ლაიდენის უნივერსიტეტის სტიპენდია თსუ მაგისტრატურის სტუდენტებისათვის

ცხადდება კონკურსი თსუ ჰუმანიტარულ მეცნიერებათა ფაკულტეტის და ევროპული კვლევების ინსტიტუტის მაგისტრატურის პირველი სემესტრის სტუდენტებისთვის 2018/2019 აკადემიური წლისათვის ლაიდენის უნივერსიტეტის (ჰოლანდია) ჰუმანიტარულ მეცნიერებათა ფაკულტეტის მიერ გამოყოფილი სამაგისტრო სტიპენდიის მოსაპოვებლად.

კონკურსზე სტუდენტის დაშვების წინაპირობაა:
– GPA  3,2–4.0 (ბაკალავრიატის მონაცემი);
–ინგლისური ენის ცოდნის დამადასტურებელი საერთაშორისო სერთიფიკატი – IELTS 6.5.

კონკურსში მონაწილეობის მსურველმა სტუდენტმა ქვემოთ ჩამოთვლილი სააპლიკაციო დოკუმენტები (pdf ფორმატით) უნდა გამოგზავნონ შემდეგ ელექტრონულ მისამართზე:exchange@tsu.ge (ელ-ფოსტის სათაურში მიუთითეთ: ლაიდენის უნივერსიტეტი, თითეული დოკუმენტი უნდა იყოს შესაბამისად დასათაურებული).
 

–ბაკალავრის დიპლომის ასლი;
–CV (ინგლისურ ენაზე, Euro pass-ის ფორმატით);
–მოტივაციის წერილი (ინგლისურ ენაზე);
–ცნობა მაგისტრატურაში სწავლის შესახებ (ინგლისურ ენაზე);
–ინგლისური ენის ცოდნის დამადასტურებელი  სერტიფიკატი.

დოკუმენტების წარდგენის ბოლო ვადაა: 2017 წლის 11 დეკემბერი 17:00 საათი.

ლაიდენის უნივერსიტეტის ჰუმანიტარულ მეცნიერებათა ფაკულტეტის მიერ შემოთავაზებული სამაგისტრო პროგრამების გასაცნობად ეწვიეთ ვებგვერდს.

დამატებითი ინფორმაციის მისაღებად დაუკავშირდით თსუ საგარეო ურთიერთობის დეპარტამენტს შემდეგი ელ.ფოსტის მეშვეობით:lela.katsadze@tsu.ge 

შენიშვნა: დაგვიანებული ან/და არასრული აპლიკაციები არ განიხილება!