2012-09-10

სასწავლო პროცესის ნორმალიზაციისა და სტუდენტთა შეფასებაში ორგანიზაციული პრობლემების აღმოფხვრის მიზნით,

დ ე კ ა ნ ი ს ბ რ ძ ა ნ ე ბ ა
N#19/23_01 10. 09. 2012

ვ ბ რ ძ ა ნ ე ბ :

1.   იმ შემთხვევებში, როდესაც საგანმანათლებლო პროგრამით გათვალისწინებული ერთი და იგივე სასწავლო დისციპლინა იკითხება სხვადასხვა აკადემიური პერსონალის და/ან მოწვეული ლექტორების მიერ, უზრუნველყოფილი უნდა იქნას სტუდენტთა შეფასების ერთიანი მიდგომა, რომელიც ფიქსირდება სასწავლო დისციპლინის სილაბუსში;
2.   საგანმანათლებლო პროგრამით გათვალისწინებული სასწავლო დისციპლინის სწავლების ძირითადი და დამხმარე ლიტერატურა აღნიშნული სასწავლო დისციპლინის სილაბუსში უცვლელია. სილაბუსში ცვლილებების შეტანის წესი განსაზღვრულია თსუ (თსუ აკადემიური საბჭოს დადგენილება 47/2011
25 მაისი, 2011,   საბაკალავრო, სამაგისტრო და დიპლომირებული მედიკოსის/ სტომატოლოგის საგანმანათლებლო პროგრამების შემუშავების ინსტრუქცია და დამტკიცების პროცედურა, თავი 2) და საგანმანათლებლო პროგრამების აკრედიტაციის წესების მიხედვით;
3.   საგანმანათლებლო პროგრამით გათვალისწინებული სასწავლო დისციპლინის საგამოცდო საკითხებისა და საგამოცდო ბილეთების უნიფიცირების მიზნით, მ.წ. 1 ოქტომბრამდე კათედრის ხელმძღვანელებმა დაასახელონ ის აკადემიური ან მოწვეული პირი, რომელიც მოახდენს საგამოცდო საკითხების ან ბილეთების შედგენას და შემდგომ გადაგზავნას საგამოცდო ცენტრში, საგამოცდო ცხრილის გამოქვეყნებიდან არა უგვიანეს ორი კვირის ვადაში;
4.   ბრძანების პირველი და მეორე პუნქტებზე კონტროლი დაევალოს შესაბამისი კათედრების ხელმძღვანელებს;
5.   ბრძანების მესამე პუნქტით გათვალისწინებული აქტივობების შესრულებისათვის აუცილებელი საინფორმაციო-ნორმატიული მასალებით კათედრების უზრუნველყოფა და ბრძანების მესამე პუნქტის შესრულებაზე კონტროლი დაევალოს სასწავლო პროცესის მართვის სამსახურს;
6.   ბრძანების შესრულებაზე კონტროლი დაევალოს დეკანის მოადგილეს საგანმანათლებლო-სამეცნიერო საკითხებში;
7.   ბრძანება ძალაში შევიდეს ხელმოწერისთანავე.

ეკონომიკისა და ბიზნესის
ფაკულტეტის დეკანი, დოქტორი                            აკაკი ხელაძე

« იხ. ყველა სიახლე