საჯარო ლექციათა ციკლი "ბალკანური დემოკრატია და ევროპული ინტეგრაცია"

2-6 აპრილს ივანე ჯავახიშვილის სახელობის თბილისის სახელმწიფო უნივერსიტეტის ევროპული კვლევების ინსტიტუტი გამართავს საჯარო ლექციათა ციკლს, რომელსაც გაუძღვება დოქტორი ადრიანო რემიდდი.

დოქტ. ადრიანო რემიდდი ბოლონიის უნივერსიტეტის (იტალია) ცენტრალურ-აღმოსავლეთ და ბალკანური ევროპული ინსტიტუტის მკვლევარ-ასისტენტია, სამხრეთ-აღმოსავლეთ ევროპაში (ბოლონიის უნივერსიტეტი, სარაევოს უნივერსიტეტი) ადამიანის უფლებებსა და დემოკრატიზაციაში რეგიონალური სამაგისტრო პროგრამის სასწავლო განყოფილების კოორდინატორი. 2014/15 წლიდან ხელმძღვანელობს ცენტრალური ევროპის საინიციატივო საერთაშორისო საზაფხულო სკოლას (21-ე, 22-ე და 23-ე გამოშვება). მანამდე იყო კონსტიტუციონალური სწავლებისა და დემოკრატიის განვითარების ცენტრის დირექტორის ასისტენტი ჯოჰნ ჰოპკინის უნივერსიტეტში. დოქტ. რემიდდის სამეცნიერო  ნაშრომები გამოქვეყნებულია „Balkan Social Science Review“-სა და „PECOB/University of Bologna”-ში,  ასევე ანალიზი აქვს ჩატარებული “LIMES-Italian Review of Geopolitics”-თვის (რომი). დოქტ. რემიდდი არის ცენტრალურ-აღმოსავლეთ და სამხრეთ-აღმოსავლეთ ევროპაში პოსტ-სოციალური ტრანზიციისა და  ევროპული ინტეგრაციის, რეგიონალური თანამშრომლობის, ადამიანის უფლებებისა და დემოკრატიზაციის, მიგრაციისა და დიასპორის საკითხების სწავლების სპეციალისტი. 

საჯარო ლექციის თემა: ბალკანური დემოკრატია და ევროპული ინტეგრაცია
შეხვედრის დრო: 2-6 აპრილი, 2018 წ., 19:00 საათი
შეხვედრის ადგილი: თსუ ევროპული კვლევების ინსტიტუტი (თსუ-ის II კორპ., IV სართული, აუდიტორია 406)
სამუშაო ენა: ინგლისური

მონაწილეობის მსურველებმა, გთხოვთ, თქვენი სახელი და გვარი მოგვწეროთ შემდეგ ელექტრონულ მისამართზე: info.ies@tsu.ge. გთხოვ, სათაურის ველში მიუთითოთ „საჯარო ლექცია“.