სამეცნიერო ჟურნალი ,,საქართველოს გეოგრაფია” აცხადებს სტატიების მიღებას

ივანე ჯავახიშვილის სახელობის თბილისის სახელმწიფო უნივერსიტეტის ზუსტი და საბუნებისმეტყველო ფაკულტეტის გეოგრაფიის დეპარტამენტის სამეცნიერო ჟურნალი ,,საქართველოს გეოგრაფია” აცხადებს სტატიების მიღებას შემდეგ მიმართულებებში:

- ფიზიკური გეოგრაფია;
- ლანდშაფტმცოდნეობა;
- ლანდშაფტური დაგეგმარება;
- რეგიონული გეოგრაფია;
- სოციალური გეოგრაფია;
- ეკონომიკური გეოგრაფია;
- აგრარული მეცნიერებები;
- პოლიტიკური გეოგრაფია;
- საერთაშორისო ურთიერთობები;
- მოსახლეობის გეოგრაფია;
- რეკრეაცია და ტურიზმი;
- გეოგრაფიული ეკოლოგია;
- ბუნებათსარგებლობის გეოგრაფია;
- ისტორიული გეოგრაფია;
- ქვეყანათმცოდნეობა.

სტატიის გასაფორმებლად საჭირო მოთხოვნები:
სტატია წარმოდგენილი უნდა იყოს A-4 ფორმატზე, Microsoft Word-ში.
სტატიის მოცულობა არაუმეტეს 10 გვერდისა (ძირითადი ტერმინები, სტატია, ინგლისური რეზიუმე – მაქსიმუმ 200 სიტყვა, ცხრილები, ნახაზები და გამოყენებული ლიტერატურა).

სტატიები მიიღება: ქართულ ენაზე.

არეები: ზედა – 2 სმ; ქვედა – 2 სმ; მარცხენა – 2.5 სმ; მარჯვენა – 2 სმ.

სტატიის სათაურის შრიფტის ზომა – 12, მუქი. ავტორის ან ავტორთა გვარი და ინიციალები სათაურიდან ერთი სტრიქონის გამოტოვებით შრიფტის ზომა – 11, ორგანიზაციის დასახელება – შრიფტი 11, დახრილი (თუ ავტორები სხვადასხვა ორგანიზაციებიდან არიან, გამოიყენეთ აღნიშვნა – ვარსკვლავი -* საჭირო რაოდენობით), ელ-ფოსტა. სტატიის ძირითადი ტექსტი – ქართული AcadNusx, შრიფტის ზომა – 11, სტრიქონებს შორის ინტერვალი – 1.15, აბზაცი 1 სმ. ინგლისური რეზიუმესთვის შრიფტი  Times New Roman.

ლიტერატურა – ტექსტში დამოწმებული უნდა იყოს მრგვალ ფრჩხილებში (ავტორის გვარი, წელი). სტატიის ბოლოს ლიტერატურის ჩამონათვალში უნდა მიეთითოს ავტორის გვარი, სახელი, გამოცემის წელი. ლიტერატურა ლაგდება ანბანის მიხედვით.

დამატებითი ინფორმაციისთვის მოგვმართეთ:
გიორგი მელაძე (პასუხისმგებელი მდივანი).
ელ-ფოსტა meladzeg@gmail.com 
მობ.: 593 20 60 12