2012-01-19
XIII ყოველწლიური საერთაშორისო კონფერენცია: "შეერთებული შტატები და საქართველო: გუშინ, დღეს, ხვალ".
ივანე ჯავახიშვილის თბილისის სახელმწიფო უნივერსიტეტის ჰუმანიტარული ფაკულტეტის ამერიკის შესწავლის ინსტიტუტი 2012 წლის 17-19 მაისს ატარებს ამერიკისმცოდნეობის მეცამეტე ყოველწლიურ საერთაშორისო კონფერენციას "შეერთებული შტატები და საქართველო: გუშინ, დღეს, ხვალ".
კონფერენცია ეძღვნება საქართველოს და ამერიკის შეერთებულ შტატებს შორის დიპლომატიური ურთიერთობის დამყარების 20 წლისთავს.
კონფერენციის მიზანი:
• ქართულ-ამერიკული ურთიერთობების შესწავლის განვითარება
• ცოდნის გავრცელება ამერიკის ისტორიის, სოციალური და პოლიტიკური ინსტიტუტების, საშინაო და საგარეო პოლიტიკის, კულტურის, ფილოსოფიის, ადათ-ჩვევების, ღირებულებების შესახებ.
• საქართველოს სხვადასხვა უნივერსიტეტში ამერიკის პრობლემატიკით დაინტერესებული პროფესორებისა და სტუდენტების შეკრება და მათი სამეცნიერო მუშაობის სტიმულირება.
• ქართველ ამერიკისმცოდნეთა მუშაობის კოორდინირება და მათი კონტაქტების გაღრმავება უცხოელ, უპირველესად, ამერიკელ კოლეგებთან.
კონფერენცია მიძღვნილია აშშ-საქართველოს ურთიერთობის 20 წლისთავისადმი. გარდა კონფერენციის მთავარი საკითხისა, წარსადგენი მოხსენებების თემატიკა ძალიან ფართოა: ისტორია, პოლიტიკა, განათლება, რელიგია, ლიტერატურა, ხელოვნება, ფილოსოფია, მასმედია, სამართალი, ეკონომიკა, სოციალური და ქალთა საკითხები და ა.შ.
განსაკუთრებით მივესალმებით ყველა სფეროში ამერიკა-საქართველოს ურთიერთობის საკითხებზე წარმოდგენილ მოხსენებებს და შედარებითი კვლევის შედეგებს.
კონფერენციის გახსნა: 2012 წლის 17 მაისი, 11:00.
მისამართი : დარბაზი # 115, ივანე ჯავახიშვილის თბილისის სახელმწიფო უნივერსიტეტის I კორპუსი, ი. ჭავჭავაძის გამზ. 1,
სამუშაო ენა: ქართული და ინგლისური
კონფერენციაში მონაწილეობის მსურველებმა უნდა წარმოადგინონ:
• მოხსენების სათაური, მომხსენებლის სახელი და გვარი, ტელეფონის ნომერი, ელექტრონული ფოსტის მისამართი
• რეზიუმე (მაქსიმუმ 300 სიტყვა, ქართულად და ინგლისურად)
• ხელმძღვანელის რეკომენდაცია (მხოლოდ სტუდენტებისათვის)
გთხოვთ მიუთითოთ მოხსენებისათვის საჭირო ტექნიკა.
კონფერენციაზე წარსადგენი ყველა მასალა, როგორც მიბმული დოკუმენტი (დანართი), უნდა გაიგზავნოს შემდეგ მისამართზე: geoamstud@yahoo.com არაუგვიანეს 2012 წლის 23 აპრილისა.
კონფერენციაზე წარსადგენ მოხსენებებს შეარჩევს საორგანიზაციო კომიტეტი.
მისამართი: ოთახი 165, თსუ ამერიკის შესწავლის ინსტიტუტი, ივანე ჯავახიშვილის თბილისის სახელმწიფო უნივერსიტეტის II კორპუსი ი. ჭავჭავაძის გამზ. 3.
ტელ : 225-06-78
« იხ. ყველა სიახლე