ცხადდება კონკურსი თსუ ადმინისტრაციული პერსონალისთვის ერაზმუს+ პროგრამის მოკლევადიანი სტიპენდიების მოსაპოვებლად პარტნიორ ევროპულ უნივერსიტეტებში

ცხადდება  კონკურსი თბილისის სახელმწიფო უნივერსიტეტის ადმინისტრაციული პერსონალისთვის ევროკომისიის მიერ დაფინანსებული ერაზმუს+ პროგრამის მოკლევადიანი სტიპენდიების მოსაპოვებლად პარტნიორ ევროპულ უნივერსიტეტებში

სტიპენდიების ჩამონათვალი:

 ზაარლანდის უნივერსიტეტი (გერმანია)

იურიდიული ფაკულტეტის ადმინისტრაცია

მობილობის ხანგრძლივობა: 1 კვირა

 უნივერსიტეტი პარიზი 8 (საფრანგეთი)

საგარეო ურთიერთობების დეპარტამენტი, ხარისხის უზრუნველყოფის სამსახური, საზოგადოებასთან ურთიერთობის დეპარტამენტი 

მობილობის ხანგრძლივობა: 1 კვირა

 ვშეჰნიცას პოლონური უნივერსიტეტი (პოლონეთი)

საგარეო ურთიერთობის დეპარტამენტი, ჰუმანიტარულ მეცნიერებათა ფაკულტეტის ადმინისტრაცია, ენების ცენტრის ადმინისტრაცია

მობილობის სავარაუდო ხანგრძლივობა: 1 კვირა

 კაიაანის გამოყენებით მეცნიერებათა  უნივერსიტეტი (ფინეთი)

საგარეო ურთიერთობების დეპარტამენტი, ეკონომიკისა და ბიზნესის ფაკულტეტის ადმინისტრაცია

მობილობის სავარაუდო ხანგრძლივობა: 1 კვირა

მობილობის პერიოდი: 2020 სასწავლო წლის შემოდგომის სემესტრი 

 შპაიერის ადმინისტრაციულ მეცნიერებათა უნივერსიტეტი (გერმანია)

იურიდიული ფაკულტეტის ადმინისტრაცია, ხარისხის უზრუნველყოფის სამსახური

მობილობის სავარაუდო ხანგრძლივობა: 1 კვირა

 კილის გამოყენებით მეცნიერებათა უნივერსიტეტი (გერმანია)

საგარეო ურთიერთობის დეპარტამენტი, ხარისხის უზრუნველყოფის სამსახური, ეკონომიკისა და ბიზნესის ფაკულტეტის ადმინისტრაცია და სოციალურ და პოლიტიკურ მეცნიერებათა ფაკულტეტის ადმინისტრაცია 

მობილობის ხანგრძლივობა: 1 კვირა

 პალაცკის უნივერსიტეტი უნივერსიტეტი (ჩეხეთი)

საგარეო ურთიერთობის დეპარტამენტი, 

მობილობის ხანგრძლივობა: 1 კვირა

 რჟეშოვის უნივერსიტეტი (პოლონეთი)

საგარეო ურთიერთობის დეპარტამენტი

მობილობის ხანგრძლივობა: 1 კვირა

სტიპენდიატთა შესარჩევი პროცესი:

 ელექტრონული განაცხადისა და შესაბამისი დოკუმენტაციის შემოწმება (თბილისის სახელმწიფო უნივერსიტეტი);

 გასაუბრება კანდიდატთა შესარჩევ კომისიასთან (უცხო ენაზე; თბილისის სახელმწიფო უნივერსიტეტი);

 საბოლოო შერჩევა/სტიპენდიის მინიჭება (მასპინძელი უნივერსიტეტი).

სააპლიკაციო დოკუმენტაციის ჩამონათვალი:

 ფოტო ¾-ზე (იტვირთება პერსონალური ინფორმაციის ველში);

 პასპორტის ასლი;

 ცნობა სამსახურიდან (ინგლისურ ენაზე);

 CV-ს ევროპული ფორმატი (ინგლისურ ენაზე);

 მოტივაციის წერილი (ინგლისურ ენაზე, არაუმეტეს ერთი გვერდისა);

 უცხო ენის ცოდნის დამადასტურებელი დოკუმენტი;

 ერთი რეკომენდაცია (ინგლისურ ენაზე; კონკურსანტი ელექტრონულ სარეგისტრაციო სისტემაში უთითებს რეკომენდატორის საკონტაქტო მონაცემებს, რის საფუძველზეც, რეკომენდატორს, ავტომატურ რეჟიმში ეგზავნება ელ-ფოსტის საშუალებით სარეკომენდაციო ბმული შესავსებად.  რეკომენდატორის მიერ აუცილებლად სააპლიკაციო ვადის ამოწურვამდე უნდა მოხდეს რეკომენდაციის გადმოგზავნა);

 შევსებული სამუშაო გეგმა (ინგლისურ ენაზე; თსუ-ს შესაბამისი სამსახურის უფროსის ხელმოწერით და ბეჭდით დამოწმებული): დანართი 1 ;

 დაინტერესების წერილი (Letter of Interest) მასპინძელი უნივერსიტეტიდან (ოფიციალური წერილი სავალდებულო არ არის, საკმარისია მეილით მიღებული თანხმობა/დაინტერესება მასპინძელი უნივერსიტეტიდან; დაინტერესების წერილი არ არის საჭირო რჟეშოვის უნივერსიტეტის სტიპენდიაზე განაცხადის გაკეთების შემთხვევაში);

 სასურველი უნივერსიტეტის ჩამონათვალი (განაცხადის გაკეთება შესაძლებელია მაქსიმუმ 2 უნივერსიტეტზე).

დაინტერესებული პირები უნდა დარეგისტრირდნენ ელექტრონულ სარეგისტრაციო სისტემაში - 

mobility.tsu.ge ;

ატვირთონ სააპლიკაციო დოკუმენტაციის სრული ჩამონათვალი (PDF ფორმატში) და გადმოგზავნონ განაცხადი ა/წ 13 დეკემბრის 18:00 საათამდე.

სტიპენდია მოიცავს:

 დღიური სტიპენდია, ორმხრივი საერთაშორისო მგზავრობის ხარჯების ანაზღაურება;

 შერჩეულმა სტიპენდიატებმა თავად უნდა აანაზღაურონ საერთაშორისო სამოგზაურო დაზღვევის ხარჯები.

დამატებითი ინფორმაცია:

 ფაკულტეტის აკადემიურ პერსონალს, რომელიც ამავე დროს იკავებენ ადმინისტრაციულ თანამდებობას განაცხადის გაკეთება შეუძლიათ მიმდინარე კონკურსებიდან: ,,აკადემიური პერსონალისთვის ევროკომისიის მიერ დაფინანსებული ერაზმუს+ პროგრამის მოკლევადიანი სტიპენდია’’  და  ,,ადმინისტრაციული პერსონალისთვის ევროკომისიის მიერ დაფინანსებული ერაზმუს+ პროგრამის მოკლევადიანი სტიპენდია’’  მხოლოდ ერთში;

 დაგვიანებული განცხადებები არ მიიღება;

 შესაძლოა, შეიცვალოს უნივერსიტეტების ჩამონათვალი, შესაბამისად, პერიოდულად შეამოწმეთ აღნიშნული განცხადება თსუ ვებ-გვერდზე;

 მიმდინარე კონკურსის საფუძველზე შესაძლებელია მხოლოდ 1 სტიპენდიის მოპოვება;

 დამატებითი კითხვების არსებობის შემთხვევაში დაუკავშირდით საგარეო ურთიერთობათა დეპარტამენტს შემდეგი ელ-ფოსტის საშუალებით: outgoingmobility@tsu.ge;

 გასაუბრებები იგეგმება ა/წ 18 დეკემბერს;  

 გასაუბრებების თარიღი და დრო ინდივიდუალურად გაეგზავნება ყველა აპლიკანტს განაცხადში მითითებული ელ-ფოსტის საშუალებით;

 გასაუბრების პერიოდში, საქართველოში არ ყოფნის შემთხვევაში, ინტერვიუს სკაიპით დაგეგმვის მსურველებმა უნდა მოგვწერონ ა/წ 17 დეკემბრის 11 საათამდე outgoingmobility@tsu.ge-ზე და მიუთითონ სკაიპით საკონტაქტო დეტალები.