სტუდენტური ფოტოკონკურსი – „UNIკადრი“

ივანე ჯავახიშვილის სახელობის თბილისის სახელმწიფო უნივერსიტეტი აცხადებს სტუდენტურ ფოტოკონკურსს სახელწოდებით - UNIკადრი.
გადაიღე უნივერსალური კადრი უნივერსიტეტის შესახებ, გახდი  ფოტოკუნკურსის გამარჯვებული და მოიგე პრიზები.
გამარჯვებულები გამოვლინდებიან სამ ნომინაციაში:

1. უნივერსიტეტელის საუკეთესო პორტრეტი;
2. უნივერსიტეტის ფასადის ან შენობის დეტალების საუკეთესო ფოტოკადრი;
3. სასწავლო პროცესისა და სტუდენტური ცხოვრების ამსახველი საუკეთესო კადრი;

მონაწილეობის მსურველებმა 26 იანვრის ჩათვლით ფოტოები გადმოაგზავნეთ საკონკურსო მისამართზე unikadri@tsu.ge

აუცილებელი მოთხოვნები:

• კონკურსში მონაწილეობის მიღება შეუძლიათ მოხლოდ თბილისის სახელმწიფო უნივერსიტეტის სტუდენტებს (სამივე საგანმანათლებლო საფეხური);
• დაიცავით კონკურსის თემატიკა (თბილისის სახელმწიფო უნივერსიტეტი);
• კონკრეტული ნომინაციისთვის მიიღება მხოლოდ ერთი ფოტო;
• კონკურსზე არ დაიშვება შარშანდელი, „UNIკადრი 2013“-ის ფარგლებში მიღებული ფოტოები;
• გამოაგზავნეთ მაღალი რეზოლუციის საავტორო ფოტო (კონკურსზე არ დაიშვება მობილურით გადაღებული ფოტოები, ასევე ფოტო, რომელსაც ექნება წარწერა ან რაიმე ნიშანი);
• ფოტონამუშევართან ერთად საკონკურსო ელ.ფოსტაზე უნდა გამოაგზავნოთ შევსებული ანკეტა. არასრულად შევსებული ანკეტა ან მხოლოდ ფოტო კონკურსზე არ დაიშვება.

კომპეტენტური ჟიური გამოავლენს 3 ნომინაციაში გამარჯვებულს, ფოტოკონკურსის საპრიზო ფონდი 600 ლარი და სხვა პრიზები გამარჯვებულ სამეულზე გადანაწილდება. კონკურსის საუკეთესო ფოტოები 2014 წლის 8 თებერვალს, თბილისის სახელმწიფო უნივერსიტეტის 96 წლის იუბილეზე გამოიფინება. ფოტოები ასევე გამოქვეყნდება კონკურსის ფეისბუქის გვერდზე: https://www.facebook.com/unikadri

დამატებითი ინფორმაციისთვის მოგვმართეთ: http://www.tsu.edu.ge
ტელ: 2 22 23 91

ფოტოკონკურსის ანკეტა