კონფერენცია „ეთნიკური და რელიგიურ-კონფესიური ურთიერთობანი საქართველოში: ისტორია და თანამედროვეობა“

1 ივნისს, 10.00 საათზე ივანე ჯავახიშვილის სახელობის თბილისის სახელმწიფო უნივერსიტეტში რეგიონული სამეცნიერო კონფერენცია „ეთნიკური და რელიგიურ-კონფესიური ურთიერთობანი საქართველოში: ისტორია და თანამედროვეობა“ გაიმართება. ღონისძიების ორგანიზატორია თსუ ეთნოლოგიის სასწავლო-სამეცნიერო ინსტიტუტი.
კონფრენციაზე გამომსვლელები წაიკითხავენ მოხსენებებს სხვადასხვა თემებზე. მათ შორის: „ეთნიკური და რელიგიური ურთიერთობები საქართველოში“, „რელიგიისა და პოლიტიკის მიმართება (თანამედროვე საქართველოში მიმდინარე პროცესების მაგალითზე)“, „თანამედროვე აფხაზეთის ეთნო-დემოგრაფიული იერსახე უძველესი დროიდან დღემდე“, „ქართველთა ეთნიკური იდენტობისა და რელიგიის ურთიერთმიმართების საკითხები (წარსული და თანამედროვეობა)“ და სხვა.
კონფერენციის ბოლოს გაიმართება დისკუსია.

მისამართი: ი. ჭავჭავაძის გამზ. 1, თსუ პირველი კორპუსი, 206-ე აუდიტორია