ჰუმანიტარულ მეცნიერებათა ფაკულტეტზე სრულ და ასისტენტ პროფესორთა აკადემიური თანამდებობების დასაკავებლად კონკურსის გამოცხადების შესახებ

"უმაღლესი განათლების შესახებ" საქართველოს კანონის 22-ე მუხლის, 34-ე მუხლის 1-ლი და მე-2 ნაწილების, 35-ე მუხლის 1-ლი პუნქტის, საქართველოს განათლებისა და მეცნიერების მინისტრის 2008 წლის 29 მაისის №490 ბრძანებით დამტკიცებული "საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების" 16-ე მუხლის მე-2 პუნქტის, "ივანე ჯავახიშვილის სახელობის თბილისის სახელმწიფო უნივერსიტეტში სრული, ასოცირებული და ასისტენტ-პროფესორის აკადემიური თანამდებობის დაკავების წესის შესახებ" აკადემიური საბჭოს 2008 წლის 28 მაისის №91 დადგენილებისა და წარმომადგენლობითი საბჭოს 2008 წლის 30 მაისის №13 სხდომის გადაწყვეტილების, "ივანე ჯავახიშვილის სახელობის თბილისის სახელმწიფო უნივერსიტეტში სრული, ასოცირებული და ასისტენტ პროფესორის აკადემიური თანამდებობის დაკავების წესის შესახებ" აკადემიური საბჭოს 91-ე დადგენილებაში ცვლილებისა და დამატების შეტანის შესახებ" ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2010 წლის 18 იანვრის №1 დადგენილებისა და წარმომადგენლობითი საბჭოს 2010 წლის 26 მარტის №24 სხდომის გადაწყვეტილების, ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის საშტატო განრიგისა და სახელფასო ფონდის დამტკიცების შესახებ ადმინისტრაციის ხელმძღვანელის მოვალეობის შემსრულებლის 2010 წლის 31 მაისის № 107/02-01 ბრძანების საფუძველზე


1. გამოცხადდეს კონკურსი ივანე ჯავახიშვილის სახელობის თბილისის სახელმწიფო  უნივერსიტეტის  ჰუმანიტარულ  მეცნიერებათა  ფაკულტეტის
სრულ და ასისტენტ პროფესორთა ვაკანტური თანამდებობების დასაკავებლად;
2. სრულ პროფესორად 3 სამი წლის ვადით შეიძლება არჩეულ იქნეს დოქტორის აკადემიური ხარისხის მქონე პირი. სრული პროფესორის თანამდებობის დასაკავებლად საჭიროა არანაკლებ 6 წლის პედაგოგიური და სამეცნიერო მოღვაწეობის გამოცდილება.
3. ასისტენტ    პროფესორის თანამდებობაზე 2 წლის ვადით შეიძლება არჩეულ
იქნეს დოქტორის აკადემიური ხარისხის მქონე პირი ან დოქტორანტურის
სტუდენტი;
4. კონკურსი ცხადდება სრული პროფესორის 2 საშტატო და ასისტენტ პროფესორის 31 საშტატო ერთეულზე, მათ შორის:
     
      მიმართულება/ქვემიმართულება
      აღმოსავლეთმცოდნეობა
      არაბისტიკა
        არაბული ფილოლოგია – 2 ასისტენტ პროფესორი;
      თურქოლოგია
        თურქული ფილოლოგია – 3 ასისტენტ პროფესორი;
        თურქეთის ისტორია _ 1 სრული პროფესორი, 1 ასისტენტ პროფესორი;
      ასირიოლოგია _ 1 ასისტენტ პროფესორი;
        დასავლეთ ევროპული ფილოლოგია
      ინგლისური ფილოლოგია
        ინგლისური ენა _ 2 ასისტენტ პროფესორი;
      გერმანული ფილოლოგია
        გერმანული ენა _  1 ასისტენტ პროფესორი;
      ფრანგული ფილოლოგია
        ფრანგული ლიტერატურა _  1 ასისტენტ პროფესორი;
      ესპანური ფილოლოგია
        ესპანური ენა და ლიტერატურა _  1 ასისტენტ პროფესორი;
      კავკასიოლოგია
        კავკასიური ენები _ 1 ასისტენტ პროფესორი;
      სახვითი ხელოვნება _ 1 ასისტენტ პროფესორი;
      კინო-ტელე ხელოვნება _ 1 ასისტენტ პროფესორი;
      ფილოსოფია
        თეორიული ფილოსოფია _ 1 ასისტენტ პროფესორი;
      კულტურის მეცნიერებები _ 1 ასისტენტ პროფესორი;
      ქართული ფილოლოგია
        ახალი ქართული ლიტერატურა _ 1 ასისტენტ პროფესორი;
      ფოლკლორისტიკა _ 1 ასისტენტ პროფესორი;
      ისტორია
      საქართველოს ისტორია _ 5 ასისტენტ პროფესორი;
        შუა საუკუნეების ისტორია _ 2 ასისტენტ პროფესორი;
        ახალი და უახლესი ისტორია _ 2 ასისტენტ პროფესორი;
      არქეოლოგია _ 1 სრული პროფესორი;
      ამერიკისმცოდნეობა _ 1 ასისტენტ პროფესორი;
      ლიტერატურული ურთიერთობანი და თარგმანმცოდნეობა _ 1   
      ასისტენტ პროფესორი;
      განათლების მეცნიერებები - 1 ასისტენტ პროფესორი;
5. კონკურსი გამოცხადდეს 2010 წლის 25 ივნისს, დოკუმენტაციის წარმოდგენის  ვადა განისაზღვროს 2010 წლის  26  ივლისიდან  2010 წლის 9 აგვისტოს  ჩათვლით. კონკურსი ტარდება საბუთების მიღების დასრულებიდან არანაკლებ 1 და არაუგვიანეს 2 თვის ვადაში;
6. სრული პროფესორის თანამდებობრივი სარგო შეადგენს თვეში 900 (ცხრაასი) ლარს, ასისტენტ პროფესორის თანამდებობრივი სარგო შეადგენს თვეში  540 (ხუთასორმოცი) ლარს.
7. სრული პროფესორის თანამდებობაზე ასარჩევი კანდიდატი ვალდებულია წარმოადგინოს:
ა) განცხადება საკონკურსო კომისიის სახელზე;
ბ) პირადობის მოწმობის ასლი;
გ) ავტობიოგრაფია (cv);
დ)    შესაბამისი აკადემიური ხარისხის დამადასტურებელი  დოკუმენტის (დოკუმენტები) ასლი;
ე) სალექციო კურსების ჩამონათვალი _ სილაბუსებით;
ვ) სამეცნიერო კვლევების კონცეფცია;
ზ) ბოლო 5 წლის განმავლობაში შესრულებული ერთი სამეცნიერო ნაშრომი, რომელიც ყველაზე უკეთ წარმოაჩენს კონკურსანტის კვლევით პოტენციალს;
თ) სრული პროფესორის აკადემიური თანამდებობის დასაკავებლად არანაკლებ 6 წლის პედაგოგიური და სამეცნიერო მოღვაწეობის გამოცდილების დამადასტურებელი დოკუმენტი;
8.  ასისტენტ-პროფესორის თანამდებობაზე ასარჩევი კანდიდატი ვალდებულია წარმოადგინოს:
ა) განცხადება საკონკურსო კომისიის სახელზე;
ბ) პირადობის მოწმობის ასლი;
გ) ავტობიოგრაფია (CV);
დ) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი ან დოქტორანტურაში სწავლის დამადასტურებელი
დოკუმენტის ასლი;
ე) სამოტივაციო წერილი.
9. საკონკურსო დოკუმენტების მიღება იწარმოებს 2010 წლის 26 ივლისიდან   2010 წლის 9 აგვისტოს ჩათვლით. თსუ-ს ჰუმანიტარულ მეცნიერებათა ფაკულტეტზე, თბილისი ი. ჭავჭავაძის გამზ. №36  (V კორპუსი) მე-2 სართული, ოთახი №220;
10. ბრძანება გამოქვეყნდეს გაზეთ "თბილისის უნივერსიტეტში" და განთავსდეს თსუ-ს ოფიციალურ ვებ-გვერდზე
11. ბრძანება ძალაშია ხელმოწერისთანავე.

საფუძველი: ჰუმანიტარულ მეცნიერებათა ფაკულტეტის  დეკანის წარდგინება №15445/02, 25.06.2010წ; №15457/02 25.06.2010წ.


    







რექტორი, პროფესორი                                            გ. ხუბუა