ივანე ჯავახიშვილის სახელობის თბილისის სახელმწიფო უნივერსიტეტში ადმინისტრატორების შესარჩევად კონკურსის გამოცხადების შესახებ

1. გამოცხადდეს კონკურსი ივანე ჯავახიშვილის სახელობის თბილისის სახელმწიფო უნივერსიტეტში ადმინისტრატორების შესარჩევად ( I, II, III, IV, V, VI, VIII, X, XI სასწავლო კორპუსები,  საუნივერსიტეტო ბიბლიოთეკა, მაღალი ენერგიების ფიზიკის სამეცნიერო-კვლევითი ინსტიტუტი, ი. ვეკუას სახელობის გამოყენებითი მათემატიკის სამეცნიერო-კვლევითი ინსტიტუტი, ტაბახმელის სასწავლო-საკონფერენციო ცენტრი, ბაგების სტუდქალაქის I, II და III კორპუსები).
2. კონკურსანტს მოეთხოვება შემდეგი საბუთების წარმოდგენა:
   ა)    განცხადება თსუ ადმინისტრაციის ხელმძღვანელის სახელზე;
   ბ)    ავტობიოგრაფია (CV)
   გ) პირადობის მოწმობის ასლი;
   დ) დიპლომის ასლი;
   ე) პროფესიული განვითარების დამადასტურებელი სერთიფიკატები/ასლები   (ასეთის არსებობის შემთხვევაში);
   ვ) ცნობა შრომითი საქმიანობის შესახებ;
3. კონკურსის შედეგად შერჩეული პერსონალის შრომის ანაზღაურების ოდენობა,  შრომითი ხელშეკრულების ვადა  და სხვა პირობები აისახოს შრომით ხელშეკრულებებში;
4. შეიქმნას კომისია ადმინისტრატორების შესარჩევად და დამტკიცდეს კომისიის მუშაობის წესი;
5. საბუთების მიღება იწარმოებს თსუ II კორპუსში 2010 წლის 6 ივლისიდან 2010 წლის 23  ივლისის ჩათვლით, თბილისი ი. ჭავჭავაძის გამზ. №3 (II კორპუსი) 1-ლი სართული ოთახი №158.
6. კონკურსი ჩატარდება 2010 წლის 27 ივლისს თსუ II კორპუსში 14ºº სთ-ზე.
7. ბრძანება განთავსდეს თსუ-ს ოფიციალურ ვებ-გვერდზე;
8. ინფორმაცია კონკურსის შესახებ განთავსდეს www.jobs.ge-ზე და www.hr.com.ge-ზე.
9. ბრძანება ძალაშია ხელმოწერისთანავე.