პირველსემესტრელ სტუდენტთათვის ხელშეკრულების გაფორმებამდე სავალდებულოა
ანკეტის ელექტრონული ვერსიის შევსება (
ანკეტა გააქტიურდება 3 სექტემბერს).
2018 – 2019 სასწავლო წლის შემოდგომის სემესტრის რეგისტრაციის ვადები:
•ადმინისტრაციული რეგისტრაცია (სწავლის საფასურის გადახდა) და ხელშეკრულების გაფორმება -
3 - 11 სექტემბერი;
•აკადემიური რეგისტრაცია (სასწავლო კურსების არჩევა) -
12 - 17 სექტემბერი -
(არ ეხება იურიდიული ფაკულტეტის პირველსემესტრელ სტუდენტებს);
არასრულწლოვანი სტუდენტობის კანდიდატის ნაცვლად, თსუ-სთან ხელშეკრულების გაფორმებაზე უფლებამოსილია მისი მშობელი, სტუდენტობის კანდიდატის დაბადების მოწმობის ნოტარიულად დამოწმებული ასლისა და მშობლის პირადობის მოწმობის ასლის წარმოდგენის შემთხვევაში.
ერთიანი ეროვნული გამოცდების საფუძველზე ჩარიცხული სტუდენტების პირადი საქმის გახსნისთვის წარსადგენი დოკუმენტაციის ნუსხა:
(
რექტორის ბრძანება N191/01-01, 15.08.2018)
•სრული ზოგადი განათლების დამადასტურებელი დოკუმენტის ნოტარიულად დამოწმებული ასლი;
•პირადობის დამადასტურებელი მოწმობის/პასპორტის ასლი (დედნის წარმოდგენით);
•ორი ცალი ფოტოსურათი (3X4), ელექტრონული ვერსია CD-ზე;
•სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისათვის);
•უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში).
პირველსემესტრელთა მიერ ადმინისტრაციული რეგისტრაციის გავლა:
პირველი სემესტრის სტუდენტმა სწავლის სემესტრული საფასური უნდა გადაიხადოს სრულად (
ბრძ.№02/01-01, 24.01.2012), ადმინისტრაციული რეგისტრაციისათვის დადგენილ ვადებში (
3 - 11 სექტემბერი).
სტუდენტმა, რომელსაც არ აქვს მოპოვებული სასწავლო გრანტი, უნდა გადაიხადოს სასწავლო წლის სრული საფასურის ნახევარი 1125 ლარი, 70%-იანი გრანტის შემთხვევაში -337.50 ლარი, ხოლო 50%-იანი გრანტის შემთხვევაში - 562.50 ლარი.
სწავლის სემესტრული საფასურის გადაუხდელობა სტუდენტის სტატუსის შეჩერების საფუძველია.
ადმინისტრაციულ რეგისტრაციის გავლისა და ხელშეკრულების გაფორმების შემდეგ, შეძლებთ სასწავლო კურსების არჩევას (აკადემიური რეგისტრაციის გავლას). აკადემიური რეგისტრაცის ვადაა
12 – 17 სექტემბერი -
(არ ეხება იურიდიული ფაკულტეტის პირველსემესტრელ სტუდენტებს).
2018-2019 სასწავლო წლის სასწავლო პროცესის ვადები (
ბრძანება №158/01-01, 02.07.2018)
პირველსემესტრელ სტუდენტთა რეგისტრაცია ხორციელდება შესაბამის ფაკულტეტზე (საკონტაქტო ინფორმაცია):
1.
ზუსტ და საბუნებისმეტყველო მეცნიერებათა ფაკულტეტი - მის.: ქ. თბილისი, უნივერსიტეტის ქ. №13, თსუ XI (ბიოლოგების) კორპუსი. ტელ.: (+995 32) 2 30 40 19, 2 30 36 92.
2.
ჰუმანიტარულ მეცნიერებათა ფაკულტეტი - მის.: ქ. თბილისი, ი. ჭავჭავაძის გამზ. №1, თსუ, I კორპუსი, II სართული, ოთახი №212, ტელ.: (+995 32) 2 222108.
3.
სოციალურ და პოლიტიკურ მეცნიერებათა ფაკულტეტი - მის.: ქ. თბილისი, ი. ჭავჭავაძის გამზ. №8, თსუ, VI კორპუსი, ოთახი №201. ტელ.: (+995 32) 2 290852.
4.
ეკონომიკისა და ბიზნესის ფაკულტეტი - მის.: ქ. თბილისი, უნივერსიტეტის ქ. №2, მაღლივი კორპუსი, ოთახი N108 (რესურსცენტრი 3), ტელ.: (+995 32) 2 303671, 2 30 01 34.
(ტურიზმის სკოლა, ვაჟა-ფშაველას გამზირი №44, მე-2 სართული, ოთახი №202, ტელ.: (+995 32) 2 391875).
5.
იურიდიული ფაკულტეტი - მის.: თბილისი, ი.ჭავჭავაძის გამზ. № 1, თსუ, I კორპუსი, ბიბლიოთეკა; ტელ.: (+995 32) 2 25 04 84.
6.
მედიცინის ფაკულტეტი - მის.: ქ. თბილისი, ბელიაშვილის №78, ა. ნათიშვილის სახელობის მორფოლოგიის ინსტიტუტი, მე- 3 სართული, ოთახი N329. ტელ.: (+995 32) 2 91 31 25
7.
ფსიქოლოგიისა და განათლების მეცნიერებათა ფაკულტეტი - მის.: ქ. თბილისი, ი. ჭავჭავაძის გამზ. №11, თსუ, III კორპუსი, ოთახი №206, ტელ.: 2 224469.
8.
ქართულ ენაში მომზადების საგანმანათლებლო პროგრამა - მის.: ქ.თბილისი, ქეთევან წამებულის გამზირი N55, ოთახი 205, ტელ.: (+995 32) 2 748532.
