სსიპ-ივანე ჯავახიშვილის სახელობის თბილისის სახელმწიფო უნივერსიტეტის საფინანსო დეპარტამენტის აღრიცხვა-ანგარიშგების განყოფილების სპეციალისტის (კვების ობიექტის ბუღალტერი) შესარჩევად კონკურსის გამოცხადების შესახებ

სსიპ-ივანე ჯავახიშვილის სახელობის თბილისის სახელმწიფო უნივერსიტეტის საფინანსო დეპარტამენტის აღრიცხვა-ანგარიშგების განყოფილების სპეციალისტის (კვების ობიექტის ბუღალტერი) შესარჩევად კონკურსის გამოცხადების შესახებ

    "უმაღლესი განათლების შესახებ" საქართველოს კანონის 23-ე მუხლის პირველი პუნქტის და 24-ე მუხლის პირველი პუნქტის "ზ" ქვეპუნქტის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე-16 მუხლის პირველი პუნქტის ,,ნ’’ და ,,პ” ქვეპუნქტების, ამავე მუხლის მე-2 პუნქტის, საფინანსო დეპარტამენტის უფროსის ი. საღარეიშვილის 2017 წლის 8 მაისის №6789/10 წერილის საფუძველზე 

ვ ბ რ ძ ა ნ ე ბ:

1. გამოცხადდეს კონკურსი სსიპ-ივანე ჯავახიშვილის სახელობის თბილისის სახელმწიფო უნივერსიტეტის საფინანსო დეპარტამენტის აღრიცხვა-ანგარიშგების განყოფილების სპეციალისტის (კვების ობიექტის ბუღალტერი) შესარჩევად.

2. აპლიკანტს მოეთხოვება:

ა) უმაღლესი განათლება ფინანსური აღრიცხვის ან ეკონომიკური       მიმართულებით;

ბ) კვების ობიექტის ბუღალტრის პოზიციაზე მუშაობის არანაკლებ ორწლიანი

გამოცდილება;

გ) საოფისე კომპიუტერული (MS Office) და ბუღალტრული პროგრამის (1C) 

ცოდნა;

დ) მარაგების და მატერიალური ფასეულობის ინვენტარიზაციის ჩატარების, 

ნაღდი და უნაღდო ოპერაციების, სალარო აპარატის მაჩვენებლების    შედარების,  ანგარიშგების შედგენის  ცოდნა;

 ე) ბუღალტრული აღრიცხვის და ფინანსური ანგარიშგების ორგანიზება მოქმედი კანონმდებლობის შესაბამისად; კონტროლი ფულადი სახსრებისა და მატერიალურ ფასეულობათა მიზნობრივი დანიშნულებით გამოყენებაზე; ეკონომიკური მოვლენების შესახებ პირველადი დოკუმენტების დროული გაფორმება; ხარჯთაღრიცხვისა და კალკულაციის შედგენის, შემოსავლებისა და ხარჯების ანალიზის, გამოყენებისათვის უვარგისი და ვადაგასული პროდუქტების ხარჯებში ჩამოწერისათვის შესაბამისი დოკუმენტაციის შედგენის ცოდნა; 

ვ) საქართველოს საგადასახადო კოდექსის გამოყენების უნარი;

3. კონკურსში მონაწილეობის მსურველ აპლიკანტებს მოეთხოვებათ შემდეგი საბუთების წარმოდგენა:

ა) CV ქართულ ენაზე (დოკუმენტის pdf ვერსია) ელქტრონულად;

ბ) უმაღლესი განათლების დამადასტურებელი დიპლომის ასლი;

გ) პირადობის მოწმობის ან პასპორტის სურათიანი გვერდის ასლი;

დ) სამუშაო გამოცდილების დამადასტურებელი დოკუმენტი;

ე) ჯანმრთელობის ცნობა. 

4. კონკურსში მონაწილეობის მსურველი აპლიკანტის შერჩევა განხორციელდეს სააპლიკაციო პაკეტის განხილვის საფუძველზე საკონკურსო კომისიის მიერ;

5. აპლიკანტები (ვის მიერ წარმოდგენილი საბუთებიც აკმაყოფილებს საკონკურსო მოთხოვნებს) წინასწარი შეტყობინების საფუძველზე შესარჩევ კომისიასთან გაივლიან ზეპირ გასაუბრებას (კონკრეტული თარიღი და დრო ეცნობებათ წინასწარ)  და გასაუბრების შედეგები აპლიკანტებს ეცნობებათ პირადად;

6. შერჩეული აპლიკანტის შრომის ანაზღაურების ოდენობა და სხვა პირობები განისაზღვროს შრომითი ხელშეკრულებით. 

7. სსიპ-ივანე ჯავახიშვილის სახელობის თბილისის სახელმწიფო უნივერსიტეტის საფინანსო დეპარტამენტის აღრიცხვა-ანგარიშგების განყოფილების სპეციალისტის (კვების ობიექტის ბუღალტერი)  შერჩევის მიზნით შეიქმნას კომისია  და დამტკიცდეს კომისიის მუშაობის წესი (დანართი №1).

8. საბუთები გადმოგზავნილი უნდა იქნეს 2017 წლის 18 მაისიდან 2017 წლის     25 მაისის 18 საათამდე, ელექტრონულ მისამართზე: vacancy@tsu.ge.  სათაურის ველში უნდა მიეთითოს "საფინანსო დეპარტამენტის აღრიცხვა-ანგარიშგების განყოფილების სპეციალისტი (კვების ობიექტის ბუღალტერი)." 

9. ბრძანება სსიპ-ივანე ჯავახიშვილის სახელობის თბილისის სახელმწიფო უნივერსიტეტის საფინანსო დეპარტამენტის აღრიცხვა-ანგარიშგების განყოფილების სპეციალისტის (კვების ობიექტის ბუღალტერი) შესარჩევად კონკურსის გამოცხადების შესახებ განთავსდეს უნივერსიტეტის ოფიციალურ ვებგვერდზე -  www.tsu.ge-ze და www.jobs.ge-ze;

10. ბრძანება ძალაშია გამოცემისთანავე.

   

ადმინისტრაციის ხელძღვანელი        ნ. ოვსიანიკოვა