2010-03-24
თბილისის სახელმწიფო უნივერსიტეტს 23 მარტს მსახიობები გოგა პიპინაშვილი და ზაზა კოლელიშვილი ეწვივნენ. სტუდენტებთან შეხვედრას ორგანიზება სტუდენტური თვითმმართველობის კულტურის დეპარტამენტმა გაუწია.
ღონისძიებაზე ზაზა კოლელიშვილის ფილმის “ომი და ქორწილი” ჩვენება გაიმართა. ფილმი რეალურ ამბავს ასახავს და 2008 წლის აგვსიტოს მოვლენებს უკავშირდება.
“ეს ფილმი ჩემთვის ძალიან ძვირფასია, მეექვსე შვილივითაა და თუ მკითხავთ რაზეა ის, გიპასუხებთ, რომ არაფერზე და ყველაფერზე, იმაზე, რომ ომი ცუდი და დამღუპველია ნებისმიერი ეროვნების წარმომადგენელისთვის, ქართველი იქნება ის, თუ არა...”
ფილმის ჩვენების შემდეგ დისკუსია გაიმართა. მსახიობებმა სახელმწიფო უნივერსიტეტის სტუდენტებთან თეატრსა და კინოში თავიანთი მოღვაწეობის შესახებ ისაუბრეს.
თბილისის სახელმწიფო უნივერსიტეტის
საზოგადოებასთან ურთიერთობის
დეპარტამენტი
მის: ჭავჭავაძის №3
ტელ: 22 23 91; 36 88 50
ელ.ფოსტა: tsupr@tsu.ge
« იხ. ყველა სიახლე
