეს. ჰაინრიხ ბიოლის ფონდის მიერ ჩატარებული კონფერენციის მიზანია ადამიანებმა სხვადახვა კუთხიდან დაინახონ ქვეყანაში მიმდინარე პროცესები და გაუზიარონ ერთმანეთს გამოცდილება.
|
 |
ავტორი:
სათაური: გენდერული თანასწორობის გაუმჯობესება საქართველოში (საკონფერენციო მასალები)
გამომცემლობა: ჰაინრიჰ ბიოლის ფონდი
გამოშვების წელი: 2009
წინამდებარე კრებული წარმოადგენს კონფერენციის მასალებს, რომელიც 2009 წლის ნოემბერში ქალაქ თბილისში შედგა და გენდერული თანასწორობის საკითხებს მიეძღვნა. (ქალების მონაწილეობა საზოგადოებრივ, პოლიტიკურ, თუ სამშვიდობო პროცესებში და ა.შ) პუბლიკაციაში შესულია თერთმეტი მოხსენება, სადაც განხილულია ის საკითხები, რომელთა გადაჭრა უახლოესი წლების განმავლობაში უნდა მოხდეს.
|
 |
ავტორი: აბო იაშაღაშვილი
სათაური: ოსმალური მარში
გამომცემლობა: დიოგენე
გამოშვების წელი: 2014
,,ოსმალური მარში’’ არის საფათერაკო რომანი მეცხრამეტე საუკუნის ტფილისზე. პერსონაჟების ნაწილი ერთ დროს ნამდვილად არსებული ადამიანებია, წიგნში აღწერილი ზოგიერთი ფაქტი კი მართლაც მოხდა.
|
 |
ავტორი: პ. გ. ვუდჰაუსი
სათაური: ვუსტერთა გვარის ღირსება
გამომცემლობა: დიოგენე
გამოშვების წელი: 2013
,,ვუსტერთა გვარის ღირსება’’ ინგლისელი მწერლის - პელემ გრენვილ ვუდჰაუსის რომანებისა და მოთხრობების სახელგანთქმული სერიის ნაწილია. ამ ისტორიების მთავარი გმირები ინგლისელი ჭკუამხიარული არისტოკრატი ბერტი ვუსტერი და მისი ყოვლისმცოდნე, მუდამ აუღელვებელი მსახური ჯივზია. ,,ვუსტერთა გვარის ღირსება’’ ვუდჰაუსის მეორე რომანია, რომელიც ქართულად ითარგმნა. მასში ბრწყინვალე ინგლისური იუმორითაა მოთხრობილი მორიგ ხათაბალას გადაყრილი ბერტი ვუსტერისა და მხსნელად მოვლენილი ჯივზის ამბავი.
|
 |
ავტორი: ნიკოლას სპარკსი
სათაური: გზა საკურთხევლისაკენ
გამომცემლობა: დიოგენე
გამოშვების წელი: 2013
თანამედროვე ამერიკელი მწერლის, ნიკოლას სპარკსის რომანი ,,გზა საკურთხევლისაკენ’’ პირველად 1999 წელს გამოქვეყნდა და გამოსვლისთანავე ბესტსელერად იქცა. აღნიშნული რომანი ხანში შესული ლენდონ კარტერის მიერ მოთხრობილი ისტორიაა. იგი იხსენებს ორმოცი წლის წინანდელ ამბავს, რომელმაც პატარა სამხრეთულ ქალაქში მცხოვრები ჩვიდმეტი წლის ბიჭის ცხოვრება სამუდამოდ შეცვალა...
|
 |
ავტორი: ფამუქი ორჰან
სათაური: ახალი ცხოვრება
გამომცემლობა: დიოგენე
გამოშვების წელი: 2014
,,ახალი ცხოვრება’’ ორჰან ფამუქის 1994 წელს გამოცემული რომანია. მწერალი გვთავაზობს მოგზაურობას მისთვის დამახასიათებელ ლაბირინთებში, საიდანაც თითოეული მკითხველი სიყვარულთან, პოლიტიკურ შეთქმულებებთან, ახალი ცხოვრების მაძიებლებთან შეხვედრების შემდეგ სხვა ადამიანად უნდა დაბრუნდეს.
|
 |
ავტორი: მილან კუნდერა
სათაური: გამოსათხოვარი ვალსი
გამომცემლობა: დიოგენე
გამოშვების წელი: 2013
”გამოსათხოვარი ვალსი” წარმოშობით ჩეხი და საფრანგეთში მოღვაწე ცნობილი მწერლის მილან კუნდერას რომანია, რომელიც პირველად 1972 წელს გამოიცა. ეს არის წიგნი ურთიერთობებზე რვა ადამიანს შორის, რომლებიც ერთმანეთს პატარა საკურორტო ქალაქში ხვდებიან. ნაწარმოების მოქმედება 70-იანი წლების ჩეხოსლოვაკიაში ხდება.
|
 |
ავტორი: რადიარდ კიპლინგი
სათაური: კიმი
გამომცემლობა: დიოგენე
გამოშვების წელი: 2013
აღნიშნული რომანის ავტორი რადიარდ კიპლინგი ლიტერატურის დარგში პირველი ინგლისელი ნობელიანტი მწერალია (1907 წ). იმავე წელს ჯილდო მიიღო პარიზის, სტრასბურის, ათენისა და ტორონტოს უნივერსიტეტებისგან. ,,კიმი’’ მან 1901 წელს დაწერა სამხრეთ აფრიკაში მოგზაურობის შემდეგ. აღნიშნული წიგნი თაღლითური და ჯაშუშური რომანის ნაზავია და მწერლის ერთ-ერთ საუკეთესო ნაწარმოებად ითვლება.
|
 |
ავტორი: მილან კუნდერა
სათაური: სალაღობო ტრფობანი
გამომცემლობა: დიოგენე
გამოშვების წელი: 2013
”სალაღობო ტრფობანი” წარმოშობით ჩეხი და საფრანგეთში მოღვაწე ცნობილი მწერლის მილან კუნდერას 1969 წელს გამოცემული მოთხრობების კრებულია. წიგნში შესული შვიდივე მოთხრობის თემა სიყვარულია. ამ კრებულის, როგორც ზოგადად მილან კუნდერას წიგნების, მთავარი ნიშანი ტრაგიკომიკურობაა.
|
 |
ავტორი: გ. კ. ჩესტერტონი
სათაური: მოთხრობები მამა ბრაუნზე
გამომცემლობა: დიოგენე
გამოშვების წელი: 2013
ინგლისური ლიტერატურის კლასიკოსი გ. კ ჩესტერტონი უამრავი ლექსის, მოთხრობის, რომანისა და ესსეს ავტორია, თუმცა, პირველ რიგში, მაინც მამა ბრაუნის შესახებ შექმნილი მოთხრობებითაა ცნობილი. ამ მოთხრობებში ყოველთვის არის დამნაშავე, რომლის მხილებასაც მორიდებული კათოლიკე მღვდელი ცდილობს. ბრიტანეთში მამა ბრაუნი პოპულარობით ლეგენდარულ ბეიკერსტრიტულ დეტექტივსაც კი უწევს მეტოქეობას.
|
 |
ავტორი: ჯონ ბენვილი
სათაური: ზღვა
გამომცემლობა: დიოგენე
გამოშვების წელი: 2013
წინამდებარე მოთხრობის ავტორი ცნობილი ირლანდიელი მწერალი ჯონ ბენვილია. იგი არაერთი ლიტერატურული ჯილდოს მფლობელია. მათ შორის ბუკერის პრემიის, რომელიც მწერალს 2005 წელს მიენიჭა სწორედ აღნიშნული რომანისთვის - ,,ზღვა’’. რომანი ხანში შესული მაქს მორდენის მონათხრობია, რომელიც მეუღლის გარდაცვალების შემდეგ ზღვისპირა სოფელში ჩადის. იგი იხსენებს ბავშვობაში ამ ადგილას გატარებულ ზაფხულს, როდესაც გრეისების ოჯახი გაიცნო - ადამიანები, რომლებმაც მის მეხსიერებაში წარუშლელი კვალი დატოვეს...
|
 |
ავტორი: ზოია ფირზადი
სათაური: შევეგუებით
გამომცემლობა: დიოგენე
გამოშვების წელი: 2013
თანამედროვე ტიპის რომანი - ,,შევეგუებით’’ ირანში პირველად რვა წლის წინ გამოქვეყნდა. მისმა გამოსვლამ არაერთგვაროვანი შეფასება დაიმსახურა. იგი, გარკვეული თვალსაზრისით, ,,ქალაქური’’ (,,თეირანული’’) რომანია, თეირანელთა ყოფის ერთგვარი სარკე. აქ მოვლენები მუსლიმურ წრეებში ვითარდება. მოქმედება ძირითადად, დედაქალაქის ჩრდილოეთით მდებარე პრესტიჟულ რაიონებში მიმდინარეობს და პერსონაჟებიც, მეტ-ნაკლებად, მაღალი სოციალური ფენის წარმომადგენლები არიან. რომანში ზუსტად და დეტალურად არის გადმოცემული თეირანისა და თეირანელების ყოფა-ცხოვრება და მათ საზოგადოებაში დამკვიდრებული და მიღებული უნარ-ჩვევები.
|
 |
ავტორი: თომას პინჩონი
სათაური: ლოტ 49-ის გამოცხადება
გამომცემლობა: დიოგენე
გამოშვების წელი: 2013
,,ლოტ 49-ის გამოცხადება’’ ცნობილი ამერიკელი მწერლის თომას პინჩონის მეორე, 1966 წელს გამოცემული წიგნია. აღნიშნული რომანი პოსტმოდერნისტული ლიტერატურის ერთ-ერთ შედევრად ითვლება და კალიფორნიელი დიასახლისის თავს გადამხდარ უცნაურ ამბავს მოგვითხრობს...
|
 |
ავტორი: უილიამ ს. ბეროუზი
სათაური: ჯანქი
გამომცემლობა: დიოგენე
გამოშვების წელი: 2013
უილიამ ს. ბეროუზი (1914-1997) მეოცე საუკუნის ამერიკული ლიტერატურის ერთ-ერთი მნიშვნელოვანი წარმომადგენელია. აღნიშნული წიგნი - ,,ჯანქი’’ მწერლის პირველი გამოუქვეყნებელი რომანია. ეს არის ავტობიოგრაფიული ტექსტი - ერთგვარი რეპორტაჟი, რომელშიც ნარკოდამოკიდებული ადამიანის გამოცდილებაა აღწერილი. წიგნი პირველად 1953 წელს უილიამ ლის ფსევდონიმით გამოიცა.
|
 |
ავტორი: რომენ გარი
სათაური: ამის იქით თქვენი ბილეთი აღარ გამოდგება
გამომცემლობა: დიოგენე
გამოშვების წელი: 2014
რომენ გარი ცნობილი ფრანგი მწერლის, რეჟისორის, სამხედრო მფრინავისა და დიპლომატის, რომან კაცევის ფსევდონიმია. იგი ერთადერთი მწერალია, ვისაც ორჯერ გადაეცა გონკურის პრემია, რომელიც, წესის მიხედვით, ავტორს მხოლოდ ერთხელ ენიჭება. მეორე გონკური მწერალმა ემილ აჟარის ფსევდონიმით გამოცემული რომანისთვის მიიღო. აღნიშნული წიგნი - ,,ამის იქით თქვენი ბილეთი აღარ გამოდგება’’ - ხანში შესული ფრანგი ბიზნესმენის, ჟაკ რენიესა და ოცდაორი წლის ბრაზილიელი გოგოს სიყვარულის ამბავია. სიყვარულის, რომელსაც ერთი შეხედვით, მომავალი არ აქვს..
|
 |
ავტორი: სემუელ ბეკეტი
სათაური: მოლოი
გამომცემლობა: დიოგენე
გამოშვების წელი: 2014
,,მოლოი’’ - მეოცე საუკუნის ცნობილი ირლანდიელი მწერლის სემუელ ბეკეტის ერთ-ერთი საუკეთესო რომანია, რომელიც ფრანგულად დაიწერა და 1951 წელს პირველად გამოიცა. ნაწარმოები ორ ნაწილადაა გაყოფილი და ორი პერსონაჟის, მოლოისა და ჟაკ მორანის მონათხრობისაგან შედგება.
|
 |
ავტორი: ჯორჯ ი. ბელჩი, მაიკლ ე. ბელჩი
სათაური: რეკლამა და პრომოცია (ინტეგრირებული მარკეტინგული კომუნიკაციების ხედვა)
გამომცემლობა: დიოგენე
გამოშვების წელი: 2013
აღნიშნული წიგნი ინტეგრირებული მარკეტინგული კომუნიკაციების დაგეგმვის მოდელზეა აგებული და განხილულია რეკლამისა და პრომოციის სოციალური, ეთიკური და ეკონომიკური ასპექტები. სახელმძღვანელო შვიდ ძირითად ნაწილად არის დაყოფილი. პირველ ნაწილში საუბარია რეკლამისა და პრომოციის როლზე თანამედროვე მარკეტინგში. ასევე განხილულია ინტეგრირებული მარკეტინგული კომუნიკაციების ცნება და ფაქტორები, რომლებიც მის ზრდა-განვითარებას უწყობს ხელს. მოცემულია პრომოციული მიქსის ელემენტის განსაზღვრება. წიგნის დასკვნით ნაწილში მოცემულია იმ მარეგულირებელი, სოციალური და ეკონომიკური გარემოს განხილვა, რომელშიც რეკლამა და პრომოცია მოქმედებენ. ასევე საუბარია იმ წესებსა და მარეგულირებელ ნორმებზე, რომლებიც მართავს გაყიდვის პრომოციას, პირდაპირ მარკეტინგსა და ინტერნეტმარკეტინგს.
|
 |
ავტორი: ვარლამ თოფურია
სათაური: მასალები საენათმეცნიერო ტერმინთა ლექსიკონისათვის IV
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წინამდებარე ნაშრომი აერთიანებს ვარლამ თოფურიას შრომებიდან ამოკრებილ საენათმეცნიერო ტერმინებს განმარტებებითურთ. ამ მასალის თავმოყრა წარმოდგენას შეუქმნის სპეციალისტებს იმ ტერმინებზე, რომლებიც მეცნიერმა გამოიყენა ან თავად შექმნა ქართველურ ენებში მიმდინარე პროცესების, მეტყველების ნაწილებისა და მათი კატეგორიების სახელდებისათვის.
|
 |
ავტორი:
სათაური: რომის სამართლის ძეგლები - იუსტინიანეს დიგესტები (წიგნი მესამე, წიგნი მეოთხე)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წინამდებარე ნაშრომი რომის სამართლის ერთ-ერთი უმნიშვნელოვანესი ძეგლის, იუსტინიანეს ,,დიგესტების’’ მესამე და მეოთხე წიგნის ქართულ ენაზე შესრულებული თარგმანია, რომელსაც დართული აქვს შენიშვნები და საძიებლები. აღნიშნული წიგნი განკუთვნილიაა უმაღლესი სასწავლებლების იურიდიული ფაკულტეტების სტუდენტებისა და რომის სამართლით დაინტერესებული მკითხველისათვის.
|
 |
ავტორი:
სათაური: ათონის საღვთისმეტყველო-ლიტერატურული სკოლა
გამომცემლობა: ლიტერატურის ინსტიტუტის გამომცემლობა
გამოშვების წელი: 2013
ქათული მწიგნობრობისა და ქართული კულტურის ისტორიაში განსაკუთრებული ადგილი უკავია იმ პერიოდს, როდესაც ათონის ივერთა მონასტერი განვითარების მწვერვალზე იმყოფებოდა. წმიდა მამათა სავანე იყო მწიგნობრობისა და ინტელექტუალური ცხოვრების ცენტრი. წინამდებარე კრებული გაგრძელებაა იმ გზისა, რომელიც მკვლევართა წინა თაობებმა გაუკვალეს თანამედროვე ქართველოლოგიურ მეცნიერებას. აქ ამ საქმეში არის ტრადიცია, მსოფლხედველობა და კულტურა, როგორც სივრცის ორგანიზების ფორმა და როგორც წინაპართა, კულტის თაყვანისცემა.
|
 |
ავტორი: დეკანოზი თეიმურაზი
სათაური: ლექციები ფილოსოფიის ისტორიაში I
გამომცემლობა: სვეტი
გამოშვების წელი: 2013
წინამდებარე ნარკვევში მოცემულია ძველი აღმოსავლეთის და ანტიკური ხანის ფილოსოფიური აზროვნების განვითარება. ესაა დრო, როდესაც ფილოსოფიის წიაღში ჩაისახა და გამოიკვეთა მისი ძირითადი მიმართულებები.
|
 |
ავტორი: მორჩილაძე აკა
სათაური: მორიდებული ზურმუხტი
გამომცემლობა: ბაკურ სულაკაურის გამომცემლობა
გამოშვების წელი: 2013
,,მორიდებული ზურმუხტი’’ აკა მორჩილაძის ახალი რომანია. მასში მოთხრობილია გასაოცარი ამბავი დიდი ამბოხებისა, რომელიც თითქმის მთელს საქართველოს მოიცავს - თბილისსაც, ფოთსაც, ქუთაისსაც და დაუსახლებელ ტყეებსაც. წიგნს არაფერი აქვს საერთო რეალობასთან, მის პერსონაჟებს არ იცნობს საქართველოს ისტორია, თუმცა იმდენად დამაჯერებლადაა მოთხრობილი, რომ მკითხველს მის სინამდვილეში ეჭვი არ ეპარება.
|
 |
ავტორი: არტურ შნიცლერი
სათაური: ბენეფისი (13 მოთხრობა)
გამომცემლობა: ბაკურ სულაკაურის გამომცემლობა
გამოშვების წელი: 2013
აღნიშნულ პროზაულ კრებულში გაერთიანებულია ავსტრიელი პროზაიკოსისა და დრამატურგის არტურ შნიცლერის 13 მოთხრობა. ,,ბენეფისში’’ წარმოდგენილია მოთხრობები ავტორის შემოქმედებითი ცხოვრების ყველაზე ნაყოფიერი პერიოდიდან: 1888-დან 1923 წლამდე.
|
 |
ავტორი: ეკატერინე ტოგონიძე
სათაური: Aსინქრონი
გამომცემლობა: ბაკურ სულაკაურის გამომცემლობა
გამოშვების წელი: 2013
,,Aსინქრონი’’ ახალგაზრდა მწერლის ეკატერინე ტოგონიძის რომანია. მასში მოთხრობილი ამბავი განსაკუთრებული შემთხვევაა - თემა, რომელზეც ნაკლებად საუბრობენ. მთავარი გმირების პროტოტიპები რეალური ადამიანები, ამერიკელი დები არიან, თუმცა მოვლენები ქართულ გარემოში ვითარდება, საზოგადოებაში, სადაც უჭირთ განსხვავებულის მიღება...
|
 |
ავტორი: ლუდვიგ ფონ მიზესი
სათაური: ბიუროკრატია
გამომცემლობა: ბაკურ სულაკაურის გამომცემლობა
გამოშვების წელი: 2014
,,ბიუროკრატია’’ ეკონომიკის ავსტრიული სკოლის ლიდერისა და კლასიკური ლიბერალიზმის წარმომადგენლის, ლუდვიგ ფონ მიზესის ერთ-ერთი მნიშვნელოვანი ნაშრომია. ავტორის მიზანია, გვიჩვენოს, რომ ბიუროკრატიის ნეგატიური ასპექტები კორუფციის ან ცუდი პოლიტიკის შედეგი კი არ არის, როგორც საზოგადოება ფიქრობს, არამედ იმ ამოცანებისა, რომლებიც ბიუროკრატიულ სტრუქტურებს აქვთ გადასაჭრელი. იგი განიხილავს ეკონომიკის შესაძლებლობებს კერძო და ცენტრალიზებული ანუ კაპიტალისტური და სოციალისტური მართვის პირობებში.
|
 |
ავტორი: ლოურენს სკოტ შიითსი
სათაური: იმპერიის 8 ნამსხვრევი
გამომცემლობა: ბაკურ სულაკაურის გამომცემლობა
გამოშვების წელი: 2013
ამერიკელი ჟურნალისტი, ლოურენს სკოტ შიითსი წლების განმავლობაში აკვირდებოდა საბჭოთა კავშირის დაშლასა და პოსტსაბჭოთა ქვეყნებში მიმდინარე პროცესებს. ამზადებდა რეპორტაჟებს აფხაზეთის, ჩეჩნეთის, სომხეთ-აზერბაიჯანის ომებიდან და სხვა ცხელი წერტილებიდან. აღნიშნულ წიგნში ჟურნალისტის ოცწლიანი მოღვაწეობის შედეგად დაგროვილი დოკუმენტური მასალაა თავმოყრილი. აღწერილია და გაანალიზებულია საბჭოთა იმპერიის ნგრევის შემდგეგდროინდელი ვითარება და ათასობით უდანაშაულო ადამიანის მდგომარეობა.
|
 |
ავტორი: ჰალდუნ თანერი
სათაური: სანჩოს გასეირნება
გამომცემლობა: ბაკურ სულაკაურის გამომცემლობა
გამოშვების წელი: 2014
,,სანჩოს გასეირნება’’ ცნობილი თურქი მწერლის ჰალდუნ თანერის ბოლო წლებში დაწერილი ნოველების კრებულია.
|
 |
ავტორი: ირაკლი მახარაძე
სათაური: დიადი მუნჯი (ქართული მუნჯი კინოს ისტორია)
გამომცემლობა: ბაკურ სულაკაურის გამომცემლობა
გამოშვების წელი: 2014
წინამდებარე წიგნში მოთხრობილია იმ ადამიანებზე, ვინც საფუძველი ჩაუყარა საქართველოში კინოთეატრების მოწყობა-აშენებას, ჩამოტანილი თუ აქვე გადაღებული ქრონიკის კომერციულ ჩვენება-გადაღებას. ასევე, საუბარია პირველ ქართულ დოკუმენტურ და მხატვრულ ფილმებზე, მათ ავტორებზე, შემქმნელებსა და მსახიობებზე. აღწერილია კინომოღვაწეებთან დაკავშირებული საინტერესო ამბები. ნაჩვენებია თუ როგორი ტრანსფორმაცია განიცადა მუნჯმა კინომ დროის შეცვლასთან ერთად საქართველოში და როგორ შეაბიჯა ხმოვან ერაში.
|
 |
ავტორი: ფამუქი ორჰან
სათაური: ჯევდეთ ბეი და მისი ვაჟიშვილები
გამომცემლობა: ბაკურ სულაკაურის გამომცემლობა
გამოშვების წელი: 2013
,,ჯევდეთ ბეი და მისი ვაჟიშვილები’’ ცნობილი თანამედროვე თურქი მწერლის ორჰან ფამუქის პირველი რომანია, რომელიც 1982 წელს გამოქვეყნდა და ორჰან ქემალისა(გამოჩენილი თურქი პროზაიკოსი) და ,,მილიეთის’’ (ერთ-ერთი უმსხვილესი თურქული გაზეთი) პრემიები დაიმსახურა საუკეთესო რომანისათვის. ამ რომანში ერთი ჩვეულებრივი თურქული ოჯახის ყოველდღიური ცხოვრების ფონზე ასახულია თურქული საზოგადოების განვითარებისა და თურქეთის რესპუბლიკის ჩამოყალიბების რთული გზა. მოქმედება XX საუკუნის 20-იან წლებში იწყება და 70-იან წლებამდე გრძელდება, თუმცა წიგნში დასმული პრობლემები დღესაც აქტუალურია არა მხოლოდ თურქეთის, არამედ მთელი აღმოსავლური სამყაროსთვის.
|
 |
ავტორი: სალომე ბენიძე
სათაური: ამბავი უძინართა
გამომცემლობა: ინტელექტი
გამოშვების წელი: 2013
„ამბავი უძინართა“ სალომე ბენიძის ახალი, რიგით მეორე პოეტური კრებულია. ამჯერად ავტორი უძილო ღამეებიდან გვიყვება ამბავს უძინართა, უპოვართა, უსამშობლოთა, თვითმკვლელთა შესახებ, შეუძლებელ მომავალზე. ავტორის თქმით, აღნიშნული კრებული უამრავი ადრესატისთვის განკუთვნილი ერთი დიდი წერილია, რომელიც ქალის ცხოვრების ცალკეულ სცენებს - ტრაგედიებსა თუ ბედნიერებას აღწერს.
|
 |
ავტორი: მელვინ მენჩერი
სათაური: ახალი ამბების გაშუქება და წერა
გამომცემლობა: დიოგენე
გამოშვების წელი: 2013
„ახალი ამბების გაშუქება და წერა“ მსოფლიოს სხვადასხვა უმაღლეს სასწავლებელში სასწავლო სახელმძღვანელოდ გამოიყენება. წიგნი ორიენტირებულია სტუდენტებზე და მოიცავს ყველა იმ საკითხს, რაც ჟურნალისტმა ახალი ამბების გაშუქების დროს უნდა იცოდეს: მედიაში მუშაობის მთელი ნაირსახეობისთვის აუცილებელი უნარ-ჩვევები, ფონური ინფორმაციის მიწოდება, რომელიც აუცილებელია ზუსტი და ინფორმირებული გაშუქებისა თუ წერისთვის და პრაქტიკული ჟურნალისტიკის წარმმართველი ღირებულებების დემონსტრირება.
|
 |
ავტორი: მერაბ კოსტავა
სათაური: სულო, დაიცა...
გამომცემლობა: ინტელექტი
გამოშვების წელი: 2013
ეროვნულ- განმათავისუფლებელი მოძრაობის ერთ-ერთი თვალსაჩინო წარმომადგენელი მერაბ კოსტავა პოეტი, მუსიკათმცოდნე, თეატრალური კრიტიკოსი, ფილოსოფოსი, მთარგმნელი და პედაგოგი იყო. ლიტერატურული მოღვაწეობისათვის მას დავით აღმაშენებლის და მწერალთა კავშირის პრემიები მიენიჭა. წინამდებარე პოეტურ კრებულში: ,,სულო, დაიცა..’’ გაერთიანებულია მერაბ კოსტავას 100 ლექსი.
|
 |
ავტორი: თორნიკე ჭელიძე
სათაური: კონცენტრიკული წრეები
გამომცემლობა: ინტელექტი
გამოშვების წელი: 2013
,,კონცენტრიკული წრეები’’ ახალგაზრდა პოეტის თორნიკე ჭელიძის პირველი პოეტური კრებულია. ავტორი კრებულს "ჯავახეთის დღიურებსაც" უწოდებს, რადგან მასში შესული ყველა ლექსი სწორედ იქ ყოფნის შემდეგ დაწერა.
|
 |
ავტორი: მაცუო ბაშო
სათაური: ნიოს ტბისაკენ
გამომცემლობა: ინტელექტი
გამოშვების წელი: 2013
,,ნიოს ტბისაკენ’’ იაპონელი პოეტის მაცუო ბაშოს ერთ-ერთი საინტერესო პოეტური კრებულია. წიგნის მიზანია, ქართველ მკითხველს გააცნოს მხოლოდ უმცირესი ნაწილი მეჩვიდმეტე საუკუნის გენიალური იაპონელი პოეტის შემოქმედებისა, შესთავაზოს მას საკუთრივ ქართულისაგან სრულიად განსხვავებული ხედვა სამყაროსი, სრულიად სხვაგვარი მსოფლმხედველობა, როგორც სახეობრივი, ისე ენობრივ-გამომსახველობითი თვალსაზრისით.
|
 |
ავტორი: ზვიად კვარაცხელია
სათაური: ფორმა N100
გამომცემლობა: ინტელექტი
გამოშვების წელი: 2013
„ფორმა N100“ ზვიად კვარაცხელიას პირველი რომანია, სადაც უაღრესად მკაცრი ცხოვრებისეული სიმართლე ლიტერატურულ სინამდვილედაა ქცეული. დაძლეულია რეალობის, ყოფითი სინამდვილის ინერცია და უკვე პოეზიის წყალობით, შექმნილია შემზარავი სურათი ბიოლოგიურ არსებობად გარდაქმნილი ცხოვრებისა. საერთო ცოდვა, რომელიც ნაწარმოების რამდენიმე პერსონაჟს (მათ შორის მთხრობელსაც), აუცხოებს და ამავე დროს აკავშირებს კიდეც ერთმანეთთან, რომანის მთავარი სიუჟეტური ქარგაცაა და ავტორისათვის ყველაზე მნიშვნელოვანი კვლევის ობიექტიც.
|
 |
ავტორი: ნინო სადღობელაშვილი
სათაური: იასამნის სეზონი
გამომცემლობა: ინტელექტი
გამოშვების წელი: 2013
,,იასამნის სეზონი’’ ნინო სადღობელაშვილის ახალი პროზაული კრებულია, რომელშიც უკვე გამოქვეყნებული და ახალი მოთხრობები შევიდა. როგორც თავად ავტორი ამბობს, თითოეული მათგანი გამოძახილია დღევანდელობაზე. ``იასამნის სეზონი`` ერთ-ერთი მოთხრობის სათაურია, რომლის თემატიკაც ნაცნობია - სიყვარული და თავისუფლება.
|
 |
ავტორი: ირაკლი სამსონაძე
სათაური: კომედიიდან ტრაგედიამდე აბსურდის ბილეთით
გამომცემლობა: ინტელექტი
გამოშვების წელი: 2013
7 პიესა, რომელიც ირაკლი სამსონაძემ ერთ წიგნად გააერთიანა და ,, კომედიიდან ტრაგედიამდე აბსურდის ბილეთით’’ დაასათაურა, ავტორის ჟანრობრივ ძიებებზეც მიგვანიშნებს და იმ ტენდენციებზეც, რაც პოსტმოდერნისტული ეპოქისთვისაა დამახასიათებელი. პიესების ეს კრებული მარადისობის პრიზმიდან გვესაუბრება ჩვენი თანამედროვეობის ტრაგიკომიკურ, ხშირ შემთხვევაში აბსურდულ სინამდვილეზე.
|
 |
ავტორი: მერაბ ვაჩნაძე, ვახტანგ გურული, მიხეილ ბახტაძე
სათაური: საქართველოს ისტორია უძველესი დროიდან 1801 წლამდე
გამომცემლობა: ინტელექტი
გამოშვების წელი: 2014
აღნიშნულ წიგნში მოცემულია საქართველოს ისტორია უძველესი დროიდან 1801 წლამდე - რუსეთის იმპერიის მიერ ქართლ-კახეთის სამეფოს დაპყრობამდე.
|
 |
ავტორი: გვანცა ჯობავა
სათაური: Check-In
გამომცემლობა: ინტელექტი
გამოშვების წელი: 2014
სამოგზაურო რომანი - ,, Check-In’’ დროსა და სივრცეში მოგზაურობაზე მოგვითხრობს. აღნიშნული რომანი იწერებოდა ავტორის ბავშვობიდან მის დღევანდელ დღემდე. წიგნი განსაკუთრებით მათთვის იქნება საინტერესო ვისაც ბოლო წლების საქართველოს საზოგადოებრივ-კულტურული და საგამომცემლო ცხოვრება აინტერესებს, ან უბრალოდ ახალი ნაცნობების შეძენა და ევროპის თვალსაჩინო ადგილებში მოგზაურობა სწყურია.
|
 |
ავტორი: ინესა შალვაშვილი
სათაური: ქართული ენა (მორფოლოგია)
გამომცემლობა: ინტელექტი
გამოშვების წელი: 2014
აღნიშნული კრებული მოიცავს სტილის საკითხებს, ქართული ენის ძირითად წესებს მორფოლოგია-ორთოგრაფიაში და მასთან დაკავშირებულ სათანადო სავარჯიშოებს, ტექსტის რედაქტირებას, შესრულებული დავალებების ტიპურ ნიმუშებს და ა.შ. წიგნში შეტანილი წერითი დავალებების თემატიკას საფუძვლად უდევს სასწავლო პროგრამით გათვალისწინებული საკითხები და ერთიანი ეროვნული გამოცდების პროგრამის მოთხოვნები ქართულ ენაში.
|
 |
ავტორი: ირაკლი მიქაძე
სათაური: ეკონომიკური გეოგრაფია
გამომცემლობა: უნივერსალი
გამოშვების წელი: 2009
ნაშრომი ეძღვნება გლობალურ და საქართველოს სოციალურ-ეკონომიკური გეოგრაფიის პრობლემებს და მიზნად ისახავს მრეწველობის, სოფლის მეურნეობის, ტრანსპორტის, ენერგეტიკის და სხვა სფეროებში მუშაობის მსურველთ, ასევე სხვადასხვა დარგში დასაქმებულ ბიზნესმენებს გადასცეს ცოდნა ბუნებრივი რესურსების, მოსახლეობისა და მეურნეობის შესახებ გლობალური და საქართველოს პოზიციებიდან. მეურნეობის დარგებიდან მთავარი ყურადღება ექცევა ბუნებრივი რესურსების გეოგრაფიული განაწილების, მოპოვებისა და დამუშავების საკითხებს, მრეწველობის, სოფლის მეურნეობის, ტრანსპორტის და ბუნებრივ-რესურსული და ეკოლოგიური ფაქტორების განხილვას, განსაკუთრებით საქართველოს პოზიციებიდან.
|
 |
ავტორი: სლავა ფეტელავა, შალვა გოგიაშვილი
სათაური: ანტიმონოპოლიური რეგულირების პრაქტიკა
გამომცემლობა: ,,ახალი საქართველო’’
გამოშვების წელი: 2013
წინამდებარე ნაშრომი სასწავლო-პრაქტიკული ხასიათისაა და მასში შეტანილია, როგორც სასწავლო დანიშნულების ჰიპოთეტური ხასიათის კეისები, ისე ის პრაქტიკული საქმეები, რომლებთანაც სხვადასხვა პერიოდში შეხება ჰქონდა როგორც საქართველოს ანტიმონოპოლიურ ორგანოს, ისე საზღვარგარეთის ქვეყნების შესაბამის სამსახურებს. კრებულში მოტანილი ყველა ფაქტი რეალური პრაქტიკიდანაა აღებული. ნაშრომი წარმოადგენს დამხმარე, პრაქტიკულ სავარჯიშოთა კრებულს სალექციო კურსისა - ,,კონკურენცია და ანტიმონოპოლიური რეგულირება’’ და განკუთვნილია უმაღლეს სასწავლებელთა სტუდენტებისათვის და საერთოდ ანტიმონოპოლიური რეგულირების პრობლემატიკით დაინტერესებულ მკითხველთა ფართო წრისათვის.
|
 |
ავტორი: ბობ დილანი
სათაური: ქრონიკები
გამომცემლობა: არტანუჯი
გამოშვების წელი: 2013
წინამდებარე ავტობიოგრაფიულ წიგნში შესულია ცნობილი მუსიკოსისა და შესანიშნავი პოეტის ბობ დილანის პირადი ჩანაწერები. "ქრონიკებში" დილანი თავს ავლენს იდეებით, ფილოსოფიითა და სხვებისადმი გულწრფელი პატივისცემით. ავტორი პირად ჩანაწერებში მრავალფეროვან თემებს ეხება – პირადულს, მუსიკალურს, ისტორიულს.
|
 |
ავტორი: ჰენრი ჯეიმზი
სათაური: ასპერნის წერილები
გამომცემლობა: არტანუჯი
გამოშვების წელი: 2013
,,ასპერნის წერილები’’ ჰენრი ჯეიმზის ერთი-ერთი საუკეთესო ნაწარმოებია, სადაც დიდი გონებამახვილობითა და იუმორით არის გადმოცემული ერთი კრიტიკოსის ამბავი - კრიტიკოსისა, რომელი ცდილობს ხელში ჩაიგდოს უკვე გარდაცვლილი სახელმოხვეჭილი ამერიკელი პოეტის წერილები, ამ მიზნით ის ჩადის ვენეციაში და იქ მცხოვრებ პოეტის მიჯნურსა და მის დისწულს ცდილობს დასტყუოს ეს წერილები. მის განზრახვას კი ხელს უშლის ორივე ქალი…
|
 |
ავტორი: ო. ჰენრი, შერვუდ ანდერსონი, ფრენსის სკოტ ფიცჯერალდი, თომას ვულფი
სათაური: ნოველები
გამომცემლობა: არტანუჯი
გამოშვების წელი: 2013
აღნიშნული წიგნი დიდი ამერიკელი მწერლების ნოველებისა და მოკლე მოთხრობების კრებულია. მასში შესულია ცნობილი ნოველისტის ო. ჰენრისა და ,,დაკარგული თაობის’’ პირობითი სახელწოდებით გაერთიანებული მწერალთა ჯგუფის სამი უდიდესი წარმომადგენლის შერვუდ ანდერსონის, ფრენსის სკოტ ფიცჯერალდისა და თომას ვულფის ნაწარმოებები. ისინი ქართულ ენაზე პირველად ითარგმნა და ბოლო წლებში ქართულ ლიტერატურულ პერიოდიკაში გამოქვეყნდა. რამდენიმე მათგანი შეტანილია სხვადასხვა კრებულში.
|
 |
ავტორი: ვახტანგ გურული
სათაური: ილია
გამომცემლობა: არტანუჯი
გამოშვების წელი: 2014
მონოგრაფიის მიზანია წარმოაჩინოს ილია ჭავჭავაძის ღვაწლი ქართველობისა და საქართველოს გადარჩენაში, ილიას ნააზრევისა და ნაღვაწის მნიშვნელობა მისი თანამედროვე საქართველოსა და მომავალი თაობებისათვის. ვინც ერი გამოაფხიზლა, საკუთარი თავი შეაცნობინა, რწმენა და ეროვნული თვითშეგნება დაუბრუნა, ღმრთისა და სამშობლოს სამსახურში ჩააყენა, თავად ნახევარი საუკუნე მოწამის ცხოვრებით იცხოვრა და მოწამეობრივად აღესრულა, საქართველოს ისტორიაში ასე მოიხსენიება - წმინდა ილია მართალი.
|
 |
ავტორი: მალხაზ მაცაბერიძე
სათაური: უნივერსიტეტი 1921 წლის თებერვალში
გამომცემლობა: ,,ახალი აზრი’’
გამოშვების წელი: 2014
აღნიშნულ ნაშრომში იმდროინდელ საგაზეთო მასალებზე დაყრდნობით გადმოცემულია თბილისის სახელმწიფო უნივერსიტეტის ცხოვრება 1921 წლის იანვარ-მარტში. ასევე ნაჩვენებია უნივერსიტეტის სტუდენტების მონაწილეობა თებერვალ-მარტის ტრაგიკულ დღეებში და მათ მიერ გაღებული მსხვერპლი სამშობლოს დასაცავად.
|
 |
ავტორი: ნინო არჩვაძე, ელენე ჩერქეზია
სათაური: კვლევის დაგეგმვა და მეთოდოლოგია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წინამდებარე სახელმძღვანელოში განხილულია მეცნიერული კვლევის თეორიის საფუძვლები - კვლევის პარადიგმები და მეთოდოლოგია, აგრეთვე კვლევის დაგეგმვის ძირითადი კონცეფციები, რაც სამეცნიერო კვლევის სწორად წარმართვის აუცილებელი პირობაა. წიგნი წარმოადგენს დამხმარე სახელმძღვანელოს ზუსტი და საბუნებისმეტყველო მეცნიერებების, სიცოცხლის შემსწავლელი მეცნიერებების, გამოყენებითი ბიომეცნიერებებისა, აგრარული მეცნიერებებისა და სხვა მომიჯნავე დარგების ბაკალავრიატის და მაგისტრატურის სტუდენტებისათვის, აგრეთვე სამეცნიერო კვლევის თეორიული და პრაქტიკული საკითხებით დაინტერესებულ პირთათვის.
|
 |
ავტორი: ნინო ინასარიძე, არჩილ ჭოღოშვილი
სათაური: ნარჩენების მართვა და ბიოტექნოლოგია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წიგნი წარმოადგენს დამხმარე სახელმძღვანელოს ზუსტი და საბუნებისმეტყველო, სიცოცხლის შემსწავლელი, აგრარული, გამოყენებითი და ტექნიკური მეცნიერებების რიგი სპეციალობების ბაკალავრიატისა და მაგისტრატურის სტუდენტებისათვის. ნარჩენების მართვისა და ბიოტექნოლოგიის შესახებ მოყვანილი ინფორმაცია საყურადღებოა აგრეთვე გარემოს დაცვის ექსპერტთათვის და ნარჩენების გაუვნებელყოფით, რეციკლირებითა და შენახვით დაინტერესებულ პირთათვის.
|
 |
ავტორი:
სათაური: მეცნიერის სავიზიტო ბარათი - გივი გავარდაშვილი 55
გამომცემლობა: უნივერსალი
გამოშვების წელი: 2013
კრებული ეძღვნება საქართველოს ტექნიკური უნივერსიტეტის წყალთა მეურნეობის ინსტიტუტის დირექტორის, ტექნიკის მეცნიერებათა დოქტორის, პროფესორის გივი გავარდაშვილის მეცნიერული მუშაობის 33 და პედაგოგიური მუშაობის 22 წლის იუბილეს. კრებულში შესულია საერთაშორისო სიმპოზიუმის: ,,წყალდიდობები და მასთან ბრძოლის თანამედროვე მეთოდების’’ მოკლე ანგარიში, ინფორმაცია საქართველოს წყალთა მეურნეობის ინსტიტუტის საქმიანობის შესახებ, სამეცნიერო შრომების ბიბლიოგრაფია, გამოგონებები, მონოგრაფიები, გივი გავარდაშვილის ხელმძღვანელობით და უშუალო მონაწილეობით სხვადასხვა სამუშაო ჯგუფთან ერთად 2006-2013 წლებში საქართველოში დაპროექტებული და განხორციელებული პროექტები. კრებულს თან ერთვის საინფორმაციო ფოტომასალა.
|
 |
ავტორი:
სათაური: სამეცნიერო შრომათა კრებული №68
გამომცემლობა: უნივერსალი
გამოშვების წელი: 2013
აღნიშნულ კრებულში შესულია წყალთა მეურნეობის ინსტიტუტის სამეცნიერო შრომები, რომლებიც მოიცავს შემდეგ საკითხებს: ჰიდროლოგია და მეტეოროლოგია, წყალთა მეურნეობა, გარემოს დაცვა, ჰიდროტექნიკა და მელიორაცია, ჰიდროტექნიკური ნაგებობების საიმედოობა და რისკი და ა.შ თითოეულ სტატიას თან ახლავს ინგლისური და რუსული თარგმანი.
|
 |
ავტორი: Philip Kotler, Kevin Lane Keller
სათაური: Marketing Managment
გამომცემლობა: Pearson
გამოშვების წელი: 2012
აღნიშნული წიგნის მიზანია მკითხველს გააცნოს მარკეტინგის ზოგადი არსი, მისი ფუნქცია ბიზნესში, აგრეთვე მარკეტინგის როლი სტრატეგიული და საოპერაციო გადაწყვეტილებების მიღების პროცესში. სახელმძღვანელოში განხილულია მარკეტინგის ძირითადი კონცეფციები: მარკეტინგული კვლევა, მარკეტინგის ამოცანები, ტიპები, საჯარო გამოსვლის ხელოვნება, ეფექტური გაყიდვების სტრატეგია, კომუნიკაცია და ბრენდინგი.
|
 |
ავტორი: C. F. Amerasinghe
სათაური: Principles Of The Institutional Law Of International Organizations
გამომცემლობა: Cambridge University Press
გამოშვების წელი: 2013
ნაშრომში განხილულია საერთაშორისო ორგანიზაციების ინსტიტუციონალური სამართლის პრინციპები. საუბარია წამყვანი საერთაშორისო და რეგიონული ორგანიზაციების
იდეოლოგიურ და ისტორიულ საფუძვლებზე. აღნიშნული წიგნი საინტერესოა არა მხოლოდ იურისტებისათვის, არამედ ამ საკითხებით დაინტერესებულ მკითხველთა ფართო წრისათვის.
|
 |
ავტორი:
სათაური: Handbook Of The Economics And Political Economy Of Transition
გამომცემლობა: Routledge
გამოშვების წელი: 2013
აღნიშნულ წიგნში განხილულია ეკონომიკისა და პოლიტიკური ეკონომიკის თეორიული და პრაქტიკული მნიშვნელობის მრავალი პრობლემა. ასევე, ფართომასშტაბიანი ინსტიტუციური ცვლილებები და რეფორმები ყველა დონეზე. ქვეყნის ეკონომიკური სტრატეგიის შემუშავებისა და განხორციელების ანალიზი და შეჯერება უნდა მოხდეს ეკონომიკური მეცნიერების ყველა სფეროსთან, განსაკუთრებით: მაკროეკონომიკური პოლიტიკის, საგარეო-ეკონომიკური ურთიერთობების, სახელმწიფო რეგულირების, ფინანსების, შრომითი რესურსებისა და სხვა პრობლემატიკის განხილვისას.
|
 |
ავტორი: Keith L. Moore, Anne M. R. Agur, Arthur F. Dalley
სათაური: Essential Clinical Anatomy
გამომცემლობა: Lippincott Williams & Wilkins
გამოშვების წელი: 2011
აღნიშნულ წიგნში არის ძირითადი კლინიკური ანატომიის ვრცელი და არგუმენტირებული მიმოხილვა. სახელმძღვანელოში აღწერილია ადამიანის სხეულის აგებულების ფუნქციასთან ურთიერთკავშირი. საუბარია იმ მიზეზებსა და ფაქტორებზე, რაც განსაზღვრავს ადამიანის ფორმას და აგებულების ინდივიდუალობას. ნაშრომის მიზანია ის, რომ სტუდენტმა იცოდეს ადამიანის აგებულება და ამავე დროს შეისწავლოს დაავადებული ორგანიზმის მკურნალობის საჭიროება.
|
 |
ავტორი: Max Weber
სათაური: The Protestant Ethic And The Spirit Of Capitalism
გამომცემლობა: Wilder Publications
გამოშვების წელი: 2010
აღნიშნულ წიგნში ავტორი აანალიზებს პროტესტანტული და კალვინისტური აღმსარებლობის საერო ცხოვრებაში გამოყენებასა და მის სპეციფიკურ მორალს, რომელმაც განსაზღვრა კაპიტალიზმის ღირებულებათა სისტემა. მაქს ვებერი წიგნში ეხება კაპიტალიზმის განვითარების საკითხებსაც. მის თანახმად, კაპიტალიზმი მეურნეობის ტიპია, რომელიც ემყარება გაცვლის გამოყენებით მოგების მიღების მოლოდინს.
|
 |
ავტორი:
სათაური: ქართული სიტყვის კულტურის საკითხები (წიგნი მეცამეტე)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
,,ქართული სიტყვის კულტურის საკითხები’’ მოიცავს წერილებს ქართული სალიტერატურო ენის მართლწერის, მორფოლოგია-სინტაქსის, ლექსიკა-სტილისტიკისა და ტერმინოლოგიის სხვადასხვა საკითხის შესახებ. ყურადღება გამახვილებულია აგრეთვე ქართული სალიტერატურო ენის ნორმათა სწავლებისა და პარონომიის პრობლემებზე. მნიშვნელოვანი ადგილი ეთმობა სტატიებს მწერლის ენისა და სტილის შესახებ.
|
 |
ავტორი: ანი ქეშელაშვილი, თიკო ნაჭყებია, გიგა პაიჭაძე, სანდრო ასათიანი
სათაური: ვიდეო ადვოკატირება (აქტიური მოქალაქის სახელმძღვანელო)
გამომცემლობა: Project Harmony Inc.,
გამოშვების წელი: 2013
2010 წელს, საქართველოში დაიწყო სამოქალაქო განათლებისა და პედაგოგთა მომზადების ოთხწლიანი პროგრამა, რომელსაც ახორციელებს ორგანიზაცია: PH International. წინამდებარე სახელმძღვანელო პროგრამის სოციალური მედიის კომპონენტის ფარგლებში შეიქმნა. პროგრამის ეს კომპონენტი ხელს უწყობს სკოლის მოსწავლეებში და სამოქალაქო განათლების პედაგოგებში სოციალური მედიის თანამედროვე ინსტრუმენტების სწავლებას სამოქალაქო ინიციატივების მხარდასაჭერად. სახელმძღვანელოს მიზანია მკითხველს გაუზიაროს ვიდეოს, როგორც ადვოკატირების კამპანიის ნაწილის, დაგეგმვის, გადაღებისა და გავრცელების ტექნიკა შესაბამისი მაგალითებისა და სავარჯიშოების დახმარებით.
|
 |
ავტორი:
სათაური: ,,ვეფხისტყაოსნის’’ ტექსტის დამდგენი კომისიის სხდომათა ოქმები, წიგნი II (1979-2006წწ.)
გამომცემლობა: საქართველოს მეცნიერებათა ეროვნული აკადემიის სტამბა
გამოშვების წელი: 2013
წინამდებარე კრებული გაგრძელებაა ,,ვეფხისტყაოსნის’’ ტექსტის დამდგენი კომისიის სხდომათა ოქმების I წიგნისა. II კრებულში წარმოდგენილი ოქმების ერთი ნაწილი (1979-1984 წწ.) შედგენილია მთავარი რედაქციის სწავლული მდივნის გურამ კარტოზიას მიერ, ხოლო მთავარი რედაქციის 1985-2006 წლებში გაწეული მუშაობის მიმდინარეობა, ,,რუსთაველის კომიტეტის’’ საარქივო მასალების მიხედვით, ოქმების სახით აღადგინა რედაქციის წევრმა გიორგი არაბულმა. ,,რუსთაველის კომიტეტის’’ არქივში პოემის ზოგიერთი ნაწილის განხილვის ოქმები არ აღმოჩნდა. ამიტომ აღნიშნულ კრებულში გამოქვეყნებულია მხოლოდ მთავარი რედაქციის მიერ ამ მონაკვეთების დადგენილი ტექსტი და შინაარსი.
|
 |
ავტორი: ალექსანდრე ბოშიშვილი
სათაური: მელიქის სახელო საქართველოში
გამომცემლობა: არტანუჯი
გამოშვების წელი: 2013
მონოგრაფიაში განხილულია მელიქის სახელო საქართველოში, მისი წარმომავლობა და დამკვიდრების საკითხი. მელიქის, როგორც მოხელის უფლებები და მოვალეობები, მელიქის სახელოს მემკვიდრეობით მატარებელი საგვარეულოების ისტორიები, მათი ადგილი ქართულ ფეოდალურ იერარქიაში, თუ სამოხელეო წყობაში. საკითხები კომპლექსურად არის შესწავლილი, განხილულია ასევე კავკასიაში არსებული სხვა სამელიქოებიც. წიგნი განკუთვნილია სპეციალისტებისა და საქართველოს ისტორიის საკითხებით დაინტერესებული მკითხველისათვის.
|
 |
ავტორი: დავით იაკობიძე
სათაური: გლობალური დინამიზმის ქართული სინამდვილე
გამომცემლობა: ინოვაცია
გამოშვების წელი: 2011
ნაშრომში განხილულია მსოფლიოს გლობალური დინამიზმის პირობებში საქართველოს განვითარების პრობლემები. კერძოდ, ქვეყნის ისტორიულ-კულტურული მემკვიდრეობის საფუძველზე თვითმსგავსი განვითარების, მისი რესურსების რაციონალური გამოყენების განსაკუთრებული პირობები და შესაძლებლობები. მართლმადიდებლობის მნიშვნელობა საქართველოს ეკონომიკურ ყოველდღიურობასა და მისი სამეურნეო სისტემის მომავალზე ორიენტაციისთვის. ნაშრომი განკუთვნილია პოლიტიკოსებისთვის, ეკონომისტებისთვის, სოციოლოგებისთვის და მკითხველთა ფართო წრისათვის.
|
 |
ავტორი:
სათაური: War & Nationalism (The Balkan Wars, 1912-1913, And Their Sociopolitical Implications)
გამომცემლობა: The University Of Utah Press
გამოშვების წელი: 2013
აღნიშნულ კრებულში თავმოყრილი ესსეები და წერილები ეხმიანება 1912-1913 წლების ბალკანეთის ომის წარმომშობ მიზეზებსა და შედეგებს. ასევე მის სოციალურ-პოლიტიკურ გავლენას მსოფლიო სივრცეში. წიგნში კრიტიკულადაა განხილული ყველა ის პრობლემა და იმ კითხვებზეა პასუხი გაცემული რაც მოსახლეობას აწუხებდა ამ ომებთან დაკავშირებით, გავლებულია პარალელები ომისდროინდელ და თანამედროვე მდგომარეობას შორის ეკონომიკურ, პოლიტიკურ თუ საზოგადოებრივ ასპექტში. აღნიშნული წიგნი საინტერესოა არა მხოლოდ ისტორიული მოვლენებით დაინტერესებულ მკლევართათთვის, არამედ მკითხველთა ფართო წრისათვის.
|
 |
ავტორი: აპოლონ თაბუაშვილი
სათაური: ქალაქ ცხინვალისა და მისი მიმდებარე სოფლების აღწერის დავთრები (XVIII საუკუნის II ნახევარი)
გამომცემლობა: მერიდიანი
გამოშვების წელი: 2013
წინამდებარე ნაშრომი მოიცავს ხელნაწერთა ეროვნულ ცენტრში დაცული XVIII საუკუნის II ნახევრის სამი ისტორიული საბუთის (Hd-1606, Hd-1611, Hd-9324) პუბლიკაციას, შესავალის, სათანადო გამოკვლევის, კომენტარებისა და ფაქსიმილეების დართვით ქართულ და ინგლისურ ენებზე. სამივე ისტორიული საბუთი წარმოადგენს შიდა ქართლის სამოცზე მეტი დასახლებული პუნქტის, მათ შორის, ქალაქ ცხინვალისა და მისი მიმდებარე სოფლების, მოსახლეობის აღწერის დავთრებს. დავთრები მნიშვნელოვან ინფორმაციას გვაწვდის გვიანფეოდალური ხანის შიდა ქართლის მოსახლეობის სოციალურ-ეკონომიკური, დემოგრაფიული, ეთნიკური ისტორიის, ონომასტიკისა თუ სხვა მნიშვნელოვანი საკითხების შესახებ.
|
 |
ავტორი: სალომე სულაბერიძე
სათაური: კართაგეენია
გამომცემლობა: საუნჯე
გამოშვების წელი: 2013
სალომე სულაბერიძის ლირიკული პოემა ,,კართაგეენია’’ მრავალმხრივ საინტერესო ტექსტია. ავტორმა მოახერხა ისე გადმოეცა პოეტური ნარატივი, რომ გაქცეოდა ბელეტრისტიკას და თხრობა პოეტური ტონებისა და ობერტონების კალაპოტით წარემართა. გარდა ამისა, აღნიშნული პოემა მითის პოეზიად ტრანსფორმაციის ძალზე წარმატებული მცდელობაა.
|
 |
ავტორი:
სათაური: ცხორებაჲ და შესხმაჲ წმიდისა ნიკოლოზ სასწაულთ-მოქმედისაჲ
გამომცემლობა: საქართველოს საპატრიარქოს გამომცემლობა
გამოშვების წელი: 2013
აღნიშნულ წიგნში შეტანილია წმინდა ნიკოლოზ საკვირველთმოქმედის ,,ცხოვრების’’ ორი უძველესი (XI-XIIIსს.) რედაქციის ტექსტი: კიმენური - თარგმნილი წმინდა ეფთვიმე მთაწმინდელის მიერ და მეტაფრასული - არსენის თარგმნილი. აგრეთვე, ეფთვიმისეული თარგმანი წმინდა ანდრია კრიტელის ,,შესხმისა’’ წმინდა ნიკოლოზ მირონ-ლუკიელისადმი. თხზულებანი დადგენილია კრიტიკულად და პირველად ქვეყნდება.
|
 |
ავტორი: იღუმენი ევნემი (პერისტი)
სათაური: შესავალი პიროვნების ფსიქოლოგიაში (მრევლი და მოძღვარი)
გამომცემლობა: ალილო
გამოშვების წელი: 2013
წინამდებარე ნაშრომი შედგენილია სხვადასხვა წყაროდან აღებული მასალებისგან, მასში გამოყენებულია გამოცდილება, რომლებიც მოძღვრებმა მიიღეს სულიერად დაავადებულ მრევლის წევრებთან და მათთან სულიერი დახმარების სათხოვნელად მოსულ ადამიანებთან ურთიერთობისას. აქ აღწერილი აზრები, დაკვირვებები და დასკვნები წარმოადგენს თანამედროვე სულზე მზრუნველობის სამოძღვრო და ზოგადქრისტიანული საკითხების სხვადასხვაგვარად გადაჭრის მცდელობას.
|
 |
ავტორი: ლეო შტრაუსი
სათაური: იერუსალიმი და ათენი
გამომცემლობა: საუნჯე
გამოშვების წელი: 2013
წინამდებარე გამოცემა პოლიტიკური ფილოსოფიის თვალსაჩინო წარმომადგენლის, ლეო შტრაუსის ერთ-ერთი უმნიშვნელოვანესი ნაშრომის - ,,იერუსალიმი და ათენი. შესავალი განაზრებანი’’ - ქართულ თარგმანს წარმოგვიდგენს. ეს თხზულება იმითაც არის გამორჩეული, რომ მასში (ამ ორი ქალაქის სახით) საკაცობრიო აზროვნების ორი განსხვავებული ტრადიცია, პარადიგმა, კონცეპტი არაჩვეულებრივი სიცხადით და ორიგინალურობითაა განხილული.
|
 |
ავტორი: სალომე სულაბერიძე
სათაური: ღვთიურკალმური
გამომცემლობა: საუნჯე
გამოშვების წელი: 2013
,,ღვთიურკალმური’’ ახალგაზრდა შემოქმედის სალომე სულაბერიძის ლექსების კრებულია, სადაც ბიბლიურ პერსონაჟებს მითოლოგიური სახეები ენაცვლება, ისტორიულ შეჯახებებს - დემონები და ქიმერები. აქ ჩანს მცდელობა ძველსა და ახალს შორის კავშირის აღდგენისა, პოეტი ცდილობს ნიუანსებში დაფარული ჭეშმარიტების გაცოცხლებას.
|
 |
ავტორი: ბაჩო კვირტია
სათაური: ტასმანიური ვეფხვი
გამომცემლობა: საუნჯე
გამოშვების წელი: 2013
კრებულში წარმოდგენილია ახალგაზრდა მწერლის ბაჩო კვირტიას 2010-2013 წლებში დაწერილი ნოველები და ჩანაწერები, რომლებიც სამი წლის მანძილზე სხვადასხვა ქართულ ჟურნალებში იბეჭდებოდა. ,,ტასმანიური ვეფხვი’’ ავტორის რიგით მეორე კრებულია, რომელშიც თავმოყრილია მისი ნოველები.
|
 |
ავტორი: კონსტანტინე ზ. გამსახურდია
სათაური: ყვავილების წიგნი (თარგმანი)
გამომცემლობა: საუნჯე
გამოშვების წელი: 2013
კონსტანტინე ზ. გამსახურდიას მიერ თარგმნილი და ,,ყვავილების წიგნად’’ შეკრული პრერაფაელიტური პოეზიის ნიმუშები - ჭეშმარიტად მნიშვნელოვანი სიახლეა ქართველი მკითხველისათვის. ,,პრერაფაელიტური ძმობა’’ ( შემოკლებით PRB) იყო შემოქმედებითი წრე, რომელშიც გაერთიანებული იყვნენ შემდეგი ბრიტანელი ხელოვანები: დანტე გაბრიელ როსეტი, უილიამ ჰოლმან ჰანტი, ჯონ ევერეტ მილე, თომას ვულნერი, ჯეიმზ კოლინზონი, ფრედერიკ ჯორჯ სტეფენსი და უილიამ მაიკლ როსეტი. სწორედ მათი პოეზიის საუკეთესო ნიმუშების ქართული თარგმანებია წარმოდგენილი აღნიშნულ კრებულში.
|
 |
ავტორი:
სათაური: თავისუფლება გისოსებს მიღმა (პოეზია, პროზა)
გამომცემლობა: საუნჯე
გამოშვების წელი: 2013
2013 წელს პირველად გაიმართა ლიტერატურული კონკურსი ,,კალამი’’ პატიმრებისთვის - საქართველოს საპატიმრო დაწესებულებების იმ მსჯავრდებულების მონაწილეობით, რომლებიც შემოქმედებითი ნიჭით გამოირჩევიან. აღნიშნულ კრებულში შესულია ექვსი გამარჯვებული მსჯავრდებულის ნაფიქრალ-ნააზრევი. სამი საუკეთესო პროზაული და ამდენივე პოეტური ნაწარმოები.
|
 |
ავტორი: ბექა ქურხული
სათაური: ჩანაწერები (1993-2011)
გამომცემლობა: საუნჯე
გამოშვების წელი: 2013
აღნიშნულ კრებულში ახალგაზრდა მწერლის ბექა ქურხულის სხვადასხვა დროს ჩაწერილი ამბებია მოთხრობილი. ბექა ქურხული ლიტერატურულ პერიოდიკაში უკვე დიდი ხანია, რაც იბეჭდება. 2004 წელს გამოვიდა მისი პირველი წიგნი „წერტილი... დაკარგული ტერიტორიის დაკარგული ადამიანები“. მისი ერთ-ერთი ბოლო რომანი „ორი მთვარის ამბავი“ სიესტამ გამოსცა.
|
 |
ავტორი: გიორგი ცოცანიძე
სათაური: შეთე (ისტორიულ-დოკუმენტური პროზა)
გამომცემლობა: საუნჯე
გამოშვების წელი: 2013
წიგნი, სახელწოდებით ,,შეთე’’ მხატვრულ-დოკუმენტურ ჟანრს განეკუთვნება და საქართველოს, კერძოდ აღმოსავლეთ კავკასიის ულამაზესი მხარის, თუშეთის ისტორიის ერთ განსაკუთრებულად საინტერესო მონაკვეთს ეძღვნება. ავტორი, რომელიც თავადაც ამ კუთხის წარმომადგენელია, წიგნში მოგვითხრობს ცნობილი მელეკის, შეთე გულუხაიძის ისტორიას. ეს ისტორია კი მელეკეობის, როგორც მოვლენის ყველაზე გმირული და მკაფიო ფურცელია. თავად შეთე გულუხაიძე, რომლის სახელიც მთელს კავკასიაში იყო ცნობილი, არაერთი ზეპირი თუ ისტორიული გადმოცემისა თუ ლექსის გმირი გამხდარა თავის შვილებთან და სხვა თანამებრძოლებთან ერთად.
|
 |
ავტორი: ნინო ჩხიკვიშვილი
სათაური: თემურ ჩხეიძის ავტოგრაფი
გამომცემლობა: საუნჯე
გამოშვების წელი: 2013
წიგნში წარმოდგენილია ინტერვიუების ციკლი გამოჩენილ რეჟისორთან, ასევე ცნობილი ადამიანების მოგონებები თემურ ჩხეიძის პიროვნებისა და შემოქმედების თაობაზე.
|
 |
ავტორი: ელა გოჩიაშვილი
სათაური: ცხოვრებაგაუმტარი
გამომცემლობა: საუნჯე
გამოშვების წელი: 2013
წიგნი წარმოადგენს ელა გოჩიაშვილის სხვადასხვა წლებში დაწერილ და ახალი ლექსების კრებულს. მისი პოეზია მეტად საყურადღებოა რიტმულ-ინტონაციური თვალსაზრისით, დახვეწილი და ორიგინალური ტროპული მეტყველებით, ვერსიფიკაციული სიახლეებით, ინდივიდუალიზმით და ა.შ. აღნიშნული ლექსების კრებული ავტორმა მიუძღვნა დედის ვივა საიქოძის ხსოვნას.
|
 |
ავტორი:
სათაური: სამეცნიერო-საღვთისმეტყველო შრომები IV
გამომცემლობა: თბილისის სასულიერო აკადემიისა და სემინარიის გამომცემლობა
გამოშვების წელი: 2013
კრებულში შესულია სამეცნიერო-საღვთისმეტყველო შრომები, სასულიერო მწერლობის სხვადასხვა დარგებიდან: ღვთისმეტყველება, ეკლესიის ისტორია, საეკლესიო ფილოლოგია, პატრისტიკა, ლიტურგიკა, ჰიმნოგრაფია და სხვა. თითოეული მათგანი საინტერესოა არამხოლოდ ამ საკითხებით დაინტერესებულ პირთათვის, არამედ მკითხველთა ფართო წრისათვის.
|
 |
ავტორი:
სათაური: ქართული ისტორიული საბუთების კორპუსი II
გამომცემლობა: ხელნაწერთა ეროვნული ცენტრი
გამოშვების წელი: 2013
,,ქართული ისტორიული საბუთების კორპუსის’’ II ტომში სრულადაა თავმოყრილი ის ისტორიული საბუთები, რომლებიც დედნებისა თუ პირების სახით, შემორჩენილია XIV საუკუნიდან ვიდრე XV საუკუნის შუა ხანებამდე. ეს საისტორიო მასალა უდიდესი წყაროთმცოდნეობითი ღირებულებისაა, რადგან მათი მნიშვნელოვანი ნაწილი ერთადერთი წყაროა აღნიშნული პერიოდის საქართველოს ისტორიისათვის. გამოცემაში წარმოდგენილი ისტორიულ საბუთთა კრიტიკულად დადგენილი ტექსტები, სამეცნიერო აპარატი და დედნების ფოტოასლები მნიშვნელოვან დახმარებას გაუწევს საქართველოს ისტორიის, ქართული პალეოგრაფიისა და დიპლომატიკის მკვლევართ.
|
 |
ავტორი: შოთა რუსთაველი
სათაური: ვეფხისტყაოსანი (ხელნაწერი მემკვიდრეობა)
გამომცემლობა: ხელნაწერთა ეროვნული ცენტრი
გამოშვების წელი: 2013
წინამდებარე ალბომი-კატალოგი არის პირველი ერთიანი, სათანადოდ ილუსტრირებული გამოცემა, რომელშიც შედის ,,ვეფხისტყაოსნის’’ ჩვენამდე მოღწეული ხელნაწერების შევსებული და რედაქტირებული სრული კატალოგი, რომელსაც თან ერთვის ტექსტის ილუსტრაცია ყველა ხელნაწერიდან, პოემის დღეისათვის შემორჩენილი ყველა მინიატურა, სანიმუშო გვერდები დეკორატიულად გაფორმებული ხელნაწერებიდან, ყდის ნიმუშები და ზოგადი ინფორმაცია ,,ვეფხისტყაოსნის’’ ხელნაწერი მემკვიდრეობის შესახებ. გამოცემა აერთიანებს როგორც ხელნაწერთა ეროვნულ ცენტრში დაცულ ნუსხებს, ასევე სრულად მოიცავს მის ფარგლებს გარეთ - საქართველოსა თუ უცხოეთში არსებულ ხელნაწერებს. წიგნში დანართის სახით მოცემულია ინფორმაცია პოემის 1712 წლის გამოცემის შესახებაც.
|
 |
ავტორი: მაია მიქაბერიძე
სათაური: საქართველოს პარლამენტის ეროვნული ბიბლიოთეკის გამოცემები: 1891-2012 (ბიბლიოგრაფია)
გამომცემლობა: საქართველოს პარლამენტის ეროვნული ბიბლიოთეკა
გამოშვების წელი: 2013
საქართველოს პარლამენტის ეროვნული ბიბლიოთეკის გამოცემები მისი ისტორიისა და განვითარების სხვადასხვა ეტაპის ერთგვარი სახეა. თავისი არსებობის თითქმის ორსაუკუნოვანი ისტორიის განმავლობაში ეროვნულმა ბიბლიოთეკამ გამოსცა 800ზე მეტი დასახელების წიგნი, ბროშურა, ჟურნალი და გაზეთი. მათი დიდი ნაწილი საცნობო ბიბლიოგრაფიული ხასიათის ნაშრომებია. წინამდებარე ბიბლიოგრაფია საქართველოს პარლამენტის ეროვნული ბიბლიოთეკის გამოცემების ერთად თავმოყრის პირველი ცდაა.
|
 |
ავტორი: ელდარ შენგელაია
სათაური: ...მათქმევინეთ ორიოდ სიტყვა!
გამომცემლობა: ,,ფორმა’’
გამოშვების წელი: 2013
კრებულში წარმოდგენილია ცნობილი რეჟისორის მოგონებები საკუთარი ცხოვრებისა და შემოქმედების მნიშვნელოვანი მოვლენების შესახებ. წიგნს ერთვის ელდარ შენგელაიას ფილმოგრაფია.
|
 |
ავტორი: თედო დუნდუა, გიორგი დუნდუა
სათაური: ქართული ნუმიზმატიკის კატალოგი (I ნაწილი)
გამომცემლობა: მერიდიანი
გამოშვების წელი: 2013
2015 წელს დასრულდება შოთა რუსთაველის ეროვნული სამეცნიერო ფონდის მიერ დაფინანსებული პროექტი - ,,ქართული ნუმიზმატიკის ინგლისურ-ქართული ონლაინ კატალოგი’’. წინამდებარე გამოცემა წარმოადგენს კატალოგის პირველი ნაწილის ბეჭდურ ვერსიას.
|
 |
ავტორი: სერგი ჯორბენაძე
სათაური: რეკლამის განთავსება ტელემაუწყებელზე
გამომცემლობა: დავით ბატონიშვილის სამართლის ინსტიტუტი
გამოშვების წელი: 2013
,,რეკლამის განთავსება ტელემაუწყებელზე’’ დავით ბატონიშვილის სამართლის ინსტიტუტის გამოცემაა, რომელიც მნიშვნელოვან და აქტუალურ საკითხებს ეხება. ნაშრომი განკუთვნილია იურისტების, ჟურნალისტების, ფინანსისტების, მედიასამართლისა და რეკლამის კვლევით დაინტერესებულ პირთა ფართო წრისათვის.
|
 |
ავტორი:
სათაური: სიძულვილის ენისა და დისკრიმინაციული გამოხატვის მონიტორინგი ქართულ მედიაში
გამომცემლობა: მედიის განვითარების ფონდი
გამოშვების წელი: 2013
საქართველოს გაეროს ასოციაციისა და ფონდ ,,ღია საზოგადოება საქართველოს’’ მიერ, აშშ-ს საერთაშორისო განვითარების სააგენტოს მხარდაჭერით განხორციელებული პროექტის ,,ეროვნული ინტეგრაციის გაძლიერება საქართველოში’’ ფარგლებში, მედიის განვითარების ფონდი-MDF ქართულ მედიაში სიძულვილის ენისა და დისკრიმინაციული გამოხატვის მონიტორინგს ახორციელებს. პროექტის მიზანია ქართულენოვან მედია საშუალებებში უმცირესობების თემატიკის კვალიფიციური გაშუქების ხელშეწყობა. მონიტორინგი 15 აპრილიდან 15 აგვისტოს ჩათვლით განხორციელდა.
|
 |
ავტორი: ლია კარიჭაშვილი
სათაური: მსახურება ღვთისა და ერისა (დავით კარიჭაშვილის ღვაწლი)
გამომცემლობა: ჩვენი მწერლობა
გამოშვების წელი: 2013
ნაშრომი ეხება ცნობილი ქართველი მეცნიერისა და საზოგადო მოღვაწის, დავით კარიჭაშვილის მოღვაწეობას. წიგნში განხილულია მეცნიერის ბიოგრაფიის, ასევე მისი ლიტერატურული, ისტორიული, ენათმეცნიერული, ჟურნალისტური და საგამომცემლო მოღვაწეობის საკითხები. წინამდებარე ნაშრომი დავით კარიჭაშვილის მეცნიერული მოღვაწეობის წარმოჩენა-შეფასების ცდაა.
|
 |
ავტორი:
სათაური: სასკოლო განათლება (არსებული ვითარების აღწერა და ანალიზი)
გამომცემლობა: ფონდი ,,ღია საზოგადოება - საქართველო’’
გამოშვების წელი: 2013
საქართველოს განათლების სისტემაში დიდი ხანია მიმდინარეობს ფართომასშტაბიანი საგანმანათლებლო რეფორმა, რომელიც შეეხო საშუალო განათლების ფაქტობრივად ყველა სფეროს. საგანმანათლებლო პოლიტიკისა და კვლევების ასოციაციის მიერ მომზადებული წინამდებარე ანგარიში არის საშუალო განათლების სისტემაში არსებული ვითარების სისტემური ანალიზის მცდელობა, რომელიც ეყრდნობა საქართველოში ჩატარებული საერთაშორისო საგანმანათლებლო კვლევის შედეგებს.
|
 |
ავტორი: Richard L. Curwin, Allen N. Mendler, Brian D. Mendler
სათაური: Discipline With Dignity (New Challenges, New Solutions)
გამომცემლობა: ASCD
გამოშვების წელი: 2008
წიგნში საუბარია იმ მეთოდებსა და სტრატეგიებზე, რომლის დახმარებითაც შესაძლებელია სანიმუშო დისციპლინის დამყარება საგანმანათლებლო დაწესებულებებში. ავტორთა აზრით, უნდა დადგინდეს მოსწავლეთა და პედაგოგთა დისციპლინური ნორმები. სასკოლო დისციპლინა უნდა იყოს დაცული იმ მეთოდების მეშვეობით, რომლებიც ეფუძნება მოსწავლის და მასწავლებლის თავისუფლებისა და ღირსების პატივისცემას. თითოეულ სტუდენტსა თუ მოსწავლეს უნდა ჰქონდეს მაღალი პასუხისმგებლობის გრძნობა საკუთარი ქმედებებისადმი.
|
 |
ავტორი: Connie M. Moss, Susan M. Brookhart
სათაური: Learning Targets (Helping Students Aim For Understanding In Today’s Lesson)
გამომცემლობა: ASCD
გამოშვების წელი: 2012
წიგნის მიზანია სტუდენტებსა და მოსწავლეებს გაუადვილოს ინდივიდუალური გაკვეთილების უკეთესად გაგების უნარი. თითოეული გაკვეთილის ,,სამიზნე’’ შეუერთდება მომდევნო გაკვეთილის ,,სამიზნეს’’, რაც საშუალებას იძლევა სტუდენტები დაეუფლონ საგანს თანმიმდევრულად. საბოლოოდ კი თითოეული გაკვეთილი უფრო ნათელი და ადვილად აღსაქმელი ხდება ე.წ თანმიმდევრობის პრინციპის დამკვიდრებით სწავლებაში.
|
 |
ავტორი: Milbrey W. Mclaughlin, Joan E. Talbert
სათაური: Building School-Based Teacher Learning Communities (Professional Strategies To Improve Student Achievement)
გამომცემლობა: Teachers College Press
გამოშვების წელი: 2006
წიგნში საუბარია პედაგოგთა პროფესიულ სტრატეგიებზე, რომლებიც უნდა გამოიყენონ მოსწავლეებთან ურთიერთობისას, რათა სწავლების პერიოდი უფრო მოქნილი და წარმატებული იყოს. წიგნში ხაზგასმულია სწავლებაში ერთობლივი პროფესიული ეთიკის დანერგვის აუცილებლობა. გამუდმებული მონიტორინგი აუცილებელია იმისათვის, რომ უკეთესად წარიმართოს სასწავლო პროცესები, რესურსები და სისტემის სტრატეგია.
|
 |
ავტორი: Hugh B. Price
სათაური: Mobilizing The Community To Help Students Succeed
გამომცემლობა: ASCD
გამოშვების წელი: 2008
წიგნი ეხება გუნდური მუშაობის პრინციპებს სტუდენტებში: თუ როგორ ხდება ერთობლივი ძალისხმევით წარმატების მიღწევა და დასახული მიზნის განხორციელება. ავტორის აზრით, ყველაზე მნიშვნელოვანი პრინციპია, გუნდში შემავალი თითოეული სტუდენტი ენთუზიაზმით იყოს განწყობილი თავისი საქმის მიმართ, იყოს შრომისმოყვარე და ჰქონდეს პასუხისმგებლობის მაღალი გრძნობა. წიგნის ავტორთა აზრით, საქმეთა გადანაწილებით და მოვალეობის პირნათლად შესრულებით უფრო სწრაფად და შედეგიანად მიიღწევა მიზანი. ერთობლივი ძალისხმევა არის პირველი წინ გადადგმული ნაბიჯი წარმატებისაკენ.
|
 |
ავტორი: H. Douglas Brown
სათაური: Teaching By Principles: An Interactive Approach To Language Pedagogy
გამომცემლობა: Longman
გამოშვების წელი: 2001
წიგნში წარმოდგენილია ენის ინტერაქტიული სწავლების თანამედროვე პრინციპები ნაშრომი მიზანია ახალი მეთოდების დანერგვა პედაგოგთა პრაქტიკაში, რაც სწავლის პროცესს უფრო საინტერესოსა და მრავალფეროვანს გახდის. შესაბამისად გაიზრდება მოსწავლეთა ინტერესი კონკრეტული ენის შესწავლისადმი. წიგნი ეხება ისეთ საკითხებს, როგორებიცაა: სწავლების პროცესში განსახორციელებელი ეტაპების დროში განაწილება, მასწავლებლისა და მოსწავლის ურთიერთდამოკიდებულება, სწავლების მოსალოდნელი შედეგების განსაზღვრა, სასწავლო-კვლევით საქმიანობა და ა.შ.
|
 |
ავტორი: ლადო მინაშვილი, იუზა ევგენიძე
სათაური: ქართული ლიტერატურა (ტომი II)
გამომცემლობა: საქართველოს მაცნე
გამოშვების წელი: 2013
ქართული ლიტერატურის ისტორიის მეორე ტომში გაშუქებულია XIX საუკუნის ქართული მწერლობა (ალექსანდრე ჭავჭავაძე, გრიგოლ ორბელიანი, ნიკოლოზ ბარათაშვილი, ილია ჭავჭავაძე, აკაკი წერეთელი, ვაჟა ფშაველა, ალექსანდრე ყაზბეგი, იაკობ გოგებაშვილი, და სხვ.), განხილულია მწერლების ბიოგრაფიისა და შემოქმედების საკითხები. მეცხრამეტე საუკუნის ქართულ ლიტერატურას - ,,ახალ ქართულ ლიტერატურას’’ უწოდებენ. ,,ახალია’’ ამ პერიოდის ლიტერატურა არა მხოლოდ იმიტომ, რომ დროითი მაძილითაა ახლოს დღევანდელობასთან, არამედ მას მოეპოვება ისეთი კულტურულ-ისტორიული და ფსიქოლოგიური ასპექტები, რომლითაც მომავლის წინაშე ნათელყოფს თავის ,,სიახლეს’’ როგორც ასეთს.
|
 |
ავტორი:
სათაური: შრომათა კრებული №5(84)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
კრებულში შესულია საერთაშორისო კონფერენციის მასალები, რომლებიც ეხება გეოგრაფიის ინსტიტუტის შესწავლისა და ძიების მთავარ პრობლემებს: მხარეების ფიზიკურ გეოგრაფიას, ეკონომიკურ და სოციალურ გეოგრაფიას, ბუნებრივი რესურსების რაციონალური გამოყენებას და სხვ. შრომათა კრებული ეძღვნება ვახუშტი ბაგრატიონის გეოგრაფიის ინსტიტუტის დაარსების 80 წლისთავს.
|
 |
ავტორი:
სათაური: კავკასიოლოგიური ძიებანი №3
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2011
სამეცნიერო ჟურნალი "კავკასიოლოგიური ძიებანი" კავკასიური იდეის კონცეპტუალურ საფუძვლებს ემყარება. კავკასიის რეგიონალიზაციის პრინციპებს აყალიბებს საერთო გეოგრაფიულ სივრცეში თანაცხოვრების ტრადიციული და თანამედროვე კულტურა, კავკასიელი ხალხების ლინგვისტური, ეთნოგენეტიკური, კულტურული ნათესაობა და საერთო ისტორიული წარსული. მოპოვებული მიღწევებისა და თანამედროვე კვლევების კვალდაკვალ ჟურნალი აერთიანებს კავკასიოლოგიის პრობლემათა შემსწავლელ ჰუმანიტარულ მეცნიერებათა დარგებს. აღნიშნული ჟურნალის მესამე ნომერში წარმოდგენილია ენათმეცნიერების, ისტორიის, არქეოლოგიის, ეთნოლოგიის, ლიტერატურისა და ფოლკლორის სპეციალისტთა ნაშრომები, რომლებშიც ვრცლადაა განხილული კავკასიელ ხალხთა სოციოკულტურული როლი.
|
 |
ავტორი:
სათაური: ფული საქართველოში (Money In Georgia)
გამომცემლობა: საქართველოს ეროვნული ბანკი
გამოშვების წელი: 2000
წიგნი-ალბომი ,,ფული საქართველოში’’ მეტად მნიშვნელოვანი გამოცემაა, როგორც ზოგადსაკაცობრიო-ისტორიული, ისე ესთეტიკური თვალსაზრისით. მასში თავმოყრილი მდიდარი მასალა საშუალებას გვაძლევს გავაცნოთ მსოფლიოს ჩვენი ქვეყნის ისტორიული ფასეულობა, რაც საქართველოს სახელმწიფოებრიობის დასტურიცაა. წიგნში ახლებურადაა დანახული ფულის ისტორიის ეროვნულ-პოლიტიკური და კულტურულ-საგანმანათლებლო მნიშვნელობა. წარმოდგენილია ჩვენი ქვეყნის ფასდაუდებელი საგანძურის ნიმუშები, რომლებიც ჩვენი წინაპრების ძალაუფლებასა და სიმდიდრეს წარმოაჩენს. საინტერესოა თითოეული მონეტისა და ბანკნოტის ისტორიული ღირებულება, მხატვრული დონე და მათი თავმოყრა ალბომში ამგვარი სახით.
|
 |
ავტორი: ბაბუხადია ანზორ
სათაური: მასალები ,,საბრალდებო დასკვნისთვის’’
გამომცემლობა: სამშობლო
გამოშვების წელი: 2013
მკითხველის წინაშე წარმოდგენილია თეზისები, ამონარიდები და რამდენიმე მასალის სრული ვერსიის კრებული. ისინი გარკვეულ წარმოდგენას გვიქმნის ავტორის პოზიციაზე ქვეყნის მრავალ სატკივართან დაკავშირებით, რომლებიც ვრცლად და კონკრეტული წინადადებებით, გაშუქებულია მრავალი წლის განმავლობაში გამოქვეყნებულ რამდენიმე ათეულ პუბლიკაციასა და ოფიციალურ დოკუმენტში. აღნიშნულ წიგნში მითითებულია ასევე მათი გამოქვეყნების თარიღი, რათა მკითხველმა თავად გააკეთოს დასკვნა რა პერიოდში და რა ვითარებაშია ისინი დაფიქსირებული.
|
 |
ავტორი:
სათაური: შემოდგომის ლეგენდა - ახალი სახეები, ახალი სახელები, შენი ხელწერა (საიუბილეო გამოცემა 2009-2013)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
ლიტერატურული კონკურსი ,,შემოდგომის ლეგენდა’’ არის ივანე ჯავახიშვილის სახელობის თბილისის სახელმწიფო უნივერსიტეტისა და კომპანია ,,ჯეოსელის’’ ერთობლივი პროექტი. აღნიშნული კრებული არის საიუბილეო გამოცემა, რომელშიც შესულია 5 წლის განმავლობაში (2009-2013 წლები) კონკურსში გამარჯვებულ ავტორთა ნაშრომები.
|
 |
ავტორი:
სათაური: ნაფიც მსაჯულთა ინსტიტუტი საქართველოში (The Institution Of Trial By Jury In Georgia)
გამომცემლობა: ივერიონი
გამოშვების წელი: 2013
ნაფიც მსაჯულთა ინსტიტუტი საქართველოში 2010 წლის 1 ოქტომბერს ამოქმედდა ახალ სისხლის სამართლის საპროცესო კოდექსთან ერთად. ნაფიცი მსაჯულები თავდაპირველად მხოლოდ თბილისში შეიძლება შეიკრიბონ და ისიც მხოლოდ დამამძიმებელი გარემოებებში ჩადენილი განზრახ მკვლელობის მუხლზე. 2011 წლის ნოემბერში დაიწყო პირველი სასამართლო პროცესი ნაფიც მსაჯულთა მონაწილეობით. მოგვიანებით, ნაფიცი მსაჯულების ინსტიტუტი საქართველოს სხვა რეგიონებზეც გავრცელდება და გაფართოვდება მისი გამოყენების სფეროები. აღნიშნული ნაშრომი ეხება ნაფიც მსაჯულთა ინსტიტუტს საქართველოში. მისი დანერგვის შესწავლასა და ანალიზს.
|
 |
ავტორი: მიქელაძე თამთა
სათაური: სეკულარიზმის კრიზისი და ლოიალობა დომინანტი ჯგუფის მიმართ (სახელმწიფოს როლი 2012-2013 წლებში საქართველოში გამოვლენილი რელიგიური კონფლიქტების მოგვარებაში)
გამომცემლობა: საუნჯე
გამოშვების წელი: 2013
წინამდებარე კვლევა მიზნად ისახავს 2012-2013 წლებში საქართველოს რამდენიმე რეგიონში გამოვლენილი რელიგიური კონფლიქტების შესწავლას, კონფლიქტების დარეგულირების პროცესში სახელმწიფოს მიერ გატარებული პოლიტიკის ანალიზსა და ადგილობრივი და ცენტრალური ხელისუფლებისათვის რეკომენდაციების წარდგენას კონფლიქტის ადგილებში არსებული პრობლემების გადაწყვეტისა და მომავალში მსგავსი კონფლიქტების პრევენციის მიზნით. კვლევა რელიგიურ კონფლიქტებს ერთიან დინამიკაში განიხილავს და მიმოიხილავს იმ სოციალურ და პოლიტიკურ კონტექსტებს, რომელიც გავლენას ახდენდა კონფლიქტებზე.
|
 |
ავტორი:
სათაური: საქართველოს კონსტიტუციის კომენტარი (თავი მეორე: საქართველოს მოქალაქეობა. ადამიანის ძირითადი უფლებანი და თავისუფლებანი.)
გამომცემლობა: კონსტიტუციონალიზმის კვლევისა და ხელშეწყობის რეგიონალური ცენტრი
გამოშვების წელი: 2013
დღესდღეისობით საქართველოში ფართო დისკუსია მიმდინარეობს ქვეყნის კონსტიტუციური მოწყობის საკითხებზე, ამდენად გამართლებულია საქართველოს კონსტიტუციის კომენტარების გამოცემა, რადგან ამით ხელი შეეწყობა კონსტიტუციური რეფორმის სწორად წარმართვის პროცესს. წინამდებარე ნაშრომის მიზანია, ხელი შეუწყოს საქართველოს კონსტიტუციის ძირითადი ნორმების სწორ გაგებას, რაც შესაძლებელს გახდის მისი ძირითადი ღირებულებების დამკვიდრებას რეალურ ცხოვრებაში.
|
 |
ავტორი: ბეჟაშვილი ზურაბ
სათაური: ქონებრივი უფლებების კოლექტიურ საფუძველზე მმართველი ორგანიზაციების როლი საავტორო უფლებათა დაცვის სფეროში
გამომცემლობა:
გამოშვების წელი: 2013
,,ქონებრივი უფლებების კოლექტიურ საფუძველზე მმართველი ორგანიზაციების როლი საავტორო უფლებათა დაცვის სფეროში’’ ინტელექტუალური საკუთრების სამართლის სფეროში შესრულებული სამეცნიერო ნაშრომია, რომელიც საავტორო სამართლის ერთ-ერთ ყველაზე საინტერესო და აქტუალურ საკითხს ეხება. საავტორო და მომიჯნავე უფლებების დაცვა სულ უფრო აქტუალური ხდება საქართველოში, რაც ნაშრომს კიდევ უფრო საინტერესოდ აქცევს როგორც იურისტებისთვის, ისე ნებისმიერი დაინტერესებული პირისათვის.
|
 |
ავტორი:
სათაური: შრომის სამართალი (სტატიათა კრებული) II
გამომცემლობა: მერიდიანი
გამოშვების წელი: 2013
მკითხველის წინაშეა ახალგაზრდა მკვლევართა სტატიების კრებული, რომელიც შრომის სამართლის პრობლემებს ეძღვნება. მკვლევართა დაინტერესების ერთ-ერთ მთავარ თემას წარმოადგენს შრომის ხელშეკრულების ადგილი კერძო სამართლის ღირებულებით სივრცეში, კერძოდ, დამსაქმებლისა და დასაქმებულის უფლებრივი ურთიერთდამოკიდებულება. ახალგაზრდა მკვლევრებს მრავალი სხვა შრომით-სამართლებრივი პრობლემა აქვთ განხილული და საინტერესო წინადადებებიც აქვთ შემუშავებული მოქმედი კანონმდებლობის დასახვეწად. რაც ყველაზე საინტერესოა, ისინი მარჯვედ იყენებენ შედარებით-სამართლებრივ მეთოდს და კარგად ხედავენ ქართული სამართლის ევროპულთან ჰარმონიზაციის გზებს.
|
 |
ავტორი: გურული ვახტანგ, ჯიქია ლევან
სათაური: ტაო-კლარჯეთის, ლაზეთისა და აჭარის საკითხი 1812-1953 წლების საერთაშორისო ურთიერთობებში
გამომცემლობა: მერიდიანი
გამოშვების წელი: 2013
წიგნში აღწერილია მრავალწლიანი (1812-1953წწ.) ბრძოლა აჭარის, ტაო-კლარჯეთისა და ლაზეთისათვის. საკითხი გაშუქებულია როგორც რუსეთ-ოსმალეთის (საბჭოთა კავშირ-თურქეთის) ურთიერთობის, ისე საერთაშორისო ურთიერთობათა კონტექსტში. გამოკვლევას თან ერთვის დოკუმენტები და მასალები. დოკუმენტები ქვეყნდება დედნის ენაზე, სტილის შეუცვლელად.
|
 |
ავტორი: გარიშვილი მარინა, ხოფერია მარიამ
სათაური: რომის სამართალი
გამომცემლობა: მერიდიანი
გამოშვების წელი: 2013
წინამდებარე სახელმძღვანელოს მიზანი და დანიშნულებაა იურიდიული ფაკულტეტის სტუდენტებისთვის რომის სახელმწიფოს განვითარების ძირითადი ეტაპებისა და თითოეული ეტაპისათვის დამახასიათებელი სახელმწიფო მექანიზმის თავისებურებანის შესწავლა; აგრეთვე, რომის საჯარო და კერძო სამართლის ძირითადი ინსტიტუტების ჩამოყალიბებისა და ევოლუციის პროცესის გაცნობა, იმის დადგენა, თუ რამ განაპირობა რომის სამართლის რეცეფცია, ძირითადი დებულებების დამკვიდრება და საზოგადოებრივი ურთიერთობების მოწესრიგება დასავლეთ ევროპის ქვეყნებში.
|
 |
ავტორი: სვანიძე მიხეილ
სათაური: თურქეთის ისტორია
გამომცემლობა: არტანუჯი
გამოშვების წელი: 2007
ნაშრომში განხილულია თურქეთის ისტორია სახელმწიფოს დაარსებიდან XXI საუკუნის დამდეგამდე. წიგნი განკუთვნილია სტუდენტებისათვის, აღმოსავლეთმცოდნე ისტორიკოსებისა და საქართველოს ისტორიის სპეციალისტებისათვის, ასევე მკითხველთა ფართო წრისათვის. წარმოდგენილი ნაშრომი გამოიცა სამ ტომად და საქართველოს ეროვნულ მეცნიერებათა აკადემიის პრეზიდიუმის დადგენილებით ავტორს მიენიჭა აკადემიკოს გ. წერეთლის სახელობის პრემია.
|
 |
ავტორი:
სათაური: საქართველოს გამოჩენილი და საქმიანი ადამიანები
გამომცემლობა:
გამოშვების წელი: 2013
წიგნში წარმოდგენილია ცნობები კულტურისა და ბიზნესის სფეროში მოღვაწე ადამიანების შესახებ. აღწერილია ჩვენი ქვეყნის განუმეორებელი ბუნება, მართლმადიდებელი საქართველოს ძველი თუ ახალი კულტურის ძეგლები - ქართული ხუროთმოძღვრების ბრწყინვალე ნიმუშები. წიგნი ფართო საზოგადოებისა და ტურისტებისთვის არის განკუთვნილი და ჩვენი ქვეყნის ბუნებრივ თუ კულტურულ სიმდიდრეზე მათი ცოდნის არეალის გაფართოებას ემსახურება.
|
 |
ავტორი:
სათაური: გეოფიზიკის ინსტიტუტი - 80
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
თბილისის (დუშეთის) გეოფიზიკური ობსერვატორია, რომლის მემკვიდრეა გეოფიზიკის ინსტიტუტი, ერთ-ერთი უძველესია მსოფლიოში. სწორედ აქ, პირველად საქართველოში, ჩატარდა ზუსტი ფიზიკური გაზომვები. ნაშრომში გადმოცემულია საქართველოში გეოფიზიკური მეცნიერების განვითარების მოკლე ისტორია. წიგნი ეძღვნება გეოფიზიკის ინსტიტუტის 80 წლის იუბილეს.
|
 |
ავტორი: ლიტლი დენიელ
სათაური: სოციალური ახსნის მრავალფეროვნება (შესავალი სოციალურ მეცნიერებათა ფილოსოფიაში)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წიგნი მიმდინარე სოციალურ-მეცნიერული კვლევის კონკრეტულ მაგალითებზეა აგებული. მასში განხილულია ანთროპოლოგიიდან, გეოგრაფიიდან, დემოგრაფიიდან, პოლიტიკური მეცნიერებიდან, ეკონომიკიდან და სოციოლოგიიდან აღებული სოციალურ-მეცნიერული ახსნები. სახელმძღვანელო სამი ნაწილისგან შედგება: I ნაწილში სოციალური ახნის ბუნების შესახებ სამი მნიშვნელოვანი იდეაა წარმოდგენილი, II ნაწილი ახსნის ამ ბასიზური მოდელების დამუშავებასა და კომბინაციებს ეძღვნება. III ნაწილში კი საუბარია სოციალური მეცნიერების ფილოსოფიაში არსებულ ზოგიერთ პრობლემაზე.
|
 |
ავტორი: ჯონსი სტივენ
სათაური: საქართველო (პოლიტიკური ისტორია დამოუკიდებლობის გამოცხადების შემდეგ)
გამომცემლობა: სოციალურ მეცნიერებათა ცენტრი
გამოშვების წელი: 2013
წიგნი საქართველოს დამოუკიდებლობის შემდგომი, ბოლო ოცი წლის, პოლიტიკური ისტორიის ძალზედ საინტერესო, სინთეზური ანალიზია, რომელშიც გამოყენებულია ადგილობრივი და საერთაშორისო რესურსები, ასზე მეტი პირადი ინტერვიუ მინისტრებთან, პრეზიდენტებთან, ელჩებთან, ქვეყნის მართვისა და განვითარების პროცესებში მონაწილე წამყვან პოლიტიკურ პირებთან. ნაშრომში სიღრმისეული და მრავალმხრივი შეფასებაა ქვეყანაში მიმდინარე პოლიტიკური და ეკონომიკური პროცესებისა, რაც, თავის მხრივ, მეტად მიმზიდველს ხდის მას, როგორც აკადემიური სფეროს წარმომადგენლებისთვის, ასევე ფართო საზოგადოებისთვისაც.
|
 |
ავტორი:
სათაური: თელავის სამეცნიერო კონფერენცია (მიეძღვნა ნიკო ლორთქიფანიძეს)
გამომცემლობა: მერიდიანი
გამოშვების წელი: 2013
1991 წლის 14 დეკემბერს თელავში გაიმართა იაკობ გოგებაშვილის დაბადებიდან 150 წლისთავისადმი მიძღვნილი სამეცნიერო კონფერენცია, რომლის შემდეგ გადაწყდა, რომ ამ ტიპის კონფერენციები ტრადიციად ქცეულიყო და ,,კლასიკოსთა გაკვეთილები’’ დარქმეოდა. ნიკო ლორთქიფანიძისადმი მიძღვნილი კონფერენცია გაიმართა 2013 წლის 7-8 ივნისს. ამ კონფერენციაზე პირველად გამახვილდა ყურადღება ნიკო ლორთქიფანიძეზე, როგორც პუბლიცისტზე. კრებულში დანართის სახით წარმოდგენილია მისი კლასიკური პუბლიცისტური თხზულებანი. ფორმის ორიგინალურობის გამო კრებულის ამ მონაკვეთს ,,მინიატურული პუბლიცისტიკა’’ ეწოდა.
|
 |
ავტორი: გოგოლაშვილი გიორგი
სათაური: ქართული ხმათა ხავერდების და ღმერთების ენა
გამომცემლობა: მერიდიანი
გამოშვების წელი: 2013
წიგნის ავტორი გიორგი გოგოლაშვილი 300-ზე მეტი სამეცნიერო და კრიტიკულ-პუბლიცისტური ნაშრომის ავტორია. ასევე ილია ჭავჭავაძის ფონდის პრემია ,,საგურამოსა’’ და არნოლდ ჩიქობავას პრემიის ლაურეატი. ნაშრომში ენათმეცნიერების, ისტორიის, არქეოლოგიის და ანთროპოლოგიის მონაცემთა მიხედვით განხილულია ქართული ენის ისტორია, მისი განვითარების თავისებურებები, ქართული ენის ადგილი მსოფლიო ენათა შორის, მისი ფონეტიკური, მორფოლოგიური და სინტაქსური მახასიათებლები.
|
 |
ავტორი:
სათაური: თელავის სამეცნიერო კონფერენცია (მიეძღვნა ოთარ ჩხეიძეს)
გამომცემლობა: ჩვენი მწერლობა
გამოშვების წელი: 2013
1991 წლის 14 დეკემბერს თელავში გაიმართა იაკობ გოგებაშვილის დაბადებიდან 150 წლისთავისადმი მიძღვნილი სამეცნიერო კონფერენცია, რომლის შემდეგ გადაწყდა, რომ ამ ტიპის კონფერენციები ტრადიციად ქცეულიყო და ,,კლასიკოსთა გაკვეთილები’’ დარქმეოდა. ოთარ ჩხეიძისადმი მიძღვნილი კონფერენცია გაიმართა 2012 წლის 8-9 ივნისს. აღნიშნულ წიგნში წარმოდგენილია კონფერენციის მონაწილეთა მოხსენებები ოთარ ჩხეიძის მხატვრული და პუბლიცისტური შემოქმედების შესახებ.
|
 |
ავტორი: Rusthweli Shotha
სათაური: Der Ritter Im Pantherfell
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წიგნი წარმოადგენს ,,ვეფხისტყაოსნის’’ მიხაკო წერეთლისეულ გერმანულ თარგმანს, რომელიც შვეიცარიაში, ერთ-ერთ კერძო კოლექციაში აღმოჩნდა. მიხაკო წერეთელი თავდაუზოგავად სწავლობდა ,,ვეფხისტყაოსანს’’ მთელი ცხოვრების განმავლობაში. მისი ნაშრომები გამოქვეყნებულია გერმანულ, ფრანგულ, ინგლისურ და იტალიურ ენებზე. გამოცემას დართული აქვს მიხაკო წერეთლისეული ნაშრომი: ,,მცირე რამ ვეფხის-ტყაოსნის შესახებ.’’
|
 |
ავტორი: წურწუმია ალექსანდრე
სათაური: საქართველო და XXI საუკუნის გლობალური გამოწვევები
გამომცემლობა: უნივერსალი
გამოშვების წელი: 2013
კრებულში განხილულია მსოფლიო პოლიტიკის აქტუალური საკითხები და პროცესები, მათი როლი და გავლენა საქართველოზე, მისი პოლიტიკის ფორმირებაზე. ასევე განხილულია საქართველოს როლი და ადგილი სხვადასხვა გეოპოლიტიკურ და საგარეო პოლიტიკურ კონცეფციებსა და ხედვაში. კრებულში წარმოდგენილ სამეცნიერო სტატიათა უმეტესობა ეხება გეოპოლიტიკისა და სტრატეგიის საკითხებს. საქართველოს გარდა განხილულია პოსტსაბჭოთა სივრცე, საქართველოს მოსაზღვრე ახლო და შორეულ რეგიონებში მიმდინარე პროცესები.
|
 |
ავტორი: წურწუმია ალექსანდრე
სათაური: გეოპოლიტიკური ცვლილებები დროსა და სივრცეში
გამომცემლობა: უნივერსალი
გამოშვების წელი: 2009
ნაშრომში მონოგრაფიულადაა შესწავლილი ევრაზიულ სივრცეში მიმდინარე პოლიტიკური პროცესები. ისტორიული პროცესები და გეოპოლიტიკური ცვლილებები განხილულია კლასიკურ გეოპოლიტიკურ თეორიათა ჭრილში. ნაშრომში ასევე განხილულია ის ძირითადი ტერიტორიული ცვლილებები, რომლებიც მიმდინარეობდა მსოფლიოს სხვადასხვა კუთხეში, გეოპოლიტიკის კლასიკური პერიოდის თეორიების ფორმირების დროს.
|
 |
ავტორი: კოშორიძე ნანა
სათაური: ბიოქიმია
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
წიგნში განხილულია კლასიკური ბიოქიმიის ძირითადი და ფუნდამენტური საკითხები, მოტანილია მონაცემები ცოცხალი უჯრედისათვის აუცილებელი ბიომოლეკულების სტრუქტურისა და თვისებების შესახებ. ასევე ნაჩვენებია მათი გარდაქმნის ყველა ის ძირითადი გზა, რომელსაც ეს მოლეკულები გადის უჯრედში. სახელმძღვანელოში წარმოდგენილია ყველა ის საკითხი, რომელიც თანამედროვე ბიოქიმიური მეცნიერების საფუძველს წარმოადგენს. წიგნში ასევე განხილულია ჰორმონების ცენტრალური როლი ნივთიერებათა ცვლის რეგულაციასა და უჯრედშორის ურთიერთობებში.
|
 |
ავტორი: ჩაგუნავა რაულ, მარქარაშვილი ელიზა
სათაური: ვახტანგ VI: წიგნი ზეთების შეზავებისა და ქიმიისა ქმნის
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
აღნიშნული წიგნი წარმოადგენს გამოჩენილი ქართველი სახელმწიფო მოღვაწისა და მეცნიერის ვახტანგ VI-ის თხზულების ,,წიგნი ზეთების შეზავებისა და ქიმიისა ქმნის’’ პუბლიკაციას. კვლევის ქიმიურ-ისტორიული მეთოდების გამოყენებით დადგენილია თხზულების ტექსტი და სათანადო კომენტარებით განმარტებულია მისი სპეციფიკური შინაარსი. ნაჩვენებია, რომ თხზულებაში, რომელიც ორ ათეულზე მეტი წლის განმავლობაში იწერებოდა, ვახტანგმა თავი მოუყარა სხვადასხვა ქვეყნების პრაქტიკაში გავრცელებულ ქიმიურ წესებსა და მეთოდებს, კერძოდ, ქართული ხელოსნური ქიმიის საკითხებთან ერთად შესულია სპარსულ-არაბული პრაქტიკული ალქიმიის, იტალიური სამონასტრო ქიმიის და რუსულ-ევროპული ტექნოქიმიის მასალები. დადგენილია აგრეთვე, რომ ამ მასალების დიდი ნაწილი ვახტანგს აპრობირებული ჰქონდა თავის ქიმიურ ლაბორატორიაში, რომელიც ფუნქციონირებდა ჯერ სპარსეთში, შემდეგ საქართველოში და ბოლოს რუსეთში.
|
 |
ავტორი: ორბელიანი გრიგოლ
სათაური: XIX-XX საუკუნეების ქართველ მწერალთა ეპისტოლური მემკვიდრეობა, ტომი IV ( ნაწილი III)
გამომცემლობა: უნივერსალი
გამოშვების წელი: 2013
XIX-XX საუკუნეების ქართველ მწერალთა ეპისტოლური მემკვიდრეობის IV ტომში დაბეჭდილია გრიგოლ ორბელიანის 1851-1852 წლების წერილები, რომელთა რაოდენობა 77-ს შეადგენს. მათგან 34 ბარათი რუსულია, რომლებიც პირველად ქვეყნდება. ასევე პირველად იბეჭდება 3 ქართული წერილი, რომლებიც დაუთარიღებელი იყო და დათარიღების შემდეგ 1851-1852 წლების წერილების ქრონოლოგიურ რიგში მოთავსდა. ესენია: სვიმონ შალიკაშვილისადმი №13, ქეთევან ორბელიანისადმი №46 და კონსტანტინე თარხნიშვილისადმი №2.
|
 |
ავტორი: White Lauren., Van Der Wagen Lynn
სათაური: Events Management (For Tourism, Cultural, Business And Sporting Events)
გამომცემლობა: Pearson
გამოშვების წელი: 2010
წიგნის მიზანია სტუდენტებსა და ღონისძიებების მენეჯმენტით დაინტერესებულ ადამიანებს განუვითაროს ღრმა და სისტემური ცოდნა ამ საკითხის შესახებ, შეასწავლოს მათ ღონისძიებათა მართვის უმთავრესი პრინციპები, გააცნოს მენეჯერის თვისებები, მაგალითებზე დაყრდნობით შეასწავლოს სტუდენტებს პროექტის დაგეგმვის, განხორციელებისა და დასრულების ფაზებზე მუშაობა. წიგნი განკუთვნილია ყველა იმ ადამიანისთვის, რომელსაც სურს დამოუკიდებლად შეძლოს სხვადასხვა ტიპის ღონისძიებების (ტურისტული, კულტურული, სპორტული) ორგანიზება.
|
 |
ავტორი: მენქიუ გრეგორი
სათაური: ეკონომიკის პრინციპები
გამომცემლობა: დიოგენე
გამოშვების წელი: 2008
წიგნში საუბარია ეკონომიკურ პრინციპებსა და მათ პრაქტიკულ გამოყენებაზე. თითქმის ყველა თავში მოცემულია ეკონომიკის პრინციპების გამოყენების რეალური მაგალითები. ამასთან ერთად რუბრიკაში ,,ახალი ამბებიდან’’ წარმოდგენილია ნაწყვეტები საგაზეთო სტატიებიდან, სადაც ნაჩვენებია, თუ როგორ ხსნის ეკონომიკური იდეები საზოგადოებაში წარმოშობილ პრობლემებს.
|
 |
ავტორი: აბესაძე რამაზ
სათაური: ეკონომიკური განვითარება
გამომცემლობა: მერიდიანი
გამოშვების წელი: 2006
წიგნში განხილულია ეკონომიკური განვითარების თეორიული და გამოყენებითი საკითხები. ყურადღება გამახვილებულია ეკონომიკური განვითარების ფაქტორებზე და მისი გამოვლინების ტენდენციებზე განვითარებულ, განვითარებად და პოსტკომუნისტური ტრანსფორმაციის ქვეყნებში. წიგნი წარმოადგენს დამხმარე სახელმძღვანელოს ეკონომიკური პროფილის უმაღლესი სასწავლებლებისა და ფაკულტეტებისათვის შესაბამისი კურსის შესასწავლად.
|
 |
ავტორი:
სათაური: ჩინეთი ქართველების თვალით
გამომცემლობა: მერიდიანი
გამოშვების წელი: 2013
,,ჩინეთი ქართველების თვალით’’ - ესაა საინტერესო კრებული, რომელშიც შესულია ცნობილი მეცნიერების, შემოქმედებითი სფეროს მოღვაწეების, ბიზნესმენების, სპორტსმენების, ჟურნალისტების შთაბეჭდილებები ჩინეთში მოგზაურობის შესახებ. ყველა მათგანი სხვადასხვა დროს ეწვია ჩინეთს და გაეცნო მის ისტორიას, კულტურასა და ტრადიციებს. შესაბამისად კრებული გამოირჩევა მრავალფეროვნებით, საინტერესო მასალებითა და ილუსტრაციებით.
|
 |
ავტორი: პაპავა ვლადიმერ
სათაური: პოსტკომუნისტური საქართველოს ეკონომიკური განვითარების ვექტორის შესახებ
გამომცემლობა: „საქართველოს სტრატეგიისა და საერთაშორისო ურთიერთობათა კვლევის ფონდი“
გამოშვების წელი: 2013
მონოგრაფია ეხება პოსტკომუნისტური საქართველოს ეკონომიკურ ყოფას, მისი განვითარების ეტაპებსა და პრობლემებს. წიგნი დაყოფილია შემდეგ თავებად: ეკონომიკური განვითარების ევროპული გზა, ეკონომიკური განვითარების რუსეთისკენ მიმავალი გზა, ეკონომიკური განვითარების აღმოსავლური გზა და ა.შ თითოეულ ნაწილში ვრცლადაა საუბარი აღნიშნული საკითხებზე.
|
 |
ავტორი: ანანიაშვილი იური., პაპავა ვლადიმერ
სათაური: გადასახადები, მოთხოვნა და მიწოდება (ლაფერ-კეინზიანური სინთეზი)
გამომცემლობა: სიახლე
გამოშვების წელი: 2009
მონოგრაფიაში შემოთავაზებულია ლაფერ-კეინზიანური სინთეზის იდეა და მისი შესაბამისი მაკროეკონომიკური წონასწორობის მოდელი, რომელშიც ერთობლივი მოთხოვნის ფუნქცია კეინზიანურ პრინციპებს, ერთობლივი მიწოდების ფუნქცია კი ლაფერის პოსტულატებს ეფუძნება. აღნიშნული მოდელის ანალიზის საფუძველზე ნაჩვენებია, რომ მხოლოდ ოპტიმალური საშუალო საგადასახადო განაკვეთის შემოღებას, თავისთავად არ შეუძლია სრული დასაქმების შესაბამის წონასწორობაში გადასვლის ინიცირება ან ბიუჯეტში მაქსიმალური საგადასახო შემოსავლების მობილიზება. ლაფერ-კეინზიანური სინთეზის პირობებში ეკონომიკური აქტიურობის ამაღლებაში და სრული დასაქმების მიღწევაში მნიშვნელოვან როლს, დაბეგვრის რეჟიმთან ერთად, ერთობლივი მოთხოვნა ასრულებს.
|
 |
ავტორი: Vladimer Papava
სათაური: International Monetary Fund And Post-Communist Georgia
გამომცემლობა:
გამოშვების წელი: 2002
წიგნში საუბარია საერთაშორისო სავალუტო ფონდისა და პოსტ-კომუნისტური საქართველოს ეკონომიკურ განვითარებაზე; ასევე საერთაშორისო სავალუტო ფონდის ცვლილებებზე იმ შედეგებზე, რაც ამ ცვლილებებს მოჰყვა საქართველოში. ესაა წიგნის შევსებული და გადამუშავებული გამოცემაა.
|
 |
ავტორი: Папава В. Г., Месхия Я. Е.
სათაური: Проблемы Иновационно – Инвестиционной Политики В Грузии
გამომცემლობა:
გამოშვების წელი: 2003
ნაშრომი ეხება საინვესტიციო პოლიტიკას საქართველოში. იგი შედგება ორი ნაწილისგან: მიკროეკონომიკის ფენომენი პოსტსოციალისტურ საზოგადოებაში და ინოვაციურ-ინვესტიციური პოლიტიკის პრობლემა საქართველოს ეკონომიკის ზრდაში. ნაშრომში წარმოდგენილია ამ ორი საკითხის ანალიზი.
|
 |
ავტორი: პაპავა ვლადიმერ
სათაური: ოთხი წელი ,,ვარდისფერ’’ პარლამენტში
გამომცემლობა: სიახლე
გამოშვების წელი: 2009
კრებულში შესულია ლადო პაპავას მიერ, ძირითადად მისი პარლამენტარობის დროს, ანუ 2004-2008 წლებში, გამოქვეყნებული წერილებისა და ინტერვიუების ნაწილი, რომლებიც ასახავს ამ პერიოდის ავტორისეული ხედვის დინამიკას. წიგნი განკუთვნილია მკითხველთა ფართო წრისათვის.
|
 |
ავტორი: ისმაილოვი ელდარ
სათაური: ცენტრალური ევრაზიის ქვეყნების ვალუტები
გამომცემლობა: ინტელექტი
გამოშვების წელი: 2012
მონოგრაფიაში ასახულია ცენტრალური ევრაზიის ქვეყნების ფულად-საკრედიტო სისტემების ჩამოყალიბების პროცესებისა და თანამედროვე პირობებში მსოფლიო საფინანსო-სავალუტო სისტემაში მათი ინტეგრაციის კვლევის შედეგები. გაანალიზებულია მზარდი გლობალიზაციური გამოწვევებისა და წამოყენებული რეგიონალური ინიციატივების პირობებში ეროვნული ვალუტების განვითარების ეტაპები. განსაკუთრებული ყურადღება ეთმობა წამყვანი საერთაშორისო ვალუტების გავლენას ცენტრალური ევრაზიის სახელმწიფოების ეროვნული ვალუტების ჩამოყალიბებაზე.
წიგნი განკუთვნილია ეროვნული საბანკო სისტემებისა და ფინანსური გლობალიზაციის პირობებში ეროვნული ვალუტების ჩამოყალიბების და განვითარების პრობლემებით დაინტერესებული მკითხველისთვის.
|
 |
ავტორი: ხეცურიანი რამაზ
სათაური: ადამიანის ნორმალური ანატომია
გამომცემლობა: ,,ფავორიტი პრინტი’’
გამოშვების წელი: 2011
წიგნი შედგენილია ევროპულ სტანდარტებთან ადაპტირებული სასწავლო პროგრამის სრული დაცვით. მასში წარმოდგენილია ორგანოსა თუ სისტემის სტრუქტურული თავისებურების კავშირი ფუნქციასთნ. ასევე ხაზგასმულია ორგანოთა ფუნქციონირების ასაკობრივი თავისებურებები. სახელმძღვანელო მომზადებულია ნორმალური ანატომიის კათედრის თანამშრომელთა გამოცდილებაზე და ტრადიციებზე დაყრდნობით.
|
 |
ავტორი: შათირი მერაბ
სათაური: ორი რომანი (ევა და ეშმაკის მომრჯულებელი, მარი დოსტი)
გამომცემლობა: საუნჯე
გამოშვების წელი: 2013
წიგნში შესულია მერაბ შათირის ორი რომანი: ,,ევა და ეშმაკის მომრჯულებელი’’ და ,,მარი დოსტი’’. ამათგან პირველში სიმბოლურ-ალეგორიულადაა გადმოცემული ადამისა და ევას მარადიული ლტოლვის საიდუმლოებით სავსე დღემდე ამოუხსნელი ისტორია. ,,მარი დოსტი’’ კი ქალის იღბლისა და ბედისწერის საკითხს ეხება.
|
 |
ავტორი:
სათაური: Обшие Знания По Истории Китая
გამომცემლობა: SINOLINGUA
გამოშვების წელი: 2006
წიგნში მოგვითხრობს ჩინეთის ისტორიას უძველესი დროიდან დღემდე. ნაშრომში განხილულია ჩინეთის პოლიტიკურ, კულტურულ, ეკონომიკურ ყოფასთან დაკავშირებული სხვადასხვა ისტორიული მოვლენები; მარტივი და გასაგები ენითაა გადმოცემული ჩინეთის ისტორიული გმირების ცხოვრებისა და მოღვაწეობის შესახებ. წიგნი საინტერესოა ჩინეთის ისტორიითა და კულტურით დაინტერესებული მკითხველისათვის.
|
 |
ავტორი:
სათაური: Healthcare In China
გამომცემლობა: People’s Medical Publishing House
გამოშვების წელი: 2012
ჯანმრთელობა ადამიანის ერთ-ერთი უმთავრესი საზრუნავია. ჩინეთი მსოფლიოს ყველაზე ხალხმრავალი ქვეყანაა, 1.3 მილიარდზე მეტი მოსახლით. წიგნში აღწერილია, თუ როგორ და რა ხერხებით ზრუნავს ჩინეთის მოსახლეობა საკუთარ ჯანმრთელობაზე. საუბარია ტრადიციულ და არატრადიციულ ჩინურ მედიცინასა და მის დადებით შედეგებზე. ჩინეთის მთავრობა აქტიურადაა ჩართული ამ საკითხში. შექმნილია უამრავი სამედიცინო დაზღვევა, ყოველწლიურად იხსნება უახლესი სამედიცინო დანადგარებით აღჭურვილი ასობით ახალი საავადმყოფო. ჩინეთის მოსახლეობა ცხოვრების დიდ ნაწილს უთმობს ვარჯიშს, სწორ კვებას, იოგას.
|
 |
ავტორი: Jun Tang., Yi Zhang., Chunguang Wang., Ling Feng
სათაური: China’s Social Development
გამომცემლობა: China Intercontinental Press
გამოშვების წელი: 2010
ცნობილია, რომ ჩინეთი მსოფლიოს ყველაზე ხალხმრავალი ქვეყანაა. წიგნში საუბარია ჩინეთის სოციალურ განვითარებაზე. აღწერილია მოსახლეობის ყოველდღიურობა, მათი ცხოვრების სტილი, საარსებო წყაროები, პრობლემები და ა. შ. ამ ძირითადი აქცენტების გათვალისწინებით შექმნილია ზოგადი სურათი ჩინეთის დემოგრაფიულ პრობლემებისა და საუბარია მისი გადაჭრის გზებზე, ასევე იმ რეფორმებზე,რომელსაც ჩინეთის მთავრობა ატარებს ამ საკითხის მოსაგვარებლად.
|
 |
ავტორი: Ping Zheng
სათაური: Chinas’ Geography
გამომცემლობა: China Intercontinental Press
გამოშვების წელი: 2010
წიგნში საუბარია ჩინეთის გეოგრაფიაზე. მკითხველს საშუალება აქვს გაეცნოს ჩინეთის გეოგრაფიულ სექციებს, მათ მახასიათებლებს: კლიმატს, რელიეფურ სისტემას, ბუნებრივ რესურსებს და სხვ. ეს წიგნი მნიშვნელოვან ცნობებს აწვდის სინოლოგიით დაინტერესებულ პირებს ჩინეთის, როგორც ,,შორეული აღმოსავლეთის’’ერთ-ერთი გამორჩეული ქვეყნის ადგილმდებარეობასა და მის ბუნებრივ მახასიათებლებზე.
|
 |
ავტორი: Zhongqing Yin
სათაური: China’s Political System
გამომცემლობა: China Intercontinental Press
გამოშვების წელი: 2010
წიგნში საუბარია თანამედროვე ჩინეთის პოლიტიკურ სისტემაზე და მის შემადგენელ სახელმწიფო სტრუქტურებზე: საარჩევნო, საპრეზიდენტო, ადმინისტრაციულ, იურიდიულ, სამხედრო სფეროებზე და ა.შ. წიგნი საინტერესოა არამხოლოდ პოლიტოლოგებისთვის, არამედ სინოლოგიით დაინტერესებული ნებისმიერი მკითხველისათვის.
|
 |
ავტორი: Jie Jin
სათაური: Chinese Music (Echos In Ancient And Modern Times)
გამომცემლობა: China Intercontinental Press
გამოშვების წელი: 2010
ჩინური მუსიკა გამოირჩევა განსაკუთრებული სტილითა და შესრულების მანერით. წიგნში მოთხრობილია ჩინური მუსიკის განვითარების ისტორია უძველესი დროიდან დღემდე, საუბარია ჩინური მუსიკისათვის დამახასიათებელი გამორჩეული მელოდიისა და ტონალობის თავისებურებებზე, გახმოვანებისა და საშემსრულებლო ტექნიკაზე. წიგნი ასევე საინტერესოა მუსიკალური ინსტრუმენტებით დაინტერესებული პირებისათვის. მკითხველს შეუძლია გაეცნოს ჩინური საკრავების ნაირსახეობას, მათ ისტორიას, დანიშნულებას, ხმარების წესებს და სხვ. აღსანიშნავია, რომ თანამედროვე ჩინეთში ბევრი ინსტრუმენტული ანსამბლი და სიმფონიური ორკესტრი არსებობს.
|
 |
ავტორი: Dan Yao
სათაური: Chinese Literature ( Great Tradition Since The Book Of Songs)
გამომცემლობა: China Intercontinental Press
გამოშვების წელი: 2010
ჩინურ ლიტერატურას მრავალსაუკუნოვანი, გამორჩეული ისტორია აქვს. იგი მსოფლიო კულტურის ერთ-ერთი მნიშვნელოვანი საგანძურია. წიგნში საუბარია ჩინური ლიტერატურის განვითარების ეტაპებზე, ლიტერატურის მდიდარ თემატიკაზე. მკითხველს საშუალება აქვს გაეცნოს ჩინური ლიტერატურის მრავალსაუკუნოვან ტრადიციებს უძველესი დროიდან მეოცე საუკუნემდე; შეისწავლოს ჩინური პოეზიის, დრამის, რომანის, მოთხრობების დამახასიათებელი თავისებურებები და მიიღოს ინფორმაცია თანამედროვე ჩინელი ავტორებისა და მათი შემოქმედებითი მოღვაწეობის შესახებ.
|
 |
ავტორი: Chengbei Xu
სათაური: Peking Opera (The Performance Behind The Painted Faces)
გამომცემლობა: China Intercontinental Press
გამოშვების წელი: 2010
პეკინის ოპერა არის ტრადიციული ჩინური თეატრის ფორმა, რომელშიც გაერთიანებულია მუსიკა, ვოკალური შესრულება, პანტონიმა, ცეკვა და აკრობატიკა. იგი ჩინური კულტურის ერთ-ერთ ღირსშესანიშნაობად ითვლება.წიგნის ავტორი მოგვითხრობს პეკინის ოპერის თავისებურებებზე: პერსონაჟების მრავალფეროვან ჩაცმულობაზე, მუსიკაზე, სცენის დეკორაციებზე და ა.შ. ასევე განიხილავს ოპერის წამოშობისა და განვითარების საკითხებს, უნიკალურ საშემსრულებლო ხელოვნებასა და ტექნიკას.
|
 |
ავტორი: Zhilin Jin
სათაური: Chinese Folk Arts (Multiple Forms And Cultural Implications)
გამომცემლობა: China Intercontinental Press
გამოშვების წელი: 2010
წიგნში საუბარია ჩინურ ფოლკლორულ ხელოვნებაზე, მისი ჩამოყალიბებისა და განვითარების ეტაპებზე სხვადასხვა პერიოდში. ჩინეთი მრავალსაუკუნოვანი ისტორიისა და მდიდარი კულტურის მქონე ქვეყანაა. შესაბამისად ამ ქვეყნის ნაციონალური ფოლკლორიც რამდენიმე ათას წელს ითვლის და მსოფლიო ხელოვნებაში ერთ-ერთი წამყვანი ადგილი უკავია.
|
 |
ავტორი: Mei Hua
სათაური: Chinese Clothing (Garment, Accessory And Culture)
გამომცემლობა: China Intercontinental Press
გამოშვების წელი: 2010
ჩინეთი უძველესი კულტურისა და ცივილიზაციის მქონე ქვეყანაა, სადაც ნაციონალურ სამოსს მრავალსაუკუნოვანი ისტორია აქვს. არქეოლოგიური გათხრები მნიშვნელოვან ინფორმაციას გვაწვდის სამოსის განვითარების ეტაპებზე, მათ სახეცვლილებასა და დამუშავების წესზე. საუკუნეების განმავლობაში ჩინეთი მრავალი ეთნიკური ჯგუფისაგან შედგებოდა და კულტურაც შესაბამისად ვითარდებოდა, მათ შორის იცვლებოდა და იხვეწებოდა ჩაცმულობაც. წიგნში სწორედ ეს პროცესია აღწერილი.
|
 |
ავტორი: Port Andrew I.
სათაური: Conflict And Stability In The German Democratic Republic
გამომცემლობა: Cambridge University Press
გამოშვების წელი: 2009
ნაშრომში აღწერილია გერმანიის დემოკრატიული რესპუბლიკის ისტორია. მდიდარი ფაქტობრივი მასალის საფუძველზე შესწავლილია გდრ-ის საგარეო პოლიტიკური ურთიერთობები, ეკონომიკური, კულტურული ისტორია და ა.შ..
|
 |
ავტორი: Zinsser William., Allen Jenifer., Beck Melinda and etc.
სათაური: Speaking Of Journalism
გამომცემლობა: Harper Collins
გამოშვების წელი: 0
წიგნის იდეა ეკუთვნის ცნობილ ჟურნალისტსა და გამმცემელს - უილიამ ზინსერს. კრებულში წარმოდგენილია მისი ყოფილი 12 მოსწავლის, ამჟამად ცნობილი ჟურნალისტების ნაშრომები ჟურნალისტიკის იმ სფეროების შესახებ, სადაც ისინი მოღვაწეობენ.
|
 |
ავტორი: Brians Craig Leonard., Willnat Lars., Manhein Jarol B., Rich Richard C
სათაური: Empirical Political Analysis
გამომცემლობა: Longman
გამოშვების წელი: 2011
ნაშრომის მიზანია გააცნოს სტუდენტებს პოლიტიკურ მეცნიერებათა კვლევის კვალიტეტური და კვანტიტეტური მეთოდები. წიგნში წარმოდგენილია მდიდარი ფაქტობრივი მასალა და სავარჯიშოები.
|
 |
ავტორი: Brooks Brian. S., Kennedy George., Moen Daryl R., Ranly Don
სათაური: News Reporting And Writing
გამომცემლობა: Bedford/St. Martin’s
გამოშვების წელი: 0
წიგნი განკუთვნილია ჟურნალისტიკის მიმართულების სტუდენტებისათვის, რათა განუვითაროს მათ პროფესიული უნარ ჩვევები, გაუშინაარსოს მათ ჟურნალისტიკის ძირითდი პრინციპები. წიგნში წარმოდგენილია პრაქტიკული სავარჯიშოებიც.
|
 |
ავტორი: Hague Rod., Harrop Martin
სათაური: Political Science ( A Comparative Introduction)
გამომცემლობა: PALGRAVE MACMILLAN
გამოშვების წელი: 2010
ნაშრომში განხილულია პოლიტიკური მეცნიერების ძირითადი საკითხები, პოლიტიკური მმართველობის ფორმები, პარტიების ფუნქციონირების საკითხი, პოლიტიკური ეკონომიკისა და კულტურის პრობლემები.
|
 |
ავტორი: Lundestad Geir
სათაური: East, West, North, South (Major Developments In International Relations Since 1945)
გამომცემლობა: Sage
გამოშვების წელი: 2005
ნაშრომში ასახულია ძირითადი მსოფლიო პოლიტიკური პროცესები: ,,ცივი ომიდან’’ დღემდე, ერაყის კონფლიქტისა და 11 სექტემბრის ტრაგედიის ჩათვლით. წიგნი განკუთვნილია პოლიტიკითა და მსოფლიოს უახლესი ისტორიით დაინტერესებული მკითხველისთვის.
|
 |
ავტორი: Duncan W. Raymond., Jancar-Webster Barbara., Switky Bob
სათაური: World Politics in the 21st Century
გამომცემლობა: Pearson Longman
გამოშვების წელი: 2006
წიგნში განხილულია მსოფლიო პოლიტიკის საკითხები: პოლიტიკური თეორიები და იდეოლოგიები. განსაკუთრებული ყურადღება ეთმობა ისეთ საკითხებს, როგორებიცაა: პოლიტიკური ძალაუფლება, პოლიტიკური გაერთიანებების ფუნქციონირების სპეციფიკა, პოლიტიკური გეოგრაფია და ა.შ
|
 |
ავტორი: Mcquail Denis
სათაური: Mcquail’s Mass Communication Theory
გამომცემლობა: Sage
გამოშვების წელი: 2012
წარმოდგენილი ნაშრომი შეიცავს მდიდარ ცნობებს მასობრივი კომუნიკაციის საშუალებების შესახებ. განხილულია კომუნიკაციის მოდელები, აუდიტორიის დამოკიდებულება მიღებულ ინფორმაციასთან და ა.შ.
|
 |
ავტორი: Mencher Melvin
სათაური: News Reporting and writing
გამომცემლობა: The Mcgraw-Hill Companies
გამოშვების წელი: 2003
სახელმძღვანელოში განხილულია ჟურნალისტური ეთიკის, ბეჭდური სიტყვის გამოცემის, რედაქტირების საკითხები. მაგალითების საფუძველზე განხილულია, თუ როგორ უნდა გაშუქდეს საზოგადოებრივი ცხოვრების სხვადასხვა სფერო ჟურნალისტიკაში.
|
 |
ავტორი: Котлер филип., Армстронг Гари., Вонг Вероника., Сондерс Джон.
სათაური: Основы Маркетинга (5-е европейское издание)
გამომცემლობა: Вильямс
გამოშვების წელი: 2013
ნაშრომში გადმოცემულია მარკეტინგის საფუძვლები, კლასიკური მარკეტინგის ძირითადი კონცეფციები, მარკეტინგის განვითარების პერსპექტივები ფინანსური კრიზისის ფონზე. განმარტებულია ეკონომიკური თეორიის საფუძვლები მსოფლიოს სხვადასხვა ქვეყნების ეკონომიკების მაგალითზე.
|
 |
ავტორი: შანიძე აკაკი
სათაური: მასალები საენათმეცნიერო ტერმინთა ლექსიკონისათვის II
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
აღნიშნული კრებული მოიცავს აკაკი შანიძის ნაშრომებსა თუ სტატიებში დადასტურებულ ტერმინოლოგიას. ამოწერილ ტერმინთაგან ზოგი საკმაოდ ცნობილია, ზოგი კი თვით ავტორის მიერ იშვიათადაა გამოყენებული. სრულადაა დაცული ავტორისეული სტილი.
ლექსიკონის შედგენის პრინციპები შემდეგია:
1. მასალა დალაგებულია ანბანთრიგზე.
2. თავსიტყვად გადმოტანილია ცალკეული ტერმინი, რომელსაც აქვს განმარტება.
3. თუ ერთი და იგივე ცნება სინონიმური ტერმინებით არის გადმოცემული, გამოყენებულია აღნიშვნა - ,,იგივეა რაც’’.
4. რომელიმე გვარეობითი ტერმინის სრულყოფილი განმარტებისათვის წარმოდგენილია მისი სახეობითი ტერმინებიც, შესაბამისი ახსნით.
5. თუ ერთი და იგვე ტერმინი რამდენიმე ნაშრომში იდენტურადაა წარმოდგენილი, განმარტებულია ერთი ნაშრომის მიხედვით და მითითებული აქვს მხოლოდ წლები.
|
 |
ავტორი: ბოჭორიშვილი რამაზ, დავითაშვილი თინათინ
სათაური: რიცხვითი ანალიზის საფუძვლები (ამოცანათა კრებული)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
ამოცანათა კრებული ,,რიცხვითი ანალიზის საფუძვლები’’ სტუდენტებს შეუძლიათ გამოიყენონ რიცხვითი ანალიზის საფუძვლების კურსის პრაქტიკული და ლაბორატორიული მეცადინეობების წარმართვისათვის მათემატიკის, კომპიუტერული მეცნიერებების და სხვა მომიჯნავე დარგებში.
კრებული შედგება რვა თავისგან და მოიცავს ისეთ საკითხებს, როგორებიცაა: კომპიუტერული არითმეტიკა, მატრიცების და ვექტორების ნორმები, წრფივი ალგებრის პირდაპირი და იტერაციული მეთოდები, არაწრფივი განტოლებების მიახლოებით ამოხსნის მეთოდები, მატრიცის საკუთრივი რიცხვებისა და ვექტორების გამოთვლა, ფუნქციათა მიახლოება და რიცხვითი ინტეგრირება.
თითოეული თავი შედგება სამი ნაწილისგან. თავი იწყება საცნობარო მასალით, რაც მოიცავს განსახილველ საკითხთან დაკავშირებით განმარტებებს და დებულებებს დამტკიცების შესახებ. შემდეგ მოდის საკუთრივ ამოცანები, რომელთა სპექტრი საკმაოდ ფართოა-მოცემულია როგორც მარტივი, ასევე რთული ამოცანები. ყოველი თავი კი სრულდება რამდენიმე ტიპური ამოცანის ამოხსნით.
|
 |
ავტორი: ბოჭორიშვილი რამაზ, დავითაშვილი თინათინ
სათაური: რიცხვითი ანალიზის საფუძვლები (ლექციათა კურსი)
გამომცემლობა: თბილისის სახელმწიფო უნივერსიტეტის გამომცემლობა
გამოშვების წელი: 2013
ლექციათა კურსი ,,რიცხვითი ანალიზის საფუძვლები’’ მკითხველებს შეუძლიათ გამოიყენონ სასწავლო კურსის ასაგებად მათემატიკის, კომპიუტერული მეცნიერებების და სხვა მომიჯნავე დარგებში. ლექციათა კურსში მოცემული მასალა საშუალებას იძლევა აქცენტი გაკეთდეს როგორც დებულებების დამტკიცებაზე, ასევე რიცხვით ალგორითმებზე. თეორიული მასალის შესაბამისი ამოცანათა კრებული გამოცემულია ცალკე წიგნად.
|
 |
ავტორი: წიქარიშვილი კუკური, ბოლაშვილი ნანა
სათაური: საქართველოს კარსტული მღვიმეები
გამომცემლობა: თსუ
გამოშვების წელი: 2013
საქართველოს კარსტული მღვიმეების ცნობარში შესულია დასავლეთ საქართველოს თითქმის ყველა დიდი თუ პატარა კარსტული ობიექტის (მღვიმე, უფსკრული, შახტი, ჭა და სხვ.) სახელწოდებანი მოკლე მონაცემებით, სულ 1355 ერთეული.
ერთი და იგივე სახელწოდება ხშირად რამდენიმე სპელეოობიექტს აქვს მიკუთვნებული. ასეთ შემთხვევაში სახელწოდებას მითითებული აქვს სათანადო დასახლებული პუნქტი.
ცნობარში შესულია ასევე, მღვიმეთა ქართული კუთხური (მეგრული, აფხაზური) სახელწოდებებიც.
|
 |
ავტორი: მორისონი ტონი
სათაური: წყალობა
გამომცემლობა: პალიტრა L
გამოშვების წელი: 2013
ტონი მორისონი აფროამერიკული ლიტერატურის ერთ-ერთი ცნობილი წარმომადგენელია. ნობელის პრემიის ლაურეატი ლიტერატურის დარგში (1993). მისი ნაწარმოებები გამოირჩევა ეპიკური თემებითა და აფრიკელ-ამერიკელ ხასიათთა დეტალური აღწერით. მწერლის ყველაზე ცნობილი რომანი Beloved (,,საყვარელი’’) 1987 წელს გამოქვეყნდა, 1988 წელს კი ამ რომანისთვის ტონი მორისონმა პულიცერის პრემია მიიღო.
რომანი ,,წყალობა’’ (A Mercy) 2008 წელს გამოქვეყნდა და წლის ათ საუკეთესო წიგნს შორის დასახელდა. ნაწარმოებში მოქმედება XVII საუკუნის ამერიკაში, ფერმერ ვაარკის მამულში ვითარდება.
|
 |
ავტორი: ნოტომი ამელი
სათაური: ლურჯწვერა
გამომცემლობა: პალიტრა L
გამოშვების წელი: 2013
ამელი ნოტომი თანამედროვე ფრანგულენოვანი ბელგიელი მწერალია. იგი გამოირჩევა ექსტრავაგანტული სამწერლო სტილით. თავის რომანებში ის უშიშრად საუბრობს ისეთ თემებზე, რომლებზეც საზოგადოებაში მხოლოდ ჩურჩულით ლაპარაკობენ. ამიტომაა, რომ ამ ავტორის ყველა წიგნს მკითხველი მოუთმენლად ელის.
,,ლურჯწვერა’’ მწერლის მეოცე რომანია, რომელმაც კრიტიკოსების განსაკუთრებული ყურადღება დაიმსახურა. მწერალმა ცნობილი ფრანგი მეზღაპრის, შარლ პეროს, ერთ-ერთი ზღაპარი საოცარ ამბად გარდაქმნა.
|
 |
ავტორი:
სათაური: უნივერსალური სამედიცინო ენციკლოპედია
გამომცემლობა: პალიტრა L
გამოშვების წელი: 2013
,,უნივერსალურ სამედიცინო ენციკლოპედიაზე’’ მედიცინის მეცნიერებათა დოქტორები და პროფესორები დიდი ხნის განმავლობაში მუშაობდნენ და საზოგადოების მოთხოვნების გათვალისწინებით შეადგინეს ენციკლოპედია, რომელიც საუკეთესო საოჯახო სამედიცინო ცნობარია. წიგნზე მუშაობდა ამერიკისა და ევროპის სამედიცინო დაწესებულებების 300-მდე სპეციალისტი: კარდიოლოგები. ფსიქოლოგები, ჰეპატოლოგები და სხვ.
|
 |
ავტორი: ჯოხაძე მაკა
სათაური: მკვდარ გუბეში ნასროლი კენჭები
გამომცემლობა: პალიტრა L
გამოშვების წელი: 2013
მაკა ჯოხაძე თანამედროვე ქართული ლიტერატურის ერთ-ერთი ცნობილი წარმომადგენელია. 1987 წელს მიენიჭა საქართველოს მწერალთა კავშირის პრემია პუბლიცისტური წერილებისათვის: "მშფოთვარე ძილის ხეობებში".
,,მკვდარ გუბეში ნასროლი კენჭები’’ 1983 წელს გამოქვეყნდა და დიდი წარმატება ხვდა წილად. ეს რომანი მხატვარი ქალის არშემდგარ სიყვარულსა და დიდ ეგზისტენციალურ მარტოობაზე მოგვითხრობს.
|
 |
ავტორი: ჰუსტვეტი სირი
სათაური: ზაფხული კაცების გარეშე
გამომცემლობა: პალიტრა L
გამოშვების წელი: 2013
წიგნის ავტორი სირი ჰუსტვეტი თანამედროვე ამერიკული ლიტერატურის ერთ-ერთი ცნობილი წარმომადგენელია - რომანისტი, პოეტი, ესეისტი, ლიტერატურათმცოდნე.
რომანი ,,ზაფხული კაცების გარეშე’’ ქართულ ენაზე პირველად ითარგმნა. ნაწარმოები მია ფრედრიკსენის, პოეტი ქალის ერთგვარ მონოლოგს წარმოადგენს. წიგნში აღწერილია მთავარი გმირის განცდით, ძიებით, აღმოჩენებით და ტკივილით სავსე ცხოვრება.
|
 |
ავტორი: Федосеев В.В
სათაური: Экономико – математичиские модели и прогнозирование рынка труда
გამომცემლობა: ИНФРА-М
გამოშვების წელი: 2013
წიგნში გადმოცემულია ეკონომიკისა და შრომის სოციოლოგიის სფეროში წამოჭრილი პრობლემების გადაჭრის გზა ეკონომიკურ-მათემატიკური მეთოდებისა და მოდელების დახმარებით. გაანალიზებულია ისეთი საკითხი, როგორიცაა შრომის ნორმალიზების და ორგანიზაციის საკითხები და ა. შ..
|
 |
ავტორი: Лазарев И.А, Хижа Г.С., Лазарев К.И
სათაური: Новая информационная экономика и сетевые механизмы раэвития
გამომცემლობა: ,,Дашков и К’’
გამოშვების წელი: 2010
ნაშრომში განხილულია ეკონომიკურად განვითარებული ქვეყნების პოსტინდუსტრიულ სტადიაში გადასვლის პროცესი, გაანალიზებულია ინფორმაციული საზოგადოების ეკონომიკის განვითარების ტენდენცია და მისი გარდაქმნა ე.წ. ,,ინფორმაციულ ეკონომიკად.’’
|
 |
ავტორი: Рудакова О.С
სათაური: Банковские электронные услуги: Учебное Пособие
გამომცემლობა: ИНФРА-М
გამოშვების წელი: 2011
წიგნში განხილულია საბანკო მომსახურებების ადგილი თანამედროვე კომერციულ საქმიანობაში; დეტალურადაა გაანალიზებული საბანკო მომსახურების სახეები (პლასტიკური ბარათები, ბანკომატები, ელექტრონული ფული). განსაკუთრებული ყურადღება აქვს დათმობილი ელექტრონული სისტემების უსაფრთხოების საკითხს.
|
 |
ავტორი: Балдин К.В., Уткин В.Б
სათაური: Информационные системы в экономике: Учебник
გამომცემლობა: ,,Дашков и К’’
გამოშვების წელი: 2013
ნაშრომში სისტემატიზირებულადაა გადმოცემული თანამედროვე ინფორმაციული ტექნოლოგიების თეორიული საფუძვლები ეკონომიკის განხრით. წიგნში განსაკუთრებული ყურადღება ეთმობა ეკონომიკური ინფორმაციული სისტემების მოდელირების თეორიასა და პრაქტიკას. აგრეთვე, ხელოვნური ინტელექტის შექმნისა და გამოყენების საკითხებს.
|
 |
ავტორი: Костров А.В
სათაური: Основы информационного менеджмента
გამომცემლობა: Финансы и статистика
გამოშვების წელი: 2009
ნაშრომში განსხვავებული ასპექტებითაა განხილული ინფორმაციული მენეჯმენტის საფუძვლები. გაანალიზებულია ინფორმაციული მენეჯმენტის ძირითადი ამოცანები. ნაშრომს ერთვის ინფორმაციული სისტემების მოდელები, მეთოდები და შეფასების ალგორითმები. წიგნი განკუთვნილია სტუდენტებისათვის, ინფორმატიკოსებისათვის, ეკონომისტებისა და მენეჯერებისათვის.
|
 |
ავტორი: Хитер Кен
სათაური: Экономика отраслей и фирм
გამომცემლობა: Финансы и статистика
გამოშვების წელი: 2004
ნაშრომში განხილულია მიკროეკონომიკის ძირითადი საკითხები: ეფექტურობა, საბაზრო აქტივობა, რეკლამა, რეგულირება და სხვ. მოტანილია შესაბამისი მაგალითები სხვადასხვა სფეროებიდან: მშენებლობიდან, ტრანსპორტირებიდან, საიუველირო საქმიანობიდან, ფარმაცევტიკიდან და ა.შ.
|
 |
ავტორი: Гултяев А.К
სათაური: Microsoft Office Project Professional 2007
გამომცემლობა: КОРОНА-Век
გამოშვების წელი: 2012
წიგნში აღწერილია Microsoft Office Project Professional 2007-ის უკანასკნელი ვერსია. აღნიშნული პროგრამა იძლევა ერთი მხრივ, დიდი ხნის განმავლობაში დამკვიდრებული და გამოცდილი მეთოდებით ხელმძღვანელობის, ხოლო მეორე მხრივ, უახლესი საშუალებების ათვისების საშუალებას.
|
 |
ავტორი: Боди Зви, Мертон Роберт
სათაური: финансы
გამომცემლობა: Вильямс
გამოშვების წელი: 2013
წიგნი წარმოადგენს საბაზისო სახელძღვანელოს საფინანსო საქმის შესახებ. ნაშრომში განხილულია თანამედროვე საფინანსო მეცნიერების მთავარი ასპექტები. წიგნის ავტორები ცდილობენ გააანალიზონ ჩვენი ყოველდღიური პრობლემები, რომლებიც ფინანსებთანაა დაკავშირებული.
|
 |
ავტორი: Папава В.Г. Беридзе Т.А
სათაური: ОЧЕРКИ политической економии посткоммунистического капитализма
გამომცემლობა: Дело и Сервис
გამოშვების წელი: 2013
მონოგრაფიაში მოცემულია პოსტკომუნისტური კაპიტალიზმის პოლიტიკურ- ეკონომიკური ანალიზი. განხილულია ეკონომიკის პოსტკომუნისტური ტრანსფორმაციის ქართული გამოცდილება. წიგნი განკუთვნილია მეცნიერებისა და ყველა დაინტერესებული მკითხველისათვის.
|
 |
ავტორი: მჭედლიძე მაგდა
სათაური: ძველი ბერძნული ენა დამწყებთათვის
გამომცემლობა: ლოგოსი
გამოშვების წელი: 2013
აღნიშნული წიგნი არის დამხმარე სახელმძღვანელო დამწყებთათვის, ვისაც სურს შეისწავლოს ძველი ბერძნული ენა.
|
 |
ავტორი: ხარაბაძე ელენე
სათაური: ფინანსური აღრიცხვა (მე-2 დონე)
გამომცემლობა: მერიდიანი
გამოშვების წელი: 2012
წიგნში განხილულია ფინანსური აღრიცხვის თეორიისა და პრაქტიკის მნიშვნელოვანი საკითხები, ბუღალტრული აღრიცხვის საერთაშორისო სტანდარტების მოთხოვნების შესაბამისად.
განხილულია ფულადი ნაკადების ანგარიშგება, სააღრიცხვო პოლიტიკა, ცვლილებები სააღრიცხვო შეფასებებში და შეცდომები. ასევე საანგარიშგებო პერიოდის შემდეგი მოვლენების, იჯარის, სახელმწიფო გრანტების, საპენსიო უზრუნველყოფის პროგრამების, ინვესტიციების, ფინანსური ინსტრუმენტების, აქტივების გაუფასურების, ანარიცხების, პირობითი ვალდებულებებისა და პირობითი აქტივების ბუღალტრული აღრიცხვის საკითხები.
წიგნი განკუთვნილია არამხოლოდ ეკონომიკური პროფილის უმაღლესი სასწავლებლების აკადემიური პერსონალისა და სტუდენტებისათვის, არამედ, პრაქტიკოს მუშაკთათვის და ფინანსური აღრიცხვის საკითხებით დაინტერესებული პირებისათვის.
|
 |
ავტორი: ქეცბაია კახა
სათაური: სოციოლოგიის შესავალი
გამომცემლობა: მერიდიანი
გამოშვების წელი: 2013
წიგნში ავტორ-შემდგენლის მიერ სოხუმის სახელმწიფო უნივერსიტეტში სოციალურ და პოლიტიკურ მეცნიერებათა ფაკულტეტზე ,,სოციოლოგიის შესავალში’’ წაკითხული ლექციებია თავმოყრილი. სალექციო თემატიკას თან ერთვის სხვადასხვა სახის საკითხავები, თეორიული და პრაქტიკული ხასიათის კითხვები და დავალებები, მასალები განსჯისათვის, აგრეთვე ცალკეულ სოციოლოგიურ ტერმინთა განმარტებანი და ა.შ. წიგნში განხილული საინტერესო მასალები სტუდენტებს სოციოლოგიური წარმოსახვის ჩამოყალიბებასა და განვითარებაში დაეხმარება. წიგნი არა მარტო სტუდენტთათვის, არამედ საერთოდ სოციოლოგიის შესწავლის დამწყებთათვისაა განკუთვნილი.
|
 |
ავტორი: ქეცბაია კახა
სათაური: რელიგიის სოციოლოგია
გამომცემლობა: უნივერსალი
გამოშვების წელი: 2013
წიგნში ავტორ-შემდგენლის მიერ ივანე ჯავახიშვილის სახელობის თბილისის სახელმწიფო უნივერსიტეტში სოციალურ და პოლიტიკურ მეცნიერებათა ფაკულტეტზე, სოციოლოგიის მიმართულებაზე ,,რელიგიის სოციოლოგიაში’’ წაკითხული ლექციებია თავმოყრილი.
სალექციო თემატიკას თან ერთვის სხვადასხვა სახის საკითხავი მასალები, თეორიული და პრაქტიკული ხასიათის კითხვები და დავალებები, მასალები განსჯისათვის, რელიგიის სოციოლოგიის აქტუალური თემები და ა.შ
წიგნის საშუალებით დაინტერესებული მკითხველი გაეცნობა რელიგიის სოციოლოგიის კლასიკურ და თანამედროვე თეორიებს. რელიგიის სოციოლოგიის ძირითად ცნებებსა და პრობლემებს, რელიგიის და თანამედროვე საზოგადოების ურთიერთმიმართების არსს და ა.შ
|
 |
ავტორი: ციციშვილი მაია, ჭოღოშვილი ნინო
სათაური: ქართული მხატვრობა - განვითარების ისტორია (XVIII-XX საუკუნეები)
გამომცემლობა: ,,ფავორიტი პრინტი’’
გამოშვების წელი: 2013
აღნიშნული წიგნი მოგვითხრობს ქართული დაზგური მხატვრობის განვითარების ისტორიას ორი საუკუნის განმავლობაში (XVIII საუკუნის II ნახევრიდან XX საუკუნის 70-იან წლებამდე). წიგნი შედგება ორი ნაწილისგან: I ნაწილში წარმოდგენილია გამოკვლევა, რომელშიც განხილულია ქართული მხატვრობის სხვადასხვა პერიოდი. მას თან ერთვის აღნიშნულ დროს მოღვაწე მხატვრების ბიოგრაფიები და პუბლიკაციების ჩამონათვალი. II- ელექტრონულ ნაწილში კი თვმოყრილია ამ მხატვართა ნამუშევრები შესაბამისი ანოტაციებით. წიგნი წარმოადგენს აღნიშნული პერიოდის ქართული მხატვრობის ხელახალი გააზრების მცდელობას.
|
 |
ავტორი: უელბეკი მიშელ
სათაური: რუკა და ტერიტორია
გამომცემლობა: ბაკურ სულაკაურის გამომცემლობა
გამოშვების წელი: 2013
ფრანგი მწერალი მიშელ უელბეკი თანამედროვე მსოფლიოში ცნობილია თავისი პროვოკატორული რომანებით. ,,რუკა და ტერიტორია’’ გონკურის პრემიის მფლობელია. ეს რომანი თითქოს განსხვავდება უელბეკის სხვა წიგნებისგან, თუმცა ნაწარმოების წაკითხვის შემდეგ მკითხველს კვლავ ეუფლება უელბეკისეული დეპრესიული განწყობა. რომანში ავტორმა სხვა ცნობილ ფრანგთან ერთად საკუთარი თავიც გამოიყვანა ერთ-ერთ პერსონაჟად.
|
 |
ავტორი: მორჩილაძე აკა
სათაური: ქართულის რვეულები XIX საუკუნის სურათები
გამომცემლობა: ბაკურ სულაკაურის გამომცემლობა
გამოშვების წელი: 2013
აკა მორჩილაძის ,,ქართულის რვეულები’’ XIX საუკუნის საქართველოს მნიშვნელოვან მოვლენებსა და პიროვნებებს აცოცხლებს. აქ ვერ შევხვდებით ფაქტების დეტალურ აღწერას, ზუსტ თარიღებს, წყაროების მიხედვით დამოწმებულ ინფორმაციას. ავტორი მოგვითხრობს იმას, რაც უფრო მნიშვნელოვნად მოეჩვენა. წიგნს ახლავს ხუთი ჩანართი - ისტორიული პიროვნებებისა და ადგილების ფოტოები, რომელთაგან ბევრი შეიძლება უცნობიც კი იყოს მკითხველისთვის.
|
 |
ავტორი: ფამუქი ორჰან
სათაური: შავი წიგნი
გამომცემლობა: ბაკურ სულაკაურის გამომცემლობა
გამოშვების წელი: 2013
ორჰან ფამუქის ,,შავ წიგნში’’ ყოველი მკითხველი აღმოაჩენს რაღაცას თავისას და თავისთვის, რაზეც პასუხი მანამდე ვერსად ეპოვა. აქ ზოგი დაკარგულ სიყვარულს დაეძებს, ზოგი - საკუთარ თავს. ზოგს ეკოლოგიური პრობლემები ადარდებს, ზოგს - თვითმყოფადობის დაკარგვა. ზოგი დასავლური კინოს ძალადობას აპროტესტებს, ზოგს ოდესღაც ძლიერი ქვეყნის დაკნინება სტკენს გულს. ,,შავი წიგნი’’ ყველას ეხმიანება - ეს პრობლემები მის სამშობლოშიც ისევე აქტუალურია, როგორც ზოგადად მთელს მსოფლიოში.
|
 |
ავტორი: კავაბატა იასუნარი
სათაური: თოვლიანი მხარე, ათასფრთიანი წერო
გამომცემლობა: ბაკურ სულაკაურის გამომცემლობა
გამოშვების წელი: 2013
ცნობილი იაპონელი მწერალი იასუნარი კავაბატა არაერთხელ გახდა ლაურეატი ჯერ იაპონიაში აღიარებული ლიტერატურულ-კულტურული პრემიებისა, 1968 წელს კი - ნობელის პრემიის პირველი იაპონელი ლაურეატი ლიტერატურის დარგში. ამ წიგნში შესული ორი რომანი, ,,თოვლიანი მხარე’’ (1935-1937) და ,,ათასფრთიანი წერო’’ (1949) ერთმანეთისგან ბევრი რამით განსხვავდება, თუმცა ერთი საერთო მაინც აქვთ: სინატიფე, რაც, ზოგადად დამახასიათებელია იაპონური ლიტერატურისთვის.
|
 |
ავტორი: ფამუქი ორჰან
სათაური: თოვლი
გამომცემლობა: ბაკურ სულაკაურის გამომცემლობა
გამოშვების წელი: 2013
ორჰან ფამუქი თურქული პოსტმოდერნისტული ლიტერატურის წამყვანი მწერალი-რომანისტია. საკუთარ სამშობლოში უზომოდ პოპულარული მწერლის მკითხველთა რიცხვი დღითიდღე იზრდება მთელს მსოფლიოში. მისი, როგორც ევრაზიის ერთ-ერთი ყველაზე გამოჩენილი თანამედროვე რომანისტის ნამუშევრები თარგმნილია ორმოცზე მეტ ენაზე. ორჰან ფამუქმა ეს წიგნი 2002 წელს დაწერა, მასში თანამედროვე თურქეთში ისლამიზმისა და ვესტერნიზმის კონფლიქტია წარმოსახული. New York Times-მა ეს რომანი 2004 წლის ათ საუკეთესო წიგნთა შორის დაასახელა.
|
 |
ავტორი: გვახარია გოგი
სათაური: ცრემლიანი სათვალე
გამომცემლობა: ბაკურ სულაკაურის გამომცემლობა
გამოშვების წელი: 2013
გოგი გვახარიას აღნიშნულ კრებულში თავმოყრილია ავტორის მიერ სხვადასხვა დროს გამოქვეყნებული წერილები კინოხელოვნების შესახებ.
|
 |
ავტორი: შარაშენიძე თორნიკე
სათაური: დიპლომატიის ისტორია. XIX საუკუნე
გამომცემლობა: ბაკურ სულაკაურის გამომცემლობა
გამოშვების წელი: 2013
თ. შარაშენიძის ,,დიპლომატიის ისტორია’’ ცოცხალი და საინტერესო ენით გვიამბობს იმ მნიშვნელოვანი პერიოდის შესახებ, რომელიც იწყება ნაპოლეონის ომებით და სრულდება გერმანიის გაერთიანებით, რუსულ-თურქული ომითა და ბალკანური კონფლიქტებით. ავტორი უკვე მუშაობს წიგნის გაგრძელებაზე, რომელიც მოიცავს დიპლომატიის ისტორიას პირველი მსოფლიო ომის ეპოქაში.
|
 |
ავტორი: მორჩილაძე აკა
სათაური: ,,სარბიელში’’ 1998/1
გამომცემლობა: ბაკურ სულაკაურის გამომცემლობა
გამოშვების წელი: 2013
ცნობილი მწერალი აკა მორჩილაძე 1995 წლიდან 2009 წლამდე სპორტულ გაზეთ ,,სარბიელში’’ მუშაობდა ე.წ მესვეტედ და სხვადასხვა ფსევდონიმით აქვეყნებდა წერილებს სპორტის თითქმის ყველა სახეობის, უმეტესად კი ფეხბურთის შესახებ. ამ 14 წლის განმავლობაში ათასობით სტატია დაწერა, რომელთა წიგნად გამოცემის იდეაც ,,სარბიელის’’ რედაქტორს, ზურაბ მეძველიას მოუვიდა აზრად. სწორედ მან შეკრიბა ძველი წერილები, გადაარჩია და ეს უზარმაზარი მასალა 10 ტომზე დაიყვანა. ეს კრებული არის ამ ათტომეულის მეორე წიგნი, რომელშიც მოთავსებულია 1998 წლის პირველ ნახევარში გამოქვეყნებული წერილები.
|
 |
ავტორი: უელბეკი მიშელ
სათაური: სიცოცხლის გაგრძელება და სხვა ტექსტები
გამომცემლობა: ბაკურ სულაკაურის გამომცემლობა
გამოშვების წელი: 2013
მიშელ უელბეკი არის გონკურის პრემიის ლაურეატი ფრანგი მწერალი. მკითხველები ძირითადად რომანებით იცნობენ. მისი ლექსები თუ ესეები ერთგული მკითხველების შედარებით ვიწრო წრისათვის არის ცნობილი. გასული საუკუნის 90-იან წლებში ის მემარცხენე მიმართულების ჟურნალ Les Incrockuptibles-სთან თანამშრომლობდა და მცირე ზომის პროზაულ ტექსტებს წერდა. მათი საუკეთესო ნაწილი ამ წიგნშია წარმოდგენილი. გარდა ამისა, წიგნში შესულია მიშელ უელბეკის ორი ყველაზე მნიშვნელოვანი ესე: ,,სიცოცხლის გაგრძელება: სახელმძღვანელო’’ და ,,დაბნეულობის ზღვარზე.’’
|
 |
ავტორი: კორტასარი ხულიო
სათაური: სამხრეთის გზატკეცილი
გამომცემლობა: ბაკურ სულაკაურის გამომცემლობა
გამოშვების წელი: 2013
არგენტინელი მწერალი ხულიო კორტასარი მრავალმხრივი შემოქმედებითი ნიჭით იყო დაჯილდოვებული, წერდა ლექსებს, პიესებს, რომანებს, მაგრამ იგი მაინც მოთხრობების დიდოსტატად მიიჩნევა. მან უდიდესი გავლენა მოახდინა სხვადასხვა ქვეყნის ლიტერატურაზე. ,,სამხრეთის გზატკეცილი’’ არის კრებული მოთხრობებისა, რომლებიც ესპანურიდანაა თარგმნილი.
|
 |
ავტორი:
სათაური: Harrison’s Principles of internal medicine
გამომცემლობა: The Mcgraw-Hill Companies
გამოშვების წელი: 2012
ფუნდამენტური ნაშრომი შინაგანი მედიცინის სფეროში, რომელიც მრავალ ენაზეა თარგმნილი (წიგნის მეთვრამეტე გამოცემა); მოიცავს ცნობებს მედიცინის შემდეგი სფეროებიდან: ალერგია და იმუნოლოგია, ენდოკრინოლოგია, გასტროენტეროლოგია,
|
 |
ავტორი:
სათაური: Williams Gynecology
გამომცემლობა: The Mcgraw-Hill Companies
გამოშვების წელი: 2012
ნაშრომში ასახული და თავმოყრილია გინეკოლოგიური მეცნიერების უახლესი მიღწევები, ავტორები შეეცადნენ ერთად შეეკრიბათ ამ დარგში არსებული ცოდნა, თუმცა ნაშრომს არ აქვს პრეტენზია, მთლიანად მოიცვას აღნიშნული სფერო.
|
 |
ავტორი:
სათაური: Bradley’s Neurology in Clinical Practice
გამომცემლობა: Elsevier Saunders
გამოშვების წელი: 2012
ნაშრომში განხილულია ნერვული სისტემის დაავადებების მიზეზები, წარმოშობის მექანიზმები, დაავადების გამოვლინებები და მათი დიაგნოსტიკის, მკურნალობისა და პროფილაქტიკის მეთოდები.
|
 |
ავტორი:
სათაური: Evidence-Based Public Health
გამომცემლობა: Oxford University Press
გამოშვების წელი: 2011
წიგნი განკუთვნილია მკითხველთა ფართო წრისათვის, იგი შეიცავს მდიდარ ცნობებს ეპიდემოლოგიისა და ბიოსტატისტიკის სფეროების შესახებ, აქვე მითითებულია მრავალფეროვანი სამედიცინო ლიტერატურის ჩამონათვალი დაინტერესებული მკითხველისათვის.
|
 |
ავტორი: Raja C Bandaranayake
სათაური: The Integrated Medical Curriculum
გამომცემლობა: Radcliffe
გამოშვების წელი: 2011
სახელმძღვანელოს მიზანია დაეხმაროს სტუდენტებს სამედიცინო სფეროში მიღებული ცოდნის სისტემატიზებაში, ხოლო მკვლევრებს - პროფესიული უნარ-ჩვევების გაუმჯობესებაში, სასწავლო კურსების სათანადო შედგენასა და სწავლების პროცესის მაღალ აკადემიურ დონეზე წარმართვაში.
|
 |
ავტორი: Tom L. Beauchamp
სათაური: Principles Of Biomedical Ethics
გამომცემლობა: Oxford University Press
გამოშვების წელი: 2013
ნაშრომში გადმოცემულია ბიოსამედიცინო ეთიკის ძირითადი პრინციპები. ესაა ერთ-ერთი ყველაზე მნიშვნელოვანი ნაშრომი ბიოეთიკის სფეროში. მეექვსე, გადამუშავებული გამოცემა.
|
 |
ავტორი: Jackie Green, Keith Tones
სათაური: Health Promotion
გამომცემლობა: Sage
გამოშვების წელი: 2010
ნაშრომი სამეცნიერო-პოპულარული ენითაა დაწერილი და მოგვითხრობს ცხოვრების ჯანსაღი წესის თაობაზე. ავტორთა მიზანია, შეიმუშაონ სხვადასხვა გამაჯანსაღებელი პროგრამები და წარმოგვიდგინონ მათი მოქმედების სპეციფიკა.
|
 |
ავტორი: Jerome Kassirer
სათაური: Learning Clinical Reasoning
გამომცემლობა: Lippincott Williams & Wilkins
გამოშვების წელი: 2010
ნაშრომის მიზანია დაეხმაროს სამედიცინო სფეროს წარმომადგენლებს პროფესიული, პრაქტიკული უნარ-ჩვევების განვითარებაში, პაციენტისთვის სწორი დიაგნოზის დასმასა და კრიტიკულ სიტუაციაში წარმატებით მუშაობაში.
|
 |
ავტორი: Robert L. Kane
სათაური: Essentials of Clinical Geriatrics
გამომცემლობა:
გამოშვების წელი: 2009
წიგნში განხილულია გერონტოლოგიის დარგის, გერიატრიის ძირითადი პრობლემები, როგორც ბიოლოგიური, ასევე არაკლინიკური მიზეზებით განპირობებული სიბერის დაავადებები, მათი გამომწვევი მიზეზები, მკურნალობისა და პროფილაქტიკის მეთოდები. ეს არის აღნიშნული ნაშრომის მეექვსე, გადამუშავებული გამოცემა.
|
 |
ავტორი: მიურეი ლონგმორი
სათაური: Oxford Handbook of Clinical Medicine
გამომცემლობა: Oxford University Press
გამოშვების წელი: 2010
წიგნი წარმოადგენს მცირე ფორმატის სამედიცინო ცნობარ-ენციკლოპედიას. მასში თავმოყრილია 15-ზე მეტი ავტორის ოცწლიანი სამედიცინო გამოცდილების შედეგები. ესაა ნაშრომის მერვე გამოცემა,რომელიც მოიცავს ცნობებს კლინიკური მედიცინის ყველა სფეროს შესახებ; გაფორმებულია შესაბამისი ილუსტრაციებით.
|
 |
ავტორი: ალხაზიშვილი გივი
სათაური: შენ ცოცხლობ ჩემში
გამომცემლობა: საუნჯე
გამოშვების წელი: 2013
გივი ალხაზიშვილის რჩეულის შესახებ ყოველთვის შეჯამებასთან და გამოცდილების გამოტანასთან არის დაკავშირებული. ხელოვანი თვალს ავლებს განვლილ გზას. აწყმოდან წარსულსაკენ გახედვა , ერთგვარი რეტროსპექტივა, უკეთ აჩვენებს განვლილ გზას, სტილისტურ, მსოფლმხედველობრივ თუ ფორმალისტურ ტრადიციას და შემოქმედების დინამიკას. წიგნი იწყება ახალი, გამოქვეყნებული ლექსებით, გრძელდება შარშან გამოცემულ „ეპისტოლეთა წიგნით“ და მთავრდება 1972 წელს დაბეჭდილი პირველი კრებულით.შემაჯამებელი კრებული სწორედ იმის ანარეკლია, რასაც ხელოვანი ხედავს.
|
 |
ავტორი: პაკტე პიერ
სათაური: კონსტიტუციური სამართალი
გამომცემლობა:
გამოშვების წელი: 2012
წინამდებარე ნაშრომში წარმოდგენილია თანამედროვე პოლიტიკური წყობილებების (გერმანიის, ამერიკის შეერთებული შტატების, დიდი ბრიტანეთის, იტალიის, იაპონიის და რუსეთის) თეორია და პრაქტიკა, საფრანგეთის კონსტიტუციური ისტორია და სრულად აანალიზებს მე–V რესპუბლიკას. წიგნის მიზანია კონსტიტუციური სამართლის შეძლებისდაგვარად სრული სახით მიწოდება მკითხველისთვის. ცნობილია, რომ კონსტიტუციური სამართალი დღეს, ისე როგორც არასდროს , სამართლის სწავლების ერთ-ერთი უმნიშვნელოვანესი ელემენტია.
სახელმძღვანელო განკუთვნილია იურიდიული ფაკულტეტის სტუდენტებისთვის, პოლიტიკურ მეცნიერებათა კვლევითი ინსტიტუტებისთვის და ასევე ყველასთვის, ვისაც აინტერესებს პოლიტიკური ცხოვრება.
|
 |
ავტორი: ურუშაძე თენგიზ
სათაური: ნიადაგების კლასიფიკაცია
გამომცემლობა:
გამოშვების წელი: 2013
წიგნის ავტორი, ბიოლოგიის მეცნიერებათა დოქტორი თენგიზ ურუშაძე 350–ზე მეტი ნაშრომის ავტორია. სახელმძღვანელოში განხილულია ნიადაგების კლასიფიკაციის საკითხები, მათ შორის, ზოგადი ცნება, კლასიფიკაციის განვითარების პეროდები, კლასიფიკაციის თანამედროვე სისტემები, მსოფლიოს ნიადაგური ბაზა–გასაღები, ობიექტები, დიაგნოსტიკური ჰორიზონტები, ნიშნები და სუბსტრატები, მსოფლიოს ნიადაგური ჯგუფების დახასიათება, თანამედროვე ანალიზების მოკლე მიმოხილვა, ტერმინთა ლექსიკონი. სახელმძღვანელო განკუთვნილია გეოგრაფიის მიმართულების სტუდენტებისათვის, ასევე ნიადაგმცოდნეობისა და ეკოლოგებისათვის.
|
 |
ავტორი: ბარამიძე ლელი
სათაური: ზმნის პირისა და რიცხვის გამოხატვის თავისებურებანი ქართულში
გამომცემლობა:
გამოშვების წელი: 2013
წიგნის ავტორი მრავალი წელია სწავლობს ზმნის პირისა და რიცხვის გამოხატვის თავისებურებებს ქართულში. საკითხი განხილული აქვს როგორც სალიტერატურო ენის, ისე დიალექტის მიხედვით, რაც, ჩვენი აზრით, შესაძლებელს ხდის სწორი დასკვნების გაკეთებას, ასეთი კომპლექსური მიდგომა, როგორც ჩანს, აუცილებელია. ზოგ დიალექტში უძველესი ვითარება არის შემონახული, ზოგი–პირუკუ. წიგნი განკუთვნილია სტუდენტი ახალგაზრდობისათვის სწავლების ორივე საფეხურზე (ბაკალავრიატი, მაგისტრატურა), დოქტორანტებისა და აგრეთვე საკითხით დაინტერესებული საზოგადოების ფართო წრისათვის.
|
 |
ავტორი: უთურბაიძე თედო
სათაური: ქართული ენის ისტორიული გრამატიკის მორფონოლოგიური და მორფოსინტაქსური ასპექტები
გამომცემლობა:
გამოშვების წელი: 2013
ნაშრომში განხილულია ცვლილებები, რომლებიც ხდება მეტყველების ნაწილთა კატეგორიებში. ზოგადი არსით ეს კატეგორიები არსებითად უცვლელია ქართულ ძეგლებში ხანმეტი პერიოდიდან დრემდე, მაგრამ ზედმეტი ცვლილება განიცადეს გამოხატულების პლანში. ცვლილება შეეხო ელემენტთა ღირებულებასაც სხვა გრამატიკულ ელემენტებთან კავშირის გაზრდის ან დავიწროების კვალობაზე.
|
 |
ავტორი: კუბლაშვილი როზა , უგრეხელიძე ვახტანგ
სათაური: სტერეოქიმიის საფუძვლები
გამომცემლობა:
გამოშვების წელი: 2013
წიგნში წარმოდგენილია სტერეოქიმიის ისტორიული მიმოხილვა. ნაშრომში განხილულია დინამიკური სტერეოქიმია, ასევე ნახშირბადის ნაერთებისა და სხვა ტეტრაედრული ელემენტების სტერეოქიმია.
კურსის დანიშნულებაა ქიმიის სპეციალობსი სტუდენტებს მისცეს უფრო ღრმა ცოდნა სტერეოქიმიის დარგში. წიგნი განკუთვნილია სტუდენტებისათვის.
|
 |
ავტორი: Graham Thornicroft, Michele Tansella
სათაური: Better Mental Health Care
გამომცემლობა: Cambridge University Press
გამოშვების წელი: 2009
წიგნში შეფასებულია თანამედროვე მომსახურება ფსიქიკური ჯანმრთელობის სფეროში, განხილულია სხვადასხვა მიდგომა და საშუალება იმ ადამიანების სამკურნალოდ, რომლებსაც ფსიქიკური აშლილობა აწუხებთ. აღნიშნული გამოცემა მკითხველს აძლევს პრაქტიკულ წყაროს, თუ როგორ განვითარდეს მომსახურება ფსიქიკური ჯანმრთელობის სფეროში. წიგნში ასევე წარმოდგენილია ფსიქიკურ დაავადებათა მკურნალობის საუკეთესო პრაქტიკა გათვალისწინებული მსოფლიო გამოცდილებით. გამოცემაში განხილულია ისეთი საკითხები, რომლებიც ეხება საერთაშორისო შეთანხმებებს ადამიანის უფლებათა დაცვის სფეროში, რათა დაინერგოს საუკეთესო პრაქტიკა სტგმისა და დისკრიმინაციის შესამცირებლად
|
 |
ავტორი: თოლორდავა ჟ. , დე ტომბი დ. , ქავთარაძე დ. , პანიცი ჯ. , რიცი პ. , ლი ე.
სათაური: იმიტაციური მოდელირების საერთაშორისო გამოცდილება: ეკონომიკა და ბიზნესი, ეკოლოგია, სოციოლოგია
გამომცემლობა:
გამოშვების წელი: 2013
წიგნში დეტალურად არის განხილული იმიტაციური მოდელების საკითხები და მათი გამოყენების ისეთი სფეროები, როგორებიცაა: ეკონომიკა, ეკოლოგია, სოციოლოგია. კვლევა უზრუნველყოფს განათლებისადმი სოციო-კულტურული მიდგომის დანახვას, რაც ბოლონიის პროცესის შემადგენელ ნაწილს წარმოადგენს.
|
 |
ავტორი: Helen Lester, John Glasby
სათაური: Mental Health Policy and Practice
გამომცემლობა: Palgrave Macmillan
გამოშვების წელი: 2010
გამოცემა წარმოადგენს გზამკვლევს, სადაც განხილულია თანამედროვე მიდგომა ფსიქიკურ დაავადებათა პოლიტიკასა და პრაქტიკაში. წიგნში ყურადღება არის გამახვილებული აღნიშნულ სფეროში მომხდარ ცვლილებებსა და განვითარებაზე. თითოეულ თავში კონკრეტული საკითხის განხილვისა და ანალიზის გარდა მოცემულია სავარჯიშოები. აღნიშნული გამოცემა განკუთვნილია ფსიქიკურ დაავადებებზე მომუშავე სოციალური მუშაკებისათვის, ექთნებისა და უნივერსიტეტის სტუდენტებისათვის.
|
 |
ავტორი: ბართაია ნომანდი
სათაური: საქართველო და ირანი უპრეცედენტო ურთიერთობათა 20 წელი
გამომცემლობა: უნივერსალი
გამოშვების წელი: 2013
წიგნში ასახულია ქართულ-ირანულ კულტურულ-მეცნიერულ და სხვა ურთიერთობათა ოცი წლის ამბები. პირველად ირანმა და საქართველომ სწორედ ოცი წლის წინ დაამყარა ერთმანეთთან ურთიერთობა, როგორც ორმა დამოუკიდებელმა პოლიტიკურმა ერთეულმა. არნიშნული გამოცემა დაიბეჭდა საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტისა და საქართველოში ირანის ისლამური რესპუბლიკის ალ-მუსტაფას საერთაშორისო უნივერსიტეტის წარმომადგენლობის თანადგომით.
|
 |
ავტორი: ლიჩელი ვახტანგ
სათაური: არქეოლოგიის მართვის საკითხები
გამომცემლობა: უნივერსალი
გამოშვების წელი: 2013
წიგნი ორი სახის მასალას მოიცავს - ერთი ნაწილი ავტორის გამოკვლევებია არქეოლოგიისა და ზოგადად, კულტურული მემკვიდრეობის მენეჯმენტის დარგში, მეორე კი ეძღვნება არქეოლოგიურ სამეცნიერო პროექტებს, რომელთა დიდი ნაწილი განხორციელებულია.
ნაშრომი განკუთვნილია სტუდენტებისათვის, კულტურული მემკვიდრეობის სფეროს მართვითა და შემეცნებითი ტურიზმით დაინტერესებული პირებისთვის.
|