ივანე ჯავახიშვილის სახელობის თბილისის სახელმწიფო უნივერსიტეტის საზოგადოებასთან ურთიერთობის დეპარტამენტის მთავარი სპეციალისტის მოვალეობის შემსრულებელ ნინო ბერელიძესთან და სპეციალისტის მოვალეობის შემსრულებელ თამთა მელელაშვილთან შრომითი ურთიერთობის შეწყვეტის შესახებ

საქართველოს შრომის კოდექსის 37-ე მუხლის 1-ლი ნაწილის ,,დ” პუნქტის, 38-ე მუხლის მე-3 პუნქტის "უმაღლესი განათლების შესახებ" საქართველოს კანონის 23-ე და 24-ე მუხლების, საქართველოს განათლებისა და მეცნიერების მინისტრის 2008 წლის 29 მაისის #490 ბრძანებით დამტკიცებული "საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების" 25-ე მუხლის 1-ლი პუნქტის "ზ" ქვეპუნქტის, საფუძველზე

ვ ბ რ ძ ა ნ ე ბ:

1. შეუწყდეთ შრომითი ურთიერთობა 2009 წლის 22 ივნისიდან საზოგადოებასთან ურთიერთობის დეპარტამენტის მთავარი სპეციალისტის მოვალეობის შემსრულებელს ნინო ბერელიძეს და სპეციალისტის მოვალეობის შემსრულებელს თამთა მელელაშვილს;
2. დაევალოს ნინო ბერელიძეს ბრძანების ოფიციალური წესით გაცნობიდან ორი კვირის ვადაში უზრუნველყოს მისი პასუხისმგებლობის ქვეშ რიცხული ქონების გადაბარება კანონით დადგენილი წესით;
3. დაევალოს საფინანსო დეპარტამენტს (ი. საღარეიშვილი) მოქმედი კანონმდებლობის შესაბამისად უზრუნველყოს გათავისუფლებულ თანამშრომლებზე ერთი თვის შრომის ანაზღაურების გაცემა;
4. დაევალოს კანცელარიას (ნ. ოვსიანიკოვა) ბრძანების დაინტერესებული პირებისათვის (ნ. ბერელიძე, თ მელელაშვილი) გადაცემა დადგენილი წესით.
5. ბრძანება შეიძლება გასაჩივრდეს მისი ოფიციალური წესით გაცნობიდან ერთი თვის ვადაში თბილისის საქალაქო სასამართლოში (მის: ქ. თბილისი, დ. აღმაშენებლის მე-12 კმ. #6).
6. კონტროლს ბრძანების შესრულებაზე განვახორციელებ პირადად;
7. ბრძანება ძალაშია ხელმოწერისთანავე.
საფუძველი: საკონკურსო კომისიის წარდგინება # 10908/02; 10.06.2009წ.

ადმინისტრაციის ხელმძღვანელის
მოვალეობის შემსრულებელი
რ. ხარბედია

« უკან დაბრუნება